வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

சூனியக்காரன்-துறவி-சிறுவன் & நெருப்புக்குண்டம் Print E-mail
Thursday, 03 December 2020 07:41

சூனியக்காரன்-துறவி-சிறுவன் & நெருப்புக்குண்டம்

      M. அன்வர்தீன்      

முஹம்மது நபி ஸல்லல்லாஹு அலைஹி வஸல்லம்அவர்கள் கூறினார்கள்; ''உங்களுக்கு முன்னால் வந்தவர்களில் ஒரு அரசனும் அவனுடைய மந்திரவாதியும் இருந்தனர். அந்த மந்திரவாதி வயது முதிர்ந்த போது அரசனிடம், ''நான் வயதானவனாகி விட்டேன்; என்னுடைய காலம் முடியபோகிறது; ஆகையால் ஒரு சிறுவனை அனுப்பினால் அவனுக்கு மந்திரத்தை கற்றுக் கொடுப்பேன்'' என்று கூறினான். அவ்வாறே அரசனும் மந்திரவாதியிடம் ஒரு சிறுவனை அனுப்பினான்; மந்திரவாதியும் சூனியத்தை கற்றுக் கொடுக்க ஆரம்பித்தான்.

எப்பொழுதெல்லாம் அந்த சிறுவன் மந்திரவாதியிடம் செல்கிறானோ அப்போதெல்லாம் வழியில் உள்ள ஒரு துறவியை சந்தித்து அவர் சொல்வதை கேட்டு அதில் கவரப்பட்டான். இவ்வாறு துறவியை தினமும் சந்தித்துவிட்டு பிறகு தாமதமாக மந்திரவாதியிடம் செல்வதால் அவர் அந்த சிறுவனை அடிக்கலானார்.

இதைப்பற்றி அந்த சிறுவன் துறவியிடம் கூறிய போது ''நீ அந்த மந்திரவாதியைப் பற்றி பயப்படும்போதெல்லாம் 'என் வீட்டார்கள் மூலம் எனக்கு அதிக வேலை தந்ததனால் தாமதமாகிவிட்டது என்றும், உன்னுடைய வீட்டாரிடம் நீ பயப்படும்போதெல்லாம் ''மந்திரவாதியால் தாமதமாகி விட்டது' என்றும் சொல்லிவிடு'' என்று கூறினார். இவ்வாறே அந்த சிறுவனும் சில நாட்கள் செய்து கொண்டு இருந்தான்.

ஒரு நாள் பெரிய விலங்கு ஒன்று பாதையில் அமர்ந்து கொண்டிருந்தது. மக்கள் அதை கடந்த செல்ல இயலாதிருந்தனர். அப்போது அந்த சிறுவன் இன்று அந்த மந்திரவாதி சிறந்தவரா அல்லது துறவி சிறந்தவரா என்று தெரிந்து கொள்ள வேண்டும் என்று நினைத்து, ஒரு கல்லை எடுத்து கூறினான், ''இறைவனே மந்திரவாயின் செயல்களை விட துறவியின் செயல் உனக்கு விருப்பமானதாக இருந்தால் இந்த விலங்கை கொன்று விடு! இதன் மூலம் மக்கள் இந்த பாதையில் நடக்க ஏதுவாக இருக்கும்'' (என்று கூறி) பிறகு கல்லால் எறிந்து அதை கொன்று விட்டான்.

Read more...
 
இரவில் சீக்கிரம் தூங்கி காலையில் (ஸுபுஹுக்கு) சீக்கிரம் விழிப்போம்! Print E-mail
Saturday, 11 July 2020 07:18

இரவில் சீக்கிரம் தூங்கி காலையில் (ஸுபுஹுக்கு) சீக்கிரம் விழிப்போம்!

ஒருவர் அலீ ரளியல்லாஹு அன்ஹு அவர்களிடம் கேட்டார்....

"நாய் ஒரே நேரத்தில் 6, 7 குட்டிகளை ஈன்றெடுக்கின்றது ஆனால் ஆடுகளோ ஒரு நேரத்தில் 2 அல்லது 3 குட்டிகளையே ஈன்றெடுக்கின்றது.
ஆயினும் எல்லா இடங்களிலும் ஆடுகளின் எண்ணிக்கை நாய்களின் எண்ணிக்கையை விட அதிகமாக இருக்கிறதே..?

நாம் ஆடுகளை நாள்தோறும் பலியிடுகிறோம், அறுக்கின்றோம். அப்படி இருந்தும் அவை எப்போதும் நாய்களை விட அதிகமாகவே இருக்கின்றன. ஏன்..?"
அலீ ரளியல்லாஹு அன்ஹு அவர்கள் பதில் கூறினார்கள்;

"இதுதான் பரக்கத் (அருள்) ஆகும்."

அதற்கு அவர் "பரக்கத் ஆடுகளிடம் மட்டும் ஏன் இருக்கிறது? நாய்களிடம் ஏன் இருப்பதில்லை..?" எனக் கேட்டார்.

Read more...
 
தொட்டிலில் பேசிய மூன்று குழந்தைகள் Print E-mail
Thursday, 10 March 2011 07:59

இறைத்தூதர் ஸல்லல்லாஹு அலைஹி வஸல்லம் அவர்கள் கூறுகிறார்கள்: ''மூன்று பேர்கள் மட்டுமே தொட்டிலில் இருக்கும்போது பேசியுள்ளார்கள்''.

1. ஈஸா இப்னு மரியம் அலைஹிஸ்ஸலாம்.

2. பனூ இஸ்ராயீல் வம்சத்தில் ஜுரைஜ் என்று ஒரு இறையடியார் இருந்தார். அவர் தனக்கென வணங்குமிடத்தை கட்டி அதில் எப்பொழுதும் இறைவனைத் தொழுது கொண்டிருந்தார். ஒரு நாள் அவரது தாய் அவரை அழைத்தார். தாய்க்கு பதில் கூறாமல் அவர் இறைவனைத் தொழுது கொண்டிருந்தார். இரண்டாவது முறையாக (அவரது தாய்) அவரை அழைத்தார். அப்பொழுதும் ஜுரைஜ் தாயின் அழைப்புக்கு பதில் அளிக்காமல் இறைவனை வணங்கிக் கொண்டிருந்தார்.

இதைக்கண்டு கோபமுற்ற (அவரது) தாய்: ‘யா அல்லாஹ்! இந்த ஜுரைஜ், விபச்சாரியின் முகத்தைப் பார்க்காமல் மரணிக்கச் செய்துவிடாதே!’ என சபித்துவிட்டார். தாயின் சபதம் நிறைவேற – ஒரு விபச்சாரி ஜுரைஜிடம் வந்து தன் ஆசைக்கு இணங்கும்படி அழைக்கும்போது ஜுரைஜ் (விபச்சாரத்திற்கு) மறுத்துவிட்டார். அந்த விபச்சாரியோ ஒரு ஆடு மேய்ப்பவனிடம் உறவு கொண்டுவிட்டு ஒரு மகனையும் ஈன்றெடுத்தாள்.

