வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

அச்சநேரத் தொழுகை! Print E-mail
Wednesday, 31 January 2018 07:36

Related image

அச்சநேரத் தொழுகை (பிக்ஹுல் இஸ்லாம்)

     ஷைய்க் S.H.M. இஸ்மாயில் ஸலஃபி       

உண்மையில் இது ஒரு தனித் தொழுகை அன்று. அன்றாடம் தொழும் ஐவேளைத் தொழுகையைத்தான் இது குறிக்கின்றது. போர்க்களத்தில் எதிரிகளுடன் சண்டை செய்யும் போது அல்லது எதிரிகளிடமிருந்து மக்களைப் பாதுகாப்பதற்கான பணிகளில் ஈடுபடும் போது தொழும் நேரம் வந்தால் எப்படித் தொழுவது என்பது பற்றிய சட்டதிட்டங்களை உள்ளடக்கிய பகுதிதான் இதுவாகும்.

உண்மையில் போர்காலத் தொழுகை பற்றிய ஹதீஸ்கள், தொழுகையின் முக்கியத்துவத்தையும் ஜமாஅத்துத் தொழுகையின் அவசியத்தையும் அத்துடன் தனித்தனி ஜமாஅத்தாகப் பிரிந்து தொழாமல் ஒரே இமாமின் கீழ் நின்று ஒரு அணியாகத் தொழுவதன் அவசியத்தையுமே வலியுறுத்துகின்றன. அச்சமோ, பயமோ ஏற்பட்டால் முதலில் விடப்படும் அமலாக தொழுகையும் ஜமாஅத்துத் தொழுகையும் இன்று மாறியுள்ளது. இது எமது பலவீனத்தின் வெளிப்பாடாகும்.

     அச்சவேளைத் தொழுகைக்கான ஆதாரங்கள்:     

அச்சமான வேளையில் தொழுகையின் முறைகளில் சில தக்ஸீர் – சுருக்குதல்களைச் செய்யலாம் என்பதற்கு பின்வரும் வசனத்தை ஆதாரமாகக் கொள்ளலாம்.

"நீங்கள் பூமியில் பயணிக்கும் போது நிராகரித்தோர் உங்களைத் தாக்குவார்கள் என அஞ்சினால் தொழுகையை நீங்கள் சுருக்கிக் கொள்வதில் உங்கள் மீது குற்றம் இல்லை. நிச்சயமாக நிராகரிப்பாளர்கள் உங்களுக்குப் பகிரங்க விரோதிகளாகவே இருக்கின்றனர்." (அல்குர்ஆன் 4:101)

Read more...
 
பயன்தராத தொழுகை Print E-mail
Tuesday, 06 February 2018 08:15

Related image

பயன்தராத தொழுகை

      S. முஹம்மது சலீம், ஈரோடு       

ஈமானுக்கு ஒளியாக விளங்கும் தொழுகையை அதற்குரிய நேரத்தில் நிறைவேற்றுவதற்காக நேரத்தை ஒதுக்கி பல்வேறு பணிகளுக்கிடையே அல்லாஹ்வின் உதவியால் நாம் தொழுது வருகிறோம்.

இந்த தொழுகை எந்த முறையில் இருக்க வேண்டும் என்பதை நபி ஸல்லல்லாஹு அலைஹி வஸல்லம் அவர்கள் மிகத் தெளிவாக கூறியுள்ளார்கள்.

அல்லாஹ்வின் தூதரின் வழிகாட்டுதல்களை கண்டு கொள்ளாமல் தொழுதால் அந்த தொழுகையை அல்லாஹ் ஏற்றுக் கொள்ள மாட்டான்.

இது குறித்து ஒவ்வொரு தொழுகையாளியும் விழிப்புணர்வுடன் இருந்து தமது தொழுகைகளை சரி செய்து கொள்ள வேண்டும் என்பதற்காக நபிமொழிகளின் வாயிலாக சில விஷயங்களை அறிந்து கொள்வோம்.

ஒப்புக்கொள்ளப்படாத தொழுகை :

அபூஹூரைரா ரளியல்லாஹு அன்ஹு அவர்கள் கூறியதாவது:

அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் பள்ளிவாசலுக்கு வந்தார்கள். அப்போது ஒருவர் (பள்ளிவாசலுக்கு) வந்து (அவசர அவசரமாகத்) தொழுதார். (தொழுது முடிந்ததும்) அவர் வந்து நபி ஸல்லல்லாஹு அலைஹி வஸல்லம் அவர்களுக்கு ஸலாம் சொன்னார். நபி ஸல்லல்லாஹு அலைஹி வஸல்லம் அவர்கள் அவருக்கு பதில் கூறிவிட்டு ''நீர் திரும்பிச் சென்று தொழுவீராக! ஏனெனில் நீர் தொழவேயில்லை'' என்று சொன்னார்கள்.

Read more...
 
தொழுகையில் ஓதப்படுவதை வெளி மைக் மூலமாக ஒலிபரப்ப வேண்டாம்! Print E-mail
Thursday, 03 September 2015 08:17

தொழுகையில் ஓதப்படுவதை வெளி மைக் மூலமாக ஒலிபரப்ப வேண்டாம்!

தமிழ் மாநில ஜமாஅத்துல் உலமா தீர்மானம்!

  மவ்லவி அல்ஹாஜ் T.J.M.ஸலாஹுத்தீன் ரியாஜி  

[ மார்க்கம் சொல்லாததையும், விரும்பாததையும் நாம் செயல்படுத்தும்போது எதிர்காலத்தில் எதிர்பாராத விதமாக பல பாதிப்புகளை சந்திக்க நேரிடும் என்பதை நம்மவர்கள் புரிந்து கொள்ள வேண்டும்.

