வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

வாழ்வின் அர்த்தம் - Dr. ஃபஜிலா ஆசாத் Print E-mail
Friday, 18 September 2020 07:17

வாழ்வின் அர்த்தம்

     Dr. ஃபஜிலா ஆசாத், சர்வதேச வாழ்வியல் ஆலோசகர்     

நீ பெரியவனாகும் போது யாராக இருக்க விரும்புகிறாய்?

இந்த கேள்வியை எதிர் கொள்ளாத சிறு வயதே இல்லை எனலாம். பெரும்பாலும் இதற்கான பதில் டாக்டர், டீச்சர், விஞ்ஞானி, தொழிலதிபர் என்றே இருக்கும். இந்த விதமான பதிலை எதிர்பார்த்தே கேட்பவரின் மனநிலையும் இருக்கும்.

ஐரோப்பாவில் உள்ள பள்ளியில் இந்த கேள்வியை ஜான் லெனன் என்ற சிறுவனிடமும் அவர் ஆசிரியர் கேட்கிறார். ஜான் நீ பெரியவானாகும் போது யாராக இருக்க விரும்புகிறாய். சட்டென்று அந்த மாணவன் சொல்கிறான் நான் மகிழ்ச்சியானவனாக இருப்பேன்.

அந்த பதிலை எதிர்பார்க்காத ஆசிரியர் மிண்டும் அவனிடம் கேட்கிறார் ஜான் நீ என் கேள்வியை சரியாக புரிந்து கொள்ளவில்லை. நான் என்ன கேட்கிறேன் என்றால்ஸ

அவர் சொல்ல வந்ததை முடிக்கு முன் அவரை குறுக்கிடும் அந்த சிறுவன் மிக தெளிவாக தலை நிமிர்ந்து சொல்கிறான்.. இல்லை மேடம் நீங்கள் தான் சரியாக வாழ்க்கையை புரிந்து கொள்ளவில்லை. அதனால் உங்கள் கேள்விக்கான என் பதிலின் அர்த்தம் உங்களுக்கு புரியவில்லை.

Read more...
 
அன்பின் நூறு பாகங்களும் அல்லாஹ்வுக்கே உரியவையாகும் Print E-mail
Friday, 14 March 2014 07:37

o “அன்பின் நூறு பாகங்களும் அல்லாஹ்வுக்கே உரியவையாகும். அவற்றில் ஒரு பாகத்தை (மனிதன், ஜின், பறவைகள், மிருகங்கள், ஊர்வன என) அனைத்துப் படைப்பினங்களுக்கிடையே அல்லாஹ் இறக்கினான். இந்த ஒரு பங்கினால் தான் அவை ஒன்றன்மீதொன்று பாசம் கொள்கின்றன; பரிவு காட்டுகின்றன. அதன் மூலம்தான் காட்டு விலங்குகூட தன் குட்டி மீது பாசம் காட்டுகிறது. (அவற்றில்) தொண்ணூற்று ஒன்பது பாகம் அன்பை அல்லாஹ் ஒதுக்கி வைத்துள்ளான். அவற்றின் மூலம் மறுமை நாளில் தன் (நல்ல) அடியார்களுக்கு (விஷேசமாக) அன்பு காட்டுவான்” என்று நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூஹுரைரா ரளியல்லாஹு அன்ஹு, நூல்: இப்னுமாஜா 4291)

o “உங்களில் ஒருவர் தமது இஸ்லாமை (நம்பிக்கையாலும் நடத்தையாலும்) அழகாக்கிக் கொண்டால், அவர் செய்யும் ஒவ்வொரு நன்மைக்கும் பத்து மடங்கிலிருந்து எழுநூறு மடங்கு வரை (நன்மை) பதிவுசெய்யப்படுகிறது. அவர் செய்யும் ஒவ்வொரு தீமைக்கும் அது போன்றே (ஒரு தீமையே) பதிவு செய்யப்படுகிறது” என்று அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூஹுரைரா ரளியல்லாஹு அன்ஹு, நூல்: புகாரி 42)

o “முதியவரின் மனம்கூட இரண்டு விஷயங்களில் இளமையாகவே இருந்து வரும். (அவை:) இம்மை வாழ்வின் (செல்வத்தின்) மீதுள்ள பிரியம் மற்றும் நீண்ட நாள் வாழ வேண்டும் என்ற ஆசை” என்று அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூஹுரைரா ரளியல்லாஹு அன்ஹு, நூல்: இப்னுமாஜா 4231)

Read more...
 
சொர்க்கத்துக்கு வழி எது? Print E-mail
Saturday, 17 July 2010 15:05

சொர்க்கத்துக்கு வழி எது?

