வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

ஒரு கல்லூரிப் பேராசிரியரின் மனம் திறந்த மடல்! Print E-mail
Thursday, 26 June 2014 08:26

ஒரு காலம் இருந்தது! ஒரு முஸ்லிம் மாணவன் உயர்கல்வி படித்து அரசு வேலையில் அமர்வது என்பது ஆச்சர்யமும். அபூர்வமும் நிறைந்த செய்தியாக இருக்கும்!

அப்படி உயர்ந்த வேலை பார்ப்பதில் அக்குடும்பத்திற்கும். குடும்பம் சார்ந்தவர்களுக்கும் மகிழ்ச்சியாக இருக்கும்!

ஆனால் இன்று உங்களைப் போன்ற ஒரு முஸ்லிம் மாணவன் பள்ளிப்படிப்பை முடித்து உயர்கல்வியைத் தொடர்ந்து அரசு வேலைகளில் அமர்வது என்பது இஸ்லாமிய சமூகம் சார்ந்து பார்க்கப்படுகின்ற நிகழ்வு,

முஸ்லிமான ஒருவர் மருத்துவராகவோ. வக்கீலாகவே. பேராசிரியராகவோ. தாசில்தாரகவோ இருந்தால் அது ஒட்டுமொத்த முஸ்லிம்களுக்கும் கிடைக்கப்பெற்ற மகிழ்ச்சியான செய்தியாக பார்க்கிறோம்!

Indian Administrative Service(IAS), Indian Police Service(IPS), Indian Engineering Service(IES), Indian Foreign Service(IFS), National Eligibility Test(NET), State Eligibility Test(SET), Tamil Nadu Public Service Commission(TNPSC) போன்ற அரசு தேர்வுகளின் முடிவுகள் வெளிவரும் போது யாரேனும் ஒருவர் முஸ்லிமாக இருக்க மாட்டாரா என்று தேர்வு முடிவுகளின் பட்டியலை தேடுபவர்களும் நம்மில் உண்டு என்பதை மறந்து விடாதீர்கள்!

Read more...
 
கல்வி நல்லோர்களின் சொத்து Print E-mail
Tuesday, 13 August 2013 07:44

Image result for education

கல்வி நல்லோர்களின் சொத்து

     கீழை ஜஹாங்கீர் அரூஸி       

கல்வி செயலை கூவி அழைக்கிறது; அது பதில் தந்தால் நின்றுவிடுகிறது; இல்லையேல் துள்ளி ஓடி விடுகிறது. (நபிகள் நாயகம் ஸல்லல்லாஹு அலைஹி வஸல்லம் அவர்கள்)

கல்வி நபிமார்களின் சொத்தாக இருக்கிறது; ஆனால் பொருள் நிராகரிப்போர்(காஃபிர்கள்) ஃபிர் அவ்ன், காரூன் போன்றோருடைய சொத்தாயிருக்கிறது! (அபூபக்கர் சித்தீக் ரளியல்லாஹு அன்ஹு அவர்கள்)

கல்வி கற்க விரும்புவோருக்கு கல்வியை கற்றுக் கொடுப்பது வழிகாட்டியின் கரத்தில் வாளைக் கொடுப்பது போலாகும்! (உமர் ரளியல்லாஹு அன்ஹு அவர்கள்)

கல்விமான்கள் குறைந்த அளவிலிருந்தும் வறியவர்களாகவே வாழ்கின்றனர்; காரணம், முட்டாள்கள் அதிகமாயிருந்தும் கல்விமான்களின் மதிப்பை உணருவதில்லை"  (அலி ரளியல்லாஹு அன்ஹு அவர்கள்)

Read more...
 
கற்போர் கையில் கல்வி Print E-mail
Thursday, 06 June 2013 08:02

கற்போர் கையில் கல்வி

     ஏபீஎம் இத்ரீஸ்     

இன்று கற்போர் கையில் கல்வி இல்லை. ஒரு மாணவனுக்குப் பாடத்தைத் தெரிவு செய்யும் சுதந்திரம் இல்லை.

நேரசூசியைத் தெரிவு செய்யும் சுதந்திரம் இல்லை.

ஆசிரியரைத் தெரிவு செய்யும் சுதந்திரமில்லை. சீருடையைத் தெரிவு செய்யும் சுதந்திரமில்லை.

பாடசாலையைத் தெரிவு செய்வதற்கான சுதந்திரமில்லை.

மாணவ சங்கங்களை அமைப்பதற்கோ உரிமைகளைக் கேட்டுப் பெறுவதற்கோ அவனுக்குச் சுதந்திரமில்லை.

குறைந்தது காலைக்கடன்களை முடிப்பதற்கான சுதந்திரமில்லை.

தனது சொந்தக் கருத்தை பரிட்சையில் வெளிப்படுத்துவதற்கும் சுதந்திரமில்லை.

இப்படிக் கல்வித்துறை அதிகாரக் கட்டமைப்பை கொண்டிருக்கும் போது நல்ல சிந்தனையாளர்களை உருவாக்குவது எப்படி?

Read more...
 
கல்வியின் நம் பின்தங்கிய நிலையும், மீட்டெடுக்கும் வழிமுறைகளும் (1) Print E-mail
Monday, 04 March 2013 07:21

Image result for islamic education

கல்வியின் நம் பின்தங்கிய நிலையும், மீட்டெடுக்கும் வழிமுறைகளும் (1)

[ கல்விக்கான தேடலில் முஸ்லிம் சமூகம் சரியான திசையில் செல்கிறதா? என்ற தலைப்பில் இஸ்லாமியப் பெண்மணியும் -டீக்கடை ஃபேஸ்புக் குழுமமும் நடத்திய கட்டுரைப்போட்டியில் முதல் இடம் பெற்ற சகோதரர் ஆபிதீன் அவர்களின் கட்டுரை இது.]

