வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

யார் அந்த மருதநாயகம்? Print E-mail
Wednesday, 30 November 2016 07:46

யார் அந்த மருதநாயகம்?

        எம். தமீமுன் அன்சாரி      

கட்டபொம்மனை போற்றியவர்கள், மருதநாயகத்தை மறந்து விட்டார்கள். ஐந்தாம் வகுப்பு பாடப் புத்தகத்தில் கூட அவரது வரலாறு இல்லை. ஒரு நடிகர் அதை படமாக எடுக்காவிட்டால், அவரது வரலாறு வெளியே தெரிந்திருக்காது என்பதுதான் உண்மை. கசப்பான உண்மை! காரணம், அவர் ஒரு முஸ்லிம். ஆங்கிலேயரை எதிர்த்த விடுதலைப் போராட்ட வீரன்! அடங்க மறுத்த வீரத் தமிழன்!

ஊரும், பெயரும்

மருதநாயகத்தின் வாழ்க்கை வரலாறு மிகவும் பரபரப்பானது. இவர் பூலித்தேவன் மற்றும் திப்பு சுல்தானின் தந்தை ஹைதர் அலியின் சம காலத்தவர். இவர் பிறந்த ஆண்டு பற்றி துல்லியமாக தெரியாவிடினும், பிரபல தமிழக வரலாற்று ஆய்வாளர் செ. திவான் அவர்கள் கி.பி. 1720க்கும், 1730க்கும் இடையில் பிறந்திருக்கலாம் என கணிக்கிறார்.

இராமநாதபுரம் மாவட்டம் பனையூரில், இந்து வேளாளர் குடும்பத்தில் பிறந்ததாகவும், பின்னாளில் இஸ்லாத்தைத் தழுவியதாகவும் வரலாற்றுக் குறிப்புகள் உள்ளன. மதுரை பகுதியை ஆண்டதால் மருதநாயகம் என்று பெயர் பெற்றதாக கூறப்படுகிறது. இஸ்லாத்தை ஏற்ற காரணத்தினால் முகம்மது யூசுப்கான் சாஹிப் என்று தன் பெயரை மாற்றிக் கொண்டதாகவும் கூறப்படுகிறது. இவர் மருதுநாயகம், கான்சாஹிப், மருதநாயகம் முகம்மது கான் சாஹிப் என பல பெயர்களில் குறிப்பிடப்படுகிறார்.

Read more...
 
உம்மு குல்தூம் பின்த் உக்பா ரளியல்லாஹு அன்ஹா Print E-mail
Monday, 17 September 2018 06:51

உம்மு குல்தூம் பின்த் உக்பா ரளியல்லாஹு அன்ஹா

أم كلثوم بنت عقبة  رضي الله عنها 

மக்கத்துக் குரைஷிகளுடன் ஹுதைபிய்யா உடன்படிக்கை ஏற்படுத்திக்கொண்டு முஹம்மது நபி ஸல்லல்லாஹு அலைஹி வஸல்லம் அவர்களும் முஸ்லிம்களும் மதீனா திரும்பியிருந்த நேரம். ஒரு நாள் மக்காவிலிருந்து பெண்ணொருவர் மதீனா வந்து சேர்ந்தார்.

நிறைய அலைச்சல், உளைச்சலுடன் கடினமான, தன்னந்தனியான பயணம். அவ்வளவு இன்னலுக்கும் அவருக்கு இருந்த ஒரே காரணம் – அதற்குமேல் தடுத்து வைக்க இயலாமல் அவர் வெளிப்படுத்த விரும்பிய உண்மை.

நீண்ட காலத்திற்கு முன்னரே அவர் இஸ்லாத்தை ஏற்றுக்கொண்டிருந்தார். திருமணம் ஆகாமல் குடும்பத்தினர் பாதுகாவலில் இருந்துவந்த அவரால் தம்மிச்சையாக ஏதும் செய்ய இயலாத நிலை.

‘எத்தனை காலம்தான் பொறுத்திருப்பது; பொங்கியெழு’ என்று ஒரு கட்டத்தில் தோன்றிவிட்டது. தடைகளை எல்லாம் கட்டுடைத்து நபியவர்களிடம் சென்றுவிட வேண்டும்; பகிரங்கமான முஸ்லிமாய் முஸ்லிமுக்குரிய அனைத்து உரிமைகளுடனும் வாழவேண்டும் என்று திட்டவட்டமான முடிவு மனதில் ஏற்பட்டுவிட, கிளம்பி மதீனாவுக்கு வந்து சேர்ந்து விட்டார்.

அந்தப் பெண்ணுக்கு இரு சகோதரர்கள். தங்களின் சகோதரி மதீனாவுக்குச் சென்றுவிட்டார்; முஹம்மதிடம் சென்றுவிட்டார் என்று தெரிந்ததும் ‘மெனக்கெட்டு நாம் வடிவமைத்த ஹுதைபிய்யா உடன்படிக்கையை மதிக்காமல் கெட்டுப்போய்விட்டது அவளது புத்தி; அதிலிருந்த அம்சங்கள் அவளுக்குப் புரியவில்லை போலும்; பெண் புத்தி பின்னே எப்படி இருக்கும்?’ என்று பொங்கி எழுந்தார்கள்.

உடன்படிக்கையில் இருந்த ஓர் அம்சம் அவர்களுக்கு நன்றாகத் தெரியும். இப்படியெல்லாம் நடக்கலாம் என்று யூகித்து, குரைஷிகள் அடாவடியாய்ச் செருகியிருந்தார்கள். அதைக்கொண்டு நம் தங்கையை முஸ்லிம்களே பத்திரமாக நம் கையில் ஒப்படைக்க வைப்போம் என்று பின்னாலேயே கிளம்பி அடுத்த ஒரு சில நாள்களில் அவர்களும் மதீனா வந்து சேர்ந்தார்கள்.

Read more...
 
பைத்துல் ஹிக்மா ஒரு வரலாற்றுச் சுருக்கம் Print E-mail
Thursday, 11 May 2017 07:05

MUST READ            MUSREAD              MUSREAD

பைத்துல் ஹிக்மா ஒரு வரலாற்றுச் சுருக்கம்

       CMN SALEEM      

மத்திய காலப் பிரிவில் உலகின் பெரும் பாகங்கள் முஸ்லிம்களின் ஆட்சிக்கு கீழ் இருந்ததற்கு இஸ்லாமும், கலீபாக்களும், முஸ்லிம் நாடுகளும் கல்விக்கும் ஆய்வியலுக்கும் கொடுத்த கெளரவமே காரணம் என நாம் கூறலாம்.

