வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

குழுச்சிந்தனை, இஸ்லாமியச் சிந்தனையல்ல! Print E-mail
Friday, 12 August 2016 08:22

குழுச்சிந்தனை, இஸ்லாமியச் சிந்தனையல்ல!

முஸ்லிம் சமூகம் இங்கு மட்டும் பிந்தங்கி இருக்கவில்லை. ஐரோப்பா உள்ளிட்ட உலகத்தின் பல நாடுகளில் பிந்தங்கி இருக்கின்றனர். இந்தியாவில் அடைந்த பின்னடைவு கல்வி, விழுப்புணர்ச்சி இல்லாமையால் ஏற்பட்ட பின்னடைவு.

மற்ற நாடுகளில், தங்களுக்குள்ள கலாச்சார அடையாளத்தை நிறுவுவதற்கான போட்டியில் ஏற்பட்ட பின்னடைவு, அவர்களுக்கிடைய்லான பிரிவினைவாதச் சிந்தனை இப்படியாக்கியிருக்கின்றது.

கலாச்சார அடையாளமென்ற ஒன்று இஸ்லாத்தில் இல்லை, சொல்லப்படவுமில்லை. தனிப்பட்ட கேரக்டர், குணம், இஸ்லாமியச் சித்தாந்தம் தான் சொல்லப்பட்டுள்ளது. இஸ்லாத்தில் இதற்குத்தான் பிரதான இடம்.

இஸ்லாம் கூறிய சித்தாந்தங்களை புறக்கணித்து விட்டு கலாச்சார அடையாளத்தை காட்டுகிறோம் என்று கூறிக்கொண்டு முஸ்லிம் நாடுகளில் குழுக்கள் சண்டையிட்டுக் கொள்வதால் பின் தங்கிக்கொண்டுள்ளனர்.

Read more...
 
மதரஸாக்களின் வீழ்ச்சி! அவமானங்களை சுமக்கத் தயாராகும் முஸ்லிம்கள்!! Print E-mail
Friday, 19 August 2016 11:13

மதரஸாக்களின் வீழ்ச்சி! அவமானங்களை சுமக்கத் தயாராகும் முஸ்லிம்கள்!!

     CNM Saleem    

[  மார்க்கத்தின் வளர்ச்சியே எங்களின் உயிர் மூச்சு என்று வாழ்ந்த அன்றைய முதிர்ந்த உலமாக்களின் தியாகம் இவை அனைத்தையும் இன்றைய முஸ்லிம் சமூகம் வீணடித்து அவமானப்படுத்தி வருகிறது.

உயிர் வாழும் வரை வளர்த்தெடுக்க வேண்டியதும் உயிரைக் கொடுத்தாவது காப்பாற்றப்பட வேண்டியதுமான இந்த அரபு கலாசாலைகளை முஸ்லிம்கள் தங்களின் அலட்சியத்தாலும், அறியாமையாலும், குறுகிய மனப்பான்மையினாலும் படிப்படியாக மூடு விழா நடத்தும் அநியாயத்தை அரங்கேற்றி வருகின்றனர்.

முஸ்லிம் சமூகம் சொந்த செலவில் சூன்யம் வைத்துக் கொண்டு வருகிறது.

மன்னிக்க முடியாத இந்த வரலாற்றுப் பிழைக்கு பல உலமாக்களும் சமூக ஆர்வலர்களும், மாநில உலமா சபையயும் சாட்சியாக இருக்கின்றனர்.]

Read more...
 
முஸ்லிம் சமூகம் வீணுக்காகப் படைக்கப்படவில்லை Print E-mail
Monday, 10 October 2016 08:07

முஸ்லிம் சமூகம் வீணுக்காகப் படைக்கப்படவில்லை

[ முஸ்லிம் சமூகம் வீணுக்காகப் படைக்கப்படவில்லை. ஓர் உயர்ந்த இலட்சியத்திற்காகப் படைக்கப்பட்டுள்ளது.

இறைவனிடமிருந்து வந்த சத்தியத்தை சொல்லாலும் செயலாலும் தாமும் பின்பற்றி, பிறருக்கும் எடுத்துரைத்து, நன்மையை ஏவி, தீமையைத் தடுக்க வேண்டிய மகத்தானப் பொறுப்பு அதனிடம் ஒப்படைக்கப்பட்டுள்ளது.

இந்த இலட்சியத்தை அடைய முஸ்லிம்களிடையே பரஸ்பர அன்பு, நேசம் பரிவு இரக்கம், ஒற்றுமை உணர்வு தேவை.

இஸ்லாமிய சீர்திருத்தப் பணி என்பது இறைத்தூதர்கள் ஆற்றிய ஒப்பற்ற பணியாகும். உண்மை, வாய்மை, பொறுமை, நிலைகுலையாத் தன்மை கசிப்புத் தன்மை, சமூகத்தின் மீது ஆழ்ந்த அக்கறை, ஆகிய உயர்குணங்கள் அதற்குத் தேவை.]

Read more...
 
நேரில் வந்து அழைத்தால் தான் மரியாதையாம்! Print E-mail
Monday, 17 October 2016 07:40

நேரில் வந்து அழைத்தால் தான் மரியாதையாம்!

      S.A. மன்சூர் அலி, நீடூர்     

ஒரு திருமணம். உறவினர்களை அழைத்திட வேண்டும். ஆனால் அவர்களின் உறவினர்கள் ஒவ்வொருவரும் ஒவ்வொரு ஊரில்!