(நபியே! யாவற்றையும்) படைத்த உமது இறைவனின் திருநாமத்தால் நீர் ஓதுவீராக! அவனே மனிதனை இரத்தக்கட்டியிலிருந்து படைத்தான். ஓதுவீராக! உமது இறைவன் மாபெரும் கொடையாளன் அவனே எழுதுகோலைக் கொண்டு கற்றுக்கொடுத்தான். மனிதனுக்கு அவன் அறியாததையெல்லாம் கற்றுக்கொடுத்தான்.(அல்குர்ஆன் 96:1:5)

இஸ்லாம் என்பது இன்றைக்கு உலகம் முழுவதும் பரவி பலகோடி மக்களின் இதயங்களில் நீக்கமற வாழுகின்ற வழிமுறையாக, வாழ்க்கை நெறியாக உள்ள ஓர் அற்புத மார்க்கம். அதே வேளையில், இந்த மார்க்கத்தை சரியாக புரிந்து கொள்ளாதவர்கள், வேண்டுமென்றே புனித இஸ்லாத்தைப்பற்றியும் அதன் உண்மைகளைப்பற்றியும் திரித்தும் சிதைத்தும் கூறிக்கொண்டும் இஸ்லாத்திற்கு இல்லாத முகங்களையும், நிறங்களையும் இருப்பதாகக் கூறிக்கொண்டும் அதன் புனிதத்தை குறைப்பதற்கான முயற்சியில் தொடர்ந்து ஈடுபட்டு வருகின்றனர்.

ஓரிரு நூற்றாண்டுகளாக இஸ்லாத்தை நோக்கி திட்டமிட்டு எறியப்படும் அம்புகளை எதிர்கொள்ளும் விவேகத்தையும் இஸ்லாமியர்கள் இழந்து வருவதும் கசப்பான உண்மை. காரணம்ஸ இஸ்லாமியர்கள், கல்வி ஞானத்தைப் புறக்கணித்தது.

''எனினும் அநியாயக்காரர்கள் கல்வி ஞானம் இல்லாமல் தன்மனோ இச்சைகளையே பின்பற்றுகிறார்கள்''. (அல்குர்ஆன் 30 : 29 )

Read more...
 
கல்வியின் நம் பின்தங்கிய நிலையும், மீட்டெடுக்கும் வழிமுறைகளும் (2) Print E-mail
Monday, 04 March 2013 07:42

Related image

இன்றைய தமிழக இஸ்லாமியரின் கல்வி விழிப்புணர்வு - ஒரு பார்வை

எந்த ஒரு சமுதாயமும் நல்வழியில் தன்னை மாற்றிக் கொள்ளாதவரை , அது மாறுவதற்கான சாத்தியம் இல்லை. (நபி மொழி)

கடந்த காலங்களில் தமிழகத்தில் பல்வேறு நிலைகளில் கல்வி விழிப்புணர்வு காணப்படுகிறது. கல்வியின் தேவை மற்றும் அவசரம் குறித்து கல்வியறிவு குறைந்த பெற்றோர்கள்கூட .ஆர்வத்துடன் ஆலேசித்துக் கொள்வது நம் கண்கூட கண்டு மகிழ முடிகிறது.

இந்த மாற்றத்திற்காக அடிப்படைக் காரணங்களில்...

i) முஸ்லிம் கல்வி நிறுவனர்களின் விழிப்புணர்வு :

(கல்வி ஞானத்தின் மூலமாக) யார் நேர் வழியின் பக்கம் அழைக்கின்றாரோ அவருக்கு அந்நேர்வழியை பின்பற்றக்கூடியவர்களின் நற்கூலிகளைப்போன்று கிடைக்கும். எனினும் அவர்களின் (பின்பற்றுபவர்களின்) நற்கூலிகளில் எதுவும் குறையாது. (நபிமொழி –முஸ்லீம்)

Read more...
 
கல்வியின் நம் பின்தங்கிய நிலையும், மீட்டெடுக்கும் வழிமுறைகளும் (3) Print E-mail
Monday, 04 March 2013 06:54

 Related image

கல்வி விழிப்புணர்வில் சமுதாயத்தின் தடுமாற்றங்கள் 

தமிழக அனைத்து இஸ்லாமிய அமைப்புகளும் கல்வி நிலைய நிறுவனங்களும் வெளிநாட்டு மற்றும் உள்நாட்டு கல்வி ஆர்வ தனவந்தர்களும் கல்வி விழிப்புணர்வு செயல்பாட்டில் தங்களை முடிந்தளவு பிணைத்துக்கொண்டு வருவது மிகப்பெரிய மாற்றமே.

ஆனாலும், சாதகமான சூழலுக்கிடையே பாதக விளைவுகளை உண்டுபண்ணும் சில தடுமாற்றங்ளை முடிந்தவரை தவிர்ப்பதன் மூலம் நமது இலக்கினை அடையும் தூரத்தைக் குறைத்துக்கொள்ள முடியும்.அந்த வகையான தடுமாற்றங்களில் சிலஸ

இருட்டில் இருக்கும் இன்றைய தமிழ் இஸ்லாமிய விஞ்ஞானிகள் :

''இறைவணக்கத்தில் ஈடுபட்டிருக்கும் ஆயிரம் வணக்கசாலிகளை விட சைத்தானுக்கு நுட்பறிவாய்ந்த ஒரு அறிஞர் மிகவும் கடினமானவர்.'' (நபிமொழி- நூல்: திர்மிதி)

யானை தன் பலம் அறியாது என்று சொல்லுவார்கள்ஸமிகப்பெரும் பலம் கொண்ட யானையை மிகச்சிறிய சங்கிலியால் கட்டி கட்டுப்பாட்டில் வைத்திருப்பதை நாம் நடைமுறையில் காண்கிறோம்.

பலம் இல்லாத பால்யவயதில் மனரீதியாக பழக்கப்பட்டு விட்டதால் யானையும் தன் பலத்தை சோதித்துப் பார்ப்தில்லை (மதம் பிடிக்காத வரை). மிகப்பெரும் ஆற்றல் மிகுந்த இந்த சமுதாயமும் இன்றுவரை தன்பலத்தை உணராத நிலையில் தான் உள்ளது.

Read more...
 
புதிய அறிவியல் பொற்காலம்? Print E-mail
Thursday, 20 December 2012 06:58

புதிய அறிவியல் பொற்காலம்?

