வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

"இதுதான் இஸ்லாம்" என்றால் "இது எனக்கு வேண்டும்" - லாரன் பூத் Print E-mail
Thursday, 23 June 2011 09:48

"இதுதான் இஸ்லாம்" என்றால்  "இது எனக்கு வேண்டும்" - லாரன் பூத்

[ இஸ்லாமை ஏற்றுக்கொள்ள நான் தயாரா? என் நண்பர்கள் மற்றும் குடும்பத்தினர் என்ன சொல்வார்கள்? என்னுடைய பழக்கவழக்கங்களை மாற்றிக்கொள்ள நான் தயாரா? - இப்படி பல கேள்விகள் என்னுள் எழுந்தன.

மதுவை விட்டொழித்தது புது உற்சாகத்தை தந்திருக்கின்றது. உண்மையை சொல்லவேண்டுமென்றால், நான் இஸ்லாமை தழுவியதிலிருந்து மதுவை நினைத்துக்கூட பார்க்கவில்லை.

என் வாழ்நாளில் அப்படியொரு உபசரிப்பை நான் கண்டதில்லை. எப்படி தங்கள் பார்வைக்கு அந்நியமான ஒரு பெண்ணை பார்த்தவுடன் ஏற்றுக்கொண்டார்கள்?. என்னிடம் பரிவோடு கூறினார்கள் 'இங்கே உங்கள் மீது தாக்குதல் நடக்குமானால் உங்களை பாதுகாக்க நாங்கள் இருக்கின்றோம்'. இஸ்லாம் குறித்த என்னுடைய அச்சம் விலக ஆரம்பித்தது.

அவர்களின் அன்பும், இஸ்லாம் சொல்லியப்படி வாழ்ந்துவரும் தன்மையும் லாரனுடைய உள்ளுணர்வுகளை கிளறிவிட அந்த வார்த்தைகள் அவரது வாயிலிருந்து வந்து விழுந்தன.

'இதுதான் இஸ்லாம் என்றால்', எனக்குள் சொல்லிக்கொண்டேன், "இது எனக்கு வேண்டும்". முழுமனதோடு என்னை இந்த மார்க்கத்தில் ஐக்கியப்படுத்திக் கொள்ள நான் தயார்.

இஸ்லாம் ஒருவருடைய வாழ்வில் கொண்டுவரும் மாற்றங்கள் அற்புதமானவை. "எனக்கு புரியத்தொடங்கியது. இனி நான் இஸ்லாமிற்கு அந்நியமானவள் அல்ல. உலகளாவிய முஸ்லிம் சமூகத்தில் நானும் ஒரு பகுதி.

இஸ்லாமை ஏற்றுக்கொண்ட பிறகும் என் நட்பு வட்டாரம் வலிமையாகவே இருக்கின்றது. அந்தவிதத்தில் நான் அதிர்ஷ்டசாலிதான்.]

Read more...
 
‘இஸ்லாமிய பெண்கள்’ குறித்த பாகத்தை படித்த போது வியந்து போனேன்... Print E-mail
Monday, 26 December 2011 08:02


 'இஸ்லாமிய பெண்கள்' குறித்த பாகத்தை படித்த போது மிகவும் வியந்து போனேன்...

[ நான் சிறுமியாக இருந்தபோது "இஸ்லாமிய அடிப்படைவாதம் என்பதைப் பற்றி அதிகமாகப் பயம் காட்டப்பட்டேன்". பொதுவாக நான் முஸ்லிம்களைப் பற்றி அதிகமாக பயந்தேன். குறிப்பாக அன்றைய காலக்கட்டத்தில் மக்கள் மனிதில் நின்ற சல்மான் ருஷ்டி விவகாரத்தைக் கூறலாம். பொதுவாக முஸ்லிம்கள் என்றாலே எனக்கு மிகவும் பயமாக இருந்தது.

ஒரு நாள் இங்கே உள்ள நூலகத்தில் "இஸ்லாத்தின் அடிப்படைகள்" (Elements of Islam) என்ற புத்தகத்தை ரகசியமாக வெளியே எடுத்து ‘இஸ்லாமிய பெண்கள்’ என்ற பாகத்தை படித்த போது நான் மிகவும் வியந்து போனேன். அது, இஸ்லாம் மற்றும் முஸ்லிம் பெண்கள் குறித்து எனக்கு போதிக்கப்பட்டதற்கு முரண்பட்டதாகவும் நான் இதுவரை கேள்விப்பட்டதை எல்லாம் விட மிகவும் மேலானதாகவும் இருந்தது.

அந்த நூலில் நான் படித்தவை அனைத்தும் சந்தேகமில்லாமல் உண்மை என உணர்ந்தேன். என்னுடைய அனைத்து வகையான தேடல்களுக்கும் விடை கிடைத்து விட்டதன் மூலம் என்னுடைய எல்லா பிராத்த்தனைகளும் ஏற்றுக்கொள்ளப்பட்டதை என் மனதில் ஆழமாக உணர்ந்தேன். என் வாழ்க்கையில் தேடிக் கொண்டிருந்த உண்மையான மார்க்கம் ‘இஸ்லாம் ஒன்று தான்’ என உணர்ந்தேன். ]

Read more...
 
ஏன் இறைவன் அநியாயக்கார மனிதனை படைக்க வேண்டும்? Print E-mail
Tuesday, 06 December 2011 04:40

  ஏன் இறைவன்  அநியாயக்கார மனிதனை படைக்க வேண்டும்?   

[ ஒருமுறை என் மகள் கேட்டாள், "சரி dad, குர்ஆன் உங்கள் கேள்விகளுக்கு பதிலளித்து விட்டது. ஆனால், உங்கள் கேள்விகளுக்கெல்லாம் ஒரு புத்தகம் பதிலளித்து விட்டால் மட்டும் இறைவன் இருக்கிறானென்று ஆகிவிடுமா, அல்லது அந்த புத்தகம் இறைவனிடமிருந்து வந்துவிட்டதாக தான் நீங்கள் நினைத்துவிட முடியுமா?" இது என்னிடம் பலரும் கேட்க நினைக்கக்கூடிய அர்த்தமுள்ள கேள்வி.