என்ன செய்கிறார்கள் நம்மவர்கள்? கார் ஒன்றை எடுத்துக் கொண்டு ஊர் ஊராகச் சென்று வீடு வீடாக ஏறி இறங்கி திருமணத்துக்கு அழைக்கிறார்கள். பல ஆண்டுகளாக இதுவே வழக்கமாக இருந்து வருகிறது.

மயிலாடுதுறையில் திருமணம் என்று வைத்துக் கொள்ளுங்கள்.

காரைக்கால் நாகூர் வரை ஒரு மார்க்கம். சீர்காழி சிதம்பரம் வரை இன்னொரு மார்க்கம். ஆடுதுறை கும்பகோணம் வரை இன்னொரு மார்க்கம். பூந்தோட்டம் திருவாரூர் என்று இன்னுமொரு மார்க்கம்.

இதில் வேடிக்கை என்னவென்றால் இந்த மார்க்கங்களுக்கெல்லாம் கட்டுப்படாத ஊர்களில் உறவினர்கள் இருந்தால் – ஒரு நாளைக்கு ஒரு ஊர் என்று அலைந்து திரிகிறார்கள் பெற்றவர்கள்.

Read more...
 
விபத்துகளிலிருந்து பாடம் பெறுவோமா? Print E-mail
Saturday, 22 October 2016 07:16

விபத்துகளிலிருந்து பாடம் பெறுவோமா?

உள்ளத்தை உருக்கும் துயரச் சம்பவம்! பாடம் பெறுவோமா?

உலகம் முழுவதும் நாள்தோறும் எண்ணற்ற துயரச் சம்பவங்கள் நடைபெறுகின்றன. ஆனால் நாம் வசிக்கும் பகுதியில், அல்லது நமது நெருங்கிய தொடர்பில் உள்ளவர்களுக்கு துன்பங்கள், துயரங்கள் ஏற்படும்போது அது மிகவும் மனதில் கவலையை ஏற்படுத்துகிறது.

கடையநல்லூரில் நாங்கள் வசிக்கும் பகுதி இக்பால் நகர். எங்கள் தெருவைச் சார்ந்த சகோதரி ஃபாத்திமா ஃபர்வின் (வயது 36), சகோதரர் முகம்மது இக்பால் அவர்களின் மனைவி. சகோதரி ஃபாத்திமா ஃபர்வின் அவர்கள் மதிய உணவு சமைப்பதற்காக மீன் வாங்கி வைத்துவிட்டு, தனது ஆறு வயது மகன் முகம்மது அத்தீக்கை பள்ளிக்கூடத்தில் விட்டுவிட்டு வந்துவிடுவோம் என்று வீட்டிலிருந்து கிளம்பியுள்ளார்.

இக்பால் நகர் பகுதியில் உள்ள சத்துணவுக் கூடம் அருகில் தனது சிறிய மகனோடு அச்சகோதரி வந்து கொண்டிருந்தபோது 12 ஆம் வகுப்பு படிக்கும் மாணவர் ஒருவர் மக்கள் நடமாட்டம் மிகுந்த அப்பகுதியில் கார் ஓட்ட படித்துள்ளார்.

அவர் காரை தவறாக இயக்கியதில் கார் மிக வேகமாக சீறி சகோதரி ஃபாத்திமா பர்வின் அவர்கள் மீது மோதி சம்பவ இடத்திலேயே அவர்கள் மரணித்துவிட்டார். (இன்னாலில்லாஹி வஇன்னா இலைஹி ராஜிஊன்) சிறுவன் அத்தீக் மருத்துவமனையில் அனுமதிக்கப்பட்டுள்ளார். (அல்லாஹ் அச்சிறுவனக்கு பூரண உடல் நலத்தை வழங்குவானாக)

ஃபாத்திமா பர்வின் அவர்களின் மூன்று குழந்தைகள் அஃப்ரின், செசினா, அத்தீக் ஆகியோர் பெற்ற தாயை இழந்து பரிதவிக்கும் நிலை. படைத்த இறைவனைத் தவிர வேறு யாரும் இத்துயரத்திற்கு பரிகாரம் செய்ய இயலாது! இச்சம்பவம் கடையநல்லூர் மக்களிடம், குறிப்பாக இக்பால் நகர் மக்களிடம் மிகப் பெரும் மனத்தாக்கத்தை ஏற்படுத்தியுள்ளது.

Read more...
 
பார்க்காமல் இருக்க முடியவில்லை..! பார்த்தாலும் இருக்க முடியவில்லை..! Print E-mail
Monday, 18 May 2015 06:15

பார்க்காமல் இருக்க முடியவில்லை..! பார்த்தாலும் இருக்க முடியவில்லை..!     

  Rasmin M.I.Sc 

தொலைக்காட்டி என்ற அழகிய கண்டுபிடிப்பு இன்று அசிங்கப்பட்டு நிற்பதற்குக் காரணம் அதில் வெளிவரும் தகவல்கள் தாம்.

நாட்டு நடப்புக்கள், மாணவர்களுக்கான நிகழ்ச்சிகள், சமுதாய விளிப்புணர்வுத் தகவல்கள் என்று நல்ல செய்திகள் வந்த காலங்கள் மலையேறிவிட்டது என்று சொல்லுமளவுக்கு இன்றைய தொலைக்காட்சி நிகழ்ச்சிகள் சமுதாய சீர்கேட்டை உண்டாக்குவதில் முக்கிய பங்கு வகிக்கிறது.

ஒரு நாளைக்கு குறைந்தது ஒரு திறைப்படமாவது ஒளி, ஒலிபரப்பாத சேனலே இருக்க முடியாது. அதே போல் எந்த சேனலில் தொலைக்காட்சி தொடர் நாடகங்கள் இல்லையோ அந்த சேனல்களை வீட்டுப் பெண்கள் பார்ப்பதற்கே விரும்புவதில்லை.