இமாம் தொழுகையில் ஓதுவதை பள்ளியில் உள்ளவர்கள் மட்டுமே கேட்க வேண்டும் என்ற நிலைப்பாட்டைத் தாண்டி வெளியே ஒலிபரப்பிக் கொண்டிருக்கும்போது நம்மவர்களும், மற்றவர்களும் எரிச்சல்படுவதையும், அவமதிப்பதையும் பார்க்கும் நேரத்தில்... இந்த நிலை நீடித்தால் இன்றைய நாட்டுச் சூழ்நிலையில் காலப்போக்கில், மைக்கில் பாங்கு சொல்லப்படுவதும் பாதிக்கப்பட்டுவிடுமோ என்ற அச்சம் நமக்கு அதிகமாகவே இருக்கிறது.

மார்க்கத்தில் இல்லாத ஒரு குற்றமான செயலைச் செய்து, மக்களைத் தொழுகைக்கு அழைக்க வேண்டிய அவசியம் இல்லை என்பதை சம்பந்தப்பட்டவர்கள் புரிந்து கொள்ள வேண்டும்.

இஸ்லாமிய கடமைகளை செய்யாமல் விட்டவர்கள் காஃபிர்களாக மாட்டார்கள். ஆனால், அவைகளை அவமதிப்பவர்கள் காஃபிர்களாகி விடுவார்கள் என்ற விதிப்படி, பல வேலைகளிலும், பணிகளிலும் இருப்பவர்கள் வெளியில் கேட்கப்படும் ஓதுதலைக் கேட்டு ஆத்திரத்தோடு எதையும் பேசி அவமதித்துவிட்டால், எவ்வளவு பெரிய பாதிப்பெல்லாம் ஏற்படும் என்பதை சிந்திக்க வேண்டும்.]

Read more...
 
தொழுகையில் கண்குளிர்ச்சி Print E-mail
Friday, 27 April 2018 10:49

தொழுகையில் கண்குளிர்ச்சி

அல்லாஹ்வின் தூதர் ஸல்லல்லாஹு அலைஹி வஸல்லம் நவின்றார்கள்; “எனக்கு கண்குளிர்ச்சி தொழுகையில் தான் உள்ளது” (நஸாஈ). 

இந்த கண்குளிர்ச்சி நமக்கும் வேண்டும்தானே! ஆனால் அதற்காக நாம் முயற்சிக்கிறோமா? பெரும்பாலானோர் கடமைக்காக தொழுதுவிட்டு செல்வதைத்தானே காண்கிறோம். 

‘நிச்சயமாக உங்களில் ஒருவர் தொழுகையை நிறைவேற்றும் போது தனது ரப்புடன் உரையாடுகின்றார்’ என நபி ஸல்லல்லாஹு அலைஹி வஸல்லம் அவர்கள் குறிப்பிட்டார்கள். (புகாரி). இந்த எண்ணம் தொழும்போது உள்ளத்தில் அழுத்தமாக பதிந்திருக்க வேண்டும்.

"தொழுகையில் கண்குளிர்ச்சி" யைப் பெற சில காரணிகளை பார்ப்போம்.

1. தொழுகையின் ஒவ்வொரு கட்டத்தையும் நிதானமாகச் செய்ய பழக வேண்டும். எக்காரணத்தையும் கொண்டு சிறிதும் அவசரப்படக் கூடாது. 

Read more...
 
தொழுகை - உடல் இங்கு! மனம் எங்கு? Print E-mail
Sunday, 06 January 2019 07:46

தொழுகை - உடல் இங்கு! மனம் எங்கு?

இன்றைய முஸ்லிம்களின் தொழுகை

வெறும் உடல் அசைவுகளால் மட்டுமே நிறைவேற்றபடுகிறது.

மனம் பல இடங்களுக்கு அலைபாய்ந்து கொண்டிருக்கும்.

உலகில் மூன்றில் ஒரு பங்கு முஸ்லீம்கள் ஐந்து வேளை தொழுகையை நிறைவேற்றுகின்றனர். அதில் எத்தனைபேர் அதை பரிபூரணமாக உளமாற தொழுகிறோம் என்றால் கேள்வி குறிதான். கடமையை நிறைவேற்ற வேண்டும் என்ற சுமை போல் கடமைக்கு தொழுபவர்கள் தான் அதிகம்.

اِنَّ الصَّلٰوةَ تَنْهٰى عَنِ الْفَحْشَآءِ وَالْمُنْكَرِ‌ؕ وَلَذِكْرُ اللّٰهِ اَكْبَرُ ‌ؕ وَاللّٰهُ يَعْلَمُ مَا تَصْنَعُوْنَ‏

"நிச்சயமாக தொழுகை (மனிதரை) மானக்கேடானவற்றையும் தீமையையும் விட்டு விலக்கும். நிச்சயமாக, அல்லாஹ்வின் திக்ரு (தியானம்) மிகவும் பெரிதா(ன சக்தியா)கும்; அன்றியும் அல்லாஹ் நீங்கள் செய்பவற்றை நன்கறிகிறான்."

Read more...
 
தொழுகையும் உள்ளச்சமும் Print E-mail
Friday, 14 December 2018 07:09

Image result for muslim praying wept

தொழுகையும் உள்ளச்சமும்

      CMN SALEEM      

நாம் இந்த மாத இதழில் பார்க்கவிருப்பது خشوع வும் தொழுகையும் எவ்வாறு பிணைக்கப்பட்டிருப்பது என்பதைத்தான். பொதுவாக எந்த அரபி வார்த்தையை நாம் எடுத்துக்கொண்டாலும் அவ்வார்த்தைக்கு இதுதான் பொருள் என்று நம்மால் எந்த மொழியிலும் சரிவர கூற முடியாது.

அது போல خشوع என்ற இந்த அரபி வார்த்தைக்கும் 'உள்ளச்சம்' அல்லது 'கட்டுப்படுதல்' என்று பொழிபெயர்த்தால், போதாது. ஆக முதலில் நாம் خشوع என்ற வார்த்தைக்கு இஸ்லாமிய அறிஞர்களால் தரப்படும் விளக்கத்தை பார்ப்போம்.

