ஏழு விதமான ஆச்சரியங்கள்...!!!

1. *மரணம்* என்பது நிச்சயிக்கப்பட்ட நேரத்தில் வந்தே தீரும் என்பதை   அறிந்த மனிதர்கள்,   கவலைப்படாமல்,   தன்  கடமைகளச்   செய்யாமல்

*சிரித்துக் கொண்டிருப்பது*   ஆச்சரியம்.!!!

2. ஒரு நாளில் *இவ்வுலகம் அழிந்து போகும்* என்பதை அறிந்த மனிதன்,

*உலகத்தின்மீது*   *மோகம்* கொண்டிருப்பது ஆச்சரியம்...!!!

3. எந்த ஒரு செயலும்   *இறைவன் விதித்தபடியே நடக்கும்* என்பதை அறிந்த மனிதன்,

கைநழுவிச் சென்றவற்றை   எண்ணி *கவலைப்பட்டுக் கொண்டிருப்பது* ஆச்சரியம்...!!!

உங்களில் யாரேனும் மரணித்து விட்டால்....

அல்லாஹ் கூறுகிறான் :

“அல்லாஹ் எதன் மீது மரணத்தை விதித்து விட்டானோ அதை (தன்னிடத்தில்) நிறுத்திக் கொள்கிறான்” (அல்-குஆன்: 39:42).

மேலும் நபி ஸல்லல்லாஹு அலைஹி வஸல்லம் அவாகள் கூறுகிறாகள்:

“உங்களில் யாரேனும் மரணித்து விட்டால் காலையிலும், மாலையிலும் அவருக்குரிய இடம் அவருக்கு எடுத்துக் காட்டப்படும்.

சுவர்க்கவாசியாக இருந்தால் சுவர்க்கத்திலுள்ள அவரது இடம் அவருக்குக் காட்டப்படும்.

நரகவாசியாக இருந்தால் நரகத்திலுள்ள அவரது இடம் அவருக்குக் காட்டப்படும்.

கியாமத்து நாளில் அல்லாஹ் உன்னை எழுப்பும் வரை இதுதான் உனது தங்குமிடம் என்று அவரிடம் கூறப்படும் (ஆதாரம்: புகாரி, முஸ்லிம்)

ربنا آتنا في الدنيا حَسنة وفي الآخرة حَسنة

      இம்மையின் நன்மை     

அண்ணலார் ஸல்லல்லாஹு அலைஹிவ ஸல்லம் அவர்கள் இவ்வுலகில் அதிகம் கேட்ட இன்னும் நம்மை கேட்க சொன்ன ஒரு துஆ தான்,

رَبَّنَآ اٰتِنَا فِى الدُّنْيَا حَسَنَةً وَّفِى الْاٰخِرَةِ حَسَنَةً وَّ قِنَا عَذَابَ النَّارِ‏

எங்களுக்கு நீ இம்மையிலும் நன்மை அளிப்பாயாக! மறுமையிலும் நன்மையளிப்பாயாக! (நரக) நெருப்பின் வேதனையிலிருந்தும் எங்களை நீ பாதுகாப்பாயாக!" எனக் கோருபவர்களும் மனிதர்களில் உண்டு. (2:201)

அல்லாஹ்விடத்தில் நாம் இரு கரங்களேந்தி, என்ன தான் ஒரு மனிதன் தீமைகள் செய்திருந்தாலும் இறைவனிடத்தில் அதற்கான பாவமன்னிப்பை தான் கேட்க வேண்டுமே தவிர அதற்கான தண்டனையை கேட்க கூடாது.

  ஆவி அடங்கிவிட்டால்....     

சுகம் தரும் சுவனமா? கொதிக்கும் நரகமா?

ஆவி அடங்கிவிட்டால் எவ்வளவு பெரிய நபராயிருந்தாலும், அவனுடைய புகழோ, செல்வமோ, சந்ததிகளோ எந்த பயனும் அளிக்காது. அவனுடைய உடலை மூட கஃபன் துணி தயாராக இருக்கும்.  புதை குழியில் வைத்துவிட்டு அனைவரும் போய் விடுவார்கள். அங்கு   மலக்குகள் கேட்கும் கேள்விகளுக்கு அவன் பதில் சொல்லியாக வேண்டும்.

இறைக்கட்டளைக்கு அடி பணிந்து உண்மை முஸ்லிமாக வாழ்ந்தவன் தக்க பதிலைக் கூறி புது மாப்பிள்ளை போல கியாம நாள்வரை நித்திரையில் மூழ்கிடுவான். இறைக்கட்டளையை நிராகரித்து வாழ்ந்தவனோ பதிலளிக்க முடியாமல் கப்ரின் வேதையில் மூழ்கி துன்பத்தை அனுபவித்துக் கொண்டிருப்பான்.