எப்போது கல்வியின் முக்கியத்துவத்தை இஸ்லாமிய உலகம் படிப்படியாக கைவிடத் தொடங்கியதோ அன்றிலிருந்தே முஸ்லிம் உலகின் அனைத்து துறைகளிலுமான பின்னேற்றம் ஆரம்பமாகிவிட்டதென பிரபல ஆய்வாளர் முனைவர் உமர் சப்ரா குறிப்பிடுகிறார்.

கலீபா அல் மன்சூர் அவர்கள் கி.பி 762ம் ஆண்டில் பக்தாத் நகரத்தை நிர்மாணித்தார். அபுல் அப்பாஸ் அப்துஸ் ஸபா, மன்சூர், மஹ்தி ஹாதி ஹாரூன் அல் ரஷீத் அமீன் மஃமூன் போன்ற ஆட்சியாளர்கள் மிகவும் திறமை வாய்ந்தவர்களாக இருந்தார்கள்.

பக்தாத் நகரம் என்பது அன்றைய காலத்தில் அறிஞர்கள் ஒன்று கூடும் தளமாக இருந்தது. அறிவையும் ஆய்வையும் மூல நோக்காகக் கொண்டு பல ஆய்வியல் அமைப்புக்கள் கலீபாக்களின் காலத்திலேயே தோற்றுவிக்கப்பட்டன.

குறிப்பாக “பைதுல் ஹிக்மா” போன்ற அறிவியல் சார்ந்த கல்வி நிலையம் அவற்றில் மிக முக்கியமானது. இக்கல்வி நிறுவனங்கள், விவசாயம், ரசாயனவியல், உயிரியல், புவியியல், தர்க்கவியல், கணக்கியல், மருத்துவம், தத்துவவியல், மிருகவியல் போன்ற “உலூமுல் அக்லிய்யா” என்ற அனைத்து விஞ்ஞானத்துறை பாடங்களில் இலவசக் கல்வியை தொடர்ந்து வழங்கி வந்தன.

நூல் நிலையங்கள், வைத்தியசாலைகள் போன்றவற்றுடன், எண்ணற்ற நூலாக்கப் பணிகள், மொழிபெயர்ப்புப் பணிகள் என எண்ணற்ற அறிவுப் பொக்கிஷங்களைக் கொண்டிருந்த பக்தாதின் மிகப் பெரும் அறிவுக் களஞ்சியம் “பைதுல் ஹிக்மா.”

முஸ்லிம் சமூகத்திற்கு மட்டுமல்ல ஒட்டு மொத்த உலகில் வாழ்ந்த மனிதர்களுக்கும் அறிவை, சிந்தனையை வழங்கி கல்வியை பரவலாக்கிய உலகின் அறிவுக் களஞ்சியம் “பைத்துல் ஹிக்மா” 10.2.1258 ஆம் ஆண்டு பிப்ரவரி பத்தாம் நாள் மங்கோலியர்களால் எரித்து முற்று முழுதாக அழிக்கப்பட்டது.

Read more...
 
ஷாஜஹானின் மகள் ஜஹானாராவும் ஒளரங்கசீப்பின் மகள் ஜெய்புன்நிசாவும் Print E-mail
Thursday, 28 September 2017 07:50

ஷாஜஹானின் மகள் ஜஹானாராவும் ஒளரங்கசீப்பின் மகள் ஜெய்புன்நிசாவும்

மொகலாய வரலாற்றில் அதிகம் பேசப்பட்ட பெண் மும்தாஜ். உலகெங்கும் தாஜ்மகாலின் வழியாக நினைவுகொள்ளப்படுகிறார். ஆனால், பேசப்படப்படாமல் போன முக்கியமான இரண்டு பெண்கள் இருக்கின்றனர்.

ஒருவர் ஷாஜகானின் மூத்த மகளும், திருமணம் செய்துகொள்ளாமல் அரசாட்சியில் மன்னருக்குத் துணை நின்றவளும், மிகச் சிறந்த படிப்பாளியான ஜஹானாரா பேகம்.

இன்னொருவர் ஒளரங்கசீப்பின் மகளும் மெய்யியல் கவிஞருமான ஜெய்புன்நிசா. இந்த இரண்டு பெண்களும் சரித்திர வானில் தனித்து ஒளிரும் இரட்டை நட்சத்திரங்கள்.

இன்று, தாஜ்மகாலைப் பார்க்கப் போகிறவர்களில் எத்தனை பேருக்கு மும்தாஜின் இயற்பெயர் அர்சுமந்த் பானு பேகம், அவள் 13 குழந்தைகளின் தாய், தனது 14-வது பிரசவத்தில் இறந்து போனாள் என்பது தெரியும்?

14 பிள்ளைகளைப் பெற்ற மும்தாஜின் நினைவாக, தாஜ்மகால் கட்டப்பட்டு இருக்கிறது என்றால், அதைத் தாய்மையின் சின்னம் என்றோ, சிறந்த மனைவியின் நினைவுச் சின்னம் என்றுதானே நியாயமாக அழைக்க வேண்டும்?

ஜஹானாரா பேகம், குரால்னிசா, தாரா ஷ§கோ, முகமது சுல்தான்ஷா, ரோஷனாரா, ஒளரங்கசீப், உமித்பக்ஷி, சுரையா பானு, சுல்தான் முராத், கௌஹரா எனும் மும்தாஜின் பிள்ளைகள் பெயர்கள்கூட தாஜ்மகாலுக்குள் போகிறவர்களுக்குத் தெரியாது என்பதுதானே நிஜம்.

Read more...
 
மாஷித்தா Print E-mail
Saturday, 13 January 2018 12:27

மாஷித்தா

நபி ஸல்லல்லாஹு அலைஹி வஸ்ல்லம் அவர்கள் மிஹ்ராஜ் பயணத்தின் போது ஒரு இடத்தில், கஸ்தூரியை விட மிக்க வாசனையை கொண்ட அதிசயமான மணமொன்றினை நுகர்ந்தார்கள்.

நபி ஸல்லல்லாஹு அலைஹி வஸ்ல்லம் அவர்கள் வானவர் கோமான் ஜிப்ரயீல் அலைஹி வஸ்ல்லம் அவர்களிடம் அந்த அற்புதமான வாசனையைப் பற்றி கேட்டார்கள்.

அதற்கு ஜிப்ரயீல்  அலைஹிஸ்ஸலாம் அவர்கள் ''இந்த அற்புதமான வாசனை 'மாஷித்தா'வும் அவருடைய குடும்பத்தினர்களும் இருக்கக் கூடிய (கப்ர் அல்லது சுவர்க்க மாளிகை) இடத்திலிருந்து வருகின்ற வாசனை'' என்று கூறினார்கள்.

