வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

கொரோனா பீதி... Print E-mail
Thursday, 19 March 2020 08:02

கொரோனா பீதி...

அல்லாஹ்வின் திருப்பெயரால்

கொரோனா வைரஸ் உலக முழுதும் ஒரு அச்சத்தை ஏற்படுத்திவிட்டது!

நாளுக்குநாள் இந்த கொரோனாவின் தாக்கம் அதிகரித்துக்கொண்டே வருகிறது! அதேநேரத்தில் பீதிகள், புரளிகள், வந்ததிகள் புதுசுபுதுசாக ஏதாவது ஒன்றை கிளப்பிவிட்டு கொண்டுதான் இருக்கிறார்கள். சிலர் கூறுகிறார்கள் இதற்கான மருந்து கண்டுபிடித்தாச்சு என்று ஒரு பக்கம் செய்தி பரவுகிறது.

இன்னும் சிலர் கூறுகிறார்கள் இதற்கான மருந்து கண்டுபிடிக்கவில்லை என்று இன்னொரு பக்கம் கூறுகிறார்கள். இந்த கொரோனா வைரஸால் பாதிக்கப்பட்டவர்கள் சிலர் குணம் அடைந்துவிட்டார்கள் என்று ஒரு செய்தி வருகிறது. என்ன தான் நடக்கிறது என்று ஒவ்வொருவரும் தெரிந்துகொள்ள ஆசைப்படுகிறார்கள்.. ஆனால் ஏமாற்றம் தான் மிச்சம். இதுவரை உண்மை நிலவரம் தெரியவில்லை என்பது எதார்த்த உண்மை!

பிரான்ஸ் நாட்டில் சூப்பர்மார்கெட்டில் ஒரு நீண்ட வரிசையில் மக்கள் கூட்டம் பொருள்கள் வாங்க. அவர்களுக்கு ஒரு அச்சம், ''என்ன நடக்குமோ? என்ன ஆகுமோ? என்ற ஒரு விதமான பீதி! இன்று சமூகவலைத்தளங்களில் விழிப்புணர்வு என்ற பெயரில் பீதியை கிளப்பிக்கொண்டு இருக்கிறார்கள். சிலர் பொய்யான தகவல்களை பரப்புவதில் ரொம்ப ஆர்வமாக இருக்கிறார்கள்! அவர்களுக்கு இதில் ஒரு விதமான சந்தோசம்!

Read more...
 
குர்ஆனிலுள்ள 'துஆ'க்கள் (1) Print E-mail
Wednesday, 05 January 2011 12:11

 

إِيَّاكَ نَعْبُدُ وَإِيَّاكَ نَسْتَعِينُ اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّين

(இறைவா!)உன்னையே நாங்கள் வணங்குகிறோம்; உன்னிடமே நாங்கள் உதவியும் தேடுகிறோம். நீ எங்களை நேர்வழியில் நடத்துவாயாக!. (அது) நீ எவர்களுக்கு அருள் புரிந்தாயோ அவ்வழி. (அது) உன் கோபத்திற்கு ஆளானோர் வழியுமல்ல நெறி தவறியோர் வழியுமல்ல. 1:5-7

 

رَبَّنَا تَقَبَّلْ مِنَّاإِنَّكَ أَنتَ السَّمِيعُ الْعَلِيمُ وَتُبْ عَلَيْنَاإِنَّكَ أَنتَ التَّوَّابُ الرَّحِيمُ

"எங்கள் இறைவனே! எங்களிடமிருந்து (இப்பணியை) ஏற்றுக்கொள்வாயாக; நிச்சயமாக நீயே (யாவற்றையும்) கேட்பவனாகவும் அறிபவனாகவும் இருக்கின்றாய்". எங்களை(க் கருணையுடன் நோக்கி எங்கள் பிழைகளை) மன்னிப்பாயாக; நிச்சயமாக நீயே மிக்க மன்னிப்போனும், அளவிலா அன்புடையோனாகவும் இருக்கின்றாய்." 2:127-128

 

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

"ரப்பனா! (எங்கள் இறைவனே!) எங்களுக்கு இவ்வுலகில் நற்பாக்கியங்களைத் தந்தருள்வாயாக; மறுமையிலும் நற்பாக்கியங்களைத் தந்தருள்வாயாக; இன்னும் எங்களை(நரக) நெருப்பின் வேதனையிலிருந்தும் காத்தருள்வாயாக!" 2:201

Read more...
 
ஹதீஸிலுள்ள 'துஆ'க்கள் (1) Print E-mail
Thursday, 02 June 2011 20:57

  

1. اَ للَّهُمَّ إِنِّيْ أَسْأَلُكَ فَوَاتِحَ الْخَيْرِ وَخَوَاتِمَهُ وَجَوَامِعَهُ، وَأَوَّلَهُ وَآخِرَهُ، وَظَاهِرَهُ وَبَاطِنَهُ، وَالدَّرَجَاتِ الْعُلَى مِنَ الْجَنَّةِ.

யா அல்லாஹ்! நன்மைகளின் ஆரம்பங்களையும் முடிவுகளையும் இன்னும் எல்லா நன்மைகளையும் நிச்சயம் நான் உன்னிடம் கேட்கின்றேன். நன்மைகளின் ஆரம்பம், முடிவு, அதன் வெளிப்படை, அந்தரங்கம் மற்றும் சுவர்க்கத்தின் உயர்ந்த அந்தஸ்துக்களையும் நான் உன்னிடம் கேட்கின்றேன்.(நூல்: தப்ரானி)

 

2 اَللََّّهُمَّ إِنِّيْ أعُوْذُ بِكَ مِنَ الْكُفْرِ وَالْفَقْرِ، اَللََّّهُمَّ إِنِّيْ أَعُوْذُ بِكَ مِنْ عَذَابِ الْقَبْرِ، لاَ إِلَهَ إِلاَّ أَنْتَ،

யா அல்லாஹ்! இறைநிராகரிப்பை விட்டும் வறுமையை விட்டும் நான் உன்னிடம் பாதுகாவல் தேடுகின்றேன். யா அல்லாஹ்! மண்ணறையின் வேதனையை விட்டும் நான் உன்னிடம் பாதுகாவல் தேடுகின்றேன். வணக்கத்திற்குரிய இறைவன் உன்னைத்தவிர வேறு யாருமில்லை. (நூல்: அபூதாவூத்)

 

3. اَللَّهُمَّ إِنِّيْ أَسْأَلُكَ اْلعَفْوَ وَالْعَافِيَةَ فِيْ دِيْنِيْ وَ دُنْيَايَ وَأَهْلِيْ وَمَالِِيْ، اَللَّهُمَّ اسْتُرْ عَوْرَاتِيْ وَآمِنْ رَوْعَاتِيْ، اَللَّهُمَّ احْفَظْنِيْ مِنْ بَيْنِ يَدَيَّ وَمِنْ خَلْفِىْ، وَعَنْ يَمِيْنِيْ وَعَنْ شِمَالِيْ وَمِنْ فَوْقِيْ، وَأَعُوْذُ بِعَظْمَتِكَ أَنْ أُغْتَالَ مِنْ تَحْتِيْ.