Read more...
 
உமர் (ரளி) அவர்களுக்கு எதிராக தீர்ப்பளித்த நீதிபதி! Print E-mail
Sunday, 24 October 2010 15:05

நீதிபதிகளுக்கு முன்னுதாரணம்; ஹளரத் ஷுரைஹ் ரஹ்மதுல்லாஹி அலைஹி

( கட்டுரையின் இறுதி பாராவை தவறாமல் படிக்கவும் )

நபிகள் நாயகம் ஸல்லல்லாஹு அலைஹி வஸல்லம் அவர்களின் காலத்திலேயே பிறந்திருந்தாலும் ஏமன் நாட்டில் வாழ்ந்து வந்த இவரின் குடும்பத்தார்கள் மிகவும் தாமதமாக இஸ்லாத்தை ஏற்ற காரணத்தால் இவர் நபிகள் நாயகம் ஸல்லல்லாஹு அலைஹி வஸல்லம் அவர்களின் சந்திப்பை பெறவில்லை. எனவே இவர் ஸஹாபியாக முடியவில்லை. ஆயினும் இஸ்லாத்தை ஆழமாக நேசித்த இவரின் உள்ளத்தில் மார்க்க ஞானம் பொங்கி வழிந்ததால் மிகச்சிறந்த நீதிபதியாக, நீதிபதிகளுக்கே முன்னுதாரணமாக விளங்கினார்.

இஸ்லாமிய உலகின் தலைசிறந்த ஜனாதிபதியான அமீருல் முஃமினீன் உமர் ரளியல்லாஹு அன்ஹு அவர்களுக்கே துணிச்சலுடன் நிதி வழங்கிய நீதிமான் ஆவார் இவர். கலீஃபா உமர் ரளியல்லாஹு அன்ஹு அவர்கள் ஒருவரிடம் குதிரை ஒன்று விலைபேசி வாங்கினார்கள்.

மகிழ்ச்சியுடன் குதிரையில் பயணம் செய்த அவர்கள், சில நிமிடங்களிலேயே அதிர்ச்சி அடைந்தார்கள். காரணம் அந்தக் குதிரை ஓடத்துவங்கிய சற்று நேரத்தில் ஒரு பள்ளத்தில் விழுந்து காலை முறித்துக் கொண்டது. குதிரையை பணம் கொடுத்து வாங்கிய உமர் ரளியல்லாஹு அன்ஹு அவர்கள், இந்தக் குதிரை சரிப்பட்டு வராது என்று நேராக வாங்கிய நபரிடமே வந்து அந்த குதிரையை ‘வேண்டாம்’ என்று கூறி பணத்தை திரும்பக் கேட்டார்கள்.

ஆனால், அந்த நபரோ, குதிரையத் திரும்பப் பெறவோ, பணத்தைத் திருப்பித் தரவோ முடியாது என்று மறுத்துவிட்டார். (நினைவில் கொள்ளுங்கள்: குதிரையை வாங்கியது ஒரு மாபெரும் கலீஃபா, விற்றவரோ சாதாரண குடிமகன்)

Read more...
 
யூதர்களுக்கு நபி (ஸல்) அவர்கள் வழங்கிய தீர்ப்பு Print E-mail
Sunday, 08 April 2012 19:15

யூதர்களுக்கு நபிகளார்  ஸல்லல்லாஹு அலைஹி வஸல்லம்  அவர்கள் வழங்கிய தீர்ப்பு

யூதர்களையும் கிறித்தவர்களையும் இஸ்லாமிய ஆட்சி வந்ததற்கு பிறகு முஸ்லிம்களால் கொடுமைபடுத்தப்பட்டனர் என்ற குற்றச்சாட்டு பரவலாக வைக்கப்படுகிறது. இதை நாம் கீழே வரும் நபிமொழியைக் கொண்டு சரி பார்ப்போம்.

இப்னு உமர் ரளியல்லாஹு அன்ஹு அறிவித்தார்கள்.

ஒரு யூத ஆணும் ஒரு யூதப் பெண்ணும் இறைத்தூதர் ஸல்லல்லாஹு அலைஹி வஸல்லம் அவர்களிடம் கொண்டு வரப்பட்டனர். அவர்கள் இருவரும் மானக்கேடான செயல் (விபசாரம்) புரிந்து விட்டிருந்தனர்.

அப்போது இறைத்தூதர் ஸல்லல்லாஹு அலைஹி வஸல்லம் அவர்கள், 'உங்களுடைய வேதத்தில் (இவர்களுக்கு) என்ன (தண்டனை) காணப்படுகிறது?' என்று கேட்டார்கள்.

அதற்கு அந்த (இடத்திலிருந்த) யூதர்கள், 'எங்கள் (மத) அறிஞர்கள், (விபசாரம் புரிந்தவர்களை) முகத்தில் கரி பூசி, முழங் கால்களைப் பிடித்தபடி குனிந்து நிற்கச் செய்யவேண்டும் என்ற தண்டனையை உருவாக்கியுள்ளனர்' என்றார்கள்.

Read more...
 
இத்ரீஸ் அலைஹிஸ்ஸலாம் அவர்களின் வரலாறு Print E-mail
Thursday, 30 July 2020 07:27

இத்ரீஸ் அலைஹிஸ்ஸலாம் அவர்களின் வரலாறு

       ரஹ்மத் ராஜகுமாரன்     

ஹழ்ரத் இத்ரீஸ் அலைஹிஸ்ஸலாம்

முதன் முதலாக உலகில் ...

1) ஹழ்ரத் இத்ரீஸ் அலைஹிஸ்ஸலாம் இவர்கள்தான் நட்சத்திரக் கணக்கை முதன்முதலில் உலகிற்கு கொண்டு வந்தவர்கள்.

2) அதேபோல் முதன் முதலாக உலகில் மக்களுக்கு எழுதுகோலை கொண்டு எழுதக் கற்றுக் கொடுத்தார்கள்.

3) முதன் முதலாக உலகில் ஆடைகளை தைத்து உடுக்கும் முறையை கற்பித்தார்கள்.

4) முதன் முதலாக உலகில் யுத்தத்தில் உபயோகப்படுத்துவதற்கான ஆயுதங்களை புழக்கத்தில் கொண்டு வந்தார்கள்.

5) முதன் முதலாக உலகில் அல்லாஹ்வின் பாதை போராடியவர்களுள் முதலாமானவர்கள் இவர்கள்தான்.