தொடர்ந்து நபி ஸல்லல்லாஹு அலைஹி வஸ்ல்லம் அவர்கள் மாஷித்தாவின் வரலாறை விவரிக்கும் படி கேட்க, ஜிப்ரயீல்  அலைஹிஸ்ஸலாம் அவர்கள் பின்வருமாறு கூறினார்கள்.

"மாஷித்தா"- பிர்அவ்னின் குடும்பத்துப் பெண்களுக்கு தலை வாரி விட்ட பெண்.

ஒரு நாள் அவர் பிர்அவ்னின் மகளுக்கு தலை வாரிக் கொண்டிருந்த போது தற்செயலாக சீப்பு கீழே விழுகிறது.

Read more...
 
மிக குறுகிய காலமே வாழ்ந்த 16 வயது பாலகர் தஹ்லபா ரளியல்லாஹு அன்ஹு Print E-mail
Monday, 15 January 2018 07:35

மிக குறுகிய காலமே வாழ்ந்த 16 வயது பாலகர் தஹ்லபா ரளியல்லாஹு அன்ஹு

சிலரின் வரலாற்று சம்பவங்கள் நம் மனதில் நீங்கா இடம்பிடிக்கும் அப்படி மனதில் நீங்கா இடம் பிடித்த ஒரு நபிதோழரின் வரலாறு.

இது மிக குறுகிய காலமே வாழ்ந்த நபி தோழர் தஹ்லபா ரளியல்லாஹு அன்ஹு அவர்களின் சம்பவம்!

16 வயது நிரம்பிய    பாலகர் இந்த தஹ்லபா இப்னு அப்துர்ரஹ்மான் ரளியல்லாஹு அன்ஹு மிக அமைதியான குணம், நற்பண்புகள் நிறைந்தவர். பிறர் மீது கண்ணியம் செய்யும் குணம் உடையவர்கள்.

இவர்களின் பணி நபி ஸல்லல்லாஹு அலைஹி வஸல்லம் அவர்களின் கூறும் செய்திகளை நபித்தோழர்களிடம் கூறிவருவதாகும். அப்பணியை பெரும் பாக்கியமாக கருதி செய்து வந்தார்கள்

ஒரு சமயம் நபி ஸல்லல்லாஹு அலைஹி வஸல்லம் அவர்கள் தஹ்லபா அவர்களை ஒரு தேவையை கூறி அதை நிறைவேற்ற அனுப்பி வைத்தார்கள்.

தஹ்லபா ரளியல்லாஹு அன்ஹு அவர்கள் செல்லும் வழியே ஒரு வீடு ஒன்றை கடக்க முற்பட்டார்கள். அவ்வீடு ஏழ்மையின் காரணமாக கதவுகள் இல்லாமல், மாறாக வீட்டின் முன் துணியால் திரையிடப்பட்டிருந்தது.

அப்போது காற்றில் அவ்வீட்டின் திரை விலகியது அங்கு ஒரு குளியலறையின் இருந்தது அதில் ஒரு பெண் குளித்து கொண்டிருந்தார்கள்.

Read more...
 
மனநிலை பாதிக்கப்பட்டவருக்கு அல்லாஹ் வழங்கிய கண்ணியம் Print E-mail
Sunday, 19 May 2019 13:23

மனநிலை பாதிக்கப்பட்டவருக்கு அல்லாஹ் வழங்கிய கண்ணியம்

[ பள்ளிவாசலில் நடந்த உண்மைச் சம்பவம்   ]

நான் தான் பைத்தியமாச்சே (மனநிலை பாதிக்கப்பட்டவர்) அல்லாஹுத்த ஆலா சொல்லி இருக்கான் பைத்தியங்களுக்கு தொழுகை வாஜிப் இல்லை என்று, நீங்கள் சென்று தொழுவுங்கள்...

மலேசியாவில் கிள்ளாங் சிலாங்கூரில் ஒரு பள்ளிவாசலின் ஜமாஅத் உறுப்பினர் சொல்லிய உருக்கமான சம்பவம். கிள்ளாங் சிலாங்கூரில் உள்ள ஒரு பள்ளிவாசலில் ஹுஸைன்(hussein gila) என்ற மனநிலை பாதிக்கப்பட்ட ஒருவர் இருந்தார்,

சிலநாட்களாக அவரை காணவில்லை பள்ளிவாசலும் ஒருவித அமைதியாக இருக்கிறது, ஏனென்றால் ஹுஸைன் என்பவர் தொழுகை நேரத்தில் இப்படி சத்தமாக சொல்வார் நான் தான் பைத்தியமாச்சே (மனநிலை பாதிக்கப்பட்டவர்), அல்லாஹுத்த ஆலா சொல்லி இருக்கான் பைத்தியங்களுக்கு (மனநிலை பாதிக்கப்பட்டவர்) தொழுகை வாஜிப் இல்லை என்று, நீங்கள் சென்று தொழுவுங்கள் என்பார்..!

அந்த பள்ளிவாசலில் மக்கள் தொழுது முடித்து சென்றதும் தொழுகையிடம் சென்று அங்கே கிடக்கும் குப்பைகள், தூசிகள் இவற்றை சுத்தம் செய்வார், அங்கு கிடக்கும் குப்பைகளை கைகளால் ஒவ்வொன்றாக பொறுக்கி எடுப்பார்கள், அப்பொழுது பள்ளி நிர்வாகத்தினர் சுத்தம் செய்ய அதற்கான கருவிகளை கொடுத்தால் ஹுஸைன் இப்படி சொல்வார்...

இதை வைத்து நான் பள்ளிவாசலை சுத்தம் செய்தால் எனக்கு மிகப்பெரிய நஷ்டம் உண்டாகும், அதுவே நான் கைகளால் சுத்தம் செய்தால் அல்லாஹ் எனது கையின் ஒவ்வொரு அசைவுக்கும் பத்து நன்மைகள் தருவான் இல்லையா என்று..! இது கேட்ட நிர்வாகத்தினர் வாயடைத்துப் போவார்கள்!

Read more...
 
