வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

வேலூர் ''பாக்கியாதுஸ்ஸாலிஹாத்'' ஆரம்பிக்கப்பட்டதன் நோக்கமும் அஃலா ஹளரத் அவர்களின் ஃபத்வாவும் Print E-mail
Friday, 18 November 2011 11:38

வேலூர் ''பாக்கியாதுஸ்ஸாலிஹாத்'' ஆரம்பிக்கப்பட்டதன் நோக்கமும் அஃலா ஹளரத் அவர்களின் ஃபத்வாவும்

ஒவ்வொரு இஸ்லாமிய இணையதலத்திலும் இடம்பெறவேண்டிய மிக முக்கியமான கட்டுரை

வேலூர் 'பாக்கியாதுஸ்ஸாலிஹாத்' ஆரம்பிக்கப்பட்டதன் நோக்கமே பித்அத்-அனாச்சாரங்களை ஒழிப்பதற்குத்தான்!

[ இந்திய துணைக்கணடத்தைப் பொருத்தவரை தேவ்பந்தில் ஆரம்பிக்கப்பட்ட தாருல் உலூமின் அறிஞர்கள், அதில் கற்றுத்தேறிய மாணவர்கள் உலகம் முழுவதும் குறிப்பாக இந்திய துணைக்கண்டத்தின் மூலை முடுக்குகளுக்கெல்லாம் சென்று இந்த உண்மைக் கொள்கையை தியாக உணர்வோடு விருப்பு, வெறுப்புகளுக்கு, மனமாச்சர்யங்களுக்கு இடமளிக்காமல் மனத்தூய்மையோடு உறுதியாக எடுத்து வைத்தார்கள்.

அப்போது உலகமே தாருல் உலூம் தேவ்பந்தை திரும்பிப் பார்த்தது. அதன் பிறகு இந்த சீர்திருத்தப் பணிகளில் ஈடுபடும் அனைவரும் தாருல் உலூம் தேவ்பந்துடன் தொடர்பை ஏற்படுத்திக் கொண்டார்கள். எல்லா இடங்களிலும் தாருல் உலூம் தேவ்பந்தை முன்மாதிரியாகக் கொண்டு பல மதரஸாக்கள் நிறுவப்பட்டன. அதற்குப்பிறகு ஷிர்க், பித்அத்-அனாச்சாரங்கள், சமூகக் கொடுமைகளை எதிர்த்தும், சுன்னத்துகளை பாதுகாத்து தீனை நிலைநாட்டும் அறிஞர்கள் யாவரும் தேவ்பந்த் கொள்கைக்காரர்கள் என்று அடையாலம் காணப்பட்டனர்.

அஃலா ஹளரத் ரஹ்மதுல்லாஹி அலைஹி அவர்கள் என்ன நோக்கத்திற்காக வேலூர், ''பாக்கியாதுஸ்ஸாலிஹாத்'' மதரஸாவை ஆரம்பித்தார்களோ அந்த உயர்ந்த இலட்சியத்திற்கு முரணான கொள்கை சுமார் 60 வருடங்களுக்கு முன்னாலேயே பாக்கியாத்தில் திணிக்கப்பட்டு அப்போதே பாக்கியாத் ஆக்கிரமிக்கப்பட்டுவிட்டது என்பதே சத்தியம். விருப்பு வெறுப்பின்றி இந்த வரலாற்று உண்மையை நடுநிலைப் பார்வையோடு ஆராய்ந்து பார்த்தால் இது புரிய வரும். - மனாருல் ஹுதா ]

Read more...
 
"இன்றைய தினம் உங்கள் மார்க்கத்தை உங்களுக்காக நிறைவு செய்துவிட்டேன்' எனும் இறைவாக்கை அலட்சியப்படுத்தும் 'பித்அத்' வழிகேடர்கள்! Print E-mail
Monday, 04 March 2013 06:35

"இன்றைய தினம் உங்கள் மார்க்கத்தை உங்களுக்காக நிறைவு செய்துவிட்டேன்.' எனும் இறைவாக்கை அலட்சியப்படுத்தும் 'பித்அத்' வழிகேடர்கள்!

தான் நினைப்பதையெல்லாம் செய்யத் தகுதியுள்ள ஒரேயொரு இறைவனாகிய அல்லாஹ், மனிதர்கள் இவ்வுலகில் இஸ்லாத்தை வாழ்க்கை நெறியாக எடுத்து, அல்லாஹ்வை மட்டும் வணங்கி, அவனுக்கு கட்டுப்பட்டு வாழ்வதற்காக மனிதர்களைப் படைத்திருக்கின்றான். அல்லாஹ் நம்மை எதற்காக படைத்திருக்கின்றான் என்பதை ஒவ்வொருவரும் உணர்ந்து தங்களின் வாழ்க்கையை அமைத்துக் கொள்ளவேண்டியது கடமையாகும்.

அல்லாஹ் ஒவ்வொரு சமுதாயத்திற்கும் தூதர்களை அனுப்பி மக்களே! நீங்கள் அல்லாஹ்வை மட்டும்தான் வணங்கவேண்டும், அவனைத்தவிர வேறு யாரையும் வணங்கக்கூடாது, அவனுக்கு நிகராக எந்தவொன்றையும் இணையாக்கிவிட வேண்டாம் என்று மனிதர்களுக்கு இஸ்லாம் மார்க்கத்தை கற்றுக்கொடுக்க வைத்தான். ஒவ்வொரு காலத்திற்கும் தூதர்களை அனுப்பி இறுதியாக ஒட்டுமொத்த சமுதாயத்திற்கும் முஹம்மது நபி ஸல்லல்லாஹு அலைஹிவஸல்லம் அவர்களை இறுதி நபியாக அனுப்பினான்.

முஹம்மது நபி ஸல்லல்லாஹு அலைஹிவஸல்லம் அவர்கள் 23 வருடங்களாக இஸ்லாத்தை தன் வாழ்க்கை நெறியாக எடுத்து வாழ்ந்து, அதைப் பிறருக்கும் எத்திவைத்து வந்தார்கள். பின்னர் அவர்களின் இறுதிக்கால கட்டத்தில், அதாவது அவர்கள் மரணிப்பதற்கு சில நாட்களுக்கு முன் அரபா மைதானத்தில் இஸ்லாத்தை ஏற்றுக்கொண்டிருந்த அனைத்து மக்களையும் அழைத்து இறுதியாக பெரிய உரை ஒன்றை நிகழ்த்தினார்கள். அந்தப் பேருரையில் 23 வருடகாலமும் இஸ்லாத்தைப்பற்றி கூறிய அனைத்தையும் ஒரு சுருக்கமாக கூறிவிட்டு, இன்றைய தினத்தோடு இஸ்லாம் மார்க்கம் முழுமையாக்கப்பட்டு விட்டதாகவும் கூறினார்கள்.