  ஆஷிக் அஹமத் அ    

[ சவுதி அரேபியாவிலுள்ள உலகிலேயே மிகப்பெரிய "பெண்கள் மட்டும்" பயிலும் பல்கலைக்கழகத்தில் சுமார் 50,000 மாணவிகள் வரை பயிலலாம். ஐந்து பில்லியன் டாலர்கள் மதிப்பீட்டில் உருவாகியுள்ள இந்த பல்கலைக்கழகம், சுமார் 700 படுக்கைகள் கொண்ட மருத்துவமனையையும் தன்னிடத்தே கொண்டுள்ளது.

துருக்கி ஈரான் நாடுகளின் வளர்ச்சி விகிதம், உலக சராசரியை விட நான்கு மடங்கு அதிகமாகும்.

தனித்துவமான பல்வேறு கண்டுபிடிப்புகளை ஈரான் நிகழ்த்தியிருக்கின்றது. அணு அறிவியல், வான் வெளி அறிவியல் (Aerospace), மருத்துவம், விவசாயம், நேனோ தொழில்நுட்பம் (Nanotechnology), ஸ்டெம் செல் ஆய்வு போன்றவற்றில் ஈரானின் அபாரமான வளர்ச்சி பிரம்பிக்க வைக்கின்றது.

கல்வி மற்றும் அறிவியல் வளர்ச்சிக்காக, சவூதி அரேபியாவிற்கு நிகரான முதலீட்டை கத்தார் செய்கின்றது.

ஆசியாவின் அதிநவீன அறிவியல் மற்றும் தொழில்நுட்ப சாம்பியன்களில் ஒன்றாக மலேசியா திகழ்கின்றது.

உள்நாட்டு பிரச்சனைகளால் பெரிதும் பாதிப்படைந்திருந்தாலும், 2000-ஆம் ஆண்டிலிருந்து ஒரு உறுதியான முன்னேற்றத்தை சந்தித்து வருகின்றது பாகிஸ்தான். 2002-2008 இடையேயான காலக்கட்டத்தில், சுமார் ஐம்பது புதிய பல்கலைக்கழகங்கள் துவக்கப்பட்டிருக்கின்றன. மாணவர்களின் எண்ணிக்கை 1,35,000-திலிருந்து 3,65,000-மாக உயர்ந்துள்ளது.

இஸ்லாமிய உலகின் 13 நாடுகளின் பெண் அறிவியல் பட்டதாரிகளின் சராசரி, அமெரிக்க சராசரியை (41%) விட மிக அதிகம்.

அல்ஜீரியாவின் அறிவியல் பட்டதாரிகளில் 71% பேர் பெண்கள். அதுபோல பஹ்ரைனில் 73%-மும், பாலஸ்தீனில் 49%-மும் பெண்கள். ஈரானின் அறிவியல் மற்றும் தொழில்நுட்ப மாணவர்களில் 70% பேர் பெண்கள். சவூதி அரேபியாவின் மாணவர்களில் 58% பேர் பெண்கள்.]

Read more...
 
'படிக்கிற வயசுல எதுக்குடி இதெல்லாம்?' Print E-mail
Saturday, 24 September 2011 06:34

'படிக்கிற வயசுல எதுக்குடி இதெல்லாம்?'

    முஹம்மது ஆஷிக்     

அதிராம்பட்டினத்தில் 1வது முதல் 5வது வரை ஊராட்சி ஒன்றிய துவக்கப்பள்ளியில் co-education-இல் படித்திருக்கிறேன். பின்னர்... காதிர் முஹைதீன் ஆண்கள் மேல் நிலைப்பள்ளியில் படித்தேன். இது ஆண்கள் பள்ளி என்றாலும்... +1 மற்றும் +2 மட்டும் co-education..! ஆனால் அங்கே 6வது மற்றும் 7வது மட்டும்தான் படித்தேன்.

பிறகு ஆங்கில வழி கல்வி பயில பட்டுக்கோட்டை அரசு ஆண்கள் மேல் நிலைப்பள்ளியில் 8வது முதல் +2 வரை பயின்றேன். இதுவும் ஆண்கள் பள்ளி என்றாலும்... 6வது முதல் 10வது வரை நான் படித்த English medium மட்டும் co-education..! அப்போது நான்...

+2 படிக்கும்போது... PG Teachers Association சார்பில் சுமார் இரண்டரை மாதம் வேலைநிறுத்தம் நடைபெற்றது. டியுஷன் உட்பட கல்வி கற்பிப்பதையே முழுதும் நிறுத்தி சம்பள உயர்வுக்காக (1992-93 கல்வியாண்டில்) போராடினார்கள். அதில் அவ்வருடம் நாங்கள் மிகவும் கடுமையாக பாதிக்கப்பட்டோம். அதன் விளைவு... எங்கள் பொதுத்தேர்வு மதிப்பெண் பட்டியலில் தெரிந்தது.

மற்ற பாடங்கள் ஓரளவு நாங்களே புரிந்து படித்து விட்டாலும் கணக்கு மட்டும் ஆசிரியர் துணை இல்லாமல் சுத்தமாக புரியவே இல்லை. முக்கியமாக அவ்வருடம் மட்டுமே அறிமுகமான differential equations, conics மற்றும் complex numbers. இவற்றை புரியாமல் அப்படியே ஒதுக்கி வைத்து விட்டுத்தான் தேர்வுக்கே சென்றோம். என்னால் 148 தான் எடுக்க முடிந்தது..!

Read more...
 
இன்றைய கல்வி – ஓர் இஸ்லாமிய பார்வை! Print E-mail
Saturday, 19 February 2011 08:54

இன்றைய கல்வி – ஓர் இஸ்லாமிய பார்வை!

   CMN சலீம்   

[ ஒரு ஆண்டில் தமிழகத்தில் மட்டும் ஏறக்குறைய 3 இலட்சம் பொறியியல் படித்தவர்கள் பட்டம் பெற்று வெளிவருகின்றனர். அதில் 10 ஆயிரம் மாணவர்களுக்குக் கூட சரியான வேலை கிடைப்பதில்லை என்பதுதான் இன்றைய நிலை.