ஹழ்ரத் ஷீத் அலைஹிஸ்ஸலாம் அவர்களின் நான்காம் தலைமுறையில் எகிப்து நாட்டில் தோன்றிய ஹழ்ரத் இத்ரீஸ் அலைஹிஸ்ஸலாம் அவர்களின் இயற்பெயர் எக்னூஹ் என்றும் குனூஹ் என்றும் சொல்லப்படுகிறது. அரபியில் இவர்கள் பெயர் ஹெர்மிஸ் இத்ரீஸ் அல்முதுல்லுத் பின் பினாத் என்பதாகும். இதன் பொருள் மூன்று பேரருளைப் பெற்றவர் என்பதாகும்.

தங்களது மூதாதையரின் போதனைகளையும், வழிமுறைகளையும், ஆன்மீக மேம்பாடுகளையும் மக்களுக்கு போதித்து வந்ததால் இத்ரீஸ் என்ற பெயர் வந்தது. இவர்களின் மொழி சுர்யானி ஆகும். இவர்கள் ரஸூலாகவும், நபியாகவும் இருந்தார்கள். 

Read more...
 
அந்த மூன்று வினாக்கள் Print E-mail
Monday, 24 August 2020 08:32

3 Questions to Ask Before Buying Your Dream Home - Keeping Current ...

அந்த மூன்று வினாக்கள்

    நிலமெல்லாம் ரத்தம் - பா. ராகவன் 15     

கி.பி. ஏழாம் நூற்றாண்டைச் சேர்ந்த அரேபிய வர்த்தகர்களிடம் என்னென்ன இருந்தன என்று நகைச்சுவையாக ஒரு பட்டியல் போடுவார்கள். அவர்களிடம் ஏராளமான ஒட்டகங்கள் இருந்தன.   அதைக்காட்டிலும் அதிகமாக அடிமைகள் இருந்தார்கள். அடிமைகளைக் காட்டிலும் அதிகமாக வைப்பாட்டிகள் இருந்தார்கள் என்று அப்பட்டியல் முடிவு பெறும்.

இதெல்லாவற்றைக் காட்டிலும் அவர்களது சொத்தாக இருந்த முக்கியமான விஷயம், தாழ்வு மனப்பான்மை.சொத்து, சுகங்கள், அடிமைகள், வளமை இருப்பினும் கல்வியிலும் உலக ஞானத்திலும் தாம் பிற்பட்டவர்கள் என்கிற எண்ணம், அன்றைய பணக்கார அரேபியர்கள் அத்தனை பேருக்குமே உண்டு.

தமது இறை நம்பிக்கை, வழிபாட்டு உருவங்கள் பற்றிய பெருமிதம் இருந்தாலும், மதக்கல்வி ரீதியில் தம்மைக் காட்டிலும் யூதர்கள் மேலானவர்கள் என்கிற உணர்வு அவர்களிடையே இருந்திருக்கிறது. யூத மதம் மிகவும் பண்பட்டது; யூதர்கள் அனைவரும் கற்றறிந்த மேலோர் என்னும் எண்ணம் அவர்களது இயல்பாகிப் போயிருந்தது.

இத்தனைக்கும் கிறிஸ்துவம்தான் அன்றைய தேதியில் வருவோரையெல்லாம் அரவணைத்துக்கொள்ளும் மதமாக இருந்ததே தவிர, யூத மதத்தில் பிரசாரம், மதமாற்றம் போன்றவை எதுவும் அறவே இருந்ததில்லை. இதனாலேயேகூட ஒருவேளை அவர்களுக்கு யூதர்கள் மேம்பட்டவர்களாகத் தெரிந்திருக்கலாம். இந்த எண்ணம் அவர்களிடையே எத்தனை தீவிரமாக ஊடுருவியிருந்தது என்பதற்கு ஒரே ஓர் உதாரணம் சொன்னால் போதும். விளங்கிவிடும்.

இஸ்லாம் தோன்றி, மூன்றாண்டுகள் ஆகி, மொத்தமே நாற்பது முஸ்லிம்கள் உலகில் இருந்த தருணம் அது. அரபிகளின் புனிதத் திருவிழாக்காலம் ஒன்று வந்தது. அந்தச் சமயத்தில் பல்வேறு நாடுகளிலிருந்து மெக்காவுக்குப் புனித யாத்திரையாகப் பல்லாயிரக்கணக்கானோர் வரத் தொடங்குவார்கள்.

இன்றைக்கும் அதே மக்காவுக்குத்தான் முஸ்லிம்கள் புனித யாத்திரை மேற்கொள்கிறார்கள். அதே க"அபாவைத்தான் பயபக்தியுடன் சுற்றி வருகிறார்கள். ஆனால் இன்றைய க"அபாவுக்கும் அன்றைய க"அபாவுக்கும் வித்தியாசங்கள் பல.

பிரதானமான வித்தியாசம், அன்றைக்கு அங்கே இருந்த ஏராளமான உருவச் சிலைகள், சிறு தெய்வங்கள்.அப்படிப் புனித யாத்திரையாக வரும் பக்தர்களை உபசரித்து, தங்க வைத்து, விருந்துகள் நடத்தி, புண்ணியம் தேடிக்கொள்வதில் மக்கா நகரத்துப் பணக்காரக் குறைஷிகளுக்கு எப்போதுமே ஆர்வம் உண்டு. புண்ணியம் மட்டுமே இதற்குக் காரணம் அல்ல. சில வர்த்தகக் காரணங்களும் உண்டு.

Read more...
 
மாற்றான் மனைவியின்மீது மையல் கொண்ட நபி தாவூது அலைஹிஸ்ஸலாம் Print E-mail
Friday, 14 August 2020 07:20

மாற்றான் மனைவியின்மீது மையல் கொண்ட நபி தாவூது அலைஹிஸ்ஸலாம்

நபி தாவூத் அலைஹிஸ்ஸலாம் அவர்களுக்கு தேனிசை குரலால் சபூர் வேதத்தை ஓதும் தனித்துவத்தை இறைவன் வழங்கி இருந்தான். இது தலைமையத்துவத்திற்கு சிறப்பாக இருந்தது.