இன்றைய முஸ்லிம்கள் உலக வாழ்வில் மூழ்கிப்போய் உதட்டில் கலிமா - உள்ளத்தில் ஹராமாக; கடமைகளை பேணி நடக்காமல், ஃபாத்திஹாக்களை நம்பி திசை மாறி கிடக்கின்றனர்.   அல்லாஹ், உணவுக்கும், உடைக்கும், இடத்திற்கும் கணக்கு கேட்பதுடன், தவறான செயல்களுக்கும் விசாரணை செய்வான் என்பதை உணர வேண்டும்.

உயிர் (ரூஹ்) என்றால் என்ன?

    மௌலவி S.L. அப்துர்ரஹ்மான் (கௌஸி) கல்முனை.     

  o   ரூஹ் என்றால் என்ன?

o  ரூஹ் எனும் உயிரின் வகைகள்

  o   ரூஹ்ஹின் ஆரம்ப நிலையும் இறுதி நிலையும்

  o   ரூஹ்ஹூக்கு அழிவு உண்டா?

    ரூஹ் என்றால் என்ன?     

அரபியில் “ரூஹ்” என்று குர்ஆனில் பல இடங்களில் இருக்கிறது. அதை இடத்திற்கு ஏற்றவாறு (உயிர் என்றோ அல்லது ஆவி என்றோ அல்லது ஆத்மா) என்று தமிழில் சூபியாக்களால் அறிஞர்களால் மொழி பெயர்க்கப்படுகின்றது.

​​அந்த அடிப்படையில் உயிர் என்பது உடல் வாழ்வதற்காக உருவாக்கப்பட்டது, உடலின் வளர்ச்சிக்காக இயக்கத்திற்காக உருவாக்கப்பட்ட நுட்பமான ஒரு சக்தி வாய்ந்த வஸ்துவாக காணப்படுகிறது.

​​இமாம் கஸ்ஸாலி ரலியல்லாஹு அன்ஹு அவர்கள் கூறுகிறார்கள்: ரூஹ் என்பது விளக்கு அதன் ஒளி உயிர் ஆகும்.

​​மனித வாழ்க்கையில் ரூஹ் மிக முக்கியமான இடத்தைப் பெற்றிருக்கிறது என்றால் அது மிகையல்ல. உலகில் உள்ள அனைத்து படைப்பினங்களையும் விட மனிதன் உயர்ந்தவனாக இருப்பதன் காரணம் அவனில் ஊதப்பட்டிருக்கின்ற பரிசுத்த ரூஹ்தான்.

இவ்வுலகில் மனிதன் உடல், ரூஹ், நப்ஸ், கல்பு, அக்ல் என்ற ஜந்து வகையான அம்ஷங்களால் ஆனவன்.. உடலைப் பொறுத்தவரை அதனை எமக்கு இலகுவாக விளங்கிக்கொள்ள முடிந்தாலும் அல்லாஹ்வின் இரகசியமாக பரிசுத்த ரூஹ் என்பதனை விளங்கிக்கொள்ள சற்று சிக்கலானவையாகும்.

பணவேட்டையை முடித்துவைக்கும் புதைகுழி!

நமது வாழ்க்கை என்பது நீர்க்குமிழி போல மின்னி மறையக்கூடியது என்ற உண்மையை மறந்து கண்ணைமூடிக் கொண்டு ஓடிக்கொண்டிருக்கின்றனர் மக்கள்.

வியபாரமானாலும் சரி தொழிலானாலும் சரி. எப்படியாவது நிறைய சம்பாதிக்க வேண்டும். எப்படியாவது பொருள் சேர்க்க வேண்டும், வங்கிக்கணக்கில் இருப்புத் தொகை அதிகரிக்க வேண்டும், நான்கைந்து தலைமுறைகளுக்கும் தேவையான சொத்துக்கள் தன்வசம் இருக்க வேண்டும் என்னும் குறிக்கோளோடு இயந்திரமாக இயங்கிக் கொண்டிருக்கிறார்கள் மனிதர்களில் பலர்!

பொருளாசை என்ற இந்த வெறி பலரிடமும் பல்வேறு வீரியத்தில் உள்ளதை நாம் கண்டு வருகிறோம். 

நூற்றாண்டின் முன்மாதிரிப் பிரதமர்

[ எத்தியோப்பிய வரலாறு இணைக்கப்பட்டுள்ளது ]

2019 அமைதிக்கான நோபல் பரிசு எத்தியோப்பியா பிரதமரான அபி அஹமது அலி அவர்களுக்கு வழங்கப்பட்டுள்ளது.

இவரை பற்றி அவ்வளவாக யாருக்கும் தெரிய வாய்ப்பில்லை. 

