சிறந்த அறிஞர்கள் பத்து அடையாளம்

      CMN SALEEM       

o இறை பொருத்தம் பெறும் ஆர்வம்

o பிரபலமடையும் நோக்கம் கூடாது.

o எதிலும் வலிந்து மூக்கை நுழைக்கக் கூடாது.

o மார்கத்தை மறைக்கக் கூடாது, மறுக்கக்கூடாது.

o தீமையைக் கண்டு கோபம் வரவேண்டும்

o கற்பதின்படி செயல்பட வேண்டும்

o அதிக சலுகையும் கூடாது அதிக கண்டிப்பும் கூடாது

o அதிகார வர்க்கத்தை அண்டியிருக்கக் கூடாது.

o குர்ஆன் நபிவழி நடக்க வேண்டும்

o மறுமைச் சிந்தனை வேண்டும்

உயர்த்தும் கரங்களை உதவும் கரங்களாகவும் மாற்றுவோம்

    மவ்லவீ ஹாஃபிழ் அ.சைய்யது அலீ மஸ்லஹி பாஜில் தேவ்பந்தீ     

ஒரு முஸ்லிமுக்கு தன்னைப் படைத்த அல்லாஹ்விற்கு செய்ய வேண்டிய உரிமைகளும், கடமைகளும் இருக்கின்றன. அதுபோல, ஒரு முஸ்லிமுக்கு பொது மக்களுக்கு செய்ய வேண்டிய உரிமைகளும், கடமைகளும் இருக்கின்றன.

ஒரு முஸ்லிம் அல்லாஹ்விற்கு ஆற்றவேண்டிய உரிமைகளிலும், கடமைகளிலும் தொய்வை ஏற்படுத்தாமல் தொடர்ந்து செய்து வந்தார். ஆனால், பொது மக்களுக்கு ஆற்ற வேண்டிய உரிமைகளிலும், கடமைகளிலும் தொய்வை ஏற்படுத்தி, தொடராமல் விட்டு விட்டால் அவர் உண்மையில் பரிபூரண விசுவாசியாக முடியாது.

நாணயத்திற்கு இரண்டு பக்கங்கள் இருப்பதுபோன்று, ஒரு முஸ்லிமுக்கும் இரண்டு பக்கங்கள் உண்டு. ஒன்று இறைவன் பக்கம்; மற்றொன்று மக்கள் பக்கம்; நாணயத்தின் ஒரு பகுதி நன்றாக இருந்து மறுபகுதி தவறாக அமைந்தால், அது செல்லத்தக்க நாணயமாக மதிக்கப்படாதது போன்று ஒரு முஸ்லிமின் ஒரு பகுதி நன்றாக இருந்து மறு பகுதி தவறாக அமைந்துவிட்டால் அவர் உண்மை விசுவாசியாக மதிக்கப்படமாட்டார்.

வல்ல அல்லாஹ் நபி ஸல்லல்லாஹு அலைஹி வஸல்லம் அவர்களை முழு மனித சமுதாயத்திற்கும் இறுதி நபியாக அனுப்பி வைத்தான். அவர்களுக்கு இரண்டு வகையான பணிகளையும் செய்யும் படியும் ஏவினான். ஒன்று இறைப்பணி; மற்றொன்று சமூகப்பணி, இரண்டு பணிகளையும் சிறப்பாக செயல்படுத்தினார்கள். அவர்களுடைய இறைப்பணியைப் பற்றி தெரியவேண்டிய அவசியம் இருக்காது எனலாம். ஆனால் அவர்களுடைய சமூகப் பணியைப்பற்றி அனைவரும் தெரிந்து வைத்திருப்பது காலத்தின் கட்டாயமாக இருக்கிறது.

தூய்மையான உள்ளம்

மனிதனுடைய உள்ளத்தில், இருக்கும் உறுப்புகளில் மிக முக்கியமானது உள்ளம் தான். ஏனெனில், அதற்கு ஏதேனும் பிரச்னை என்றால் உடலில் உள்ள எல்லா பாகங்களும் அதனை உணரும், அந்த கஷ்டத்தை அனுபவிக்கும். அது நல்ல முறையில் இருந்தால் மற்ற எல்லா பாகங்களும் நல்ல முறையில் இருக்கும்.

அந்த உள்ளம் எந்த கசடும் இல்லாமல் தூய்மையானதாக இருந்தால் தான் நம்முடைய அனைத்து உறுப்புகளும் நிம்மதியாக இருக்கும். உள்ளம் அதனுடைய தூய்மை தன்மையை இழக்கும்போது உடலும் நிம்மதியை இழக்கிறது.

அதனை தான் அல்லாஹு தஆலா தன அருள் மறையில் :

قال الله تعالى:( يوم لا ينفع مال ولا بنون* إلا من أتى الله بقلب سليم)

அந்நாளில், பொருளும் மக்களும் யாதொரு பயனுமளிக்காது. ஆயினும், பரிசுத்த உள்ளத்துடன் (தன் இறைவனாகிய) அல்லாஹ்விடம் வருபவர்தான் (பயனடைவார்).