இமாம் ஜுனைத் ரஹ்மதுல்லாஹி அலைஹி அவர்கள் கூறுகிறார்கள் : خشوع என்பது மறைவானவற்றை அறிந்த ஒருவனிடம் தமது இதயத்தை பணிய வைப்பதாகும்.

இமாம் இப்னுல் கையும் ரஹ்மதுல்லாஹி அலைஹி அவர்களின் விளக்கம் : خشوع என்பது அல்லாஹ்வைப் பற்றி, அவனுடைய பெயர்களைப் பற்றி, அவனுடைய பண்புகளைப் பற்றி, அவனுடைய மகத்துவத்தை பற்றி அறிவதுனாலும்; அவனை வணங்கி, அவன் மீது அன்பு செழுத்தி, அவனால் பிரமிப்பு அடைவதுனாலும்; மேலும் தன்னைப் பற்றி தான் செய்த பாவங்களைப் பற்றி தன்னுடைய பலவீனம் பற்றி அறிவதனால், நாம் அவன் முன் நிற்கும் போது ஏற்படும் உதவியற்ற உணர்வு நமக்கு பணிவை தரும். இதுவே خشوع வாகும்.

Read more...
 
தொழுகை ஓர் உடற்பயிற்சியும் கூட! Print E-mail
Monday, 14 August 2017 09:01

தொழுகை ஓர் உடற்பயிற்சியும் கூட!

      ஃ பாத்திமா மைந்தன்      

தொழுகை சமத்துவத் தொட்டிலாக மட்டுமல்ல, மருந்தில்லா மருத்துவமாகவும் திகழ்கிறது. நமது ஆரோக்கிய வாழ்வுக்குத் தொழுகை ஒரு சிறந்த உடற்பயிற்சியாக விளங்குகிறது.

இருபத்தோராம் நூற்றாண்டில் அனைத்தும் இயந்திர மயமாகிவிட்டன. இதனால் அதிக இயக்கம் இல்லாத இயந்திர வாழ்க்கையை நாம் நடத்தி வருகிறோம்.

நமது உடல் எப்போதும் இயங்கிக்கொண்டே இருக்க வேண்டும்.  தூங்கும்போது மட்டுமே முழு ஓய்வு எடுத்துக் கொள்ள வேண்டும்.

உண்பது, உட்காருவது, படுப்பது என்ற நிலையில் வாழ்க்கையை நகர்த்தினால் உடல்நலம் கெடும். உடல் எடை கூடும். பல்வேறு நோய் கள் தங்கும் கூடாரமாக நமது உடல் மாறி விடும்.

எனவே நாம் அனைவரும் ஏதேனும் உடற் பயிற்சியோ, தேவையான நடைபயிற்சியோ கண்டிப்பாக மேற்கொள்ள வேண்டும். இதுபோன்ற உடற்பயிற்சி மற்றும் நடைபயிற்சி போன்ற உடல் உழைப்புகளால் ரத்தத்தில் உள்ள சர்க்கரை சத்து உடைபட்டு சக்தியாகவும், வெப்பமாகவும் வெளி யேறுகின்றது. இதன் காரணமாக உடலில் இருந்து அதிக கலோரிகள் செலவிடப்பட்டு உடல் பருமன் ஆகாமல் தடுக்கப்படுகிறது. கொழுப்பும் குறைகிறது.

சூரிய உதயத்திற்கு முன்பு நிறைவேற்றப்படும் தொழுகை சுபுஹு-ஃபஜ்ர் தொழுகையாகும். அந்தத் தொழுகையை நிறைவேற்றுவதில் நடை பயிற்சியும், உடற்பயிற்சியும் இடம் பெறுவதால் உடல் நலம் பெறுகிறது. தொழுகைக்காகப் பள்ளிவாசலுக்கு நடந்தே செல்வது அதிக நன்மை பயக்கும்.

Read more...
 
ஃபர்ளும் நஃபிலும் Print E-mail
Monday, 13 August 2018 07:22

ஃபர்ளும் நஃபிலும்

இஸ்லாமிய நம்பிக்கை அமைப்பில் அல்லாஹ்வுடைய கட்டளைகள், முன்னுரிமையின் தர வரிசையை ஒப்பிடும்போது சில அதிக முக்கியத்துவம் பெற்றவைகளாக இருக்கின்றன.

ஒரு ஹதீஸ் குத்ஸியில் (அல்லாஹ்வால் கூறப்பட்டவை) அபு ஹுரைரா ரளியல்லாஹு அன்ஹு அவர்கள் அறிவிப்பில், அல்லாஹ் கூறுகிறான்:

“என்னுடைய அடியான் என்னை நெருங்குவதில் மிகவும் விருப்பமானவை நான் அவன் மீது விதித்துள்ளவைகளை நிறைவேற்றுவது தான்.   என்னுடைய அடியான் நஃபில் வணக்கங்களை (கடமையான வணக்கங்கள் மற்றும் நற்செயல்கள் தவிர, கூடுதலானவை) நிறைவேற்றுவதன் மூலம், எனக்கு அவன் மீது உள்ள அன்பினால் அவன் கேட்கும் செவிப்புலனாகவும், அவன் பார்க்கும் பார்வையாகவும், அவன் பிடிக்கக் கூடிய கையாகவும், அவன் நடக்கக் கூடிய கால்களாகவும் நான் ஆகும் வரை என்னை மேலும், மேலும் நெருங்குகிறான். மேலும், அவன் என்னிடம் கேட்டால் நான் அவனுக்கு அளிப்பேன். (புகாரி)

இந்த ஹதீஸின் மூலம் ஃபர்ள் (கட்டாயமானவை) மற்றும் நஃபில் (கூடுதலானவை அல்லது பரிந்துரை செய்யப்பட்டவை) என்று இரு வகையான வணக்கங்கள் இருப்பதும், நஃபில் வணக்கங்களை விட ஃபர்ளான வணக்கங்களுக்கு முக்கியத்துவமும், முன்னுரிமையும் அதிகம் என்பதும் தெளிவாகிறது. ஆனால் இவையிரண்டுமே அல்லாஹ்வின் திருப்தியையும், நிரந்தரமான உதவியையும், ஒருவருடைய துவாக்களுக்கு அவனுடைய பதிலையும் பெற்றுத் தரும்.