O ''உரிமையிருந்தும் தர்க்கம் செய்வதை விட்டுவிட்டவனுக்கு சொர்க்கத்தின் ஓரத்தில் ஒரு வீட்டை பெற்றுத் தரவும், கேலியாகக் கூட பொய் பேசாதவனுக்கு சொர்க்கத்தின் நடுப்பகுதியில் ஒரு வீட்டைப் பெற்றுத் தரவும, நற்குணம் உடையவனுக்கு சொர்க்கத்தின் உயர்ந்த பகுதியில் ஒரு வீட்டைப் பெற்றுத் தரவும் நான் பொறுப்பேற்றுக் கொள்கிறேன்'' என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர் : அபூஉமாமா அன்ஹு ரளியல்லாஹு, நூல் : அபூதாவூத் 4167)

O அல்லாஹ்வுடைய பாதையில் ஜோடியாக செலவு செய்தவர் சொர்க்கத்தில் பல வாயில்களிலிருந்தும் அழைக்கப்படுவார். அல்லாஹ்வின் அடிமையே! இது மிகச் சிறப்புமிக்கது! தொழுகையாளியாக இருந்தவர் ஸலாஹ் (தொழுகை) எனும் வாயிலில் அழைக்கப்படுவார்.

அறப்போர் புரிபவராக இருந்தவர் ஜிஹாத் (அறப்போர்) எனும் வாயிலில் அழைக்கப்படுவார்.

நோன்பாளியாக இருந்தவர் ரய்யான் எனும் வாயிலில் அழைக்கப்படுவார்.

தர்மம் வழங்குபவராக இருந்தவர் ஸதகா (தர்மம்) எனும் வாயிலில் அழைக்கப்படுவார் என்று நபி ஸல்லல்லாஹு அலைஹி வஸல்லம் அவர்கள் கூறினார்கள்.

அப்போது அபூபக்ர் ரளியல்லாஹு அன்ஹு அவர்கள் அல்லாஹ்வுடைய தூதரே! எனது தாயும் தந்தையும் உங்களுக்கு அற்பணமாகட்டும்! ... யாரேனும் ஒருவர் இந்த அனைத்து வாயில்களிலிருந்தும் அழைப்படுவாரா? என்று கேட்டார்கள். அதற்கு ஆம்! நீரும் அத்தகையோரில் ஒருவராக இருக்கலாம் என நான் கருதுகிறேன் என்று நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர் : அபூஹுரைரா அன்ஹு ரளியல்லாஹு, நூற்கள் : புகாரீ 1764 முஸ்லிம்)

Read more...
 
இறைத்தூதர் மட்டுமே அறிந்த மூன்று விஷயங்கள் Print E-mail
Tuesday, 12 April 2016 06:43

இறைத்தூதர் மட்டுமே அறிந்த மூன்று விஷயங்கள்

அனஸ் ரளியல்லாஹு அன்ஹு அவர்கள் கூறியதாவது:

நபி ஸல்லல்லாஹு அலைஹி வஸல்லம் அவர்கள் மதீனாவுக்கு வருகை தந்திருக்கும் செய்தி (யூத மதத்தில் இருந்த) அப்துல்லாஹ் பின் சலாம் அவர்களுக்கு எட்டியது. உடனே அவர் நபி ஸல்லல்லாஹு அலைஹி வஸல்லம் அவர்களிடம் வந்து சில விஷயங்களைக் குறித்துக் கேட்டார். "தங்களிடம் நான் மூன்று விஷயங்களைப் பற்றிக் கேட்கப் போகிறேன். அவற்றை ஓர் இறைத்தூதர் மட்டுமே அறிவார்'' என்று கூறினார்.  பிறகு, 

1. இறுதி நாளின் அடையாளங்களில் முதலாவது அடையாளம் எது?

2. சொர்க்கவாசி முதலில் உண்ணும் உணவு எது?

3. குழந்தை தன் தந்தையின் சாயலிலோ அல்லது தன் தாயின் சாயலிலோ இருப்பது எதனால்?'' என்று கேட்டார்கள்.

Read more...
 
மஹ்தி அலைஹிஸ்ஸலாம் என்பது யார்? வஹியின் வெளிச்சத்தில்! Print E-mail
Thursday, 25 July 2019 20:47

Image result for mahdi alaihis salam in tamil

மஹ்தி அலைஹிஸ்ஸலாம் என்பது யார்? வஹியின் வெளிச்சத்தில்!
.
“மஹ்தி வெளிப்பட்டு விட்டார்!” என்று உங்களிடம் யார் சொன்னாலும், கீழ்வரும் அடையாளங்கள் அனைத்தும் பூர்த்தியாகாத வரை அதை நம்பவே வேண்டாம்.
.
அடையாளம் 1:

உண்மையான மஹ்தி (அலைஹிஸ்ஸலாம்) என்பவர் ஸஊதி அரேபியாவில், மக்கா நகரில் மட்டுமே வெளிப்படுவார்.
.
அடையாளம் 2:

நபி ஸல்லல்லாஹு அலைஹி வஸல்லம் அவர்களது அருமை மகள் ஃபாத்திமா ரளியல்லாஹு அன்ஹா அவர்களது நேரடி வழித்தோன்றலாகவே மஹ்தி இருப்பார். இன்னொரு விதத்தில் சொன்னால், அவர் குரைஷி குலத்தைச் சேர்ந்த ஓர் அரபியாகவே இருப்பார்.