இப்படிப்பட்ட சிறந்த பரிசுத்தமான உள்ளம் உடையவர்கள் தான் இந்த உலகின் சிறந்த மனிதர்கள். 

“மார்க்க வணக்க வழிபாடுகளில் அளவுக்கதிகமாக அபரிமிதமாக செய்பவன் நாசமாவான்” 

அல்லாஹுவால் அருளப்பட்ட இவ்வுலக ஆசாபாசங்களில் பங்கெடுத்து அதே நேரத்தில் அல்லாஹுவை மறந்து விடாமல் அவனையும் நினைத்து வாழ்பவனே நபி ஸல்லல்லாஹு அலைஹி வஸல்லம் வழி நடப்பவன் என்பதை கீழ்க்காணும் ஹதீஸ் நமக்கு தெளிவாக்குகிறது.

ஒரு தடவை மூன்று நபர்கள் நபி ஸல்லல்லாஹு அலைஹி வஸல்லம் அவர்களின் இல்லம் சென்று நபியவர்களின் தினசரி வணக்கங்கள் எப்படியிருந்தது என வினவினார்கள்.

நபி ஸல்லல்லாஹு அலைஹி வஸல்லம் அவர்களின் இறைவணக்கங்கள் சாதாரணமாக, நடுநிலையாக இருப்பதை அறிந்த அம்மூவரும் நபி ஸல்லல்லாஹு அலைஹி வஸல்லம் அவர்களின் முன், பின் பாவங்களனைத்தும் மன்னிக்கப்பட்டு விட்டன, எனவே அவர்களது வணக்க வழிப்பாடுகள் நடுநிலையாக இருக்கலாம். அவர்களுடன் ஒப்பிட்டு நாம் அங்ஙனம் வணங்குவது மிக மிக குறைவாகும் என நினைத்து ஒருவர் ” நான் இனி இரவு முழுவதும் (விழித்திருந்து நின்று) வணங்குவேன் என்றார்.

அல்லாஹ்வை நேசிப்பதே வெற்றிக்கு உதவும்

      ராஸ்மின் மிஸ்க்      

நபி ஸல்லல்லாஹு அலைஹி வஸல்லம் அவர்கள் கூறினார்கள் : (மூன்று தன்மைகள் அமையப்பெறாத) எவரும் இறைநம்பிக்கையின் சுவையை உணரமாட்டார். (அவை)

1. ஒருவரை நேசிப்பதானால் அல்லாஹ்விற்காகவே நேசிப்பது.

2. இறைமறுப்பிலிருந்து அல்லாஹ் காப்பாற்றியப் பிறகு மீண்டும் அதற்குத் திரும்புவதை விட நெருப்பில் வீசப்படுவதையே விரும்புவது.

3. அல்லாஹ்வும் அவனுடைய தூதரும் மற்றெதையும் விட அவருக்கு நேசத்திற்குரியோராவது. (அறிவிப்பவர் : அனஸ் பின் மாஆக் ரளியல்லாஹு அன்ஹு, நூல் : புகாரி 6041)

தன்னை முஸ்லிம் என்று சொல்லிக்கொள்பவர்களில் ஏராளமானோர் அல்லாஹ்வை நேசிப்பதின் அவசியத்தை உணராதவர்களாகத் தான் இருக்கிறார்கள். எனவே தான் தன் தாய் தந்தை நண்பர்கள் இன்ன பிற உறவினர்களை விரும்புவது போல் கூட அல்லாஹ்வை அவர்கள் நேசிப்பதில்லை.

தொழுகைக்கு வரும் தொழுகையாளிகளில் உண்மையில் அல்லாஹ்வின் மீது உள்ள நேசத்தால் தொழக்கூடியவர்கள் எத்தனை பேர்? அல்லாஹ்வை விரும்பியதினால் மனப்பூர்வமாக இஸ்லாத்தை ஏற்றுள்ளவர்கள் எத்தனை பேர்?

அற்பமாகக் கருதப்படும் அழகிய நன்மைகள்

கண்ணியமும் மகத்துவமுமிக்க அல்லாஹூதஆலா தன்னுடைய திருமறையில் கூறுகின்றான்:

ஒவ்வொருவருக்கும் முன்னோக்கும் இலக்கு உள்ளது. அவர் அதை நோக்குகிறார். எனவே நன்மைகளுக்கு முந்திக் கொள்ளுங்கள். நீங்கள் எங்கே இருந்தாலும் உங்கள் அனைவரையும் அல்லாஹ் கொண்டு வருவான். அனைத்துப் பொருட்கள் மீதும் அல்லாஹ் ஆற்றலுடையவன். (அல்குர்ஆன்: 2: 148)

முஸ்லிம்களாக இருக்கக்கூடியவர் அனைவரும் தாம் இறந்த பிறகு மறுமையில் நற்பேற்றினைப் பெற்றிட வேண்டும் என்றுதான் விரும்புவார்கள். அதற்காக தங்களால் இயன்ற அளவிற்கு நற்செயல்களும் செய்து வருவார்கள்.