யா அல்லாஹ்! எனது மார்க்கத்திலும் எனது உலக வாழ்விலும் எனது குடும்பத்திலும் எனது செல்வத்திலும் மன்னிப்பையும் நலனையும் நான் உன்னிடம் கேட்கின்றேன். யாஅல்லாஹ்! என்னுடைய குறைகளை மறைப்பாயாக! யாஅல்லாஹ்! என் அச்சங்களை அகற்றி எனக்கு அமைதியைத் தந்தருள்வாயாக! யாஅல்லாஹ்! எனக்கு முன்னாலிருந்தும் பின்னாலிருந்தும் எனது வலது புறமிருந்தும் இடது புறமிருந்தும் எனக்கு மேலிருந்தும் எனக்குப் பாதுகாப்பு அளிப்பாயாக! எனக்கு கீழ்புறத்திலிருந்து நான் எதிர்பாராத விதமாகக் கொல்லப்படுவதை உன் வல்லமையைக் கொண்டு நான் உன்னிடம் பாதுகாப்புத் தேடுகின்றேன்.(நூல்: அபூதாவூத்)

Read more...
 
நபிமார்கள் கேட்ட துஆக்கள் Print E-mail
Sunday, 09 October 2011 09:20

நபிமார்கள் கேட்ட துஆக்கள்

  01. துஆக்கள் ஏற்கப்பட  

நபி இப்ராஹீம் அலைஹிஸ்ஸலாம் அவர்கள் கேட்ட துஆ

( رَبَّنَا تَقَبَّلْ مِنَّاإِنَّكَ أَنتَ السَّمِيعُ الْعَلِيمُ وَتُبْ عَلَيْنَاإِنَّكَ أَنتَ التَّوَّابُ الرَّحِيمُ )

"எங்கள் இறைவனே! எங்களிடமிருந்து (இப்பணியை) ஏற்றுக்கொள்வாயாக; நிச்சயமாக நீயே (யாவற்றையும்) கேட்பவனாகவும் அறிபவனாகவும் இருக்கின்றாய்". எங்களை(க் கருணையுடன் நோக்கி எங்கள் பிழைகளை) மன்னிப்பாயாக; நிச்சயமாக நீயே மிக்க மன்னிப்போனும், அளவிலா அன்புடையோனாகவும் இருக்கின்றாய்." (அல்குர்ஆன் 2: 127-128)

 

  02. ஈருலக நன்மை பெற  

நபி ஸல்லல்லாஹு அலைஹிஸ்ஸலாம் அவர்கள் கேட்ட துஆ

( رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ )

"ரப்பனா!(எங்கள் இறைவனே!) எங்களுக்கு இவ்வுலகில் நற்பாக்கியங்களைத் தந்தருள்வாயாக. மறுமையிலும் நற்பாக்கியங்களைத் தந்தருள்வாயாக. இன்னும் எங்களை(நரக) நெருப்பின் வேதனையிலிருந்தும் காத்தருள்வாயாக!"

 (அல்குர்ஆன் 2: 201)

 

  03. கல்வி ஞானம் பெற  

நபி மூஸா அலைஹிஸ்ஸலாம அவர்கள் கேட்ட துஆ

( أَعُوذُ بِاللَّهِ أَنْ أَكُونَ مِنَ الْجَاهِلِي )

"அறிவீனர்களில் ஒருவனாக நான் ஆகிவிடாமல் அல்லாஹ்விடம் பாதுகாப்புத் தேடுகிறேன்." (அல்குர்ஆன் 2:67)

Read more...
 
மறைவழியில் இறைவனிடம் கையேந்துவோம் Print E-mail
Friday, 21 August 2015 06:56

மறைவழியில் இறைவனிடம் கையேந்துவோம்

"எங்களுக்குப் பொறுமையைத் தந்தருள்வாயாக!
எங்கள் பாதங்களை உறுதியாக்குவாயாக!
இறை மறுப்பான (காஃபி)ரான இம்மக்கள்
மீது (நாங்கள் வெற்றியடைய) உதவி செய்வாயாக!” (அல்குர்ஆன் 2:250)

இந்தப் பிரார்த்தனையை பனூ இஸ்ரவேலர்களில் தாலூத்துடைய மக்கள் ஜாலூத்தை எதிர்கொண்டு போர் புரிகையில் கேட்டதாக அல்லாஹ் அறிவிக்கின்றான்.

மூஸா அலைஹிஸ்ஸலாம் அவர்களின் மறைவுக்குப் பின் பனூ இஸ்ரவேலர்கள் வழிகேட்டில் வீழ்கின்றனர். அவர்களை நேர்வழிப் படுத்திச் செல்ல பல நபிமார்களை அல்லாஹ் அனுப்பி வைக்கின்றான். நேர்வழி செல்பவர்களுக்கும் வழிகேட்டிலிருப்பவர்களுக்குமிடையில் பெரும் போர்கள் நிகழ்கின்றன.

வழிகேட்டிலிருப்’பவர்கள் நேர்வழி செல்லும் நல்லடியார்களை வென்று அவர்களது வீடு சொத்துக்களை அபகரித்துக் கொண்டு பராரியாக விரட்டி விடுகின்றனர். தீயவர்களுக்கு எதிராக போர் புரியவும், அல்லாஹ்வின் நீதியை நிலைநாட்டவும் அவர்களில் வந்த ஒரு நபி அவர்களுக்கு அழைப்பு விடுகிறார். அந்நபியை ஏற்றுக் கொண்டவர்களும் மற்றவர்களும் பற்பல வினாக்களை எழுப்புகின்றனர். அல்லாஹ்வும் பற்பல விதமாக அவர்களைப் பரீட்சித்து நல்லவர்களை தேர்ந்தெடுக்கின்றனர்; ஈடேற்றம் தருகின்றான். அவர்கள் எழுப்பிய வினாக்களையும், அல்லாஹ் தேர்ந்தெடுத்த விதத்தையும் பார்ப்போம்.