Read more...
 
குஃப்ரின் மீது எழும் தனிமனிதனதும் சமூகங்களினதும் வரலாற்று முடிவு! Print E-mail
Sunday, 05 February 2012 08:11

குஃப்ரின் மீது எழும் தனிமனிதனதும் சமூகங்களினதும் வரலாற்று முடிவு!

''நிராகரிப்பாளர்களின் செயல்கள் வெட்டவெளியில் தோன்றும் கானல் நீரை ஒத்தவை. தாகமுடையோன் அதனை நீரென்றே கருதி விடுகிறான். அங்கே வந்து பார்க்கும் போது தான் அது எதுவுமல்ல என அவனுக்குத் தெரிகிறது. அங்கே அவன் அல்லாஹ்வைக் காண்பான். அல்லாஹ் அவனது கணக்கைப் பூரணமாகத் தீர்த்து விடுகிறான். அல்லாஹ் மிக விரைவாகக் கணக்குக் கேட்கக் கூடியவனாவான்.'' (அல்குர்ஆன்- ஸுரா நூர் : 39)

இந்த வசனம் இறைநிராகரிப்பாளர்களின் செயல்களுக்கு உதாரணம் கூறுகின்றது. அச்செயல்கள் எத்தகைய பெறுமானமும் அற்றவை என்பதே இந்த உதாரணத்தின் சுருக்கமான பொருள்.

இஸ்லாம் வாழ்க்கையை உலகம் என்ற சிறிய, குறுகிய பகுதியோடு மட்டும் முடித்துக் கொள்ளவில்லை. மனிதன் உலகில் தோன்றியது தொடங்கி சுவர்க்கம் அல்லது நரகம் என்பது வரையில் வாழ்க்கைச் சாலை நீண்டிருக்கின்றது என்பது அதன் திட்டவட்டமான கருத்தாகும்.

செயல்களின் பெறுமானம் இந்த கணிப்பீட்டை வைத்தே மதிப்பிடப்படல் வேண்டும். இந்த வகையில் ஈமானின் அடிப்படையில் செயல்கள் அமையாத போது அது எந்தப் பயனும் அற்றதாக பெறுமானம் இல்லாததாக மாறி விடுகிறது.

இத்தகைய பரந்த கண்ணோட்டத்தில் மனிதன் செயல்களை நோக்குவதில்லை. குறிப்பாக பௌதிக உலக முன்னேற்றங்களிலும் மதச்சார்பற்ற சிந்தனையிலும் மூழ்கி, மூச்சுத் திணறிக் கெர்ணடிருக்கும் தற்கால மனிதன், உலோகாயத அடிப்படையில் செயல்கள் நோக்குகிறான்.

Read more...
 
மனித சமுதாயத்தின் வழிகேட்டிற்கு முழுமுதல் காரணமாக இருந்தவர்கள் யார்? Print E-mail
Friday, 02 December 2011 07:20

மக்கள் நலம் நாடுவோரே சிந்தியுங்கள்!

நடுநிலையோடு சிந்திப்பவர்களுக்கு இன்றைய உலகின் நிலை தெளிவாகவே விளங்கும். மனிதன் செய்யக் கூடாதவை எவை எல்லாம் உண்டோ அவை அனைத்தையும் பெருமையுடன் செய்யும் இழி நிலைக்கு இன்று மனித குலம் தள்ளப்பட்டுள்ளது. நான்கு கால் மிருகங்களை விட கேடு கெட்ட வாழ்க்கையை இரண்டு கால் மனிதன் செய்யும் நிலைக்கு மனிதன் தாழ்ந்துள்ளான்.

1500 வருடங்களுக்கு முன்னால் மடமை நிறைந்த மக்கள் வாழ்ந்து கொண்டிருந்தார்கள். குடிப்பதில் பெருமை, விபச்சாரம் செய்வதில் பெருமை, கொள்ளை அடிப்பதில் பெருமை, கொலை செய்வதில் பெருமை, சூதாடுவதில் பெருமை, மூட நம்பிக்கைகளில் பெருமை என அனைத்து வகை ஒழுங்கீனங்களிலும் பெருமை பேசும் சமுதாயமாக மனித சமுதாயம் வாழ்ந்து கொண்டிருந்த காலம்.

தகப்பனுக்குப் பின்னால், தகப்பனின் மனைவிகளையே தாரமாக்கிக் கொள்ளும் மடமை. அளவுக்கதிகமான பெண்களை தாரமாக்கிக் கொள்வதில் பெருமை, பெண்ணடிமைத்தனம், ஆணாதிக்கம், பெண் சிசுக்களை உயிரோடு குழிதோண்டிப் புதைக்கும் அராஜகம், அற்ப காரணங்களுக்காக தலைமுறை தலைமுறையாகச் சண்டையிட்டுக் கொள்ளும் கோரம், இப்படி அன்றைய மனித குலம் நரக விளிம்பில் நின்று கொண்டிருந்தது. இந்த நிலையை இறைவனது இறுதி வாழ்க்கை வழி காட்டி நெறிநூல் 3:103வது இறைவாக்கில் அழகாகப் படம் பிடித்துக் காட்டுகிறது.

Read more...
 
இறைவனுக்கு இணைவைப்பவர்களின் நம்பிக்கைகள்! Print E-mail
Tuesday, 09 February 2016 07:14

இறைவனுக்கு இணைவைப்பவர்களின் நம்பிக்கைகள்!

அகிலங்களின் இறைவனாகிய அல்லாஹ்வுக்கே அனைத்துப் புகழும் உரித்தானது.

முஸ்லிம்களாகிய நாம் அனைவரும் வணக்க வழிபாடுகளை அல்லாஹ் ஒருவனுக்கே செய்து அவனை ஒருமைப்படுத்த வேண்டும். அல்லாஹ் அல்லாத பிறருக்கு அந்த வணக்க வழிபாடுகளைச் செய்யும் போது அது “தவ்ஹீது” என்னும் ஓர் இறைக்கோட்பாட்டிற்கு எதிர்மறையான “ஷிர்க்” என்னும் இணைவைப்பாகின்றது.

