வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

இதற்குப்பெயர் நாகரீகக் கலாச்சாரமாம்...!!! Print E-mail
Thursday, 29 December 2011 07:48

ஆண் பெண் நாகரீகம் எங்கே போகும்?

முதலில் ஆணும் பெண்ணும் பார்த்துக்கொள்வதால் என்ன தவறு என்றனர்.

பிறகு ஆணும் பெண்ணும் ஒன்றாக படிப்பதால் என்ன தவறு என்றனர்

பிறகு ஆணும் பெண்ணும் பேசிக்கொள்வதால் என்ன தவறு என்றனர்

பிறகு ஆணும் பெண்ணும் நட்பாக இருந்தால் என்ன தவறு என்றனர்

பிறகு ஆணும் பெண்ணும் ஒன்றாக வெளியில் சென்று வந்தால் என்ன தவறு என்றனர்

பிறகு ஆணும் பெண்ணும் தொட்டுக்கொண்டு பேசுவதால் என்ன தவறு என்றனர்

Read more...
 
பெண்களை இழுத்துப்போகும் கலாச்சாரம்! Print E-mail
Thursday, 01 December 2011 10:36

  பெண்களை இழுத்துப்போகும் கலாச்சரம்!   

"பெண்களுக்கு அநீதி இழைக்கப்படுகிறது; பெண் சுதந்திரம் வேண்டும்" இவை இரண்டையும் நீங்கள் சொல்லிக்கொண்டிருந்தால் போதும், மீடியாக்களில் உங்கள் முகம் காட்டப்படும். அடுத்த கட்டமாக சமுதாய முன்னேற்றம் கருதும் தியாகி என்று நீங்கள் வர்ணிக்கப்படுவீர்கள்.

இந்த வார்த்தைகள் புரட்சிகரமான கோஷங்களாக வெளியில் தெரிந்தாலும் இதன் மூலம் வீதிக்கு இழுக்கப்பட்ட பெண்ணினத்தின் சமூகச் சீரழிவுகள் ஆக்டோபஸாக மாறியிருக்கின்றன. அந்தச் சீரழிவுகளில் எல்லா சமுதாயப் பெண்களும் சிக்கிக் கொண்டிருக்கின்றனர்.

வாலிபப் பெண்கள் கல்வி, வேலை வாய்ப்பு எனும் முகமூடியில் தங்கள் இச்சைகளை வெளிப்படையாகவே தீர்த்துக்கொள்கின்றனர். அடுத்த வாலிபன், தன் உடலை - அதுவும் மறைவிடங்களின் அழகைப்பார்த்து தம்மைப் புகழ, தொடர வேண்டும் என்ற நோக்கில் ஆடை அணிகிறார்கள். அந்தரங்க விஷயங்களை அம்பலத்தில் பேசுவதை சுதந்திரம் என்று நினைத்து விட்டனர். பெற்றோர் இது குறித்துப் பேசுவதோ, கண்டிப்பதோ பெரும்பாவச் செயலாக மாறிவிட்டது.

Read more...
 
மனிதர்களுக்கு மீன்கள் சொல்லும் பாடம்! Print E-mail
Saturday, 20 July 2013 10:10

மனிதர்களுக்கு மீன்கள் சொல்லும் பாடம்!

     கீழை ஜஹாங்கீர் அரூஸி-தம்மாம்     

இவ்வுலகில் அல்லாஹ்விற்கு மாறுதல் செய்கின்ற மனிதர்களுக்கு மறுமையென்னும் இறுதி நாளில் மிகப்பெரிய நரக வேதனை உண்டு என்பதற்கு மனிதன் உண்டு மகிழும் மீன்களே எடுத்துக்காட்டாக இருக்கிறது!

பரந்து கிடக்கும் கடலுக்கடியில் வசிக்கும் மீன்களை பிடித்து உண்ண நினைக்கும் மனிதனின் தூண்டில் முள்ளில் இருக்கும் மண் புழுவை பார்த்ததும்;

அதை சாப்பிட ஆசைப்பட்டு தூண்டிலில் வாயை வைத்து இழுக்கும் போது தூண்டில் போடுபவன் மிதப்புக்கட்டை தண்ணீருக்குள் போவதை பார்த்ததும் தூண்டிலை சுண்டி மேலே இழுக்கிறான்;மீன் அவனின் கையில் சிக்கிக்கொள்கிறது.

பிறகு இந்த மீனை மனிதன் தான் எப்படியெல்லாம் சுவைக்க வேண்டுமென நினைக்கிறானோ? அப்படியே சமைத்து உண்டு மகிழ்கிறான்.

இதே போன்று தான் ஒரு முறை கடலில் தூண்டில் முள்ளில் இருக்கும் புழுவை பார்த்ததும் ஒரு சிறிய மீன் ஆசைப்பட்டு அருகில் சென்றபோது மற்றொரு பெரிய மீன் அச்சமூட்டி எச்சரிக்கை செய்கிறது;

Read more...
 
மலக்குகள் எழுதும் பாஷை எது? Print E-mail
Wednesday, 30 September 2015 06:28

மலக்குகள் எழுதும் பாஷை எது?

[ ஆலிம் என்றால் என்ன நினைச்சே? கல்வி உயர உயர அவர்கள் தாழ்வார்கள். தாழ்மையோடு இருப்பதற்குத்தான் அவர்களிடத்தில் ஏழ்மையும் சேர்ந்துள்ளது.

ஓதிக்கொடுத்தவர்களெல்லாம் கையொப்பமிட்டு உலகறிய வழங்குவது தான் ஸனது என்னும் பட்டயம் - டிப்ளோமா, மவ்லவி என்னும் முன்னுரை. மதரஸாவின் பெயர் பின்னுரை.

பாகவி என்றால் வேலூர்,

மன்பஈ என்றால் லால்பேட்டை,

மிஸ்பாஹி என்றால் நீடூர்,

மஸ்லஹி என்றால் தூத்துக்குடி,

அன்வரி என்றால் திருச்சி,

ரஷாதி என்பது ஈரோடு.