وَلَقَدْ اٰتَيْنَا دَاوٗدَ مِنَّا فَضْلًا يٰجِبَالُ اَوِّبِىْ مَعَهٗ وَالطَّيْرَ وَاَلَــنَّا لَـهُ الْحَدِيْدَ ۙ‏

இன்னும், நிச்சயமாக நாம் தாவூதுக்கு நம் (மேன்மையான) அருளை வழங்கினோம்; “மலைகளே! (அவர் தஸ்பீஹு செய்யும் போது) அவருடன் (அத்துதியை) நீங்களும் எதிரொலியுங்கள்; பறவைகளே! (நீங்களும் அவ்வாறே செய்யுங்கள் என்றோம்;) மேலும் நாம் அவருக்கு இரும்பை மிருதுவாக்கித் தந்தோம். (அல்குர்ஆன் : 34:10)

ஒரு நாள் தாவூத் அலைஹிஸ்ஸலாம் அவர்கள் தங்களின் வணக்க மாளிகையின் முன் பக்க கதவுகளை உட்புறமாக தாழிட்டு விட்டு மாளிகையில் அமர்ந்து மனமொன்றி இறைவனை வணங்கிக் கொண்டிருந்தார்கள் அப்பொழுது இருவர் சுவர் ஏறி தொப்பென்று கீழே குதித்து உள்ளே நுழைந்தனர் அவர்களை கண்டதும் தாவூத் அலைஹிஸ்ஸலாம் அவர்கள் திடுக்கிட்டார்கள்.

"ْதாவூதிடம் நுழைந்த போது அவர்; அவர்களைக் கண்டு திடுக்குற்றார்; அப்போது அவர்கள் கூறினார்கள்; “பயப்படாதீர்! நாங்களிருவரும் வழக்காளிகள்; எங்களில் ஒருவர் மற்றவர் மீது அநீதம் செய்திருக்கிறார்; எங்களிருவருக்கிடையில் நீதத்தைக் கொண்டு தீர்ப்பளிப்பீராக! (அதில்) தவறிழைத்து விடாதீர்! எங்களைச் செவ்வையான பாதைக்கு நேர்வழி காட்டுவீராக!”

(அவர்களில் ஒருவர் கூறினார்:) “நிச்சயமாக இவர் என்னுடைய சகோதரர்; இவரிடம் தொண்ணூற்றொன்பது ஆடுகள் இருக்கின்றன; ஆனால் என்னிடம் ஒரே ஓர் ஆடுதான் இருக்கிறது; அவர் அதனையும் தனக்குக் கொடுத்துவிட வேண்டுமெனச் சொல்லி, வாதத்தில் என்னை மிகைத்து விட்டார்.”

Read more...
 
இஸ்லாமிய ஹிஜாப் அணிந்து ஆங்கிலேயர்களை எதிர்த்து நின்ற ஓர் வீரப் பெண்மணி Print E-mail
Tuesday, 25 February 2020 21:02

Image result for இந்திய சுதந்திர போராட்டத்தில் முஸ்லிம் பெண்களின் பங்கு

இஸ்லாமிய ஹிஜாப் அணிந்து ஆங்கிலேயர்களை எதிர்த்து நின்ற ஓர் வீரப் பெண்மணி 

அப்பெண்மணி வேறு யாரும் இல்லை, இந்திய சுதந்திர வேங்கை வீர சகோதரான முஹம்மது அலி மற்றும் சௌகத் அலி, இவ்விரு வீரர்களை பெற்ற அன்னை தான் ஆபாதி பானு சாஹிபா என்ற “பீ அம்மா” அல்லது பீ அம்மன்” என்று அழைக்கப்படுகிறார்கள்.

பிறப்பு:

இந்தியாவில் உத்திரபிரதேசம் மாநிலம் ராம்பூர் என்ற ஊரில் 1857-ம் ஆண்டு செல்வாக்கு மிக்க குடும்பத்தில் தர்வேஷ் கான் என்பவருக்கு செல்வ புதல்வியாக பிறந்தார்கள். அன்றைய முஸ்லிம் பெண்களை போன்றே இவர்களால் எவ்வித கல்வி படிப்பையும் படிக்க முடியவில்லை.

திருமணமும் விதவை வாழ்வும்:

முஸ்லிம்களின் இஸ்லாமிய நெறிமுறை படி வாழ்ந்த பீ அம்மா, மற்ற பெண்மணிகளை போல் இவர்களும் அப்துல் அலி என்பவரை மணமுடித்து இல்லற வாழ்வை துவங்கினார்கள்.

இவர்களின் கணவர் ராம்பூர் பகுதியின் ஆங்கில அரசின் உயர் அதிகாரியாக இருந்தார்கள். அப்துல் அலி காலரா நோயினால் 1907-ம் ஆண்டு மரணம் அடைந்தார், அவர் இறக்கும் நேரத்தில் முப்பது ஆயிரம் கடன் வைத்திருந்தார். அப்போது அவருக்கு வயது முப்பது, அன்னை பீ அம்மாவிற்கு இருபத்தியேழு வயது.

பீ அம்மா தனது 27-ம் வயதிலேயே தன் கணவரின் இறப்பால் விதவை ஆகினார்கள். சிறு வயதிலேயே இவர்களுக்கு ஒரு மகள் மற்றும் மூன்று மகன்கள் இருந்தன. கணவன் இழந்த விதவை வாழ்வு ஒரு பக்கம், சின்ன சிறு ஆறு பிள்ளைகள் மறுப்பக்கம்.

பீ அம்மா மனம் தளராமல் தன் கணவனின் கடனை அடைத்ததோடு குடும்ப வாழ்விலும் வெற்றி பெற்று, இந்திய வரலாற்றில் அழியாத தன் பெயரை பதித்து விட்டே சென்றார்கள். இவர்களின் வாழ்க்கை இன்று ஒவ்வொரு இஸ்லாமிய பெண்கள் அறிய வேண்டியது அவசியம்.

இஸ்லாமிய கலாச்சாரத்தை விட்டு கொடுக்காமல் ஹிஜாப் என்ற இஸ்லாமிய பர்தாவை அணிந்தே ஆங்கிலேயர்களுக்கு எதிராக குரல் தந்தார்கள். அன்னை அவர்களுக்கு எவ்வித கல்வியறிவு இல்லை என்றாலும் தன் பிள்ளைகளை ஆங்கிலத்திலும், உருதுவிலும் புலமை பெற்றவர்களாக ஆக்கினார்கள்.

Read more...
 
நபி ஸாலிஹ் அலைஹிஸ்ஸலாம் அவர்களின் அதிசய ஒட்டகம் பற்றி திருக்குர்ஆன்! Print E-mail
Friday, 26 January 2018 07:58

நபி ஸாலிஹ் அலைஹிஸ்ஸலாம் அவர்களின் அதிசய ஒட்டகமும்   "மதாயின் ஸாலிஹ்" நகரம் பற்றி திருக்குர்ஆன் கூறும் வரலாறு

மதினாவிற்கும் தபூக்கிற்கும் இடையில் ஹிஜ்ர் என்ற ஊரில் 'மதாயின் ஸாலிஹ்' என்ற இடம் ஜோர்டானின் பெட்ராவை போல மிக அழகான வேலைப்பாடுகள் நிறைந்த மண்டபங்களையும் மலைகளைக் குடைந்த வீடுகளையும், சிற்ப கலைகள் நிறைந்த அமைப்புகளையும் காண முடிந்தாலும் அதனை சுற்றுலாத்தளம் போல் யாரும் சென்று பார்க்கச் செல்வதில்லை...