ஆம் திரைப்படத்தின் மூலம் ஒரு நாளைக்கு ஒரு திரைப்படத்திற்கு மூன்று மணி நேரங்கள் வீனடிக்கப்படுகின்றனவென்றால், தொலைக்காட்சித் தொடர்களுக்கு நாளும் பல மணி நேரங்கள் ஒதுக்கப்பட்டு குடும்பமே அமர்ந்து ரசிக்கும் நிலை உருவாகியுள்ளது.

Read more...
 
ஹலாலான சம்பாத்தியத்தின் உயர்வைப்பற்றி எண்ணிப்பார்ப்பார்களா? Print E-mail
Saturday, 30 May 2015 07:42

ஹராமான முறையில் மக்கள் பணத்தை தனதாக்கிக்கொண்டு உண்டு கொழிப்பவர்கள் ஒரு கணமேனும் இந்த உழைப்பாளியின் ஹலாலான சம்பாத்தியத்தின் உயர்வைப்பற்றி எண்ணிப்பார்ப்பார்களா?

''நம் விஷயத்தில் உழைப்போருக்கு நமது வழிகளைக் காட்டுவோம். நன்மை செய்வோருடன் அல்லாஹ் இருக்கிறான்''.. (அல்குர்ஆன் 29 : 69)

தனது கையால் உழைத்துச் சாப்பிடுகின்றவனைவிட சிறந்த உணவை வேறு யாரும் சாப்பிட முடியாது. இறைவனின் நபியாகிய தாவூத் அலைஹிஸ்ஸலாம்   அவர்கள் தமது கையால் உழைத்து அதிலிருந்து சாப்பிட்டார்கள் என நபியவர்கள் கூறினார்கள்.(புகாரீ) 

உழைத்து உண்ணும் உணவே நீங்கள் சாப்பிடுகின்ற உணவில் மிகச் சிறந்ததாகும் என்றும் நபி ஸல்லல்லாஹு அலைஹி வஸல்லம் அவர்கள் கூறினார்கள். (நூல்: திர்மிதீ)

Read more...
 
சிகிச்சையா? சித்திரவதையா? Print E-mail
Monday, 03 July 2017 10:56

சிகிச்சையா? சித்திரவதையா?

     உஸ்தாத் ரஷீத் ஹஜ்ஜுல் அக்பர்     

[ முஸ்லிம் உம்மத் என்ற உடம்பைத் தாக்கும் வெளிப்பாதிப்புகள் பல. எடுத்துக்காட்டாக ஆபாசமான சூழல், ஆடம்பர மோகம், அதனைத் தூண்டும் விளம்பரங்கள், மீடியாக்கள், சினிமா மற்றும் கலாசார சீர்கேடுகள், மது, சூது, போதை வஸ்துக்கள் எனப்பலவற்றைக் குறிப்பிடலாம்.

சமூகம் என்ற உடம்புக்கு வைத்தியம் செய்ய முயற்சிக்கும் தாஇகளில் அநேகர் இந்த வெளிப் பாதிப்புக்களிலிருந்து சமூகத்தைப் பாதுகாக்க வேண்டும் என்பதிலேயே கவனம் செலுத்துகின்றார்கள்.

சமூகத்தின் கட்டமைப்பிலுள்ள கோளாறுகளை சீர் செய்வதில் கவனம் செலுத்துவதில்லை அல்லது அந்தக் கரிசனை மிகவும் குறைவு என்றே கூற வேண்டும். அதனால் சிகிச்சைகள் பயனற்றுப் போகின்றன அல்லது சிகிச்சைகளே சித்திரவதைகளாகவும் மாறி வருகின்றன.

அன்பும் சகோதரத்துவமும் குறைவாகவே காணப்படுகின்றன.  சமூக விவகாரங்கள் கலந்தாலோசனை இல்லாமல், தீர்மானங்கள் இல்லாமல் கிடப்பிலேயே இருக்கின்றன.

கட்டுப்பாடு, ஒழுங்கு என்பன சமூகத்தில் மிகவும் அரிதாகவே காணப்படுகின்றன.  விமர்சனம் மட்டும் குறைவின்றி நடக்கின்றது.]

Read more...
 
மவ்லவிகளின் இம்மை மறுமை சீர்பட மாற்றுத் திட்டம் என்ன? Print E-mail
Saturday, 12 August 2017 07:30

 

மவ்லவிகளின் இம்மை மறுமை சீர்பட மாற்றுத் திட்டம் என்ன?

[ மார்க்கப்பணி புரிந்த   நபிமார்கள் அனைவரும்   உழைத்தே உண்டார்கள் ]

பெரும்பாலான பள்ளிகளில், பணம் படைத்தவர்கள் என்ற ஒரே காரணத்தால், வேறு எந்த தகுதியும் இல்லாத மார்க்க அறிவற்ற, ஹராம், ஹலால் பேணாதவர்களே,   தொழுகைக்காகப் பள்ளி பக்கம் வராதவர்களே நிர்வாகிகளாக   நியமிக்கப்படுகின்றனர்.

அவர்களின் அதிகார மமதைக்கு அடிபணிந்து செத்த ஆட்டை அறுத்த கதை,  வட்டிக் கடைளுக்கும், சினிமா கொட்டகைகளுக்கும், சூதாட்ட லாட்டரி கடைகளுக்கும் ஃபாத்தியாக்கள் ஓதிய கதைகளும் உண்டு.

மவ்லவிகளும், உலமாக்கள் சபைகளும் ஆத்திரமோ அனுதாபமோ இல்லாமல், நடுநிலையோடு, அல்லாஹ்வை பயந்து உண்மை நிலையை கண்டறிந்து ஏற்றுக் கொள்ள முன்வர வேண்டும்.