அதிகம் கேட்க வேண்டியது எதை? Print E-mail
Sunday, 26 December 2010 09:01

  மவ்லவி எஸ். லியாகத் அலீ மன்பஈ     

‘மேலும் அவர்கள் கூறுவார்கள்: ‘எங்கள் இரட்சகா! ஜஹன்னம் எனும் நரகத்தின் வேதனையை எங்களை விட்டும் திருப்பி விடுவாயாக! நிச்சயமாக அதன் வேதனை தாங்கிக்கொள்ள முடியாததாக உள்ளது. நிச்சயமாக அது (ஜஹன்னம்) நிலையாகத் தங்கியிருப்பதற்கும், சற்று நேரம் தங்குவதற்கும் மிகக் கெட்டதாகவும் இருக்கிறது.’ (அல்குர்ஆன் 25: 65,66)

வெற்றி பெற்ற நல்லடியார்களின் பண்புகளில் ஒன்றாக அல்லாஹ் குறிப்பிடும் இந்த பிரார்த்தனை செய்யும் பண்பு, நல்லோர்களின் இயல்பாகவே இருக்கும் என்பதை நாம் புரிந்து கொள்ளலாம்.

பிரார்த்தனை தான் வணக்கத்தின் மூளை – சத்து என்று கூறிய நபிகள் திலகம் ஸல்லல்லாஹு அலைஹி வஸல்லம் அவர்கள் வாழ்நாள் முழுவதும் கேட்டுப்பெற வேண்டிய இம்மை, மறுமை சம்மந்தப்பட்ட அனைத்துக் கோரிக்கைகளையும் அல்லாஹ்விடமே கேட்குமாறு நமக்குக் கற்றுக் கொடுத்திருக்கிறார்கள். இறை வேதமாம் திருக்குர்ஆனும் மனிதர்கள் தங்களது அனைத்துத் தேவைகளையும் அல்லாஹ்விடமே கேட்குமாறு அறிவுறுத்துகிறது.

அற்புதத் திருக்குர்ஆன் சுமார் 60 க்கும் மேற்பட்ட துஆக்களைப் பதிவு செய்து வைத்துள்ளது. மேலே இடம்பெற்றுள்ள துஆதான் எல்லா நல்லடியார்களின் முக்கிய குறிக்கோளாக இருக்க வேண்டும் என்பதை பின்வரும் நிகழ்ச்சியின் மூலம் நாம் உணர முடியும்.

Read more...
 
இல்லங்களை இறைநம்பிக்கைக் கொண்டு அலங்கரியுங்கள் Print E-mail
Friday, 04 February 2011 07:39

    இறைநினைவு கமழும் இல்லம்    

இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்: ''அல்லாஹ்வை நினைவு கூறக் கூடிய இல்லங்கள் தான் விரும்பத்தகுந்த இல்லங்கள், அல்லாஹ்வை நினைவு கூறப்படாத இல்லங்கள், (இருளடைந்த) மண்ணறைக்குச் சமமானது.''

அனைத்து வழிகளிலும் நாம் ஒவ்வொருவரும் நம்முடைய இல்லங்களை இறைவனது விருப்பத்திற்குரிய இல்லங்களாக, அவனை நினைவுகூறக்கூடிய இடங்களாக மாற்றி அமைக்க வேண்டும்.

உள்ளத்தாலும், சொல்லாலும், தொழுகைகளின் மூலமாகவும் (விரும்பிச் செய்யக் கூடிய சுன்னத் மற்றும் நபிலான வணக்கங்கள்), திருமறையை ஓதுவதன் மூலமாகவும், இன்னும் இஸ்லாத்தைப் பற்றி கலந்தாலோசனை செய்யக் கூடிய தளமாகவும் அல்லது இன்னும் பல் வகையான இஸ்லாமிய நூல்களைப் புரட்டி வாசிக்கக் கூடிய தளமாகவும் அது திகழ வேண்டும்.

இன்றைக்கு நம்மில் எத்தனை இல்லங்கள் மண்ணறைக்குச் சமமாக இருக்கின்றன என்பதை எண்ணிப் பார்க்க வேண்டும்.

Read more...
 
தர்மம் செய்த ஆன்மா மன்னிக்காது Print E-mail
Thursday, 03 February 2011 07:51

தர்மம் செய்த ஆன்மா மன்னிக்காது

      கரீம்கனி      

மனித வாழ்வில் நேர்வழி, குறுக்குவழி இரண்டுவகை தேடல் வரவுகள் இறை ஆலயங்கள், இறைநேசர் அடக்கவிடங்கள், அறக்கட்டளைகளுக்கு தர்மச் சொத்தாக வழங்கப்படுகிறது. வக்பு என்றால் தர்மச் சொத்து என்பது பொருள். தர்மச் சொத்தாக மாறிய பிறகும் அண்ணன், தம்பி, அக்காள், தங்கை, மாமன், மச்சான் என உறவினர்களுக்குள்ளாக அச்சொத்து அபகரிக்கப்பட்டு அனுபவிக்கப்படுகிறது.

மேடை தோறும், அதைக் கட்டினோம், இதைச் செய்தோம், நிலம் கொடுத்தோம் எனத் தமது உரைக்கு ஊடாகப் பதிவு செய்வதை சிலர் வழக்கமாகக் கொண்டுள்ளார். ‘‘வானம் பூமியிலுள்ளவை அனைத்தும் எனக்கே சொந்தமானவை என்று அல்லாஹ் கூறுவதாக சூறா 3:109 கூறுகிறது. மனிதர்கள் தம்முடைய சொத்து எனக்கூறிக் கொள்கின்றனர்.

தென் சென்னை பிரபல பள்ளிவாசல் வளாகத்தினுள் பல ஏக்கர் காலி நிலம் இருந்தது. இன்று திடீர்க் கட்டிடங்கள் மழைக்காளான் போல் தொடர்ந்து தோன்றிக் கொண்டுள்ளன. வேறு எவரும் உள்ளே நுழைத்து விடாதவாறு வாயிற் காப்போரால் விரட்டியடிக்கப்படுகின்றனர்.

Read more...
 
சோதனைகள் சக்திக்குட்பட்டே! Print E-mail
Sunday, 30 January 2011 11:09

சோதனைகள் சக்திக்குட்பட்டே!

மனிதர்களின் வாழ்க்கையில் சோதனைகள் என்பது அன்றாடம் நிகழக்கூடியதாகவே உள்ளது. முஸ்லிம்களின் செயல்கள் அனைத்தும் மறுமைக்காகவே உள்ளது. இவ்வுலக சோதனைகளில் மனமுடைந்து விடாமலிருக்க பின்வரும் குர்ஆன் வசனங்கள், ஹதீஸ்கள் உதவும்.