நான் குர்ஆனை மென்மேலும் படிக்க படிக்க, என் கேள்விகளுக்கு பதில்கள் கிடைக்க துவங்கின. பதில்கள் கிடைக்க கிடைக்க நாத்திகத்தை கேள்வி கேட்க ஆரம்பித்துவிட்டேன். நான் எந்த அளவு குர்ஆனை மேற்கொண்டு படித்தேனோ அந்த அளவு நாத்திகத்தை கேள்வி கேட்க ஆரம்பித்துவிட்டேன்.

நான் கடவுள் இல்லை என்பதில் மிக உறுதியாய் இருந்தவன், யார் எப்படி விளக்கினாலும் கடவுள் இல்லை என்பதில் நின்றவன். ஆனால் குர்ஆன், அதனைப்பற்றி நிறைய கேள்விகளை எழுப்பிவிட்டது. அதுமட்டுமல்லாமல், குர்ஆனைப் படித்து முடித்ததும் என் மனதில் ஏற்பட்ட அமைதி இருக்கிறதே, இதுநாள் வரை என் வாழ்வில் அனுபவிக்காதது. இறைவனின் அன்பு என்பது இதுதானோ? சில நேரங்களில் அந்த உணர்வு பத்து, பதினைந்து நிமிடங்கள் கூட நிலைத்திருக்கும். என் மனம் அமைதியடைந்தது, ஒரு அற்புதமான உணர்ச்சி அது.

என் வாழ்நாளில் கஷ்டங்களை அதிகம் பார்த்தவன், அந்த அற்புத மன அமைதி எனக்கு பதிலளித்துவிட்டது, இறைவன் இருக்கிறானென்று, இது இறைவேதமென்று. குர்ஆனை ஓதும்போது பலமுறை கண்கலங்கியிருக்கிறேன், அன்பு என்றால் என்னவென்று புரியவைத்தது குர்ஆன் தான். பலரும் என்னிடம் கேட்பார்கள், "இஸ்லாத்தை ஏற்றுக்கொண்டதால் உங்கள் வாழ்வில் என்ன திருப்பம் வந்துவிட்டது" என்று. நான் இப்போது சக மனிதர்களை அதிகம் நேசிக்க ஆரம்பித்திருக்கிறேன். இதுதான் இஸ்லாம் எனக்கு கற்றுகொடுத்த முதல் பாடம். ]

Read more...
 
நான் ஏன் முஸ்லிம் ஆனேன்? - கன்னியாஸ்திரி இரெனா ஹன்டோனோ Print E-mail
Friday, 26 March 2010 07:41

நான் ஏன் முஸ்லிம் ஆனேன்? -ரோமன் கத்தோலிக்க கிறிஸ்தவ கன்னியாஸ்திரி Irena Handono

நான் ஆறு வயதாக இருக்கும் போது கிறிஸ்தவ தேவாலயத்தைச் சேர்ந்த பள்ளி ஒன்றுக்கு கத்தோலிக்க கிறிஸ்தவத்தைப் பற்றி பயில்வதற்காக அனுப்பப்பட்டேன். என்னுடைய படிப்பிற்கான முழு செலவுகளையும் அந்த தேவாலய நிர்வாகவே பொறுப்பு ஏற்றுக் கொணடிருந்தது. ஏனென்றால் என்னுடைய பெற்றோர்கள் இந்தோனேசியாவில் உள்ள மிகப்பெரிய சர்ச்சுகளில் ஒன்றின் அமைப்பாளர்கள் (Organisors) ஆவார்கள்.

பின்னர் பருவ வயதில் தேவாலயத்தைச் சேர்ந்த ''Liaision Maria'' என்ற கல்வி நிறுவனத்தில் சேர்ந்தேன். Maria என்பது ஈஸா அலைஹிஸ்ஸலாம் அவர்களின் தாயார் மர்யம் அலைஹிஸ்ஸலாம் அவர்களைக் குறிக்கும்.  

இந்த நிறுவனத்தின் முக்கிய குறிக்கோள் என்னவெனில் ''Stray Sheeps'' என்று சொல்லப்படக் கூடிய ''காணாமல் போன ஆடுகளை'' தேடுவதாகும். ''காணாமல் போன ஆடுகள்'' என்று அவர்கள் குறிப்பிடுவது, நம்முடைய உணவுக்காகவும் ஈதுல்-அல்ஹா பெருநாள் குர்பானி கொடுப்பதற்காக அறுக்கிறோமே அந்த ஆடுகளை அல்ல. மாறாக ''காணாமல் போன ஆடுகள் என்று அவர்கள் குறிப்பிடுவது, ''கிறிஸ்தவர்களல்லாத மற்றவர்களை''. அதாவது இந்த பள்ளி வாசலில் குழுமியிருக்கும் நம்மைப் போன்ற முஸ்லிம்களை அவர்கள் ''காணாமல் போன ஆடுகள் என்று குறிப்பிடுகிறார்கள். நம்மையெல்லாம் கிறிஸ்தவர்களாக்கும் ஒரு மிகப்பெரும் செயல் திட்டம் அவர்களிடம் இருந்துக் கொண்டிருக்கிறது.

ஒரு வருடம் கழித்த பிறகு நான், இந்தோனேசியாவில் மிக அதிக அளவில் உறுப்பினர்களையுடைய ஒரு கிறிஸ்தவ அமைப்பின் தலைவியானேன். பின்னர் கன்னியாஸ்திரி ஆவதற்காக ஒரு கிறிஸ்தவ தேவாலயத்தில் சேர்ந்தேன்.

Read more...
 
ஆமினா அசில்மி - பெயரை கேட்டாலே ஒரு புது உற்சாகம்! Print E-mail
Sunday, 28 February 2010 23:26

ஆமினா அசில்மி -பெயரை கேட்டாலே ஒரு புது உற்சாகம்!

ஆமினா அசில்மி (Aminah Assilmi), மிகப் பிரபலமான இஸ்லாமிய மார்க்க அறிஞர். அமெரிக்காவைச் சார்ந்த சர்வதேச முஸ்லிம் பெண்கள் அமைப்பின் தலைவர் (International Union of Muslim Women).

ஆமினா அசில்மி, இந்த பெயரை கேட்டாலே இவரைப்பற்றி தெரிந்தவர்களுக்கு ஒரு புது உற்சாகம் பிறக்கும். ஒரு முஸ்லிம் எப்படி வாழ வேண்டும் என்பதற்கு ஒரு உதாரணம். தன்னை இஸ்லாத்தில் இணைத்து கொண்ட பிறகு கடந்த 33 ஆண்டுகளாக இவர் செய்து வரும் இஸ்லாமிய சேவைகள் அளப்பறியது. சொல்லி மாளாதது. பல முஸ்லிம்களுக்கு இவருடைய வாழ்கை பயணம் ஒரு பாடம். 