மனாருல் ஹுதா ஜூலை 2007 இதழ் பக்கம் 15-ல் ஹலால்-ஹராம்:3 வரிசையில் ஹலாலான உழைப்பின் சிறப்பு என்ற தலைப்பில் சகோ. M.முஹம்மது இப்றாஹீம் பாக்கவி அழகான ஆக்கம் ஒன்றை எழுதியுள்ளார்கள்..

அதில் ''மார்க்கப்பணி புரிந்த நபிமார்கள் அனைவரும் உழைத்தே உண்டார்கள். அது மட்டுமல்ல; அறிஞர்களும், வணக்கசாலிகளும் தமது வாழ்க்கையின் ஓர் அங்கமாக உழைப்பை ஆக்கிக் கொண்டனர் என்று எழுதுவதோடு, எண்ணற்ற இடங்களில் இக்கருத்து குர்ஆன்-ஹதீஸ்களில் வலியுறுத்தப்படுகிறது'' என்றும் எழுதியுள்ளார்கள்..

ஆனால் கைசேதம்! இவை அனைத்தும் ஊருக்கு உபதேசம் என்ற நிலையில் இருக்கிறதே அல்லாமல், மவ்லவி வர்க்கம் தங்களின் இழி நிலையை எண்ணிப்பார்ப்பதாயில்லை.

Read more...
 
ஹலாலான வியாபாரத்தை ஹராமாக மாற்றிக்கொள்ளும் சில வியாபாரிகள் Print E-mail
Wednesday, 15 August 2018 09:56

Image result for diamond business

ஹலாலான வியாபாரத்தை ஹராமாக மாற்றிக்கொள்ளும் சில வியாபாரிகள்

பேருவளையில் அதிகமானவர்கள் செய்யும் வியாபாரம் மாணிக்க வியாபாரம் இதில் சிலர் வியாபாரத்தில் எது    ஹலால்? எது ஹராம்? என்ற விளக்கம் இல்லாமல் வியாபாரத்தில் ஈடுபட்டு பணம் சம்பாதிக்கிறார்கள்

இன்றைய உலகில் வியாபாரம் என்றால் என்ன இஸ்லாம் வியாபாரத்தை பற்றி என்ன கூறுகிறது என்று பார்க்காமல் இன்றை வியாபாரம் செல்கிறது.

வியாபாரத்தைப் பற்றி அல்லாஹ் தன் திருமறையில் 2:275 வசனத்தில் குறிப்பிடுகிறான்:

''அல்லாஹ் உங்களுக்கு வியாபாரத்தை அனுமதித்திருக்கிறான். ஆனால் அல்லாஹ் கூறும் வியாபாரத்தில் அளவை நிறுவையில் மோசடி, பொய்யான வாக்குறுதி, பொருள் கலப்படம், குறையுள்ள பொருள் விற்பனை, வாங்குபவரை ஏமாற்றுதல், பொருள் விற்பனைக்காக அல்லாஹ் மீது சத்தியம் செய்தல், பொருளை பதுக்குதல், கொள்ளையடித்தல்,    திருடுதல், அல்லாஹ் ஹராமாக்கிய பொருளை விற்பனை செய்தல் அல்லது வாங்குதல், வாங்கிய பொருள் கைக்கு வருவதற்கு முன் விற்பனை செய்தல் போன்ற எண்ணற்ற குறைபாடுகள் கிடையாது.

ஆனால் இன்றைய வியாபாரத்தில் இவையெல்லாம் வியாபார நுணுக்கங்களாக தலை தூக்கிவிட்டன. பலர் எந்த வியாபாரம் ஹலாலானது, எந்த வியாபாரம் ஹரமானது என்பதை அறியாமலேயே வியாபாரம் செய்து வருகின்றனர். இதனால்தான் வியாபாரியாக இருந்து வாழ்க்கையை நடத்தும் முஸ்லிம்கள் எப்படி நடந்துகொள்ள வேண்டும் என்பற்கு இஸ்லாம் சில வரையறைகளை விதிக்கிறது.

Read more...
 
தவ்ஹீத் நிர்வாகிகள் பாலியல் பழியில் வீழ்வது ஏன்? Print E-mail
Thursday, 29 March 2018 08:47

தவ்ஹீத் நிர்வாகிகள் பாலியல் பழியில் வீழ்வது ஏன்?

[ இஸ்லாம் ஆண்களுக்கு ஜிகாத் என்னும் அல்லாஹ்வின் பாதையில் போர் புரிவதை கடமையாக்கியுள்ளது. அதேசமயம்    ஹஜ், செய்வதே பெண்களின் ஜிகாத் என்று தெளிவுபடுத்தியுள்ளது.

ஆனால் வழிகெட்ட கவாரிஜ்கள், ஆண்களுக்கும், பெண்களுக்கும் ஜிகாத் கடமையாகும் என்று கூறி பெண்களையும் களத்துக்கு கொண்டு வந்து நிறுத்தினர். இவர்களே முதன் முதலில் உதுமான் ரளியல்லாஹு அன்ஹு அவர்களின் கிலாஃபத் ஆட்சிக்கு எதிராக ஆண், பெண்களை திரட்டி போராட்டம் நடத்தியவர்கள்.

இந்த வழிகெட்ட கவாரிஜ்களின் வழிமுறையை பின்பற்றியே தமிழ்நாடு தவ்ஹீது ஜமாத்தும் ஒவ்வொரு ஆர்ப்பாட்டம், போராட்டம், மாநாடு என்று அனைத்து இயக்க நிகழ்வுகளுக்கும் ஆணையும், பெண்ணையும் ஒன்றாக களத்தில் இறக்கி விட்டு ஃபித்னாவுக்கு விதை போட்டனர்.

