வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

உள்ளச்சத்துடன் தொழுவதன் பலன்கள் Print E-mail
Thursday, 24 February 2011 08:03

Related image

உள்ளச்சத்துடன் தொழுவதன் பலன்கள்

இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்: ''முஸ்லிமானதொரு மனிதன், தொழுகைக்கான குறித்த நேரம் வந்த பொழுது, அவன் முறையாக ஒளுச் செய்து, இறையச்சத்துடன் அவற்றைச் செய்து, (பள்ளியை நோக்கிச் சென்று தொழுது) இன்னும் சரியான முறையில் ருகூஉ செய்து இருப்பானேயானால், அது அவனது முந்தைய அனைத்துப் பாவங்களுக்குப் பரிகாரமாக அமையும், எதுவரை எனில் அவன் மிகப் பெரும் பாவங்களைச் செய்யாத வரைக்கும், அவனது பாவங்கள் மன்னிக்கப்படாமல் இருப்பதில்லை.'' (முஸ்லிம் 1-206 எண்.7-4-2)

மேலும் அவன் எந்தளவு உள்ளசத்துடன் தொழுதான் என்பதனைப் பொறுத்தே அவனது நன்மையின் அளவுகளும் அமையும் என்று இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள்.

''ஒரு அடியான் தொழுது இன்னும் அவனது (கணக்கில்) அதனைப் பத்து மடங்காக, அல்லது ஒன்பது மடங்காக, அல்லது எட்டு மடங்காக, அல்லது ஏழாக அல்லது ஆறாக அல்லது ஐந்தாக அல்லது நான்கு பங்காக, அல்லது மூன்றாக அல்லது பாதியாக எழுதப்படாமல் இருப்பதில்லை''. (அஹ்மத், ஸஹீஹ் ஜாமிஇ 1626).

எங்கே அவர் தன்னை ஓர்நிலைப்படுத்தினாரோ இன்னும் தனது கவனம் சிதறாமல் ஒருமுகப்படுத்திக் கொண்டாரோ அதற்குத் தகுந்த மாதிரி அவரது நன்மையின் பங்குகள் இருக்கும் என்பதை இப்னு அப்பாஸ் ரளியல்லாஹு அன்ஹு அவர்கள் இவ்வாறு கூறுகின்றார்கள் : ''நீங்கள் உ ங்களது தொழுகையில் எந்தளவு கவனம் செலுத்தினீர்களோ அந்தளவு (நன்மைகளைப்) பெற்றுக் கொள்வீர்கள்.''

Read more...
 
தொழுகையின் ஃபர்ளுகள் மற்றும் வாஜிபுகள் Print E-mail
Monday, 29 October 2012 21:12

  தொழுகையின் ஃபர்ளுகள் மற்றும் வாஜிபுகள்  

 தெரியாதவர்கள் தெரிந்து கொள்ளுங்கள். தெரிந்தவர்கள் நினைவுபடுத்திக் கொள்ளுங்கள்.

தொழுகையின் ருகுன்கள் (முதல் நிலைக் கடமைகள்): 

1) சக்தியுள்ளவன் நின்று தொழுவது

2) தக்பீரத்துல் இஹ்ராம் என்ற ஆரம்ப தக்பீர் கூறுவது

3) ஒவ்வொரு ரக்அத்திலும் சூரத்துல் பாத்திஹா ஓதுதல்

4) ருகூவு செய்தல்

5) ருகூவுக்குப் பின் நேராக நிற்பது

6) ஏழு உறுப்புகள் தரையில் படுமாறு ஸஜ்தா செய்தல்

Read more...
 
சொர்க்கத்தின் எட்டு வாசல்களும் திறக்கப்பட! Print E-mail
Friday, 10 April 2015 06:04

சுவனத்தின் திறவுகோள் தொழுகை!

தொழுகையின் திறவுகோள் உளூ!

சொர்க்கத்தின் எட்டு வாசல்களும் திறக்கப்பட!

'பிஞ்சுக்கால்களை கழுவும் சிறுவனின் அழகை ரசிப்பதா அல்லது அவனது செயலின் அழகை ரசிப்பதா? எத்தனையோ இளைஞர்கள், பெரியவர்கள் (அங்கச் சுத்தி) உளூ என்றால் என்னவென்றும் தொழுகையின் பக்கமும் வராமலிருக்கும் போது இந்த சிறுவன் எவ்வளவு அழகாக உளூ எடுக்கிறான் பாருங்கள்.