அதற்கு காரணம் ஊடக வன்முறை.

இவர் நோபல் பரிசை பெறுவதற்கு நூறு சதவீதம் தகுதியுடையவர்.

சரி, இவரைப் பற்றி நாம் கொஞ்சம் அறிவோமா?  #எத்தியோப்பியா பெரும் ஆயுத போராட்ட வன்முறையில் சிக்கி சீரழிந்து கொண்டிருந்த வேளையில், 2018 ஏப்ரலில் இவர் ஆட்சியை பிடித்தார்.

ஆட்சிக்கு வந்தவுடன், அங்கு இருந்த அவசர நிலை பிரகடனத்தை ரத்து செய்தார்.

அரசியல் கைதிகளை எந்த நிபந்தனையும் இன்றி விடுவித்தார்.

தமிழகத்தில் மொத்த பள்ளிவாசல்கள், ஆலிம்கள் எண்ணிக்கை எவ்வளவு?

     செய்யது அஹமது அலி. பாகவி     

தமிழகத்தின் மொத்தம் எத்தனை பள்ளிவாசல்கள் இருக்கின்றன..? என்கிற ஒரு ஆலிமின் ஃபேஸ்புக் கேள்விக்கு ஓர் தப்லீக் சாத்தி எங்களிடம் சரியான கணக்கு இருக்கிறது. அந்த கணக்கின்படி சுமார் 5,000 பள்ளிவாசல்கள் என்று கூற, இந்த ஆலிமோ சுமாராக 15ஆயிரம் பள்ளிவாசல்கள் நிச்சயம் இருக்கும் என்றும் பேசிக்கொண்டார்கள்.

(தப்லீக் ஜமாஅத்தின் கணக்கெடுப்பின் படி 5,000 பள்ளிவாசல் என்பது சரிதான். காரணம் அவர்கள் மூன்று நாள், நாற்பது நாள் ஜமாத் செல்வதற்கு அவர்கள் கணக்கெடுத்து வைத்துள்ள வசதியான பள்ளிவாசல்களின் எண்ணிக்கை என்று பார்த்தால் அது ஐந்தாயிரம் மட்டும்தான் வரும்)

ஆக, அந்த நண்பரின் ஃபேஸ் புக் பதிவிற்கு நிறைய ஆலிம்கள் தங்களின் கருத்தையும், தங்களுக்கு தெரிந்த கணக்கெடுப்பையும் கூறியிருந்தார்கள்.

உண்மை நிலவரம் என்னவென்றால்...

தமிழகத்தின் சிறுபான்மை ஆணையத்தின் தலைவர் பிரகாஷ் அவர்கள் கடந்த ஜூலை மாதம் ஓர் பேட்டியில் ரமலான் கஞ்சிக்காக 4,300 டன் அரிசி தமிழகத்தின் 28,000 பள்ளிவாசலுக்கு அனுப்பி வைக்கப்பட்டுள்ளது என கூறினார்.

சமூகப் பொறுப்பு

அல்லாஹு தாலா அருள்மறையின் பல்வேறு இடங்களிலும் மறுமையே நிலையானது, இன்னும் நிரந்தரமானது என்பதை உணர்த்திக்கொண்டே இருக்கிறான்.

وَالْاٰخِرَةُ خَيْرٌ وَّ اَبْقٰىؕ

ஆனால் மறுமை (வாழ்க்கை)யோ சிறந்ததாகும்; என்றும் நிலைத்திருப்பதும் ஆகும். (87:17)

மறுமை என்பது நம்முடைய ஈமானின் ஒரு பகுதி. அதனை நோக்கியே நம்முடைய பயணம் அமைய வேண்டும். ஒரு சில நேரங்களில் நம்மில் பலரும் அதனை மறந்து நம்மை அறியாமல், இந்த உலக வாழ்விற்காக, அல்லாஹு தாலாவும் அவனது தூதர் கண்மணி நாயகம் ஸல்லல்லாஹு அலைஹிவ ஸல்லம் அவர்களும் வகுத்து தந்த இஸ்லாம் என்னும் கோட்பாடுகளை எல்லாம் மறந்து, செயல்படுகின்றோம்.

இந்திய யூனியன் முஸ்லிம் லீக் கட்சி துவங்கிய இடம், வரலாற்றுச் சிறப்பு மிக்க  ராஜாஜி அரங்கம்!

சென்னை ஓமந்தூரார் அரசினர் தோட்டத்தில் அமைந்துள்ள ராஜாஜி ஹால் இரு நூற்றாண்டுகள் சரித்திர நிகழ்வுகள் பலவற்றை தன்னகத்தே கொண்டதாகும்.