அல்லாஹ் கூறுகின்றான்:

”நிச்சயமாக அல்லாஹ் தனக்கு இணை கற்பிப்பதை மன்னிக்க மாட்டான் அதற்கு கீழ் நிலையில் உள்ள (பாவத்)தை தான் நாடியவர்களுக்கு மன்னிப்பான். அல்லாஹ்வுக்கு இணை கற்பிப்பவர் மிகப் பெரிய பாவத்தையே கற்பனை செய்கிறார்” (திருக்குர்ஆன், 4:048,116)

இறைவன் தான் மன்னிக்கவே மாட்டேன் என்று கூறிய அந்த மாபெரும் பாவமாகிய ஷிர்க் என்னும் இணைவைத்தல் என்றால் என்று நாம் ஒவ்வொரும் அறிந்து, அதனின்றும் முற்றிலுமாக தவிர்ந்து வாழ வேண்டியது முஸ்லிமான ஆண் பெண் ஒவ்வொருவர் மீதும் இன்றியமையாத கடமையாக இருக்கின்றது.

Read more...
 
பித்அத்துக்களில் ஈடுபடுபவர்கள் அஹ்லுஸ் ஸுன்னாவைச் சார்ந்தவர்களாக இருக்க முடியாது! Print E-mail
Monday, 04 June 2012 06:50

பித்அத்துக்களில் ஈடுபடுபவர்கள் அஹ்லுஸ் ஸுன்னாவைச் சார்ந்தவர்களாக இருக்க முடியாது!

    அஹ்லுஸ் ஸுன்னா வல் ஜமாஅத்தினர்   

[ நபி வழி, ஸஹாபாக்களின் முன்மாதிரிகள் போன்ற இரண்டையும் புறக்கணிப்பவர்களோ பித்அத்துக்களில் ஈடுபடுபவர்களோ அஹ்லுஸ் ஸுன்னா என்றழைக்கப்பட எந்த அருகதையும் அற்றவர்களாவர். மேலும், அவர்கள் அஹ்லுஸ் ஸுன்னாவின் எல்லையிலிருந்து வெளியேறியவர்களாகவே கருதப்படுவர். இது அறிஞர்களின் ஏகோபித்த முடிவாகும். (ஷரஹுஸ் ஸுன்னா: 78) (மணாருத்தஃவா)]

இமாம் நாஸிர் அஸ்ஸஃதீ ரஹ்மதுல்லாஹி அலைஹி அவர்கள் கூறுவதாவது, "தௌஹீத், இறைத் தூது, விதி, ஈமானின் கடமைகள் போன்ற விடயங்களில் நபி ஸல்லல்லாஹு அலைஹி வஸல்லம் அவர்களும் ஸஹாபாக்களும் சில அடிப்படைகளைப் பின்பற்றி நடந்துள்ளனர். எனவே, பித்அத்துக்களில் ஈடுபடாமல் அவர்கள் பின்பற்றிய அதே அடிப்படைக் கொள்கைகளைப் பேணி நடப்பவர்கள் அனைவரும் அஹ்லுஸ் ஸுன்னா வல் ஜமாஅத்தினராவர்" (அல்-பதாவா அஸ்ஸஃதிய்யா: 63)

Read more...
 
கொள்கைரீதியாக நடைபெற்ற ஒரு முஃப்தியின் தெளிவுரை - துணிவுரை! Print E-mail
Monday, 15 May 2017 07:35

கொள்கைரீதியாக நடைபெற்ற ஒரு முஃப்தியின் தெளிவுரை - துணிவுரை!

1995 ஆம் ஆண்டாக இருக்கலாம். ஒரு நாள் அஸ்ர் நேரம். அல்பாக்கியாத்துஸ் ஸாலிஹாத் அரபுக் கல்லூரியின் பள்ளிவாசலில் அஸ்ர் தொழுகை முடிந்தவுடன் பாக்கியாத்தின் முஃப்தி பட்டேல் ஸாஹிப் ரஹ்மதுல்லாஹி அலைஹி எழுந்து மக்கள் முன் உரையாற்றத் தொடங்கினார். மாணவர்களும் பொதுமக்களும் வழமைக்கு மாறான அவரின் அந்நேர உரையை மிகக் கவனமாகக் கேட்டனர்.

மக்கள் பலர் அல்லாஹ்வுக்கு இணைவைத்து அழைப்பதைத் தடுக்க வேண்டும் என்பதே அவரது நோக்கமாக இருந்தது. எனவே அது குறித்துப் பேசிவிட்டு, அதை ஓர் உதாரணத்தோடு விளக்குமுகமாக,

''யா ஃகௌஸ் முஹ்யித்தீன்'' என்று அழைப்பதும் ''யா திருப்பதி'' என்று அழைப்பதும் ஒன்றுதான். இரண்டுமே ஒரே அளவிலான ஷிர்க்தான் என்று கூறி உரையை முடித்தார்.

பின்னர் அவரே துஆ ஓதினார். அதில் டி.வி.யின் சீர்கேட்டிலிருந்து பாதுகாப்பாயாக என்ற துஆவும் அடக்கம். துஆ முடிந்தவுடன் பாக்கியாத்தின் முதல்வர் பி.எஸ்.பி.ஜெய்னுல் ஆபிதீன்  ஹள்ரத் எப்போதும்போலவே இயல்பாகத் தம் இல்லம் நோக்கிச் சென்றுவிட்டார்கள்.

Read more...
 
முரீது வியாபாரிகள்! Print E-mail
Wednesday, 02 November 2011 17:21

   முரீது வியாபாரிகள்!  

பொய்யான ஆன்மீகத்தின் பெயரால் போலி ஷெய்குதார்கள் சிலர், ஏதுமறியா பாமர மக்களை வஞ்சித்து ஏமாற்றி வழிகெடுத்து வருகின்றனர். ஒவ்வொரு ஷெய்கும் தமக்கென்று ஒரு கூட்டத்தை உருவாக்கித் தனித்தனிப் பாதையை வகுத்துக் கொண்டு, பாமர மக்களை மூளைச் சலவை செய்து முட்டாள்களாக்கி வைத்திருக்கின்றனர்.

‘ஆன்மீகப் பாட்டை’ என்பார்கள், ‘ஆத்மீகப் பக்குவம்’ என்பார்கள், ‘அந்தரங்கக் கல்வி’ என்பார்கள், ‘ரகசிய ஞானம்’ என்று ரீல் விடுவார்கள். இறுதியில் இதெல்லாம் உங்களுக்குப் புரியாது என்பார்கள். எவ்வளவு தான் தொழுதாலும், இறை வணக்கங்கள் புரிந்தாலும், ஏற்கனவே ஆன்மா பக்குவப்பட்ட(?) ஒரு ஆன்மீகக் குருவிடம் சென்று முரீது என்னும் தீட்சை வாங்கினால் தான் மோட்சம் கிடைக்குமாம்!!!!!!!!

