வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

நடத்தை கெட்ட மனைவியுடன் வாழலாமா? Print E-mail
Friday, 06 January 2012 21:46

கேள்வி :  கள்ளக்காதல் செய்தால் திருமண உறவு முறிந்துவிடுமா? இத்தவறைச் செய்தவரை மன்னித்து அவருடன் வாழ்க்கை தொடரலாமா?

பதில் :  கணவன் மனைவி இருவரில் யாராவது ஒருவர் வேறு ஒருவருடன் கள்ள உறவு வைத்தால் இதனால் அவ்விருவருக்கிடையே உள்ள திருமண உறவு முறிந்துவிடாது.

தவறு செய்தவர் தான் செய்த தவறுக்காக வருந்தி இனி இந்தத் தவறை செய்யமாட்டேன் எனக் கூறி மன்னிப்புக் கேட்கிறார். இதை ஏற்றுக் கொள்வதற்கும் மறுப்பதற்கும் அவருடைய வாழ்க்கைத் துணைக்கு உரிமையுள்ளது. அவர் இதை ஏற்றுக் கொண்டால் அவர்கள் இருவரும் கணவன் மனைவியாகவே வாழலாம்.

அவர் ஏற்றுக் கொள்ளாவிட்டால் இந்த குற்றத்தைச் செய்தவரை விட்டும் பிரிந்து விடலாம். ஆண் தவறு செய்திருந்தால் பெண் தனக்குரிய விவாகரத்து முறையின் படி (குலஃ) கணவனிடமிருந்து பிரிந்து கொள்ளலாம்.

பெண் தவறு செய்திருந்தால் அதை அவன் அம்பலப்படுத்துவதில் உறுதியாக இருந்தால் லிஆன் என்ற முறையில் பிரிந்து கொள்ளலாம்.

Read more...
 
மன அமைதி இசையில் கிடைக்காது தூய இஸ்லாத்தில்தான் கிடைக்கும் Print E-mail
Thursday, 20 February 2014 22:08

["இஸ்லாம் ஒன்றில்தான் அன்பு, அமைதி, சகோதரத்துவம் என்ற அனைத்தும் எனக்கு கிடைத்தது.

முஹம்மது நபி ஸல்லல்லாஹு அலைஹி வஸல்லம் அவர்களை நினைத்தாலே உள்ளார்ந்த ஒரு அன்பு என்னுள் மேலிடுகிறது.

கூடிய விரைவிலேயே மக்கா மதினா போன்ற புனித நகரங்களுக்கு பயணம் மேற்கொள்வேன். இஸ்லாத்தை படிக்க ஆரம்பித்த எனக்கு குர்ஆனின் மீது இனம் புரியாத ஒரு ஈர்ப்பு வந்தது.

இறைவனைப் பற்றிய உண்மைகள் எனக்கு தெரிய ஆரம்பித்தன. எனது உள்ளம் இஸ்லாத்தை ஏற்றுக் கொள்ளுமாறு சொன்னது. எனவே இன்று நான் உங்கள் முன் முஹம்மது யூசுஃபாக நிற்கிறேன்."]

Read more...
 
முஸ்லிம் ஜனத்தொகைக் கட்டுக்கதை உடைப்பு! Print E-mail
Monday, 25 January 2016 08:14

[ முஸ்லிம் 1000 ஆண்களுக்கு 936 பெண்களே உள்ளனர்.  ஒவ்வொரு முஸ்லிமும்  பலதார மணம் புரிகின்றார் என்றால் எங்கிருந்து புரிவர்?  மிகைப்படுத்தப்பட்ட கற்பனைகள், பொய்ப் பரப்புரைகள் செவிவழி உரைகளாக, இணைய எழுத்துகள் மூலமாக சமூகத்திற்குள் திணிக்கப்படுகின்றன.

முஸ்லிம்கள் வேண்டுமென்றே தங்களது ஜனத்தொகையை அதிகப்படுத்திக் கொண்டிருக்கின்றனர் என்னும் பரப்புரை அர்த்தமற்ற குற்றச்சாட்டு. இது குறித்து சமூகத்திற்குள்ளாக நடக்கும் பிரச்சாரம் அப்பட்டமான பொய்.

’NFHS’- தகவல்படி முஸ்லிம் பெண்கள் நவீன முறையிலான கருத்தடைச் சாதனங்களைப் பொருத்தியிருக்கின்றனர். அதிகமாக உபயோகித்திருக்கின்றனர். இந்த வகை முறைகளைக் கையாளும்போக்கு இந்து, முஸ்லிம் இருபிரிவுப் பெண்களிடமும் இருந்திருக்கிறது. நவீனக் கருத்தடைச் சாதனங்கள் குறித்த விழிப்புணர்வு முஸ்லிம் பெண்களிடம் அதிகமாகவே இருந்திருக்கிறது.

சமீப காலத்தகவல்படி இரு பாலினங்களும் சம விகிதத்தில் இல்லை. முஸ்லிம் 1000 ஆண்களுக்கு 936 பெண்களே உள்ளனர். 64 ஆண்கள் திருமணம் செய்ய பெண்கள் இல்லை. இருக்கும் ஆண்களுக்கே பற்றாக்குறை இருக்கிறபோது ஒவ்வொரு முஸ்லிமும் பலதார மணம் புரிகின்றார் என்றால் எங்கிருந்து புரிவர்?

பெண்கள் உயிர்வாழ்தல் குறித்து எடுக்கப்பட்ட 2005-06 ஆய்வு தகவல்; இந்துப் பெண்கள் வாழ்நாள் காலம் சராசரியாக 65 ஆண்டுகள். முஸ்லிம் பெண்கள் வாழ்நாள் காலம் 68 ஆண்டுகள்.