அடுத்து இவர்கள் பெண்களுக்கு செய்த மாபெரும் துரோகம், இயல்பாக வெட்க உணர்வும் நாணமும் கொண்ட பெண்களின் தங்கள் முகத்தை மூடும் சுய உரிமையை பறித்து, ஆண்களின் மத்தியில் அவர்களது அழகை ஹலாலாக காட்சிப்படுத்தியது. பெண்கள் முகத்தை மறைப்பது ஹராம் என்று தீர்ப்பளித்து ஃபித்னாவின் வாசலைத் திறந்து விட்டனர்.]

Read more...
 
நான் ஆலிம்/ஆலிமா ஆக முடியுமா? Print E-mail
Monday, 12 February 2018 07:28

நான் ஆலிம்/ஆலிமா ஆக முடியுமா?

      A. பஷீர் அகமது, புதுக்கோட்டை       

மார்க்கத்தை முறையாக படிக்க வேண்டும், பிழையில்லாமல் திருகுர்ஆன் ஓத வேண்டும், முடிந்தவரை தாவா செய்ய வேண்டும் என்று என்னைப் போல, பல சகோதரிகளும் கனவுலகில் வாழ்கிறார்கள்.

20, 25 வயதில் இருந்த ஆர்வம், வேகமெல்லாம் வயது ஆகஆக குறைந்து கொண்டே போகிறது. இப்பொழுது எனக்கு 50 வயது ஆகிறது. இன்னும் கூட ஒரு சின்ன பயான் நிகழ்ச்சி நடத்த ஆலிம் உலமாக்களை சார்ந்தே நிற்க வேண்டியுள்ளது.

பரவாயில்லை, நீயும் ஆலிம் ஆகலாம் என்று சில ஆலிம் நண்பர்கள் ஊக்கமூட்டியதால் இப்பொழுது முதலாம் ஆண்டு (1st ஜும்ர) Part Time Alim Degree Course படிக்கின்றேன்.

எனது மனப் போராட்டம், சந்தேகம், கடந்து வந்த பாதை, ஆலிம்கள் என்னிடம் சொன்னது, வேண்டுகோள் ஆகியவற்றை இங்கே தமிழ் முஸ்லிம் சமூகத்தில் விவாதப் பொருளாக வைக்க விரும்புகிறேன்.

7 சம்பவங்களையும் 3 தரப்பின் தீர்வுகளையும் முஸ்லிம் சமூகத்தில் முன் வைக்கின்றேன். இந்தக் கருப்பொருளை உலமாக்கள் சபையில் பேசலாமே, மற்ற ஏதாவது ஒரு இயக்கத்தின் சார்பாக வீடியோ விவாத அரங்கம் ஏற்பாடு செய்யலாமே என்று சிலர் சொன்னார்கள். அப்படி யாரும் செய்ய விரும்பினால் இந்தக் கட்டுரையை ஜெராக்ஸ் காப்பி எடுத்துக் கொண்டு, இந்தக் கட்டுரையை உங்களிடம் சமர்ப்பிக்கின்றேன்.

Read more...
 
அல்லாஹ்விடம் மட்டுமே நாம் பிரார்த்தனை செய்ய வேண்டும் Print E-mail
Tuesday, 03 September 2019 19:29

அல்லாஹ்விடம் மட்டுமே நாம் பிரார்த்தனை செய்ய வேண்டும்

நிராகரிப்பவர்கள் என்னையன்றி என் அடியார்களை(த் தம்) பாதுகாவலர்களாக எடுத்துக் கொள்ளலாம் என்று எண்ணுகிறார்களா? நிச்சயமாக இக்காஃபிர்கள் (விருந்துக்கு) இறங்குமிடமாக நரகத்தையே சித்தப்படுத்தி வைத்திருக்கின்றோம்.  (தம்) செயல்களில் மிகப் பெரும் நஷ்டவாளிகள் யார் என்பதை நான் உங்களுக்கு அறிவிக்கட்டுமா? என்று (நபியே!) நீர் கேட்பீராக.

யாருடைய முயற்சி இவ்வுலக வாழ்வில் பயனற்றுப் போயிருக்க தாங்கள் மெய்யாகவே அழகான காரியங்களையே செய்வதாக எண்ணிக் கொண்டிருக்கிறார்களோ அவர்கள் தான். (அல்குர்ஆன் 18:102-104)

மேலும் நிச்சயமாக நாம் மனிதனைப் படைத்தோம் அவன் மனம் அவனிடம் என்ன பேசுகிறது என்பதையும் நாம் அறிவோம்; அன்றியும் (அவன்) பிடரி(யிலுள்ள உயிர்) நரம்பை விட நாம் அவனுக்கு சமீபமாகவே இருக்கின்றோம். (அல்குர்ஆன்)

நன்றாக நாம் புரிந்துகொள்ள வேண்டும் எந்த ஒரு கஷ்டத்திலும் பிரச்னையிலும் நாம் அல்லாஹ்விடம் தான் நாம் பிரார்த்தனை செய்ய வேண்டும் இறைவனும் அவனிடமே மட்டுமே உதவி தேடச் சொல்கிறான். ]

Read more...
 
சோதனை! Print E-mail
Saturday, 08 March 2014 17:36

சோதனை

ஏகத்துவ சிந்தனையை கொண்டவர்கள் கூட தடுமாறி விடும் தருணம் சோதனைகள்.