வெளியாகிறபோது கொடுக்கிற ஸனதைப் பெற்று வருகிறார்களே அவர்கள் தான் ஆலிம்.]

Read more...
 
நாசமாகும் சமுதாயம்! அம்பலமாகும் அந்தரங்கம்! Print E-mail
Sunday, 03 March 2013 06:37

நாசமாகும் சமுதாயம்! அம்பலமாகும் அந்தரங்கம்!

கணவனும் மனைவியும் சந்தோஷம் அனுபவிக்கத்தான் திருமணம் என்ற பந்தத்தை இறைவன் ஏற்படுத்தியிருக்கிறான்.

இதில் அந்தரங்கம் என்பது இருவருக்கும் மத்தியில் அன்பை ஏற்படுத்தும்....இந்த அன்பு அதிகமாகி நம் மக்கள் இப்போதய நவீன கண்டுபிடிப்புக்களான செல் போன் வசதியை பயன் படுத்தி வெளி நாடுகளில் பணிபுரியும் கனவன்மார்கள் தங்களின் மனைவிடம் நான் உன்னைபிந்து தனியாக இருக்கும் போது நான் மட்டும் பார்க்க என்று சொல்லி மனைவியை நம்பவைத்து அந்தரங்கத்தை செல்லில் படம் பிடித்து வைத்துக்கொள்கின்றனர்.

இது வரம்பு மீறி தனது நெருங்கிய நண்பர்களுக்கு மட்டும் என காட்டி இந்த அந்தரங்கத்தை வெளிப்படுத்தும் ஒரு சில நபர்களும் உள்ளனர்.

இந்த கணவன் மனைவிக்கிடையில் கருத்து வேறுபாடு தோனும் போது இதை வைத்து பிளாக் மெயில் செய்யும் கணவர்மார்களும் உள்ளனர்.

இந்த செய்தியை படித்த பிறகாவது நம் பெண்கள் எக்காரணத்தை முன்னிட்டும் தங்களின் அந்தரங்கம் கணவனுக்கு மட்டுமே அந்த கணவனே கொஞ்சினாலும் கூத்தாடினாலும் செல் போனில் படம் பிடிக்க அனுமதிக்க மாட்டேன் என கண்டிப்புடன் கூறி விட்டால் இது போன்ற பயமுறுத்தல்களில் இருந்து தப்பித்துக்கொள்ளலாம்.

Read more...
 
மங்கோலியர்களிடமிருந்து இந்தியாவைக் காத்த அலாவுத்தீன் கில்ஜி Print E-mail
Tuesday, 07 July 2020 07:19

மங்கோலியர்களிடமிருந்து இந்தியாவைக் காத்த அலாவுத்தீன் கில்ஜி

    M.S.Abdul Hameed     

‘பத்மாவத்’ என்ற படம் 2018ம் ஆண்டு வெளிவந்தது. இந்தப் படத்தில் அலாவுத்தீன் கில்ஜியை மிகப் பயங்கரமான வில்லனாகக் காட்டியிருப்பார்கள். அவரது முகத் தோற்றமும் நடை, உடை, பாவனைகள் அனைத்தும் மிருகத்தனமாக இருக்கும்.

இப்படித்தான் முஸ்லிம் மன்னர்களை ‘மாஸ் மீடியா’ எனப்படும் சினிமா முதல் அனைத்து ஊடகங்களிலும் காட்டி, சாதாரண பொதுமக்களின் புத்தியில் அவர்களைப் பயங்கர வில்லன்களாகப் பதிய வைக்கிறார்கள்.

அலாவுத்தீன் கில்ஜி மதவெறியர், ஹிந்து மக்களை ஒடுக்கியவர், ஹிந்துக்கள் மீது ஜிஸ்யா வரி விதித்தவர் - இப்படி பல குற்றச்சாட்டுகள் அவர் மேல் உள்ளன. அவையெல்லாம் உண்மையா, இல்லையா என்பதைப் பின்னர் பார்ப்போம்.

ஒட்டுமொத்த உலகையும் தங்கள் காலுக்குக் கீழே போட்டு மிதித்திடக் கிளம்பினார்கள் மங்கோலியர்கள். அன்றைய காலக்கட்டத்தில் உலகிலேயே அதிகப் பலமுள்ள படையைக் கொண்டிருந்த மங்கோலியர்கள் இந்தியா மீது படையெடுத்து வந்தபொழுது அலாவுத்தீன் கில்ஜியும் அவர்தம் படையினரும் மிகத் தீரமாகப் போராடி மங்கோலியர்களைத் தோற்கடித்தனர்.

இப்படி ஒருமுறை இருமுறையல்ல, ஆறு முறை மங்கோலியர்களைத் தோற்கடித்தார் அலாவுத்தீன் கில்ஜி!

Read more...
 
உம்மி Print E-mail
Sunday, 29 May 2016 06:29

உம்மி

முஸ்லிம்களுக்கும் மக்கத்துக் குரைஷிகளுக்கும் இடையே ஹுதையிய்யாவில சமாதான உடன்படிக்கை கையெழுத்து ஆகும் சமயம்...

உடன்படிக்கை ஆவணத்தில் நபி பெயருடன், "ரசூலல்லாஹ்" என்று சேர்த்து எழுதி இருந்ததை இறை மறுப்பாளர்கள் எதிர்த்தார்கள்.

நபியை தாங்கள் இறைவனின் தூதர் என்று ஒப்புக் கொள்ளவில்லை அவர்களது தந்தையார் பெயர் அப்துல்லாஹ் எனவே அவர்களை ரசூலல்லாஹ் என்று குறிப்பிடாமல் தந்தையின் பெயரைத் தம் பெயருடன் அதாவது முஹம்மது பின் அப்துல்லாஹ் என்று சேர்த்து எழுத வேண்டும் என்று வாதிட்டனர்.

நபி ஸல்லல்லாஹு அலைஹி வஸல்லம் அவர்களது மீது மரியாதையும் மேலான தன் உயிரையும் வைத்திருந்த அலீ ரளியல்லாஹு அன்ஹு அவர்கள் ரசூலல்லாஹ் என்ற வார்த்தையை அடிக்க மறுத்து விட்டார்கள்.