5 வயதுக்குட்பட்ட குழந்தை இறப்பு இந்துக்களிடம் 76 விகிதம். முஸ்லிம்களிடம் 70 விகிதம்.]

Read more...
 
'பாபர் மசூதி இடிப்பு திட்டமிட்டதே; அத்வானி, நரசிம்ம ராவுக்கு முன்கூட்டியே தெரியும்!' Print E-mail
Saturday, 05 April 2014 09:08

  நாட்டு நடப்பு!  

o  'பாபர் மசூதி இடிப்பு திட்டமிட்டதே; அத்வானி, நரசிம்ம ராவுக்கு முன்கூட்டியே தெரியும்!'

o  மோடியை கிழித்த தி எக்கனாமிஸ்ட், கொதிக்கும் பாஜக...

o  Economist says India deserves better than Narendra Modi, BJP fumes

o  Exposed: Narendra Modi’s tall claims are all lies

o  அதிகமான இடங்களில் ஆம் ஆத்மி கட்சி (426 தொகுதியில்) போட்டி

o  தொழிலதிபர்களுக்காகவே மோடி ஆட்சி நடக்கிறது என கேஜ்ரிவால் சொல்வது உண்மையே: கருத்து கணிப்பு

Read more...
 
வெட்கித் தலைகுனிகிறேன் – அட்மிரல் எல் ராம்தாஸ் Print E-mail
Saturday, 07 November 2015 06:19

வெட்கித் தலைகுனிகிறேன் –அட்மிரல் எல் ராம்தாஸ்

(Admiral-l-Ramdas (கப்பல் படை முன்னாள் தலைமைத் தளபதி அட்மிரல் எல் ராம்தாஸ் அவர்கள் எழுதிய கடிதத்தின் முழுமையான தமிழாக்கம்)

மாண்புமிகு ஜனாதிபதி ப்ரணாப் முகர்ஜி மற்றும் பிரதமர் நரேந்திர மோடி அவர்களுக்கு,

கனத்த இதயத்துடன் தங்களுக்கு இந்த திறந்த மடலை நான் எழுதும் இவ்வேளையில், நம் பாசத்திற்குரிய நாடும் நாட்டு மக்களும் மிகக்கடுமையான சவால்களையும் நம்முடைய நல்லிணக்க பாரம்பரியத்திற்கு எதிரான அச்சுறுத்தல்களையும் சந்தித்து வருகிறார்கள்.

நாடு சுதந்திரம் அடைந்த சில நாட்களில், 14 வயது நிரம்பிய நிலையில் இந்திய ராணுவத்தில் இணைந்தேன். 45 ஆண்டுகளுக்கு பின், இந்தியக் கப்பல் படையின் தலைவராக (1990 to 1993) பொறுப்பேற்றேன். இந்தக் காலகட்டங்களில் இந்திய பிரிவினையின் பயங்கரங்கள் முதல் நவீன இந்தியாவின் முற்றிலும் மாறுபட்ட டிஜிட்டல் இணைப்பு வரை இந்தியா பல்வேறு மாறுதல்களை கடந்துள்ளதை நான் கண்டுள்ளேன்.

ஹிந்து மத கலாச்சாரத்தில் வளர்க்கபட்டவன் என்ற முறையில் நான் இந்த கடிதத்தை எழுதுகிறேன். நான் அறிந்த, அனுபவித்த என் ஹிந்து மதம் கணிவானது, அசாதாரண பன்முகத்தன்மையின் மத்தியிலும் அனைவரயும் அரவணைத்து, அனைத்தையும் நேசிக்கவும் மதிக்கவும் கற்றுகொடுதது.

மக்களிடயே பயத்தையும் பிரிவினையையும் பரப்பிவரும் தற்போதுல்ல “ஹிந்துத்வா” என்ற அடையாளத்தின் வன்முறைக்கும் சகிப்புத்தன்மை இல்லாத போக்கிற்கும் என் ஹிந்து மதம் எந்த காலத்திலும் இடம் கொடுத்ததில்லை.

Read more...
 
"உங்கள் மார்க்கம் உங்களுக்கு, எங்கள் மார்க்கம் எங்களுக்கு" Print E-mail
Tuesday, 23 October 2012 21:56

"உங்கள் மார்க்கம் உங்களுக்கு, எங்கள் மார்க்கம் எங்களுக்கு"

முஸ்லிம்கள் மதவாதிகள், அவர்கள் தாலிபான்கள், காட்டுமிராண்டிகள், கருத்து சுதந்திரத்திற்கும், பெண் சுதந்திரத்திற்கும் எதிரானவர்கள், அவர்கள் வாழ வேண்டியது ஆஃப்கானிஸ்தானிலோ, பாகிஸ்தானிலோதான் இந்தியாவில் இல்லை. இன்னும் ஏராளமான கமெண்ட்கள்....

இதுவரை இந்துத்துவவாதிகளால் மட்டுமே உபயோகப்படுத்தப்பட்ட சொல்லாடல்கள் பெரியாரியவாதிகள் என்று சொல்லிக் கொள்பவர்களிடம் இருந்தும் பெண்ணியவாதிகளிடமிருந்தும், பொதுவுடமை பேசுபவர்கள் என்ற பெயர்களில் வெறுப்பு வார்த்தைகள்.....

ஆழ் மனதிலிருந்து தெரித்துவிழுந்த வெறுப்புணர்வு... முஸ்லிம்கள் பொதுவெளியில் என்னதான் நட்புடனும் சகோதரத்துடனும் பழகினாலும்.. நெருக்கடி நிலையில் அவர்கள் தனிமை படுத்தப்படுவார்கள், குஜராத்தில் மோடியின் நரவேட்டையிலும் அப்படித்தானே நடந்திருக்கும், பக்கத்துவீட்டுக்காரர், நெருங்கி பழகிய நண்பர்கள், மதச்சார்பற்ற அமைப்புகள், நெருக்கடி நேரம் என்று வரும் பொழுது அவன் முஸ்லிம்..

