வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

யூதர்களுக்கு நபி (ஸல்) அவர்கள் வழங்கிய தீர்ப்பு Print E-mail
Sunday, 08 April 2012 19:15

யூதர்களுக்கு நபிகளார்  ஸல்லல்லாஹு அலைஹி வஸல்லம்  அவர்கள் வழங்கிய தீர்ப்பு

யூதர்களையும் கிறித்தவர்களையும் இஸ்லாமிய ஆட்சி வந்ததற்கு பிறகு முஸ்லிம்களால் கொடுமைபடுத்தப்பட்டனர் என்ற குற்றச்சாட்டு பரவலாக வைக்கப்படுகிறது. இதை நாம் கீழே வரும் நபிமொழியைக் கொண்டு சரி பார்ப்போம்.

இப்னு உமர் ரளியல்லாஹு அன்ஹு அறிவித்தார்கள்.

ஒரு யூத ஆணும் ஒரு யூதப் பெண்ணும் இறைத்தூதர் ஸல்லல்லாஹு அலைஹி வஸல்லம் அவர்களிடம் கொண்டு வரப்பட்டனர். அவர்கள் இருவரும் மானக்கேடான செயல் (விபசாரம்) புரிந்து விட்டிருந்தனர்.

அப்போது இறைத்தூதர் ஸல்லல்லாஹு அலைஹி வஸல்லம் அவர்கள், 'உங்களுடைய வேதத்தில் (இவர்களுக்கு) என்ன (தண்டனை) காணப்படுகிறது?' என்று கேட்டார்கள்.

அதற்கு அந்த (இடத்திலிருந்த) யூதர்கள், 'எங்கள் (மத) அறிஞர்கள், (விபசாரம் புரிந்தவர்களை) முகத்தில் கரி பூசி, முழங் கால்களைப் பிடித்தபடி குனிந்து நிற்கச் செய்யவேண்டும் என்ற தண்டனையை உருவாக்கியுள்ளனர்' என்றார்கள்.

Read more...
 
"யாருமே கண்டிராத கண்ணியத்தை தாங்கள் அடைய வேண்டும் என மிக ஆசைப்படுகிறேன்" Print E-mail
Sunday, 05 July 2015 22:05

[ நபி ஸல்லல்லாஹு அலைஹி வஸல்லம்   அவர்களுக்கும், உஹுத் போரில் வீரமரணம் எய்திய ஹம்ஜா ரளியல்லாஹு அன்ஹு அவர்களுடைய உடலைச் சின்னாபின்னமாக்கிய அபூஸுஃப்யானின் மனைவி 'ஹிந்த் பின்த் உத்பா' வுக்கும் நடந்த உரையாடல் ]

அல்லாஹ் இஸ்லாமை ஓங்கச் செய்து, நபியும் முஸ்லிம்களும் மக்காவை வெற்றி கொள்ளும்படி செய்தான். இதைப் பார்த்த மக்காவாசிகள் இஸ்லாமே உண்மை மார்க்கம். வெற்றி பெற இஸ்லாமைத் தவிர வேறு வழியில்லை என்பதை மிகத் தெளிவாக புரிந்து கொண்டனர்.

எனவே, இஸ்லாமை ஏற்று நபி ஸல்லல்லாஹு அலைஹி வஸல்லம் அவர்களிடம் இஸ்லாமிய ஒப்பந்தம் (பைஆ) செய்வதற்கு ஒன்று கூடினர். நபி ஸல்லல்லாஹு அலைஹி வஸல்லம் ஸஃபா மலைக் குன்றுக்கு மேல் அமர்ந்து கொண்டு இதற்காக தயாரானார்கள்.

கீழே உமர் ரளியல்லாஹு அன்ஹுஅமர்ந்து கொண்டார்கள். நபியவர்கள் மக்களிடமிருந்து இஸ்லாமிய ஒப்பந்தத்தை ஏற்றுக் கொண்டிருந்தார்கள். தங்களால் இயன்ற அளவு செவிமடுப்போம் கட்டுப்படுவோம் என மக்கள் பைஆ செய்தனர்.

Read more...
 
மீன் வயிற்றில் இருந்த நபி! Print E-mail
Saturday, 25 July 2015 09:39

மீன் வயிற்றில் இருந்த நபி!

''மேலும், யூனுஸும் நிச்சயமாக ரஸூல்மார்களில்- அனுப்பப்பட்டவர்களில் நின்றுமுள்ளவர்''. (37:139)

நபி யூனூஸ் பின் மத்தா அலைஹிஸ்ஸலாம் அவர்கள் (யோனா - jonah) கி.மு எட்டாம் நூற்றாண்டில் இராக்கிலுள்ள நைனுவா என்னும் பகுதிக்கு நபியாக அனுப்பட்டார்கள்.

சிலை வழிபாட்டில் ஈடுபட்டிருந்த அவருடைய சமூக மக்களைச் சீர்திருத்துவதற்காக பல்லாண்டுகள் பாடுபட்டார்கள். அனாலும் அவரது சமூகம் அவரை நிராகரித்துவிட்டது.

இதனால் மனம் வெறுத்துப் போன யூனூஸ் அலைஹிஸ்ஸலாம் அவர்கள் அல்லாஹுவின் ஆணையைப் பெறாமலேயே அந்த ஊரைவிட்டும் வெளியேறி விட்டார்கள். அல்லாஹுவின் ஆணையின்றி வெளியேறுவது குற்றம் என்பதை உணராமலேயே அங்கே பயனளிக்க தயாராக இருந்த கப்பலில் ஏறி சென்றுவிட்டார்.

எனவே அல்லாஹ் அவரைத் தண்டிக்க நினைத்தான். அவர் பயணித்த கப்பலை நடுக்கடலில் தடுமாற, தத்தளிக்க வைத்தான்.