Read more...
 
முஸ்லிம் உம்மத் மீதான இறைவனின் கருணை Print E-mail
Thursday, 29 August 2019 19:14

முஸ்லிம் உம்மத் மீதான இறைவனின் கருணை

“எனது இந்த உம்மத் (இறைவனின் விஷேட) கருணையைப் பெற்ற உம்மத்தாகும். இந்த (உம்மத்துக்குரிய) தண்டனைகள் மறுமையில் வழங்கப் படுவதில்லை. மாறாக, இவ்வுலகிலேயே (இந்த உம்மத்) தண்டிக்கப் பட்டு விடும். சோதனைகளும், பூகம்பங்களும், (அநியாயமாகக்) கொல்லப் படுவதுமே (இந்த உம்மத்துக்கான இவ்வுலகத்) தண்டனைகளாகும்.” என்று நபி ஸல்லல்லாஹு அலைஹி வஸல்லம் கூறினார்கள். (அபூதாவூத் 4278)

அப்போது இந்த உம்மத்திலுல்லோரில்; மறுமையில் யாரும் நரகம் செல்லமாட்டார்களா? எனும் சந்தேகம் சிலருக்கு தோன்றலாம்...

இணைவைக்காத, பெரும்பாவங்கள் செய்யாத, இறைநம்பிக்கையாளருக்கு அவர் செய்த மற்ற பாவங்களுக்கான தண்டனையை இவ்வுலகிலேயே அல்லாஹ் வழங்கிவிடுவான் என்ற விளக்கத்தை இந்த ஹதீஸில் இருந்து நாம் விளங்கிகொள்ளலாம்.

நயவஞ்சகம், இணைவைப்பு, மிதமிஞ்சிய பெருமை போன்ற பாரதூரமான பாவ காரியங்களில் ஒரு முஸ்லிம் ஈடுபடும் போது அவர் தன்னாலேயே இந்த உம்மத்திலிருந்து வெளியேறி விடுகிறார். வெளிப் பார்வையில் இவ்வாறானோர் இந்த உம்மத்தைச் சார்ந்தோராகத் தெரிந்தாலும், அல்லாஹ்வின் பார்வையில் இவர்கள் நபியின் உம்மத்தைச் சார்ந்தோர் அல்ல. எனவே, ஏனைய சமூகங்களைப் போல் இவர்களையும் அல்லாஹ் மறுமையில் பிடிப்பான்.

Read more...
 
கூடாதவைகள்! Print E-mail
Tuesday, 19 July 2011 22:03

o தொழும் போது கிப்லாவை முன்னோக்கி உமிழக்கூடாது

o தொழுகையில் இரு தொடைகளின் இடுக்கில் கைகளை வைக்கக் கூடாது

o அடுத்தவர் இடத்தில் அமரக்கூடாது

o இடுப்பில் கைவைத்து தொழக்கூடாது

o பட்டாடை அனைத்தும் ஆண்களுக்கு தடை

o பலன் உறுதிப்படுவதற்கு முன்னர் பழங்களை விற்கக்கூடாது

o தொடர் நோன்பிற்கு தடை

o வெள்ளிக்கிழமை மட்டும் நோன்பு நோற்கக்கூடாது

o மர்ம உறுப்பு வெளியில் தெரியுமாறு ஆடை அணியக்கூடாது

Read more...
 
அறுபது முழ உயரம்...! Print E-mail
Sunday, 26 February 2012 10:41

     அறுபது முழ உயரம்!    

இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்:

அல்லாஹ் (முதல் மனிதர்) ஆதம் அலைஹிஸ்ஸலாம் அவர்களை (களி மண்ணிலிருந்து) படைத்தான். அப்போது அவர்களின் உயரம் அறுபது முழங்களாக இருந்தது.

பிறகு, 'நீங்கள் சென்று அந்த வானவர்களுக்கு ஸலாம் (முகமன்) கூறுங்கள். அவர்கள் உங்களுக்குக் கூறும் (பதில்) வாழ்த்தைக் கேட்டுக் கொள்ளுங்கள். அதுதான் உங்கள் முகமனும் உங்கள் சந்ததிகளின் முகமனும் ஆகும்" என்று சொன்னான்.

அவ்வாறே ஆதம் அலைஹிஸ்ஸலாம் அவர்கள் (வானவர்களிடம் சென்று), 'அஸ்ஸலாமு அலைக்கும் - உங்களின் மீது சாந்தி பொழியட்டும்" என்று கூறினார்கள்.

அதற்கு வானவர்கள், 'உங்களின் மீதும் சாந்தியும் கருணையும் பொழியட்டும்" என்று பதில் கூறினார்கள். 'இறைவனின் கருணையும் (உங்களின் மீது பொழியட்டும்)' என்னும் சொற்களை வானவர்கள் (தங்கள் பதில் முகமனில்) அதிகப்படியாக கூறினார்கள்.