அடிப்படை மதவாதம், மதத் தீவிரவாதம், மத பிற்போக்குவாதம் என்பதெல்லாம் பொதுவாக இஸ்லாம் என்ற மதத்தை குறிப்பிடும் சொல்லாடல்களாக ஊடகங்கள் மூலமாகவும், ஆளும் வர்க்கத்தினர் மூலமாகவும் அடையாளமாக்கப் பட்டுள்ளது.

Read more...
 
பிரிவுகளால் விளையும் விபரீதங்கள் Print E-mail
Thursday, 23 January 2014 08:27

பிரிவுகளால் விளையும் விபரீதங்கள்

[ அஹ்லே ''சுன்னத்துவல் ஜமாஅத்''தைச்சார்ந்த அனைவரும் முஸ்லிம் அல்லாதவர்கள் என ஷியா அறிஞர்கள் தீர்ப்பு வழங்கியுள்ளனர்.

"ஷியாக்கள் தவிர எல்லா பிரிவாரும் காஃபிர்கள் அவர்கள் கொலையுண்டாலோ இயற்கையாக மரணமடைந்தாலோ ஒரு போதும் சுவர்க்கம் புக மாட்டார்கள்." (ஹக்கீகத்து ஷுஹதா பக்கம்.65)

இதுபோலவே சுன்னத் வல் ஜமாஅத்தைச் சேர்ந்த ஆலிம்கள்; ஷியாக்களெல்லோரும் காஃபிர்கள் என்று கொடுத்துள்ள ஃபத்வாக்களும் உண்டு.

இந்த ஷியாப் பிரிவினரைப்பற்றி "சுன்னத் ஜமாஅத்"தினரின் தீர்ப்பை பாருங்கள்...

"ஷியாக்கள் ஹஸ்ரத் அபூபக்கர் சித்தீக் ரளியல்லாஹு அன்ஹு அவர்களுடைய கிலாபத்தை நிராகரிக்கின்றார்கள். எவர் ஹஸ்ரத் அபூபக்கருடைய கிலாபத்தை நிராகரிக்கின்றாரோ அவர் காபிராகிவிட்டார். அவ்வாறுள்ள காஃபிர்கள் கொல்லப்பட வேண்டும். (ரத்தே தபாரக் 30)

தடுக்கி விழுந்தால் காஃபிர் ஃபத்வா கொடுப்பதற்கென்றே சில ஆலிம்கள் பிறவி எடுத்துள்ளார்கள் என்று சொல்லுமளவுக்கு இன்றைய நடப்பு இருக்கிறது.

ஒரு ஜமாஅத்தை விடுத்து அடுத்த ஜமாஅத்திற்கு என பிரிதல், பிரித்தல் பிளவுபடல், பிளவு படுத்துதல் வெகு விமரிசையாக அரங்கேறி வருகிறது. பிரிவுகளால் உலக அளவில் முஸ்லிம்கள் அனுபவித்து வரும் துன்பங்களையும், துயரங்களையும் சொல்லியும் மாளாது எழுதினும் ஓயாது.

வாழ்க ஆலிம்கள்!!!!!!!!!!!!!!!!!!! -adm.]

Read more...
 
முஸ்லிம்களின் மோசமான எதிரி முஸ்லிம்களே! Print E-mail
Saturday, 03 April 2010 10:13

முஸ்லிம்களின் மோசமான எதிரி முஸ்லிம்களே!

  Dr. பால் க்ரைக் ராபர்ட்ஸ் ( Dr. Paul Craig Roberts ) 

[ தம்மை அடிமைப்படுத்த முயலும் ஏகாதிபத்தியத்தை வெறுப்பதைவிட, தம்மைத்தாமே வெறுத்துக்கொண்டும் தம்மைக்கண்டு தாமே பயந்துகொண்டும் இருக்கும்வரை முஸ்லிம்கள் தோற்றுக்கொண்டே இருப்பார்கள்!]

கட்டுரையாளர், டாக்டர் பவுல் கிரேக் ராபட்ஸ் அவர்கள், அமெரிக்க கருவூலத்தின் (Treasury) முன்னாள் பிரதிச் செயலர், ‘வால்ஸ்ட்ரீட்’ பத்திரிகையின் கூட்டு ஆசிரியர், ஹூவர் கலாசாலையிலே ஒரு ஆராய்ச்சியாளர், அரசியற் பொருளாதார விரிவுரையாளர்.

முஸ்லிம்களோ மக்கள்ொகையில் மிக அதிகம். ஆனால், அவர்களுக் கிடையேயான பிரிவினையோ அதைவிட அதிகம். மத்திய கிழக்கு நாடுகளில் வாழும் ஷியா, சுன்னாப் பிளவுகள் இதற்கோர் நல்ல உதாரணம். இவர்கள் கடந்த ஒரு நூற்றாண்டு காலமாக மேற்கத்திய நாடுகளுக்கு அடிமைப் பட்டுக்கிடப்பதற்குக் காரணமும் இந்தப்பிரிவினைதான். 2010 ஏப்ரலில் நடக்கவிருந்து, நிறுத்தப்பட்டுப்போன ''இஸ்லாமிய ஒருமைப்பாட்டு (ஒலிம்பிக் போன்ற) விளையாட்டுகள்’ மற்றுமொரு உதாரணமாகும். இங்கு காணப்படும் குடாக்கடலுக்கு எந்தப்பெயரை நிரந்தரமாக்குவது என்பதில்தான் கருத்து வேறுபாடு ஏற்பட்டது. ஈரானியர் ‘பாரசீக வளைகுடா’ என்கிறார்கள், அரேபியர் ‘அராபிய வளைகுடா’ என்கிறார்கள். இதுதான் பிரச்சினை!