மதினாவிற்கும் தபூக்கிற்கும் இடையில் ஹிஜ்ர் என்ற ஊரில் 'மதாயின் ஸாலிஹ்' என்ற இடம் ஜோர்டானின் பெட்ராவை போல மிக அழகான வேலைப்பாடுகள் நிறைந்த மண்டபங்களையும் மலைகளைக் குடைந்த வீடுகளையும், சிற்ப கலைகள் நிறைந்த அமைப்புகளையும் காண முடிந்தாலும் அதனை சுற்றுலாத்தளம் போல் யாரும் சென்று பார்க்கச் செல்வதில்லை. காரணம் அது இறைவனின் வேதனை இறங்கிய இடம் என்று திருக்குர்ஆனில் கூறப்பட்டுள்ளது...

'மதாயின் ஸாலிஹ்' என்றாலே நபி ஸாலிஹ் அலைஹிஸ்ஸலாம் அவர்கள் வசித்த ஊர் என்ற பொருள் தருகிறது. தமூது கூட்டத்தினருக்காக அனுப்பப்பட்டவர் நபி ஸாலிஹ் அலைஹிஸ்ஸலாம் அவர்கள்.

பள்ளத்தாக்குகளில் பாறைகளைக் குடைந்து வசித்து வந்த தமூது கூட்டத்தினர் ஆது சமூகத்தைப் போன்று சிலைகளை வணங்கிக் கொண்டு, ஆடம்பர வாழ்க்கையால் ஆணவத்துடனும், மிகுந்த செருக்குடனும் தங்கள் பெருமைகளைப் பறைச்சாற்றும் விதமாக மாளிகை கட்டி வாழ்ந்து வந்தார்கள்.

Read more...
 
முஸ்தஃபா கமால்: துருக்கியின் தந்தையா, துரோகியா? Print E-mail
Thursday, 25 June 2020 07:16

முஸ்தஃபா கமால்: துருக்கியின் தந்தையா, துரோகியா?

     M S Abdul Hameed      

யார் இந்த முஸ்தஃபா கமால்?

“அதாதுர்க்” (துருக்கியின் தந்தை) என்றழைக்கப்படும் முஸ்தஃபா கமால் உண்மையிலேயே துருக்கியின் தந்தையா அல்லது துருக்கியின் துரோகியா? 

ஏகாதிபத்தியவாதிகள், ஸியோனிஸவாதிகள் ஆகியோரின் உதவியுடன் உதுமானியப் பேரரசை வீழ்த்தி, துருக்கியின் ஆட்சியைப் பிடித்தவர்தான் முஸ்தஃபா கமால்.

கிரேக்க நாட்டில் பிறந்த இவர் கிரிப்டோ யூத இனத்தைச் சார்ந்தவர். தங்கள் நாட்டின் வரலாறையும் துருக்கி நாட்டின் வரலாறையும் நன்கறிந்த கிரேக்கர்கள் முஸ்தஃபா கமால் இனரீதியாக ஒரு யூதர்தான் என்பதைத் தயங்கமால் கூறுவார்கள்.

கிரேக்க நாட்டில் சலோனிகா (தெஸ்ஸலோனிக் என்றும் அழைக்கப்படும்) என்ற நகரில் ஒரு டோயன்மே (Doenmeh) யூதக் குடும்பத்தில் பிறந்தார் முஸ்தஃபா கமால். இரண்டாம் உலகப் போர் முடியும் வரை இந்நகரம் அதிகமான யூத மக்களைக் கொண்டிருந்தது.

ஸிமோன் ஸ்வி (Simon Zvi) என்ற டோயன்மே மதத் தலைவர் நடத்திய பழமைவாத மரபுவழி யூதக் கல்விக்கூடத்தில் முஸ்தஃபா கமால் படித்தார்.

Read more...
 
மங்கோலியர்களிடமிருந்து இந்தியாவைக் காத்த அலாவுத்தீன் கில்ஜி Print E-mail
Tuesday, 07 July 2020 07:19

மங்கோலியர்களிடமிருந்து இந்தியாவைக் காத்த அலாவுத்தீன் கில்ஜி

    M.S.Abdul Hameed     

‘பத்மாவத்’ என்ற படம் 2018ம் ஆண்டு வெளிவந்தது. இந்தப் படத்தில் அலாவுத்தீன் கில்ஜியை மிகப் பயங்கரமான வில்லனாகக் காட்டியிருப்பார்கள். அவரது முகத் தோற்றமும் நடை, உடை, பாவனைகள் அனைத்தும் மிருகத்தனமாக இருக்கும்.

இப்படித்தான் முஸ்லிம் மன்னர்களை ‘மாஸ் மீடியா’ எனப்படும் சினிமா முதல் அனைத்து ஊடகங்களிலும் காட்டி, சாதாரண பொதுமக்களின் புத்தியில் அவர்களைப் பயங்கர வில்லன்களாகப் பதிய வைக்கிறார்கள்.

அலாவுத்தீன் கில்ஜி மதவெறியர், ஹிந்து மக்களை ஒடுக்கியவர், ஹிந்துக்கள் மீது ஜிஸ்யா வரி விதித்தவர் - இப்படி பல குற்றச்சாட்டுகள் அவர் மேல் உள்ளன. அவையெல்லாம் உண்மையா, இல்லையா என்பதைப் பின்னர் பார்ப்போம்.

ஒட்டுமொத்த உலகையும் தங்கள் காலுக்குக் கீழே போட்டு மிதித்திடக் கிளம்பினார்கள் மங்கோலியர்கள். அன்றைய காலக்கட்டத்தில் உலகிலேயே அதிகப் பலமுள்ள படையைக் கொண்டிருந்த மங்கோலியர்கள் இந்தியா மீது படையெடுத்து வந்தபொழுது அலாவுத்தீன் கில்ஜியும் அவர்தம் படையினரும் மிகத் தீரமாகப் போராடி மங்கோலியர்களைத் தோற்கடித்தனர்.

இப்படி ஒருமுறை இருமுறையல்ல, ஆறு முறை மங்கோலியர்களைத் தோற்கடித்தார் அலாவுத்தீன் கில்ஜி!

Read more...
 
தூது வீரர்கள் Print E-mail
Thursday, 20 August 2020 19:03

தூது வீரர்கள்

     நூருத்தீன்       

“உங்கள் தரப்பிலிருந்து ஒருவரை அனுப்புங்கள். நாம் அவரிடம் பேச வேண்டும்!” பாரசீகத் தளபதியிடமிருந்து தகவல் வந்தது.