Read more...
 
பாலைவனச் சிங்கம் சத்தாம் ஹுஸைன் Print E-mail
Thursday, 28 December 2017 14:15

Image result for saddam hussein photos

பாலைவனச் சிங்கம் சத்தாம் ஹுஸைன்

பாலைவனச் சிங்கம் சத்தாம் ஹுஸைன் தூக்கிலிடப்பட்டு பல வருடங்கள் உருண்டோடிவிட்டன. கலிமா ஷ ஹாதாவான "லா இலாஹ இல்லல்லாஹு முஹம்மதுர் ரஸுலுல்லாஹ்" வை தனது இறுதி வார்த்தையாக மொழிந்து உயிர் விட்ட அந்த மகத்தான மாவீரனை எண்ணிப்பார்க்கும்போது சில விஷயங்கள் வியப்பாகவே உள்ளது.

ஆம்! தூக்கிலிடப்படுவதற்கு சில தினங்களுக்கு முன்னர் கூட அமெரிக்க உயர் அதிகாரிகள் அவரிடம் அமெரிக்காவுக்கு சாதகமான நிலையை அவர் தெரிவித்தால் அவரை தகுந்த மரியாதையோடு அவர் விரும்பும் வாழ்க்கையை அமைத்துத்தருவதாக வாக்குறுதி அளிக்க முன் வந்த போதும் அதை துச்சமென தூக்கியெரிந்து தூக்குமேடையை முத்த்மிட்ட அந்த வீர்ச் செயல் உலக வரலாறு வியப்புடன் பதிவு செய்துள்ளதை எவர்தான் மறக்க முடியும்!

ஜனநாயகப் போர்வையில் சர்வாதிகாரம் செலுத்தும் அமெரிக்காவும் அதன் கூட்டாளிகளும், அதற்கு அடிமைப்பட்டுக்கிடக்கும் நாடுகளும் வரலாறு காணாத பெரும் படையுடன் முற்றுகையிட்டு மிரட்டியபோதும் கொஞ்சமும் அஞ்சாமல் எதிர்த்து நின்ற துனிவு அவரைத்தவிர இந்நூற்றாண்டில் எவருக்குமிருந்ததாகத் தெரியவில்லை.

Read more...
 
'ஈராக்கின் இரும்பு மனிதர்' சதாம் ஹுஸைன் வாழ்க்கை வரலாறு Print E-mail
Thursday, 28 December 2017 14:21

Related image

'ஈராக்கின் இரும்பு மனிதர்' சதாம்  ஹுஸைன் வாழ்க்கை வரலாறு

[   எதிரிகளின் பார்வையில் அவர் ஒரு அரக்கன், சர்வாதிகாரி. எதிரிகளை ஈவு இரக்கமின்றி கொன்றுவிடும் சுபாவம் உடையவர். ஆனாலும், ஈராக் மக்களுடைய ஆதரவுடன், சுமார் 20 ஆண்டுகள் ஆட்சியை நடத்தியவர் சதாம் ஹுஸைன்.

மேலை நாடுகளிடம், குறிப்பாக ஐக்கிய அமெரிக்க மாநிலங்களிடம், அவர் காட்டிய எதிர்ப்பை மெச்சி, பல அராபிய மக்கள் அவரை ஒரு பிரபலத் தலைவராகக் கருதினாலும், அனைத்துலக சமுதாயத்தினர் பலரும் அவரை சந்தேகக்கண் கொண்டே நோக்கினர். அதுவும் 1991 பெர்சிய குடாப் போருக்கு அடுத்து சில ஈராக்கி குழுக்கள் சதாமின் பாதுக்காப்பு படை குறித்த அச்சத்துடன் வாழ்ந்தனர்.

சதாம்   ஹுஸைன்   எத்தனை பேரை கல்யாணம் செய்து-கொண்டாரென்பதைப் பற்றி யாருக்கும் தெரியாது. ஆனால், இரண்டு மகன்கள், இரண்டு மகள்கள் இருப்பதாக உலகத்துக்குத் தெரியும். ]

Read more...
 
நபி ஸாலிஹ் அலைஹிஸ்ஸலாம் அவர்களின் அதிசய ஒட்டகம் பற்றி திருக்குர்ஆன்! Print E-mail
Friday, 26 January 2018 07:58

நபி ஸாலிஹ் அலைஹிஸ்ஸலாம் அவர்களின் அதிசய ஒட்டகமும்   "மதாயின் ஸாலிஹ்" நகரம் பற்றி திருக்குர்ஆன் கூறும் வரலாறு

மதினாவிற்கும் தபூக்கிற்கும் இடையில் ஹிஜ்ர் என்ற ஊரில் 'மதாயின் ஸாலிஹ்' என்ற இடம் ஜோர்டானின் பெட்ராவை போல மிக அழகான வேலைப்பாடுகள் நிறைந்த மண்டபங்களையும் மலைகளைக் குடைந்த வீடுகளையும், சிற்ப கலைகள் நிறைந்த அமைப்புகளையும் காண முடிந்தாலும் அதனை சுற்றுலாத்தளம் போல் யாரும் சென்று பார்க்கச் செல்வதில்லை...

மதினாவிற்கும் தபூக்கிற்கும் இடையில் ஹிஜ்ர் என்ற ஊரில் 'மதாயின் ஸாலிஹ்' என்ற இடம் ஜோர்டானின் பெட்ராவை போல மிக அழகான வேலைப்பாடுகள் நிறைந்த மண்டபங்களையும் மலைகளைக் குடைந்த வீடுகளையும், சிற்ப கலைகள் நிறைந்த அமைப்புகளையும் காண முடிந்தாலும் அதனை சுற்றுலாத்தளம் போல் யாரும் சென்று பார்க்கச் செல்வதில்லை. காரணம் அது இறைவனின் வேதனை இறங்கிய இடம் என்று திருக்குர்ஆனில் கூறப்பட்டுள்ளது...