கடல்வழி மார்க்கத்திற்காக 1453களில் போர்த்துக்கீஸியர்கள் வழிதேடினர். அதன் மாலுமி வாஸ்கோடகாமா 1498ல் கோழிக்கோடு வந்தார். 1522களில் சென்னை சாந்தோம் பகுதியில் அவர்கள் குடியேறினர் டச்சுக்காரர்கள், டேனியர்கள், பிரஞ்சுக்காரர்கள். அவர்களைத் தொடர்ந்து ஆங்கிலேயர்களும் வருகை தந்தனர்.

1600 டிசம்பர் 31 அன்று ஆங்கிலேயர்களின் வருகை தொடங்கியது. லண்டன் வியாபாரிகள் 100 பேர் ஆங்கிலேய கிழக்கிந்திய கம்பெனியை தொடங்க ராணி எலிஸபெத் அனுதி வழங்கினார்.

மண்ணறைகள் அன்றும் இன்றும்

     முதன் முதலாக உலகில் தோண்டப்பட்ட மண்ணறை     

      ரஹ்மத் ராஜகுமாரன்     

ஆதிகாலத்து மனிதருக்கு இறந்த உடலை எவ்வாறு மறைப்பது என்பது தான் கவலையாக இருந்தது. இப்போதுள்ள நவீன மக்களுக்கு தாங்கள் இறந்த பிறகு தங்கள் உடலை எப்படி மறைப்பது என்ற கவலை அதிகமாகிவிட்டது.

உலகத்திலேயே ரொம்பவும் காஸ்ட்லியான சாவு என்பது ஜப்பானியர்களுக்கத்தான் நேருகிறது. அங்கு தனி ஒருவரின் இறுதிச் சடங்குக்கு சராசரியாக 15 முதல் 20 லட்சம் வரை செலவாகிறது. ஒட்டுமொத்தமாகப் பார்த்தால் ஜப்பானின் சாவு பிசினஸ் என்பது ஒரு லட்சம் கோடி 'யென்' வரை பணம் புரள்கிறது. 

மரணம் நிறைய பணம் புரளும் ஒரு பெரிய இண்டஸ்ட்ரி. 'மெமோரியல்' எனப்படும் சடங்கு செய்ய  நட்சத்திர ஓட்டல்களும், மண்டபங்களும் வாடகைக்கு விடுகின்றனர். தனியார் கம்பெனிகள் கலர்கலரா அச்சடித்த விலை விபரப் பட்டியலுடன் ஃப்யுனரல் சர்வீஸ் என்று ஆரம்பித்து காரியம் முழுவதையும் காண்ட்ராக்ட்டில் செய்து தருகிறார்கள்.

எங்கேயாவது ஒரு மரணம் வந்தால் போதும் கழுகு மாதிரி வந்து சூழ்ந்து கொண்டு விடுவார்கள் துக்கத்தில் இருக்கும் உறவினர்கள் அந்த நேரத்தில் பிசுகிப் பிசுகிப் பேரம் பேச கூச்சப்படுவார்கள் என்பதை சாதகமாக்கிக் கொண்டு ஆஸ்பத்திரி ஆம்புலன்ஸ் முதல் பூசாரி, பூக்காரி என்று எல்லோரும் கூட்டு சேர்ந்து கொள்ளை லாபம் அடிக்கிறார்கள்.

அல்லாஹ்வின் பார்வையில் ஆலிம்கள்!

     A.H. முஹம்மது அலீ, சிங்கப்பூர்     

ஆலிம்கள் என்றால் யார்? அவர்களின் இரலட்சணங்கள் என்ன? என்பதைப்பற்றி நாம் ஒவ்வொருவரும் தெரிந்துக்கொள்ள வேண்டிய காலத்தின் கட்டாயத்தில் இருந்து வருகிறோம். காரணம், உண்மை இஸ்லாத்தை அறிந்து அதன்படி செயல்பட முன்வரும் ஒவ்வொருவரும் “தான் அறிந்தது சரிதானா?”, என்பதை பரீட்சித்துப் பார்க்க ஞானம் பெற்ற ஆலிம்களையே நாட வேண்டிய தேவையில் இருந்து வருகிறோம். 

இந்தக்கால சூழ்நிலையில் போலி உலாக்களுக்கும், உண்மை உலமாக்களுக்கும், உள்ள வேற்றுமையை உணர்ந்து நாம் தெளிவு பெற வேண்டிய நிலை ஏற்பட்டதினால் இந்தக் கட்டுரையை எழுதும் அவசியம் நமக்கு வந்திருக்கிறது. 3வருடம், 5வருடம், அல்லது 7 வருடம் தொடர்ந்து ஒரு மதரஸாவில் ஓதி ஸனது (பட்டம்) வாங்கியரவதான் ஆலிம்; பிப்ஹு மஸாயிரல்களை மனப்பாடம் செய்து உள்ளத்தில் உருப்போட்டவர் தான் ஆலிம்; கடகடவென்று மாட்டு வண்டி ஓடுவது பேல குர்ஆன் வசனங்களை “படபட” வென ஓதும் திறன் பெற்றவர்தான் ஆலிம்; ஒரே மூச்சில் நீளமாக 15 நிமிடங்களுக்கு புரியாத பாஷையில் துஆ ஓதத் தெரிந்ததவர்தான் ஆலிம் என்பதாக நாம் ஆலிம்களுக்கு வரைமுறை கற்பித்து வைத்திருக்கிறோம்.