எனவே, (மறுமையில்) சொர்க்கத்தில் நுழைபவர்கள் ஒவ்வொருவரும் ஆதம் அலைஹிஸ்ஸலாம் அவர்களின் உருவத்தில் தான் நுழைவார்கள். ஆதம் அலைஹிஸ்ஸலாம் அவர்களின் காலத்திலிருந்து இன்று வரை (மனிதப் படைப்புகள்) (உருவத்திலும், அழகிலும்) குறைந்து கொண்டே வருகின்றன" என அபூ ஹுரைரா ரளியல்லாஹு அன்ஹு அறிவித்தார்கள்.

Read more...
 
''அல்லாஹ், நமக்குப் பணி புரிய ஒரு அடிமைப் பெண்ணையும் தந்து விட்டான்!'' Print E-mail
Wednesday, 12 April 2017 08:07

''அல்லாஹ், நமக்குப் பணி புரிய ஒரு அடிமைப் பெண்ணையும் தந்து விட்டான்!''

அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள்: இப்ராஹீம் அலைஹிஸ்ஸலாம் அவர்கள் (தம் துணைவி) சாராவுடன் நாடு துறந்தார்கள். மன்னன் ஒருவன் அல்லது கொடுங்கோலன் ஒருவன் ஆட்சி புரிந்த ஓர் ஊருக்குள் இருவரும் நுழைந்தனர்.

அழகான ஒரு பெண்ணுடன் இப்ராஹீம் வந்திருக்கிறார்! என்று (மன்னனிடம்) கூறப்பட்டது. மன்னன் இப்ராஹீம் அலைஹிஸ்ஸலாம் அவர்களை அழைத்து வரச் செய்து இப்ராஹீமே! உம்முடன் இருக்கும் இந்தப் பெண் யார்? எனக் கேட்டான். இப்ராஹீம் அலைஹிஸ்ஸலாம் என் சகோதரி என்று சொன்னார்கள்.

பிறகு சாராவிடம் திரும்பிய இராப்ராஹீம் அலைஹிஸ்ஸலாம் அவர்கள் நீ என் கூற்றைப் பொய்யாக்கி விடாதே! நீ என் சகோதரி என்று நான் அவர்களிடம் கூறியிருக்கிறேன். அல்லாஹ்வின் மீதாணையாக! உன்னையும் என்னையும் தவிர இந்தப் பூமியில் ஓரிறை விசுவாசி (மூமின்) யாரும் இல்லை என்று சொன்னார்கள். பிறகு சாராவை மன்னனிடம் அனுப்பினார்கள்.

அவன் அவரை நோக்கி எழுந்தான். சாரா எழுந்து உளூச் செய்து தொழுது விட்டு இறைவா! நான் உன்னையும் உன் தூதரையும் நம்பிக்கை கொண்டிருந்தால் எனது பெண்மையை கணவனைத் தவிர மற்றவர்களிடமிருந்து காப்பாற்றியிருந்தால் இந்தக் காஃபிரை என்னை ஆட்கொள்ள விடாதே! என்று பிரார்த்தித்தார். உடனே அவன் கீழே விழுந்து (வலிப்பினால்) கால்கள் உதைத்துக் கொண்டான்.

Read more...
 
"உங்களில் சிறந்தவர் உங்கள் மனைவியரிடம் நற்பண்பால் சிறந்து விளங்குபவரே!" Print E-mail
Saturday, 11 May 2013 06:02

உங்களில் சிறந்தவர் உங்கள் மனைவியரிடம் நற்பண்பால் சிறந்து விளங்குபவரே!

o  "இவ்வுலகம் முழுவதும் பயனளிக்கும் செல்வங்களே! பயனளிக்கும் இவ்வுலகச் செல்வங்களில் மிகவும் மேலானது நல்ல மனைவியே!" என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அப்துல்லாஹ் இப்னு அம்ர் இப்னு அல்ஆஸ், நூல்: முஸ்லிம் 2911)

o  "இறை நம்பிக்கை கொண்ட ஓர் ஆண் இறை நம்பிக்கையுள்ள ஒரு பெண்ணை (முழுமையாக) வெறுத்து ஒதுக்க வேண்டாம். அவளிடமிருந்து அவர் ஒரு குணத்தை வெறுத்தாலும் மற்றொரு குணத்தைக் கண்டு திருப்தி கொள்ளட்டும்" என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூஹுரைரா ரளியல்லாஹு அன்ஹு, நூல்: முஸ்லிம் 2915)

o  ''உண்ணும் போதும், உடுத்தும் போதும் மனைவியை விட்டு விடாதீர்கள். மனைவியிடம் வெறுப்பை வீட்டிலே தவிர வேறெங்கும் வெளிப்படுத்தாதீர்கள்.'' (அறிவிப்பாளர்: முஆவியா ரளியல்லாஹு அன்ஹு, நூல்: அஹ்மத் 19160)

Read more...
 