"நான் முஸ்லிம் என்று சொல்லிக்கொள்வதில் மிகவும் பெருமை படுகிறேன். இஸ்லாம் என்னுடைய இதயத்துடிப்பு. இஸ்லாம் என்னுடைய பலம். இஸ்லாம் இல்லை என்றால் நான் ஒன்றுமில்லை. அல்லாஹ், அவனுடைய மகத்தான கிருபையை என்னிடம் காட்டாவிட்டால் என்னால் வாழ முடியாது" ----- ஆமினா அசில்மி

Read more...
 
''முஸ்லிம்கள் வழிபடும் இந்தக் கடவுள் யார்?'' Print E-mail
Wednesday, 30 May 2012 05:47

முஸ்லிம்கள் வழிபடும் இந்தக் கடவுள் யார்? 

[ இயற்கையாகவே என்னுடைய முதல் கேள்வி கடவுளை மையமாக வைத்தே இருந்தது. முஸ்லிம்கள் வழிபடும் இந்தக் கடவுள் யார்? "இது வேறோரு கடவுள்", "பொய்யான கடவுள்" என்று கிறிஸ்தவர்களாகிய எங்களுக்கு போதனை செய்யப்பட்டிருந்தது.

ஆனால் உண்மையில் அவன், சர்வ ஞானமும் நிறைந்த, சர்வ சக்தியும் உடைய, தன்னுடைய ஞானத்தால் எல்லாவற்றையும் சூழ்ந்திருக்கின்ற எவ்வித இணை துணைகளே இல்லாத ஒரே ஒரு இறைவன் ஆவான். மேலும் கிறிஸ்துவிற்குப் பிறகு முதல் மூன்று நூற்றாண்டுகள் கிறிஸ்தவ பாதிரியார்கள், இயேசு நாதர் ஒரு இறைத் தூதரும் இறைவனின் தூதுச செய்தியை போதித்த மத போதகரும் ஆவார் என்ற முஸ்லிம்களின் நம்பிக்கையின் படியே போதித்து வந்தார்கள் என்று அறியும் போது மிகவும் ஆர்வமாக இருந்தது.

பிரார்த்தனை (வணக்கம்) என்பது என்னுடைய கிறிஸ்தவ வாழ்க்கையின் மிக முக்கியமான அங்கமாகையால் முஸ்லிம்கள் எதை வணங்குகிறார்கள் என்பதை அறிந்துக் கொள்வதில் மிக மிக ஆர்வமாக இருந்தேன். கிறிஸ்தவர்களாகிய நாங்கள் முஸ்லிம்களின் மற்ற நம்பிக்கைகளைப் பற்றி அறிந்திருந்ததை விட முஸ்லிம்கள் எதை வணங்குகிறார்கள் என்பதைப் பற்றி மிக மிக அறியாமையில் இருந்தோம். - ஸூ வாட்ஸன் Sue Watson, முன்னாள் கிறிஸ்தவ மத போதகர் மற்றும் மிசனரி ]

Read more...
 
தாலிபான்களிடம் சிக்கி இஸ்லாத்தின் மீது ஆர்வம் கொண்ட ஆங்கிலேய பெண் பத்திரிகையளர் Print E-mail
Saturday, 10 October 2009 14:30

MUST READ

[ இஸ்லாமிய உலகில் வாழ்கின்ற முஸ்லிம் பெண்களின் அடக்குமுறையைப் பற்றி ஆரவாரமாக கவலைப்படுகிற கிட்டத்தட்ட அனைத்து மேற்கத்திய அரசியல்வாதிகளும் சரி, பத்திரிக்கையாளர்களும் சரி இஸ்லாத்தைப் பற்றியும், அது பெண்களுக்கு வழங்கியுள்ள உரிமைகள் பற்றியும் ஒன்றுமே தெரியாதவர்களாகத்தான் இருக்கின்றார்கள். ]

[ தி வாஷிங்டன் போஸ்ட் பத்திரிக்கையில் சமீபத்தில் பிரிட்டனைச் சேர்ந்த சகோதரி யுவான் ரிட்லி எழுதிய கட்டுரை இது. இனி அவரது சொந்த நடையில்... ]

"நான் தாலிபான்களால் சிறைப் பிடிக்கப்படும் வரை புர்கா அணிந்த பெண்களை மிகவும் ஒடுக்கப்பட்ட படைப்பினமாகவே கருதி வந்தேன்.

செப்டம்பர் 2001-ல் அமெரிக்காவில் பயங்கரவாத தாக்குதல் நடைபெற்று சற்றே 15 நாட்களுக்குப் பிறகு ஒரு நீல நிற புர்காவில் என்னை மறைத்துக் கொண்டு ஆப்கானிஸ்தான் எல்லையைக் கடந்து உள்ளே புகுந்தேன். தாலிபான்களின் கொடுமையான ஆட்சியில் சராசரி மனித வாழ்க்கையைப் பற்றி நான் பணியாற்றிய பத்திரிகைக்கு செய்திகள் திரட்டுவது என் ரகசிய திட்டம். ஆனால் நான் கண்டுபிடிக்கப் பட்டு, கைது செய்யப்பட்டு, பத்து நாட்கள் சிறையில் அடைக்கப்பட்டேன்.

என்னைக் கைது செய்தவர்கள் முகத்தில் துப்பினேன், ஆக்ரோஷமாக எதிர்த்தேன். அதனால் அவர்கள் என்னை ஒரு 'கெட்டப் பெண்' என்று அழைத்தார்கள். ஆனால் நான் குர்ஆனைப் படிப்பதாகவும், இஸ்லாத்தைப் பற்றி தெரிந்து கொள்ளப் போவதாகவும் வாக்களித்த பிறகு என்னை விடுதலை செய்து விட்டார்கள். (உண்மையைச் சொல்லப் போனால் நான் விடுதலையானபோது யார் மகிழ்ந்தார்கள் என்று எனக்கு சொல்லத் தெரியவில்லை - நானா? அல்லது அவர்களா?).

Read more...
 
ஒரு முஸ்லிமுக்கு வாழ்நாள் முழுவதும் மலர்ந்த முகத்துடன் இருக்க முடியுமா? Print E-mail
Thursday, 28 February 2013 22:26

ஒரு முஸ்லிமுக்கு வாழ்நாள் முழுவதும் மலர்ந்த முகத்துடன் இருக்க முடியுமா?