ஆனால் ரப்புல் ஆலமீனாகிய அல்லாஹ் ஆலிம்கள் என்றால் யார்? அவர்கள் எப்படி இருக்க வேண்டுமென்பதை மிக அழகாக விளக்கமாக பின்வரும் வசனத்தில் விவரிக்கிறான்.

“இவ்வாறே மனிதர்களிலும் ஊர்வனவற்றிலும் கால்நடைகளலும் பல நிறங்கள் இருக்கின்றன. நிச்சயமாக அல்லாஹ்வின் அடியார்களில் அவனுக்கு அஞ்சுவோரெல்லாம் ஆலிம்கள் – அறிஞர்கள் தாம். நிச்சயமாக அல்லாஹ் யாவற்றையும் மிகைத்தவன் மிக மன்னிப்பவன்” (அல்குர்ஆன் 35:28)

ஆம் ‘தக்வா’ எனும் உள்ளச்சம் உடையவர்கள் தான ஒரிஜினல் ஆலிம் என்பதை மிக நேர்த்தியாக மேற்கண்ட வசனத்தில் அல்லாஹ் கூறுகிறான். ஆலிம் பெருமக்களுக்கு அல்லாஹ் வரையறுக்கும் ஒரே இலக்கணம் “தக்வா”

நேரத்தின் கட்டுப்பாடு இறைவனின் கைகளில்!

நமது வீடுகளில் நடைபெறும் திருமணம் மற்றும் பிற சுப காரியங்களுக்கான தினத்தை முடிவு செய்யும் போது அறிந்தோ அல்லது அறியாமலோ செய்யும் தவறு என்னவெனில் நல்ல நாள் மற்றும் நல்ல நேரம் பார்த்து அந்த தேதிகளை முடிவு செய்வதாகும்.

மார்க்கத்தில் போதிய தெளிவு இல்லாமை, சினிமா மற்றும் கேபிள் டி.வி.க்கள் இவற்றின் முலமாக சிந்திக்கும் ஆற்றல் மழுங்கடிக்கப்பட்டு வரும் இவ்வேளையில் நமது இஸ்லாமிய சகோதர சகோதரிகளும் நல்ல நேரம், கெட்ட நேரம் பார்ப்பது, ஜோதிடம், சகுனம் பார்த்தல் போன்ற இஸ்லாத்திற்கு எதிரான மூடநம்பிக்கைகளுக்கு ஆட்பட்டு அவைகளை நம்பி தமது பொருளாதாரரத்தையும், பொன்னான நேரத்தையும் வீணடித்து வருவது மிகவும் வருத்தத்தற்குரிய விஷயமாகும். இன்று இத்தகைய தீய செயல்கள் பிரபலமான பத்திரிக்கைகள், கேபிள் டி.வி.க்கள் போன்ற மீடியாக்கள் மூலம் கவர்ச்சிகரமான விளம்பரங்களுடன் நம்மை நோக்கி வருகின்றன.

மார்க்கத்தில் போதிய தெளிவில்லாத பாமர முஸ்லிம்கள் ஏன் கல்லூரிகளுக்குச் சென்று படித்துப் பட்டம் பெற்ற முஸ்லிம் சகோதர, சகோதரிகள் கூட கவர்ச்சிகரமான விளம்பரங்களைக் கண்டு அவற்றை உண்மை என நம்பி உயிரினும் மேலான தங்கள் ஈமானை இழந்து விடுகின்றனர். இவ்வகையான ஜோதிடங்கள் நம்மிடையே பல்வேறு வகைகளில் அறிமுகப்படுத்தப்படுகின்றன. அவைகளில் சில:

o கை ரேகை, கிளி ஜோதிடம், பிறந்த தேதி, பிறந்த வருடம் இவைகளைக் கொண்டு எதிர்காலத்தைக் கணித்துக் கூறுவது,

o திருமணம் போன்ற சுப காரியங்களைச் செய்வதற்காக நல்ல நாள் மற்றும் நல்ல நேரம் போன்றவற்றை ஏற்படுத்தி இறைவன் படைத்துள்ள நாட்களில் பாகுபாடு காண்பது.

o பெயரியல் நியுமராலஜி என்ற பெயரால் பெற்றோர்கள் சூட்டிய நல்ல இஸ்லாமிய பெயர்களைக் கூட நிராகரிப்பவர்களின் விருப்பத்திற்கேற்ப மாற்றிக் கொள்வது.