'மதாயின் ஸாலிஹ்' என்றாலே நபி ஸாலிஹ் அலைஹிஸ்ஸலாம் அவர்கள் வசித்த ஊர் என்ற பொருள் தருகிறது. தமூது கூட்டத்தினருக்காக அனுப்பப்பட்டவர் நபி ஸாலிஹ் அலைஹிஸ்ஸலாம் அவர்கள்.

பள்ளத்தாக்குகளில் பாறைகளைக் குடைந்து வசித்து வந்த தமூது கூட்டத்தினர் ஆது சமூகத்தைப் போன்று சிலைகளை வணங்கிக் கொண்டு, ஆடம்பர வாழ்க்கையால் ஆணவத்துடனும், மிகுந்த செருக்குடனும் தங்கள் பெருமைகளைப் பறைச்சாற்றும் விதமாக மாளிகை கட்டி வாழ்ந்து வந்தார்கள்.

Read more...
 
நானா அஸ்மா Print E-mail
Saturday, 27 January 2018 07:45

நானா அஸ்மா

18-ஆம் நூற்றாண்டு... இன்று நைஜீரியா என்று அழைக்கப்படும் நிலப்பகுதி அது.

மிக பரந்த அந்த நிலப்பரப்பை பல்வேறு ஆட்சியாளர்கள் ஆண்டு கொண்டிருந்தார்கள். அவர்களில் ஒருவர் தான் உஸ்மான் டான் போடியோ.

தன்னுடைய சிறிய பகுதியை சிறப்பான முறையில் நிர்வகித்து கொண்டிருந்தார் உஸ்மான்.

இஸ்லாம் குறித்த அவருடைய தெளிவான பார்வை மக்களுக்கு சிறந்ததொரு நிர்வாகத்தை அளிக்க ஏதுவாய் இருந்தது.

இத்தகையவருக்கு 1793-ஆம் ஆண்டு மகளாக பிறந்தார் நானா அஸ்மா  (Nana Asma'u).

நபி ஸல்லல்லாஹு அலைஹி வஸல்லம் அவர்களின் கஷ்ட காலங்களில் உறுதுணையாக இருந்த நபித்தோழியான அஸ்மா ரளியல்லாஹு அன்ஹா அவர்களின் நினைவாகவே அவருக்கு இந்த பெயர் வைக்கப்பட்டது.

சிறு வயதிலேயே தன் தாயை இழந்த அஸ்மா, தன் சித்திக்களின் பொறுப்பில் வளர்ந்தார். எந்தவொரு விஷயத்தையும் குர்ஆனின் ஒளியில் பார்க்கும் அத்தகைய பெண்மணிகளின் வளர்ப்பில் சிறப்பான கல்வி கொடுக்கப்பட்டார்.

Read more...
 
பிரான்சு நாட்டின் உயரிய விருதை பெற்ற ஜிஹாதி Print E-mail
Thursday, 08 February 2018 07:23

பிரான்சு நாட்டின் உயரிய விருதை பெற்ற ஜிஹாதி

19 ஆம் நூற்றாண்டின் மத்தியில் நடந்தது அந்த நிகழ்ச்சி! ஒரு நாட்டால் தேசத் துரோகியாய் கருதப்பட்டு சிறையில் அடைக்கப்பட்டு, நாடு கடத்தப்பட்ட ஒருவர், பின்னர் அதே நாட்டால் அந்த நாட்டின் மிக உயர்ந்த விருது வழங்கப்பட்டு ஹீரோவாய் புகழப்படுவது வரலாற்றில் அரிதாகக் காணக்கிடைக்கும் நிகழ்வு. இத்தனைக்கும் குற்றம் சாட்டியதும், பின்னர் அவரைக் கொண்டாடியதும் அவரது சொந்த நாடு அல்ல.

“அமீர் அப்துல் காதிர் அல் ஜசாயிரி” ஆப்பிரிக்க நாடான அல்ஜீரியாவில் 1808 ஆம் ஆண்டு பிறந்து இளம் வயதிலேயே அல்-குரானை மனனம் செய்து இஸ்லாமியக் கல்வியையும் கற்ற மார்க்க அறிஞராகத் திகழ்ந்தார்.

1825 ஆம் ஆண்டு மக்காவுக்கு புனிதப் பயணம் மேற்கொண்டுவிட்டு, பல்வேறு அரபு நாடுகளில் பிரயாணம் செய்து விட்டு பல வருடங்கள் கழித்து நாடு திரும்பிய போது தனது தாய்நாடான அல்ஜீரியாவை பிரஞ்சுப் படைகள் ஆக்கிரமித்திருந்தன.

இன்று உலகில் நல்லவர்கள் என்பது போல் காட்டிக்கொள்ளும் ஆங்கிலேயர்களும் பிரஞ்சுக்காரர்களும் உலகம் முழுவதும் நிகழ்த்திய கொடூரங்கள் எண்ணிலடங்காதவை.

வெறும் 22 வயதில் ஆக்கிரமிப்புக்கு எதிராக களம் இறங்கினார் அப்துல் காதிர். போர்க்களில் அனுபவம் ஏதுமின்றி களத்தில் குதித்து வல்லரசுகளில் ஒன்றான பிரான்சை எதிர்த்துப் போரிடும் சாதாரண பணியில்லை. ஆனாலும் உறுதி பூண்டார், களம் கண்டார், தனித்தனி குழுவாக இருந்த அனைத்துப் பழங்குடி மக்களையும் ஒன்றிணைத்து ஒரு படையை அமைத்தார். இதுவே அவர்களின் முதல் வெற்றி!

Read more...
 