இஸ்லாத்தில் இல்லாத இந்த கிரேக்க அத்வைத தத்துவத்தை இவர்கள் தங்கள் சுய லாபத்திற்காக உருவாக்கி ஆன்மீகத்தின் பெயரால் ஏமாற்றுகிறார்கள்.

இவர்களில் பல்வேறு பிரிவினர்கள் உண்டு. சில ஷெய்குகள் தம்மை அண்டி வந்து நெருக்கமானவர்களுக்கு, தனித்தனியாக சில திக்ருகளை சொல்லிக் கொடுப்பார்கள். ஒருவருக்கு சொல்லிக் கொடுத்ததை பிறருக்கு சொல்லக்கூடாது என்பார்கள்.

''இல்லற வாழ்க்கை'' முதற் கொண்டு தெள்ளத் தெளிவாக பாமர மக்களும் புரிந்துக் கொள்ளும் விதத்தில் சொல்லப்பட்ட மார்க்கத்தில் ‘ரகசிய ஞானம்’ என்று ஏமாற்றுகிறார்கள்.

Read more...
 
முன்னோர்களின் அடிச்சுவட்டைப் பின்பற்றுதலே உண்மையை மறுக்க மனிதனை தூண்டுகிறது! Print E-mail
Thursday, 15 November 2012 19:02

 முன்னோர்கள் மீதான பக்தி!

முன்னோர்களின் பக்தியில் மூழ்கியிருந்த மக்கள் அல்லாஹ்வின் தூதர்களிடம் தெரிவித்த மறுப்பு!

"எங்கள் முன்னோர்கள் எதில் இருக்க கண்டோமோ அதிலிருந்து எங்களைத் திருப்புவதற்காகவும் இப்பூமியில் உங்கள் இருவருக்கும் பெருமை கிடைக்க வேண்டும் என்பதற்காகவும் எங்களிடம் வந்திருக்கிறீர்களா? நாங்கள் உங்கள் இருவரையும் நம்பிக்கை கொள்பவர்கள் அல்ல என்று கூறினார்கள்। (அல்குர்ஆன்: 10:78)

முன்னோர்களின் அடிச்சுவட்டைப் பின்பற்றுதலே உண்மையை மறுக்க மனிதனை தூண்டுகிறது!

இவ்வாறே எந்த ஊருக்கும் எச்சரிக்கை செய்பவரை நாம் அனுப்பும் போதெல்லாம் எங்கள் முன்னோர்களை ஒரு வழியில் நாங்கள் கண்டோம். நாங்கள் அவர்களின் அடிச்சுவடுகளைப் பின்பற்றுபவர்கள் என்று அவ்வூரில் சொகுசாக வாழ்ந்தோர் கூறாமல் இருந்ததில்லை. உங்கள் முன்னோர்களை எதில் கண்டீர்களோ அதைவிட நேர்வழியை நான் கொண்டு வந்தாலுமா? எனக் கேட்பீராக! எதனுடன் நீங்கள் அனுப்பப்பட்டீர்களோ அதை நாங்கள் மறுப்பவர்களே என்று அவர்கள் கூறினர். (அல்குர்ஆன்: 43:23-24)

Read more...
 
தாயத்தைத் தொங்க விட்டவன் அல்லாஹ்வுக்கு இணை வைத்துவிட்டான் Print E-mail
Wednesday, 19 September 2012 18:55

தாயத்தைத் தொங்க விட்டவன் அல்லாஹ்வுக்கு இணை வைத்துவிட்டான்!

கிரக பலன்களையும் ராசி பலன்களையும் நம்புவது நட்சத்திரங்கள் மூலமாக ராசி பலன் பார்ப்பதும், கோள்கள், நட்சத்திரங்களால் உலகில் மாற்றங்கள் எற்படுகின்றன என நம்புவதும் குஃப்ராகும்.

ஜைது இப்னு காலித் அல்ஜுஹனி ரளியல்லாஹு அன்ஹு அவர்கள் அறிவிக்கிறார்கள்:

ஒரு முறை நபி அவர்கள் ஹுதைபிய்யாவில் சுப்ஹு தொழுகையை தொழ வைத்தார்கள். அன்றிரவு மழை பெய்திருந்தது. தொழுகை முடிந்தவுடன் மக்களை முன்னோக்கி,

"உங்களது இறைவன் என்ன கூறினான் என்பதை அறிவீர்களா?' என்று வினவினார்கள். "அல்லாஹ்வும் அவனது தூதருமே நன்கறிந்தவர்கள்' என நபித்தோழர்கள் கூறினார்கள். அப்போது நபி அவர்கள் கூறினார்கள்:

அல்லாஹ் கூறினான் "எனது அடியார்களில் என்னை விசுவாசித்தவரும் என்னை மறுத்தவரும் இருக்கின்றனர். அல்லாஹ்வின் கிருபையாலும் அவனது அருளாலும் நமக்கு மழை பொழிந்தது என்று கூறியவர் என்னை விசுவாசித்து கிரகங்களை மறுத்தவராவார். இன்ன கிரகத்தின் காரணமாக மழை பொழிந்தது என்று கூறுபவர் என்னை நிராகரித்து கிரகத்தை விசுவாசித்தவராவார்.'' (நூல்: முஸ்லிம்)

Read more...
 
பித்அத் இயக்கங்கள் - ஃபித்னா ஆலிம்கள்! Print E-mail
Monday, 21 November 2011 06:44

     பித்அத் இயக்கங்கள் - ஃபித்னா ஆலிம்கள்!    

"அஷ்ஹது அன்லாயிலாஹ இல்லல்லாஹு வ அஷ்ஹது அன்ன முஹம்மதன் அப்துஹூ வரசூலுஹூ’ என்ற கலிமாவை எவர் மொழிகிறாரோ, அந்த நிமிடமே படைத்த ஏக இறைவனை (தவ்ஹீத்) மட்டும் வணங்கி முஸ்லிமாக மாறி விடுகிறார். இவர் பிற ஷிர்க், பித்அத் முஸ்லிம்களிடமிருந்து பிரித்துக் காட்ட "நான் தவ்ஹீது முஸ்லிமாகி விட்டேன்’ என எவரும் கூறுவதில்லை.