மறுமையில் நாம் சொர்க்கம் செல்ல வேண்டுமென்றால் நாம் கொண்டுள்ள நம்பிக்கை மட்டும் போதாது. நற்செயல்களும் அவசியம் என்பதை மேலே கூறியுள்ள குர்ஆன் வசனத்தில் அல்லாஹ் தெளிவுப்படுத்துகிறான்.

மேலும் அல்லாஹூதஆலா கூறுகிறான்:

நம்பிக்கைக் கொண்டோரே! ருகூவு செய்யுங்கள்! ஸஜ்தா செய்யுங்கள்! உங்கள் இறைவனை வணங்குங்கள். நன்மையைச் செய்யுங்கள்! நீங்கள் வெற்றி பெறுவீர்கள் (அல்குர்ஆன்: 22:77)

மூன்று பாத்திரங்கள் நிரம்பினால் தளம்பாது

[ உலகில் ஒரு மனிதனது செயல்களை மக்கள் மதிப்பீடு செய்து பாராட்டுவது போன்று அல்லது இகழுவது போன்று மறுமையிலும் ஒரு மனிதனது வாழ்க்கைக் காலத்தை அவன் எத்தகைய சாதனைகள் மூலம் நிரப்பினான் என்ற மதிப்பீடு நடக்கும்.

அந்த மதிப்பீட்டைச் செய்பவர்கள் அல்லாஹ்வும் அவனது தூதரும் இறை விசுவாசிகளுமாவார்கள். அந்த இறை விசுவாசிகளில் எத்துனை பேரறிஞர்கள், இமாம்கள், சாதனையாளர்களிருந்து எங்களது வாழ்க்கைப் பாத்திரத்தைக் கொட்டி பரிசீலனைக்குட்படுத்தப் போகின்றார்களோ யார் அறிவார்.

அந்த நேரம் ஒரு மனிதனின் 60 ஆண்டு வாழ்க்கை வெறுமையானதாக, அல்லது பயனற்ற செயல்களால் யாருக்கும் உபயோகமற்ற வீண் பொழுதுபோக்குகளால் நிரம்பி இருக்குமாயின் அவன் எந்த முகத்தோடு தலை நிமிர்ந்து நிற்க முடியும்?

உலகில் பெரும்பான்மையானவர்கள் ஐயறிவுள்ள ஒரு ஜீவனைப் போல் உயிர் வாழ வேண்டும் என்று ஆசைப் படுகிறார்களே தவிர, வேறு இலட்சியங்கள் எதனையும் அவர்களிடம் காண முடியாது.]

மாற்றுக் கருத்துக்களும் மாறக் கூடாத நட்புகளும்

”மாற்றான் தோட்டத்து மல்லிகைக்கும் மணம் உண்டு” - அறிஞர் அண்ணா அவர்கள் எதிர்கட்சியில் இருந்த போது, அவர்களது கருத்துக்களையும் அரசு கேட்க வேண்டும் என்ற எண்ணத்தில் உதிர்த்த முத்தான வார்த்தை இது .

இந்த உலகத்திற்கு வந்து மறைந்து போனவர்கள் எண்ணிலடங்காதவர்கள். இரண்டு மூன்று தலைமுறைகளுக்குப் பின் அவர்களது சந்ததியினர்களுக்குக் கூட அவர்களது முந்திய தலைமுறைகள் குறித்து ஞாபகமிருப்பதில்லை. ஆனால் சில தலைவர்களின் பெயர்கள் இன்றளவும் மக்கள் மத்தியில் இருக்கின்றது . ஆழ்ந்து கவனித்தால் தெரியும். அவர்கள் எவ்வாறு பிறர் கருத்துக்களை உள்வாங்கி பிறகு, தங்களது கருத்துக்களை மேம்படுத்தி செயல்படுத்தினார்கள் என்பது

இது இன்றளவில் நம்மிடையே எப்படியிருக்கின்றது என்று பார்ப்போம்,

நமது வட்டத்திற்குள் வசிப்பதே நமக்கு சுகமாக இருக்கின்றது.இந்த வட்டம் எதுவென்றால் அது நாம் சொல்வதை ஆமோதிப்பவர்களின், பாராட்டுபவர்களின் வட்டம் ஆகும். நமது ”Comfort Zone” என்று ஆங்கிலத்தில் குறிப்பிடுவார்கள். ஆனால் நாம் என்று நமது வட்டங்களை தாண்டுகிறோமோ அன்று தான் நமது சிந்தனைகள், பார்வைகள் அதன் விளைவாக வெளிப்படும் உன்னதமான செயல்பாடுகள் பரந்து விரிகிறது.

இஸ்லாமிய சிந்தனையின் தேக்க நிலையும், விளைவும்

       Usthaz Mansoor      

இஸ்லாம் மனித சமூகத்திற்கான இறுதித் தூது. மனிதர்களுக்கு வழிகாட்ட வந்த மார்க்கம் அது.இறை வார்த்தைகளால் ஆனது அதனது அடிப்படை நூலான அல் குர்ஆன்.