Read more...
 
பகைமை மறந்து பாசம் காட்டி வாழ்வோம்! Print E-mail
Tuesday, 10 September 2019 14:46

flower cute bear love rose romance romantic friendship pink toy teddy bear affection relationship stuffed animal greeting card emotion teddy feelings valentine's day stuffed toy

பகைமை மறந்து பாசம் காட்டி வாழ்வோம்!

நபி ஸல்லல்லாஹு அலைஹி வஸல்லம் அவர்களின் துணைவியாரான ஆயிஷா ரளியல்லாஹு அன்ஹா அவர்களின் தாய்வழிச் சகோதரர் ஹாரிஸ் அவர்களின் புதல்வரான அவ்ஃப் இப்னு மாலிக் இப்னி துஃபைல் ரஹ்மதுல்லாஹி அலைஹிகூறினார்;

ஆயிஷா ரளியல்லாஹு அன்ஹா (தம் வீடு ஒன்றை) 'விற்றது தொடர்பாக' அல்லது 'நன்கொடையாக வழங்கியது தொடர்பாக' (அவர்களின் சகோதரி அஸ்மாவின் புதல்வர்) அப்துல்லாஹ் இப்னு ஸுபைர்ரளியல்லாஹு அன்ஹு (அதிருப்தியடைந்து) 'அல்லாஹ்வின் மீதாணையாக! ஆயிஷா (தம் முடிவைக்) கைவிடவேண்டும். அல்லது தான் அவரைத் தடுத்து நிறுத்துவேன்' என்று கூறினார்கள் என ஆயிஷா ரளியல்லாஹு அன்ஹா அவர்களிடம் தெரிவிக்கப்பட்டது.

அதற்கு ஆயிஷா ரளியல்லாஹு அன்ஹா, அவரா இப்படிக் கூறினார்?' என்று கேட்டார்கள். மக்கள், 'ஆம்' என்றனர். அப்போது ஆயிஷா ரளியல்லாஹு அன்ஹா, 'இனி நான் இப்னு ஸுபைரிடம் ஒருபோதும் பேசமாட்டேன் என அல்லாஹ்வின் மீது ஆணையிட்டுச் சத்தியம் செய்கிறேன்' என்று கூறிவிட்டார்கள்.

நீண்ட நாள்கள் பேச்சு வார்த்தை நின்றுபோனபோது ஆயிஷா ரளியல்லாஹு அன்ஹா அவர்களிடம் (தமக்காகப்) பரிந்து பேசுமாறு (முஹாஜிர்களை) இப்னு ஸுபைர் ரளியல்லாஹு அன்ஹு கேட்டுக்கொண்டார்கள். (அவ்வாறே அவர்கள் பரிந்து பேசியபோது) ஆயிஷா ரளியல்லாஹு அன்ஹா, 'முடியாது. அல்லாஹ்வின் மீதாணையாக! அவர் விஷயத்தில் ஒருபோதும் நான் (எவருடைய) பரிந்துரையையும் ஏற்றுக்கொள்ளவுமாட்டேன். என் சத்தியத்தை நான் முறித்துக் கொள்ளவுமாட்டேன்' என்று கூறிவிட்டார்கள்.

Read more...
 
கண்டிப்பதும் ஒரு கலையே! Print E-mail
Wednesday, 14 August 2013 05:53

  கண்டிப்பதும் ஒரு கலையே!  

மாணவர்கள் அல்லது குழந்தைகள் தவறு செய்யும்போது கண்டித்துத் திருத்த வேண்டியது ஆசிரியர் மீதும் பெற்றோர் மீதும் கடமையாகும். அது போலவே தன் பொறுப்பில் அல்லது ஆதிக்கத்துக்கு உட்பட்ட சிப்பந்திகளிடமோ அல்லது தொண்டர்களிடமோ தவறு காணும்போது அவர்களைத் திருத்த வேண்டியது அந்த நிறுவனத்தின் அல்லது இயக்கத்தின் தலைமைப் பொறுப்பில் உள்ளவர்களின் கடமையாகும். அதை எவ்வாறு அழகிய முறையில் நிறைவேற்றுவது? அதுவும் ஒரு கலையே!

இறைவன் நமக்களித்த முன்மாதிரியாம் அண்ணல் நபிகளாரிடமிருந்தே பாடம் பெறுவோமே! அவர் வாழ்வில் நடந்த சில சம்பவங்களைப் பாருங்கள்:

நபித்தோழர் அபூஹுரைரா ரளியல்லாஹு அன்ஹு அவர்கள்  கூறுகிறார்கள்:

இறைத்தூதர் ஸல்லல்லாஹு அலைஹி வஸல்லம் அவர்கள் அமர்ந்திருக்கும் போது, ஒரு கிராமவாசி பள்ளிக்குள் நுழைந்து, ''இறைவா! எனக்கும் முஹம்மதுக்கும் மன்னிப்பை வழங்குவாயாக! எங்களுடன் சேர்த்து வேறு யாருக்கும் நீ மன்னிப்பளிக்காதே!'' என்று சொன்னார். இறைத்தூதர் ஸல்லல்லாஹு அலைஹி வஸல்லம் அவர்கள் உடனே சிரித்து விட்டார்கள். ''இறைவனின் விசாலமான தன்மைக்கு நீ தடை விதிக்கின்றாயே!'' என்று கூறினார்கள்.

Read more...
 
தனித்தன்மை! Print E-mail
Friday, 01 July 2011 07:05

தனித்தன்மை!

அவன் இளைஞன். தன்னுடைய விசித்திரமான, வினோதமான, விந்தையான செயல்பாடுகளின் மூலம் பிறரை முகம் சுளிக்க வைக்கும் மனிதன். ஒருமுறை அவனின் அந்த செய்கைகள் குறித்து அவனிடமே கேள்வி எழுப்பப்பட்ட போது அவன் சொன்ன விளக்கம் உண்மையிலேயே கொஞ்சம் அதிர்ச்சியடையத் தான் வைத்தது.