உமர் கத்தாப் ரளியல்லாஹு அன்ஹு அவர்கள் கலீஃபாவாக ஆட்சி புரிந்து கொண்டிருந்தபோது,

பாரசீகர்களுடன் கடுமையான போர்கள் பல நிகழ்ந்தன. அவற்றுள் வெகு முக்கியமான ஒன்று காதிஸிய்யாப் போர். பாரசீகர்களின் படைத் தளபதி ருஸ்தம் காதிஸிய்யாவுக்கு வந்திருந்தான். கூடவே முப்பத்து மூன்று யானைகள் கொண்ட பிரம்மாண்ட படை. முஸ்லிம்களின் படை பலத்துடன் ஒப்பிடும்போது அது பன்மடங்கு பெரிது.

இருப்பினும், முதலில் பேச்சுவார்த்தை நடத்திப் பார்க்கலாம் என்று தகவல் அனுப்பியிருந்தான். ஸஅத் இப்னு அபீவக்காஸ் ரளியல்லாஹு அன்ஹு அவர்களை முஸ்லிம்களின் படைக்குத் தளபதியாக நியமித்திருந்தார் உமர் ரளியல்லாஹு அன்ஹு. ருஸ்தமின் தகவல் வந்ததும் ஸஅத் தம் படையிலிருந்து ராபீஇ இப்னு ஆமிர் ரளியல்லாஹு அன்ஹு என்பவரைத் தேர்ந்தெடுத்து, “போய் பேசிவிட்டு வாருங்கள்” என்று அனுப்பி வைத்தார்.

பாரசீகர்களின் படை மட்டும் பிரம்மாண்டமானதன்று. ஆடை, அணிகலன், ஆசனங்கள் என்று அவர்களிடம் அமைந்திருந்த அனைத்துமே ஆடம்பரம், படோடபம். ருஸ்தமின் சிம்மாசனம் தங்கம். கம்பளம், மெத்தை, தலையணை போன்றவை நெய்யப்பட்ட நூலில் இழையோடியதும் தங்கம். விளக்குமாறுக்கும் பட்டுக் குஞ்சம் இருந்திருக்கலாம். வரலாற்றுக் குறிப்புகளில் அத்தகவல் இல்லை.

ருஸ்தமின் பளபளப்பான அந்த அவையில் மிக எளிய உடையில் வறுமையான ஒரு வழிப்போக்கனைப்போல் வந்து நுழைந்தார் ராபீஇ இப்னு ஆமிர். அவரிடம் ஒரு வாள். அந்த வாளாயுதத்திற்கு துணி உறை. அத்துணியுடன் சேர்த்துக் கட்டப்பட்ட ஓர் ஈட்டி. அவரது உடைமை அவ்வளவே.

Read more...
 
போஸ்னியாவை அலங்கரிக்கும் இஸ்லாம் Print E-mail
Saturday, 07 November 2020 07:21

[ போஸ்னிய மதரஸா ஒன்றில் மார்க்க கல்வி கற்று

பட்டம் பெற்ற மாணவிகள் ]

போஸ்னியாவை அலங்கரிக்கும் இஸ்லாம்

ஐரோப்பாவின் பல்கான் தீபகர்ப்ப பகுதியில் தற்போது அமைந்து ஏழு நாடுகள் முன்பு யுகஸ்லோவியா என்ற பெயரில் ஒரே நாடாக இருந்தது.

அங்கு ரஷ்ய கம்யுனிசத்தின் பிடி இறுகி இருந்தது கம்யுனசத்தின் பிடி தளர்ந்த பிறகு யுகஸ்லோவியாவில் இருந்து ஒவ்வொரு நாடாக பிரிந்து போக ஆரம்பித்தது.

அப்படி பிரிந்து போன நாடுகளில் ஒன்று தான் போஸ்னியா.

வடக்கிலும் மேற்கிலும் குரேஷியாவும் கிழக்கில் செர்பியாவும் தெற்கில் மாண்டினீக்ரோவும் போஸ்னியாவின் எல்லைகளாகும்.   அதன் தலைநகர் சரேயேவோ நகரமாகும்.

1992 ஆம் ஆண்டு யுகஸ்லோவியாவிடம் இருந்து விடுதலை பெற்ற போஸனியாவின் பரப்பளவு 51197 சதுரமைல்களாகும். 

அந்த நாட்டின் நாணயத்தின் பெயர் மார்க். அந்த நாட்டின் மொத்த குடிமக்களின் எண்ணிக்கை நான்கு மில்லியனாகும்.

இவர்களில் சுமார் இரண்டு மில்லியனுக்கும் அதிகமான மக்கள் முஸ்லிம்கள்.   எஞ்சியவர்கள் செர்பியர்களும் க்ரோட்’டுகள் என்று அழைக்கப்படும் ரோமன் கத்தோலிக்கர்கள்.

Read more...
 
ஒரு, அல்லாஹ்வின் அடிமையின் வரலாறு! Print E-mail
Wednesday, 11 November 2020 18:40

ஒரு, அல்லாஹ்வின் அடிமையின் வரலாறு!

காதிஸிய்யா சண்டைகள் உச்சத்தில் இருந்த காலம். களங்களும், தளங்களும் பரஸ்பரம் முஸ்லிம்கள் கையிலும், பாரஸீகர்கள் கையிலும் மாறி மாறி வீழ்ந்து கொண்டிருந்தன. அன்றும் அப்படித்தான்.

அமீருல் முஃமினீனிற்கு போர் செய்திகளை சொல்ல வழமையாக வரும் உளவாளி வரவில்லை. வந்தவனோ புதியவன். மதீனா நோக்கி அதிகாலை இருட்டில் தன் குதிரையில் வந்து கொண்டிருந்தான்.

மதீனாவின் எல்லையில் ஒரு உருவம் அவனை எதிர் கொண்டது. அமீருல் முஃமினீனின் இருப்பிடம் எங்கே இருக்கிறது? என்று கேட்டான் அந்த ஒற்றன்.

அந்த உருவம் அவனிடம் சொன்னது, “நான் உங்களிற்கு வழிகாட்டுகிறேன். உங்கள் குதிரையின் கடிவாளத்தை பிடித்து நான் அழைத்துச் செல்கிறேன்”.
உருவம் நடக்க ஆரம்பித்தது. சூரியனும் உதிக்க ஆரம்பித்தது.

Read more...
 
வீரமும் விவேகமும் மிக்க முஹம்மத் பின் காசிமின் துயரமான முடிவு Print E-mail
Monday, 29 June 2020 19:09

வீரமும் விவேகமும் மிக்க   முஹம்மத் பின் காசிமின் துயரமான முடிவு

முஹம்மத் பின் காசிம் புத்திசாலியான, வீரமும் விவேகமும் மிக்க, இறையச்சமுள்ள ஓர் இளவல்.