பிளவுபட்ட சமுதாயம்: பிரிவினைக்கு அடிப்படை காரணம் பொறாமை தான்!

[ பொறாமையின் காரணத்தினால் ஒருவருக்கொருவர் சண்டையிட்டுக் கொண்டு முஸ்லிம்களுக்கு நாங்களும் நன்மை செய்யப் போகிறோம் என்ற பெயரால் பலரும் பிரிவு ஜமாஅத்துகளை ஆரம்பித்ததின் மூலம் சமுதாயத்திற்கு எப்படிப்பட்ட மக்கள் கிடைத்துள்ளார்கள் என்பதைப் பாருங்கள்.

தான் சார்ந்திருக்கும் ஜமாஅத்தின், இயக்கத்தின் தலைவர்கள் எதைச் சொன்னாலும் அதை அப்படியே கண்மூடித்தனமாக பின்பற்றித் தலைவர்களை வழிபடுபவர்கள்.

கருத்து வேறுபாட்டைக் காரணம் காட்டி மக்கள் மத்தியில் தனக்குள்ள செல்வாக்கு, மதிப்பு ஆகியவற்றைப் பயன்படுத்தி எந்த ஒரு நபிதோழரும் பிரிவினை ஜமாஅத்துகளை ஆரம்பிக்கவில்லை எனும்போது கருத்து வேறுபாட்டைக் காரணம் காட்டி யாரேனும் இஸ்லாத்தின் பெயரால் பிரிவினையை உருவாக்கினால் அது குர்ஆனுக்கு எதிரான செயலாகும்.]

உலகின் அனைவரையும்விட பெற்றோருக்கு அதிக உபகாரம் செய்ய வேண்டியது உண்மை முஸ்லிமின் கடமை

உண்மை முஸ்லிமின் தலையாயப் பண்புகளில் பெற்றோருடன் உபகாரமாகவும் நன்றியுடனும் நடந்து கொள்வது மிக முக்கியமானதொன்றாகும். இஸ்லாம் வலியுறுத்தும் மிக முக்கியக் கடமைகளில் பெற்றோருக்கு உபகாரம் செய்வது குறிப்பிடத்தக்கதாகும். இது குறித்த உறுதியான ஆதாரங்கள் உள்ளன.

மார்க்கப் பற்றுள்ள முஸ்லிம் அல்லாஹ்வின் வேதம் மற்றும் நபி ஸல்லல்லாஹு அலைஹி வஸல்லம் அவர்களின் வழிமுறைகளிலிருந்து பெறப்பட்ட ஆதாங்களை வழிகாட்டியாகக் கொள்ளவேண்டும். அவையனைத்தும் பெற்றோருடன் உபகாரமாகவும் அழகிய உறவுடனும் நடந்துகொள்ள வலியுறுத்துகின்றன.

அவர்களது அந்தஸ்தையும், அவர்களுக்கான கடமையையும் அறிவார் வேறெந்த மதத்திலும் இல்லாத, மனிதகுலம் கண்டிராத உயரிய அந்தஸ்தை பெற்றோருக்கு இஸ்லாம் மட்டுமே வழங்கியுள்ளது.

அல்லாஹ்வை ஈமான் கொள்வதற்கும், அவனை வணங்குவதற்கும் அடுத்ததாக பெற்றோருக்கு உபகாரம் செய்வதை இஸ்லாம் அமைத்துள்ளது.

அல்லாஹ்வின் திருப்திக்குப் பிறகு பெற்றோரின் பொருத்தத்தை இணைத்து திருக்குர்ஆனின் பல வசனங்கள் காணக்கிடைக்கின்றன. "அல்லாஹ்வையே வணங்குங்கள். அவனுக்கு யாதொன்றையும் இணையாக்காதீர்கள். பெற்றோருக்கு நன்றி செய்யுங்கள்". (அல்குர்அன் 4:36)

என் தலை எழுத்து!

யாருக்கு எது நடந்தாலும் 'இறைவன் உனக்கு எழுதி வைத்த தலைஎழுத்து என்று சொல்லுவார்கள்' அப்படியிருக்கும் போது அதன் படிதான் மனிதனும் நடக்கின்றான்.குடிக்காரன் குடிக்கிறான் கெட்டவர்கள் விபச்சாரம் செய்கிறார்கள், இதுவும் இறைவன் எழுதிய எழுத்து என்றால், ஏன் தண்டனை தர வேண்டும் இறைவன். இது என் தோழியின் கேள்வி.