உண்மை இவ்வாறாக இருப்பினும் இன்று இம் மார்க்கம் அறிவுத் தலைமையில் இல்லை. மேற்கத்திய உலக சிந்தனைகளே இன்று ஆதிக்கம் செலுத்துகின்றன. இஸ்லாமிய சிந்தனை அதற்குப் பின்னால் செல்வது போன்றே தெரிகிறது.

அரசியலில் ஜனநாயகம்

மனித உரிமைகள் பகுதி

இலக்கியப் பகுதி

பெண்ணின் சமூகப் பங்களிப்பு

உலக அமைதியும், சமாதானமும் கொண்ட நாடுகள் சமூகங்களுக்கு மத்தியிலான சக வாழ்வு...

போன்ற இப்பகுதிகளெல்லாம் இஸ்லாம் முற்போக்கான, நாகரீக சிந்தனைகளை கொண்டில்லை என்ற குற்றச்சாட்டு சுமத்தப்படுகிறது.

அல்லாஹ்வின் வழிபாட்டில் அன்பு, அச்சம், ஆதரவு

     [ அவசியம் படிக்கவும் ]     

வணக்க வழிபாடு குறித்து இஸ்லாம் போதிப்பதில் தனித்தன்மையான விஷயம் ஒன்று உள்ளது. மிக முக்கியமான, மிகவும் அழகான அவ்விஷயம் இதுவே:

அல்லாஹ்வை வணங்குகிறவர்கள் தங்கள் உள்ளங்களில் அவன் மீதான அன்பையும் அச்சத்தையும் ஆதரவையும் உணர்ந்த நிலையில் வணங்க வேண்டும்.

இந்த மூன்று தன்மைகளையும் எப்படி அல்லாஹ்வை வணங்கும்போது கைக்கொள்வது என்கிற கேள்வி முக்கியமானது. இதற்குரிய பதிலை ஒவ்வொரு முஸ்லிமும் கற்றுக்கொள்வது அவசியமே. காரணம், வணக்கத்தின் விஷயத்தில் வழிதவறிச் சென்ற ஒவ்வொரு பிரிவினரும் இங்குதான் சருகினார்கள். நேர்வழியிலிருந்து தடம்புரண்டார்கள்.

பிற மதங்கள் இவ்விஷயத்தில் வழிகெட்டிருப்பதை நாம் கண்கூடாக கண்டு வருகிறோம். தேவனை நேசி என்றும், இயேசுவை நேசி என்றும் கிறித்துவர்கள் கூறுவதின் மூலம் கடவுளுக்குப் பயப்படவும் வேண்டும் என்பதை மறுத்துவிட்டார்கள். யூதர்களைப் பொறுத்தவரையோ அவர்களின் உள்ளங்கள் முழுதும் இறைவன் மீது ஆதரவு வைத்திருத்தல் எனும் நிலையில் இருக்கிறது. தாங்கள் நரக நெருப்புக்குப் போகப் போவதே இல்லை என்றும், ஏனெனில் தாங்கள் வாக்களிக்கப்பட்ட மக்கள் என்றும் நம்பிக்கை கொண்டுள்ளார்கள்.

இஸ்லாமிய மார்க்கத்தைப் பொறுத்தவரை எந்த வணக்கமாக இருந்தாலும் அதில் மூன்று தன்மைகள் இருந்தாக வேண்டும். இல்லையெனில், அது முழுமை பெறாது.

அல்லாஹ்வின் மீது அன்பு, அவனது கருணை மீது ஆதரவு, அவனது தண்டனை மீது அச்சம் ஆகியவை அதில் இணைந்திருக்க வேண்டும். குர்ஆனின் முதல் அத்தியாயமான அல்ஃபாத்திஹாவைச் சந்தித்தால் இவ்விஷயம் அங்கிருப்பதைப் பார்க்க முடியும்.

அல்லாஹ்   நம் பக்கம் இருக்கும்போது நாம் ஏன் மற்றவருக்கு பயப்பட வேண்டும்!.

If Allah is with us who can be against us!

சர்வாதிகாரம் இஸ்லாத்தில் கிடையாது. நினைத்தவாறு நடக்கும் ஒரு அரசினை இஸ்லாம் அனுமதிக்கவில்லை

இறைவனால் அருளப்பட்ட மார்க்கம் இஸ்லாம். அது ராணுவ ஆட்சியை ஆதரிக்கவில்லை. அதுபோல் இஸ்லாத்தில் யாரையும் கட்டாயப் படுத்தி இணைக்க வேண்டிய அவசியமில்லை மற்றும் அது அனுமதிக்கவுமில்லை

"(இஸ்லாமிய) மார்க்கத்தில் (எவ்வகையான) நிர்ப்பந்தமுமில்லை. வழிகேட்டிலிருந்து நேர்வழி முற்றிலும் (பிரிந்து) தெளிவாகிவிட்டது. ஆகையால், எவர் வழி கெடுப்பவற்றை நிராகரித்து அல்லாஹ்வின் மீது நம்பிக்கை கொள்கிறாரோ அவர் அறுந்து விடாத கெட்டியான கயிற்றை நிச்சயமாகப் பற்றிக் கொண்டார் - அல்லாஹ்(யாவற்றையும்) செவியுறுவோனாகவும் நன்கறிவோனாகவும் இருக்கின்றான்." (2:256)