இறுதியில் அக்கப்பலிலிருந்து யாரேனும் ஒருவர் இறங்கினால் மாத்திரமே மற்றவர்கள் அனைவரும் தப்பிக்க முடியும் என்ற நிலை ஏற்பட்டது. எனவே அவர்களுக்கிடையில் சீட்டு குலுக்கி போட்டனர். அதில் யூனூஸ் அலைஹிஸ்ஸலாம் அவர்கள் பெயர் வரவே, அவர் வீசி எறியப்பட்டார். அச்சமயம் அல்லாஹ் யூனூஸ் அலைஹிஸ்ஸலாம் அவர்களை விழுங்கும்படி, ஒரு மீனுக்குக் கட்டளையிட்டான். மீன் வயிற்றில் சிறைப்பிடித்தான். இதன் பிறகு தான் யூனூஸ் அலைஹிஸ்ஸலாம் அவர்கள், தான் அல்லாஹுவின் ஆணையின்றி ஊரை விட்டு வெளியேறியது மிகப்பெரிய குற்றம் என்பதை உணர்ந்தார்கள். அல்லாஹுவிடம் பாவமன்னிப்புத் தேடினார்கள்.

உன்னைத் தவிர வணக்கத்திற்குரிய இறைவன் வேறொருவனும் இல்லை. நீ மிகப் பரிசுத்தமானவன். நிச்சயமாக நானோ அணியாக்காரர்களில் ஒருவனாகிவிட்டேன் என்று பிரார்த்தித்த வண்ணம் இருந்தார்கள். பிறகு அல்லாஹ் அவரை மன்னித்து மீன் வயிற்றிலிருந்து வெளியேற்றினான்.

Read more...
 
அரபுத் தமிழின் பண்பாட்டுப் பாரம்பரியம் Print E-mail
Wednesday, 16 November 2016 07:35

அரபுத் தமிழின் பண்பாட்டுப் பாரம்பரியம்

      கலாநிதி சுக்ரி      

  இஸ்லாத்தின் தோற்றத்திற்கு முன்னர் அரபுத் தீபகற்பத்தில் வழக்கிலிருந்த சிறந்த வளர்ச்சியைக் கண்டு இலக்கிய வளம்மிக்க ஒரு மொழியாகக் காணப்பட்ட அரபு மொழியானது இஸ்லாத்தின் தோற்றத்தின் பின்னர் குர்ஆனின் மொழியாகப் பரிணமித்து இஸ்லாமிய பண்பாட்டின் வளர்ச்சியோடு இஸ்லாமியக் கலாஞானங்களின் மொழியாக மாறியது.

இந்தவகையில் இஸ்லாத்தின் பரவலோடு அதன் ஆட்சிக்குட்பட்ட பிரதேசங்களிலெல்லாம் பரவிய அரபு மொழியானது அப்பகுதிகளில் ஏற்கனவே வழக்கிலிருந்த மொழிகளில் அதன் செல்வாக்கைப் பதித்தது.

முஸ்லிம்களால் பாரசீகம் கைப்பற்றப்பட்ட போது அங்கு இஸ்லாத்தின் பரவலோடு அரபு மொழியும் பாரசீக மொழியில் அதன் செல்வாக்கை ஏற்படுத்தியது. பாரசீக மொழி அரபு லிபியில் எழுதப்படும் மரபு தோன்றியதோடு, எண்ணற்ற அரபுச் சொற்கள் பாரசீக மொழியோடு கலந்து, அதன் சொல்லகராதியில் பெரும் மாற்றத்தை விளைவித்தது.

இதுபோன்ற நிலையைத் துருக்கி மொழியைப் பொறுத்தளவிலும் நாம் அவதானிக்க முடிகிறது. 1920 களில் நிகழ்ந்த மொழிச் சீர்திருத்தத்திற்கு முன்னர் துருக்கி மொழியானது அரபு லிபியில் எழுதப்பட்டது. மேற்காபிரிக்காவின் ஹவ்ஸா புலானீ மொழிகளிலும் கிழக்காபிரிக்காவின் கிஸ்வாலு மொழியிலும் அரபு மொழியானது கணிசமான செல்வாக்கை ஏற்படுத்தியது.

Read more...
 
பனீ இஸ்ரவேலர்கள் குரங்குகளாகவும், பன்றிகளாகவும் உருவம் மாற்றபட்ட வரலாறு Print E-mail
Thursday, 05 October 2017 07:46

பனீ இஸ்ரவேலர்கள் குரங்குகளாகவும், பன்றிகளாகவும் உருவம் மாற்றபட்ட வரலாறு

வானத்திலிருந்து உணவுத் தட்டை நபி ஈஸா அலைஹிஸ்ஸலாம் அவர்களிடம் கேட்ட பனீ இஸ்ரவேலர்கள்!

    ரஹ்மத் ராஜகுமாரன்      

நபி ஈஸா அலைஹிஸ்ஸலாம் அவர்கள் காலத்தில் கிறிஸ்தவ மதம் தோன்றவே இல்லை . நபி ஈஸா அலைஹிஸ்ஸலாம் அவர்களும் பனீ இஸ்ரவேலர்களுக்காக வந்த நபி என்பதை உங்களுக்கு ஞாபகப்படுத்திக் கொள்கிறேன்.

''மர்யமுடைய மகன் ஈஸாவே.. உங்களுடைய இறைவன் வானத்திலிருந்து எங்களுக்காக ஓர் உணவு(ப் பொருள்கள் நிரம்பிய) தட்டை இறக்கி வைக்க முடியுமா?'' (குர்ஆன் 5 : 112)

என்று "நெருங்கிய நண்பர்கள்" என்பதை குறிக்க மூலச் சொல்லில் "அல் ஹவாரிய்யூன்" எனும் சொல் பயன்படுததப்படுகிறது.

இப்படி கேட்க,  '' இவ்வாறெல்லாம் கேட்காதீர்கள்;   அப்படிக் கேட்டால் அதுவே உங்களுக்கு ஒரு சோதனையாக மாறிவிடலாம். எனவே, நீங்கள் இறைநம்பிக்கையாளர்கள் என்றால் வாழ்வாதாரத்தைத் தேடும் முயற்சியில் அல்லாஹ்வின் மீது நம்பிக்கை வையுங்கள்" என்று நபி ஈஸா அலைஹிஸ்ஸலாம் அவர்கள் கூறினார்கள்.