இஸ்ரவேலர்களின் ஆக்கிரமிப்பிலிருந்து பாலஸ்தீனத்தைக் காப்பாற்ற முடியாதிருப்பதற்குக் காரணமும் முஸ்லிம்களுக்கிடையே காணப்படும் பிரிவினைதான். மேலும், அமெரிக்கா, ஈராக்கை ஆக்கிரமித்திருப்பதும், அனேகமான மத்திய கிழக்கு நாடுகளில் அமெரிக்காவின் கைப் பாவைகளை ஆட்சியில் அமர்த்தி அடக்கியாண்டுகொண்டு வருவதும் இதே பிரிவினையின் விளைவுதான்.

Read more...
 
ஒற்றுமையே வலிமை Print E-mail
Thursday, 27 January 2011 12:05

ஒற்றுமையே வலிமை

   மவ்லவி, எம். ஜாஃபர் ஸாதிக் இப்னு முஹம்மது ஹனீஃப்  

[‘அல்லாஹ்வின் உதவிக்கரம் ஒன்றுபட்ட சமுதாயத்திற்கே உண்டு’ என்று நபிகளார் ஸல்லல்லாஹு அலைஹி வஸல்லம் அவர்கள் கூறுவதின் மூலம் எவ்வளவுதான் இறைவனை துதிபாடினாலும், வணங்கினாலும் மக்களிடையே ஒற்றுமை இல்லையெனில் சமுதாயம் சீரிகுலைந்து போகும் என எடுத்துரைக்கிறார்கள். அது மட்டுமன்று. அவர்கள் செல்லுமிடம் நரகமாகத்தான் இருக்கும்என்றும் கூறுகிறார்கள்.]

‘நீங்கள் அனைவரும் ஒன்று சேர்ந்து அல்லாஹ்வின் (வேதமாகிய) கயிற்றைப் பற்றிப் பிடித்துக் கொள்ளுங்கள். நீங்கள் பிரிந்துவிட வேண்டாம்.'' (அல்குர்ஆன் 3:103)

ஒற்றுமை! அது வெற்றியின் இரகசியம். அதன் அவசியம் பற்றி பல்வேறு அறிஞர்களும் எடுத்துக் கூறியுள்ளார்கள். ஆனால் அவர்களே அதைப் பின்பற்றவில்லை என்பதோடு அதற்கு எதிரான காரியங்களைப் பின்பற்றி பீடுநடைபோடுவதில் முன்னனியில் இருக்கிறார்கள் என்பதும் உண்மை. ஆகவே இந்த கட்டுரை பொதுமக்களுக்கு என்று சொல்வதைவிட அறிஞர்களுக்கு என்று சொல்வதுதான் சாலப் பொருத்தம்.

அறிஞர்களுக்கு புத்தி சொல்ல வந்துவிட்டீர்களோ?! அதற்கான தகுதி உண்டோ உமக்கு என்று சில குரல்கள் எழுந்தாலும் சமூக அக்கரைக் கொண்ட எந்த ஒரு முஃமினுக்கும் நல்லதை எடுத்துச்சொல்லவும் தீமையைத்தடுக்கவும் கூடிய அத்தனை உரிமையையும் இஸ்லாம் வழங்கியிருப்பதோடல்லாமல் வலியுறுத்தவும் செய்கிறது செயல்பட! என்பதை அடக்கத்துடன் சொல்லிக் கொள்கிறோம்.

Read more...
 
நமது பயணம் எதை நோக்கியது? Print E-mail
Saturday, 18 December 2010 08:12

நமது பயணம் எதை நோக்கியது?

    கீரனூர் ஆதிபா ஷாஜஹான்    

‘பின்னர் (இந்த குர்ஆனை விட்டு) நீங்கள் எங்கு சென்று கொண்டிருக்கிறீர்கள்? இதுவோ அனைத்துலக மக்களுக்கும் உரிய ஓர் அறிவுரையாகும்’ (அல்குர்ஆன் 61: 26, 27)

திருக்குர்ஆன் நம்மைப் பார்த்து ஒரு வினா எழுப்புகிறது. உங்களுக்கான உன்னத அறிவுரைகளை விட்டு உயர்ந்த வழிகாட்டுதலை விட்டு எங்கே சென்று கொண்டிருக்கிறீர்கள்? இதற்கு நம்முடைய விடை என்ன?

தேர்வு கூடத்தில் பதில் தெரியாத மாணவர் திருதிருவென விழித்துக் கொண்டிருப்பதைப் போன்றது நம்முடைய நிலை. நாம் எங்கிருந்து வந்தோம். என்ன செய்து கொண்டிருக்கிறோம். செல்லும் பாதை சரியா, தவறா? குர்ஆனின் அறிவுரைகள், போதனைகள் என்ன? வழிகாட்டுதல்கள் என்ன?

Read more...
 
இமாம்கள் பலவிதம்! Print E-mail
Wednesday, 20 October 2010 12:11

இமாம்கள் பலவிதம்!

  Jc.M. பிரின்ஸ் ஃபாரகலீத்   

(இக்கட்டுரையில் உள்ள பல வரிகளின் அர்த்தத்தை எதிர்மறையாக - தவறாக கொள்ளாமல் நேர்மறையாக எடுத்துக்கொள்வது சிறந்தது)  

[ இமாம் என்பதை ஒரு வேலையாக இல்லாமல் அற்புதமான ஆனந்தமான பொறுப்பாக எடுத்து, அதை செவ்வனே செய்யும் சிலரை பார்த்திருக்கிறேன்.