எங்களுடைய மானங்களை யாரிடம் மறைக்க வேண்டும்? Print E-mail
Friday, 08 November 2013 07:29

நன்மை பயக்கும் நபிமொழி

o "அல்லாஹ்வின் தூதரே! நாங்கள் எங்களுடைய மானங்களை யாரிடம் மறைக்க வேண்டும்? யாரிடம் மறைக்க வேண்டியதில்லை?'' என்று கேட்டேன்.

அதற்கு அவர்கள், "உன்னுடைய மனைவி அல்லது உனது அடிமைப் பெண்கள் ஆகியோரிடத்தில் தவிர மற்றவரிடம் உனது மானத்தை மறைத்துக் கொள்'' என்று சொன்னார்கள்.

"ஒரு மனிதர் இன்னொரு மனிதருடன் இருக்கும் போது?'' என்று கேட்டேன். அதற்கு அவர்கள், "முடிந்த அளவுக்கு மற்றொருவர் (உன்) மானத்தை பார்க்காதவாறு நடந்து கொள்'' என்றார்கள்.

"ஒருவர் தனியாக இருக்கும் போது?'' என்று நான் கேட்டதற்கு, "அல்லாஹ் வெட்கப்படுவதற்கு மிகவும் தகுதியானவன்'' என்று சொன்னார்கள். (அறிவிப்பவர் : முஆவியா பின் ஹைதா ரளியல்லாஹு அன்ஹு நூல்: திர்மிதி 2693)

Read more...
 
ஒருவருக்கு கொடுத்த நன்கொடையையோ, சன்மானத்தையோ திரும்ப கேட்காதீர்கள்! Print E-mail
Sunday, 20 October 2019 08:21

ஒருவருக்கு கொடுத்த நன்கொடையையோ, சன்மானத்தையோ திரும்ப கேட்காதீர்கள்!

"ஒருவர் நன்கொடை நல்கிவிட்டோ அல்லது சன்மானம் அளித்து விட்ட பின்னர் அதனையவர் திரும்பப் பெற்றுக் கொள்வது அவருக்கு ஆகுமானதல்ல. ஆனால் தந்தை தன் மைந்தனுக்கு அளித்து விட்டதைத் திரும்பப் பெறுவது ஆகுமானதாகும்."

மற்றோர் அறிவிப்பின்படி, "எவர் தாம் அளித்த நன்கொடையையோ அல்லது தாம் கொடுத்த சன்மானத்தையோ திரும்பப் பெறுவாராயின் அவர், வாந்தி எடுத்து விட்டுப் பின்னர் தம் வாந்தியைத் தின்னும் நாயைப் போலாவார்" என்று நபி ஸல்லல்லாஹு அலைஹி வஸல்லம் அவர்கள் கூறினர்.

(அறிவிப்பவர்கள்: இப்னு அப்பாஸ் ரளியல்லாஹு அன்ஹு, இப்னு உமர் َரளியல்லாஹு அன்ஹு, நூல் : ஸூனன்)

Read more...
 
தங்கத்தாலான ஒரு நீரோடை இருந்தாலும் போதாது! Print E-mail
Wednesday, 16 February 2011 08:13

o  நபி ஸல்லல்லாஹு அலைஹி வஸல்லம் அவர்கள் கூறினார்கள், ''ஆதமின் மகனுக்கு (மனிதனுக்கு)த் தங்கத்தாலான ஒரு நீரோடை இருந்தால் தனக்கு இரண்டு நீரோடைகள் இருக்க வேண்டுமென்று அவன் ஆசைப்படுவான். அவனுடைய வாயை மண்ணை (மரணத்தை)த் தவிர வேறேதுவும் நிரப்பாது. மேலும், (இது போன்ற பேராசையிலிருந்து) திருந்தி பாவமன்னிப்புக் கோரி மீண்டுவிட்டவரின் கோரிக்கையை அல்லாஹ் ஏற்றுக் கொள்கிறான்.'' (அறிவிப்பவர்: அனஸ் இப்னு மாலிக் ரளியல்லாஹு அன்ஹு).

o  நபி ஸல்லல்லாஹு அலைஹி வஸல்லம் அவர்கள், '(மறுமை நாள் நெருங்கும்போது) காலம் சுருங்கிவிடும்; செயல்பாடு (அமல்) குறைந்து போய்விடும்; மக்களின் உள்ளங்களில் (பேராசையின் விளைவாக) கஞ்சத்தனம் உருவாக்கப்பட்டு விடும். குழப்பங்கள் தோன்றும். 'ஹர்ஜ்' பெருகிவிடும்' என்று கூறினார்கள். மக்கள், 'இறைத்தூதர் அவர்களே! அது என்ன (ஹர்ஜ்)?' என்று கேட்டார்கள். நபி அவர்கள், 'கொலை, கொலை' என்று பதிலளித்தார்கள். (அறிவிப்பவர்: அபூ ஹுரைரா ரளியல்லாஹு அன்ஹு)

o  ''பசியுள்ள இரண்டு ஓநாய்களை ஆட்டு மந்தையில் விட்டுவிடின் அவை எத்தணை குழப்பத்தை உண்டுபண்ணி விடுமோ, அத்துணை குழப்பத்தை ஒரு மனிதனுடைய பொருளாசையும் பதவி மோகமும் அவனுடைய மார்க்கத்தில் உண்டுபண்ணிவிடும்'' என்று நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: கஃபுப்னு மாலிக் ரளியல்லாஹு அன்ஹு, நூல்: திர்மிதீ)

Read more...
 