அரபுலகில் பிரபலமான இஸ்லாமிய அழைப்பாளர்களில் ஒருவரான "அஷ்ஷைக் நபீலுல் அவலி" தனது ஒரு தஃவா அனுபவத்தை இவ்வாறு நம்முடன் பகிர்ந்து கொள்கின்றார்:

நான் அமெரிக்காவில் ஒரு முறை ஓர் இஸ்லாமிய சொற்பொழிவை நிகழ்த்திக்கொண்டிருக்கும் போது, திடீரென ஒருவர் எழுந்து அவரது பக்கத்தில் இருந்த ஒரு கிறிஸ்தவ அமேரிக்கருக்கு திருக்கலிமாவை சொல்லிக் கொடுக்குமாறு கேட்டுக்கொண்டார்.

நான் ஆனந்தத்தில் அல்லாஹு அக்பர் (அல்லாஹ் மிகப்பெரியவன்) என்று கூறி, நீர் இஸ்லாத்தை நேசித்ததற்குரிய காரணம் என்ன? இஸ்லாத்தை உமது வாழக்கை நெறியாக தேர்ந்தெடுத்ததன் காரணம் என்ன? என்று அவரிடம் வினவினேன்.

அதற்கவர் அளித்த பதில்: நான் ஒரு மிகப் பெரிய செல்வந்தன், பல கம்பனிகளுக்கு சொந்தக்காரன், உலக இன்பங்களில் எந்தக் குறையும் எனக்கில்லை, ஆனால் நான் எனக்குள் நிம்மதியற்றிருக்கின்றேன். என்னிடம் பணி புரியும் ஒரு முஸ்லிம் இந்தியர் மிகக்குறைந்த சம்பளத்தையே ஊதியமாக பெறுபவர், அவரை நான் பார்க்கும் போதெல்லாம் மலர்ந்த முகத்துடன் தான் காட்சியளிப்பார் இது எனக்குள் மிகப் பெரிய வியப்பை தந்ததுடன் பல கேள்விகளையும் எனக்குள் தொடுத்தது.

Read more...
 
இஸ்லாமை ஏற்றதால் மனைவி மக்களை இழந்தாலும் அல்லாஹ் என்னைக் கைவிடவில்லை! Print E-mail
Friday, 08 December 2017 09:04

Image result for Laurence B. Brown

இஸ்லாமை ஏற்றதால் மனைவி மக்களை இழந்தாலும் அல்லாஹ் என்னைக் கைவிடவில்லை!

    லாரென்ஸ் ப்ரவுன், அமெரிக்க விமானப்படை கண் டாக்டர்     

இஸ்லாத்தை ஏற்ற பிறகு என் சொந்த வாழ்க்கையில் புயல் வீசியது. நான் இஸ்லாத்தை ஏற்றதை என் மனைவியால் தாங்க இயலவில்லை. என்னிடமிருந்து விவாகரத்து கேட்டு கோர்ட்டில் வழக்கு தொடர்ந்தாள்.

கோர்ட்டில் நான் அடித்து துன்புறுத்தினேன் என்று கூறி விவாகரத்து கேட்டாள். ஆனால், நான் உண்மையில் மனைவியை அடிப்பவன் அல்ல. நீதிமன்றம் விவாகரத்து வழங்கியது. எனது இரண்டு குழந்தைகளையும் தன்னுடன் அவள் எடுத்துக் கொண்டு போனாள்.

மேலும் நீதிமன்றத்தில் 100 வருடங்களுக்கு ஜீவனாம்சம் வேண்டுமென்று வாதிட்டாள். நீதிமன்றமும் இசைந்தது. ஜீவனாம்சமாக எனது வீடு மற்றும் இரண்டு கார்களை நீதிமன்றத்தின் மூலம் பெற்றுக் கொண்டாள்.

இதற்கெல்லாம் மேலாக இன்னொரு அநியாயமும் எனக்கு நடந்தது. அது வாரத்தில் ஒரு நாள் எனது மகள்களை பார்க்கும் சமயத்தில் அவர்களை நான் அடித்து துன்புறுத்தி விடக்கூடாது என்பதற்காக பாதுகாப்பு அதிகாரி ஒருவரை நியமிக்கும்படி நீதிமன்றம் எனக்கு கூறியிருந்ததாகும்.

Read more...
 
விசித்திரமான பிரசவ கேஸைச் சந்தித்து இஸ்லாமை ஏற்ற பெண் டாக்டர் Print E-mail
Tuesday, 13 February 2018 07:41

விசித்திரமான பிரசவ கேஸைச் சந்தித்து இஸ்லாமை ஏற்ற    பெண் டாக்டர்

அமெரிக்காவில் ஓர்ஃபியா என்ற பெண் மருத்துவர் ஒரு விசித்திரமான பிரசவ கேஸைச் சந்திக்கின்றார். பிரசவத்திற்காக அனுமதிக்கப்பட்டவர் ஓர் அரபியப் பெண்மணி! அந்தப் பெண் பிரசவ வலியில் துடித்துக் கொண்டிருக்கின்றார். நடந்தது என்ன? அந்த மருத்துவரே விவரிக்கின்றார்.

பிரசவ வேதனையில் இருந்த அவரிடம், "எனது பணி நேரம் முடிந்து விட்டது. அடுத்து வருகின்ற ஆண் மருத்துவர் உங்கள் பிரசவத்தைப் பார்ப்பார்' என்று நான் சொன்னதும் அந்தப் பெண் அழவும் அலறவும் ஆரம்பித்து விட்டார்.

''ஆண் மருத்துவரா எனக்குப் பிரசவம் பார்க்கப் போகின்றார்? வேண்டாம். ஆண் மருத்துவர் வேண்டவே வேண்டாம்'' என்ற கதறல் அவரிடமிருந்து தொடர்ந்து வந்து கொண்டிருந்தது.

அந்தப் பெண்ணின் இந்த விவகாரம் என்னை ஆச்சரியத்தில் ஆழ்த்தியது. இது ஒரு புரியாத புதிராக எனக்குப் பட்டது.