அவர்களைப் பார்க்கும் பொழுது ஒரு சிங்கத்தை பார்க்கும் உணர்வு இருக்கும். நடையில் அத்தனை கம்பீரம். அந்த தாடியின் அழகு கூடியிருக்கும். அவர் கண்ணில் அன்பும், கண்டிப்பும் இருக்கும்.

எந்த ஒரு நிகழ்வும் அவரைக் கேட்காமல் அந்த மஹல்லாவில், அந்த பள்ளியில் நடக்காது. அந்த மஹல்லா பெரியவர்களும், ஏன் இளைஞர்களும் அவரைக் கண்டாலே மிரளுவார்கள். அதே நேரம் அன்போடு இருப்பார்கள்.

அந்த இமாம் பல இளைஞர்களை பெயர் சொல்லி அழைப்பார். அவர்களோடு நிறைய பேசுவார். உரிமையோடு கண்டிப்பார்.

அவருடைய வெள்ளிக்கிழமை பயானுக்காகவே பிற மஹல்லாவில் இருந்து பலர் வருவார்கள். ஒவ்வொரு வெள்ளிக்கிழமை பயானும் பல இளைஞர்களின் மனதை மாற்றி நெறிபடுத்தி இருக்கிறது.

அவர் வாய் திறந்து பள்ளிவாசலுக்காக நிதி உதவி செய்யுங்கள் என்று சொன்னால் நிதி குவியும். அந்த இமாம் அந்த மஹல்லாவை விட்டு போனால் அந்த இடம் காலியாகிவிடும்.

அதன் பிறகு வரும் பல இமாம்களால் இந்த இடத்தை நிரப்ப முடிவதில்லை. (இதை ‘டைப்’ செய்யும்பொழுது முன்னால் ஜமாஅத்துல் உலமாவின் தலைவர், எஸ்.ஆர்.ஷம்ஸுல்ஹுதா ஹஜ்ரத், ரஹ்மதுல்லாஹி அலைஹி அவர்களின் நினைவு வருவதை தவிர்க்க முடியவில்லை. – நிர்வாகி, நீடூர்.இன்ஃபோ)

Read more...
 
நவீன கராமாத்துகள்! Print E-mail
Friday, 19 November 2010 11:14

கராமாத்துகள் இறையச்சமுடைய நேர்மையாளர் ஓவ்வொருவர் வாழ்விலும் நிகழக்கூடியவை.. அதிசயங்கள், வாபம், நட்டம் இரண்டையும் தரக்கூடியவை. ஒருவருக்குக் கிடைக்கக் கூடிய நன்மை, அடையக் கூடிய தீமை இரண்டையும் அறியும் ஆற்றலை, தான் விரும்பக்கூடிய மனிதர்களுக்கு அல்லாஹ் தருகிறான்

குர்ஆனில் இடம் பெறும் நபி மூஸா அலைஹிஸ்ஸலாம் அவர்களின் அஸா என்னும் கைத்தடி நிகழ்த்திய அதிசயங்களைக் குறிப்பிடலாம்.

மூஸா நபி அந்த கைத்தடியை நிலத்தில் எறிந்தபோது மலம் பாம்பாக மாறியது. மிகப்பெரிய பாம்பாக உருவெடுத்து மந்திரவாதிகளின் பாம்புகளை விழுங்கியது. பாலைவனத்தில் தாகம் தணிக்க பாறையில் ஓங்கி அடித்தபோது அதிலிருந்து பனிரெண்டு நீரூற்றுகள் கிளம்பின. ஃபிர்அவுன் கூட்டம் துரத்தியபோது அஸாவை செங்கடல்மீது வைத்த போது கடல் பிளந்து பாதை உருவாகியது. மூஸா நபி கூட்டத்தை உயிர் பிழைக்க வைத்தது.

அதே மணல்திட்டு பாதையில் துரத்திய ஃபிர்அவுன் கூட்டத்தை கடல் திரும்பவும் மூடி அழித்தது. ஈஸா நபி இறந்தவர்களை உயிர்ப்பிக்கச் செய்தார். வெண்குஷ்ட பிணியாளர், பிறவிக்குருடர்களை தனது கரத்தால் தொட்டு சுகப்படுத்தினார். களிமண்ணால் பட்சி உருவத்தை செய்து அதில் ஊதி உயிருள்ள பட்சியாக மாற்றினார். இபுராகீம் நபியை எரியும் நெருப்பில் வீசியபோது அந்த நெருப்புக்குண்டமே குளிர்பொய்கையாய் மாறியது. இஸ்மாயில் நபியின் கழுத்து பலிபீடத்தில் வைத்து அறுக்க அறுக்க அறுபடாமல் கத்தி அதிசயம் செய்தது.

Read more...
 
தவ்ஹீதுல் அஸ்மா வஸ்ஸிஃபாத் Print E-mail
Tuesday, 04 June 2013 07:17

தவ்ஹீதுல் அஸ்மா வஸ்ஸிஃபாத்

'அஸ்மா" என்பதற்கு 'பெயர்கள்' என்று பொருள். 'ஸிஃபாத்' என்பதற்கு 'பண்புகள்' என்று பொருள். எனவே தவ்ஹீது அஸ்மா வஸ்ஸிஃபாத் என்பது அல்லாஹ்வுக்கு மட்டுமே உரிய பெயர்களை, பண்புகளை அல்லாஹ்வுக்கு மட்டுமே உரித்தாக்கி அவனுடைய இந்தப் பெயர்களில், பண்புகளில் அவனுடைய படைப்பினங்களில் எதற்கும் யாருக்கும் இணைவைக்காமல் இருப்பதாகும்.
 