‘அல்லாஹ் எங்களுக்கு விதித்ததைத் தவிர எங்களுக்கு வேறு எதுவும் ஏற்படாது. அவன் எங்கள் அதிபதி. நம்பிக்கை கொண்டோர் அல்லாஹ்வையே சார்ந்திருக்க வேண்டும்’ என்று கூறுவீராக! (திருக்குர்ஆன் 9:51)

உங்களுக்கு முன் சென்றோருக்கு ஏற்பட்டது போல் உங்களுக்கும் ஏற்படாமல் சொர்க்கத்தில் நுழையலாம் என்று எண்ணிக் கொண்டிருக்கிறீர்களா? அவர்களுக்கு வறுமையும், துன்பமும் ஏற்பட்டன. அல்லாஹ்வின் உதவி எப்போது? என்று (இறைத்) தூதரும் அவருடன் உள்ள நம்பிக்கை கொண்டோரும் கூறுமளவுக்கு அலைக்கழிக்கப்பட்டனர் .கவனத்தில் கொள்க! அல்லாஹ்வின் உதவி அருகிலேயே உள்ளது. (திருக்குர்ஆன் 2:214)

நம்பிக்கை கொண்டோம் என்று கூறியதன் காரணமாக சோதிக்கப்படாமல் விடப்படுவார்கள் என மனிதர்கள் நினைத்து விட்டார்களா? அவர்களுக்கு முன் சென்றோரையும் சோதித்தோம். உண்மை பேசுவோரை அல்லாஹ் அறிவான். பொய்யர்களையும் அறிவான். (திருக்குர்ஆன் 29:2,3)

Read more...
 
அன்பை வளர்க்கும் அஸ்ஸலாமு அலைக்கும் Print E-mail
Sunday, 30 January 2011 11:40

[ o ஸலாம் வெறும் சடங்கல்ல!

o ஆதிபிதா ஆதம் அலைஹிஸ்ஸலாம் அவர்களும் ஸலாமும்.

o ஸலாம் கூறுவதின் சிறப்பும் அதை பரவலாக்குவதின் கட்டளையும்.

o ஸலாமின் ஒழுங்கு முறைகள்.

o முதலில் ஸலாம் சொல்பவரின் சிறப்பு.

o வீட்டில் நுழையும்போது அவசியம் ஸலாம் கூறுங்கள்.

o ஸலாம் கூறுவதால் என்ன பயன்?]

 ஸலாம் வெறும் சடங்கல்ல!

பெருமானார் ஸல்லல்லாஹு அலைஹி வஸல்லம் அவர்கள் நவின்றார்கள்: ‘நீங்கள் இறைநம்பிக்கையாளராக மாறாத வரை உங்களால் சுவனத்தில் நுழைய முடியாது. நீங்கள் ஒருவர் மற்றவரை நேசிக்காத வரை உங்களால் இறைநம்பிக்கையாளராக ஆகவே முடியாது. நீங்கள் எல்லொரும் ஒருவரையொருவர் நேசிப்பவர்களாக உங்களை மாற்றிவிடக்கூடிய நற்செயல் ஒன்றைச் சொல்லட்டுமா? ஒரவருக்கொருவர் ‘ஸலாம்’ சொல்வதை வழக்கமாக்கிக் கொள்ளுங்கள். (அறிவிப்பாளர்: அபூ ஹுரைரா ரளியல்லாஹுஅன்ஹு, நூல்: முஸ்லிம்

Read more...
 
இளைஞர்களே எங்கு செல்கிறீர்? Print E-mail
Thursday, 17 February 2011 08:17

Image result for muslim youngsters

இளைஞர்களே எங்கு செல்கிறீர்?

    காரீ, நூ. அப்துல் ஹாதி பாகவி, ஆலங்குடி   

( இக்கட்டுரையில் வரும் நபித்தோழர்களின் இளம் வயது வீரம் மெய் சிலிர்க்க வைக்கிறது. ஒவ்வொரு இளைஞரும் அவசியம் படிக்க வேண்டிய கட்டுரை.)  

[ நபி ஸல்லல்லாஹு அலைஹி வஸல்லம் அவர்கள் உஸாமா ரளியல்லாஹு அன்ஹு அவர்களை முஸ்லிம்களின் படைக்குத் தளபதியாக்கினார்கள். அப்படையில் மூத்த வயதுடைய நபித்தோழர்களும் இருந்தனர். அப்போது உஸாமா ரளியல்லாஹு அன்ஹு அவர்களின் வயது 19-ஐத் தாண்டவில்லை. (18 என்றும், 17 என்றும் சொல்லப்படுகிறது.)

அச்சமயத்தில், வயதில் மூத்த முஹாஜிர்கள் மற்றும் அன்ஸாரிகளுக்கு இவர் தளபதியாக்கப்பட்டுள்ளாரே! என்று சிலர் குறை கூற ஆரம்பித்தனர். இளவயதில் தளபதியாக்கப்பட்டுள்ளது பற்றிக் குறைகளும் விமர்சனங்களும் நபி ஸல்லல்லாஹு அலைஹி வஸல்லம் அவர்களின் காதை எட்டியபோது அவர்கள் மிகுந்த கோபமடைந்தார்கள்.

உடனே மிம்பரில் ஏறி, அல்லாஹ்வைப் புகழ்ந்து, பின்னர் கூறினார்கள்: ''மக்களே! நான் உஸாமாவைத் தளபதியாக்கியுள்ளது பற்றி நீங்கள் குறை கூறியது என் காதுக்கு எட்டியது. நான் உஸாமாவைத் தளபதியாக்கியுள்ளது பற்றி நீங்கள் குறை கூறினால் இதற்கு முன்னர் அவருடைய தந்தையை நான் தளபதியாக்கியதையும் நீங்கள் குறைகூறிவிட்டீர்கள்.

அல்லாஹ்வின் மீதாணையாக! தலைமைக்கு அவர் தகுதியானவராக இருந்திருந்தால் அவருக்குப்பின் அவருடைய மகனும் தலைமைக்குத் தகுதியானவரே! நிச்சயமாக அவர் மக்களுள் எனக்கு மிகவும் அன்பிற்குரியவராக இருந்தார். மேலும் அவ்விருவரும் எல்லாவித நன்மைக்கும் உரித்தானவர்களே. எனவே இவர் விஷயத்தில் நன்மையையே நாடுங்கள். ஏனென்றால், நிச்சயமாக இவர் உங்களுள் உள்ள நல்லோர்களில் ஒருவராவார்'']

Read more...
 
ஊதியத்தின் அருமை உழைப்பவனுக்கே தெரியும்! Print E-mail
Friday, 18 February 2011 10:02

ஊதியத்தின் அருமை உழைப்பவனுக்கே தெரியும்!