     என் பாணி தனி பாணி...  

அவன் இளைஞன். தன்னுடைய விசித்திரமான, வினோதமான, விந்தையான செயல்பாடுகளின் மூலம் பிறரை முகம் சுளிக்க வைக்கும் மனிதன். ஒருமுறை அவனின் அந்த செய்கைகள் குறித்து அவனிடமே கேள்வி எழுப்பப்பட்ட போது அவன் சொன்ன விளக்கம் உண்மையிலேயே கொஞ்சம் அதிர்ச்சியடையத் தான் வைத்தது.

"ஒரு புத்தகத்தில் படித்தேன் ஒரு பெரியவர் சொல்லியிருந்தார்... அவர் இப்படித்தான் செய்வாராம்... அதைத்தான் நானும் பின்பற்றுகிறேன்!"

"ஒரு மீட்டிங்கில் ஒரு தலைவர் பேசிய போது சொன்னார்... இவ்வாறெல்லாம் அவர் இருப்பாராம்... அதைத்தான் நான் பின்பற்றுகிறேன்!"

"இந்த மாதிரியெல்லாம் இருந்தால் உயரலாம் என்று ஒருத்தர் சொன்னார்... அதை நான் ஏற்றுக் கொண்டு அதன்படி இருக்கிறேன்!"

இவ்வாறு யார் யாரோ எந்தெந்த சூழ்நிலையிலோ தங்கள் கருத்தாய், தங்கள் அனுபவமாய்... எழுதிவைத்த, பேசி வைத்த விஷயங்களை கண்மூடித்தனமாய் தன் இருப்பு நிலை உணராமல் பின்பற்றி ஒரு குருட்டுத்தானமான வெற்றிக்கு குறி வைக்கும் அந்த இளைஞன் தொலைத்திருப்பது தன் தனித் தன்மையென்னும் ஒரு தங்கக்காப்பை.

Read more...
 
ஆணவம் அகங்காரம் பெருமை கொள்ளும் மனிதர்களுக்கு! Print E-mail
Sunday, 17 March 2013 07:22

ஆணவம் அகங்காரம் பெருமை கொள்ளும் மனிதர்களுக்கு!

இன்றைய உலகில் தனது பணத்தாலும், பதவியாலும், பெற்ற படிப்பாலும், பிறந்த குடும்பத்தாலும் பெருமையடிக்கும் பலரை நாம் நமது அன்றாட வாழ்வில் பார்த்து வருகிறோம். இது பலரையும் பீடித்திருக்கும் ஒரு வியாதி என்றால் மிகையில்லை.

ஒரு ஏழை தனது மகனின் திருமணத்துக்கு வற்புறுத்தி கூப்பிட்டாலும் அதற்கு செல்லாத சிலர் ஒரு பணக்காரன் அளிக்கும் ஆடம்பர மார்க்கம் அனுமதிக்காத விருந்துகளுக்கு வலிந்து செல்வதை பார்க்கிறோம். அதே போல் தனக்கு நண்பனாக வருபவன் பணக்காரனாக இருக்க வேண்டும் என்று எதிர் பார்க்கும் பலரையும் பார்க்கிறோம்.

இவை எல்லாம் உலக மக்களின் சாதாரண எதிர்பார்ப்புகளாக உள்ளது. இவை எல்லாம் தவறு என்பதை ஏனோ நன்கு விபரம் அறிந்த பலரும் உணருவதில்லை. ஆணவம், அகங்காரம், பெருமையடிப்பது பற்றி இஸ்லாம் என்ன கூறுகிறது என்பதை இனி பார்ப்போம்.

'நரகவாசிகளைப் பற்றி உங்களுக்கு நான் அறிவிக்கட்டுமா?' என்று நபிகள் நாயகம் கேட்டு விட்டு 'பெருமையும் ஆணவமும் கொண்ட ஒவ்வொருவனும் நரகவாசியே' என்று விளக்கமளித்தார்கள். (அறிவிப்பவர்: ஹாரிஸா பின் வஹ்பு நூல் புகாரி 4918, 6072,6657)

Read more...
 
வஞ்சகப் புகழ்ச்சியை விட்டு விலகியிருப்போம் Print E-mail
Friday, 21 September 2012 19:11

வஞ்சகப் புகழ்ச்சியை விட்டு விலகியிருப்போம்

[ உண்மை முஸ்லிம் முகஸ்துதியிலிருந்து முற்றிலும் விலகியிருப்பார். ஏனெனில், அவை நற்கூலியை அழித்து நற்செயல்களை வீணாக்கிவிடும். மகத்தான இரட்சகனின் முன்னிலையில் நிற்கும் மறுமை நாளில் இழிவை தேடித்தரும். இத்தூய மார்க்கத்தின் அடிப்படைகளில் தலையாயது, மனிதனின் சொல்லும் செயலும் அல்லாஹ்வின் திருப்பொருத்தத்திற்காக மனத் தூய்மையுடன் அமைந்திருக்க வேண்டும் என்பதாகும்.

புகழ்பவர்களில் சிலர் ஏமாற்றுபவர்களாகவும், பொய்யர்களாகவும், நயவஞ்சகர்களாகவும் இருப்பதால் மீண்டும் மீண்டும் புகழும்போது புகழைக் கேட்பவர்கள் அதில் இன்பமடைய ஆரம்பித்து விடுகிறார்கள். அதற்குப் பின் அவர்கள் வரம்பு மீறிய புகழைத் தவிர அறிவுரையையும், விமர்சனத்தையும் விரும்பமாட்டார்கள். அப்போது அவர்களது அதிகாரத்தில் சத்தியம் வீணடிக்கப்படும், நீதம் அழிக்கப்படும், மாண்புகள் குழி தோண்டிப் புதைக்கப்படும், சமூகம் சீரழிவைச் சந்திக்கும். இவ்வாறு ஆட்சி அதிகாரங்கள் உடையவர்களை சுற்றி நின்று புகழ்பவர்கள் அதிகமாக இருக்கிறார்கள்.