யாரும் இஸ்லாத்திற்கு வர விரும்பினால் அவர்கள் சுய சிந்தனையோடு அவர்கள் விரும்பியே இஸ்லாத்திற்குள் இணைவதனை இஸ்லாம் விரும்புவதுடன் அதுதான் இஸ்லாமிய சட்டமாக உள்ளது. யாரையும் கட்டாயப்படுத்தி முஸ்லிமாக்கக் கூடாது என்பது இஸ்லாத்தின் கொள்கையாக இருக்கும் நிலையில் ஒரு முஸ்லீம் இராணுவ பலத்தைக் கொண்டு சர்வாதிகாரியாக இருந்து தனது ஆட்சியை திணிக்க உரிமை கிடையாது..

இசையை ஒரு வணக்கமாக...!

இஸ்லாத்தைத் தவிர ஏனைய மதங்கள் அனைத்தும் இசையை ஒரு வணக்கமாகவும் வழிபாடாகவும் கருதுகின்றன. அதனால் தான் கோயில்களிலும் சர்ச்சுகளிலும் இசைக் கருவி வாத்தியங்கள் வாசிக்கப் படுகின்றன. மேள தாளங்கள் முழங்கப்படுகின்றன.

இதற்கு இஸ்லாம் ஒரு விதிவிலக்கு! இஸ்லாம் இதை எதிர்த்து நிற்கின்றது. எனவே உலகெங்கிலும் உள்ள பள்ளிவாசல்களில் ஒரு பள்ளிவாசலில் கூட இன்னிசைப் பாட்டுகள் இடம் பெறுவதில்லை.

இந்த அடிப்படையில் தான் தொழுகைக்கு அழைக்கப்படும் இஸ்லாமிய அழைப்பு என்பது மணியோசையாகவோ, ஊதியின் நாதமாகவோ இல்லாமல் ஒரு வித்தியாசமான, செவிக்கு இதமான பாங்கோசையாக அமைந்திருக்கின்றது.

மக்களின் எண்ணிக்கை அதிகமான போது, அவர்கள் அறிந்திருக்கின்ற ஏதாவது ஒரு முறையில் தொழுகையின் நேரத்தை அறிந்து கொள்ள ஆலோசித்தனர். அப்போது நெருப்பை மூட்டுவதன் மூலமோ மணி அடிப்பதன் மூலமோ அறிந்து கொள்ளலாம் என கருத்து சொல்லப்பட்டது. ஆனால் பாங்கின் வாசகங்களை இரட்டை இரட்டையாகவும் இகாமத்தின் வாசகங்களை ஒற்றையாகவும் சொல்லுமாறு பிலால் ரளியல்லாஹு அன்ஹு கட்டளையிடப்பட்டார்கள். (அறிவிப்பவர்: அனஸ் ரளியல்லாஹு அன்ஹு, நூல்: புகாரி 606)

பதப்படுத்தப்படாத மம்மியும், பாதிப்படையாத ஷஹீதுகளும்

        ரஹ்மத் ராஜகுமாரன்         

பண்டை எகிப்து நாகரிகத்தில் அரசர்கள் இறந்தவுடன் மறு உலகிற்கு செல்வதாகவும், அவ்வுலகில் வாழ அவர்களுக்கு இப்பூவுலக உடல் தேவைப்படுவதாகவும் இறந்த அரசர்களின் சடலங்களை பாதுகாப்பது எனப்பட்டதால் மம்மி தொழில் நுட்பம் எகிப்தில் வளர ஆரம்பித்தது.

சடலத்தில் இருந்து நுரையீரல், கல்லீரல் .குடல் மற்றும் மூளை ஆகியவற்றை நீக்கி விடுவார்கள். மூக்கு வழியாக சிறிய குழலை மண்டை வரை செலுத்தி மூளையை உறிஞ்சி எடுத்து விடுவார்கள்.

இவ்வாறு அழுகும் இவ்வுறுப்புகள் வெளியே எடுப்பதால் மொத்த உடலும் அழுகாமல் பாதுகாக்கப்படுகிறது.

பின் உடலுக்குள்ளும் வெளியேயும் நேட்ரான் (Natron) என்னும் வேதியல் பொருளால் தடவப்பட்டு ஒரு அலங்காரமான பேழையில் சடலம் பாதுகாக்கப்படுகிறது.

அட, சொல்ல மறந்து விட்டேனே, உடலிலிருந்து இதயம் மட்டும் வெளியே எடுப்பதில்லை .காரணம் அதுதான் அம்மனிதன் மனம் ,சிந்தனை, ஞாபகம், காதல், இயக்கம் போன்றவை இருப்பதாக அவர்கள் நம்பினார்கள். இதெல்லாம் மூளையின் செயல் என்று அவர்களுக்கு தெரிந்திக்கவில்லை.