 மவ்லவீ, J. ஜாஹிர் ஹுஸைன், மிஸ்பாஹி

[ ‘ஒரு காலம் வரும். அக்காலத்தில் மார்க்கத்தின்படி அமல் செய்வது நெருப்பின்மீது நிற்பதைப் போன்று நிலைமை மாறிவிடும்.’ (அல் ஹதீஸ்)

‘குழப்பமான காலத்தில் எனது வழிமுறைகளில் ஒன்றை ஒழுகி நடப்போருக்கு நூறு தியாகி (ஷஹீது) களின் நற்கூலி உண்டு.’ (அல் ஹதீஸ்)

‘உஹதுப் போரிலே நபித்தோழர்கள் தடுமாற்றத்தில் இருந்த சமயம் எதிரிகளின் குறியணைத்தும் பெருமானார் ஸல்லல்லாஹு அலைஹி வஸல்லம் அவர்களின் மீதே இருந்தது. இதைக்கண்ட தல்ஹா ரளியல்லாஹு அன்ஹு அவர்கள் சாரை சாரையாக அணிவகுத்து வந்த எதிரிகளின் அம்புகளைத் தனது இருகரங்களிலே தாங்கிக் கொண்டார்கள். இறுதியில் அவர்களது கரங்களையும் சல்லடையைப் போன்று கண்டேன்’ என்று கைஸ் ரளியல்லாஹு அன்ஹு அவர்கள் அறிவிக்கிறார்கள். (நூல்: புகாரி)

பெருமானார் ஸல்லல்லாஹு அலைஹி வஸல்லம் அவர்களின் அருமை மகளார் ஜைனப் ரளியல்லாஹு அன்ஹா இல்லத்தை நோக்கி ஒட்டகத்தில் பயணித்தபோது எதிரியின் கண்ணில் சிக்கிக் கொண்டார்கள். முஹம்மதை (ஸல்லல்லாஹு அலைஹி வஸல்லம்) பழிதீர்க்க இதுவே தக்க தருணம் என்று அம்பினால் தாக்கினான் ஒரு கொடியவன்.

ஒன்பது மாத கர்ப்பிணியாக இருந்த அவர்கள் கருக்கலைந்து இரத்த வெள்ளத்தில் சரிந்தார்கள். சிறிது நேரத்தில் அவர்கள் உயிர் பிரிந்து விட்டது (இன்னாலில்லாஹி வஇன்னா இலைஹி ராஜிஊன்). பொதுவாக சராசரிப் பெண்ணுக்கொரு சிறுதுயர் என்றாலே கல்நெஞ்சுக்காரனும் கண்ணீரால் கரைந்து விடுவான். கர்ப்பிணிப் பெண் என்றால் அண்ணலார் ஸல்லல்லாஹு அலைஹி வஸல்லம் அவர்களுக்கு ஏற்பட்ட துயரத்தை கூறவும் வேண்டுமோ? ]

Read more...
 
எதிர்கால நிகழ்வுகளுக்காக தூய எண்ணத்துடன் இன்ஷா அல்லாஹ் கூறவேண்டும் Print E-mail
Tuesday, 29 October 2013 07:02

எதிர்கால நிகழ்வுகளுக்காக தூய எண்ணத்துடன் இன்ஷா அல்லாஹ் கூறவேண்டும்

இன்ஷா அல்லாஹ் என்றுக் கூறுவது இறைவனின் பேராற்றலை வெளிப்படுத்தும் சிறந்த வார்த்தையும், நம்முடைய எதிர்கால தேவைகளுக்கான சிறந்த பிரார்த்தைனயுமாகும்.

எனவே இறைநம்பிக்கையாளர்கள் திறந்த மனதுடனும், சிறந்த நோக்கத்தடனும் இன்ஷா அல்லாஹ், மாஷா அல்லாஹ், பொன்ற வார்த்தைகளை கூற வேண்டும்.

وَقَالَ ارْكَبُواْ فِيهَا بِسْمِ اللّهِ مَجْرَاهَا وَمُرْسَاهَا إِنَّ رَبِّي لَغَفُورٌ رَّحِيمٌ 11:41

11: 41. ''இதில் ஏறிக் கொள்ளுங்கள்! அல்லாஹ்வின் பெயராலேயே இது ஓடுவதும், நிற்பதும் உள்ளது. என் இறைவன் மன்னிப்பவன்; நிகரற்ற அன்புடையோன்'' என்று கூறினார்.

நமக்கு எத்தனையோ ஆயிரம் ஆண்டுகளுக்கு முன்னர் நூஹ் அலைஹிஸ்ஸலாம் அவர்கள் இறைவனின் தூதராக நீண்ட காலம் சத்தியப் பிரச்சாரப் பணியில் ஈடுபட்டு மிகக் குறைவிலான மக்களையே நேர்வழிக்கு கொண்டு வர முடிந்தது என்பதை அறிந்திருக்கிறோம்.

Read more...
 
மதிப்புத் தோற்றமா? மார்க்க விளக்கமா? Print E-mail
Wednesday, 17 July 2013 17:27

மதிப்புத் தோற்றமா?  மார்க்க விளக்கமா?

மனிதன் பிறந்ததிலிருந்து இறக்கும் வரை, இறந்ததிலிருந்து மீண்டும் உயிர்ப்பிக்கப்படும் வரை, உயிர்ப்பிக்கப்பட்டதிலிருந்து நரகம் அல்லது சுவனம் வரை ஒரு மனிதனின் பயணப் பாதை மிகவும் தெளிவாக குர்ஆனிலும் ஸுன்னாவிலும் கோடிட்டுக் காட்டப்பட்டுள்ளது.

சமூகத்தில் அவ்வப்போது சிலர் தோன்றுகிறார்கள். அவர்கள் அல்லாஹ்வின் புறத்திலிருந்து தாம் ஏதோவொரு உதிப்பையோ ஞானத்தையோ கராமத்தையோ பெற்றதாக மக்களை நம்பவைக்கிறார்கள். அவ்வாறு தாம் பெற்றுள்ளதை பிறர் நம்பும் வகையிலான கதைகள், சம்பவங்கள் போன்றவற்றையும் கூறுகிறார்கள்.

இத்தகைய கதைகளுக்கும் சம்பவங்களுக்கும் குர்ஆன், ஸுன்னாவுக்கு இல்லாத மரியாதையும் மதிப்பும் மக்களிடம் கிடைத்து விடுகின்றது. அதன் பின்னர் இவர்கள் கூறுவதெல்லாம் மக்களிடம் மார்க்கமாகி விடுகின்றன.

இனி அவர்களைப் பின்பற்றவென ஒரு கூட்டமும் உருவாகி விடுகின்றது. நாளடைவில் இவ்வாறானவர்கள் பெரும் மகான்களாக மாறிவிடுகின்றனர். அவர்களது பேச்சை மறுத்துப் பேச யாரும் துணிவதில்லை. அவர்கள் சொன்னவை வேத வாக்குகளாகி விடுகின்றன. அவர்கள் தடுத்தவை மீறக்கூடாத வரம்புகளாகி விடுகின்றன. அவற்றுக்கும் குர்ஆன், ஸுன்னாவிற்கும் எத்துணை இடைவெளி அல்லது முரண்பாடுகள் இருந்தபோதிலும் சரியே.