அல்லாஹ்வின் பண்புகளில், ஆற்றல்களில் எதையும் மறுக்க கூடாது அல்லது அந்த பண்புகளுக்குள்ள அர்த்தங்களை மாற்றவோ, அல்லது குறைக்கவோ கூடாது. மேலும் அல்லாஹ்வுக்கு மட்டுமே இருக்கக் கூடிய பண்புகளை அவனுடைய படைப்பினங்களான பிறருக்கும் இருப்பதாக எண்ணக் கூடாது. இவ்வாறு நம்பிக்கை கொள்வதற்கு தவ்ஹீது அஸ்மா வஸ்ஸிஃபாத் என்று பெயர்.
 
உதாரணமாக, அல்லாஹ்வுக்கு மட்டுமே உரித்தான பெயர்களில் ஒன்றாகிய 'அஸ் ஸமீவு', அதாவது 'எல்லாவற்றையும் கேட்கக் கூடியவன்'. ஒருவர் அல்லாஹ்வுக்கு மட்டுமே உரித்தான இந்தப் பெயரை அல்லாஹ் அல்லாத ஒரு மனிதருக்கோ அல்லது சமாதியில் அடக்க மாகியிருப்பவருக்கோ, அல்லது ஒரு சிலைக்கோ, அல்லது ஒரு நபிக்கோ இருப்பதாக எண்ணினால் நிச்சயமாக அவர் அல்லாஹ்வுக்கு உரிய இந்தப் பெயரை அல்லாஹ் அல்லாதவைகளுக்கு பங்களித்தன் மூலம் 'ஷிர்க்' என்ற மாபெரும் பாவமாகிய இணை வைத்தலைச் செய்தவராகிறார். (அல்லாஹ் நம்மைப் பாதுகாப்பானாகவும்)

Read more...
 
வாழ்க்கை கட்டமைப்பு Print E-mail
Wednesday, 15 September 2010 18:12

வாழ்க்கை கட்டமைப்பு

வாழ்க்கை எதிர்பார்ப்புகளால், எண்ணங்களால், உணர்வுகளால் கட்டமைக்கப் பட்டுள்ளது.

எதிர்பார்ப்புகள் வாழ்கையை சுவாரஸ்யமாக்குகிறது.

எதிர்பாராத நிகழ்வுகள் வாழ்க்கையோடு சேர்ந்தே பயணிக்கிறது.

வாழ்க்கையும் எதிர்பார்ப்பும் முறையே உடலும் சுவாசமும். எதிர்பார்ப்புகள் இல்லாத வாழ்க்கை சுவாசம் இல்லாத உடல். சவம்.

சுவாசம் போல் எதிர்பார்ப்பும் ஒரு அனிச்சை செயல். மறுத்தாலும். ஆசை இல்லாமல் இருக்க ஆசை கொண்டதைப் போல்.

ஏமாற்றங்கள், அசுவாரஷ்யங்கள் வாழ்க்கையின் திசையை மாற்றுவதன்றி ஓட்டத்தை நிறுத்துவதில்லை.

ஏமாற்றங்கள் அனுபவங்களாகின்றன. அனுபவங்கள் வாழ்கையை வழி நடத்துகின்றன.

சீரான வாழ்க்கை என்று யாருக்கும் நிரந்தரமாய் இருப்பதில்லை.

நிரந்தரம் அற்ற வாழ்க்கையில். தெரிந்தும் நிரந்தரம் தேடும் வாழ்க்கை.

வாழ்க்கையின் அர்த்தம் என்பது அவரவர் எண்ணங்களையும் தேடல்களையும் அடிப்படையாகக் கொண்டு அமைகிறது.

Read more...
 
மகிழ்ச்சியாக வாழ என்ன தேவை? Print E-mail
Tuesday, 14 September 2010 11:59

சமீபத்தில் நடந்த ஒரு ஆய்வில் தெரியவந்த உண்மைகள்:

97% மக்கள் தங்கள் வாழ்க்கை மாறினால்தான் மகிழ்ச்சி கிடைக்கும் என்று நம்புகின்றனர்.

85% மக்கள் வீட்டுக்கு விருந்தினர் வருவதற்கு முன் தான் வீட்டை சுத்தம் செய்கிறார்கள்.

75% மக்கள் சேமிக்க வழியின்றி திண்டாடுகிறார்கள்.

70% மக்கள் வீட்டில் இருக்கும்போது அழகாக தோன்ற முயற்சி எடுப்பதில்லை.

60% மக்கள் தாங்கள் செய்ய நினைத்த வேலைகளை நேரத்தில் செய்து முடிப்பதில்லை.

நம்மிடம் உள்ள குறைகளை ஒப்புக்கொண்டு அதை மாற்ற முயல்வதே சிறந்தது,அதைவிட்டு நான் குறையற்றவள் என்பதை நிரூபிக்க நினைப்பது வீண் கவலையை மட்டுமே தரும்!

Read more...
 
அதிகாலை நிகழ்த்தும் அற்புதங்கள் Print E-mail
Thursday, 09 September 2010 14:35

அதிகாலையில் துயில் எழும் பழக்கம் நமக்கு பல்வேறு நன்மைகளைத் தருகின்றன. ''அதிகாலையில் எழுவது ஆரோக்கியம்'' என்பதுமட்டுமின்றி அறிவையும் வளப்படுத்தும்.

அதிகாலையில் எழுந்து ''ஸுப்ஹுத்தொழுகையை தொழுது விட்டவர்களுக்கு அன்று முழுவதும் நல்ல நாளே'' என்றல்லவா இஸ்லாம் கூறுகிறது. இதில்தான் எவ்வளவு கருத்துக்கள் அடங்கியுள்ளன! மனிதர்கள் சிந்திக்க வேண்டாமா?

அதிகாலை நிகழ்த்தும் அற்புதங்கள் பல. உதித்து உயர்ந்தெழும் சூரியன், மலர்களை மட்டுமா மலரச் செய்கிறது. வாழ்க்கையில் உயர விரும்பும் பலரையும் மலரச் செய்யும் பொழுதல்லவா அது!