மனிதன் மரியாதைக்குரியவன்!

     முனைவர் மௌலவி நூ. அப்துல் ஹாதி பாகவி பிஎச்.டி.   

ஏழை-பணக்காரர் எனப் பொருளாதாரத்தில் ஏற்றத்தாழ்வு இருந்தாலும், கருப்பு-வெள்ளை என உடலின் நிறத்தில் வேறுபாடு இருந்தாலும், ஆண்-பெண் எனப் பாலின வேறுபாடு இருந்தாலும் மனிதன் மரியாதைக்குரியவன். ஒருவருக்கொருவரின் மதிப்பு, மரியாதையில் கூடுதல் குறைவு இருந்தாலும் ஒவ்வொரு மனிதருக்கும் தனிப்பட்ட மரியாதை உண்டு. இதுவே இஸ்லாமிய மார்க்கம் வகுத்துள்ள மனிதச் சமத்துவம்; மனித உரிமை.

மனிதனை அவமதிப்பதோ, கேவலப்படுத்துவதோ, அசிங்கப்படுத்துவதோ, மானபங்கப்படுத்துவதோ ஒருபோதும் கூடாது. சுருக்கமாக, யாருடைய மனதும் புண்படுமாறு நடந்துகொள்ளக்கூடாது. ஒவ்வொருவரையும் மதிக்க வேண்டும். ஏனென்றால் மனிதன் மரியாதைக்குரியவன்.

அல்லாஹ் கூறுகின்றான்: நிச்சயமாக ஆதமின் மக்களை (மனிதர்களை) நாம் கண்ணியப்படுத்தியுள்ளோம். அவர்களைத் தரையிலும் கடலிலும் (வாகனங்கள் மூலம்) நாமே சுமந்து செல்(லும்படிச் செய்)கிறோம். நல்ல உணவுகளையும் நாமே அவர்களுக்கு அற்க்கிறோம். மேலும் நாம் படைத்துள்ள பெரும்பாலானவற்றைவிட அவர்களுக்குக் கூடுதல் சிறப்புகளை வழங்கியுள்ளோம். (அல்குர்ஆன் 17: 70)

இவ்வசனத்தில் "நாம் படைத்துள்ள பெரும்பாலானவற்றைவிட அவர்களுக்குக் கூடுதல் சிறப்புகளை வழங்கியுள்ளோம்'' எனும் அல்லாஹ்வின் கூற்று கவனிக்கத்தக்கது. இவ்வுலகில் படைக்கப்பட்டுள்ள கோடானு கோடிப் படைப்புகளைவிட மனிதனே உயர்வானவன்; மரியாதைக்குரியவன் என்பது நமக்குப் புலப்படுகிறது.

ஷைத்தானிய சூழ்ச்சிகளை தகர்த்தெரிந்து அல்லாஹ்வின் அருளைப்பெற, முஸ்லிம்கள் செய்ய வேண்டியது என்ன?

[  ''நம்பிக்கை கொண்டவர்களே! நீங்கள் தீனுல் இஸ்லாத்தில் முழுமையாக நுழைந்துவிடுங்கள். தவிர ஷைத்தானுடைய அடிச்சுவடுகளை நீங்கள் பின்பற்றாதீர்கள். நிச்சயமாக அவன் உங்களுக்கு பகிரங்கமான பகைவன் ஆவான்''. (2:208)

''...மெய்யாகவே, காஃபிர்கள், முஃமின்கள் மீது வெற்றி கொள்ள அல்லாஹ் யாதொரு வழியும் ஆக்கவே மாட்டான். (4:141)

''...அல்லாஹ் தன் திருவாக்குகளால் சத்தியத்தை நிலைநாட்டவும் காஃபிர்களை வேரறுக்கவுமே நாடுகிறான்.(8:7)

''எவர்கள் ஷைத்தான்களை வணங்குவதைத் தவிர்த்துக் கொண்டு, அவற்றிலிருந்து விலகி முற்றிலும் அல்லாஹ்வின் பால் முன்னோக்கியிருக்கிறார்களோ, அவர்களுக்குத்தான் நன்மாராயம். ஆகவே என்னுடைய நல்லடியார்களுக்கு நன்மாராயங் கூறுவீராக!'' (39:17)

''எத்தனையோ சிறு கூட்டத்தார்கள், பெருங் கூட்டத்தாரை அல்லாஹ்வின் அருள் மிக்க அனுமதி கொண்டு வென்றிருக்கின்றார்கள். மேலும் அல்லாஹ் பொறுமையாளர்களுடன் இருக்கின்றான்''. (2:249)

''எனவே நீங்கள் தைரியத்தை இழக்காதீர்கள். கவலையும் கொல்லாதீர்கள் நீங்கள் முஃமின்களாக இருந்தால் நீங்கள் தாம் உன்னதமானவர்களாக இருப்பீர்கள். (3:139)]

மனிதர்களால் குறையும் பூமி!