''என்னிடமே கேளுங்கள் நான் தருகிறேன்! எனது கருவூலம் எப்போதுமே குறையாது!'' Print E-mail
Sunday, 17 October 2010 11:20

 

என் அடியார்களே!

நான் நேர்வழி காட்டியவர்களைத் தவிர நீங்கள் யாவரும் வழி தவறியவர்களே. எனவே என்னிடம் நேர்வழியைத் தேடுங்கள். உங்களுக்கு நான் நேர்வழி (ஹிதாயத்) காட்டுகிறேன்.

என் அடியார்களே!

நான் எவருக்கு உணவளித்தேனோ அவரைத்தவிர நீங்கள் யாவரும் பசித்தவர்களே. என்னிடம் உணவு தேடுங்கள், நான் உங்களுக்கு உணவளிக்கிறேன்.

என் அடியார்களே!

நான் எவருக்கு ஆடையணிவித்தேனோ அவரைத்தவிர நீங்கள் யாவரும் ஆடையற்றவர்கள். என்னிடம் ஆடையை வேண்டுங்கள், உங்களுக்கு நான் ஆடை அளிக்கிறேன்.

Read more...
 
ஏழை யார்? Print E-mail
Friday, 06 November 2009 08:21

அபூஹுரைரா ரளியல்லாஹு அன்ஹு அறிவிக்கின்றார்கள்: ''ஏழை யார்? என்பதை நீங்கள் அறிவீர்களா? என எங்களிடம் நபிஸல்லல்லாஹு அலைஹி வஸல்லம் கேட்டார்கள்.

''எவரிடம் வெள்ளிக் காசும், பொருள்களும்,இல்லையோ அவரே எங்களில் ஏழை'' என்று நபித்தோழர்கள் கூறினார்கள்.

''என் சமுதாயத்தில் ஏழை என்பவன், மறுமை நாளில் தொழுகை, நோன்பு, ஜகாத் ஆகிய நன்மைகளுடன் வருவான்.

ஆனாலும் அவன் இவனை ஏசினான், இவனை இட்டுக்கட்டினான்.

இவர் பொருளை சாப்பிட்டான் (கொலை செய்து) இவனது இரத்தத்தை ஓட்டினான்.

இவனை அடித்தான் என்ற குற்ற நிலையிலும் வருவான். அப்போது இவனது நன்மைகளிலிருந்து (இவனால் பாதிக்கப்பட்ட)வர்களுக்கு பிரித்து வழங்கப்படும்.

Read more...
 
"என்னை மறுத்தவர் தவிர என் சமுதாயத்தினர் அனைவரும் சொர்க்கத்தில் நுழைவார்கள்" Print E-mail
Wednesday, 28 February 2018 08:39

Related image

o    'என்னை மறுத்தவர் தவிர என் சமுதாயத்தினர் அனைவரும், சொர்க்கத்தில் நுழைவார்கள்!' இறைத்தூதர் அவர்களே! மறுப்போர் யார்? என்று கேட்கப்பட்டது. 'எனக்குக் கட்டுப்பட்டவர், சொர்க்கத்தில் நுழைவார். எனக்கு மாறு செய்தவர், என்னை மறுத்தவராவார்' என்று நபி ஸல்லல்லாஹு அலைஹி வஸல்லம் கூறினார்கள். (அறிவிப்பாளர்: அபூஹூரைரா ரளியல்லாஹு அன்ஹு, நூல்: புகாரி)

o     '(இம்மையில் செல்வம்) அதிகம் உள்ளவர்களே மறுமை நாளில் (நற்பலன்) குறைந்தவர்கள் ஆவர்; ஒரு சிலரைத் தவிர, அவர்களுக்கு அல்லாஹ் செல்வத்தை வழங்கினான். அதை அவர்கள் தம் வலப் பக்கமும் இடப் பக்கமும் தம் முன் பக்கமும் பின் பக்கமும் வாரி வழங்கி அச்செல்வத்தால் நன்மை புரிகிறார்கள். (இவர்களைத் தவிர)' என்று இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூதர் ரளியல்லாஹு அன்ஹு, ஆதாரம் : புகாரி (நீண்ட ஹதீஸின் ஒரு பகுதி).

o     ''நபி ஸல்லல்லாஹு அலைஹி வஸல்லம் அவர்களிடம் ''அழ்பாஉ'' என்ற ஒட்டகை இருந்தது. அதை எந்த ஒட்டகையாலும் முந்த முடியாது அல்லது முந்த முயற்சித்தது கூட கிடையாது. ஒரு காட்டரபி தன் பெண் ஒட்டகை மீது ஏறி வந்து, அதை முந்திவிட்டார். இது முஸ்லிம்களுக்கு துயரத்தை ஏற்படுத்தி விட்டது.. இதைக் கேள்விப்பட்ட நபி ஸல்லல்லாஹு அலைஹி வஸல்லம் அவர்கள் ''உலகில் எந்தப் பொருள் உயர்ந்தாலும், அதை (ஒரு நேரத்தில்) தாழ்த்துவது என்ற கடமை அல்லாஹ்வின் மீது உள்ளது'' என்று கூறினார்கள். (அறிவிப்பவர்: அனஸ் ரளியல்லாஹு அன்ஹு, நூல்: புகாரி)

Read more...
 