"இத்தனை ஆண்டு காலமாக எனது மனைவியை, தனது வாழ்நாளில் தன்னுடைய தகப்பனார், தன் உடன்பிறந்த சகோதர, சகோதரிகள், ஒன்று விட்ட சகோதர, சகோதரிகள், சிறிய, பெரிய தந்தையர் போன்றோர் தவிர வேறு எந்த அந்நிய ஆடவரும் பார்த்தது கிடையாது' என்று அப்பெண்ணின் கணவர் விளக்கம் சொன்னார்.

Read more...
 
அரேபிய குதிரைகளின் வரலாற்றை ஆய்வு செய்ய ஆரம்பித்தவர் இஸ்லாமை ஏற்ற அதிசயம்! Print E-mail
Thursday, 21 February 2019 09:17

 

அரேபிய குதிரைகளின் வரலாற்றை ஆய்வு செய்ய ஆரம்பித்தவர் இஸ்லாமை ஏற்ற அதிசயம்!

டாக்டர் ஜெரால்ட் டர்க்ஸ் (Dr.Jerald Dirks), ஹார்வர்ட் பல்கலைகழகத்தில் "Masters in Divinity" பட்டம் பெற்றவர். உளவியலில் முனைவர் (Doctorate in Psychology) பட்டம் பெற்றவர். சுமார் அறுபது கட்டுரைகள் உளவியலிலும், சுமார் 150 கட்டுரைகள் அரேபிய குதிரைகளின் வரலாற்றை பற்றியும் வெளியிட்டுள்ளார்.

பைபிளில் நல்ல ஞானம் பெற்றவர். United Methodist சர்ச்சில் உதவிப் பாதிரியாராக (Deacon, Ordained Minister) இருந்தவர்.

இறைவன், தான் நாடுவோரை இஸ்லாத்தின் பக்கம் கொண்டு வரும் ஒவ்வொரு விதமும் ஆச்சர்யமூட்டுபவை, அழகானவை.

அரேபிய குதிரைகளின் வரலாற்றை ஆய்வு செய்ய ஆரம்பித்து, அதன் மூலமாக முஸ்லிம்களின் நட்பு கிடைத்து, அவர்களால் குரானை ஆராயத் தொடங்கி, 1993 ஆம் ஆண்டு இஸ்லாத்தை ஏற்றுக்கொண்டார் டர்க்ஸ். அன்றிலிருந்து இன்றுவரை அவர் நம் உம்மத்துக்கு ஆற்றிய பணிகள் அளப்பரியவை. அல்ஹம்துலில்லாஹ்

Read more...
 
நீங்கள் இஸ்லாமை ஏற்றுக்கொள்கிறீர்கள் என்றால், ஒரே கடவுள் மட்டுமே இருப்பதாக நீங்கள் நம்புகிறீர்கள் என்று அர்த்தம்! Print E-mail
Monday, 04 May 2020 13:16

நீங்கள் இஸ்லாமை ஏற்றுக்கொள்கிறீர்கள் என்றால், ஒரே கடவுள் மட்டுமே இருப்பதாக நீங்கள் நம்புகிறீர்கள் என்று அர்த்தம்!

முஸ்லிம்களை புத்த மதத்திற்கு மாற்றுவதற்காக அரபியும் இஸ்லாமிய கலாச்சாரத்தை கல்லூரியில் படிக்க சென்று திருகுர்ஆன் மூலமாக உலகத்தை படைத்தது இறைவன் தான் என அறிந்து இஸ்லாத்தை ஏற்று கொண்ட சகோதரி..

புத்த மதத்தில் இருந்து இஸ்லாத்தை ஏற்று கொண்ட சகோதரி ஹெடயா அவர்கள் தனக்கு இஸ்லாம் எப்படி கிடைத்தது என்பதை விளக்கி புத்தகங்கள் எழுதி உள்ளார் அதன் தொகுப்பு..

எனது பெயர் ஹெடயா மற்றும் நான் இஸ்லாத்தில் பெண்கள் தொடர்பான பிரச்சினைகளில் ஒரு ஆசிரியர் மற்றும் எழுத்தாளர். நான் கலிபோர்னியாவில் பிறந்து வளர்ந்திருந்தாலும், எனது இனப் பின்னணி மிகவும் கலவையாக உள்ளது. என் அப்பா அரை காகசியன் / அரை-சால்வடோரன், அதே நேரத்தில் என் அம்மா ஜப்பானியர்.

என் அப்பா ஒரு கத்தோலிக்கராக இருந்தார், அது இறுதியில் அனைத்து வகையான ஒழுங்கமைக்கப்பட்ட மதங்களுக்கும் வெறுப்பை உருவாக்கியது. எவ்வாறாயினும், என் அம்மா நிச்சிரென் புத்த மதத்திற்கு மாறினார், மேலும் பெருகிய முறையில் மதமாகிவிட்டார்.

நான் மறுபுறம், கிறிஸ்தவத்தின் மீது எப்போதும் அன்பு கொண்டிருந்தேன். நான் ஒரு மத புராட்டஸ்டன்ட்டாக என்னைப் பார்த்தேன், நான் தொடர்ந்து என் அயலவர்களுடன் தேவாலயத்திற்கு செல்வேன். பைபிளையும் அது போன்ற விஷயங்களையும் மனப்பாடம் செய்ததற்காக ஒவ்வொரு வாரமும் பென்சில்களை வெல்வேன். என் பெற்றோருக்கு எந்த தொடர்பும் இல்லை என்றாலும் நான் நட்சத்திரக் குழந்தையைப் போல இருந்தேன்.

Read more...
 
பத்து நாட்கள் தான் படித்தேன்.. இது மனிதர்கள் எழுதிய நூலல்ல என்று புரிந்து கொண்டேன்! Print E-mail
Saturday, 16 May 2020 21:39

பத்து நாட்கள் தான் படித்தேன்.. இது மனிதர்கள் எழுதிய நூலல்ல என்று புரிந்து கொண்டேன்!

கொரோனா நேரத்தில் படிக்க புத்தகம் இல்லாமல் நண்பர் இடத்தில் திருகுர்ஆன் வாங்கி படித்து இஸ்லாத்தை ஏற்று கொண்ட பிரபல அறிவியல் கல்லூரி மாணவி!

ரஷியாவில் அறிவியல் கல்லூரி மாணவி பேலட்னி தற்போது கொரோனா ஊரடங்கு காலத்தில் இஸ்லாத்தை ஏற்று கொண்டு உள்ளார். அவர் இஸ்லாம் தனக்கு வந்தது குறித்து முகநூலில் பதிவு செய்து உள்ளார்.   