ஓர் இளைஞனாக இருந்து சிந்துப் பகுதியையும் இந்தியாவையும் மதியுக்தியுடன் வெற்றிகொண்ட முஹம்மத் பின் காசிமை வரலாற்றாய்வாளர்கள், “ருஸ்தமையும் அலெக்சாண்டரையும் விஞ்சிய வீர இளவல் இவர்” என்றும் அவரது நீதியை நிலைநாட்டும் தன்மையையும் மக்கள் மீது அவர் வைத்த நேசத்தையும் கண்டு, “நீதியின் இலக்கணமான நவ்ஷெர்வானை விஞ்சியவர் இவர்” என்றும் புகழாரம் சூட்டினார்கள்.

சிந்துப் பகுதியை வெற்றிகொண்டு வெற்றிகரமாக அடுத்த பகுதியை நோக்கி அவர் அடியெடுத்து வைக்க முனைந்தபொழுதுதான் அந்தச் செய்தி வந்தது. புதிதாகப் பதவியேற்ற ஃகலீஃபா சுலைமான் பின் அப்துல் மலிக்கிடமிருந்து வந்த செய்தி அது.

முஹம்மத் பின் காசிம் தன் படைவீரர்களைப் பெரிதும் நேசித்தார். படைவீரர்களும் அவரைப் பெரிதும் நேசித்தனர். அவர் என்ன சொன்னாலும் உடனடியாக மனமுவந்து கீழ்ப்படிந்தனர். இதுவே அவர் ஒரு தகுதியான, திறமையான படைத் தலைவர் என்பதற்குப் பெரும் சான்றாகத் திகழ்கிறது.

Read more...
 
ஹிட்லர் படைகளை உளவு பார்த்த இந்தியப் பெண், நூர் இனயத் கான் Print E-mail
Tuesday, 21 May 2019 13:19

ஹிட்லர் படைகளை உளவு பார்த்த இந்தியப் பெண், நூர் இனயத் கான்!

இந்தியாவின் ஆளுமைகளான காந்தி, நேரு, அம்பேத்கர் மூவர் மட்டுமே, இங்கிலாந்தின் உயரிய அங்கீகாரமான `நீலப் பட்டயம்' (Blue plaque) பெற்ற இந்தியர்கள்.

இந்த வரிசையில் நான்காவதாகவும், பெண் என்கிற வகையில் முதலாவதாகவும் ஓர் இந்திய வம்சாவளி ஆளுமைக்கு நீலப் பட்டயம் வழங்கிக் கௌரவப்படுத்தியுள்ளது பிரிட்டன் அரசு... அவர் இறந்து 75 ஆண்டுகளுக்குப் பின்!

1942-ம் ஆண்டு, இரண்டாம் உலகப்போரின்போது, ஜெர்மனியின் பிடியிலிருந்த பிரான்ஸில் இங்கிலாந்து நாட்டுக்காக ஜெர்மனிக்கு எதிராக உளவுபார்த்து, நாஜி படையால் சுட்டுக்கொல்லப்பட்ட பிரிட்டனின் இந்திய வம்சாவளிப் பெண் உளவாளி நூர் இனயத் கான்தான், அவர்!

1914 ஜனவரி 1 அன்று இந்திய தந்தையும் மைசூர் பேரரசர் திப்பு சுல்தானின் உறவினருமான இனயத் கானுக்கும், அமெரிக்க தாய் ஒரா ரே பேக்கருக்கும் மாஸ்கோவில் பிறந்தவர் நூர்.

முதல் உலகப் போரின்போது, அவரது குடும்பம் ரஷ்யாவிலிருந்து பிரான்ஸுக்கு இடம்பெயர்ந்தது. அங்கு இசையும் குழந்தைகள் மனவியலும் கற்று ஆசிரியராகப் பணியைத் தொடங்கினார் நூர்.

தந்தையின் மறைவுக்குப் பின், பிரான்ஸை ஜெர்மனி கைப்பற்றிய காலகட்டத்தில் நாஜிகளின் அடக்குமுறையைத் தாக்குப்பிடிக்க முடியாமல் நூர் குடும்பம் இங்கிலாந்தில் குடியேறியது.

Read more...
 
தென்றலுக்குள்ளே ஒரு புயல் - பெருமகன் காயிதே மில்லத் Print E-mail
Monday, 01 January 2018 07:59

Image may contain: text

தென்றலுக்குள்ளே ஒரு புயல் - பெருமகன் காயிதே மில்லத்

         ஆச்சாரி         

[   இப்படி ஒரு சிறந்த தலைவர் நம்மிடையே வாழ்ந்து மறைந்திருக்கிறார் என்பது வியப்புக்குறிய விஷயமே!]

தமிழர்கள் மறக்கக் கூடாத மாமனிதர்கள் பட்டியல் ஒன்று விருப்பு வெறுப்பின்றித் தயாரிக்கப்பட்டால், கட்டாயம் அப்பட்டியலில் கண்ணியத்திற்குரிய காயிதே மில்லத் அவர்களின் பெயர் இடம்பெற்றே தீரும்.

ஒரு தமிழனாக, ஒரு முஸ்லீமாக, ஒரு இந்தியனாக, ஒரு தலைவனாக, மாந்தநேயம் உள்ள மனிதனாக எப்படி வாழ வேண்டும் என்ற இலக்கணங்களைத் தனக்குத் தானே வகுத்துக் கொண்டு, அந்த இலக்கணங்களை விட்டு விலகாத இலக்கியமாகத் தானே வாழந்துகாட்டிய பெருமகன் கண்ணியத்திற்குரிய காயிதே மில்லத் அவர்கள்.

இந்திய அரசியல் அமைப்புச் சட்டத்தை உருவாக்குவதற்காக அமைக்கப்பட்ட அரசியல் நிர்ணய சபையின் உறுப்பினர்களில் ஒருவராக 1948 ஆம் ஆண்டு அவர் நியமிக்கப்பட்டார்.

Read more...
 
பிரான்சு நாட்டின் உயரிய விருதை பெற்ற ஜிஹாதி Print E-mail
Thursday, 08 February 2018 07:23

பிரான்சு நாட்டின் உயரிய விருதை பெற்ற ஜிஹாதி

19 ஆம் நூற்றாண்டின் மத்தியில் நடந்தது அந்த நிகழ்ச்சி! ஒரு நாட்டால் தேசத் துரோகியாய் கருதப்பட்டு சிறையில் அடைக்கப்பட்டு, நாடு கடத்தப்பட்ட ஒருவர், பின்னர் அதே நாட்டால் அந்த நாட்டின் மிக உயர்ந்த விருது வழங்கப்பட்டு ஹீரோவாய் புகழப்படுவது வரலாற்றில் அரிதாகக் காணக்கிடைக்கும் நிகழ்வு. இத்தனைக்கும் குற்றம் சாட்டியதும், பின்னர் அவரைக் கொண்டாடியதும் அவரது சொந்த நாடு அல்ல.