ஐரோப்பாவுக்கு இஸ்லாத்தின் வெளிச்சப் புள்ளிகளை அறிமுகப்படுத்தி வைத்த மாவீரர் தாரிக் இப்னு ஸியாத் Print E-mail
Friday, 06 September 2019 07:36

ஐரோப்பாவுக்கு இஸ்லாத்தின் வெளிச்சப் புள்ளிகளை அறிமுகப்படுத்தி வைத்த   மாவீரர்   தாரிக் இப்னு ஸியாத்

[   வீரர்கள் அனைவரும் கப்பலில் இருந்து இறங்கியவுடன், அவர்களைச் சுமந்து வந்த கப்பல்கள் அனைத்தையும் தீயிட்டுக் கொளுத்தி விடுமாறு தாரிக் பின் ஸியாத் அவர்கள் தனது படையினருக்குக் கட்டளையிட்டார்கள். அதன்படியே அந்தக் கப்பல்கள் யாவும் ஐபீரியன் தீபகற்பத்தில் வைத்துக் கொளுத்தப்பட்டது. அதன்பின் வீரர்களிடையே தாரிக் பின் ஸியாத் அவர்கள் ஒரு உணர்ச்சிப்பூர்வமான உரை ஒன்றை நிகழ்த்தினார்கள்.

 "ஓ என்னருமை மக்களே..! யுத்த பூமிக்கு வந்திருப்பவர்களே..! உங்களுக்குப் பின்னால் கடல்.., உங்களுக்கு முன்னால் நிற்பதோ எதிரிகள்..! யுத்தம் ஒன்றே இப்பொழுது மிச்சம்..! இறைவன் மீது சத்தியமாக..! (இந்த நிலையில் நீங்கள்) பொறுமையோடும் இன்னும் இறைநம்பிக்கையில் உறுதியோடும் இருப்பதை அன்றி வேறெதுவும் உங்களுக்கு உதவப் போவதில்லை. வெற்றி அல்லது வீரமரணம், இவற்றில் ஒன்றைத் தேர்வு செய்து கொள்ளுங்கள்" -தாரிக் இப்னு ஸியாத் ]

மத்தியத் தரைக்கடல் வழியாக அட்லாண்டிக் மகா சமுத்திரத்திற்குள் நுழையும் ஒவ்வொரு கப்பலும் ஜிப்ரால்டர் ஜலசந்தியைக் கடந்தே சென்றாக வேண்டும் அல்லது அங்கு சிறிது தாமதித்து இளைப்பாறிச் செல்ல வேண்டும் என்பது கட்டாயமாகும். இந்த ஜிப்ரால்டர் ஜலசந்தியானது ஐரோப்பாவின் தென்மேற்கு முனையில் மற்றும் மொராக்கோவுக்கு எதிர்புறமாக அமைந்துள்ளது.

சரி..! ஜிப்ரால்டர் என்று ஏன் அழைக்கப்படுகின்றது என்று தெரியுமா உங்களுக்கு? ஜிப்ரால்டர் என்பது ஜபல் அல் தாரிக் அல்லது ''தாரிக்(இப்னு ஸியாத்)மலைக்குன்று'' என்பதனை மொழிமாற்றி, சுருங்கச் சொல்லப் பொன்னால் அரபி மொழியை மோசடி செய்து, அதனை ஜிப்ரால்டர் என்று மேற்குலகு அழைத்துக் கொண்டிருக்கின்றது.

Read more...
 
உஸ்மானிய கிலாஃபத்தின் வீழ்ச்சி..! Print E-mail
Saturday, 01 September 2018 07:10

உஸ்மானிய கிலாபஃத்தின் வீழ்ச்சி..!

1881-ம் ஆண்டில் இருந்து தூனிஸியாவை பிரான்சும் எகிப்தை பிரித்தானியாவும் இந்தோனேசியாவை நெதர்லாந்தும் கைப்பற்றியது. இஸ்லாமிய கிலாபத்தைப் பாதுகாக்க இந்தியா, இந்தோனேசியா போன்ற நாடுகளின் ஆதரவை ll'ம் ஹமீத் திரட்டினார்.

பிரித்தானியாவிடம் இருந்து இஸ்லாமிய அரசைப் பாதுகாக்க சுல்தான் ஜேர்மனியுடன் கூட்டுச் சேர்ந்தார். ஆனால் உஸ்மானியக் கிலாபத்தை துண்டாடுவதே ஜேர்மனியின் நோக்கமாக இருந்தது என்பதை அறிந்த அவர் தன் மேல் ஒரு கட்டடத்தின் சுவர் விழுந்ததைப் போன்று இருந்ததாக தனது சொந்த நாட்குறிப்பேட்டில் எழுதி வைத்துள்ளார்.

1901-ம் ஆண்டு யூதர்களை பலஸ்தீனில் குடியமர்த்துவதற்காக அனுமதி கோரி சியோனிஸ அமைப்பின் தலைவர் தியேட்டர் ஹேர்ஸில் சுல்தானை சந்திக்க துருக்கி சென்று பலஸ்தீனில் யூதர்களை குடியமர்த்த 150 மில்லியன் பவுண்ட்களை சுல்தானுக்கு பரிசாகத் தருவதாகக் கூறினார். ஆனால் ஹேர்ஸிலை சந்திக்க சுல்தான் மறுப்புத் தெரிவித்தார். மறுநாள் அமைச்சரவை கூட்டி சுல்தான் பின்வருமாறு உரையாற்றினார்.

Read more...
 
இறைநேசர் உவைசுல் கர்னீ ரளியல்லாஹு அன்ஹு Print E-mail
Saturday, 25 August 2018 07:31

இறைநேசர் உவைசுல் கர்னீ ரளியல்லாஹு அன்ஹு

       பு. முஹம்மது காசீம், பெரம்பலூர்     

நமது அண்ணலெம் பெருமான் நபிகள் நாயகம் ஸல்லல்லாஹு அலைஹி வஸல்லம் அவர்கள் ஒருநாள் மதீனாவின் பள்ளி வாயிலில் அமர்ந்து மக்களுக்கு  அறிவுரை செய்து கொண்டிருந்தார்கள்.

அப்போது அவர்கள் தங்களின் முகத்தை எமன் நாட்டின் பக்கத்தில் திருப்பி புன்முறுவல் பூத்தவர்களாய் “திட்டமாக நான் எமன் நாட்டிலிருந்து வரும் அழகிய அன்புத்தென்றலின் மென்சுகத்தை நுகர்கின்றேன்” என்று மொழிந்தனர்.