உதாரணமாக  இஸ்லாத்தைத் தழுவிய சகோதரர் பெரியார்தாசன் முன்பு, இந்துவாய், பின்பு இறை மறுப்பாளராய், மீண்டும் புத்தரை ஏற்பவராக இருந்தார். பின்பு குர்ஆன் படித்து விளங்கி அல்லாஹ்வின் நேர்வழி காட்டுதல் "அகில உலகத்தையும் படைத்த இறைவன் ஒருவனே! அவனுக்கு இணை வைப்பது பெரும் குற்றம். படைத்த ஒருவனை மட்டுமே (தவ்ஹீது) வணங்க வேண்டும்’ என்று கலிமாவை மொழிந்து பெரியார்தாசன், அல்லாஹ் தாசனாய் அப்துல்லாஹ்வாக தாய் மார்க்கத்திற்கு மீண்டார்.

அவர் வெளி உலகத்திற்கு இச்செய்தியை அறிவிக்கும்போது "நான் இஸ்லாத்தை ஏற்று முஸ்லிமாகி விட்டேன்’ என்றுதான் அறிவித்தார்.

நான் பிற முஸ்லிம்களை பார்த்து இஸ்லாத்திற்கு வரவில்லை; குர்ஆனை பத்து ஆண்டுகளாக படித்து ஷிர்க், பித்அத் முஸ்லிம்களிடமிருந்து தன்னை வேறுபடுத்திக் காட்ட "நான் தவ்ஹீது முஸ்லிமாக மாறிவிட்டேன்’ என்று கூறவே இல்லை. அப்துல்லாஹ் அவர்களுக்கு மிக நன்றாவே தெரியும், முஸ்லிமாக ஆகிவிட்டாலே தவ்ஹீது தான் ஏக இறைவனை வணங்குபவன் என்றுதான் பொருள், தனியாக தவ்ஹீது லேபிள் தேவையில்லை என்பது.

Read more...
 
மார்க்க அறிஞர்களை கண்மூடித்தனமாக பின்பற்றுவது வழிகேடே! Print E-mail
Wednesday, 07 November 2012 21:51

மார்க்க அறிஞர்களை கண்மூடித்தனமாக பின்பற்றுவது வழிகேடே!

[ குர்ஆனில் கூறப்படாத ஒன்றை அல்லது கூறப்பட்டதற்கு மாற்றமான ஒன்றை குர்ஆனில் தடுக்கப்பட்ட ஒன்றை அறிஞர் என்று மதிக்கப்படும் நபர் கூறினால் அந்த அறிஞரின் திறமையைத்தான் கருத்தில் கொள்கின்றனர். குர்ஆனின் கூற்றைப் பின்னுக்குத் தள்ளிவிட்டு அந்த அறிஞரின் கூற்றை எடுத்து நடக்க ஆரம்பித்து விடுகின்றனர்.

மத்ஹபுகளில் கூறப்படுகின்ற எத்தனையோ சட்டங்கள் குர்ஆனுடன் மோதுகின்றன. ஆயினும் மத்ஹபின் முடிவில் சிலருக்கு அசைக்க முடியாத நம்பிக்கை இருக்கின்றது. எத்தனையோ மவ்லவிமார்களின் போதனைகள் குர்ஆனுடன் நேரடியாக மோதுகின்றன. அதை சுட்டிக்காட்டிய பின்னர் கூட குர்ஆனை அலட்சியம் செய்து மவ்லவிகளின் முடிவை செயல்படுத்துவோர் ஏராளம். இப்படி மார்க்க அறிஞர்கள் என்று சொல்பவர்களை கண்மூடி பின்பற்றலாமா? என்றால் . அதை அல்லாஹ்வும் அவனது தூதரும் கடுமையாக கண்டித்துள்ளதைப் பார்க்கலாம் .

திருக்குர்ஆனையும் நபிவழியையும் புறம் தள்ளிவிட்டு மார்க்க அறிஞர்கள் பெரியோர்கள் முன்னோர்கள் ஆகியோரைப் பின்பற்றுவதை திருக்குர்ஆன் பல இடங்களில் வன்மையாகக் கண்டிக்கிறது. அல் குர்அன் (33: 66,67) (9: 31)]

Read more...
 
இபாதத்களைக் கொச்சைப் படுத்தும் ஸூஃபிகள் Print E-mail
Tuesday, 27 September 2011 07:15

அருமை சகோதரர்களே! ஷிர்க்கான வழிகெட்ட சூபிசக்கொள்கைகளை அவர்களுடைய புத்தகங்களிலேயே அதாவது "இஹ்யா உலூமுத்தீன்" மற்றும் "தபகாத்துஸ் ஷஃரானிய்" போன்ற நூல்களில் எப்படி யெல்லாம் எழுதி வைத்திருக்கிறார்கள் என்பதை கட்டுரையாளர் தெளிவாக சுருக்கமாக விவரித்திருக்கிறார்

பொறுமையாக படித்து பாருங்கள். இவர்கள் முரீது என்ற முறையிலும் தரீக்கா என்ற முறையிலும் எப்படிப்பட்ட கொள்கைகளை இஸ்லாம் என்கிற பெயரில் நுழைத்து மக்களை வழி கெடுத்திருக்கிறார்கள் என்பதை நாம் புரிந்து கொள்ளலாம்.

     இபாதத்களைக் கொச்சைப் படுத்தும் ஸூஃபிகள்    

புஸ்தாம் நகரில் மக்கள் மத்தியில் நன் மதிப்புப் பெற்ற ஒரு வணக்கவாளி இருந்தார். இவர் அபூ யஸீத் அல் புஸ்தாமியின் மஜ்லிஸில் தவறாமல் கலந்து கொள்பவராக இருந்தார் . ஒரு நாள் இவர் அபூ யஸீதிடம் ஷேக் அவர்களே! நான் முப்பது வருடங்களாகத் தினமும் விடாமல் நோன்பு நோற்று வருகின்றேன் . இரவு முழுக்க தூங்காமல் நின்று இறை வணக்கம் செய்கின்றேன். அப்படியிருந்தும் உங்களிடமுள்ள மெஞ்ஞான அறிவு எனக்குக் கிடைக்கவில்லையே! என்று ஆதங்கப்பட்டார் அதற்கு அபூ யஸீத் 'நீ முன்னூறு வருடங்கள் நோன்பு நோற்று இரவில் நின்று வணங்கினாலும் இந்த மெஞ்ஞானம் உனக்குக் கிடைக்காது என்று கூற அவர் ஏன்? என வினவினார்.