Read more...
 
இறைவனிடம் உரிமை கலந்த உறுதியுடன் கேட்க வேண்டும் Print E-mail
Tuesday, 27 March 2012 07:34

இறைவனிடம் உரிமை கலந்த உறுதியுடன் கேட்க வேண்டும்

ஒரு வீட்டின் கதவு வேகமாகத் திறக்கப்பட்டது. ஏழு அல்லது எட்டு வயது மதிக்கத்தக்க ஒரு சிறுவனை அவனது தாய் கடுமையாக அடித்து, வீட்டை விட்டு வெளியே தள்ளிவிட்டு, "எனது எந்த பேச்சையும் கேட்காத உன்னை இனி இந்த வீட்டில் நான் பார்க்க விரும்பவில்லை, எங்கு வேண்டுமென்றாலும் போய்த்தொலை" என்று விரட்டிவிட்டு படீரென்று கதவை சாத்திக்கொண்டாள்.

வாசலில் நின்று கொண்டு சிறுவன் தேம்பித்தேம்பி அழுதான். மெதுவாக அந்த தெருவின் முனை வரை சென்றவன் ஏதோ நினைத்தவனாக திரும்பவும் அந்த வீட்டின் வாசல் படியில் வந்து அமர்ந்தான். அழுதுகொண்டும், யோசித்துக்கொண்டும் இருந்தவன் சற்று நேரத்தில் அப்படியே வாசல் படியிலேயே படுத்து உறங்கி விட்டான்.

சிறிது நேரம் கழித்து ஏதோ வேலை நிமித்தமாக அவனது தாய், வீட்டின் வாசல் கதவைத் திறந்தாள். அடித்துத் துரத்தப்பட்ட மகன் வாசலில் படுத்துறங்குவதைப் பார்த்தவள் கோபத்துடன்; தூங்கிக்கொண்டிருந்த மகனின் தலைமுடியை பிடித்து இழுத்து தர தரவென்று அவ்விடத்தைவிட்டு அவனை அப்புறப்படுத்துவதில் முனைந்தாள். சிறுவன் ஒப்பாரி வைத்து கத்த ஆரம்பித்தான்.

Read more...
 
பிரார்த்தனையின் பலம்! Print E-mail
Monday, 26 September 2016 07:56

பிரார்த்தனையின் பலம்!

டாக்டர் அஹ்மத் ஒரு பிரபலமான மருத்துவர். அவர் ஒரு தடவை ஒரு முக்கியமான மருத்துவ மாநாட்டுக்குப் புறப்பட்டார். அது இன்னொரு நகரத்தில் நடக்கவிருந்தது. அந்த மாநாட்டில் டாக்டர் அஹ்மதுக்கு ஒரு விருது வழங்கப்படவிருந்தது. அவர் அண்மையில் நடத்திய ஒரு நீண்ட நெடிய மருத்துவ ஆராய்ச்சிக்காக, அதனைப் பாராட்டும் விதமாக அந்த விருதை வழங்கி அவரை கௌரவிக்க இருந்தார்கள்.

அந்த மாநாட்டில் கலந்துகொள்வதற்கு பெரிதும் ஆர்வம் கொண்டிருந்தார் டாக்டர் அஹ்மத். அந்த ஆராய்ச்சிக்காக மிக நீண்ட காலமாக, கடினமாக உழைத்திருந்தார் அவர். ஆராய்ச்சிக்காக தான் பட்ட சிரமங்களுக்கெல்லாம் ஆறுதலாக இந்த விருது அமையும் என்று அவர் எண்ணினார்.

விமானம் புறப்பட்டது. புறப்பட்டு இரண்டு மணி நேரத்தில் விமான ஓட்டுனர் ஒரு குண்டைத் தூக்கிப் போட்டார். விமானத்தில் ஏதோ ஒரு கோளாறு இருக்கிறதென்றும், அருகிலுள்ள விமான நிலையத்தில் விமானத்தைத் தரையிறக்கப் போவதாகவும் அவர் அறிவிப்பு செய்தார்.

தான் உரிய நேரத்தில் மாநாட்டை அடைவோமா என்று கவலை கொண்ட டாக்டர் அஹ்மத் விமானம் தரையிறங்கியதும் உடனடியாக உதவி மேடைக்கு ஓடினார். அங்கே இருந்த பெண்மணியிடம் அவரது நிலையை எடுத்துச் சொன்னார். தான் போக வேண்டிய இடத்திற்கு உடனடியாகக் கிளம்பக் கூடிய அடுத்த விமானத்தைப் பற்றிக் கூறுமாறு கேட்டுக்கொண்டார்.

Read more...
 
ஓதிப்பார்க்கும் முறைகளும் 'துஆ'க்களும் Print E-mail
Friday, 03 March 2017 07:49

         ஓதிப்பார்க்கும் முறைகளும் 'துஆ'க்களும்        

நோய்நொடிகளுக்காகவும், பாதுகாப்பிற்காகவும் குறிப்பிட்ட துஆக்கள் மற்றும் குர்ஆன் வசனங்களை ஓதி மந்திரிக்கும் முறையை நபி ஸல்லல்லாஹு அலைஹி வஸல்லம் அவர்கள் நமக்குக் கற்றுத் தந்துள்ளார்கள்.

அவற்றை நாம் தெரிந்து பின்பற்றுவதன் மூலம் குறிப்பிட்ட ஒரு ஹஜ்ரத்தோ அல்லது மோதினாரோ ஓதிப் பார்த்தால் தான் குணமாகும் என்ற மூடநம்பிக்கையிலிருந்து விடுபட முடியும். குர்ஆன் ஹதீஸ் அடிப்படையில் நபியவர்கள் ஓதிப் பார்த்த முறைகளைக் காண்போம்.

வலிக்கு ஓதிப் பார்த்தல்

நபி ஸல்லல்லாஹு அலைஹி வஸல்லம் அவர்கள்  வலியினால் பாதிக்கப்பட்டவர்களுக்கு தம்முடைய ஆட்காட்டி விரலில் எச்சிலை தொட்டு அதனால் மண்ணைத் தொட்டு பாதிக்கப்பட்ட இடத்தில் வைத்து ஓதிப் பார்த்துள்ளார்கள்.