அந்நியனாய் வாழ்வோம் அர்த்தம் புரியும் Print E-mail
Saturday, 30 June 2018 09:28

அந்நியனாய் வாழ்வோம் அர்த்தம் புரியும்

ஒருவர் வெளியூருக்கோ அல்லது வெளி நாட்டிற்கோ செல்கிறார் என்றால் அங்கு அவரது வாழ்க்கை சூழலும் எப்படி அமையும்!

1. இது ஒரு தற்காலிக தங்குமிடம். இங்கு சில வேலைகளுக்காக நாம் வந்துள்ளோம். சொந்த ஊருக்கு திரும்பும் நாள் சீக்கிரம் வர வேண்டும் என்ற எண்ணம் தான் அவரிடம் மிகைத்து நிற்கும்.

2, சிந்தனையும் நினைவுகளும் சொந்தங்களையும், சொந்த ஊரையும் சுற்றியே வட்டமிட்டுக் கொண்டிருக்கும்.

3) தாம் தங்கியுள்ள இடத்தில் கிடைக்கும் பொருட்கள் மீது அவ்வளவாக ஈடுபாடு இருக்காது.

4) அங்கு கிடைக்கும் நட்புக்கள், தோழமைகள், உறவுகள் எவற்றோடும் பிண்ணி பிணைந்துக் கொள்ள மனம் வராது. ஏனெனில் இவை தற்காலிகமானவை என்ற எண்ணம் குறுக்கிட்டு தடுக்கும்.

5) சொந்த ஊருக்கு எடுத்துச் செல்ல முடியாத எந்தப் பொருளின் மீதும் அவர் கவனம் செலுத்த மாட்டார். அது அவரை எவ்வளவு கவர்ந்திருந்தாலும் சரியே!

Read more...
 
எல்லோரும் நிம்மதியாய் வாழவேண்டும் என்று விரும்புகின்ற மக்களே! Print E-mail
Thursday, 17 September 2020 07:26

எல்லோரும் நிம்மதியாய் வாழவேண்டும் என்று விரும்புகின்ற மக்களே!

நீதியை நேசிக்கும் மக்களே!

நாட்டை நேசிக்கும் மக்களே!!

நிம்மதியாய் வாழவிரும்பும் மக்களே!!

எல்லோரும் நிம்மதியாய் வாழவேண்டும் என்று விரும்புகின்ற மக்களே!!

சமூக ஒற்றுமையோடு வாழவிரும்பும் மக்களே!!

மனிதநேயத்தோடு வாழவிரும்பும் மக்களே!!

பரஸ்பர அன்போடு, புரிந்துணர்வோடு வாழ விரும்பும் மக்களே!!

இந்திய சுதந்திரத்திற்கு உழைத்த, உயிர் கொடுத்த மக்களே!!

சமயத்தை நேசிப்பதோடு, சமத்துவத்தை நேசிக்கும் மக்களே!!

மதங்களில் வாழ்வதோடு மனிதத்தை மதிக்கின்ற மக்களே!!

மதத்தை பின்பற்றுவதோடு மனிதாபிமானத்தை கடைபபிடிக்கும் மக்களே!!

நாட்டின் வளர்ச்சியையும் முன்னேற்றத்தையும் முன்னிலைப் படுத்துகின்ற மக்களே!!

Read more...
 
முதிர்ச்சியான அறிவு Print E-mail
Thursday, 28 May 2020 07:02

முதிர்ச்சியான அறிவு

     மௌலவி. ஹிதாயத்துல்லாஹ் நூரி     

முப்பதாண்டுகளுக்கு முன்பு வரை மார்க்க விவகாரங்களை விவாதிப்பவர்களாக, முடிவெடுப்பவர்களாக இருந்தவர்கள் பெரும்பாலும் அதில் *முதிர்ச்சியான அறிவு* பெற்றவர்களாகவே இருந்தனர்.

பிறை விஷயத்தில் மட்டுமல்ல. கருத்து வேறுபாடுகள் கொண்ட பல விவகாரங்களிலும் ஒரு இணக்கமான முடிவிற்கு சமூகம் வருவதற்கு அந்த முதிர்ச்சியான அறிவும் அணுகுமுறையும் தான் அடிப்படையாக இருந்தது.