நான் இத்தாலியில் தான் கல்லூரி படிப்பு படித்து கொண்டு இருந்தேன். அப்போது கொரோனா வைரஸ் குறித்து ரஷ்யா சேர்ந்த மாணவர்கள் மாணவிகள் நாங்கள் நாடு வந்து சேர்ந்தோம்.

வந்த நேரத்தில் இத்தாலியில் இருந்து வந்த காரணமாக வீட்டிலேயே இருந்தேன். அப்போது வீட்டில் இருக்கும் அனைத்து புத்தகங்களைப் படித்து படித்து முடிந்து அருகில் உள்ள இஸ்லாமிய வீட்டில் உள்ள சகோதரி இடத்தில் புத்தகங்களை படிக்க கேட்டபோது எங்கள் இடத்தில் திருகுர்ஆன் மட்டும் தான் இருக்கிறது என்று கூறினார். நான் பரவாயில்லை கொடுங்கள் என வாங்கி படிக்க ஆரம்பித்தேன்.

பத்து நாட்கள் படித்தேன் படிக்க ஆரம்பிக்கும் போதே ஒவ்வொரு வார்த்தையும் மனிதர்கள் எழுதியது இல்லை எனக்கு புரிய ஆரம்பித்தது. பின்னர் நான் அறிவியல் ரீதியாக படித்து கொண்டு உள்ளதால் திருகுர்ஆன் வசனங்களில் உள்ள அறிவியல் சார்ந்த பல ஆய்வுகளுக்கு பதில் கிடைத்தது போல் இருந்தது. உடனே முழுவதும் படித்தேன்.

Read more...
 
"நீ முன்பை விட இனிமையானவனாக மாறிவிட்டாய்!" Print E-mail
Sunday, 02 August 2020 07:10

"நீ முன்பை விட இனிமையானவனாக மாறிவிட்டாய்!"

சகோதரர் யோரம் (Joram van klaveren), இன்று இவரை தெரியாதவர்கள் இருக்க முடியாது எனும் அளவு பிரபலமாகிவிட்டார்.

மேற்குலக கடும்போக்கு வலதுசாரிகளின் செல்லப் பிள்ளையாக இருந்து பின்னர் இஸ்லாமை தழுவி பெரும் அதிர்வை உண்டாக்கியவர்.

இவருடைய இஸ்லாமிற்கு எதிரான செயல்களை பார்த்தோமென்றால், 'ஓரமா போய் விளையாடுங்க' என்று நம்மூர் வலதுசாரிகளை சொல்லி விடுவோம்.

உதாரணத்திற்கு, இவர் நெதர்லாந்து பாராளுமன்ற உறுப்பினராக இருந்தபோது நடந்த ஒரு சம்பவத்தை கூறலாம். நெதர்லாந்து பாராளுமன்றத்தின் மையப்பகுதியில் குர்ஆன், பைபிள் மற்றும் தோராஹ் ஆகிய நூல்கள் வைக்கப்பட்டிருப்பது இந்நாடு காலங்காலமாக கடைப்பிடித்து வரும் பழக்கமாகும்.

யோரம் பாராளுமன்ற உறுப்பினரான பிறகு தீவிரமான போராட்டங்களை முன்னெடுத்து குர்ஆனை அவையில் இருந்து அகற்ற செய்தார், இஸ்லாமை தடை செய்யவும் குரல் கொடுத்தார்.

பின்பு, மதசார்பற்ற நெதர்லாந்து அரசு, குர்ஆன் இல்லாமல் மற்ற நூல்கள் மட்டும் அவையில் இருப்பது நாட்டின் இறையாண்மைக்கு நல்லதல்ல என்று கூறி பைபிளையும், தோராஹ்வையும் அகற்றியது. இப்படியான ஒருவர் இஸ்லாமின்பால் வந்தால் எப்படி இருக்கும்? வலதுசாரிகள் மத்தியில் பூகம்பமே வெடித்தது. இதற்கு வாய்ப்பே இல்லை என நம்ப மறுத்தனர்.

இப்படியான வரலாறுக்கு சொந்தக்காரரான யோரம், இன்று நபிமொழிகளை அரபியிலேயே மேற்கோள் காட்டும் அளவு வளர்ந்திருக்கிறார். சில தினங்களுக்கு முன்பு இஸ்லாமிய அழைப்பாளரான டாக்டர் சபீல் அஹமத் அவர்களுக்கு அளித்த பேட்டியில், தான் எப்படி இஸ்லாமை நோக்கி வந்தேன் என்பது குறித்து சில அழகான சம்பவங்களை விவரித்து இருந்தார்.

Read more...
 
இஸ்லாமிடம் வலுவிழந்த நாத்திகம் Print E-mail
Wednesday, 19 August 2020 07:05

இஸ்லாமிடம் வலுவிழந்த நாத்திகம்

      Aashiq Ahamed       

நிகழ்கால வரலற்றில் இந்த விவாதத்திற்கு மிக ஸ்பெஷலான இடமுண்டு. "இஸ்லாமா? நாத்திகமா? எது அறிவுக்கு ஒத்துவருகிறது" என்ற தலைப்பில் ஏழு வருடங்களுக்கு முன்பு நடந்த இந்த விவாதம், யூடுயூப்-பில் 30 இலட்சத்திற்கும் அதிகமான பார்வைகளை தற்போது வரை பெற்றிருக்கிறது.

ஏன் இந்த விவாதம் தனித்துவமானது என்ற கேள்விக்கான பதில், இதில் நாத்திகர்கள் சார்பில் கலந்துக்கொண்ட நபர் தான்.

பேராசிரியர் லாரன்ஸ் க்ராஸ், மேற்கத்திய நாத்திகர்களால் ரிச்சர்ட் டாகின்ஸ்க்கு அடுத்த இடத்தில் வைத்து கொண்டாடப்பட்ட இயற்பியல் விஞ்ஞானியாவார். இவரின் புகழுக்கு சிறப்பான முறையில் முஸ்லிம்கள் முடிவுரை எழுதிய விவாதம் என்பதால் இது முக்கியத்துவம் பெறுகிறது.

முஸ்லிம்கள் சார்பில் சகோதரர் ஹம்சா ஜார்சிஸ் கலந்துக்கொண்டார். முஸ்லிம்கள் அறிவியலுக்கு என்றும் எதிரியாக இருந்ததில்லை என்பதற்கு ஆயிரம் ஆண்டுகள் நீடித்த இஸ்லாமிய அறிவியல் பொற்காலமே சாட்சி என்பதை சுட்டிக்காட்டிய ஹம்சா, அதே நேரம் கண்மூடித்தனமாக எல்லாவற்றையும் நம்பவும் முடியாது என்றார்.