ஒழுக்கம், நேர்மை, பண்பாடு போன்ற அறநெறிக் கருத்துக்களை அடிப்படையாகக் கொண்ட கல்விக் கொள்கையை உருவாக்காமல், இந்திய அரசின் உயர்கல்வி கொள்கையும் மாநில அரசுகளின் பள்ளிக்கல்வி கொள்கையும் இந்தத் தனியார் கொள்ளைக் கூட்டத்தாரின் விருப்பங்களுக்கு ஏற்ப திட்டமிட்டு வடிவமைக்கப்படுகிறது.

இன்றைய கல்வி முறை சாறு பிழியப்பட்ட சக்கையாக, மனிதநேயமற்ற ஒழுக்கமில்லாத சமுதாயத்தை உருவாக்கிக் கொண்டிருக்கிறது. நாட்டில் நடக்கின்ற குற்றங்களில் 90 விழுக்காடு படித்த பட்டதாரிகளால்தான் நடைபெறுகிறது என்று ஆய்வுகள் கூறுகின்றன.

ஒவ்வொரு ஆணிற்கும் பெண்ணிற்கும் முறையான தரமான கல்வியை – சரியான காலத்திற்கு – இலவசமாகக் கொடுக்கப்பட வேண்டும் என்று ஆட்சியாளர்களுக்கு இஸ்லாம் கட்டளையிடுகிறது.

முறைப்படுத்தப்பட்ட கல்வியின் மூலம்தான் இறைவனையும் அவனது ஆற்றலையும் ஒவ்வொரு மனிதனும் உணர முடியும் என்று பெருமானார் நபிகள் நாயகம் ஸல்லல்லாஹு அலைஹி வஸல்லம் அவர்கள் கூறுகிறார்கள்.]

Read more...
 
அறிவோம் அறிவை! Print E-mail
Friday, 31 December 2010 07:28

அறிவோம் அறிவை!

அறிவு (Knowledge) என்பது உணர்தலாலும், அனுபத்தாலும், கற்பதாலும் கிடைக்கப் பெறுபவைகளாகும். அறிவு என்பது ஒருவரின் பிறப்பு முதல் இறப்பு வரை கிடைப்பவைகளாகவே உள்ளன. அதனை படித்தவர்களுக்கு மட்டுமே அறிவு இருப்பது போன்றும், அறிஞர்கள் என்றும் ஒரு தோற்றப்பாடு பொதுவாக அநேகமானோரிடம் காணப்படுகின்றன.

அத்தோற்றப்பாடு முற்றிலும் தவறானது. அறிவு என்பது எல்லோருக்கும் உண்டு, மனிதரல்லாத விலங்குகளுக்கும் உண்டு. அவற்றை இயற்கையறிவு, உணர்வறிவு, படிப்பறிவு, பட்டறிவு, கல்வியறிவு, தொழில்சார் அறிவு, துறைச்சார் அறிவு, அனுபவ அறிவு, பொது அறிவு, ஆள்மனப்பதிவறிவு என பல்வேறு வகைகளாகப் பிரிக்கலாம்.

இந்தப்பிரிவுகளை பல்வேறு உற்பிரிவுகளாக வகுத்துக்கூறலாம். எடுத்துக்காட்டாக அறிவை கூட சிலர் பேரரறிவு, சிற்றறிவு என்று வகைப்படுத்தும் முறைமையும் உள்ளது..

இயற்கையறிவு என்பது இயற்கையைப் பற்றி அறியும் அல்லது கற்கும் அறிவன்று. அது இயற்கையிலேயே கிடைக்கப்பெறும் அறிவைக் குறிக்கும். ஒரு குழந்தை பிறந்தவுடன் கிடைக்கப்பெறும் அறிவு இயற்கையறிவு ஆகும். அது முதலில் பசியை உணரும் அறிவை இயற்கையறிவாகவே கொண்டுள்ளது. அதனாலேயே பசித்தால் குழந்தைகள் அழத்தொடங்கிவிடுகின்றன.

Read more...
 
கல்வி விழிப்புணர்வும் முஸ்லிம்களும் Print E-mail
Saturday, 31 July 2010 07:12

கல்வி விழிப்புணர்வும் முஸ்லிம்களும்

  டாக்டர். S.ஆபிதீன்  

[ கல்வி கருத்தரங்குகள் ஏற்பாடு செய்கின்ற அமைப்புகள், தங்களின் அமைப்பு சார்ந்த விளம்பரங்களில் காட்டுகின்ற ஆர்வத்தினை மாணவர்களை அழைத்து வருவதில் காட்டுவதில் மிகுந்த குறைபாடு தெரிகிறது. இதுபோன்ற கல்வி விழிப்புணர்வு நிகழ்ச்சிகள் எங்கு நடைபெறுகிறது என்பதனைத் தேடி அலைந்து கலந்து கொள்கின்ற மாற்று சமுதாய மாணவர்களுக்கு மத்தியில் தங்களின் இல்லங்களுக்கு நேரடியாக வந்து அழைப்பிதழ் வைத்து அழைத்துச் செல்ல வேண்டும் என்று எதிர்பார்த்து முடங்கிக் கிடக்கிறது நமது இஸ்லாமிய மாணவச் சமுதாயம்.]

சிவகங்கை மாவட்டம், இளையான்குடி டாக்டர் ஜாகீர் உசேன் கல்லூரியில் பேராசிரியராகப் பணிபுரியும் டாக்டர். S.ஆபிதீன் தனது பேராசிரியர் பணியுடன் தமிழகத்தின் பல்வேறு ஊர்களில் இஸ்லாமிய பெற்றோர்கள் மற்றும் மாணவர்களிடையே கல்வி விழிப்பு உணர்வு, மேற்படிப்பு குறித்த கருத்தரங்குகளை நடத்தி வருகிறார். மாணவர்களுக்காக பல ஊர்களுக்கு சென்று நிகழ்ச்சி நடத்தி வரும் இவர் தனது அனுபவங்களை நம்முடன் பகிர்ந்து கொள்கிறார்.