"அதற்கவர்கள் அதிலிருந்து நாங்கள் புசித்து எங்கள் உள்ளங்கள் திருப்தியடையவும். அன்றி நீங்கள் (உங்களுடைய தூதுவத்தைப் பற்றி) மெய்யாகவே உண்மை கூறினீர்கள் என்று நாங்கள் அறிந்து கொண்டு அதற்கு நாங்களும் சாட்சியாக இருக்கவுமே விரும்புகின்றோம்" என்று கூறினார்கள். (குர்ஆன் 5 : 113)

Read more...
 
நீங்கள் என்னுடன் படுக்கையை பகிர்ந்துகொள்ள சம்மதிக்காவிட்டால், உங்களைக் காட்டிக் கொடுத்து விடுவேன்! Print E-mail
Wednesday, 16 November 2011 07:19

இது ஓர் வரலாற்றுப்பொன்னேடு

''நீங்கள் என்னுடன் படுக்கையை பகிர்ந்துகொள்ள சம்மதிக்கவில்லையென்றால், உங்களைக் காட்டிக் கொடுத்து விடுவேன்!'' 

நடுநிசி! மக்க மாநகர் வீதிகள் வெறிச்சோடிக் கிடந்தன. அன்று பவுர்ணமியாதலால் பட்டப் பகல்போல் நகரம் ஒளி வீசிக் கொண்டிருந்தது என்றாலும் ஆங்காங்கு இருந்த வீடுகள் நிழலுள் மூழ்கியும் நிழலைப் பரப்பியும் மவுனமொழி பேசின.

நான் என்னை ஒரு போர்வைக்குள் மறைத்துக் கொண்டும் நிழல்களுக்குள் ஒளித்துக் கொண்டும் சந்து பொந்துகளில் நடந்து சென்றேன். பின் முக்கிய வீதியொன்றில் முன்னேறி இலக்கை எட்டும் தூரத்தைக் கடந்து விட்டேன்.

குறைஷிகளுக்கும் முஸ்லிம்களுக்கும் நடந்த போரில் கைது செய்யப்பட்டு சிறை வைக்கப்பட்டிருந்த கூடாரங்களை நோக்கியே என் பயணம் தொடர்ந்து கொண்டிருந்தது. முஸ்லிம்கள் பலரும் மக்காவை விட்டு வெளியேறிய பின்னரும் நான் மக்காவிலேயே தங்கியிருப்பதற்குக் காரணம் இருந்தது.

கைது செய்யப்பட்டு சிறை வைக்கப்பட்டிருந்த முஸ்லிம்களில் சிலரை இரவில் யாருக்கும் தெரியாமல் மீட்டு மதீனாவுக்குக் கொண்டு சேர்ப்பதே என் பணியாக இருந்தது. அதற்காகவே நான் நடுநிசியில் தன்னந்தனியாக குறைஷிகளின் கூடாரங்களை நோக்கி முன்னேறிக் கொண்டிருந்தேன்.

Read more...
 
நபிகளாரைப் பற்றி இயேசு நாதர் Print E-mail
Friday, 25 August 2017 07:27

நபிகளாரைப் பற்றி இயேசு நாதர்

(இருவர் மீதும் இறைசாந்தி உண்டாகுக!)

இயேசு தனக்குப் பின்னர் வரப் போகின்ற இறுதித் தூதுவர் பற்றி முன்னறிவிப்பு செய்ததைப் பற்றி இறைவன் திருக்குர்ஆனில் எடுத்துக் கூறுகிறான்:

மேலும், மர்யமின் குமாரர் ஈஸா ”இஸ்ராயீல் மக்களே! எனக்கு முன்னுள்ள தவ்ராத்தை மெய்ப்பிப்பவனாகவும். எனக்குப் பின்னர் வரவிருக்கும் ‘அஹமது’ என்னும் பெயருடைய தூதரைப் பற்றி நன்மாராயம் கூறுபவனாகவும் இருக்கும் நிலையில் அல்லாஹ்வின் தூதனாக உங்களிடம் வந்துள்ளேன்” என்று கூறிய வேளையை (நபியே! நீர் நினைவு கூர்வீராக!) எனினும், அவர்களிடம் தெளிவான அத்தாட்சிகளை அவர் கொண்டு வந்த போது, அவர்கள் ”இது தெளிவான சூனியமாகும்” என்று கூறினார்கள். (திருக்குர்ஆன் 61:6)

பைபிளின் பழைய ஏற்பாட்டிலும் – புதிய ஏற்பாட்டிலும் எதிர்காலத் தூதுவர் பற்றிய தீர்க்கதரிசன வசனங்கள் காணப்படுகின்றன. குறிப்பாக இறைத்தூதர் முஹம்மது ஸல்லல்லாஹு அலைஹி வஸல்லம் அவர்களைப் பற்றிய பல்வேறு முன்னறிவிப்புகள் (தீர்க்கதரிசன உரைகள்) பழைய ஏற்பாட்டில் உள்ளன. இந்த தீர்க்கதரிசன உரைகள் இறைவனால் மோஸேவுக்கு அருளப்படுகின்றன. மோஸேயைப் போலவே ஒரு மார்க்க நிறுவனரை (தலைவரை) – நம்பிக்கையாளரின் சமூகத்திற்கு உரிய அழகிய எடுத்துக் காட்டை இஸ்ரவேலவர்களின் சகோதர சமுதாயத்திலிருந்து எழுப்பச் செய்வேன் என இறைவன் கூறுகிறான்:

உன்னைப் போலொரு தீர்க்கதரிசியை நான் அவர்களுக்காக உங்களது சகோதரரிலிருந்து எழும்பப்பண்ணி எம் வார்த்தைகளை அவர் வாயில் அருளுவேன். நான் அவருக்குக் கற்பிப்பதையெல்லாம் அவர் சொல்வார். எம் நாமத்தினாலே அவர் சொல்லும் என் வார்த்தைகளுக்கு செவி கொடாதவன் எவனோ அவனை நான் விசாரிப்பேன். (பைபிள்: 18 :18-20)

Read more...
 