அதன் பின்பு அவர்கள் “என்னைப் பின் தொடரும் ஒரு மனிதரின் பரிந்துரை காரணமாக ரபீஆ, முலறு ஆகிய இரு கூட்டத்தினரின் ஆடுகளின் மீதுள்ள உரோமத்தின் எண்ணிக்கை அளவுள்ள மக்கள் சுவனம் புகுவர்” என்று திருவாய் மலர்ந்தனர்.

அண்ணலாரின் இச்சொற்கள் அவர்களின் தோழர்களுக்கு அளவற்ற வியப்பை அளித்தது. “நாயகமே! அந்நல்லார் யார்? நலமெல்லாம் திரண்ட அந்தப் புனிதர் யார்?” என்று அவர்கள் பெரிதும் ஆவலுடன் வினவினார்கள்.

அண்ணலெம் பெருமான் ஸல்லல்லாஹு அலைஹி வஸல்லம் அவர்கள், “அவர் அல்லாஹ்வின் நல்லடியார். எமன் நாட்டிலுள்ள “கரன்” என்னும் ஊரில் வாழ்ந்து வருகிறார்” என்று பதிலிறுத்தனர்.

Read more...
 
கட்ச் மகாராணியின் கற்பு சூறையாடப்பட்டதாலேயே விஸ்வநாதர் கோயில் இடிக்கப்பட்டது Print E-mail
Saturday, 14 April 2018 10:26

Aurangzeb's general order for the demolition of Hindu temples (9th April 1669) included the Somnath Temple in Gujarat.

கட்ச் மகாராணியின் கற்பு சூறையாடப்பட்டதாலேயே விஸ்வநாதர் கோயில்   இடிக்கப்பட்டது

ஒளரங்கசிப் மீது சுமத்தப்படும் குற்றச்சாட்டுகளில் மிக முக்கியமானது ஒளரங்கசிப் வாரணாசியில் உள்ள விஸ்வநாதர் ஆலயத்தை இடித்து தரைமட்டமாக்கினார் என்பதாகும்.

ஆம் அது உண்மையே! அந்த உண்மைக்குப் பின்னால் மறைந்து இருக்கும் உண்மை என்னவெனில், பேரரசர் ஔரங்கசிப் தனது படை, பரிவாரங்கள் சிற்றரசர்கள் ஆகியோருடன் வங்காளம் நோக்கி வாரணாசி வழியாக சென்று கொண்டிருந்தார்.

வாரணாசியை நெருங்கியவுடன் பேரரசர்  ஒளரங்கசிப்    அவர்களுடன் வந்த இந்து மன்னர்கள் தாங்கள் கங்கையில் முழ்கி தமது கடவுளான விஸ்வநாதருக்கு தமது வணக்கதை செலுத்த விரும்புவதாகவும், ஆதலால் தாங்கள் ஒருநாள் இங்கு தங்க எமக்கு உதவி புரிய வேண்டும் எனவும் வேண்டுகோள் விடுக்க அந்த வேண்டுகோளை ஏற்று, ஒளரங்கசிப்    அவர்களின் இராணுவம் வாரணாசிக்கு ஐந்து மைல் தூரத்தில் முகாம் அடித்து அங்கே தங்கினார்கள்.

அனைத்து மன்னர்களும், பரிவாரங்களும் கங்கைக்கு சென்று நீராடி விஸ்வநாதர் கோவிலில் பூஜை புனஸ்காரங்கள் முடித்து முகாமிற்கு திரும்ப (இன்றைய) கட்ச் வளைகுடாவின் மகராணி மட்டும் திரும்பவில்லை. பதற்றம் மேலோங்க எங்கு தேடியும் எந்த தகவலும் இல்லை.

Read more...
 
“தமது மார்க்கம் பற்றி இத்தனை அழகாக வேறு எந்தப் பெண்ணாவது கேள்வி எழுப்பி, பேசி கேட்டிருக்கிறீர்களா?” Print E-mail
Wednesday, 05 September 2018 09:01

அஸ்மா பின்த் யஸீத் ரளியல்லாஹு அன்ஹா

أسماء بنت يزيد رضي الله عنها

[ இரண்டு லட்சத்து நாற்பதாயிரம் ரோமப் படையினர்; அவர்களை எதிர்த்து வெறும் நாற்பதாயிரத்துச் சொச்சம் முஸ்லிம்கள்.]

[ ரோமர்கள் மூர்க்கமாய்த் தள்ளிக்கொண்டேவர, களத்தின் வெகுபின்னே அமைக்கப்பட்டிருந்த தம் பெண்களின் கூடாரம்வரை வந்துவிட்டனர் முஸ்லிம்கள். அந்நிலையில் புதிய முஸ்லிம் வீரர்கள் சிலர் அழுத்தம் தாங்காமல் தப்பியோட ஆரம்பிக்க, விந்தை ஒன்று நிகழ்ந்தது.

கூடாரங்களில் இருந்து இந்தக் களேபரத்தைப் பார்த்துவிட்ட முஸ்லிம் பெண்கள் வெளியில் ஓடிவந்தார்கள். தப்பியோடுவரைப் பிடித்து முகத்திலேயே குத்து. சரமாரியான குத்து. அம்ரு இப்னுல் ஆஸின் மகள் இரைந்து கத்தினார், “தன் மனைவியை விட்டு ஓடுபவனின் முகத்தை அல்லாஹ் அவலட்சணமாக்குவானாக. மானம், மரியாதையைப் பறக்க விட்டு ஓடுபவனை, அல்லாஹ் அவலட்சணமாக்குவானாக.”

மற்றொரு பெண்மணி, “எங்களை விட்டு ஓடினால் அப்படியே ஓடிப்போங்கள். நீங்களெல்லாம் எங்கள் கணவர்களே அல்லர்.”

‘கலகமாம்; பிரச்சினையாம். நமக்கெதுக்கு வம்பு. உள்ளே வந்துவிடுங்கள்’ என்று கணவனைப் பொத்தி உள்ளே இழுத்துக்கொள்ளும் கோழைத்தனம் அறியாத பெண் வேங்கைகள் அவர்கள். ஓடுபவனது புத்தியை எட்டி உதைத்தன அந்த வார்த்தைகள்.