கல்வி வழிகாட்டும் முகாம், மேற்படிப்பு குறித்த ஆலோசனை முகாம், பெண் கல்வியின் அவசியம், வேலை வாய்ப்பு வழிகாட்டி மையம் என்ற தலைப்புகளில் தமிழகத்தின் நகரங்களில் மட்டுமன்றி பல்வேறு சிற்றூர்களிலும் முஸ்லிம் அமைப்புகளின் முயற்சியில் கல்விக் கருத்தரங்கங்கள் தொடர்ந்து நடத்தப்படுவது உண்மையிலேயே ஓர் உற்சாகமான விஷயம் தான்.

Read more...
 
பெற்றோர்கள் சிந்தனைக்கு சில துளிகள்! Print E-mail
Monday, 22 June 2009 07:31

வழக்கறிஞர் உதுமான் மைதீன்

[ ஒரு நாட்டின் மிகச்சிறந்த மனித வளமாக முதுகெலும்பாக இருக்க வேண்டிய இளைய சமுதாயம் எவ்வித நெறிமுறைகளுக்கும் மதபோதனைகளுக்கும் கட்டுப் படாமல் தன்னிச்சையாக மனம் போன போக்கில் வரம்பற்ற சுதந்திரமாகத் திரிய ஆரம்பித்து விட்டதன் விளைவுகளைத் தான் தற்போது நாம் அனுபவித்துக் கொண்டிருக்கின்றோம்.

கல்வி அவர்களுக்குத் தேவையான நேரத்தில் கடிவாளமிட்டு அவர்களை நேர்வழியில் செலுத்தத் தவறியதால் தறிகெட்டுப் பாயும் காளைகளைப் போல் இளைய சமுதாயம் சீர்கேடு களில் சிக்கித் தவிக்க ஆரம்பித்து விட்டது. ]

கல்வி

கல்வியின் முக்கியத்துவம் பற்றி அறியாதவர்கள் அகிலத்தில் மிக அரிது. பொதுவாக அனைத்து நாடுகளிலும் கல்வி கற்பிக்கப்பட்டு வருகிறது. இஸ்லாமும் கல்வி கற்பது ஆண் – பெண் ஆகிய இருபாலருக்கும் கட்டாயக் கடமை என்கிறது.

தற்போது கல்வியைக் காசு கொடுத்து வாங்கக் கூடிய அளவில் ஒவ்வொரு கல்விக்குமென தனித் தனியான மதிப்பீடுகளை அரசாங்கமும் நிர்ணயித்துள்ளது. அது போன்றே காசுக்காக பட்டங்கள் வழங்கவும் பல்வேறு பல்கலைக்கழகங்களும் தோன்றியுள்ளன.

இவ்வாறு அரசும், தனியார் நிறுவனங்களும் கல்வியைத் தாராளமயமாக்கி விட்டதால் கற்றவர்களின் எண்ணிக்கையும் பட்டதாரிகளின் எண்ணிக்கையும் பல்கிப் பெருகிக் கொண்டிருக்கின்றன.

யார் மீது குற்றம்?

கல்லாதவர்களைக் காட்டுமிராண்டிகள் என்றும், கல்வி மனிதனை மேம்படுத்தும் என்றும் காலம்காலமாய்ச் சொல்லிக் கொண்டுதான் இருக்கிறோம். ஆனால் கற்றவர்கள் நிரம்பி விட்ட இக்காலத்தில் கற்காலத்தை விடவும் தீமைகள் பெருகிக் கொண்டல்லவா இருக்கின்றன.

Read more...
 
கற்றதனால் ஆய பயன்... Print E-mail
Tuesday, 28 July 2009 06:40

கற்றதனால் ஆய பயன்...

[ அறிவு வளர்ச்சி என்பது கல்லூரிப் படிப்புடன் முடிந்துவிடுவதில்லை. படிப்பு தொடர்கிறது என்பது பலருக்குப் புரிவதில்லை. நம்மில் பலர் பட்டம் பெற்று ஒரு வேலையில் சேர்ந்தபின் புத்தகம் படிப்பதையே நிறுத்தி விடுகின்றனர். அன்றாடச் செய்திகளைக்கூடப் படிப்பதில்லை.

அறிவும் புத்திசாலித்தனமும் ஒன்றோடொன்று பின்னிப் பிணைந்த விஷயங்கள் எனும் உண்மை பலருக்கும் தெரிந்திருக்கவில்லை. அனுபவத்தின் மூலம் நிறைய விஷயங்களைக் கற்று, அவற்றை மனதில் தேக்கி வைத்துக் கொள்ளும் திறமையும், தேவையானபோது அவற்றிலிருந்து வேண்டியவற்றை எடுத்து அன்றாடம் உபயோகிக்கும் திறமையே புத்திசாலித்தனம்

கல்வித்துறையில் மாறுதல்கள் செய்யப்பட வேண்டும் என்பது காலத்தின் கட்டாயம். ஆனால், அந்த மாறுதல்கள் எப்படிப்பட்டவை என்பதுதான் கேள்வி! ]

Read more...
 
வாழ்க்கைப் பாடம் Print E-mail
Thursday, 11 March 2010 08:55

 

[அந்த ஆசிரியர் சொன்னார் ''எத்தனையோ பாடங்கள் உங்களுக்கு சொல்லித் தந்திருக்கிறேன். இப்போது ஒரு வாழ்க்கைப் பாடத்தையும் உங்களுக்கு சொல்லட்டுமா?''

மாணவர்கள்ஏகோபித்த குரலில் உற்சாகமாகச் சொன்னார்கள். ''தயவு செய்து சொல்லுங்கள்'']

அந்த ஆசிரியரை எல்லா மாணவர்களும் நேசித்தார்கள். காரணம் கஷ்டமான பாடத்தையும் எளிமையான உதாரணங்களைக் கொண்டு புரிய வைப்பதில் அவர் வல்லவராக இருந்தார்.