எல்லாமும் இறைவனின் விதிப்படிதானே நடக்கின்றது. பிறகு நாம் எப்படி குற்றவாளியாவோம் என்ற எண்ணம் பரவலாக எல்லோருக்கும் இருக்கத்தான் செய்கின்றது. இறைவன் நாடியதுதான் நடக்கும், இறைவன் நாடாமல் எதுவொன்றும் நடக்காது என்ற கருத்தில் அமைந்த குர்ஆன் வசனங்களை இவர்கள் தங்களின் விதி நம்பிக்கைக்கு சாதகமாக நினைத்துக் கொள்கின்றார்கள். விதியைப் பற்றியோ அல்லது குர்ஆன் வசனங்களை விளங்காமையோதான் இத்தகைய சிந்தனைக்கு அவர்களைத் தள்ளுகின்றது.

அவர்கள் விளங்கும் விதத்தில் நாமும் சில கேள்விகளைக் கேட்போம்.

இறைவன் விதித்தப்படிதான் எல்லாமும் நடக்கின்றது என்று கூறினால் அதே இறைவன் தான் தூதர்களை அனுப்பி, வேதங்களை வழங்கி 'தூதர் காட்டிய வழியிலும், வேதத்தின் வழியிலும் வாழுங்கள்' என்கிறான். இதுவும் இறைவனின் விதிதான். விபச்சாரம் செய்து விட்டு 'இது விதி' என்று சொல்லுபவர்கள், தவறான காரியங்களில் ஈடுபட்டு விட்டு 'இது விதி' என்று கூறுபவர்கள் இறைவன் விதித்த "நல்வழியில் செல்லுங்கள்' என்ற விதியை ஏன் புறக்கணிக்கிறார்கள். அதுவும் விதிதானே..

தூயவனை நெருங்க தூய்மை அவசியமே!

RASMIN M.I.Sc  

உலக மக்களில் பெரும்பாலானவர்கள் கடவுல் நம்பிக்கை கொண்டவா்களாகவே இருக்கிறார்கள்.கடவுல் நம்பிக்கை கொண்ட பலர் கடவுளை சரியாக புரியாத காரணத்தினால் பல பிரச்சினைகளுக்கும், சிக்கள்களுக்கும் ஆளாவதை நாம் கண்டு வருகிறோம்.

கடவுளின் கடவுள் தன்மையை சரியாக விளங்காமைஇகடவுலை நெருங்குவதற்காக சரியான முறையை அறியாமை இதுபோன்ற பல காரணங்களினால் இன்றைக்குப் பலர் கடவுளுக்காகவென்று தங்கள் சொத்துக்களையும்,செல்வங்களையும் இழந்து நடுத்தெருவில் நிற்பதைப் பார்க்கிறோம்.

இன்னும் சிலரோ தான் கடவுளை எப்போதும் நினைக்க வேண்டும்இகடவுளுக்கு பணிவிடைகள் செய்ய வேண்டும் என்பதற்காக தனது உடல், உள தூய்மையைப் பற்றியோ அல்லது கடவுளை நெருங்கியதாக சொல்லிக் கொள்பவர்களின் தூய்மையைப் பற்றியோ கொஞ்சம் கூட சிந்திக்காமல் அசுத்தங்களின் மொத்த உருவங்களாக, அழுக்குகளின் பிறப்பிடங்களாக மாறியிருக்கிறார்கள்.

ஆதமுடைய மக்களே! ஒவ்வொரு தொழுமிடத்திலும் உங்கள் அலங் காரத்தைச் செய்து கொள்ளுங்கள்! (அல்குர்ஆன் 7:31)

[ அல்லாஹ்வின் திருப்பொருத்தம் ஒன்றை மட்டுமே குறிக்கோளாகவும் இன்னும் சுயநலன்கள், தேசியவாதம், பிரதேசவாதம், இனவாதம் ஆகிய அனைத்து சுயநலத் தாக்கத்தின் கீழ் எழுந்துள்ள பிரிவினைவாத இன உணர்வுகள் அனைத்தையும் விட்டு நீங்கி, அல்லாஹ் ஒருவனுக்கு மட்டுமே தனது அற்பணங்களை தனித்துவமான முறையில் வழங்கக் கூடிய இறைநம்பிக்கையாளர்களைக் கொண்ட சமுதாயத்திற்கு, இறைவன் நிச்சயமாக தனது வெற்றியை அருளுகின்றான் என்று தனது திருமறையிலேயே வாக்குறுதியை வழங்கியிருக்கின்றான்.