ஒருவருக்கு தோல்விக்கு மேல் தோல்வியும், சோதனைக்கு மேல் சோதனையும் ஏற்படும் சமயத்தில் அவர் அல்லாஹ்வின் மகத்தான அருளுக்கு தான் உள்ளாகிறார் என்பதே குர்ஆன், ஹதீஸ் கூறுகிற பேருண்மை.

உலக வாழ்வில் எந்த சிரமங்களையும் சந்திக்காத நல்லதோர் வாழ்வை இறுதி வரை பெற்றிருப்பவர்கள் தான் உண்மையில் தங்கள் நிலை குறித்து கவலை கொள்ள வேண்டும்.
அதிக சிரமங்களை சந்திக்கிற ஒருவர், தான் செல்கிற மார்க்க ரீதியிலான வழியானது நேரானது தான் என்று ஆறுதலடைந்து கொள்ளலாம்.

இதில் விதிவிலக்குகள் இருக்கலாமே தவிர, பொதுவாய் இஸ்லாம் கூறும் அளவுகோல் இது.

Read more...
 
அமானுஷ்யம் : ஒரு பார்வை Print E-mail
Saturday, 08 February 2014 06:59

அமானுஷ்யம் : ஒரு பார்வை

இறந்தவர்கள் இவ்வுலகில் மீண்டும் வருவர் என்றும், மனிதர்களிடமும் சில அமானுஷ்ய சக்திகள் உண்டு என்றும் பலரும் நம்பியிருப்பதை காண்கிறோம்.

இதை வைத்து பிழைப்பு நடத்துபவர்கள் ஒரு பக்கமெனில், இதை உண்மை என நம்பி அதனால் அச்சப்பட்டு வாழ்க்கையையே தொலைக்கின்றவர்களும் இருக்கின்றனர்.

இதை இரு கோணங்களில் பார்க்கலாம்.

அமானுஷ்யம் உள்ளது என்பதை நம்பி அதை கண்டு பயப்படுவது ஒரு வகை.
பயந்து பயந்தே ஒன்றை அமான்ஷ்யமாக நம்பி விடுவது இன்னொரு வகை.

அமானுஷ்யம் உள்ளது என்று நம்பி ஒருவன் பயந்தானேயானால், அவன் நம்பியது போல் அமானுஷ்யம் இருக்கிறதா என்பதை ஆராய சொல்லலாம்.

ஒருவன் பயந்து பயந்து அதன் காரணமாய் அமானுஷ்யத்தை நம்பினானேயானால், அவனது பயத்தை தான் போக்க வேண்டும்.

நம்பிக்கையில் இரு வகை உள்ளது. ஒரு சித்தாந்தத்தையோ கொள்கையையோ நாம் ஏற்றுக் கொண்டிருக்கிறோம் என்கிற காரணத்தால் அதன் பரிணாமங்கள், விளக்கங்கள் அனைத்தையும் நம்புவது ஒரு வகை.

Read more...
 
மனித வரலாற்றில் மாபெரும் திருப்புமுனை! Print E-mail
Friday, 14 June 2013 06:57

மனித வரலாற்றில் மாபெரும் திருப்புமுனை!

நபிகளாரிடம் அந்த அந்தகர் வந்தபோது......

மனித வரலாற்றை திருத்தி எழுதிய நிகழ்வு அது! உண்மையில் அதுவே வரலாற்றின் ஒரு மிகப்பெரிய திருப்பு முனையும் கூட! மனிதன் சக மனிதனைப் பார்க்கும் பார்வையை மாற்றி அமைத்த நிகழ்வு அது!உலகெங்கும் மானிடப் பூங்காக்களில் சமத்துவப் பூக்கள் துளிர்விடத் துவங்கிய நாளேன்றே அந்நாளைக் கூறலாம்!

இனம், நிறம், மொழி, குலம், கோத்திரம் ஜாதி இவற்றின் பெருமைகளைக் கூறி மனிதர்களின் மத்தியில் வேறுபாடுகளை விதைத்து அதன் மூலம் பிற மனிதர்களின் உரிமைகளைக் கொள்ளையடித்துக் கொண்டு இருந்த தீய பழக்கத்திற்கு சாவுமணி ஒலிக்கத் துவங்கியது அதற்குப் பிறகுதான்!

இஸ்லாம் என்பது இறைவனுக்குக் கீழ்படிந்து வாழுதல் என்ற கட்டுக்கோப்பான வாழ்க்கை முறை. இதை நோக்கியே ஒவ்வொரு காலகட்டங்களிலும் உலகின் பல்வேறு பாகங்களுக்கும் வந்த இறைவனின் தூதர்கள் தத்தமது மக்களை அழைத்தார்கள். இதை இறுதியாக மறுஅறிமுகம் செய்ய வந்தவரே நபிகள் நாயகம் ஸல்லல்லாஹு அலைஹி வஸல்லம் அவர்கள்.

Read more...
 
தியாகம் புரியாமல் உயர்பதவி கிடைக்காது Print E-mail
Tuesday, 14 May 2013 20:13

தியாகம் புரியாமல் உயர்பதவி கிடைக்காது

டாக்டர் மௌலானா முஹம்மது முஸ்தஃபா ஷரீப் நக்ஷபந்தி

ராணி ஜுலைகா, அடிமை யூசுஃப் நபி மீது வயப்பட்டது. மிஸ்ர் எகிப்து நகரம் முழுவதும் செய்தி பரவியது. கடுமையான ஆட்சேபம், விமர்சனம் எழுந்தது.

சூரா யூசுஃப் அத்தியாயம் 12, வசனம் 31 ''ஃபலம்மா சமிய்அத் பி மக்ரிஹின்ன.'' ஜுலைகா அப்பெண்களின் பேச்சுக்களை கேட்டார்.