பொதுவாக இவ்வாறுதான் மதங்களின் பெயரால் தங்களைச் சூழ ஒரு மதிப்புத் தோற்றத்தை உருவாக்கிக் கொண்டு மகான்களாகவும் சாமியார்களாகவும் பக்தர்களாகவும் மக்கள் மத்தியில் சிலர் இடம்பிடித்து விடுகின்றனர். அவர்களது திறமைகளுக்கும் கைவரிசைகளுக்குமேற்ப சிலர் நீண்டகாலம் தங்கள் மீதுள்ள மதிப்புத் தோற்றத்தைப் பாதுகாத்துவருகின்றனர்.

சாணக்கியம் குறைந்தவர்கள் அந்த மதிப்புத் தோற்றத்தைத் தக்க வைத்துக் கொள்ள முடியாமல் தடம் புரண்டு தங்களது போலி முகத்தை அம்பலப்படுத்திக் கொள்கின்றனர். இவர்கள் நீண்ட காலம் நின்றுபிடித்தார்களோ இல்லையோ. இத்தகையவர்களால் காலத்துக்குக் காலம் மக்கள் கூட்டமொன்று தவறான வழியில் சென்று விடுகின்றது. அவர்களைப் பாதுகாக்க முயற்சிக்கும் முன்னரே அவர்கள் வெகுதூரம் சென்று விடுகின்றனர்.

Read more...
 
பொய் பேசுபவனின் மறுமை நிலை! Print E-mail
Sunday, 30 June 2013 10:43

பொய் பேசுபவனின் மறுமை நிலை!

  ஃபாத்திமா ஷஹானா      

சமுரா இப்னு ஜுன்துப் ரளியல்லாஹு அன்ஹு அறிவித்தார்;

''இறைத்தூதர் ஸல்லல்லாஹு அலைஹி வஸல்லம் அவர்கள் பெரும்பாலும் தம் தோழர்களிடம் 'உங்களில் யாரும் (இன்றிரவு) கனவு கண்டீர்களா?' என்று கேட்பது வழக்கம்.

அப்போதெல்லாம், அல்லாஹ் யாரை நாடினானோ அவர் (தாம் கண்ட கனவை) அல்லாஹ்வின் தூதரிடம் எடுத்துரைப்பார். (அதற்கு அல்லாஹ்வின் தூதரும் விளக்கமளிப்பார்கள்.

ஒரு(நாள்) அதிகாலை நேரம் (ஃபஜ்ருத் தொழுகைக்குப் பின்) நபி ஸல்லல்லாஹு அலைஹி வஸல்லம் அவர்கள் எங்களிடம் (பின்வருமாறு) கூறினார்கள்:

இன்றிரவு (கனவில்) இரு(வான)வர் என்னிடம் வந்து என்னை எழுப்பி, 'நடங்கள்' என்றனர். நான் அவர்கள் இருவருடன் நடக்கலானேன். நாங்கள் ஒருக்களித்துப் படுத்துக் கொண்டிருந்த ஒரு மனிதரிடம் சென்றோம். அங்கு அவரின் தலைமாட்டில் இரும்பாலான கொக்கியுடன் ஒருவர் நின்றிருந்தார். அவர் (படுத்திருந்தவருடைய) முகத்தின் ஒருபக்கமாகச் சென்று கொக்கியால் அவரின் முகவாயைப் பிடரி வரை கிழித்தார்; (அவ்வாறே) அவரின் மூக்குத் துவராத்தையும் கண்ணையும் பிடரி வரை கிழித்தார். – அல்லது பிளந்தார் –

Read more...
 
ஹாபிழ்களின் கவனத்திற்கு...! Print E-mail
Friday, 17 December 2010 07:58

ஹாபிழ்களின் கவனத்திற்கு...!

முஸ்லிம் சமூகத்தை விமர்சிக்கின்ற பலர் தங்களுடைய விமர்சனங்களில் உள்ளடக்கிய விடயங்களில் ஒன்றுதான் அல் குர்ஆனை ஓதத்தெரிந்த பலருக்கு அதன் கருத்து வியாக்கியானம் தெரிவதில்லை என்பது.

குறிப்பாக, நமது ஊர்களில் சிறிய வயதிலேயே ஹாபிழ்களாக பயிற்றுவிக்கப்பட்டு பல நூறு பேர் வெளியேறுகிறார்கள். இவர்களில் எத்தனை பேர் அல் குர்ஆனை அதன் மொழிபெயர்ப்புடன் கற்று பிறருக்கு கற்பிக்கிறார்கள்? என்ற ஒரு கேள்வி மிக முக்கியமானதாகும்.

இரண்டு வருட ஒப்பந்தத்தின் பெயரில் 10 வயது சிறார்களை நமது பெற்றோர்கள் ஹாபிழ்களாக ஆக்கப்படும் மத்ரஸாக்களில் சேர்க்கின்றனர். அல்ஹம்துலில்லாஹ். நல்ல முயற்சியின் பின் சில வருடங்கள் கடக்கும் போது ஹாபிழ் பட்டம் பெற்றவர்களாக வெளியேறுகிறார்கள்.

சில ஹாபிழ்கள் தொடர்ந்தும் மெளலவி வகுப்பில் சேர்ந்து ஏழு வருடங்கள் கற்றுத் தேறும் போது தான் மனனம் செய்த குர்ஆனை ஓதும் போது அதன் அர்த்தத்தை புரிந்து கொள்வதுடன் அதனை வைத்து தனது வாழ்க்கையை அமைத்துக்கொண்டு பிரசாரம் செய்வதிலும் மும்முரமாக இருக்கிறார்கள்.

Read more...
 
அன்பை வளர்க்க ஆழமானதோர் அடித்தரை! Print E-mail
Monday, 05 August 2013 09:32

அன்பை வளர்க்க ஆழமானதோர் அடித்தரை!

தங்கள் இனத்தவர் அல்லது ஜாதியினர் அல்லது மொழியினர் அல்லது நாட்டார் தாக்கப்படும்போது உணர்ச்சிவசப்பட்டு ஏற்படும் அன்பின் மேலீட்டால் தம் மக்களுக்காக  சிலர் உரிமைக்குரல் எழுப்புவதையும் தம்  மக்களை ஒருங்கிணைக்கப் பாடுபடுவதையும் அவை நாளடைவில் பல இயக்கங்களாக உருவெடுத்து நாளடைவில் ஒருவருக்கொருவர் அடித்துக் கொள்வதையும் நாம் கண்டு வருகிறோம். உறுதியான ஒரு கொள்கையின்மையே இதற்குக் காரணம்.