தேர்ச்சியான கல்வியறிவைப் பெற்ற உலமாக்களில் பலரும் கூட எங்கே முழுமையான புரிதல் இல்லாமல் தவறிழைத்து விடுவோமோ என்று அச்சப்படும் நிலையோடுதான் முடிவுகளை எடுத்தனர். சிலர் ஒதுங்கியும் இருந்துள்ளனர்.

ஆனால் இன்றோ....?

மேலோட்டமாக சில விஷயங்களைப் படித்தும், கேட்டும் ஒரு சிறு புரிதல் ஏற்பட்டவுடன் தனது புரிதலுக்கு முரணாகத் தெரியும் அனைத்தையும் ஷிர்க்கை விட மோசமான குற்றம் போல் கருதி வெறுப்பதும், தரம் தாழ்ந்த விமர்சனங்களையும், ஆக்ரோஷமான எதிர்ப்புக்களையும், கேலி கிண்டல், அவமரியாதை போன்ற அனைத்தையும் (அல்லாஹ்வையும் மறுமையையும் உறுதியாக நம்புகிற சகோதரர்கள் மீதே) வெளிப்படுத்துவதும் யாரிடமிருந்து கற்றுக் கொண்ட பண்புகள்...?

ஷைத்தானிடமிருந்து பெற்ற, பெறவேண்டிய படிப்பினையை மறக்கலாமா...?

Read more...
 
படிப்பினைத் தரும் யூனுஸ் அலைஹிஸ்ஸலாம் அவர்களின் கோபம்! Print E-mail
Thursday, 26 May 2016 06:50

படிப்பினைத் தரும் யூனுஸ் அலைஹிஸ்ஸலாம் அவர்களின் கோபம்!

கோபம் என்றதும் திருக்குர்ஆனைப் புரட்டக் கூடியவர்களுக்கு யூனுஸ் அலைஹிஸ்ஸலாம் அவர்களின் சம்பவம் நினைவுக்கு வரும்.

யூனுஸ் அலைஹிஸ்ஸலாம் அவர்களுடைய சமுதாயத்து மக்கள் சத்தியத்தை ஏற்க மறுத்து இறுதியாக அவர்கள்
அழிக்கப்படும் நேரம் நெருங்கியதும் அவர்களை விட்டு யூனுஸ் அலைஹிஸ்ஸலாம் அவர்கள் விலகிச் சென்று விடுகிறார்கள்.

சிறிது நாட்கள் கழிந்து நகருக்குள் திரும்பிவந்து பார்த்தபொழுது அவர்களில் யாரும் அழிக்கப்படாததுக் கண்டு இறைவன் மீது கோபம் ஏற்பட்டுவிடுகிறது, யூனுஸ் அலைஹிஸ்ஸலாம் அவர்களுக்கு. இறைவன் நல்லதொரு முடிவையே மேற்கொண்டிருப்பான் என்று அவர்களை நிதானமாக சிந்திக்க விடாமல் கோபம் தடுக்கிறது.

கோபம் கொப்பளிக்க நடையைக் கட்டுகிறார்கள் கடல் குறுக்கிடுகிறது கடலைக் கண்டப் பிறகும் கூட ஊரை நோக்கித் திரும்ப விடாமல் கோபம் தடுக்கிறது.

இனி இந்த மக்களுடைய முகத்தில் விழிப்பதை விட இவர்களின் கண் காணாத திசைக்கு சென்று விடலாம் என்ற எண்ணத்தையே கோபம் மேலோங்கச் செய்கிறது.

Read more...
 
நல்லவன் வல்லவன் Print E-mail
Saturday, 12 March 2016 08:20

நல்லவன் வல்லவன்

ஒரு மனிதன் தன் வாழ்நாளில் நல்லவனாக வாழ்வதே உத்தமம். அந்த நல்லவன் என்ற மகுடத்தை அவனுக்கு, அவன் வாழ வேண்டிய வழிமுறைகளை முறையாக தவறாமல் பின்பற்றியாக வேண்டும் .

வாழ்நாள் பூராவும் நல்லவன் என்ற பெயரெடுக்க மிகமிக நல்லவனாக வாழ்ந்தாக வேண்டும். அதற்கு மாறாக கெட்டவன் என்ற பெயரெடுக்க அரைநொடி போதும், சீச்சீ நீ கெட்டவன், மனிதனே அல்ல என்று பலரும் அவனை மிரட்டி விரட்டி அடிப்பார்கள்.

நல்லவனாய் பிறப்பது சந்தர்ப்பத்தினால், நல்லவனாய் வாழ்வது விடா முயற்சியினால். ஒரு மனிதன் தவறாக வாழ்ந்து வந்ததை வாழ்வதை குர்ஆன் இப்படி எச்சரிக்கிறது.

“காலத்தின் மீது சத்தியமாக (தன் ஆயுளை வீணில் செலவு செய்து) நிச்சயமாக நஸ்டமடைந்து விட்டான்”. (அல்குர்ஆன் 30: 1-2) என கூறுகிறது.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 80

99 Names Of Allaah

-         310 300nd

Links

Links 2

Best Article