ஆயிஷா ரளியல்லாஹு அன்ஹா அவர்கள் கூறியதாவது: அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் (யாரேனும் ஒரு) மனிதருக்கு உடல்நலக் குறைவு ஏற்பட்டால், அல்லது கொப்புளமோ காயமோ ஏற்பட்டால், தமது ஆட்காட்டி விரலைப் பூமியில் வைத்து (மண்ணைத் தொட்டு) விட்டு அதை உயர்த்தி,

பிஸ்மில்லாஹி. துர்பத்து அர்ளினா பிரீகத்தி பஃளினா லியுஷ்ஃபா பிஹி சகீமுனா பிஇத்னி ரப்பினா

“அல்லாஹ்வின் பெயரால்! எங்களில் சிலரது உமிழ்நீரோடு எமது இந்தப் பூமியின் மண் (இணைந்தால் அது) எங்கள் இறைவனின் ஆணையின் பேரில் எங்களில் நோயுற்றிருப்பவரைக் குணப்படுத்தும்” என்று கூறுவார்கள். (நூல்: முஸ்லிம் 4417)

Read more...
 
துஆ என்றால் என்ன? Print E-mail
Tuesday, 28 November 2017 08:17

Related image

துஆ என்றால் என்ன?

      சையத் அப்துர் ரஹ்மான் உமரி      

துஆ என்றால் என்ன? என்பதைத் தெரிந்து கொண்டால் துஆ செய்யுமாறு யாரிடமாவது கேட்கலாமா என்பது தெளிவாகிவிடும்.

துஆ என்றால் என்ன?

இறைவனிடம் கேட்கும் யாசகம்!.

என்ன கேடக வேண்டும்?

யாரிடம் கேட்கின்றோம் என்பதைப் பற்றிய தெளிவு!

அவனது ஆற்றல் மீதும் வஹ்ஹாபிய்யத், ரஹ்மானிய்யத் மீதும் ஆழமான நம்பிக்கை!

அவன் நமக்கு கொடுத்துள்ளவை கொடுத்து வருபவை குறித்த நன்றியுணர்வு!

கேட்கும் பொருள் குறித்த ஞானம்!

ஈடுபாடு, அக்கறை, பணிவு, தாழ்மை, இடைவிடாத கோரிக்கை!

கோரிக்கையை ஏறகவிடாமல் தடைசெய்யும் செயல்கள் ஏதும் உண்டா என்னும் இஹ்திஸாப் (சுய பரிசோதனை)

இவைபோன்ற இன்னும பல அமசங்கள் இருந்தால் தான் துஆ ஏறகப்படும்.

Read more...
 
துஆவும் சலவாத்தும் Print E-mail
Tuesday, 02 May 2017 07:12

துஆவும் சலவாத்தும்

நபி ஸல்லல்லாஹு அலைஹி வஸல்லம் அவர்கள், அல்லாஹ்விடமே ஒவ்வொரு வஸ்துவையும் வேண்டிக் கேட்க வேண்டுமென்றும் தங்கள்மீது சலவாத் சொல்லவேண்டுமென்றும் தங்களுடைய சஹாபாக்களுக்கு அடிக்கடி சொல்வதுண்டு. இவ்வாறுதான் செய்ய வேண்டுமென்று அல்லாஹ்வும் தன்னுடைய திருமறையில் பின்வருமாறு சுட்டிக் காட்டியிருக்கிறான்:

“சில மனிதர்கள் சில மனிதர்களிடம் சென்று, ‘உங்களுடன் யுத்தம் செய்வதற்காக அவர்கள் (குறைஷிகள் ஏராளமாய் மனிதர்களை) சேர்த்து வைத்திருக்கின்றனர். எனவே, நீங்கள் அவர்களுக்கஞ்சி நடந்து கொள்ளுங்கள்’ என்று கூறுகின்றனர். (ஆனால், இவ்வார்த்தை) அவர்களுக்கு ஈமானின் உறுதியை மேலும் அதிகமாய்ச் செய்துவிட்டது. எனவே, அவர்கள் (அல்லாஹ் மீது கொண்டுள்ள உறுதியின் காரணமாய்) ‘எங்களுக்கு அல்லாஹ் போதுமானவன். அவன் அழகான பொறுப்பாளி,’ என்று பதில் கூறுகின்றனர். (யுத்தத்தின் பின்) அவர்கள் ஆண்டவனது அருளையும், அவனது அருட்கொடையையும் அடைந்தவர்களாய்த் திரும்பினார்கள். அவர்களை எந்த விதமான தீமையும் தொடரவில்லை. மேலும், அல்லாஹ்வின் பொருத்தத்தையே அவர்கள் தேடுகிறார்கள். அல்லாஹ் மகா பெரிய கொடையாளியாய் இருக்கின்றான்” (அல்குர்ஆன் 3:172,173).

இத்திருவாக்கியத்தில் காணக்கிடக்கும் “ஹஸ்புனல் லாஹு வ நிஃமல் வகீல்” என்னும் இவ்வாக்கியத்தை ஹஜரத் இப்ராஹீம் அலைஹிஸ்ஸலாம் அவர்கள், தங்களைக் குஃப்பார்கள் நெருப்பு நிறைந்த அக்கினிக் கிடங்கில் தள்ளியபோது கூறினார்கள் என்றும் இவ்வாறே நம் நபிகள் திலமவர்களிடம் மக்காவின் குஃப்பார்களுள் சிலர் வந்து, இவர்களைப் பயமுறுத்தவான்வேண்டி மக்காவின் குறைஷிகள் ஏராளமான மனிதர்களைச் சேர்த்துக் கொண்டு இவர்களுடன் யுத்தம் செய்யப் போகின்றார்களென்றும், எனவே, இவர்கள் பயந்துகொண்டிருக்க வேண்டுமென்றும் சொன்னபோதும் நபி ஸல்லல்லாஹு அலைஹி வஸல்லம் அவர்களும் இவ் வாக்கியத்தையே திருவுளமானார்களென்றும் இப்னு அப்பாஸ் ரளியல்லாஹு அன்ஹு அவர்கள் ரிவாயத் செய்திருக்கிறார்கள்.

Read more...
 
நான்கு பக்கங்களிலும் பாதுகாவல்! ஏன்? Print E-mail
Sunday, 27 August 2017 07:50

நான்கு பக்கங்களிலும் பாதுகாவல்! ஏன்?

அப்துல்லாஹ் இப்னு உமர் ரளியல்லாஹு அன்ஹு அவர்கள் அறிவிப்பதாக அஹ்மதில் ஒரு ஹதீஸ் பதிவாகியுள்ளது. நபி ஸல் அவர்கள் அதிகமாகக் கேட்டதாக உள்ள ஒரு துஆ அது.

اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالْآخِرَةِ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي وَدُنْيَايَ وَأَهْلِي وَمَالِي، اللَّهُمَّ اسْتُرْ عَوْرَاتِي وَآمِنْ رَوْعَاتِي، اللَّهُمَّ احْفَظْنِي مِنْ بَيْنِ يَدَيَّ وَمِنْ خَلْفِي وَعَنْ يَمِينِي وَعَنْ شِمَالِي وَمِنْ فَوْقِي وَأَعُوذُ بِعَظَمتِكَ أَنْ أُغْتَالَ مِنْ تَحْتِي

''யா அல்லாஹ்! எனது தீனிலும் துன்யாவிலும், குடும்பத்திலும், பொருளிலும் மன்னிப்பையும் ஆரோக்கியத்தையும் தந்தருள உன்னை வேண்டுகிறேன். யா அல்லாஹ் எனது வெட்கத்தலங்களை மறைத்தருள்வாளாக! எனது பயங்களை விட்டும் என்னை நிர்ப்பயமான வனாக்குவாயாக! எனது முன்புறம் பின்புறம், வலப்புறம், இடப்புறம், மேல்புறம் கீழ்ப்புறம் எல்லா திசைகளிலிருந்தும் என்னைக் காப்பாற்றுவாயாக! எனது கீழ்பாகத்திலிருந்து நான் தாக்கப்படுவதை விட்டும் உன் வலுப்பத்தைக் கொண்டு காவல் தேடுகிறேன்.''

பாதுகாப்பாயாக எனக் கூறிவிட்டால் முடிந்துவிடும்.. ஏன் ஒவ்வொரு பக்கத்தையும் குறிப்பிட்டு பாதுகாவல் கேட்குமாறு நபி ஸல்லல்லாஹு அலைஹி வஸல்லம்   வழிகாட்டினார்கள்?

Read more...
 
பிரார்த்தனையின் படித்தரங்கள் Print E-mail
Wednesday, 24 October 2018 06:40

பிரார்த்தனையின் படித்தரங்கள்

      ஜாஃபர் அலி       

இஸ்லாமிய அறிஞர்களும், இமாம்களும் ஷரீஅத்தில் ஆகுமானதும், ஆகாதவையுமான பிரார்த்தனைகளை வரையறுத்துக் கூறியிருக்கிறார்கள். கூடாத, பித்அத்தான பிரார்த்தனைகளை மூன்றாகப் பிரித்திருக்கிறார்கள்.

ஒன்று: அல்லாஹ் அல்லாத இதர சிருஷ்டிகளை அழைத்துப் பிரார்த்தித்தல். மய்யித்திடம் கேட்டுப் பிரார்த்தித்தல். கண் பார்வைக்கு அப்பாற்பட்டோர், இறந்து போன நபிமார்கள், ஸாலிஹீன்கள் ஆகியோரையெல்லாம் கூப்பிட்டு ‘யாஸய்யிதீ! எனக்கு உதவி செய்தருள்வீர்! உங்களைக் கொண்டு காவல் தேடுகிறேன். உதவி கோருகிறேன். என் பகைவனுக்கெதிராக உதவி புரிவீராக!’ என்றெல்லாம் பிரார்த்தித்தலாகும்.

அன்றி கீழ்வரும் பிரார்த்தனை இவை எல்லாவற்றையும் விட பயங்கர குற்றத்திற்குரியதாக இருக்கிறது. ‘நீர் என்னை மன்னித்தருள்வீர்! என்னுடைய தௌபாவையும், பாவ மன்னிப்பையும் ஏற்றருள்வீர்!’ என்று பிரார்த்தனை செய்வது.

இவர்களுடைய கப்றுகளில் ஸுஜுது செய்வதும், கப்றுகளை நோக்கி நின்று தொழுவதும், பிரார்த்திப்பதும், கிப்லாவை முன்னோக்குவதை விட மேன்மையாகக் கருதுவதும் மாபெரும் கொடிய ஷிர்க்காகும்.

சில முட்டாள்கள் கப்றுகளை சில குறிப்பிடத்தக்கவர்களின் கிப்லா என்றும், சாதாரண பொதுமக்கள் தான் கஃபாவைப் பார்த்துத் தொழுவார்கள் என்றும் கூறி மக்களை வழி கெடுத்திருக்கிறார்கள்.

மேலும் கப்றுகளை நோக்கி பிரயாணம் செய்தல் ஹஜ் பிரயாணத்தின் இனத்தைச் சார்ந்தது என்றும், பலதடவை ஒரு கப்றுக்குப் பயணம் போனால் ஒரு ஹஜ்ஜுக்கு ஈடாகி விடும் என்று கருதுகிறவர்கள்

மேற்கூறப்பட்டவர்களை விட கொடிய குற்றவாளிகளாவர். இன்னும் சொல்லப்போனால் கப்றை ஒருவிடுத்தம் ஸியாரத் செய்வது பலமுறை ஹஜ் செய்வதை விட மேன்மைக்குரியது என்று கூறி முஷ்ரிக்குகளாக வாழும் முஸ்லிம் பெயர் தாங்கிகளையும் காண முடியும். இதெல்லாம் கொடிய ஷிர்க்காகும். இதில் பலர் அகப்பட்டிருக்கிறார்கள். ஆகாது என்று விலக்கப்பட்ட பிரார்த்தனைகளில் இது முதல் படித்தரமாகும்.

Read more...
 
பொருளுணர்ந்து 'துஆ"ச்செய்வோம் Print E-mail
Tuesday, 03 December 2013 10:57

Image result for பொருளுணர்ந்து 'துஆ"ச்செய்வோம்

பொருளுணர்ந்து 'துஆ"ச்செய்வோம்

அன்பிற்கினிய சகோதர சகோதரிகளுக்கு, அஸ்ஸலாமு அலைக்கும் வரஹ்மதுல்லாஹி வபரகாதுஹு.

திருக்குர்ஆனில் ஏராளமான 'துஆ'க்கள் இடம்பெற்றுள்ளன. ஒவ்வொரு 'துஆ'வும் நம்மைப்படைத்த அந்த ஏக இறைவனே நமக்கு அவற்றைக்கொண்டு "அவனிடம்" கேட்குமாறு கற்றுக்கொடுப்பது போன்று அமைந்திருப்பதை என்றைக்கேனும் நாம் கவனித்திருக்கிறோமா?