''அர்சலத் இலய்ஹின்ன'' இழைப்பு இன்விடேசன் அனுப்பப்பட்டது. உயர்தர இருக்கை, தரமான விருந்தோம்பல் ஏற்பாடாகிறது.

''வ அஃததத் லஹ§ன்ன முத்தக அன்'' ஐந்து நட்சத்திர விருந்து. கலந்து கொண்டோர் மேல் தட்டு, உயர்வர்க்க மங்கையர், பெரிய வீட்டு பெண்கள்.

வஆதத் குல்ல வாஹிதத்தின் மின்ஹ§ன்ன சிக்கீனன் ஒவ்வொருவருக்கும் கத்தி வழங்கப்பட்டது. துவக்க நிலையில், விருந்தின் ஆரம்பகட்டமாக பழம் கொடுக்கப்பட்டது. யூசுப் நபி அப்பெண்களை கடந்து செல்லுமாறு ஏவப்பட்டது.

''வ காலதிக்ருஜ் அலைஹின்ன ஃபலம்மா ரஅய்னஹு அக்பர்னஹு வகத்தஃன அய்திய ஹுன்ன'' மெய்மறந்து தரிசித்தனர். கைகளை வெட்டிக் கொண்டனர். பழம் நழுவியதும் தெரியவில்லை. கை ஆழமாக வெட்டுண்டதும் தெரியவில்லை. ...... அதிகபட்ச வெட்டு. சிறிய காயமல்ல. கடுமையான காயம்.

Read more...
 
பணம் - ஓர் இஸ்லாமிய பார்வை! Print E-mail
Thursday, 01 August 2013 09:34

ம் - ஓர் இஸ்லாமிய பார்வை!

    அஷ்ஷெய்க் நாஸிர் அலி உமரி     

பணம் என்றால் என்ன?

எல்லாருடைய வாழ்க்கையிலும் பணம் என்பது இன்றியமையாதது. பணத்தை பெறுவதற்காக மனிதன் எதையும் செய்யத் துணிந்து விடுகின்றான்.

எதார்த்தத்திலே பணத்தை நாம் எதற்கு பயன் படுத்துகிறோம்?

வாழ்க்கைக்குத் தேவையான பொருட்களை வாங்குவதற்கு பயன்படுத்துகிறோம். ஆரம்ப காலத்திலே பண்டமாற்றுமுறை என்பதுதான் இருந்து வந்தது.

தன்னிடம் உள்ள பொருட்களை கொடுத்து வேறு பொருளை வாங்கிக் கொள்வார்கள். கல்லையும் மண்ணையும் குழைத்து வீடு கட்டினார்கள். தென்னை ஓலையிலே கூரை மேய்ந்து கொண்டார்கள். பருத்திச் செடியிலே இருந்து பயன்பெற்று பருத்தியாடைகளை அணிந்து கொண்டார்கள்.

அவ்வளவுதான் மனிதனுடைய தேவை முடிந்தது. எனவே அப்போது மக்களுக்கு பணத்துடைய தேவைக்கும் அவ்வளவாக முக்கியம் ஏற்படவில்லை. யாரும் பணம் வைத்திருக்கவில்லை. தங்கம் வெள்ளி உலோகங்கள் பூமியிலிருந்து கண்டெடுத்த பிறகு மக்கள் தங்கத்தையும் வெள்ளியையும் பணமாக பயன்படுத்த ஆரம்பித்தார்கள். தங்க நாணயங்கள் உருவாக்கப்பட்டன. பதினாறாம் நூற்றாண்டில் இங்கிலாந்திலே மக்களிடம் தங்க நாணயங்கள் கையிருப்பு இருக்க ஆரம்பித்தன.

Read more...
 
பணத்தை இறைவனாக்காதீர்! Print E-mail
Monday, 29 July 2013 09:26

பணத்தை இறைவனாக்காதீர்

காசு – பணம் விஷயத்தில் கடந்த காலத்தில் வாழ்ந்த மக்கள்  மிகப் பெரும் பேணிக்கை இருந்ததாக நபிமொழிகளில் நாம் காண்பதுண்டு.

பணத்திற்கு ஆசைப்படாமல், அடுத்தவர் பணம் 'நமக்கு வேண்டாம்' என்ற எண்ணத்தில் வாழ்பவர்களும், தனக்கு தேவை இருக்கும் நிலையில் தனது பணத்தை தன்னை விட அதிகம் தேவையுள்ளவர்களுக்கு வாரி வழங்குபவர்களே வெற்றியாளர்கள் என்று திருக்குர்ஆன் கூறுகின்றது.

قال الله تعلي :وَالَّذِينَ تَبَوَّءُوا الدَّارَ وَالْإِيمَانَ مِنْ قَبْلِهِمْ يُحِبُّونَ مَنْ هَاجَرَ إِلَيْهِمْ وَلَا يَجِدُونَ فِي صُدُورِهِمْ حَاجَةً مِمَّا أُوتُوا وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ وَمَنْ يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ 59:9

முற்காலத்தில் வாழ்ந்த நன்மக்கள் இருவர் குறித்த நபிமொழியும் இதற்கு ஆதாரமே..

Read more...
 