உங்களில் ஒருவர் முழுமையான முறையில் உளூ செய்து விட்டு, "அஷ்ஹது அன்லாயிலாஹ இல்லல்லாஹு வஅஷ்ஹது அன்ன முஹம்மதன் அப்துஹூ வரஸூலுஹூ" (அல்லாஹ்வைத் தவிர வேறு இறைவன் இல்லை என்றும் முஹம்மத் ஸல்லல்லாஹு அலைஹி வஸல்லம் அவர்கள் அல்லாஹ்வின் அடியாரும் தூதரும் ஆவார்கள் என்றும் உறுதிமொழிகிறேன்) என்று கூறினால், சொர்க்கத்தின் எட்டு வாசல்களும் அவருக்காகத் திறக்கப்படுகின்றன. அவற்றில் தாம் நாடிய வாசலில் அவர் நுழைந்து கொள்ளலாம்' என்று அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பாளர்: உமர் பின் கத்தாப் ரளியல்லாஹு அன்ஹு, நூல்: நஸாயீ 148)

Read more...
 
கடமையான தொழுகை தவிர மற்ற தொழுகைகளைத் தமது வீட்டில் தொழுவதே சிறப்பாகும் Print E-mail
Tuesday, 15 October 2013 10:49

கடமையான தொழுகை தவிர மற்ற தொழுகைகளைத் தமது வீட்டில் தொழுவதே சிறப்பாகும்

  ஷரஹ் அலி, உடன்குடி   

இன்றைய நாட்களில் பெரும்பாலான இறை இல்லங்களில் சுன்னத்தான, நஃபிலான தொழுகைகள், (ஜமாஅத்தாக) கூட்டு முறையில் நிறை வேற்றப்படுகின்றன. ஆனால் அவ்வாறு தொழலாமா? இஸ்லாமிய மார்க்கம் அதுபற்றி என்ன விளக்கம் தருகிறது என்பதை பலரும் கவனிக்கத் தவறிவிடுகின்றனர்.

நமது அமல்களை அல்லாஹ்வின் கட்டளைப்படியும், அல்லாஹ்வின் தூதர் ஸல்லல்லாஹு அலைஹி வஸல்லம் அவர் களின் கட்டளைப்படியும் அமைந்து மறுமையில் வெற்றி பெற வேண்டும் என்ற எண்ணத்தில்தான் இந்த கட்டுரை எழுதப்படுகிறதே தவிர யாருடைய மனதையும் புண்படுத்தும் நோக்கம் அல்ல!

சுன்னத்தான தொழுகைளும்; இன்னும் பிற நஃபிலான தொழுகைகளும் மார்க்கத்தில் உள்ளன என்பதில் எந்தவித சந்தேகமும் இல்லை. அதுமட்டுமின்றி ஃபர்ளான தொழு கைகள் நம்மீது விதிக்கப்பட்டுள்ள கடமைகளாகும். அவற்றை நிறைவேற்றுவதன் மூலம் நமது கடமைகள் நீங்கிவிடும். கடமையான தொழுகையில் ஏற்பட்டுள்ள குறைகள் நிவர்த்தி செய்யப்படுவதும், மேலதிகமான நன்மைகள் கிடைப்பதும் முன், பின் சுன்னத்துகள் நஃபில் உபரியான தொழுகைகளை நிறை வேற்றுவதின் மூலமே பெறமுடியும்.

அபூஹுரைரா ரளியல்லாஹு அன்ஹு அவர்கள் அறிவிக்கின்றார்கள். 'மறுமை நாளில் அடியானின் நற்செயல்கள் பற்றி விசாரணை செய்யப்படுவதில் முதன்மையானது அவனது தொழுகையைப் பற்றித் தான். அது சரியாக இருந்தால் அவன் வெற்றி பெற்று விடுவான். அது சரியாக இல்லையெனில் அவன் நஷ்டம் அடைந்து விடுவான். கைசேதப்படுவான். அவனது கடமையான ஃபர்ளு தொழுகையில் ஏதேனும் குறைபாடு இருந்தால், அப்போது அல்லாஹ் மலக்குகளிடம் இந்த அடியானிடம் ஏதேனும் உபரியான நஃபிலான தொழுகைகள் இருக்கின்றனவா? பாருங்கள் என்று கூறுவான். அவ்வாறே கடமையான தொழுகையில் ஏற்பட்டு உள்ள குறைகளை அதன் மூலம் நிவர்த்தி செய்யப்படும் என்று அல்லாஹ்வின் தூதர் ஸல்லல்லாஹு அலைஹி வஸல்லம் கூற நான் கேட்டுள்ளேன். (நூல்: அபூதாவூது)

Read more...
 