நயவஞ்சகமாகப் புகழ்பவர்கள் இஸ்லாமிய சமூகத்தில் அதிகரித்து, நயவஞ்சகமும் முகஸ்துதியும் அதிகரித்துவிடக் கூடாது என்பதால் நபி ஸல்லல்லாஹு அலைஹி வஸல்லம் அவர்கள் புகழ்பவனின் முகத்தில் மண்ணை வீசுமாறு தங்களது தோழர்களுக்கு உத்தரவிட்டார்கள்.]

Read more...
 
நட்புடன் வாழ முத்தான மூன்று குணங்கள் Print E-mail
Thursday, 22 December 2011 07:15

நட்புடன் வாழ முத்தான மூன்று குணங்கள்

 மவ்லவி, அ.ஸய்யது அலீ மஸ்லஹி ஃபாஜில் தேவ்பந்தி 

o நட்பு என்பது விட்டுக் கொடுப்பது.

o நட்பு என்பது தியாகம் செய்வது.

o நட்பு என்பது இனம் புரியாத அன்பு.

மனிதர்களின் உள்ளங்கள் அல்லாஹ்வின் கையில் உள்ளது. அவற்றை அவன் நாடியவாறு புரட்டிப் போடுகிறான். அவன் உள்ளங்களை ஆளும் அரசனாக இருக்கிறான். பிரிந்து சென்றவர்கள் மீண்டும் இணைய இறைவனை அணுகுவதைத் தவிர வேறு வழியில்லை.

Read more...
 
அன்பும் பொறாமையும்! Print E-mail
Thursday, 25 November 2010 10:25

அன்பும் பொறாமையும்!   

[ அன்பு என்கிற தளத்தில் நம்முடைய செய்கைகளையும், அவற்றின் நிஜத்தையும் முன்னறுதியிட்ட எண்ணங்களுடனும், முடிவுகளுடனுமே நாம் அணுகுகிறோம். பொறாமையை, எந்த முன்முடிவும் இன்றி, அதன் இயல்பில் எடுத்துக் கொண்டு நாம் அமைதியாகக் கூர்ந்து கவனிப்பதில்லை. ஆனால், பொறாமையை, பொறாமை சார்ந்த செய்கையை, நம்முடைய வசதிக்கும், முடிவுக்கும் ஏற்ப திரித்துப் பொருள் காண விரும்புகிறோம். பொறாமையை, அதன் இயக்கத்தை, நிஜத்தை நாம் புரிந்து கொள்ள விரும்பாததே, நம்மின் இந்த அணுகுமுறைக்குக் காரணம் ஆகும்.

அன்பும் வெறுப்பும் இணைந்திருக்க இயலாதா? பொறாமையானது அன்பினைச் சொல்லுகிற அடையாளம் தானே! நாம் கைகோத்து மகிழ்கிறோம்; அடுத்த நிமிடமே வசவுகள் பகிர்கிறோம்; கடுமொழிகளால் பரஸ்பரம் சுட்டுக் கொள்கிறோம்; ஆனால், விரைவிலேயே எல்லாம் மறந்து, ஆரத் தழுவி ஆலிங்கனம் செய்து கொள்கிறோம். நாம் சண்டையிடுகிறோம்; பின்னர் முத்தமிட்டு சமரசமும் சமாதானமும் ஆகிவிடுகிறோம்.

இவையெல்லாம் அன்பும், அன்பின் சமிக்ஞைகளூம் இல்லையா! பொறாமை என்பதே அன்பினை வெளிப்படுத்தப் பிறக்கிற ஒரு மொழிதானே! இருளும் ஒளியும் போல, பொறாமையும் அன்பும் ஒன்றுடன் ஒன்று பிண்ணிப் பிணைந்ததுதானே! துரிதமான கோபமும், இச்சை மொழிகள் நிறைந்த கொஞ்சலும் அன்பின் முழுமை இல்லையா? வெள்ளம் பெருக்கெடுத்து, முரட்டுத்தனமாய்ப் பாய்கின்ற ஆறுதான், சலனமின்றி நடக்கின்ற நதியாகவும் இருக்கிறது. இரவில், நிழலில், ஒளியில் என்று எந்தச் சூழலில் பாய்ந்தாலும், நடந்தாலும் அது நதிதானே! இவையெல்லாம் தானே நதியின் இயல்பும் அழகும் ஆகும்!'

அன்பெனும் சுடரின்றி, வாழ்க்கைக்கு அர்த்தம் இல்லை. ஆனால், இருள் சூழ்ந்த புகையினூடே, தீயின் சுடர் இருக்கவோ, நிலைக்கவோ இயலாது. புகையும் சுடரும் இணைந்தும் பிணைந்தும் வாழ இயலாது. தெளிந்த தீச்சுடர் ஒளியுமிழ, புகை நிறுத்தபப்ட வேண்டும். இப்படிச் சொல்கிற காரணத்தால், தீச்சுடரானது புகைக்கு எதிரி இல்லை. தீச்சுடருக்கு எதிரிகள் இல்லை. புகையானது தீச்சுடர் அல்ல; அங்ஙனமே, புகையானது சுடரின் இருப்பைச் சொல்கிற அடையாளமும் அல்ல. ஏனெனில், புகையிலிருந்து முற்றிலும் விடுபட்டதே சுடராகும்.]

Read more...
 
உள்ளமும் உறங்கட்டுமே! Print E-mail
Monday, 16 August 2010 22:14

உள்ளமும் உறங்கட்டுமே!

[ அற்புதமான கட்டுரை ]

நான் பணம் படைத்தவர்களைப் பார்த்தோ, அழகாக இருப்பவர்களைப் பார்த்தோ, உயர் பதவியில் இருப்பவர்களைப் பார்த்தோ ஏக்கப்பெருமூச்சு விட்டதில்லை.