நீங்கள் நேற்றுவரை நித்திரையில் ஆழ்ந்திருந்தால் இனியாவது அதிகாலையின் அதிசயங்களை அனுபவிக்க விடி காலையிலேயே விழித்தெழுங்கள்.

அதிகாலை நிகழ்த்தும் அற்புதங்கள்

o சீக்கிரம் எழுந்தால் அதிகாலையை போன்ற அமைதி உங்களிடமும் ஒட்டிக் கொள்ளும். வாகன இயக்கம், ரேடியோ, டி.வி. இரைச்சல், பக்கத்து வீடுகளின் கூச்சல், குழந்தைகளின் அழுகுரல் என்று எதுவும் உங்களுக்குத் தொந்தரவு செய்யாது.

o எங்கும் அமைதி நிலவ நீங்கள் நிம்மதியாக செயல்படலாம். அதிகாலையை போன்ற அருமையான பொழுதை வேறு எப்போதும் அனுபவிக்கவே முடியாது. அந்த வேளைதான் சிந்திக்க, செயல்பட, படிக்க, சுவாசிக்க என பலவற்றுக்கும் ஏற்றது.

Read more...
 
வாழ்க்கை ஓர் இனிய அனுபவம் Print E-mail
Monday, 22 November 2010 09:51

 

MUST READ  

o வாழ்க்கை ஓர் இனிய அனுபவம்; உலக உண்மைகளை அறிந்து கொள்ளும் அறிவு. மனிதன் மகத்தானவனாகாக ஆக்கும் முயற்சி தான் வாழ்க்கை!

o மனித வாழ்வில் ஏராளமான பிரச்னைகள் நம்மை தினந்தோறும் மோதுகின்றன. நாம் வாழ்வில் நமக்கு நிகழும் சோதனைகளையும், நம் வாழ்வில் ஏற்படும் சம்பவங்களையும் யோசித்துப் பார்த்தோமானால், பல சமயம் நமக்குத் தோல்வியும், ஏமாற்றமும், துன்பங்களும் தான் வருகின்றன. வாழ்வில் ஏற்படும் தோல்விகளுக்கும், கஷ்டங்களுக்கும் காரணம் நாம் எடுத்த முடிவுதான் என்பது புரியவரும்.

o சம்பளம் இல்லாமல், நம் குடும்பத்தின் மனைவி என்ற ஒரு பெண் நம்மை நம்பி தன் வாழ்க்கையை நமக்காக அர்ப்பணித்திருக்கிறாள். தெய்வீக அன்புடன், நம் குழந்தைகள் என்ற அவர்களின் எதிர்காலம் பற்றிய கற்பனை, அதற்கான முயற்சி வாழ்வில் தான் எத்தனை, எத்தனை சந்தோஷங்கள், ஆனந்தங்கள் இருக்கின்றன!

o நமது குழந்தைகளுடனும், மனைவியுடனும் பெற்றோருடனும் இசைபட வாழ்தல், இணைந்து அனுசரித்து பெருமையுடன் வாழ்வது இருக்கிறதே... அதுவும் ஊருக்கு உதவியாக இருப்பதும்தான் பெரிய பாக்கியம்"

o இல்லாதவர்களுக்கு கொடுப்பதில், உதவுவதில் தான் வாழ்வின் அர்த்தம் புரிகிறது. உலகுடனும், இந்த பிரபஞ்சத்துடனும் இசைபட வாழ்வது இருக்கிறதே... அது, எவ்வளவு பெரிய பாக்கியம், எவ்வளவு பெரிய ஆனந்தம்.

Read more...
 
முன்னோர்களின் அமைதியான வாழ்க்கை Print E-mail
Sunday, 26 December 2010 08:39

முன்னோர்களின் அமைதியான வாழ்க்கை

[ நம் முன்னோர்கள் மருத்துவ வசதிகள் வளராத காலத்திலேயே, ஆரோக்கியமான வாழ்க்கை முறையில் வாழ்ந்தனர். உடலும் உள்ளமும் இசைவோடு இயங்கியது.

பொருள் அளவில் சாதாரண நிலையில் இருந்தனர். அவர்களுடைய வாழ்க்கையில் நிம்மதி இருந்தது. அவர்கள் வாழ்ந்த வாழ்க்கையில் ஒரு அர்த்தம் இருந்தது. மொத்தத்தில் அவர்கள் அர்த்தமுள்ள வாழ்க்கையை ஆனந்தமாக வாழ்ந்தனர்.

ஆனால், இந்த நூற்றாண்டு மனிதன், விஞ்ஞான முன்னேற்றம் அடைந்த உலகில் வாழும் மனிதன் இன்பம் மற்றும் துன்பம் என்ற இரண்டு நிலையிலேயே சிக்கித் தவிக்கிறான். அமைதி மற்றும் பேரின்ப நிலை காற்றோடு பறந்துவிட்டது.]

தனி மனிதன் ஒரு நாளை நான்கு வகைளில் தான் செலவு செய்யலாம்.

1. இன்பம். 2. துன்பம. 3. அமைதி 4. பேரின்பம்

இந்த உலகில் வாழ்ந்தவர்களில் பெரும்பாலும் அனுபவித்தது, இந்த 4 நிலைகளில் முதல் இரண்டு நிலைகளை மட்டும்தான்.

இந்த உலகில் வாழ்ந்துகொண்டிருக்கும் சாதாரண மனிதன் அனுபவித்துக் கொண்டு இருப்பது இன்பமோ அல்லது துன்பமோ என்ற நிலைகளைத்தான்.

Read more...
 
எது நாகரீகம்...? Print E-mail
Tuesday, 15 March 2011 07:00

அது ஒரு பெரிய கிராமம்..