ஜும்ஆ தொழுகையின் தத்துவத்தையும், மகத்துவத்தையும் தெரிந்து இருந்தால்... Print E-mail
Wednesday, 16 September 2015 06:19

ஜும்ஆ தொழுகையின் தத்துவத்தையும், மகத்துவத்தையும் தெரிந்து இருந்தால்...

மனமே! ஜும்ஆ தொழுகையைப் பற்றி நீர் தெரிந்திருக்க மாட்டாய் என்று நினைக்கிறேன். அதன் தத்துவத்தையும் மகத்துவத்தையும் தெரிந்து இருந்தால் இமாம் அவர்கள் குத்பா பிரசங்கம் முடித்து தொழுகைக்காக மிம்பர் படியை விட்டு கீழே இறங்கும்போது இதைவிட பெரிய காரியத்தை முடித்து சாதனை புரிந்து வருவது போல் அவசர அவசரமாக அரையும் குறையுமாக ஒழு செய்துவிட்டு லுங்கி தரையை கூட்டி சுத்தப்படுத்தும் அளவுக்கு லுங்கி உடுத்திக்கொண்டு கட்பனியன் அதாவது ஸ்டைல் பனியன் போட்டுக்கொண்டு தொழுகையில் வந்து நிற்கமாட்டாய்.

முழுக்கையுள்ள சட்டை போடா உனக்கு வசதி இல்லையா? நீர் என்ன ஏழையின் மகனா? நம்மை படைத்து வளர்க்கும் எஜமானனின் முன் அலங்காரமாக நிற்க வேண்டாமா? ஒரு பெரிய அதிகாரியை காண வேண்டுமானால் எப்படி உன்னை அலங்கரித்து செல்வாய்?  நீ வசிக்கும் நாட்டின் உச்சபட்ச தலைவரை சந்திக்கும்போது எப்படி செல்வாய்? ஆனால் இங்கு நீ யாருடன் தொடர்பை ஏற்படுத்திக்கொள்ள வருகிறாய்? உலகையே ஆளும் மகா அதிபதியை அல்லவா?   உன் படிப்பின் இலட்சணம் இது தானா? இதனை நீர் உற்று உணர்ந்து பார்த்தால் தானே உனக்கு உன்னுடைய அறிவீனம் விளங்கும். உதவாத உருப்படாத வேலைகளுக்கே உனக்கு நேரமில்லாமல் இருக்கும்போது மார்க்க விடயத்தில் தெரிந்து கொள்ள உனக்கு எங்கே நேரம் இருக்க போகிறது!

இமாம் மிம்பர் படியில் ஏறும் முன்பே மலக்குகள் தொழுகைக்கு வருகின்றவர்களின் பெயர்களை பதிவு செய்கின்றனர். இமாம் மிம்பர் படி ஏறியதும் மலக்குகள் பதிவு ஏட்டை முடிவிட்டு இமாம் உடைய பிரசங்கத்தை கேட்கின்றனர் என்ற நபி மொழியை இப்போதாவது தெரிந்து கொண்டு தொழுகைக்கு முந்திக் கொள்! இதனை தெரிந்தும் உரிய காலத்தை வீணடித்து பிற்படுத்துவாயானால் நீர் நாடி வரும் நன்மைகளை பெற முடியாமல் போய்விடும். எனவே முந்திக் கொள்.

Read more...
 
திருட்டால் மிக மோசமான திருடன் தனது தொழுகையிலே திருடுபவன்தான்! Print E-mail
Friday, 11 September 2015 09:06

தொழுகையில் திருடும் பலே திருடர்கள்!