Read more...
 
முஸ்லிம்களுக்கும் முஷ்ரிக்குகளுக்கும் உள்ள வேறுபாடுகள் Print E-mail
Saturday, 15 February 2014 07:50

முஸ்லிம்களுக்கும் முஷ்ரிக்குகளுக்கும் உள்ள வேறுபாடுகள்

முஸ்லிம்களுக்கும் முஷ்ரிக்குகளுக்கும் உள்ள வேறுபாடுகள் ஏராளம்..

முஸ்லிம்களின் செயல்பாடும், முஷ்ரிக்குகளின் செயல்பாடும் ஒருபோதும் ஒத்துபோகாது...

முஸ்லிம் என்றால் (தன் இறைவனுக்கு) முற்றிலும் கீழ்படிந்தவன்.

முஷ்ரிக் என்றால் இறைவனுக்கு கீழ்படிவது போல பிறருக்கும் பிறவற்றுக்கும் கீழ்படிபவன்.

முஸ்லிம்களின் செயல்பாடுகள் அனைத்தும் தன் இறைவனின் திருப்தியை நாடியே இருக்கும்..

முஷ்ரிக்குகளின் செயல்பாடுகள் அனைத்தும் தன் மன திருப்திக்காகவும், தன் முன்னோர்களின் சொல்லை மட்டுமே அடிப்படையாக கொண்டு இருக்கும்..

Read more...
 
‪இஸ்லாத்திற்கும் தர்காவிற்கும் எவ்வித சம்பந்தமுமில்லை‬ Print E-mail
Friday, 11 September 2015 09:18

‪இஸ்லாத்திற்கும் தர்காவிற்கும் எவ்வித சம்பந்தமுமில்லை‬

இஸ்லாமிய வழிகாட்டுதலின்படி, ஒரு ‪‎மனிதர்_இறந்துவிட்டால்‬, அவரை (மைய்யவாடியிலோ/கப்ருஸ்தானிலோ) மண்ணை தோண்டி புதைத்து அடக்கம் செய்துவிட்டு பின்பு ஒரு சாண் அளவு தான் மண்ணால் உயர்த்த வேண்டும். இதை தான் நாம் எல்லா மைய்யாவாடிகளில் பார்த்து வருகிறோம்.

ஆனால் ‪#‎தர்காக்களிலோ கட்டடம்‬ கட்டி இரண்டு அடியிலிருந்து நம்மைவிட உயரமாக ‪#‎ஏழு‬ அடி வரை உயரத்தி இருப்பதையெல்லாம் நாம் பார்க்கிறோம். இதை இஸ்லாம் ஆதரிக்கவேயில்லை மாறாக எதிர்க்கிறது.

1765. ஜாபிர் பின் அப்தில்லாஹ் ரளியல்லாஹு அன்ஹு அவர்கள் கூறியதாவது: கப்றுகள் (புதைக்கப்பட்ட இடம்) பூசப்படுவதையும் அதன் மீது உட்காருவதையும் அதன் மீது கட்டடம்‬ எழுப்பப்படுவதையும் அல்லாஹ்வின் தூதர் முஹம்மது நபி ஸல்லல்லாஹு அலைஹி வஸல்லம் அவர்கள் ‪#‎தடை‬ செய்தார்கள். - மேற்கண்ட ஹதீஸ் ஜாபிர் பின் அப்தில்லாஹ் ரளியல்லாஹு அன்ஹு அவர்களிடமிருந்தே மேலும் இரு அறிவிப்பாளர்தொடர்கள் வழியாகவும் வந்துள்ளது. (ஸஹீஹ் முஸ்லிம் அத்தியாயம் : 11. இறுதிக் கடன்கள்.)

வாழ்கையின் வழிகாட்டியான நபிகள் நாயகம் முஹம்மது நபி ஸல்லல்லாஹு அலைஹி வஸல்லம் அவர்களது நபிமொழியின் மூலம் கட்டடம் எழுப்பவது கூடாது என்பதை அறிய முடிகிறது.

Read more...
 
அறியாமை அறிஞர்களிடமும் புறையோடிப் போயிருப்பதுதான் வேதனையான விஷயம் Print E-mail
Wednesday, 19 September 2012 19:10

அறியாமை அறிஞர்களிடமும் புறையோடிப் போயிருப்பதுதான் வேதனையான விஷயம்

மனிதரில் எவரும் தன்னை அறிவற்றவர் என்று ஒப்புக் கொள்வதில்லை. அறிவு வளர வளரத்தான் தன்னுள் எந்த அளவு அறியாமை குடி கொண்டுள்ளது என்பது புலப்படும்.

விண்ணையும் மண்ணையும் தன்னையும் படைத்து போஷித்துப் பரிபாலித்து வரும் இணை துணையற்ற ஒரே ஒரு இறைவன் இருக்கிறான் என்பதை பகுத்தறிய முடியாதவர்கள் தங்களை அறிவு ஜீவிகள் என்று அலட்டிக் கொள்வதில் அர்த்தமில்லை.

அதே போல் அந்த இறைவனை ஒப்புக்கொண்ட பின்னர் அவனது தனித்தன்மைகளை, தெய்வாம்சங்களை இறந்து போன மனிதப் புனிதர்களுக்கும் மற்றும் படைப்பினங்களுக்கும் கொடுத்து மரியாதை செய்பவர்களும் அறிவாளிகளாக இருக்க முடியாது.

இறைத்தன்மைகளை இறைவனது படைப்பினக்களுக்குக் கொடுத்து மரியாதை செய்வது, ஒரு மனைவி தனது கணவனது ஸ்தானத்தில் மற்றொரு ஆடவனை வைத்து மதித்து நடந்தால் அவளது கணவன் அவள் மீது எந்த அளவு ஆத்திரப்படுவானோ அவளை மன்னிக்க மாட்டானோ அதைப்போல் பல ஆயிரம் மடங்கு இறைவன் கோபப்படுகிறான்.

அப்படிப்பட்டவர்களை மன்னிக்கவே மாட்டான் என்பதை சாதாரண அறிவு படைத்தவர்களும் விளங்க முடியும். ஆனாலும் ஷைத்தானின் பிடியில் சிக்கி இப்படிப்பட்ட காரியங்களில் மூழ்கி இருப்பவர்களே இவ்வுலகில் பெரும்பான்மையினராகக் காணப்படுகின்றனர். அவர்களே தங்களைப் பெரும் அறிவு ஜீவிகளாக எண்ணிக் கொள்கின்றனர்.