அவரிடம் படித்த மாணவர்கள் பெரிய பெரிய பதவிகளை வகித்தார்கள். பலரும் பல நாடுகளுக்குச் சென்று பிரகாசித்தார்கள். பெரிய தொழிலதிபர்களாகத் திகழ்ந்தார்கள். அவர்களுக்கு எத்தனையோ ஆசிரியர்கள் இருந்திருந்த போதிலும் அவர் மேல் காட்டிய அன்பையும் மரியாதையையும் அவர்கள் மற்றவர்களிடம் காட்டவில்லை. அந்த ஆசிரியரிடம் மட்டும் பெரும்பாலான மாணவர்கள் இன்னும் கடிதம் மூலமும், ஈ மெயில் மூலமும் தொடர்பு வைத்திருந்தார்கள்.

அவரும் தன் மாணவர்களை மிகவும் நேசித்தார். அவர்களுடைய வெற்றியை தன் சொந்தப் பிள்ளைகளின் வெற்றியென அவர் மகிழ்ந்தார்.

Read more...
 
இந்தியாவை பின்னுக்கு தள்ளி அபார பொருளாதார வளர்ச்சியில் வங்கதேசம்! Print E-mail
Sunday, 23 February 2020 07:37

இந்தியாவை பின்னுக்கு தள்ளி அபார பொருளாதார வளர்ச்சியில் வங்கதேசம்!

     By Veerakumar       

டெல்லி: ஹென்றி கிஸ்ஸிங்கர், 1970களில், வங்கதேசத்தை "ஒரு சர்வதேச பேஸ்கெட் கேஸ்" என்று அழைத்தார். உண்மைதான். அடிக்கடி ஏற்பட்ட வெள்ளப் பேரழிவுகளால் தத்தளித்தது அந்த நாடு. ஆனால் இன்று? வங்கதேசம் வேறு நாடு.

வங்கதேசம் பற்றி ஆழ்மனதில் பதிய வைத்துள்ள மோசமான கருத்தை உலகம் மாற்றிக்கொள்வதில், சோம்பேறித்தனம் இருக்கலாம். ஆனால் 1970களின் வங்கதேசம் இல்லை அது, என்ற உண்மை, விரைவில் பல நாடுகளாலும் ஒப்புக்கொள்ளப்படும்.

இந்திய உள்துறை இணை அமைச்சர் கிஷன் ரெட்டி சமீபத்தில் "இந்தியா ஒருவேளை அவர்களுக்கு குடியுரிமை வழங்கினால் வங்கதேசம் பாதி காலியாக மாறிவிடும்" என்று கிண்டலாக கூறியிருக்கலாம். ஆனால் உண்மை அதுவல்ல. இந்தியாவுடன் ஒப்பிடுகையில், வங்கதேசம், வாழ்க்கைத் தரத்தை நிர்ணயிக்கும் குறியீடுகளில் பலவற்றில் மிகச் சிறப்பாக முன்னேறிவிட்டது என்பது பாவம் ரெட்டிக்கு தெரியுமோ தெரியாதோ!

செம வேகம்

வங்கதேசம் நாம் பொறாமை கொள்ளும் வேகத்தில் வளர்ந்து வருகிறது. அவர்கள் நமது மொத்த உள்நாட்டு உற்பத்தி 5% க்கு கீழே போய்க்கொண்டு இருக்கிறது. ஆனால், வங்கதேசம் 8%க்கு மேல் உள்ளது. கார்ப்பரேட் வரியை குறைத்து, சீனாவை விட்டு வெளியேறும் முதலீட்டை ஈர்க்க நிர்மலா சீதாராமன் ஒருபக்கம் தீவிரமாக செயல்படுகிறார். ஆனால், உண்மையில், அந்த பலனை அனுபவிப்பது வங்கதேசம்.

லண்டன் மற்றும் நியூயார்க்கில் வங்கதேசத்தில் தயாரான ஆடைகள் உடுத்தப்படுகின்றன. தமிழகத்தின் திருப்பூரிலும், பஞ்சாப்பின் லூதியானாவிலும் தயாராகும் ஆடைகள் இப்போதெல்லாம் அங்கே அதிகம் விற்பனையாகவில்லை.

Read more...
 
முஸ்லிம்களுக்கு வெற்றி வருமா? எப்போது வரும்? Print E-mail
Tuesday, 30 April 2013 06:21

M U S T     R E A D

முஸ்லிம்களுக்கு வெற்றி வருமா? எப்போது வரும்?

  அபூ ராதியா  

ஒவ்வொரு முஸ்லிமும் தனியே அல்லாஹ்வுக்குச் செய்ய வேண்டிய கடமைகள் (ஃபர்ளு ஐன்) இருப்பது போலவே தாம் வாழும் பிரதேசத்தில்; கூட்டாகச் செய்ய வேண்டிய கடமைகளும் (ஃபர்ளு கிஃபாயா) இருக்கின்றன. இது முஸ்லிம் சமூகத்தின் கூட்டுப் பொறுப்பாகும்.

இத்தகைய கூட்டுப் பொறுப்புக்களின் பிரதான இலக்கு அல்லது இவற்றின் ஆணிவேர் இஸ்லாம் காட்டும் வாழ்க்கைத் திட்டத்தை தாம் வாழும் பிரதேசத்தில் நடைமுறைப் படுத்துவதாகும்.

வேறு வார்த்தையில் கூறுவதென்றால்; வாழ்வின் அனைத்து சிறிய, பெரிய பகுதிகளுக்குமான இஸ்லாத்தின் கச்சிதமான வழிகாட்டுதல்களை சந்தேகமின்றி நம்பி அவற்றை ஏனைய அனைத்து சித்தாந்தங்கள், கொள்கைகள் காட்டும் வாழ்க்கைத் திட்டங்களை விட மேலோங்கச் செய்து, அனைவராலும் வாழ்வின் எல்லா விடயங்களிலும்; எடுத்து நடக்கும் ஒன்றாக மாற்றுவதேயாகும்.

ஏனெனில் வானங்கள், பூமியிலுள்ள அனைத்தையும், மனிதர்களையும் படைத்துப் பரிபாலிக்கின்ற ஏக இறைவன் அல்லாஹ் ஒருவனின் வழிகாட்டுதல்களே என்றென்றும் மனித வாழ்க்கைக்கு மிகப் பொருத்தமானதாகவும், மனிதன் எதிர்பார்க்கும் அமைதியான வாழ்வுக்கு வழிகாட்டுவதாகவும் இருக்கின்றது.