''அல்லாஹ்வுக்கு எவன் உதவி செய்கிறானோ, அவனுக்கு திடனாக அல்லாஹ்வும் உதவி செய்வான். நிச்சயமாக அல்லாஹ் வலிமை மிக்கோனும், (யாவரையும்) மிகைத்தோனுமாக இருக்கின்றான்.   அன்றியும், இவர்கள் (எத்தகையோரென்றால்) இவர்களுக்கு நாம் பூமியில் இடம்பாடாக்கிக் கொடுத்தால், இவர்கள் தொழுகையை முறையாகக் கடைப்பிடிப்பார்கள். ஜகாத்தும் கொடுப்பார்கள். நன்மையான காரியங்களைச் செய்யவும் ஏவுவார்கள். தீமையை விட்டும் விலக்குவார்கள் - மேலும், சகல காரியங்களின் முடிவும் அல்லாஹ்விடமே இருக்கிறது.'' (அல்குர்ஆன் 22: 40-41)]

o போர் தொடுக்கப்பட்டோருக்கு - அவர்கள் அநியாயம் செய்யப்பட்டிருக்கின்றார்கள் என்பதனால் (அவ்வாறு போர் தொடுத்த காஃபிர்களை எதிர்த்துப் போரிடுவதற்கு) அனுமதி அளிக்கப்பட்டிருக்கிறது; நிச்சயமாக அவர்களுக்கு உதவி செய்ய அல்லாஹ் பேராற்றலுடையவன்."

o இவர்கள் (எத்தகையோரென்றால்) நியாயமின்றித் தம் வீடுகளை விட்டு வெளியேற்றப்பட்டார்கள்; "எங்களுடைய இறைவன் ஒருவன்தான்" என்று அவர்கள் கூறியதைத் தவிர (வேறெதுவும் அவர்கள் சொல்லவில்லை); மனிதர்களில் சிலரைச் சிலரைக் கொண்டு அல்லாஹ் தடுக்காதிருப்பின் ஆசிரமங்களும் கிறிஸ்தவக் கோயில்களும், யூதர்களின் ஆலயங்களும், அல்லாஹ்வின் திரு நாமம் தியானிக்கப்படும் மஸ்ஜிதுகளும் அழிக்கப்பட்டு போயிருக்கும்; அல்லாஹ்வுக்கு எவன் உதவி செய்கிறானோ, அவனுக்கு திடனாக அல்லாஹ்வும் உதவி செய்வான். நிச்சயமாக அல்லாஹ் வலிமை மிக்கோனும், (யாவரையும்) மிகைத்தோனுமாக இருக்கின்றான்."

மறைந்திருக்கும் உண்மைகள்

  ரஹ்மத் ராஜகுமாரன்   

[ பூமியிலோ வானத்திலோ உள்ளவற்றில் ஓர் அணு அளவும் (நபியே) உம் இறைவனுக்குத் தெரியாமல் மறைந்து விடுவதில்லை, இவற்றைவிட சிறியதோ அல்லது பெரியதோ (எதுவாயினும்)அவனுடைய விரிவான பதிவுப் புத்தகத்தில் பதிவு செய்யப்டாமலில்லை. - அல்குர்ஆன் 10:61 ]

''ரிச்சர்டு இயர்சன்'' என்பவர் ‘INVISIBLE OBVIOUS’ என்கிற கண்ணுக்கு வெளிப்படையாக தெரியாத உண்மைகள்'' என்ற தலைப்பில் பல ஆய்வுகளை மேற்கொண்டு கோடிட்டு காட்டுகிறார்.இந்த கண்ணுக்குத் தெரியாத, அறிவிற்கு புலப்படாத, நிறைய சங்கதிகள் தற்செயலாக விஞ்ஞானிகளுக்கு தெரிந்து, அதைப்பற்றி தீர்க்கமாக ஆராய்ந்து உண்மைகளை வெளியே கொண்டு வந்து நோபல் பரிசு கிடைக்குமளவுக்கு கூட அவர்களுக்கு அவர்களது கண்டுபிடிப்புகள் இருந்திருக்கிறது. அதுவரையிலும் அந்த உண்மைகள் மறைந்தே இருந்திருக்கிறது.

1928-ல் அலெக்ஸாண்டர் பிளமிங், தான் ஒருவாரத்திற்கு முன் சாப்பிட்ட ரொட்டித்துண்டின் மிச்சங்கள் மீது பூசனம் பூத்து நாற்றம் அடித்துக் கொண்டிருந்தன. அதை எடுத்து வெளியே வீசப்போன பிளமிங் திடீர் என்று ஒரு யோசனை தோன்றியது. ரொட்டியின் பூசனத்தை மைக்ரோஸ் கோப்புக்குக் கீழே வைத்து ஆராய அங்கே நிமோனியா முதற்கொண்டு மனிதனுக்கு பலவிதமான வியாதிகள் வரக்காரணமான பாக்டீரியாக்களைப் பூத்துப் போன பூசனம் வதைத்து சாகடித்திருந்தது.