நபி ஸாலிஹ் அலைஹிஸ்ஸலாம் அவர்களின் அதிசய ஒட்டகம் பற்றி திருக்குர்ஆன்! Print E-mail
Friday, 26 January 2018 07:58

நபி ஸாலிஹ் அலைஹிஸ்ஸலாம் அவர்களின் அதிசய ஒட்டகமும்   "மதாயின் ஸாலிஹ்" நகரம் பற்றி திருக்குர்ஆன் கூறும் வரலாறு

மதினாவிற்கும் தபூக்கிற்கும் இடையில் ஹிஜ்ர் என்ற ஊரில் 'மதாயின் ஸாலிஹ்' என்ற இடம் ஜோர்டானின் பெட்ராவை போல மிக அழகான வேலைப்பாடுகள் நிறைந்த மண்டபங்களையும் மலைகளைக் குடைந்த வீடுகளையும், சிற்ப கலைகள் நிறைந்த அமைப்புகளையும் காண முடிந்தாலும் அதனை சுற்றுலாத்தளம் போல் யாரும் சென்று பார்க்கச் செல்வதில்லை...

மதினாவிற்கும் தபூக்கிற்கும் இடையில் ஹிஜ்ர் என்ற ஊரில் 'மதாயின் ஸாலிஹ்' என்ற இடம் ஜோர்டானின் பெட்ராவை போல மிக அழகான வேலைப்பாடுகள் நிறைந்த மண்டபங்களையும் மலைகளைக் குடைந்த வீடுகளையும், சிற்ப கலைகள் நிறைந்த அமைப்புகளையும் காண முடிந்தாலும் அதனை சுற்றுலாத்தளம் போல் யாரும் சென்று பார்க்கச் செல்வதில்லை. காரணம் அது இறைவனின் வேதனை இறங்கிய இடம் என்று திருக்குர்ஆனில் கூறப்பட்டுள்ளது...

'மதாயின் ஸாலிஹ்' என்றாலே நபி ஸாலிஹ் அலைஹிஸ்ஸலாம் அவர்கள் வசித்த ஊர் என்ற பொருள் தருகிறது. தமூது கூட்டத்தினருக்காக அனுப்பப்பட்டவர் நபி ஸாலிஹ் அலைஹிஸ்ஸலாம் அவர்கள்.

பள்ளத்தாக்குகளில் பாறைகளைக் குடைந்து வசித்து வந்த தமூது கூட்டத்தினர் ஆது சமூகத்தைப் போன்று சிலைகளை வணங்கிக் கொண்டு, ஆடம்பர வாழ்க்கையால் ஆணவத்துடனும், மிகுந்த செருக்குடனும் தங்கள் பெருமைகளைப் பறைச்சாற்றும் விதமாக மாளிகை கட்டி வாழ்ந்து வந்தார்கள்.

Read more...
 
"பெண் புலி" ஸஃபிய்யா பின்த் அப்துல் முத்தலிப் ரளியல்லாஹு அன்ஹா Print E-mail
Tuesday, 01 January 2013 05:32

"பெண் புலி" ஸஃபிய்யா பின்த் அப்துல் முத்தலிப் ரளியல்லாஹு அன்ஹா

சிறு குன்றின் மேலிருந்து உடலொன்று உருண்டு வந்தது. உயிரற்ற உடல். கோட்டைச் சுவரின் உள்புறத்திலிருந்து அதை யாரோ வீசியெறிந்திருந்தார்கள். வெளியே காத்திருந்த யூதர்களின் எதிரில் 'பொத்தென்று' வந்து விழுந்தது அது.

கோட்டையின் உள்ளே உளவு பார்க்க தம் நண்பனை அனுப்பிவிட்டு, "ரொம்ப நேரமாச்சே, ஆளைக் காணோமே" என்று காத்திருந்தால் பிணமாக உருண்டு வந்து விழுந்தான் அவன். அனைவரும் பதட்டத்துடன் எழுந்து ஓடிச்சென்று பார்த்தார்கள். தலையில், உடலில் பலத்த காயம்; கசகசவென்று ஏகத்துக்கு வழிந்திருந்த குருதி; உளவாளி உயிர் பிரிந்து கிடந்தான்.

நண்பனின் உடலைக் கண்டதும் அச்சமும் அதிர்ச்சியும் ஒரே நேரத்தில் ஏற்பட்டுப்போய், அவர்களுள் ஒருவன், "முஹம்மது தம் சமூகத்துப் பெண்களையும் பிள்ளைகளையும் தற்காப்பு ஏற்பாடுகள் இன்றி விட்டுச் சென்றிருப்பார் என்று நாம் நினைத்திருக்கக்கூடாது" என்றான்.

கலைந்து தம் இருப்பிடங்களுக்கு வேகமாய் ஓடினார்கள் அந்த யூதர்கள். வந்த காரியம் கைகூடாவிட்டாலும் பரவாயில்லை; உயிர் பிழைத்தால் போதும் என்றாகிவிட்டது அவர்களுக்கு.

Read more...
 
மூஸா அலைஹிஸ்ஸலாம் அவர்களும் ராஜாளிப் பறவையும் Print E-mail
Friday, 11 May 2018 07:47

மூஸா அலைஹிஸ்ஸலாம் அவர்களும்

ராஜாளிப் பறவையும்

அல்லாமா நைஸாபூரி ரஹ்மதுல்லாஹி அலைஹி அவர்கள் அறிவிக்கின்றார்கள்: “ஒரு நாள் மூஸா அலைஹிஸ்ஸலாம் அவர்களும், யூஷஃ இப்னு நூன் அலைஹிஸ்ஸலாம் அவர்களும் ஓரிடத்தில் அமர்ந்து உரையாடிக் கொண்டிருந்தனர்.

அப்போது, உருவ அமைப்பில் சிட்டுக்குருவியைப் போன்று இருந்த வெள்ளைப் பறவை ஒன்று வேகமாக சிறகடித்துக் கொண்டு, மூஸா அலைஹிஸ்ஸலாம் அவர்களின் இருப்பிடத்தை வட்டமடித்துப் பறந்து கொண்டிருந்தது.

சிறிது நேரத்தில் பதறித்துடித்தவாறு “அல்லாஹ்வின் நபியே! என்னை ராஜாளிப் பறவை ஒன்று துரத்திக் கொண்டு வருகிறது. அதன் தீங்கிலிருந்து என்னைக் காப்பாற்றிக் கொள்ள எனக்கு நீங்கள் அடைக்கலம் தாருங்கள்!" என்றது.