இவர்கள் எல்லோரையும் விட, படுத்தவுடன் சட்டெனத் தூங்கிப் போய் விடுகிறார்களே, அவர்கள்தான் கொடுத்து வைத்தவர்கள். அவர்களைப் பார்த்தால்தான் பொறாமையாக இருக்கும்.

நம்மில் எத்துணை பேருக்குப் படுத்தவுடன் தூக்கம் வருகிறது?

தேவையற்ற எண்ணங்களும், சிந்தனைகளும் மனத்தை அலைக்கழிக்க, தூக்கம் என்னவோ வெகு தூரத்தில் அல்லவா உள்ளது? நம் பெரிய துக்கமே தூக்கமின்மைதான்.

நித்தமும் வாழ்க்கையோடு "மல்லு'க்கட்டிக் கொண்டிருக்கும் ஆயிரக்கணக் கானோர் நிம்மதியாகத் தூங்குகின்றனரே! விடியலே அவர்கட்கு ஒரு பெரிய கேள்விக்குறி. அவர்களைப் பொறுத்தவரை அந்த நிமிடமே சத்தியமானது; நிரந்தரமானது. அடுத்த நாளை ஆண்டவனிடம் விட்டு விட்டு ஆனந்தமாகத் தூங்குகின்றனர். இவர்களுக்குத் கொசுக்கடியும் தெரிவதில்லை; கோடை வெப்பமும் தெரிவதில்லை.

ஆனால் பஞ்சு மெத்தையும், பட்டு விரிப்பும், குளிரூட்டியும் பலருக்குத் தூக்கத்தைத் தருவதில்லை. காரணம், இவர்கள் உள்ளம் உறங்குவதில்லை. சதா சர்வ நேரமும் சிந்தனைகள். அன்றைய நிகழ்வுகளை அசைபோட்டு, தோல்விகளுக்காக வருந்தி, விடியலில் சந்திக் கப்போகும் பிரச்சினைகள் பயமுறுத்த, தூக்கம் தொலைந்து போகும். இதெல் லாம் தூக்கமின்மைக்கான காரணங்கள் என்றாலும், இயற்கையாகவே சரியாகத் தூக்கம் வராதவர்களும் உண்டு.

Read more...
 
எதிர்மறைச் சூழலிலும் நேர்மையாய் இருப்போம் Print E-mail
Thursday, 16 September 2010 15:32

எதிர்மறைச் சூழலிலும் நேர்மையாய் இருப்போம்

எதிர்மறைச் சூழலை மிக நுட்பமாய் முறியடிக்கும் வழி நாம் நேர்மறையாய் (positive) நடந்துகொள்வதுதான்.

எல்லா நேரங்களிலும் நம்முடைய சூழல் நாம் விரும்புவது போல் அமைந்துவிடுவதில்லை. பல நேரங்களில் எதிர்பாராமலே நாம் எதிர்மறைச் சூழலில் சிக்கிக் கொள்கிறோம்.

நம்மைப் பற்றி பிறர் மாறுபாடாய் பேசும் போதும்,

நியாயமான தேவைகளுக்கும் மறுப்புகளைச் சந்திக்கும்போதும்,

நடந்துவிடும் என்று எதிர்பார்த்து காத்திருக்கும் நேரத்தில் ஏமாற்றம் ஏற்படும் போதும்,

அவசரமான நேரத்தில் அவசியமில்லாமல் நம் நேரத்தை பிறர் வீணடிக்கும் போதும்,

நாம் காரணமாய் இல்லாத நிலையில் நம்மீது குற்றமோ, பழியோ சுமத்தப்படும்போதும்,நம்முடைய உழைப்பும், ஆற்றலும், பணமும், நேரமும் மற்றவர்களால் அல்லது புறச் சூழல்களால் விரயமாகும்போதும்,

அநியாயங்களைக் கண்டும் வாய்மூடி மௌனியாய்ச் செல்ல நேரிடும்போதும்

என இன்னும் பல்வேறு நேரங்களில் நாம் எதிர்மறையான சூழ்நிலைக்கு தள்ளப்படுகிறோம்.

இப்படிப்பட்ட சூழ்நிலைகளில் இயல்பாய் இருப்பதென்பதும், இயல்புநிலை மாறாமல் நடந்துகொள்வதென்பதும் கடினமானதுதான்.

Read more...
 
அன்பின் வேகம் வீரியமிக்கது! Print E-mail
Thursday, 05 March 2009 14:10

     மவ்லவீ ஹாபிழ், M.S.S.மஹ்மூது மிஸ்பாஹி      

[பந்தா - பதவி - பணம் - பவுசுக்காக - மனிதாபிமானத்தை அடகு வைத்துவிட்டு ஆளாய் பறக்கிற  மக்களை பகல் இரவென்று பாராமல் பம்பரமாய் பணத்திற்காக பரிதவித்து சுற்றிவரும் மக்களை கண்டு அல்லாஹ் சிரிக்கிறான். ஆனாலும் அன்பு செலுத்துகிறான்.]

அர்ரஹீம் - இவ்வுலகில் நல்லவர்களுக்கும் தீயவர்களுக்கும் ஒன்று போல அன்பு செலுத்தக் கூடியவன் அல்லாஹ்.

அடியார்கள் மீது என்றென்றும் அருள்பாலித்து வரும் அல்லாஹ் வின் அன்பு அன்னையின் அன்பைவிட நூறு மடங்கு அதிகமானது. அதனால்தான் இன்னும் இன்னும் அடியார்களை மன்னித்துக் கொண்டேயிருக்கிறான்.

பந்தா - பதவி - பணம் - பவுசுக்காக - மனிதாபிமானத்தை அடகு வைத்துவிட்டு ஆளாய் பறக்கிற ஜனங்களை பகல் இரவென்று பாராமல் பம்பரமாய் பணத்திற்காக பரிதவித்து சுற்றிவரும் மக்களை கண்டு அல்லாஹ் சிரிக்கிறான். ஆனாலும் அன்பு செலுத்துகிறான்.