Read more...
 
தியாகம் புரியாமல் உயர்பதவி கிடைக்காது Print E-mail
Tuesday, 14 May 2013 20:13

தியாகம் புரியாமல் உயர்பதவி கிடைக்காது

டாக்டர் மௌலானா முஹம்மது முஸ்தஃபா ஷரீப் நக்ஷபந்தி

ராணி ஜுலைகா, அடிமை யூசுஃப் நபி மீது வயப்பட்டது. மிஸ்ர் எகிப்து நகரம் முழுவதும் செய்தி பரவியது. கடுமையான ஆட்சேபம், விமர்சனம் எழுந்தது.

சூரா யூசுஃப் அத்தியாயம் 12, வசனம் 31 ''ஃபலம்மா சமிய்அத் பி மக்ரிஹின்ன.'' ஜுலைகா அப்பெண்களின் பேச்சுக்களை கேட்டார்.

''அர்சலத் இலய்ஹின்ன'' இழைப்பு இன்விடேசன் அனுப்பப்பட்டது. உயர்தர இருக்கை, தரமான விருந்தோம்பல் ஏற்பாடாகிறது.

''வ அஃததத் லஹ§ன்ன முத்தக அன்'' ஐந்து நட்சத்திர விருந்து. கலந்து கொண்டோர் மேல் தட்டு, உயர்வர்க்க மங்கையர், பெரிய வீட்டு பெண்கள்.

வஆதத் குல்ல வாஹிதத்தின் மின்ஹ§ன்ன சிக்கீனன் ஒவ்வொருவருக்கும் கத்தி வழங்கப்பட்டது. துவக்க நிலையில், விருந்தின் ஆரம்பகட்டமாக பழம் கொடுக்கப்பட்டது. யூசுப் நபி அப்பெண்களை கடந்து செல்லுமாறு ஏவப்பட்டது.

''வ காலதிக்ருஜ் அலைஹின்ன ஃபலம்மா ரஅய்னஹு அக்பர்னஹு வகத்தஃன அய்திய ஹுன்ன'' மெய்மறந்து தரிசித்தனர். கைகளை வெட்டிக் கொண்டனர். பழம் நழுவியதும் தெரியவில்லை. கை ஆழமாக வெட்டுண்டதும் தெரியவில்லை. ...... அதிகபட்ச வெட்டு. சிறிய காயமல்ல. கடுமையான காயம்.

Read more...
 
விதியும் மூன்று பந்துகளும் Print E-mail
Monday, 29 July 2013 09:42

Image result for three ball

விதியும் மூன்று பந்துகளும்

குழந்தைகளே! இன்றைய ஈமானிய அமர்வை தெளபீகுல் ஹகீமின் கதையோடு தொடங்கப் போகின்றேன். தெளஃபீக் எகிப்து நாட்டவர். அவர் ஒரு எழுத்தாளர். நிறைய கதைகளை எழுதியுள்ளார். நான் கூறப் போகும் கதை விதியைப் பற்றியது. கழா கத்ர் என்றும் சொல்வர்.
 
விதியை நான் திறமையான விளையாட்டு வீரனாக கருதுகின்றேன். அவன் ஒரு பொது மைதானத்தில் நிற்கின்றான். அவன் காற்றில் கையை அசைக்கின்றான். அவன் மூன்று பந்துகளை வீசி விளையாடுகின்றான். அவனைச் சுற்றி மக்கள் நிற்கின்றனர். அவர்கள் பல வயதினர். பல இனத்தவர். அவர்கள் எல்லோரும் தமது கழுத்தை உயர்த்தி வாயைப் பிளந்து கொண்டு அந்த வீரனின் கைகளில் சுழன்றாடும் மூன்று பந்துகளையும் பார்க்கின்றனர்.
 
முதல் பந்தின் மீது பணம் என்று எழுதப்பட்டுள்ளது.

இரண்டாவது பந்தின் மீது ஆரோக்கியம் என்று எழுதப்பட்டுள்ளது.

மூன்றாவது பந்தின் மீது நிம்மதி என எழுதப்பட்டுள்ளது.
 
விதி மக்களைப் பார்த்து சத்த்மிட்டுக் கத்தியது. மனிதர்களே! நான் செய்வதைப் போல உங்களால் செய்து காட்ட முடியுமா?

Read more...
 
யார் அந்த அந்நியர்கள்? Print E-mail
Tuesday, 30 July 2013 09:08

யார் அந்த அந்நியர்கள்?

அல்லாஹ்வின் தீனிலிருந்து விலகி, உலகம் வழிகேட்டின்பால் அதீத வேகத்தில் சென்று கொண்டிருக்கும் ஒரு காலத்தில் நாம் வாழ்ந்து கொண்டிருக்கிறோம்.

வழிகெட்ட மனிதர்கள் நம்பிக்கைக்குரியவர்களாக மதிக்கப்பட்டும், நேர்வழியிலுள்ளோர் வழிகேடர்களாக நோக்கப்பட்டும், பொய்யர்களின் கூற்று உண்மைப்படுத்தப்பட்டும், உண்மையாளர்களின் கூற்று இலகுவில் பொய்யாக்கப்பட்டும் விடுகின்றன.

இத்தகைய புதுமையான யுகத்தில் தம் முன்னால் காணும் முரண்பாடுகளைப்பார்த்து புத்திஜீவிகளும் குழம்பிப்போயுள்ளனர்.

அல்லாஹ்வின் மார்க்கத்தைப் பின்பற்றக் கூடிய மக்கள், பல்வேறு காலகட்டங்களில் பல்வேறு சூழ்நிலைகளில், ஒரு விதமான உணர்வு நிலைக்கு தள்ளப் படுகின்றனர்.அதாவது அவர்களுக்கும் அந்த குறிப்பிட்ட சூழலுக்கும் சம்பந்தம் இல்லாமல் இருப்பது அல்லது அந்த இடத்தை விட்டு அல்லது அந்த சூழலை விட்டு வெளியேற நினைப்பது அல்லது தமக்கு விருப்பமில்லாத சூழலில் சிக்குண்டு கிடப்பதாக கருதுவது. இன்னும் சரியாக கூற வேண்டுமானால் அவர்களிலிருந்து வெளிப்பட்டு அந்நியமாக இருக்க விரும்புவது.