"அவர்களால் பூமி எவ்வளவு குறைந்திருக்கிறது என்பதை அறிவோம். நம்மிடம் பாதுகாக்கப்பட்ட ஏடு உள்ளது." (திருக்குர்ஆன் 50:4)

"அல்லாஹ் உங்களை பூமியிலிருந்தே வளர்த்து பெரிதாக்கினான்." (திருக்குர்ஆன் 71:17)

உலகில் வாழும் மனிதர்களால் பூமி குறைகிறது என்ற தத்துவம் இவ்வசனங்களில் சொள்ளப்பட்டிருக்கிரத். அதில் மிகப்பெரிய உண்மை அடங்கியிருக்கிறது.

பூமியில் எவ்வளவு உயிரினங்கள் உருவானாளுமதற்குரிய எடை வெளியிலிருந்து கிடைப்பதில்லை. பூமியுடைய எடை குறைந்து தான் அது மனிதனாக, மிருகங்களாக,மரங்களாக மற்ற உயிரினங்களாக உற்பத்தியாகின்றன.

இப்படியே முளைக்கின்ற, வளருகின்ற எல்லாப் பொருளுமே தங்களின் எடையை பூமியிலிருந்து தான் எடுத்துக் கொள்கின்றன.

எத்தனை கோடி மக்கள் பெருகினாலும் அதனால் பூமியுடைய எடை கூடாது. இந்த மக்களோடு சேர்த்து பூமியை எடை போட்டால் ஆரம்பத்தில் பூமியை படைத்த போது இருந்த அதே எடை தான் இருக்கும்.

ஒன்று கூடும் இடங்களும் ஒழுங்குகளும்!

மனிதர்கள் அனைவரும் தமது தேவைகளுக்காக வீட்டை விட்டு வெளியே சென்றாக வேண்டிய நிலையில் உள்ளனர். அவ்வாறு செல்லக்கூடிய இடங்கள் நாம் வேலை செய்யும் அலுவலகம், கடைவீதிகள், பேருந்து நிறுத்தங்கள், காய்கறிகடைள், ரயில் நிலையங்கள், திருமண மண்டபங்கள், இப்படி பல்வேறு இடங்களுக்கு செல்கிறோம். இங்கே நம்மை போல் பலரும் வருவார்கள். இவ்வாறு கூட்டமாக சேருமிடங்களில் எவ்வாறு நடந்து கொள்ள வேண்டும் என்பதை அனைவரும் தெரிந்து வைத்துக்கொள்வது அவசியமாகும்.

      புறப்படும் போது      

முதலில் வீட்டை விட்டு வெளியே போகும் போதே அல்லாஹ்விடம் பிரார்த்தனை செய்து செல்ல வேண்டும். ஏனென்றால் நாம் போகும் இடங்களில் ஏற்படும் அனைத்து பிரச்சனைகளுக்கும் அல்லாஹ்வை பொறுப்பாளனாக்கி செல்வதே சிறந்தாகும்.

நபி ஸல்லல்லாஹு அலைஹி வஸல்லம் அவர்கள் வீட்டை விட்டு வெளியே செல்லும் போது துஆச் செய்து செல்வார்கள்.

 أَخْبَرَنِي مُحَمَّدُ بْنُ قُدَامَةَ قَالَ حَدَّثَنَا جَرِيرٌ عَنْ مَنْصُورٍ عَنْ الشَّعْبِيِّ عَنْ أُمِّ سَلَمَةَ
أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا خَرَجَ مِنْ بَيْتِهِ قَالَ بِسْمِ اللَّهِ رَبِّ أَعُوذُ بِكَ مِنْ أَنْ أَزِلَّ أَوْ أَضِلَّ أَوْ أَظْلِمَ أَوْ أُظْلَمَ أَوْ أَجْهَلَ أَوْ يُجْهَلَ عَلَيَّ

பிஸ்மில்லாஹி ரப்பி அவூது பி(க்)க மின் அன் அஸில்ல அவ் அளில்ல அவ் அள்ளம அவ் உள்லம அவ் அஜ்ஹல அவ் யுஜ்ஹல அலய்ய என்று வீட்டைவிட்டு வெளியேறும் போது கூறுவார்கள். (நூல்: நஸயீ 5391,5444)

(பொருள் : அல்லாஹ்வின் பெயரால் (வெளியேறுகிறேன்).என் இறைவா! நான் சருகி விடாமலும் வழிதவறிவிடாமலும் அநீதி இழைக்காமலும், அநீதி இழைக்கப்படாமலும், மூடனாகாமலும், (பிறரை)மூடனாக்காமலும், இருக்க உன்னிடம் பாதுகாப்புத் தேடுகிறேன்.)

நபி வழியில் தண்ணீர் சிக்கனம்!