தொழுகையாளிகளில் எத்தனை பேர் 'துஆ'வின் அர்த்தத்தை விளங்கி 'துஆ' கேட்கிறோம்? மஸ்ஜிதில் இமாம்கள் செய்கின்ற 'துஆ'வுக்கு "ஆமீன்" சொல்வதோடு சரி...! அதன் பொருள் என்னவென்பதைப் பற்றியெல்லாம் நமக்கு தெரிந்துகொள்ள வேண்டும் எனும் ஆர்வம் இருப்பதில்லை. எல்லாம் நமது இமாம்களுக்கு மட்டும் தெரிந்தால் போதும் என்று நினைப்புதான் காரணமோ என்னவோ?!.

மேலுள்ள திருக்குர்ஆனிலுள்ள (நபி இப்ராஹீம் அலைஹிஸ்ஸலாம் கேட்டதாக அல்லாஹ் குறிபிட்டுள்ள) ஒரு 'துஆ'வின் அர்த்தத்தை ஒருமுறை படித்துப்பாருங்கள். எவ்வளவு பொருள் நிறைந்த ஒரு அற்புதமான 'துஆ' இது என்பதை விளங்கிக்கொள்ள முடியும்.

Read more...
 
பிரார்த்தனை பற்றி திருமறையும் நபிமொழியும் Print E-mail
Monday, 29 October 2012 16:58

பிரார்த்தனை பற்றி திருமறையும் நபிமொழியும்    

அல்லாஹ்விடமே நேரடியாகக் கேளுங்கள்!

(நபியே!) என்னுடைய அடியார் என்னைப் பற்றி உம்மிடம் கேட்டால் நிச்சயமாக நான் அவர்களுக்கு மிகச் சமீபமாக உள்ளேன். என்னை அழைத்தால் அழைப்பவரின் அழைப்பிறகு நான் பதிலளிக்கிறேன். அவர்கள் நேர்வழி பெறுவதற்காக என்னையே அழைக்கட்டும், என்னையே விசுவாசம் கொள்ளட்டும். (அல்குர்ஆன் 2:186)

உங்களுடைய இறைவன் கூறுகிறான். நீங்கள் என்னையே அழைத்துப் பிரார்த்தியுங்கள். நான் உங்களுடைய பிரார்த்தனைக்குப் பதிலளிப்பேன். நிச்சயமாக என்னை வணங்குவதை விட்டும் பெருமையடிப்பவர்கள் இழிவடைந்தவர்களாய் நரகில் புகுவார்கள். (அல்குர்ஆன் 40:60)

அல்லாஹ்வைத் தவிர பிறரிடம் கையேந்தி விடாதீர்கள்!

கஷ்டத்திற்குள்ளானவன் அவனை அழைத்தால் அவனுக்கு பதில் கொடுத்து, அவன் துன்பத்தை நீக்குபவனும், உங்களை இப்பூமியில் பின்தோன்றல்களாக ஆக்கியவனும் யார்? அல்லாஹ்வுடன் (வேறு) நாயன் இருக்கின்றானா? (இல்லை) எனினும் (இவையெல்லாம் பற்றி) நீங்கள் சிந்தித்துப் பார்ப்பது மிக்க குறைவேயாகும். (அல்குர்ஆன் 27:62)

Read more...
 
நன்மையை அள்ளுங்கள்! Print E-mail
Saturday, 23 March 2013 07:34

நன்மையை அள்ளுங்கள்!

1) அல்குர்ஆனிலிருந்து ஓர் எழுத்தை ஓதினால் பத்து நன்மைகள் கிடைக்கும்

2) லுஹாவுடைய இரண்டு ரக்அத்துகளை தொழுதால் 360 தர்மங்களை செய்த நன்மையைப் பெற்றுக் கொள்வார்.

3) 100 தடவை 'ஸுப்ஹானல்லாஹ்' என்று கூறினால் அவருக்கு 1000 நன்மைகள் எழுதப்படும். அல்லது 1000 பாவங்கள் மன்னிக்கப்படும்.

4) அல்கஹ்ப் அத்தியாயத்தின் முதல் 10 வசனங்களை மனனமிட்டால் தஜ்ஜாலின் குழப்பங்களிலிருந்து பாதுகாப்பு பெற்று விட்டார்.

5) எவர் கடமையான தொழுகைகளுக்கு முன் பின் உள்ள பன்னிரண்டு ரக்அத் சுன்னத்தை தொழுது வருவாரோ அல்லாஹ் அவருக்கு சுவர்க்கத்தில் ஒரு மாளிகையை எழுப்புகின்றான்

6) எவர் நபியின் மீது ஒரு தடவை ஸலவாத்துச் சொல்வாரோ அல்லாஹ் அவருக்கு பத்து முறை அருள் புரிகின்றான்

7) எவர் மஸ்ஜிதுக்கு செல்வாரோ அல்லது மஸ்ஜிதில் இருந்து திரும்புவாரோ மஸ்ஜிதுக்கு செல்லும் போது அல்லது திரும்பும் போது வைக்கும் ஒவ்வொரு எட்டுக்கும் சுவர்க்கத்தில் அந்தஸ்துகள் உயர்த்தப்படும்.

8.) அல்லாஹ்வின் அழகிய 99 திருநாமங்களை எவர் மனனமிடுவாரோ அவர் சுவர்க்கம் நுழைந்து விட்டார்.

9) எவர் கடமையான தொழுகையின் பின் ஆயதுல் குர்ஸியை ஓதி வருவாரோ அவருக்கு சுவர்க்கம் நுழைவதற்கு மரணத்தை தவிர வேறெதுவும் தடையாக இருக்காது.

10) எவர் அழகான முறையில் ஒழுச் செய்து பிறகு ஜும்ஆவுக்கு வந்து மொளனமாக செவி தாழ்த்தி உரையை செவிமடுப்பாரோ அவரது ஜும்ஆவுக்கு இடைபட்ட பாவங்களும், மூன்று நாட்களின் பாவங்களும் மன்னிக்கப்படும்.

Read more...
 
அல்லாஹ்விடம் பிரார்த்தனை செய்வதற்குமுன்... Print E-mail
Saturday, 21 November 2009 08:40

அல்லாஹ்விடம் பிரார்த்தனை செய்வதற்குமுன்...

    குலாம் தஸ்தகீர்    

1. அல்லாஹ்வைப் போற்றிப் புகழுதல்

 பிரார்த்தனை செய்வதற்கு முன் அல்லாஹ்வைப் போற்றிப் புகழவேண்டும். நபி ஸல்லல்லாஹு அலைஹி வஸல்லம் அவர்கள் மீது ஸலவாத் கூறவேண்டும். அது ஏனெனில், நிச்சயமாக நீர் அல்லாஹ்விடம் அவனுடைய அருட்கொடைகளை, கருணைகளை, பாவமன்னிப்பை கேட்கப்போகிறீர். எனவே, அல்லாஹ்வுடைய தகுதிக்கேற்றவாறு எதிலே புகழ்வார்த்தையும், மேன்மைப்படுத்திப் பேசுதலும் இருக்குமோ அத்தகைய ஒரு முன்னுரையை நீர் முதலில் அவனுக்காக முற்படுத்துவதே இவ்விடத்தில் பொருத்தமான ஒரு செயலாக இருக்கும்.