இது சாதாரணமாக முஸ்லிம் அல்லாத சகோதரர்களுடன் கலந்திருக்கும் பொழுது உணரலாம். ஆனால் சில நேரங்களில் சக முஸ்லிம் சகோதரர்களிடம் இருக்கும் பொழுதும் இது போன்ற சிந்தனைகள் ஆட்கொள்கின்றன.

ஒரு முஸ்லிம் தனது சகோதர சகோதரிகளை இஸ்லாத்திற்கு முரணான காரியங்கள் செய்வதை பார்க்கும் பொழுது அல்லது இறை நிராகரிப்பின்/இணைவைப்பின் பக்கம் அழைத்து செல்லும் அவர்களின் சில நூதன செயல்களை காணும் பொழுது, அவர்களை தடுக்கக்கூடிய அதிகாரமோ அல்லது ஆற்றலோ தம்மிடம் இல்லையே என்று ஏக்கப்படுவான்.

Read more...
 
இறை நம்பிக்கையில் இருக்கின்றது தீர்வு Print E-mail
Friday, 02 August 2013 09:53

இறை நம்பிக்கையில் இருக்கின்றது தீர்வு

செயல்கள் பிறப்பெடுக்க எண்ணங்களும்,

எண்ணங்கள் தோன்ற சிந்தனையும்,

சிந்தனைக்கு அடித்தளமாய் மனதில் வேறூன்றியுள்ள நம்பிக்கையும் காரணமாய் அமைகின்றன.

இஸ்லாமியக் கோட்பாட்டின் எல்லாப் புள்ளிகளையும் 'நம்பிக்கையே' தீர்மானிக்கின்றது.

இறைவனைப் பற்றிய ஓரிறைக் கோட்பாடு, மரணத்திற்குப் பின்னால் வரவுள்ள மறுவுலக வாழ்க்கை குறித்த நம்பிக்கை — இவ்விரண்டு கருத்துருக்கள்தாம் ஓர் இறைநம்பிக்கையாளனின் (முஸ்லிமின்) அனைத்து செயல்களுக்கும் அடிப்படைக் காரணமாய் அமைகின்றன. இவ்விரண்டின் மீது அவர் கொண்டுள்ள நம்பிக்கையின் 'அளவு' தான் அவரிடமுள்ள இஸ்லாமின் அளவைத் தீர்மா னிக்கின்றது.

இஸ்லாமியக் கோட்பாடு ஒருவருக்குப் பிடிக்கலாம்; பிடிக்காமல் போகலாம். ஆனால், 'இஸ்லாமியக் கோட்பாடு' என்பது இதுதான் என்பதை அவர் ஒத்துக் கொண்டுதான் ஆக வேண்டும். அதனை மாற்றியமைக்க யாராலும் — முஸ்லிம் மார்க்க அறிஞர்களாலும் கூட — முடியாது.

கருத்துக்களை, நம்பிக்கையை முன்னிலைப்படுத்த நல்லதொரு வாழ்க்கைக்கு வழிகாட்டுவதில் இஸ்லாம் தனித்து விளங்குகின்றது. கருக்கொலை, சிசுக்கொலை என்று 'நாகரீக உலகம்' என்று மனிதர் எண்ணிக் கொண்டுள்ள இந்நிகழ்கால உலகில் சர்வசாதாரணமாக குற்ற உணர்வின்றி செய்யப்பட்டு வரும் செயல்கள் ஆயிரத்து நானூறு ஆண்டுகளுக்கு முன் அரேபியாவில் தொடரத்தான் செய்தன.

இதோ, அக்காட்சிகளை வான்மறை குர்ஆன் அப்படியே படம்பிடித்துக் காட்டுகின்றது பாருங்கள்:

'இவர்களில் ஒருவருக்கு பெண்குழந்தை (பிறந்திருப்பது) பற்றி நற்செய்தி' சொல்லப்பட்டால், அவரது முகத்தில் கருமை கவ்விக் கொள்கின்றது. துக்கத்தால் அவரது தொண்டை அடைத்துக் கொள்கின்றது. இந்தக் 'கேவலமான செய்தி' கிடைத்து விட்டதே என்பதற்காக இனி யார் முகத் திலும் விழிக்கக் கூடாது என்று மக்களை விட்டு ஒதுங்கிச் செல்கிறார். அவமானப்பட்டுக் கொண்டு அப்பெண் குழந்தையை வைத்திருப்பதா அல்லது அதனை மண்ணில் புதைத்துவிடுவதா என்று சிந்திக்கிறார்!'  (அல்குர்ஆன் 16-58,59)

Read more...
 
அல்லாஹ்வின் நியதி என்றும் மாறாது Print E-mail
Thursday, 15 August 2013 07:37

அல்லாஹ்வின் நியதி என்றும் மாறாது

படைப்பினங்களின் தேவை அல்லாஹ்வுக்கு எதுவுமில்லை. அவனை கொண்டே இயங்கும். "அதம்'' சூன்யத்திலிருந்து படைத்தான்.

சூரா முஹம்மது அத்தியாயம் 47, வசனம் 38 "வல்லாஹ§ல் கனிய்யு வ அன்துமுல் ஃபுகராஉ''

அல்லாஹ் தேவையற்றவன். நீங்கள் தேவையுள்ளோர்.

உலகின் படைப்புகள் அனைத்தும் மனிதனின் தேவையை பூர்த்தி செய்கின்றன. மனிதன் இறைவனுக்கு கட்டுப்படும்போது படைப்புகள் தொண்டாற்றும். மனிதன் இறைவிருப்பத்தை மதிக்க வேண்டும். இல்லையேல், படைப்பு பயமுறுத்தும். நெஞ்சில் அச்ச உணர்வு வந்துவிடும்.

இதயத்தில் இறையச்சமிருந்தால் படைப்பு பயனளிக்கக் கூடியதாக பங்காற்றும். மீறினால் தொல்லை தரும்.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 5 of 98

99 Names Of Allaah

-         310 300nd

Links

Links 2

Best Article