      ஹழரத் அலி       

ஒவ்வொருவரும் தெரிந்துகொள்ள வேண்டிய முக்கியமான செய்தி

அல்லாஹ் மனிதனைப் படைத்து அவன் வாழ்வதற்குத் தேவையான ஏராளமான அருட்கொடை களை தனது தனிப்பட்ட பெருங் கருணையினால் வழங்கி வருகிறான். இந்த அருட்கொடைகளில் நாம் சுவாசிக்கும் காற்றுக்கு அடுத்தப்படியாக மிக முக்கியமானது தண்ணீர் என்பதை அனைவரும் அறிவோம்.

இந்த தண்ணீருக்கு அடிப்படை ஆதாரமாக அனைவரும் விளங்கக்கூடிய மழையை அல்லாஹ் நிறுத்திவிட்டால் மனிதர்கள் மட்டு மின்றி காட்டில் வாழ்கின்ற விலங்கினங்களும் பெரும் சிரமத்திற்கு உள்ளாவதை பார்க்கிறோம்.

மழை பொழிய வேண்டிய காலங்களில் மழை பொழியாமல் இருந்தால், நாட்டில் உள்ள நீர்நிலை ஆதாரங்களான ஆறு, ஏரி, குளம் மற்றும் அணைகள் அனைத்தும் வறண்டுவிடுகின்றன. இதனால் மக்கள் குடிநீருக்கே அவதிப்படும் இந்தச் சூழலில் முஸ்லிம்கள் எந்த முறையில் தண்ணீர் சிக்கனத்தை மேற்க்கொள்ள வேண்டும் என்கின்ற அறிவை பெற்றுக் கொள்வது மிக அவசியம். இதற்கான வழிமுறைகளில் ஒருசிலவற்றை நபிமொழிகளின் அடிப்படையில் பார்ப்போம்.

பாம்பின் தோற்றத்தில் ஜின்களின் நடமாட்டம்

முதுகில் இரண்டு வெள்ளைக் கோடுகள் உள்ள பாம்பையும் குட்டை வால் பாம்பையும் கொல்லுங்கள். ஏனெனில், அது பார்வையை பறித்துவிடும். கர்ப்பத்தைக் கலைத்து விடும் என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: இப்னு உமர் ரளியல்லாஹு அன்ஹு, நூல்: முஸ்லிம்-4491, புகாரி-3297)

இப்னு உமர் ரளியல்லாஹு அன்ஹு அவர்களது வீட்டில் பள்ளிவாசலுக்குச் சமீபமாகச் செல்லும் வகையில் ஒரு வாசல் அமைப்பது குறித்து இப்னு உமர் ரளியல்லாஹு அன்ஹு அவர்களிடம் பேசினார்கள்.

(வாசலமைக்கும் பணி நடைபெற்ற போது) பணியாளர்கள் பாம்பின் சட்டை யொன்றைக் கண்டனர். அப்போது இப்னு உமர் ரளியல்லாஹு அன்ஹு அவர்கள் பாம்பைத் தேடிப் பிடித்துக் கொல்லுங்கள் என்று கூறினார்கள்.

அதற்கு அபூ லுபாபா ரளியல்லாஹு அன்ஹு அவர்கள், வீட்டிலுள்ள (மெல்லிய வெண்ணிறப்) பாம்புகளைக் கொல்ல வேண்டாமென அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் தடை செய்துள்ளார்கள் என்று சொன்னார்கள். (அறிவிப்பவர்: நாபிஉ ரளியல்லாஹு அன்ஹு, நூல்: முஸ்லிம்-4494)

குகையிலிருந்து புதையல்கள்

நபி ஸல்லல்லாஹு அலைஹி வஸல்லம் அவர்கள் கூறினார்கள்: “எவர் சூரத்துல் கஹஃப்ஃபை வெள்ளிக்கிழமையன்று ஓதுகிறாரோ அவருக்கு அது அந்த வெள்ளிக்கிழமையிலிருந்து மறு வெள்ளிக்கிழமை வரை ஒளியாக இருக்கும்.”

ஒவ்வொரு வாரமும் ‘சூரத்துல் கஹஃப்’ஓதி இந்த மகத்தான கூலியைப்பெற்று பயன்பெற திட்டமிடுகிறீர்களா?

இவ்வத்தியாயத்தில் உள்ள, அன்றாட வாழ்வின் பாடங்கள் அடங்கிய நான்கு அழகிய கதைகளின் கருத்துக்கள் உங்களுக்குத் தெரியுமா?

இக்கதையின் முக்கிய கருத்து ‘அறிவு’. நீங்கள் எப்படி ஒரு ஆக்கபூர்வமான அறிவைத் தேடுபவராக இருக்க முடியும்? அறிவைத் தேடுபவருடைய பண்பாடுகள் எவை? உங்கள் கல்வியில் வெற்றி பெறத்தேவையான எந்த சிறப்பியல்புகளைப் பெற நீங்கள் கடுமையாக முயல வேண்டும்?

‘உங்களுக்குக் கற்றுக் கொடுக்கப்பட்ட நன்மையானவற்றை நீங்கள் எனக்குக் கற்பிக்கும் பொருட்டு, உங்களை நான் பின் தொடரட்டுமா?’ என அவரிடம் மூஸா கேட்டார்.’ (அல் குர்ஆன்18:66)