Read more...
 
லுக்மான் அலைஹிஸ்ஸலாம் தன் மகனுக்கு செய்த உபதேசம் Print E-mail
Tuesday, 05 January 2016 06:54

லுக்மான் அலைஹிஸ்ஸலாம் தன் மகனுக்கு செய்த உபதேசம்

    குழந்தைகள் நல்லொழுக்கம் உள்ளவர்களாக வளர    

லுக்மான் என்ற ஒரு இறையச்சம் கொண்ட ஞானி தன் மகனுக்கு செய்த உபதேசத்தை இறைவன் தன் திருமறையில் பெற்றோர்களும் பிள்ளைகளும் பாடம் பெறுவதற்காக வேண்டி எடுத்துரைக்கிறான்:

அல்குர்ஆன்  31:13. இன்னும் லுஃக்மான் தம் புதல்வருக்கு: “என் அருமை மகனே! நீ அல்லாஹ்வுக்கு இணை வைக்காதே; நிச்சயமாக இணை வைத்தல் மிகப் பெரும் அநியாயமாகும்,” என்று நல்லுபதேசம் செய்து கூறியதை (நினைவுபடுத்துவீராக).

(இவ்வுலகைப் படைத்து பரிபாலித்து வரும் இறைவனைக் குறிக்கும் அரபுச்சொல் அல்லாஹ் என்பதாகும். ‘வணக்கத்திற்குத் தகுதிவாய்ந்த ஒரே இறைவன் என்பது இதன் பொருளாகும்.)

இவ்வுலகைப் படைத்த இறைவனை மட்டுமே வணங்கவேண்டும் என்று மக்களுக்கு போதிப்பது பெற்றோரின் முதலாவதும் முக்கியமானதும் ஆன கடமையாகும்.

படைப்பினங்களைக் காட்டி அவற்றைப் படைத்தவனை பகுத்தறிவு பூர்வமாக அறிமுகப்படுத்தி அவனோடு நேரடித் தொடர்பை ஏற்படுத்துவது ஓர் அறிவார்ந்த செயலாகும். அந்த இறைவன் நமக்கு வழங்கிவரும் அருட்கொடைகளை நினைவூட்டி அவன் மட்டுமே நம் வணக்கத்திற்குத் தகுதி உள்ளவனும் நம் பிரார்த்தனைகளுக்கு பதில் அளிக்கக்கூடியவனும் ஆவான் என்பதை குழந்தைகளுக்குக் கற்றுக்கொடுக்க வேண்டும்.

Read more...
 
நபிவழியை பின்பற்றுவதின் அவசியமும் பித்அத் பற்றிய எச்சரிக்கையும்! Print E-mail
Monday, 21 March 2016 07:46

நபிவழியை பின்பற்றுவதின் அவசியமும் பித்அத் பற்றிய எச்சரிக்கையும்!

    ஷேக் அப்துல் அஜீஸ் அப்துல்லாஹ் பின் பாஸ் ரஹ்மதுல்லாஹி அலைஹி    

நபி ஸல்லல்லாஹு அலைஹி வஸல்லம் அவர்கள் அல்லாஹ்வின் தூதை முழுமைப்படுத்தி, தனது சொல், செயல், அங்கீகாரம் யாவையும் சட்டங்களாக்கி வைத்துவிட்டுத்தான் இவ்வுலகை விட்டுப் பிரிந்து சென்றார்கள். அத்துடன் மக்களால் மார்க்கத்தினுள் நுழைந்து பின்னர் மார்க்கமாகக் காட்டக்கூடிய எல்லா வகையான நூதனச் செயல்களும், அவற்றை உட்புகுத்தியவர்கள் நல்ல நோக்கத்துடன் செய்திருந்தாலும், நிராகரிக்கப்பட வேண்டியவைகளே என அழுத்தமாகக் கூறிச்சென்றார்கள்.

அல்லாஹ்வின் எதிரிகளான யூதர்களும், கிறிஸ்த்தவர்களும் அல்லாஹ் அனுமதிக்காதவற்றைத் அவர்களது மதத்தினுள் புகுத்தினார்கள். நூதனக் கிரியைகள் பல கற்பித்தார்கள். அத்தகைய வழிமுறையைப் பின்பற்றி இஸ்லாத்தினுள் நூதனக் கிரியைகளைக் கற்பித்து அனுமதிக்கப் பட்டவைகளாக ஆக்குவதை சங்கைமிக்க நபித் தோழர்களும் கண்டித்து, அவற்றிலிருந்து தம்மைப் பாதுகாத்துக் கொள்ளும்படி எச்சரிக்கையும் விடுத்தார்கள்.

மேலும், இஸ்லாத்தினுள் நூதனக் கிரியைகள் சேர்ப்பதானது "இஸ்லாம் முழுமையாகவும் மிகச் சரியாகவும் இல்லை" எனக் கருதுவதாக அமைய முடியும் அத்தகைய கருத்து மிகத் தீயது மட்டுமல்ல, "இன்றைய தினம் உங்களுக்காக உங்கள் மார்க்கத்தைப் பரிபூரணமாக்கி விட்டேன்" என்ற இறை வசனத்தற்கும் நூதனக் கிரியைகள் பற்றிய நபி ஸல்லல்லாஹு அலைஹி வஸல்லம் அவர்களது எச்சரிக்கைகளுக்கும் நேர்முரணானது என்பதுமாகும். இவை நம் கவனத்திற்குரியவை.

Read more...
 
அல்லாஹ்வுக்கும் நமக்கும் தடுப்பும் இல்லை! திரையும் இல்லை! Print E-mail
Monday, 08 December 2014 06:55

"நிராகரிப்பவர்கள் என்னையன்றி என் அடியார்களை(த் தம்) பாதுகாவலராக எடுத்துக்கொள்ளலாம் என்று எண்ணுகிறார்களா? நிச்சயமாக இக்காஃபிர்கள் இறங்குமிடமாக நரகத்தையே சித்தப்படுத்தி வைத்திருக்கின்றோம்." (அல்குர்ஆன்-18:102)

மாமறை அல்குர்ஆன் இவ்வாறு தெளிவாக அறிவித்த பின்பும், மக்கள் 'தர்கா' மாயைகளில் விழுவார் களேயானால் அவர்களைவிட கைசேதத்துக்குரியவர்கள் யார் இருக்க முடியும்?அல்லாஹ் அல்லாத எதனிடமும் அவரிடமும் நமது தேவைகளைக் கேட்பதும் பாதுகாப்புத் தேடுவதும் இறைக்கு இணை வைத்தல் என்னும் மாபெரும் கொடிய பாவமாகும். அதாவது 'ஷிர்க்' ஆகும். இது விஷயத்தில் நாம் கவனத்துடன் நடந்துகொள்ள வேண்டும்.