நன்மையும் தீமையும் அல்லாஹ் வித்தித்துள்ள விதியின் படியே நிகழ்கிறது Print E-mail
Sunday, 17 February 2013 14:38

நன்மையும் தீமையும் அல்லாஹ் வித்தித்துள்ள விதியின் படியே நிகழ்கிறது

மூடநம்பிக்கை என்பது எப்போது தோன்றியது என்று சரியாகத் தெரியவில்லை. ஏதேனும் ஒரு காரியம் தனக்கு சாதகமாகவோ அல்லது பாதகமாகவோ அமைந்திட, அல்லது நல்லதாகவோ தீயதாகவோ அமைந்திடக் காரணமாக குறிப்பிட்ட சில நாட்கள், நேரங்கள், விஷயங்கள், செயல்கள், அனுஷ்டானங்கள், பொருள்கள், உயிரினங்கள், போன்றவைதாம் காரணிகள் என்று மனிதன் நம்புவதற்குப் பெயர் மூடநம்பிக்கையாகும்.

உதாரணத்திற்கு ஒரு பூனை குறுக்கே செல்வதால் தனக்கு ஏதாவது கெடுதி ஏற்படும் என்று நம்புவது; அல்லது தான் நாடிய/நடக்கவிருந்த நல்ல காரியம் நடைபெறாமல் போகக்கூடும் என்ற ஒரு சஞ்சலம், அல்லது ஒரு ஆந்தை அலறுவதால் ஒரு கெட்ட காரியம் நிகழும் அல்லது மரணம் நடைபெறும் என்று கருதுவது ஆகிய இவை காலங்காலமாக மனிதனிடம் காணப்படும் மூடநம்பிக்கையாகும்.

ஒருவர் தும்மினால் நல்லது நடக்கும் அல்லது நடக்காது என்று நம்புவது; வீட்டை விட்டு வெளியே போகும்போது எதிரில் விதவைகள்/குருடர்களைக் கண்டால் தனது காரியம் கெட்டு விடும் என்று கருதுவது; தனக்குப் பாதகமாக ஏதேனும் நிகழ்ந்தால், "காலையில் யார் முகத்தில் விழித்தோனோ?" என்று கருதி அந்த முகத்தை இணைத்து சம்பந்தப்படுத்துவது போன்றவையும் மூடநம்பிக்கையே.

Read more...
 
இறை நம்பிக்கையில் இருக்கின்றது தீர்வு Print E-mail
Friday, 02 August 2013 09:53

இறை நம்பிக்கையில் இருக்கின்றது தீர்வு

செயல்கள் பிறப்பெடுக்க எண்ணங்களும்,

எண்ணங்கள் தோன்ற சிந்தனையும்,

சிந்தனைக்கு அடித்தளமாய் மனதில் வேறூன்றியுள்ள நம்பிக்கையும் காரணமாய் அமைகின்றன.

இஸ்லாமியக் கோட்பாட்டின் எல்லாப் புள்ளிகளையும் 'நம்பிக்கையே' தீர்மானிக்கின்றது.

இறைவனைப் பற்றிய ஓரிறைக் கோட்பாடு, மரணத்திற்குப் பின்னால் வரவுள்ள மறுவுலக வாழ்க்கை குறித்த நம்பிக்கை — இவ்விரண்டு கருத்துருக்கள்தாம் ஓர் இறைநம்பிக்கையாளனின் (முஸ்லிமின்) அனைத்து செயல்களுக்கும் அடிப்படைக் காரணமாய் அமைகின்றன. இவ்விரண்டின் மீது அவர் கொண்டுள்ள நம்பிக்கையின் 'அளவு' தான் அவரிடமுள்ள இஸ்லாமின் அளவைத் தீர்மா னிக்கின்றது. இஸ்லாமியக் கோட்பாடு ஒருவருக்குப் பிடிக்கலாம்; பிடிக்காமல் போகலாம். ஆனால், 'இஸ்லாமியக் கோட்பாடு' என்பது இதுதான் என்பதை அவர் ஒத்துக் கொண்டுதான் ஆக வேண்டும். அதனை மாற்றியமைக்க யாராலும் — முஸ்லிம் மார்க்க அறிஞர்களாலும் கூட — முடியாது.

கருத்துக்களை, நம்பிக்கையை முன்னிலைப்படுத்த நல்லதொரு வாழ்க்கைக்கு வழிகாட்டுவதில் இஸ்லாம் தனித்து விளங்குகின்றது. கருக்கொலை, சிசுக்கொலை என்று 'நாகரீக உலகம்' என்று மனிதர் எண்ணிக் கொண்டுள்ள இந்நிகழ்கால உலகில் சர்வசாதாரணமாக குற்ற உணர்வின்றி செய் யப்பட்டு வரும் செயல்கள் ஆயிரத்து நானூறு ஆண்டுகளுக்கு முன் அரேபியாவில் தொடரத்தான் செய்தன.
இதோ, அக்காட்சிகளை வான்மறை குர்ஆன் அப்படியே படம்பிடித்துக் காட்டுகின்றது பாருங்கள்:

'இவர்களில் ஒருவருக்கு பெண்குழந்தை (பிறந்திருப்பது) பற்றி நற்செய்தி' சொல்லப்பட்டால், அவரது முகத்தில் கருமை கவ்விக் கொள்கின்றது. துக்கத்தால் அவரது தொண்டை அடைத்துக் கொள்கின்றது. இந்தக் 'கேவலமான செய்தி' கிடைத்து விட்டதே என்பதற்காக இனி யார் முகத் திலும் விழிக்கக் கூடாது என்று மக்களை விட்டு ஒதுங்கிச் செல்கிறார். அவமானப்பட்டுக் கொண்டு அப்பெண் குழந்தையை வைத்திருப்பதா அல்லது அதனை மண்ணில் புதைத்துவிடுவதா என்று சிந்திக்கிறார்!'  (அல்குர்ஆன் 16-58,59)

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 8 of 91

99 Names Of Allaah

-         310 300nd

Links

Links 2

Best Article