அறிவியலால் எல்லாவற்றிக்கும் விடை சொல்ல முடியாது, ஒழுக்கத்தின் எல்லைகளை எப்படி அறிவியலால் வரையறுக்க முடியும் என்று கேள்வி எழுப்பிய ஹம்சா, உதாரணத்திற்கு தன் பாலின உறவை (Homo sexuality) சுட்டிக்காட்டினார். இஸ்லாமிய ரீதியில் அதனை ஏற்க முடியாது என்ற ஹம்சாவிற்கு பதிலாக, தன் பாலின உறவுமுறை அறிவியல் ரீதியாக தவறில்லை என்றும் இருவரும் மனம் ஒத்து போனால் (கொடும) என்ன தப்பு என்றும் க்ராஸ் கேட்டார்.

Read more...
 
நபி ஸல்லல்லாஹு அலைஹி வஸல்லம் அவர்களின் ஆளுமைகள்; ஒரு சிறு கண்ணோட்டம்! Print E-mail
Saturday, 12 September 2020 07:10

நபி ஸல்லல்லாஹு அலைஹி வஸல்லம் அவர்களின் ஆளுமைகள்; ஒரு சிறு கண்ணோட்டம்!

சகோதர, சகோதரிகளே!

நடு நிலமையோடு கொஞ்சம் பொறுமையுடன் படியுங்கள் பகிருங்கள்.

நபிகள் நாயகத்தைப் பற்றி, உயிரியல் ஆசிரியர் சுஜித் லால் அவர்களின் கருத்துகள்..

முஸ்லிமல்லாதவர்கள் நபிகள் ஸல்லல்லாஹு அலைஹி வஸல்லம் அவர்களைப் பற்றி அறிந்து கொள்ள, தவறான கருத்தை மாற்றிக்கொள்ள இது மட்டும் போதுமானது!

இஸ்லாத்தின் நபி முஹம்மதுவை தூதர் என்பதை சற்றே தள்ளி வைத்து பின்வரும் ஆளுமைகளைப் பாருங்கள்.

முஹம்மது யார் என்பதையும்   மற்றும் அவர் ஏன் இவ்வளவு விவாதிக்கப்படுகிறார் என்பதையும் நீங்கள் புரிந்துகொள்வீர்கள்...

Read more...
 
அம்மாவும், மனைவியும்! Print E-mail
Monday, 02 April 2012 07:47

    அம்மாவும், மனைவியும்!     

ஒரு கீழ்த்தட்டு நடுத்தர கூட்டுக் குடும்பத்தின் இலக்கணப்படி, சாப்பாடு மட்டுமின்றி, அன்றாட நடவடிக்கைகளிலும் கடைஞ்செடுத்த சிக்கனத்தைப் புகுத்தியிருந்தார் என் அம்மா. அத்தோட கலகம் பண்றதுக்கு வீட்டில பையன்களும் கிடையாது. அதனால அம்மாவோட சிக்கன பட்ஜெட்டைக் கேள்வி கேட்பாரே இல்லை!! இப்படியாக, அம்மா சொல்பேச்சு கேட்டு, கொடுத்ததச் சாப்பிட்டும், கிடைச்சத உடுத்தியும், ’அடக்கமான பெண்களா’ வளர்ந்து வந்தோம்.

இதுல என்னன்னா, சமையல்ங்கிறது ஒரு பெரிய கஷ்டமான வேலையாவே படலை எனக்கு. நான் அடுக்களை பக்கம் போறதேயில்லைங்கிறது வேற விஷயம்!! இப்படியா சந்தோஷமா இருக்கும்போது, எனக்குச் சோதனைக்காலமும் வந்துச்சு - கல்யாணம்கிற பேர்ல!!

கல்யாணமாகி மாமியார் வீட்டுக்குப் போன மறுநாளே, காலையில டீயோட, ரெண்டு ‘ஹாஃப்-பாயில்’ வந்துது ரூமுக்கு!! விடியக்காலையிலயே முட்டையா, அதுவும் ரெண்டான்னு அதிர்ச்சியோட பார்த்தேன். எங்கூர்ல, ரெண்டு முட்டையில நாலு வெங்காயத்தை அரிஞ்சுப் போட்டு ஒரு குடும்பமே ஒருவேளைச் சாப்பாட்டை முடிச்சுப்போம். இங்க ஒருத்தருக்கே ரெண்டு முட்டையான்னுதான் முதல் அதிர்ச்சி. சரி, முதல் நாள்னு ஸ்பெஷலாத் தர்றாங்க போலன்னு எதுவும் சொல்லாம கஷ்டப்பட்டு சாப்பிட்டுகிட்டேன்.

Read more...
 
முஃமினான பெண்ணிடம் இருக்க வேண்டியதும் இருக்கக்கூடாததும்! Print E-mail
Friday, 10 February 2012 07:29

முஃமினான பெண்ணிடம் இருக்க வேண்டியதும் இருக்கக்கூடாததும்!

      ரிப்கா பின்த் ஆதம்பாவா அஷ்ஷரயிய்யா      

அடிமைத்தனத்திலும், மடமைத்தனத்திலும் வேரூன்றி வாழ்ந்த அந்த ஜாஹிலிய சமுதாயத்தில் பெண் சமுதாயம் பல இன்னல்களுக்கும் துயரங்களுக்கும் முகம் கொடுக்க நேரிட்டனர்.

ஆண்களுக்கு கொடுக்கப்பட்ட ஒந்தவொரு உரிமையும் பெண்களுக்கு வழங்கப்படவில்லை. சமூகத்தில் ஒரு வித்தியாசமான கண்ணோட்டத்திலே நோக்கப்பட்டனர். பெண் பிள்ளை பிறந்து விட்டால் அதை உயிருடன் புதைக்கக்கூடியவர்களாக இருந்தனர். இல்லையெனில் இழிவான ஒரு நிலையில் அதை விட்டுவைக்கக்கூடியவர்களாக இருந்தார்கள்.