பச்சைத் தலைப்பாகைகளுடன் பவனி வரும் போலி வேடதாரிகளை 'இறை நேசர்கள்' என்றும், 'நடமாடும் வலீ' என்றும் கருதி, நமது பொன்னான நேரத்தையும் - பொருளையும் செலவழித்து, நமது பகுத்தறிவையும் - இறை நம்பிக்கையையும் இறையச்சத்தையும் ஆழக் குழி தோண்டிப் புதைத்து விட்டு அவர்கள் பின்னாலேயே செல்வோமேயானால் நம்மைவிட நஷ்டமடைந்தவர்கள் எவரும் இலர்.

அல்லாஹ், அருள் மறையிலே அழகாக நமக்கு எச்சரிக்கின்றான்.

"நாங்கள் அல்லாஹ்வையும், இறுதி நாளையும் நம்புகிறோம் என்று வாயளவில் கூறுபவர்களும் மனிதர்களில் உள்ளனர் (உண்மையில்) அவர்கள் விசுவாசிகள் அல்லர்". (அல்குர் ஆன் 2:8)

Read more...
 
ஷிர்க்கின் அசல் காரணம்? Print E-mail
Thursday, 08 December 2016 07:52

ஷிர்க்கின் அசல் காரணம்?

நூஹ் அலைஹிஸ்ஸலாம் அவர்களின் கௌமுகள் (சமூகம்) செய்த ஷிர்க்கின் அசல் காரணம்

இமாம் புகாரீ தம்முடைய சஹீஹிலும் தப்றானீ முதலியவர்கள் தங்களுடைய தப்ஸீர்களிலும் வஸீமா கஸஸ் அன்பியாவிலும் பின்காணுமாறு வரைந்திருக்கிறார்கள்:

நூஹ் அலைஹிஸ்ஸலாம் அவர்களின் வர்க்கத்தாரிலும் சில சாலிஹீன்கள் காணப்பட்டார்கள். அவர்கள் மரணமடைந்ததன் பின் மனிதர்கள் அன்னவர்களின் சமாதியினருகே உட்கார்ந்துகொண்டிருந்தார்கள்.

பிறகு காலம் செல்லச் செல்ல அன்னவர்களின் படத்தை எழுதவும் அவர்களேபோல் உருவச்சிலை செய்யவும் ஆரம்பித்தனர். எனவே, சமாதியின் அருகே தாமதித்திருப்பதும் அதைத் தொட்டு முத்தமிடுவதும் மனத்தினாலோ அல்லது கையை உயர்த்தியோ சமாதியின் பக்கம் வேண்டுதல் செய்வதும் இவ்வாறு இணை வைப்பதற்கும் விக்கிரக வணக்கத்துக்கும் மூல வேர்களாய்க் காணப்படுகின்றன.

இதனால்தான் நம் நாயகம் ஸல்லல்லாஹு அலைஹி வஸல்லம் அவர்கள், “ஏ ஆண்டவனே! எனக்குப்பின் என்னுடைய சமாதியை வணங்கும் ஸ்தலமாகச் செய்யாதிருப்பாயாக!” என்று துஆ கேட்டிருக்கிறார்கள்.

Read more...
 
அவ்லியாக்கள் கப்ருகளை பள்ளிவாசல்களாக ஆக்கலாமா? Print E-mail
Friday, 04 August 2017 07:19

அவ்லியாக்கள் கப்ருகளை பள்ளிவாசல்களாக ஆக்கலாமா?

     மௌலவி M.S.M. இம்தியாஸ் ஸலஃபி    

[ பள்ளிவாசலில் கப்ருகள் கட்டக் கூடாது என்றால் கப்ரு உள்ள பள்ளியில் தொழக் கூடாது என்றால் மதீனாவில் மஸ்ஜிதுந் நபவியில் நபி ஸல்லல்லாஹு அலைஹி வஸல்லம் அவர்களின் கப்ரு பள்ளிவாசலுக்குள் தானே இருக்கிறது. அந்த நிலையில் தான் மக்கள் தொழுகிறார்கள். இது கூடும் என்றால் அவ்லியாக்களின் கப்ருகள் உள்ள பள்ளியிலும் தொழலாம் தானே என்று கூறுகிறார்கள். இவர்கள் நபிமார்களை சாதாரண மக்களினது அந்தஸ்திற்கு இறக்கி இவர்கள் நம்பும் அவ்லியாக்களை உயர்வாக்கி இப்படி கேட்கிறார்கள்.

நபி ஸல்லல்லாஹு அலைஹி வஸல்லம் அவர்கள் மரணித்தபோது அவர்களை எங்கே அடக்கம் செய்வது என்று ஸஹாபாக்கள் கருத்து வேறுபாடு கொண்டபோது “நபிமார்கள் மரணித்த இடத்தில் அடக்கம் செய்யப்பட வேண்டும்” என்ற ஹதீஸை அபூபக்கர் ரளியல்லாஹு அன்ஹு நினைவு படுத்தினார்கள். உடனே ஸஹாபாக்கள் நபி ஸல்லல்லாஹு அலைஹி வஸல்லம் அவர்கள் மரணித்த இடமான ஆயிஷா ரளியல்லாஹு அன்ஹா அவர்களுடைய வீட்டுக்குள்ளேயே குழிதோன்றி நல்லடக்கம் செய்தார்கள்.

நபி ஸல்லல்லாஹு அலைஹி வஸல்லம் அவர்களின் வீடு மஸ்ஜிதுந் நபவிக்கு பக்கத்திலேயே இருந்தது. மஸ்ஜிதுந் நபவியும் நபி ஸல்லல்லாஹு அலைஹி வஸல்லம் அவர்களின் வீடும் ஒரே சுவராக இருந்தது. வீட்டுக்குள்ளிருந்து எட்டிப் பார்த்தால் பள்ளியில் என்ன நடக்கிறது என்று தெரிந்துவிடும். ஸஹாபாக்கள் ஒரு போதும் பள்ளிக்குள் நபி ஸல்லல்லாஹு அலைஹி வஸல்லம் அவர்களை அடக்கம் செய்யவில்லை.]

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 10 of 93

99 Names Of Allaah

-         310 300nd

Links

Links 2

Best Article