பொளேரென்று அறை வாங்கியதுபோல் சடுதியில் நிதானம் தோன்றியது. புது உறுதி புத்தியிலும் புஜத்திலும் புடைக்க, அந்தப் புதியவர்களின் தாக்குதல் ரோமர்கள்மீது முன்னரைவிடக் காட்டமாய் இறங்க ஆரம்பித்தது.

இதற்குள் ரோம வீரர்களின் அணி பெண்களின் பகுதிவரை வெகுவாய் அண்மி வந்துவிட்டிருந்தது. அப்பொழுது அது நிகழ்ந்தது. கூடாரம் அமைக்க நாட்டப்பட்டிருந்த பெரும் கோலை எடுத்துக்கொண்டு ரோம வீரர்களை நோக்கி திடுதிடுவென்று ஓடிவந்தார் ஒரு பெண்.

அவர், அஸ்மா பின்த் யஸீத், ரலியல்லாஹு அன்ஹா.]

Read more...
 
எப்படிப்பட்ட மோசமானதொரு சமூகத்தை இஸ்லாம் நேர்வழிப்படுத்தி இருக்கிறது..! Print E-mail
Friday, 12 January 2018 07:44

Image result for light in darkness

எப்படிப்பட்ட மோசமானதொரு சமூகத்தை    இஸ்லாம் நேர்வழிப்படுத்தி இருக்கிறது..!

அல்லாஹ்வின் தூதரிடம் ஒரு மனிதர் ஓடோடி வந்தார்!

தூதரே நான் அறியாமை காலத்தில் செய்த செயலால் என் மனம் வேதனை அடைகிறது.

இந்த விஷயத்தில் என் நிலை என்னா யாரசூரல்லா...!?

அறியாமை காலத்தில் பெண் குழந்தை பிறந்தால் உயிரோடு புதைத்து விடுவோம்"

எனக்கும் பெண் குழந்தை பிறந்தது நான் கொன்று விடுவேன் என்ற பயத்தில் என் மனைவி அந்த குழந்தை பிறக்கும் போது இறந்துவிட்டது என என்னிடம் பொய் சொல்லிவிட்டாள்.

சில ஆண்டு கழித்த போது நான் வாசலில் அமர்ந்து அங்கு விளையாடிக் கொண்டு இருந்த குழந்தையை ரசித்துக் கொண்டு இருந்தேன்.

அப்போது என் மனைவியை அழைத்து நம் குழந்தை உயிருடன் இருந்திருந்தால் இப்போது இது போல் விளையாடிக் கொண்டு இருப்பாள் என கூறினேன்.

Read more...
 
உம்மு குல்தூம் பின்த் உக்பா ரளியல்லாஹு அன்ஹா Print E-mail
Monday, 17 September 2018 06:51

உம்மு குல்தூம் பின்த் உக்பா ரளியல்லாஹு அன்ஹா

أم كلثوم بنت عقبة  رضي الله عنها 

மக்கத்துக் குரைஷிகளுடன் ஹுதைபிய்யா உடன்படிக்கை ஏற்படுத்திக்கொண்டு முஹம்மது நபி ஸல்லல்லாஹு அலைஹி வஸல்லம் அவர்களும் முஸ்லிம்களும் மதீனா திரும்பியிருந்த நேரம். ஒரு நாள் மக்காவிலிருந்து பெண்ணொருவர் மதீனா வந்து சேர்ந்தார்.

நிறைய அலைச்சல், உளைச்சலுடன் கடினமான, தன்னந்தனியான பயணம். அவ்வளவு இன்னலுக்கும் அவருக்கு இருந்த ஒரே காரணம் – அதற்குமேல் தடுத்து வைக்க இயலாமல் அவர் வெளிப்படுத்த விரும்பிய உண்மை.

நீண்ட காலத்திற்கு முன்னரே அவர் இஸ்லாத்தை ஏற்றுக்கொண்டிருந்தார். திருமணம் ஆகாமல் குடும்பத்தினர் பாதுகாவலில் இருந்துவந்த அவரால் தம்மிச்சையாக ஏதும் செய்ய இயலாத நிலை.

‘எத்தனை காலம்தான் பொறுத்திருப்பது; பொங்கியெழு’ என்று ஒரு கட்டத்தில் தோன்றிவிட்டது. தடைகளை எல்லாம் கட்டுடைத்து நபியவர்களிடம் சென்றுவிட வேண்டும்; பகிரங்கமான முஸ்லிமாய் முஸ்லிமுக்குரிய அனைத்து உரிமைகளுடனும் வாழவேண்டும் என்று திட்டவட்டமான முடிவு மனதில் ஏற்பட்டுவிட, கிளம்பி மதீனாவுக்கு வந்து சேர்ந்து விட்டார்.

அந்தப் பெண்ணுக்கு இரு சகோதரர்கள். தங்களின் சகோதரி மதீனாவுக்குச் சென்றுவிட்டார்; முஹம்மதிடம் சென்றுவிட்டார் என்று தெரிந்ததும் ‘மெனக்கெட்டு நாம் வடிவமைத்த ஹுதைபிய்யா உடன்படிக்கையை மதிக்காமல் கெட்டுப்போய்விட்டது அவளது புத்தி; அதிலிருந்த அம்சங்கள் அவளுக்குப் புரியவில்லை போலும்; பெண் புத்தி பின்னே எப்படி இருக்கும்?’ என்று பொங்கி எழுந்தார்கள்.

உடன்படிக்கையில் இருந்த ஓர் அம்சம் அவர்களுக்கு நன்றாகத் தெரியும். இப்படியெல்லாம் நடக்கலாம் என்று யூகித்து, குரைஷிகள் அடாவடியாய்ச் செருகியிருந்தார்கள். அதைக்கொண்டு நம் தங்கையை முஸ்லிம்களே பத்திரமாக நம் கையில் ஒப்படைக்க வைப்போம் என்று பின்னாலேயே கிளம்பி அடுத்த ஒரு சில நாள்களில் அவர்களும் மதீனா வந்து சேர்ந்தார்கள்.