மூஸா அலைஹிஸ்ஸலாம் அவர்களும் தங்களது மேலாடையில் ஒளிந்து கொள்ளுமாறு அந்த வெள்ளைப் பறவையிடம் கூறினார்கள்.

அதுவும் ஒளிந்து கொண்டது. சற்று நேரத்தில் ராஜாளியும் அங்கு வந்து சேர்ந்தது. கொஞ்ச நேரம் அங்கும் இங்கும் பறந்து திரிந்து தேடியது. பின்னர், மூஸா அலைஹிஸ்ஸலாம் அவர்களின் மேலாடையில் ஒளிந்து கொண்டிருப்பதை வெளியே தெரிந்து கொண்டிருக்கிற அதன் இறகை வைத்து கண்டு பிடித்தது.

Read more...
 
நாஇலா என்றொரு நங்கை! Print E-mail
Monday, 01 October 2012 12:25

நாஇலா என்றொரு நங்கை!

  சுமைய்யாஹ்  

[ "உனது ஹிஜாபை அணிந்து கொள். அவர்கள் என்னை கொல்வதைவிட அவர்கள் முன் நீ முடி அவிழ்ந்து நிற்பது எனக்குக் குற்றமாகத் தெரிகிறது" ]

நாஇலா ரளியல்லாஹு அன்ஹா உஸ்மான் ரளியல்லாஹு அன்ஹு அவர்களுடன் கண்ணியமாக வாழ்ந்த நயமிகு நங்கை. அவருடன் தூய்மையாக குடும்பம் நடத்தியவர். எல்லாச் சூழ்நிலைகளிலும் அவருக்கு பக்க பலமாக நின்றவர். அவருக்காக தன் உயிரையே துச்சமென எண்ணி அர்ப்பணிக்க முன் வந்தவர்.

உஸ்மான் ரளியல்லாஹு அன்ஹு அவர்களின் ஆட்சிக்காலத்தில் அவர்களுக்கு சோதனை அதிகரித்து, அவர்கள் தனது சொந்த வீட்டிலேயே சிறை வைக்கப்பட்டபோது அவர்களுடன் உறுதியாக நின்றவர் நாஇலா ரளியல்லாஹு அன்ஹா அவர்கள். வாள்வீச்சுக்கள் தன் கணவர் மீது விழாது தன் கைகள் மீது வாங்கிக்கொண்டவர் இந்த வீர மங்கை.

Read more...
 
எதிரிகளையும் மன்னிக்கும் மனப்பான்மை! Print E-mail
Saturday, 27 October 2018 07:01

எதிரிகளையும் மன்னிக்கும் மனப்பான்மை!

நபிகள் நாயகம் ஸல்லல்லாஹு அலைஹி வஸல்லம் மதினாவில் வாழ்ந்த காலகட்டத்தில் அவர்களின் முதன்மையான எதிரிகளாக யூதர்கள் இருந்தார்கள்.

நபிகள் நாயகம் ஸல்லல்லாஹு அலைஹி வஸல்லம் அவர்களை கொலை செய்யவும் அவர்கள் பல்வேறு திட்டங்களைத் தீட்டி செயல்பட்டனர். அப்படி இருந்த யூதர்கள் அனைவரையும் நபிகள் நாயகம் ஸல்லல்லாஹு அலைஹி வஸல்லம் அவர்கள் எதிரிகளாகக் கருதி நடந்து கொள்ளவில்லை.

நபிகள் நாயகம் ஸல்லல்லாஹு அலைஹி வஸல்லம் அவர்களுக்கு பணிவிடை செய்யும் பொறுப்பை சில இளைஞர்கள் செய்து வந்தனர். அவர்களில் யூத இளைஞர் ஒருவரும் இருந்தார். (ஆதாரம்: புகாரி 1356)

நபிகள் நாயகம் ஸல்லல்லாஹு அலைஹி வஸல்லம் அவர்களின் வீடுவரை செல்லவும் பணிவிடை செய்யவும் ஒருவருக்கு வாய்ப்பு கிடைத்தால் அவரால் நபிகள் நாயகத்தின் உயிருக்கே உலை வைக்க முடியும்.

அப்படி இருந்தும் எதிரி சமுதாயத்திலும் நல்லவர்கள் இருப்பார்கள் என்ற நம்பிக்கையில் அவரைத் தனது அந்தரங்க ஊழியராகச் சேர்த்துக் கொண்டார்கள். பின்னர் அந்த இளைஞர் இஸ்லாத்தை ஏற்றுக் கொண்டார் என்பது தனி விஷயம்.

Read more...
 
உங்களிடம் அதாஉ இப்னு அபீரபாஹ் இருக்கும்போது என்னைச் சூழ்ந்துகொண்டு மார்க்கச் சட்டங்களைக் கேட்கிறீர்களே! Print E-mail
Wednesday, 16 November 2011 06:53

உங்களிடம் அதாஉ இப்னு அபீரபாஹ் இருக்கும்போது என்னைச் சூழ்ந்துகொண்டு மார்க்கச் சட்டங்களைக் கேட்கிறீர்களே!

[ காலங்களில் சிறந்த பொற்காலம் என் தோழர்களின் காலம் அதற்குப்பின் அவர்களைத் தொடர்பவர்களின் (தாபியீன்களின்) காலம் என்று நபி ஸல்லல்லாஹு அலைஹி வஸல்லம் அவர்கள் குறிப்படுவார்கிள். அப்படியான காலகட்டத்தில் வாழ்ந்த ஒரு நல்லடியாரின் வாழ்வில் நடந்த இனிய நிகழ்வுகள்....

‘மக்காவாசிகளே! உங்களைப்பார்த்து நான் ஆச்சரியப்படுகிறேன். உங்களிடம் அதாஉ இப்னு அபீரபாஹ் இருக்கும்போது என்னைச் சூழ்ந்துகொண்டு மார்க்கச் சட்டங்களைக் கேட்கிறீர்களே!’ - இப்னு உமர் ரளியல்லாஹு அன்ஹு ]

ஹிஜ்ரீ 97 ஆண்டின் இறுதி மாதமான துல்ஹஜ் பிறை ஆரம்பமாகிக் கொண்டிருந்த சமயம்!