500  வீடுகளுக்குமேல் அந்தகிராமத்தில் உள்ளது.

ஆரம்பகாலத்தில் ஏழெட்டு வீடுகளே தோன்றிய கிராமம் வேகமாக வளர்ந்தது.

அய்நூறு வீடுகள்வரை பெருகி அதன்பின்.. அந்த வளர்ச்சி சட்டென நின்று விட்டது.

அதாவது 1930 ல் உருவான அந்த ஊர் 1950 ஆம் வருடத்துடன் வளர்ச்சியை நிறுத்திக்கொண்டது.

அந்த ஊரை ஒட்டி ஒரு நெடுஞ்சாலை போகிறது.. அதில் அந்த ஊருக்கு தொடர்பாக பல பேருந்துகள் வந்து போகின்றன.

தற்போது ஒரு அய்ந்தாறு நாளாய் ஏதோ கலவரத்தால் பேருந்து போக்குவரத்து அடியோடு நிறுத்தப்பட்டு விட்டது.

Read more...
 
ஆளில்லா வீடு! Print E-mail
Friday, 17 September 2010 16:18

ஆளில்லா வீடு!

பாதையிலிருந்து சற்று தள்ளி இருந்த ஆளில்லா வீட்டை கடந்து செல்கையில் ஏதோ ஓர் இனம்புரியா உணர்வினால் நிறுத்தப்பட்டேன். அந்த வீட்டை பார்க்கும் போது மனதில் ஏதேதோ எண்ணங்கள் அலைபாய ஆரம்பித்தன.

மனிதர்கள் காலி செய்துவிட்டுச் சென்ற வீடுகள் எனக்கு எப்பொழுதும் ஒரு சரித்திர குறிப்பாகவே தெரிகிறது. அந்த வீட்டை காலி செய்ததற்கு எத்தனையோ காரணங்கள் இருக்கலாம். சந்தோசமாக வேறு புது வீட்டிற்கு குடி புகுந்திருக்கலாம், பிரிய மனம் இல்லாமல் ஏதோ ஓர் நிர்பந்தத்தின் காரணமாகவும் சென்றிருக்கக் கூடும்.

அங்கு வாழ்ந்த மனிதர்கள் குடிபெயர்ந்து செல்லும் போது அந்த வீடு என்ன நினைத்திருக்கும். இத்தனை காலம் தன்னோடு வாழ்ந்த மனிதர்கள் தன்னை தனியாக விட்டுச் செல்வதை நினைத்து அழுதிருக்குமோ?

அந்த வீட்டு குழந்தை தன்னுள்ளே தவழும்போது எவ்வளவு மகிழ்ந்திருக்கும். அந்த குழந்தை மெல்ல மெல்ல வளர்ந்து பெரியவளானதை பார்த்திருக்கும். எந்நேரமும் தன்னோடு விளையாடிய குழந்தை பள்ளியில் சேர்க்கப்பட்டு அது அழுதழுது கிளம்புகையில் வீடும் பிரிய மனமில்லாமல் பிரிந்து மாலை வேலைக்காக ஏங்கியிருக்குமோ?

Read more...
 
யாரிடமும் சொல்லக்கூடாத ஒன்பது விஷயங்கள்! Print E-mail
Friday, 28 June 2013 06:48

யாரிடமும் சொல்லக்கூடாத ஒன்பது விஷயங்கள்!

சில தினங்களுக்கு முன்பு எங்கள் வீட்டுக்கு, எங்களுக்கு தெரிந்த பெண்மணி ஒருவர் அவரது கணவனோடு வந்திருந்தார்.

அவரின் வயது பற்றி எங்கள் வீட்டில் உள்ள எல்லோருக்கும் ஒரு சர்ச்சை இருந்து கொண்டுதான் இருந்தது. மனிசு சொன்னது தன்னொத்த வயது இருக்கும் என்று! அதாவது 35. மகள் சொன்னாள் அவருக்கு 34 மட்டில் தான் இருக்கும் என்று. நான் சொன்னேன் அவர் வந்தவுடன் அவவிடமே கேட்டுப் பார்ப்போம்.

புருஷனோடு அந்த சர்ச்சைக்குரிய பெண்மணி எங்கள் வீட்டுக்கு இரவு சாப்பாட்டுக்கு வந்ததும் நாங்கள் மூன்று பேரும் ஒருவரை ஒருவர் பார்த்துக் கொண்டோம். சிரித்துக் கொண்டோம். வந்திருந்த பெண்மணி ஊர் துளவாரங்களில் அவ்வளவு விருப்பம் இல்லாத பெண்மணி. எங்களின் சிரிப்பை என்ன என்றும் கேட்கவில்லை.

கடைசியில் புருஷனும் பெண்சாதியும் நாங்களும் ஒரு பிளேன் டீ குடித்ததன் பின்பு மகள் தான் கேட்டாள் "அண்ணி உங்களுக்கு என்ன வயது?" என்று! எங்களுக்குள் சர்ச்சை என்றும் சொன்னாள். எங்களில் யாரும் 35 வயதுக்கு மேல் மதிக்கவில்லை என்பதையும் சொன்னோம்.

அதற்கவர் "நான் யாருக்கும் வயது சொல்வதில்லை நீ கேட்டபடியால் மட்டும் சொல்கிறேன் எனக்கு 41" என்றார்.

மகளும் மனிசியும் ஆச்சரியத்தை முகம், கண், வாய் எல்லாவற்றாலும் வெளிப்படுத்தினார்கள். அவ்வளவு இளமை அந்த பெண்மணியிடம்!

Read more...
 
More Articles...
<< Start < Prev 91 92 93 94 95 96 97 98 99 100 Next > End >>

Page 91 of 107

99 Names Of Allaah

-         310 300nd

Links

Links 2

Best Article