அவளை அவர்கள் நோக்கியதெல்லாம் ஒரு இன்பப்பொருளாகவேதான் இருந்தது. எந்தளவுக்கெனில் அப்பெண்ணுக்கு பிள்ளை பிறந்து விட்டால் அந்தப் பிள்ளையின் சாயலை வைத்துத்தான் தந்தையை குறிப்பாக்கினர். இந்த அளவு ஜாஹிலிய சீர்கேட்டில் பெண்கள் சிக்கித் தவித்தனர்.

Read more...
 
பெண்கள் ஆண்களை விட, மனதளவிலும், உடலளவிலும் விரைந்து வளர்ச்சியடைகின்றனர் Print E-mail
Wednesday, 07 December 2011 15:24


     பெண்மையைப் போற்றுவோம்    

ஆண், பெண் உறவுகள், ஆணாதிக்கம் பெண்ணின் பெருமை, தாய்மையின் சிறப்பு இவற்றை பற்றி எழுதாத விவரங்கள், கருத்துக்கள் இல்லை. பெரும்பாலும் சரித்திரத்தில், இலக்கியங்களில், பெண்கள் மென்மையானவர்கள், இளகிய மனம் உடையவர்கள் என்று கூறப்படுகின்றனர். அதே சமயம் பெண்களின் ‘மனதின்’ ஆழத்தை அறிய முடியாது. மனவலிமை உடையவர்கள் பெண்கள் என்றும் கூறப்பட்டிருக்கின்றன.

பெண்களும், ஆண்களும் ஒருவருக்கொருவர் வித்தியாசமானவர்கள் (வாழ்க இந்த வித்தியாசம் என்கிறது ஒரு ஃப்ரெஞ்சு பழமொழி!). பெண்களை ஆண்கள், மலரே, கொடியே, என்று வர்ணித்தாலும், அடிப்படையில் "பாலியல்" உணர்வு தான், பெண்களை போக பொருளாக கருதப்பட்டு வந்ததின் காரணம்.

பெண்கள் அதிகம் பேசக் கூடாது என்கிறது நீதி வெண்பா -

பெண்ணொருத்தி பேசில் பெரும்பூமி தானதிரும்;

பெண்ணிருவர் பேசில்விழும் விண்மீன்கள்;- பெண்மூவர்

பேசில் அலைசுவறும்; பேதையே! பெண்பலர்தாம்

பேசில் உலகு என்னாமோ பின்!

Read more...
 
பெண்களின் கற்பைப் போற்றாதோர் உலகில் எவருமில்லை! Print E-mail
Sunday, 27 November 2011 07:29

பெண்களின் கற்பைப் போற்றாதோர் உலகில் எவருமில்லை!

அண்பினால் பிணைக்கப்பட்ட அணைப்புக்கு நிகரான இன்பச்சுவனம் இவ்வுலகில் வேறொன்றுமில்லை" என்றார் அரசியல் மேதை ரூஸோ. மற்றோர் அறிஞனோ "அமைதியோடு கூடிய இல்லறமே இவ்வுலகின் இன்பச்சுவனமாகும். சண்டையோடு கூடிய இல்வாழ்க்கையே இவ்வுலகின் துன்ப நரகமாகும்" என்று சொன்னார்.

இன்னொரு மேதையோ நல்ல மனைவியைப் பெற்றுள்ளவர்கள் பறப்பதற்கு இறக்கைகளைப் பெற்றுள்ளனர். அது அல்லாதோர் கால்களுக்கு விலங்கைத்தான் பெற்றுள்ளனர்" என்று இயம்பியுள்ளார்.

ஆம்! அவர்கள் கூறியவற்றிலெல்லாம் உண்மையில்லாமலில்லை. ஒரு மனிதனின் வழ்க்கையை இன்பச்சுவனமாக ஆக்குவதும் துன்ப நரகமாக ஆக்குவதும் அவனுக்கு கிடைத்த இல்லாளே!

Read more...
 
கூடுதல் சிறப்பு, உலகிலிருந்து செல்லும் பெண்களுக்கா? அல்லது ஹூருல் ஈன் பெண்களுக்கா? Print E-mail
Thursday, 16 February 2012 08:10

கூடுதல் சிறப்பு, உலகிலிருந்து செல்லும் பெண்களுக்கா? அல்லது ஹூருல் ஈன் பெண்களுக்கா?

[ உம்முஸல்மா ரளியல்லாஹு அன்ஹா அவர்கள் ஒரு சமயம் நபி ஸல்லல்லாஹு அலைஹி வஸல்லம் அவர்களிடம் கேட்டார்கள், "உலகிலிருந்து செல்லும் பெண்களுக்குக் கூடுதல் சிறப்பா? அல்லது ஹூருல் ஈன் பெண்களுக்கா?"

அதற்கு நபி ஸல்லல்லாஹு அலைஹி வஸல்லம் அவர்கள் கூறினார்கள்,

"ஒரு விரிப்பின் அடிப்பாகத்தைவிட, மேல் பாகத்திற்கு இருக்கும் சிறப்பு போல, உலகிலிருந்து சென்ற பெண்களுக்கு ஹூருல் ஈன்களை விட சிறப்பு உண்டு''. பின் உம்முஸல்மா ரளியல்லாஹு அன்ஹா கேட்டார்கள், "ஏன்? எப்படி?'' என்று.

அதற்கு நபி ஸல்லல்லாஹு அலைஹி வஸல்லம் அவர்கள் கூறினார்கள்; "அவர்கள் தொழுகிறார்கள், நோன்பிருக்கிறார்கள். இன்னும் பல வணக்க வழிபாடுகளைச் செய்கின்றனர்." என்றார்கள்.

பெண்களுக்குப் பல ஆண்கள் கணவர்களாக இருக்க வேண்டும் என்று இந்த உலகில் எந்தப் பெண்ணும் ஏங்குவதில்லை. எனினும், சொர்க்கத்தில் பல கணவர்களை விரும்பும் மனநிலை எந்த பெண்ணுக்காவது இருக்குமாயின், அவர்கள் விருப்பம் நிறைவேற்றப்படும்.

அதற்கு ஆதாரமாக திருக்குர்ஆனின் வசனம் ஒன்று "நீங்கள் விரும்புவது எதுவும் உங்களுக்கு அங்கு உண்டு" (41:31) என்று கூறுவதை கவனிக்கவும். பெண்களுக்கு மட்டும் அவர்கள் விரும்புவது தடுக்கப்படும் என்று எண்ணவே வேண்டாம்.]

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 4 of 80

99 Names Of Allaah

-         310 300nd

Links

Links 2

Best Article