நாலா திசைகளிலிருந்தும் அலைகடலென அல்லாஹ்வின் அழைப்பை ஏற்றவர்கள் கஃபாவை தரிசிக்க வந்து கொண்டிருந்தனர். வயோதிகர்கள், வாலிபர்கள், ஆண்கள், பெண்கள், அரேபியர்கள், அந்நியர்கள், தலைவர்கள், தொண்டர்கள் என அனைத்துத் தரப்பினரும் அம்மக்கள் வெள்ளத்தில் காணப்பட்டனர்.

Read more...
 
ஒளரங்கசீப்- கிருமி கண்ட சோழன் Print E-mail
Wednesday, 15 October 2014 08:04

ஒளரங்கசீப்- கிருமி கண்ட சோழன்

அரசர்கள் பிற மதத்தினரை துன்புறுத்துவதும், பிற மதத்தினரின் வழிபாட்டுத் தலங்களை இடிப்பதும் வரலாற்று உண்மை. ஜைன மதத்தைச் சார்ந்த முதலாம் மகேந்திரவர்மன் சைவ மதத்தை போதித்த அப்பரை சுண்ணாம்புக் கால்வாயில் வைத்து சுட்டான்.

இந்து மன்னர்கள், ஜைன திருத்தலங்கள் மற்றும் புத்த விகாரங்களை வீழ்த்தினர்.

இன்றுள்ள பல இந்துக் கோயில்கள் ஒரு போது ஜைனத் திருத்தலங்களாகவும், புத்த விகாரங்களாகவும் இருந்தவையே.

இந்து மன்னர்களில் சைவப் பிரிவு மன்னர்கள் வைஷ்ணவப் பிரிவினரின் திருத்தலங்களையும், வைஷ்ணவப் பிரிவினர் சைவத் திருத்தலங்களையும் தாக்கியதுண்டு, தகர்த்ததுண்டு. வைஷ்ணவர்களைக் கொன்று குவித்து, சிதம்பரத்தில் உள்ள கோவிந்தராஜர் சிலையை கடலில் எரிந்ததால்தான் சோழமன்னன் இரண்டாம் குலோத்துங்கன் 'கிருமி கண்ட சோழன்' என்றழைக்கப்பட்டான் என்பது வரலாறு.

இது இங்ஙனமிருக்க ஒளரங்கசீப் ஒரு அதிதீவிர முஸ்லிம், அவர் இந்துக்களை இன்னலுக்கு உள்ளாக்கினார், இந்துக் கோயில்களை தகர்த்தார் என்பது மட்டும் பிரபலப்படுத்தப்படுகிறது. உண்மையில் ஒளரங்கசீப் இந்துக்களை இன்னலுக்கு உள்ளாக்கினார் என்பதும், இந்துக் கோயில்களை தகர்த்தார் என்பதும் முற்றிலும் உண்மைக்குப் புறம்பானது.

Read more...
 
பெருநாள் தினத்தன்று..! Print E-mail
Monday, 03 June 2019 13:22

பெருநாள் தினத்தன்று..!

அல்ஹம்துலில்லாஹ்.

அருள் வளம் மிக்க அந்த திருநாளில் பின்வரும் காரியங்களை செய்யுங்கள்...

1) முடிந்தவரை உங்கள் நண்பர்கள், உறவினர்கள் அனைவருக்கும் பெருநாள் வாழ்த்துக்களை பகிருங்கள்.

2) உங்கள் இரத்த பந்த உறவினர்கள் வீடுகளுக்கு விஜயம் செய்ய முயலுங்கள்.

3) பெருநாள் தொழுகைக்குப் பின் உணவு, பிறகு நல்ல தூக்கம், பின் பொழுது போக்கு அல்லது தொலைக்காட்சி என்பதுதான் உங்கள் அஜெண்டா என்றால், அப்படிப்பட்ட நிலையில் இருந்து மாறி பயனுள்ள வகையில் இந்த நல்ல நாளை செலவழிக்கு திட்டமிடுங்கள்.

4) வெறும் புத்தாடை அணிதலும் மாமிச உணவு சாப்பிடுதலும் மட்டுமே பெருநாளின் அடிப்படை அடையாளம் அல்ல என்பதை உங்கள் குடும்பத்தாருக்கும், உங்கள் வீட்டு குழந்தைகளுக்கும் அழகான முறையில் எத்தி வைக்க முயலுங்கள்.

Read more...
 
ரமலான் பண்புகள் ஆயுள் வரை தொடரட்டும் Print E-mail
Monday, 05 September 2011 07:33

ரமலான் பண்புகள் ஆயுள் வரை தொடரட்டும்

அல்குர்ஆன் வாழும் வேதம் மட்டுமல்ல! அது ஆளும் வேதம் என்பதை ஒவ்வொரு ரமளானும் நிரூபித்துக் காட்டுகின்றது. நாம் பாராத புதுப் புது முகங்கள்! அதுவரை பள்ளி பக்கமே வாராதிருந்து இப்போது பள்ளியில் அடியெடுத்து வைத்த எத்தனையோ தோற்றங்கள்!

ஐந்து நேரத் தொழுகைகளில் ஆட்கள் அதிகரிப்பு! பள்ளியை விரிவாக்கம் செய்ய வேண்டுமோ என்று எண்ணும் அளவுக்கு பள்ளியில் மக்கள் நெருக்கமும் இறுக்கமும் ஏற்பட்டு பள்ளி நிரம்பி வழிந்தது. இவ்வளவு சிறப்பும் எதனால்? அல்லாஹ் இம்மாதத்தில் குர்ஆனை இறக்கியருளியதால்! குர்ஆன் இறங்கிய லைலத்துல் கத்ர் அம்மாதத்தில் அமைந்திருப்பதால்!

எல்லாம் வல்ல அல்லாஹ் அந்த இரவை ஆயிரம் மாதங்களை விட சிறந்த இரவாக ஆக்கி வைத்தான். இம்மாதத்தில் பகலில் நோன்பு நோற்று இரவில் நின்று வணங்குவோருக்கு அல்லாஹ் மன்னிப்பை வழங்குவதாக வாக்களித்தான். அதன் பலனை சிம்பாலிக்காக வெளிப்படுத்தும் விதமாக சுவனத்தைத் திறந்து வைத்து நரகத்தை மூடினான்.