Read more...
 
எதிரிகளையும் மன்னிக்கும் மனப்பான்மை! Print E-mail
Saturday, 27 October 2018 07:01

எதிரிகளையும் மன்னிக்கும் மனப்பான்மை!

நபிகள் நாயகம் ஸல்லல்லாஹு அலைஹி வஸல்லம் மதினாவில் வாழ்ந்த காலகட்டத்தில் அவர்களின் முதன்மையான எதிரிகளாக யூதர்கள் இருந்தார்கள்.

நபிகள் நாயகம் ஸல்லல்லாஹு அலைஹி வஸல்லம் அவர்களை கொலை செய்யவும் அவர்கள் பல்வேறு திட்டங்களைத் தீட்டி செயல்பட்டனர். அப்படி இருந்த யூதர்கள் அனைவரையும் நபிகள் நாயகம் ஸல்லல்லாஹு அலைஹி வஸல்லம் அவர்கள் எதிரிகளாகக் கருதி நடந்து கொள்ளவில்லை.

நபிகள் நாயகம் ஸல்லல்லாஹு அலைஹி வஸல்லம் அவர்களுக்கு பணிவிடை செய்யும் பொறுப்பை சில இளைஞர்கள் செய்து வந்தனர். அவர்களில் யூத இளைஞர் ஒருவரும் இருந்தார். (ஆதாரம்: புகாரி 1356)

நபிகள் நாயகம் ஸல்லல்லாஹு அலைஹி வஸல்லம் அவர்களின் வீடுவரை செல்லவும் பணிவிடை செய்யவும் ஒருவருக்கு வாய்ப்பு கிடைத்தால் அவரால் நபிகள் நாயகத்தின் உயிருக்கே உலை வைக்க முடியும்.

அப்படி இருந்தும் எதிரி சமுதாயத்திலும் நல்லவர்கள் இருப்பார்கள் என்ற நம்பிக்கையில் அவரைத் தனது அந்தரங்க ஊழியராகச் சேர்த்துக் கொண்டார்கள். பின்னர் அந்த இளைஞர் இஸ்லாத்தை ஏற்றுக் கொண்டார் என்பது தனி விஷயம்.

Read more...
 
இஸ்லாமிய ஹிஜாப் அணிந்து ஆங்கிலேயர்களை எதிர்த்து நின்ற ஓர் வீரப் பெண்மணி Print E-mail
Tuesday, 25 February 2020 21:02

Image result for இந்திய சுதந்திர போராட்டத்தில் முஸ்லிம் பெண்களின் பங்கு

இஸ்லாமிய ஹிஜாப் அணிந்து ஆங்கிலேயர்களை எதிர்த்து நின்ற ஓர் வீரப் பெண்மணி 

அப்பெண்மணி வேறு யாரும் இல்லை, இந்திய சுதந்திர வேங்கை வீர சகோதரான முஹம்மது அலி மற்றும் சௌகத் அலி, இவ்விரு வீரர்களை பெற்ற அன்னை தான் ஆபாதி பானு சாஹிபா என்ற “பீ அம்மா” அல்லது பீ அம்மன்” என்று அழைக்கப்படுகிறார்கள்.

பிறப்பு:

இந்தியாவில் உத்திரபிரதேசம் மாநிலம் ராம்பூர் என்ற ஊரில் 1857-ம் ஆண்டு செல்வாக்கு மிக்க குடும்பத்தில் தர்வேஷ் கான் என்பவருக்கு செல்வ புதல்வியாக பிறந்தார்கள். அன்றைய முஸ்லிம் பெண்களை போன்றே இவர்களால் எவ்வித கல்வி படிப்பையும் படிக்க முடியவில்லை.

திருமணமும் விதவை வாழ்வும்:

முஸ்லிம்களின் இஸ்லாமிய நெறிமுறை படி வாழ்ந்த பீ அம்மா, மற்ற பெண்மணிகளை போல் இவர்களும் அப்துல் அலி என்பவரை மணமுடித்து இல்லற வாழ்வை துவங்கினார்கள்.

இவர்களின் கணவர் ராம்பூர் பகுதியின் ஆங்கில அரசின் உயர் அதிகாரியாக இருந்தார்கள். அப்துல் அலி காலரா நோயினால் 1907-ம் ஆண்டு மரணம் அடைந்தார், அவர் இறக்கும் நேரத்தில் முப்பது ஆயிரம் கடன் வைத்திருந்தார். அப்போது அவருக்கு வயது முப்பது, அன்னை பீ அம்மாவிற்கு இருபத்தியேழு வயது.

பீ அம்மா தனது 27-ம் வயதிலேயே தன் கணவரின் இறப்பால் விதவை ஆகினார்கள். சிறு வயதிலேயே இவர்களுக்கு ஒரு மகள் மற்றும் மூன்று மகன்கள் இருந்தன. கணவன் இழந்த விதவை வாழ்வு ஒரு பக்கம், சின்ன சிறு ஆறு பிள்ளைகள் மறுப்பக்கம்.

பீ அம்மா மனம் தளராமல் தன் கணவனின் கடனை அடைத்ததோடு குடும்ப வாழ்விலும் வெற்றி பெற்று, இந்திய வரலாற்றில் அழியாத தன் பெயரை பதித்து விட்டே சென்றார்கள். இவர்களின் வாழ்க்கை இன்று ஒவ்வொரு இஸ்லாமிய பெண்கள் அறிய வேண்டியது அவசியம்.

இஸ்லாமிய கலாச்சாரத்தை விட்டு கொடுக்காமல் ஹிஜாப் என்ற இஸ்லாமிய பர்தாவை அணிந்தே ஆங்கிலேயர்களுக்கு எதிராக குரல் தந்தார்கள். அன்னை அவர்களுக்கு எவ்வித கல்வியறிவு இல்லை என்றாலும் தன் பிள்ளைகளை ஆங்கிலத்திலும், உருதுவிலும் புலமை பெற்றவர்களாக ஆக்கினார்கள்.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 3 of 108

99 Names Of Allaah

-         310 300nd

Links

Links 2

Best Article