இதற்குச் சான்றாக பின்வரும் நபிமொழியைப் பாருங்கள்!

''அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் அமர்ந்திருந்தபோது, ஓர் ஆடவர் அந்நேரம் வந்தார். தொழுது முடித்தார். பின்னர், யாஅல்லாஹ்! எனக்கு நீ பாவம் பொருத்தருள்வாயாக! எனக்கு நீ அருள் செய்திடுவாயாக! என்று கூறினார்.

அப்போது அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள், 'தொழுது முடித்தவரே! நீர் அவசரப்பட்டுவிட்டீர்! நீர் தொழுது முடித்தால் அல்லாஹ் அவனுக்குத் தகுந்தவைகளைக் கொண்டு புகழ்வீராக! பின்னர் என்மீது ஸலவாத்துக் கூறுவீராக! பின்னர் அவனிடம் பிரார்த்திப்பீராக!'

Read more...
 
மனவலிமை பெற வைக்கும் மகத்தான 'துஆ' Print E-mail
Wednesday, 29 October 2014 06:33

மனவலிமை பெற வைக்கும் மகத்தான 'துஆ'

رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ

"எங்கள் இறைவனே! எங்கள் பாவங்களையும் எங்கள் காரியங்களில் நாங்கள் வரம்பு மீறிச் செய்தவற்றையும் மன்னித் தருள்வாயாக! எங்கள் பாதங்களை உறுதியாய் இருக்கச் செய்வாயாக! காஃபிர்களின் கூட்டத்தாருக்கு எதிராக எங்களுக்கு நீ உதவி புரிவாயாக" (அல்குர்ஆன் 3:147)

பல அருமையான கருத்துக்களை உள்ளடக்கி இந்த 'துஆ'வை அல்லாஹ் கற்றுத் தருகிறான்.

1. பொதுவான பாவங்களுக்கு மன்னிப்பு.

2. வரம்பு மீறலுக்கான மன்னிப்பு.

3. சோதனையான கட்டங்களில் பதட்டம் கொள்ளாது உறுதியுடன் சமாளித்து நிற்றல்.

4. இறை மறுப்பாளர்கள், நம்பிக்கையாளர்களான முஸ்லிம்களை ஒழிக்க அணி திரளும் சமயத்தில் அவர்களுக்கு எதிரான உதவியை வேண்டுதல்.

Read more...
 
இறைதியானம் (திக்ர்) எப்படி அமைய வேண்டும்? கொஞ்சம் யோசிக்கலாமே! Print E-mail
Friday, 03 February 2012 08:46

இறைதியானம் (திக்ர்) எப்படி அமைய வேண்டும்?

    கே.ரஹ்மதுல்லாஹ் மஹளரி    

ஒரு மாலைப்பெழுதில் மளிகைச் சாமான் வாங்க பையைத் தூக்கிக்கொண்டு கடைத்தெருவுக்குச் சென்றேன். அங்கே....

ஒரு கடையில் கையில் தஸ்பீஹ் மணி சகிதமாய் அமர்ந்திருந்த கடை ஓனரைக் கண்டவுடன், ‘(இறைவிசுவாசியாகிய) அவர்கள் எத்தகையவர்கள் என்றால் நின்ற நிலையிலும், உட்கார்ந்த நிலையிலும், படுத்த நிலையிலும் ஆக எல்லா நிலையிலும் அல்லாஹ்வை நினைவு கூறுகின்றார்கள்’ (அல்குர்ஆன் 3 : 191) என்ற இறைவசனம் நிழலாடியது.

அதே நேரத்தில்.....

கையில் தஸ்பீஹ் மணியோடு காட்சி தந்த அவர் பணியாளர்களை வேலை ஏவிக் கொண்டிருந்தார். பொருட்களுக்கான காசையும் அவ்வப்போது கணக்குப்பார்த்து கவனமாய் கல்லாவில் போட்டுக்கொண்டிருந்தார்.

இத்தனை வார்த்தையாடல் மற்றும் செயல்களுக்கிடையிலும் அவருடைய கையிலுள்ள தஸ்பீஹ்மணி மட்டும் உருட்டப்பட்டுக் கொண்டே இருந்தது.

அவரது செயல்பாட்டைக் கண்ட எனக்கு, இவர் என்ன ஜெபமாலை மூலம் இறைதிக்ருகளை எண்ணிக் கொண்டிருக்கின்றாரா? அல்லது தனது வார்த்தைகளை எண்ணிக் கொண்டிருக்கின்றாரா? என்ற சந்தேகம் வந்துவிட்டது.

இவர் மாத்திரமல்ல நிறையபேர் இப்படித்தான் எவ்வித சிந்தனையுமற்ற நிலைபாட்டில் சடங்கு போல இறைதியானம் மற்றும் வணக்க வழிபாடுகளில் ஈடுபட்டுக் கொண்டிருக்கின்றனர்.

இறைவனை நினைவு கூறுதல் என்பதற்கு தஸ்பீஹ் மணியை உருட்டுதல் என்று மட்டுமே அர்த்தப்படுத்திக் கொண்டதன் விளைவுகளே மேற்குறிப்பிடப்பட்ட நிகழ்வு.

Read more...
 
இளிச்சவாயர்களா இஸ்லாமியர்? Print E-mail
Tuesday, 17 March 2020 07:21

இளிச்சவாயர்களா இஸ்லாமியர்?

    டாக்டர் ஏ.பீ. முஹம்மது அலி, பிஎச்.டி; ஐ.பீ.எஸ்(ஓ)     

1946 ஆம் ஆண்டு கடைசி மாதங்களில் ஆங்கிலேய அரசு ஆட்சி மாற்ற போராட்ட காலங்களில் கிழக்கு வங்காளத்தில் நவகாளி மாவட்டத்தில் முஸ்லிம்கள் அதிகமாக இருக்கும் இடங்களில் ஹிந்து மக்கள் தாக்கப் படுவதும், வீடுகள் கொளுத்தப் படுவதும், அதேபோன்று பீகாரில் முஸ்லிம்கள் தாக்கப் படுவதும் எங்கே ஹிந்து-முஸ்லிம்கள் சிவில் யுத்தமாக மாறிவிடுமோ என்று பயந்த கவலையுடனும், அது இந்திய விடுதலைக்கு ஊறு செய்துவிடுமோ என்று பயந்த மஹாத்மா காந்தி நவகாளிக்கும், பீகாருக்கும் முன்னாள் பீகார் முதன் மந்திரி ஷஹீத் சுஹ்ரவாடியுடன் இணைந்து இரண்டு சமுதாயத்தினையும் ஒன்று படுத்தினார்.