Read more...
 
மாதத்துடனான உறவு மார்க்கத்துடன் இருந்தால்... Print E-mail
Sunday, 14 July 2013 13:43

மாதத்துடனான உறவு மார்க்கத்துடன் இருந்தால்...

    உஸ்தாத் ரஷீத் ஹஜ்ஜுல் அக்பர்     

ரமழான் அருள்களின் பொக்கிஷமாய் வருகிற மாதம். பாவமன்னிப்பு, சுவனம், நரக விடுதலை முதலானவற்றை அது நமக்காக சுமந்து வருகிறது.

அன்பு, மனிதநேயம், உபசரிப்பு, ஒத்துழைப்பு என்பவற்றை அது எம்மிடையே வளர்க்கிறது. சுய கட்டுப்பாட்டையும் உன்னதமான நற்குணங்களையும் அது நம் மத்தியில் உருவாக்கி விடுகிறது.

நற்செயல்கள் புரிய அது நம்மைத் தூண்டுகிறது. நல்லவற்றை ஏவி அதன்பால் மக்களை அழைக்கும் பண்பையும் தீமைகளை எச்சரித்து அதன்பால் செல்லாது மக்களைப் பாதுகாக்கும் கரிசனையையும் அது நமக்குள் உருவாக்குகிறது.

அமானிதங்களை ஒப்படைத்து இரத்த உறவுகளைப் பேணி சுமுகமாகவும் இணக்கத்தோடும் வாழும் பக்குவத்தை அது நமக்குள் ஏற்படுத்துகிறது.

ரமழான் இதுபோன்ற எண்ணற்ற சிறப்புகளுடன் வருகிற மாதம் என்பதால் அதனை ஆவலோடும் ஆசையோடும் முஸ்லிம்கள் வரவேற்கிறார்கள், சிறப்பிக்கிறார்கள்.

முஸ்லிம்கள் இந்த மாதத்தோடு கொண்டிருக்கும் நெருக்கமான உறவைத் தமது மார்க்கத்தோடும் ஏற்படுத்திக் கொண்டால் எப்படியிருக்கும்? அதனால் விளையும் நன்மைகள் எத்துணை தாக்கமுள்ளதாக இருக்கும்? அவ்வாறு செய்தால் பன்னிரண்டு மாதங்களும் ரமழான் போன்றிருக்குமல்லவா?

மாதத்தோடு உள்ள உறவு மார்க்கத்தோடும் வந்து விட்டால் முஸ்லிம்களின் வாழ்வில் எப்போதும் ரமழான்தான். எனினும், இன்றோ ரமழான் சிறிது களைகட்டி பிரகாசித்துவிட்டு மறைந்து செல்கிறது. ஏனைய காலங்கள் அமாவாசையாகி விடுகின்றன. ஏன் இந்த நிலை என்று சிந்தித்தபோது ரமழானை எதிர்கொள்ளும் அன்பு நெஞ்சங்களோடு ஆலோசனையையும் வழிகாட்டலையும் பகிர்ந்து கொள்ளலாம் எனத் தோன்றியது. அதன் விளைவே இந்தப் பத்தியாகும்.

Read more...
 
நோன்பு நோற்றவர் ரய்யான் எனும் சுவன வாசல் நோக்கி... Print E-mail
Tuesday, 22 July 2014 04:25

நோன்பு நோற்றவர் ரய்யான் எனும் சுவன வாசல் நோக்கி...
 
நோன்பு நோற்றவர் ரய்யான் என்ற பிரத்தியேக வாயிலால் சுவனம் செல்வர்

கண்ணியமிக்க பேரருள்களைச் சுமந்து மீண்டும் ஒருமுறை எங்களை நோக்கி வந்திருக்கிறது, அல்ஹம்துலில்லாஹ். அந்த அருள்நிறைந்த மாதத்தை எவ்வாறெல்லாம் கண்ணியப்படுத்த வேண்டும் எத்தகைய செயல்களால் அந்த மாதத்தின் பரிசுத்தத் தன்மைக்கு களங்கம் கற்பிக்கக் கூடாது என்பதை இம்மாதத்தில் நீங்கள் கேட்கப் போகும் ஒவ்வொரு மார்க்க விளக்கமும் உங்களுக்கு விளக்கத்தான் போகின்றது.
 
அந்த விளக்கங்களுக்கு மத்தியில் ரமழான் எங்களை எங்கே அழைத்துச் செல்ல விரும்புகிறது அதன் அழைப்பை கௌரவித்து நாம் பதில் சொல்வோமா அல்லது அதன் அழைப்புக்கு பதில் சொல்லாமலே அதனை வழியனுப்பி விடுவோமா என்பது பற்றிய ஒரு சிந்தனையை இந்த இதழின் தஃவா களத்தினூடாக பகிர்ந்து கொள்கிறேன், இன்ஷா அல்லாஹ்.
 
குர்ஆன் ஓர் அழைப்பை விடுக்கிறது. கூர்ந்து நோக்கினால் அதுதான் குர்ஆன் இறங்கிய மாதத்தின் அழைப்பாகவும் இருப்பதை நீங்கள் பார்க்கலாம்.

Read more...
 
வறியோர்க்கு உதவிக்கரம் நீட்டுங்கள் - ரமழான் புகட்டும் பாடமிது Print E-mail
Thursday, 18 August 2011 12:42

AN EXCELLENT ARTICLE

வறியோர்க்கு உதவிக்கரம் நீட்டுங்கள் - ரமழான் புகட்டும் பாடமிது

புனித ரமழான் முஃமின்களுக்கு புகட்டி நிற்கும் பாடங்கள், படிப்பினைகள் அது வழங்கும் பயிற்சிகள் மிக மகத்தானவை.

உண்மையில் முஃமின்கள் புனித நோன்பினால் அடையும் நன்மைகள் ஏராளம். நோன்பானது உடல் உள, ஆன்மிக ரீதியாகவும் முஃமின்களுக்கு பயன் அளிப்பதனை, பல் நன்மைகளை வழங்குவதனை காண்கின்றோம்.