உடலில் ஏற்படும் உபாதைகளை நீக்கிட மருந்துண்டு - சுற்று சூழலினால் ஆடைகளில் ஏற்படும் அழுக்கை நீக்கிட சோப்புண்டு.

மனிதர்களால் ஏற்படும் துன்பங்களை கசப்புணர்வுகளை நீக்கிட அன்பை தவிர வேறு மருந்தில்லை.

Read more...
 
முதுமை இன்னொரு குழந்தைப் பருவம்! Print E-mail
Tuesday, 23 November 2010 07:39

முதுமை இன்னொரு குழந்தைப் பருவம்!

முதுமை இளமையின் கண்ணாடி

முதுமை குழந்தையின் மறுஉருவம்!

இளமையில் ஆடும் ஆட்டத்திற்கேற்ப

முதுமையில் ரன் குவிக்கப்படும்!

எல்லோருக்கும் ஒளிதர

தன்னை உருக்கிக் கொள்ளும்

மெழுகுவர்த்தி போல

எல்லோரையும் ஏற்றிவிட்டுத்

தேய்ந்த பின்னும்

ஓய்ந்து போகா படிக்கட்டு!

அவனையன்றி (வேறு எவரையும்) நீர் வணங்கலாகாது என்றும், பெற்றோருக்கு நன்மை செய்யவேண்டும் என்றும் உம்முடைய இறைவன் விதித்திருக்கின்றான்; அவ்விருவரில் ஒருவரோ அல்லது அவர்கள் இருவருமோ உம்மிடத்தில் நிச்சயமாக முதமை அடைந்து விட்டால், அவர்களை உஃப் (சீ) என்று (சடைந்தும்) சொல்ல வேண்டாம் - அவ்விருவரையும் (உம்மிடத்திலிருந்து) விரட்ட வேண்டாம் - இன்னும் அவ்விருவரிடமும் கனிவான கண்ணியமான பேச்சையே பேசவீராக! (அல்குர்ஆன் 17:23)

இன்னும், இரக்கம் கொண்டு பணிவு என்னும் இறக்கையை அவ்விருவருக்காகவும் நீர் தாழ்த்துவீராக் மேலும், ''என் இறைவனே! நான் சிறு பிள்ளையாக இருந்த போது, என்னை(ப்பரிவோடு) அவ்விருவரும் வளர்த்தது போல், நீயும் அவர்களிருவருக்கும் கிருபை செய்வாயாக!"" என்று கூறிப் பிரார்த்திப்பீராக! (அல்குர்ஆன் 17:24.)

Read more...
 
ஆயிரம் பிறை கண்ட கண்கள்! Print E-mail
Saturday, 04 September 2010 15:01

[ தயவு செய்து இக்கட்டுரையை முழுமையாகப் படியுங்கள் ]

ஒன்றை இழந்தால் தான் மற்றொன்று கிடைக்கும். ஆம், நாம் நமது வயதை இழந்து அனுபவத்தைப் பெற்றுக் கொண்டிருக்கிறோம். நமது தாத்தா, பாட்டிகளிடம், நம்மிடம் இதுவரை சொல்லாத எத்தனையோ அனுபவக் கதைகள் அவர்கள் மனதில் புதையுண்டு கிடக்கின்றன.

மரத்தின் வயது ஏற ஏற அதிகரிக்கும் வளையங்கள் போல மனிதர்களின் தோல்களிலும் சுருக்கங்கள் வயதிற்கேற்ப அதிகரிக்கின்றன. உடல் வலு இழக்கிறது, ஞாபக சக்தி குறைகிறது, உடல் கலைத்து ஓய்வு தேடுகிறது. நடப்பதற்கும், சாப்பிடுவதற்கும் மற்ற அன்றாட செயல்களுக்கு பிறரின் உதவி தேவைப்படுகிறது.

குழந்தையின் சிரிப்பில் மட்டுமல்ல முதுமையின் சிரிப்பிலும் இறைவனைக் காணலாம். எண்பது வயதுக்கு மேல் மனிதன் மீண்டும் குழந்தையாகத் துவங்குகிறான். பிறர் உதவி இன்றி தனித்து செயல்பட முடிவதில்லை.

எல்லோரும் இளமையாக இருக்க நினைப்பதை தவிர்க்க முடியவில்லை. அதற்கான முனைப்பு இல்லாதவர்களை பார்ப்பது அரிது. நரைக்கும் முடிக்கு சாயம் பூசி, விழுந்துவிட்ட பல்லுக்கு பொய்பல் கட்டி எப்படியாவது இளமையை தங்க வைத்துக் கொள்ள முயல்கிறார்கள்.

வயதானவர்கள் உலகத்தின் வாழ்க்கையை வேறு மாதிரியாகப் பார்க்கிறார்கள். அவர்கள் பார்வையில் உலகம் தன்னை அன்னியப் படுத்திவிட்டதாகவே உணர்கிறார்கள்.

Read more...
 
உலகோடு சேர்ந்திருங்கள்! Print E-mail
Saturday, 04 June 2011 08:01

சேர்ந்திருங்கள்!                       

ஊரோடு சேர்ந்திருங்கள், உறவோடு சேர்ந்திருங்கள்,

மக்களோடு சேர்ந்திருங்கள்,

சமுதாயத்தோடு சேர்ந்திருங்கள்,

இந்த உலகோடு சேர்ந்திருங்கள்,

தனித்தீவில் குடியிருக்க நாம் துறவிகளல்ல,

மற்றவர்களின் உணர்வுகளை புரிந்து கொண்டு மக்களோடு மக்களாக வாழும் வாழ்வில்தான் ஒரு முழுமை இருக்கும்,

தேவையற்ற தனிமைகளை தவிர்த்திடுங்கள்,

குறைந்த பட்சம் மனைவியோடாவது சேர்ந்திருங்கள்,

மனிதன் தனித்திருப்பது நல்லதல்ல.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 4 of 91

99 Names Of Allaah

-         310 300nd

Links

Links 2

Best Article