“அமீர் அப்துல் காதிர் அல் ஜசாயிரி” ஆப்பிரிக்க நாடான அல்ஜீரியாவில் 1808 ஆம் ஆண்டு பிறந்து இளம் வயதிலேயே அல்-குரானை மனனம் செய்து இஸ்லாமியக் கல்வியையும் கற்ற மார்க்க அறிஞராகத் திகழ்ந்தார்.

1825 ஆம் ஆண்டு மக்காவுக்கு புனிதப் பயணம் மேற்கொண்டுவிட்டு, பல்வேறு அரபு நாடுகளில் பிரயாணம் செய்து விட்டு பல வருடங்கள் கழித்து நாடு திரும்பிய போது தனது தாய்நாடான அல்ஜீரியாவை பிரஞ்சுப் படைகள் ஆக்கிரமித்திருந்தன.

இன்று உலகில் நல்லவர்கள் என்பது போல் காட்டிக்கொள்ளும் ஆங்கிலேயர்களும் பிரஞ்சுக்காரர்களும் உலகம் முழுவதும் நிகழ்த்திய கொடூரங்கள் எண்ணிலடங்காதவை.

வெறும் 22 வயதில் ஆக்கிரமிப்புக்கு எதிராக களம் இறங்கினார் அப்துல் காதிர். போர்க்களில் அனுபவம் ஏதுமின்றி களத்தில் குதித்து வல்லரசுகளில் ஒன்றான பிரான்சை எதிர்த்துப் போரிடும் சாதாரண பணியில்லை. ஆனாலும் உறுதி பூண்டார், களம் கண்டார், தனித்தனி குழுவாக இருந்த அனைத்துப் பழங்குடி மக்களையும் ஒன்றிணைத்து ஒரு படையை அமைத்தார். இதுவே அவர்களின் முதல் வெற்றி!

Read more...
 
பார்வையற்ற போராளி அப்துல்லாஹ் இப்னு உம்மு மக்தூம் ரளியல்லாஹு அன்ஹு Print E-mail
Thursday, 30 June 2016 20:03

பார்வையற்ற போராளி அப்துல்லாஹ் இப்னு உம்மு மக்தூம் ரளியல்லாஹு அன்ஹு அவர்கள்

[ மெய்சிலிர்க்க வைக்கும் பார்வையற்ற ஸஹாபியின் வீர் வரலாறு ]

[  சில சமயம் அப்துல்லாஹ் இப்னு மக்தூம் மக்களை தொழுகைக்கு அழைப்பார். பிலால் ரளியல்லாஹு அன்ஹு அவர்கள் இகாமத் சொல்வார்கள்.

ரமளானின் போது அவர்களிருவரும் சிறப்பு வழக்கத்தைக் கடைப்பிடித்தனர். ஒருவர் ஸஹர் செய்வதற்காக நேரம் நெருங்கி விட்டதாக அறிவிப்பார். மற்றவர் ஃபஜர் தொழுகைக்கான பாங்கை விடுப்பார்.

பிலால் ரளியல்லாஹு அன்ஹு அவர்கள் மக்களை ஸஹருக்கு எழுப்புவார். அப்துல்லாஹ் இப்னு மக்தூம் ரளியல்லாஹு அன்ஹு அவர்கள் தொழுகைக்கு அழைப்பு விடுப்பார்கள்.

முஹம்மது நபி ஸல்லல்லாஹு அலைஹி வஸல்லம் மதீனாவை விட்டு எங்காவது செல்லும் போது சில சமயம் மதீனாவில் தம்முடைய கலீஃபாவாக அப்துல்லாஹ் இப்னு மக்தூமை நியமிப்பார்கள் இவ்வாறு பத்து முறை பெறுப்பேற்றுள்ளார்கள். மக்கத்து வெற்றியின் போதும் கூட அவர் மீது இந்தப் பொறுப்பு ஒப்படைக்கப்பட்டது.  ஸுப் ஹானல்லாஹ் எப்படிப்பட்ட பாக்கியம் அப்துல்லாஹ் இப்னு உம்மு மக்தூம்  ரளியல்லாஹு அன்ஹு அவர்களுக்கு!]

Read more...
 
வழிகேட்டிலிருந்து 'நேர்வழி' தெளிவாக உள்ளது Print E-mail
Wednesday, 13 September 2017 08:24

Image result for nidur.info/

வழிகேட்டிலிருந்து 'நேர்வழி' தெளிவாக உள்ளது

ஹிஜ்ரி 6-ஆம் ஆண்டு வாக்கில் அபூஸுஃப்யான் உட்பட பல குறைஷிகள் வியாபார நிமித்தமாக சிரியா நாட்டிற்கு சென்றிருந்தார்கள். அப்போது ஜெருசலம் அரண்மனைக்கு வந்திருந்த ரோமப் பேரரசர் கைஸர் என்ற ஹிர்கல், அந்த அரபு வியாபார கூட்டத்தை தன்னிடம் அழைத்துவரும்படி உத்திரவிட்டார்.

அங்கு மொழிப்பெயர்ப்பாளர் ஒருவரை நியமித்துக்கொண்டு, குறைஷிகளே உங்கள் பகுதியில் இறைத்தூதர் என்று சொல்லிக்கொள்ளும் அந்த மனிதரின் நெருங்கிய உறவினர் யாரேனும் உண்டா என்று கேட்கிறார். அதற்கு அபூஸுஃப்யான் நானே அவருக்கு நெருங்கிய உறவினர் என்கிறார்.(அபூஸுஃப்யான் அவர்கள் முஹம்மது நபிஸல்லல்லாஹு அலைஹி வஸல்லம் அவர்களின் பெரிய தந்தையின் மகனாவார்).

அபூஸுஃப்யான் அவர்களையும் அவருடன் வந்திருப்பவர்களையும் தனக்கு முன்னால் நிறுத்துமாறு கட்டளையிட்ட மன்னர், தனது மொழிப்பெயர்ப்பாளரை நோக்கி, "நான் அந்த மனிதரைப்பற்றி (முஹம்மது நபிஸல்லல்லாஹு அலைஹி வஸல்லம்) இவரிடம் (அபூஸுஃப்யான்) கேட்பேன். இவர் என்னிடம் பொய்யாக ஏதேனும் சொன்னால் மற்றவர்கள் உண்மை கூறிடவேண்டும். இதை அவர்களிடம் சொல்" என்றார்.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 78

99 Names Of Allaah

-         310 300nd

Links

Links 2

Best Article