புனித நோன்பு பசியின் கொடுமையை, வறுமையின் வன்மையை ஒவ்வொருவருக்கும் மானசீகமாக, செயல்முறையில் உணர்த்தி நிற்கும் பாங்கு எவ்வளவு அற்புதமானது? பசியின் ருசியை அறியாது தாகத்தின் கசப்பை உணராது சுக போகத்தில் வாழ்ந்த ஒருவன் எல்லா மனிதர்களும் தன்னைப் போன்றே வாழ்கின்றார்கள் என்று நினைக்கலாம். ஆனால், நோன்பு இத்தகைய மனிதனுக்கும் பல உண்மைகளை நிதர்சனமாக உணர்த்தவல்லதாக அமைகின்றது.

உண்மையான சமவுடைமைக்கும் பூரண சமத்துவத்திற்குமான தெளிவான வெளிப்பாடாக நோன்பு இருக்கின்றது என்றால் அது மிகைப்படக் கூறியதாக அமையாது. அல்லாஹ் நோன்பை அறிமுகப்படுத்தி அனைவருக்குமான வரியாக விதித்துள்ளான். இந்த வரியை மாட மாளிகையில் வாழும் குபேரனும் செலுத்த வேண்டும். குடிசையில் வாழும் பாமர ஏழையும் கொடுக்க வேண்டும்.

காய்ந்த குடல்களை, காலியான வயிறுகளை, பசியின் அகோரத்தை தணித்துக் கொள்ளத் துடிக்கும் ஜீவன்களை அனைவரும் நினைத்துப் பார்ப்பதற்கு ஒரு சந்தர்ப்பமாக அமைகின்றது. நோன்பு உள்ளம் உருகி, மனம் கசிந்து, ஏழைகளின் கண்ணீர் துடைக்க வேண்டும் என்ற உணர்வு எல்லோர் உள்ளங்களிலும் பிரவாகம் எடுக்க புனித நோன்பு வழி அமைக்கின்றது.

Read more...
 
சுவர்க்கத்தில் ஒரு வீடு Print E-mail
Thursday, 13 December 2018 07:22

சுவர்க்கத்தில் ஒரு வீடு

அனைத்து தரப்பு மக்களின் அன்றாட அத்தியாவசியமான தேவைகளை தாண்டி ஓர் சாதாரண எதார்த்தமான, எதிர்பார்ப்பு இவ்வுலகில் நாம் வாழும்பொழுது நமக்கென்று சொந்தமாக ஓர் வீடு இருந்தால் நன்றாக இருக்குமே என்பது தான்.

அதனை அடைவதற்காக தன்னுடைய வாழ்வில் அதற்குரிய செல்வதை திரட்ட பல போராட்டங்களையும், சோதனைகளையும் இக்கட்டான சூழ்நிலைகளையும் சந்திக்கிறான்.

இது சாதாரண ஒரு சில வருடங்கள் வாழும் ஓர் இடத்திற்காக இதனை கஷ்டம், துன்பம், துயரம் அனைத்தும். ஆனால், நமக்கென்று மறுமையில் இந்த உலகில் பல ஏக்கர்கள் நமக்கென்று சொந்தமாக இருப்பதை விட ஒரு ஜான் இடம் அந்த உயர்ந்த சுவர்க்கத்தில் கிடைத்தால் அதுவே மகாப்பெரியது என்ற உண்மையை யாராலும் மறுக்கவும் முடியாது. அந்த ஆசை உண்மையான ஒவொரு முஸ்லிம்களின் உள்ளத்திலும் ஓர் ஓரத்திலாவது கண்டிப்பாக இருக்கும்.

இன்னும் அந்த சொர்கத்தை அல்லாஹ் அருமறையின் பல இடங்களில் வர்ணிக்கிறான். அதனை பற்றி நமக்கு சொல்லி அதனை அடையும் ஆர்வத்தை நமக்கு ஏற்படுத்தி அதன் மூலமாகவாவது நாம் அல்லாஹ்வின் பக்கம் அவனது தூதர் நம் உயிரினும் மேலான கண்மணி நாயகம் ஸல்லல்லாஹு அலைஹிவ ஸல்லம் அவர்களின் பக்கம் வந்துவிடுவோமா என்று நம் மீது பேராவல் கொள்கின்றான்.

Read more...
 
தூய்மையான உள்ளம் Print E-mail
Thursday, 06 December 2018 07:15

தூய்மையான உள்ளம்

மனிதனுடைய உள்ளத்தில், இருக்கும் உறுப்புகளில் மிக முக்கியமானது உள்ளம் தான். ஏனெனில், அதற்கு ஏதேனும் பிரச்னை என்றால் உடலில் உள்ள எல்லா பாகங்களும் அதனை உணரும், அந்த கஷ்டத்தை அனுபவிக்கும். அது நல்ல முறையில் இருந்தால் மற்ற எல்லா பாகங்களும் நல்ல முறையில் இருக்கும்.

அந்த உள்ளம் எந்த கசடும் இல்லாமல் தூய்மையானதாக இருந்தால் தான் நம்முடைய அனைத்து உறுப்புகளும் நிம்மதியாக இருக்கும். உள்ளம் அதனுடைய தூய்மை தன்மையை இழக்கும்போது உடலும் நிம்மதியை இழக்கிறது.

அதனை தான் அல்லாஹு தஆலா தன அருள் மறையில் :

قال الله تعالى:( يوم لا ينفع مال ولا بنون* إلا من أتى الله بقلب سليم)

அந்நாளில், பொருளும் மக்களும் யாதொரு பயனுமளிக்காது. ஆயினும், பரிசுத்த உள்ளத்துடன் (தன் இறைவனாகிய) அல்லாஹ்விடம் வருபவர்தான் (பயனடைவார்).

இப்படிப்பட்ட சிறந்த பரிசுத்தமான உள்ளம் உடையவர்கள் தான் இந்த உலகின் சிறந்த மனிதர்கள். 

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 7 of 100

99 Names Of Allaah

-         310 300nd

Links

Links 2

Best Article