ஒரு மொழியை, ஒரு நாட்டை அல்லது ஊரை, இனத்தை அல்லது ஒரே நிறத்தை அடிப்படையாக வைத்து அவர்களிடையே பிணைப்பை ஏற்படுத்தவோ அவர்களை இணைத்து வைக்கவோ ஓர்முடியாது. ஏனெனில் அவர்களுக்குள் நல்லோரும் இருப்பர், தீயோரும் இருப்பர்.

மக்களை ஒருங்கிணைக்க அல்லது அவர்களிடையே அன்பை வளர்க்க ஒரு உறுதியான அஸ்திவாரம் தேவைப்படுவதை நாம் உணரலாம். அது அனைத்து மக்களும் ஏற்றுக்கொள்ளக்கூடிய  ஒரு கொள்கை அடிப்படியிலானதாக இருக்க வேண்டும். இறுதி இறைவேதமான திருக்குர்ஆனும் இறுதி இறைத்தூதர் முஹம்மது நபி ஸல்லல்லாஹு அலைஹி வஸல்லம் அவர்களும் கீழ்க்கண்ட  முக்கியமான அடிப்படைகளை மனித மனங்களில் விதைப்பதன் மூலம்  இம்முயற்சியில் வெற்றி ஈட்டுவதை நாம் உலகெங்கும் காணலாம்:

Read more...
 
அந்நியனாய் வாழ்வோம் அர்த்தம் புரியும் - ஹதீஸ் விளக்கம் Print E-mail
Saturday, 16 November 2013 22:37

அந்நியனாய் வாழ்வோம் அர்த்தம் புரியும் - ஹதீஸ் விளக்கம்

ஒருவர் வெளியூருக்கோ அல்லது வெளி நாட்டிற்கோ செல்கிறார் என்றால் அங்கு அவரது வாழ்க்கை சூழலும் எப்படி அமையும்!

1. இது ஒரு தற்காலிக தங்குமிடம். இங்கு சில வேலைகளுக்காக நாம் வந்துள்ளோம். சொந்த ஊருக்கு திரும்பும் நாள் சீக்கிரம் வர வேண்டும் என்ற எண்ணம் தான் அவரிடம் மிகைத்து நிற்கும்.

2, சிந்தனையும் நினைவுகளும் சொந்தங்களையும், சொந்த ஊரையும் சுற்றியே வட்டமிட்டுக் கொண்டிருக்கும்.

3) தாம் தங்கியுள்ள இடத்தில் கிடைக்கும் பொருட்கள் மீது அவ்வளவாக ஈடுபாடு இருக்காது.

4) அங்கு கிடைக்கும் நட்புக்கள், தோழமைகள், உறவுகள் எவற்றோடும் பிண்ணி பிணைந்துக் கொள்ள மனம் வராது. ஏனெனில் இவை தற்காலிகமானவை என்ற எண்ணம் குறுக்கிட்டு தடுக்கும்.

5) சொந்த ஊருக்கு எடுத்துச் செல்ல முடியாத எந்தப் பொருளின் மீதும் அவர் கவனம் செலுத்த மாட்டார். அது அவரை எவ்வளவு கவர்ந்திருந்தாலும் சரியே!

Read more...
 
வேற்றுமையில் ஒற்றுமை சமூகங்களிடையே சாத்தியமா? Print E-mail
Tuesday, 03 September 2013 10:54

வேற்றுமையில் ஒற்றுமை சமூகங்களிடையே சாத்தியமா?

'எங்கள் இறைவன் அல்லாஹ்வே! என்று அவர்கள் கூறியதற்காகவே நியாயமின்றி அவர்களின் இல்லங்களில் இருந்து வெளியேற்றப்பட்டனர். மனிதர்களில் ஒருவர் மூலம் மற்றவரை இறைவன் தடுத்திருக்கா விட்டால் மடங்களும, ஆலயங்களும், வழிபாட்டுத் தலங்களும் இறைவனின் பெயர் அதிகமாகத் துதிக்கப்படும் பள்ளி வாசல்களும் இடிக்கப்பட்டிருக்கும்.' (குர்ஆன் 22:40)

பல்வேறு மதத்தவர்கள் வாழும் இவ்வுலகில் நல்லிணக்கம் ஏற்படுவ தற்கான முக்கிய அறிவுரையை இவ்வசனம் (22:40) கூறுகிறது.

ஒவ்வொரு மதத்தவர்களுக்கும் வழிப்பாட்டுத் தலங்கள் உள்ளன. அவற்றை அவர்கள் பெரிதும் மதிக்கின்றனர். ஆனால் ஒரு மதத்தினரின் வழிபாட்டுத் தலத்தை இன்னொரு மதத்தினர் மதிக்க மாட்டார்கள். இது இயல்பான ஒன்று தான். இரு மதத்தவர்கள் மத்தியில் கலவரம் நடக்கும் போது எதிர் மதத்தினரின் வழிபாட்டுத் தலங்கள் தான் முக்கியமாகத் தாக்கப்படுகின்றன. உணர்ச்சிக்கு முக்கியத்துவம் கொடுத்து அறிவுப் பூர்வமாகச் சிந்திக்காததன் விளைவாகத் தான் இந்த நிலை ஏற்படுகிறது.

 ஒவ்வொரு மதத்தினரும் தமது வழிபாட்டுத் தலங்களை, தமது சொத்துக் களை விடப் பெரிதாக மதிப்பதால் தங்களின் வழிபாட்டுத் தலம் தாக்கப்படும் போது அது போன்ற எதிர்த் தாக்குதலில் இறங்குவார்கள். எனவே, பிற மத வழிபாட்டுத் தலங்கள் மீது நடத்தும் தாக்குதல் உண்மையில் நம் வழிபாட்டுத் தலங்கள் மீது நடத்தும் தாக்குதலாக அமைந்து விடுகிறது.

"உங்களில் சிலர் மூலம் சிலரை அல்லாஹ் தடுத்திருக்காவிட்டால் பள்ளி வாசல் உட்பட அனைத்து மதத்தினரின் வழிபாட்டுத் தலங்களும் தகர்க்கப்பட்டு விடும்'' என்ற அறிவுப்பூர்வமான வழிகாட்டுதலை இவ்வசனம் நமக்கு வழங்குகிறது.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 9 of 100

99 Names Of Allaah

-         310 300nd

Links

Links 2

Best Article