அதேபோன்ற கலவரம் மற்ற இடங்களுக்கும் பரவ இருக்கும்போது தான் சாகும்வரை உண்ணா நோன்பு இருக்கப் போகிறேன் என்று அறிவித்தார். அந்த அறிவிப்பு செய்தி பரவியதும் சமூக ஒற்றுமைக்கு ஊறு விளைவிக்கும் முயற்சி சிறிது கட்டுப் பட்டது. ஆனால் அன்றைய காங்கிரஸ்-முஸ்லிம் லீக் தலைவர்களிடையே ஒற்றுமை இல்லாததால் இந்தியா இரண்டாக துண்டுபட்டு இருவேறு நாடுகளாக 1947 ஆகஸ்ட் மாதம் உருவானது.

இந்தியா பிரிவினை காரண்மாக கிட்டத்தட்ட 20,00,000/ அப்பாவி மக்கள் கொல்லப்பட்டும், வீடு இழந்தும், இடம் பெயர்ந்த சம்பவம் இன்னும் மறையவில்லை. இந்திய நாடு இரண்டாக பிரிந்ததிற்கு காரணம் மகாத்மா காந்தி தான் என்று தவறான கருத்தினைக் கொண்ட வலது சாரி கும்பலுக்கு பலியானார் மஹாத்மா என்ற வரலாறு உங்களுக்குத் தெரியும்.

Read more...
 
முதலாம் உலக யுத்தத்தின் தாக்கமும், பலனும்! Print E-mail
Monday, 16 March 2020 07:32

முதலாம் உலக யுத்தத்தின் தாக்கமும்-அதனால் ஏற்பட்ட ஆக்கப் பூர்வ பலனும்!

    டாக்டர் ஏ.பீ. முஹம்மது அலி, பிஎச்.டி; ஐ.பீ.எஸ்(ஓ)     

11.11.2018 ஞாயிறு அன்று பாரிஸ் நகரில் உலக தலைவர்கள் அனைவரும் ஒன்று கூடி முதலாம் உலகப் போர் முடிவுற்றதினை நினைவுபடுத்தும் விதமாக விழா எடுத்தது.

அனைவருக்கும் தெரியும். உலக முதலாம் யுத்தம் 1914 முதல் 1918 வரை நடந்தது.

அந்த யுத்தத்தில் ஒண்றரைக் கோடி மக்கள்- வீரர்கள் உட்பட பலரும் கொல்லப்பட்டார்கள்,

மற்றும் இரண்டு கோடியே முப்பது லட்சம் பேர்கள் படுங்காயம் அடைந்தார்கள்.

அந்த யுத்தம் 11.11 .1918 ம் ஆண்டு பிரான்ஸ் நாட்டின் வட பாரிஸ் நகரில் பெர்டினாண்ட் ரயிலில் கையெழுத்தான ஒப்பந்தம் மூலம் முடிவுக்கு வந்தது. பிரான்ஸ் கமாண்டர் பெர்டினாண்ட் ஜெர்மன் நாடு மறுபடியும் போர் தொடங்காதவாறு மிகக் கடுமையான கட்டுப் பாடு கொண்ட ஒப்பந்தம் கையெழுத்திடச் செய்தார். ஆனால் போர் நின்றதா என்றால் இல்லை.

காலச்சக்கரம் சுழலும் போது அதே பிரான்ஸ் நாட்டினைப் பழிவாங்க ஜெர்மன் அதிபர் ஹிட்லர் 1940 ம் ஆண்டு அதே பெர்டினாண்ட் ரயிலில் போர் நிறுத்த ஒப்பந்தம் பிரான்ஸை செய்ய வைத்த வரலாறும் உண்டு. இது ஒரு பக்கம் இருந்தாலும் முதலாம் உலகப் போரின் மூலம் பல முக்கியமான சமுதாய நன்மைகளும் உலகிற்கு கிடைத்திருக்கின்றது.

Read more...
 
அல்லாஹ்விடம் அனைத்துமே துல்லியமான கணக்கிலுள்ளன Print E-mail
Wednesday, 01 February 2017 09:57

அல்லாஹ்விடம் அனைத்துமே துல்லியமான கணக்கிலுள்ளன

        S.M.அமீர், இலங்கை        

அளவற்ற அருளாளனாகிய அல்லாஹ்வின் அழகிய திருநாமங்களின் ஒன்று ஹஸீப் (கணக்கெடுப்பவன்) என்பதாகும். (அல்குர்ஆன் 4:6,86 33:39, 2:202, 284, 5:4, 58:6)

ஒவ்வொரு பொருளையும் அவன் எண்ணிக்கையால் அறிவான். 72:28 அல்லாஹ் அனைத்துப் பொருட்களையும் (துல்லியமாக) கணக்கெடுப்பவனாக இருக்கிறான் 4:86. அல்லாஹ் விரைந்து (அனைத்துப் பொருட்களையும் துல்லியமாக) கணக்கெடுப்பவன் (ஆவான்) (அல்குர்ஆன் 2:202, 5:04)

அனைத்துப் பொருட்களின் மீதும் அல்லாஹ் (துல்லியமாக) கணக்கெடுப்பதற்கு ஆற்றலுடையவன் 2:284, அல்லாஹ் (அனைத்துப் பொருட்களையும் விசயங்களையும் (துல்லியமாக) கணக் கெடுக்கப் போதுமானவன். 33:39 அல்லாஹ் ஒவ்வொருப் பொருளையும். (அதன் எண்ணிக்கையில் துல்லியமாக) அறிந்தவனாக இருக்கிறான். (அல்குர்ஆன் 33:40)

அல்லாஹ் அனைத்துப் பொருட்களையும் (எண்ணிக்கை அளவில் துல்லியமாக) கண்காணிப்ப வனாக இருக்கிறான். கடலிலும் திடலிலும் உள்ள மரம், செடி, கொடிகளிலிருந்து ஓர் இலை உதிர்வதும் அவனது கணக்கில் உள்ளது.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 7 of 98

99 Names Of Allaah

-         310 300nd

Links

Links 2

Best Article