அபூஹுரைரா ரளியல்லாஹு அன்ஹு கூறியதாவது :

நபி ஸல்லல்லாஹு அலைஹி வஸல்லம் அவர்கள் பள்ளிக்கு வந்தார்கள். ஒரு மனிதரும் (அந்த நேரத்தில்) பள்ளிக்கு வந்து தொழலானார். (தொழுது முடித்ததும்) நபி ஸல்லல்லாஹு அலைஹி வஸல்லம் அவர்க ளுக்கு அவர் ஸலாம் கூறினார். நபி ஸல்லல்லாஹு அலைஹி வஸல்லம் அவர்கள் பதில் ஸலாம் கூறினார்கள். பின்பு ”திரும்பவும் நீர் தொழுவீராக? நீர் தொழவே இல்லை” என்று கூறினார்கள்.

அந்த மனிதர் முன்பு தொழுதது போலவே மீண்டும் தொழுதுவிட்டு வந்து நபி ஸல்லல்லாஹு அலைஹி வஸல்லம் அவர்களுக்கு ஸலாம் கூறினார். ”திரும்பவும் தொழுவீராக! நீர் தொழவே இல்லை” என்று நபி ஸல்லல்லாஹு அலைஹி வஸல்லம் அவர்கள் கூறினார்கள். (இவ்வாறு மூன்று தடவை நடந்தது.) அதன் பிறகு அந்த மனிதர் “சத்திய மார்க்கத்துடன் உங்களை அனுப்பியுள்ள இறைவன் மீது ஆணையாக இவ்வாறு தொழுவதைத் தவிர வேறு எதையும் நான் அறிந்திருக்கவில்லை! எனவே எனக்குக் கற்றுத் தாருங்கள்!’ என்று கேட்டார்.

“நீர் தொழுகைக்காக நின்றதும் தக்பீர் கூறுவீராக! பின்னர் குர்ஆனில் உமக்குத் தெரிந்தவற்றை ஓதுவீராக! பின்னர் அமைதியாக ருகூவு செய்வீராக! பின்னர் ருகூவிலிலிருந்து எழுந்து சரியான நிலைக்கு வருவீராக! பின்னர் நிதானமாக ஸஜ்தாச் செய்வீராக! ஸஜ்தாவிலிருந்து எழுந்து நிதானமாக உட்காருவீராக! பின்னர் அடுத்த ஸஜ்தா செய்வீராக, இவ்வாறே உமது எல்லாத் தொழுகையிலும் செய்து வருவீராக!” என்று நபி ஸல்லல்லாஹு அலைஹி வஸல்லம் கூறினார்கள். (புகாரி : 793)

Read more...
 
“யார் ஸுபுஹ் தொழுகையைத் தொழுகின்றாரோ அவர் அல்லாஹ்வின் பாதுகாப்பில் இருக்கின்றார்” Print E-mail
Saturday, 26 September 2015 06:38

“யார் ஸுபுஹ் தொழுகையைத் தொழுகின்றாரோ அவர் அல்லாஹ்வின் பாதுகாப்பில் இருக்கின்றார்”

அதிகாலைத் தொழுகைக்குச் செல்லும் ஒருவரைப் பார்த்து இறைவன் வியக்கும்காட்சியை நபி ஸல்லல்லாஹு அலைஹி வஸல்லம் அவர்கள் இவ்வாறு விவரிக்கின்றார்கள்!!!

அதிகாலை என்பது மாற்றத்தின் நேரம். உலகில் பல மாற்றங்களை அல்லாஹ் அதிகாலை நேரத்திலேயே செய்கின்றான். எனவேதான் அதிகாலைத் தொழுகையை நிறைவேற்றுபவர்களை இஸ்லாம் வாழ்த்துகின்றது. வெறுமனே மீசையும் தாடியும் வைத்திருப்பவர்கள் அல்லர் ஆண்கள்; மாறாக அதிகாலைத் தொழுகையை செவ்வனே பள்ளிவாசலில் நிறைவேற்றுபவர்களே உண்மையான ஆண்கள் என்று இஸ்லாம் பட்டப் பெயர் சூட்டுகின்றது.

நபி ஸல்லல்லாஹு அலைஹி வஸல்லம் அவர்கள் அல்லாஹ்விடம் இவ்வாறு துஆ கேட்டார்கள்: “யா அல்லாஹ்! எனது சமூகத்திற்கு அதிகாலை நேரத்தில் அருள்வளத்தை நல்குவாயாக!” (நூல்: அபூதாவூத்)

அண்ணலார் ஸல்லல்லாஹு அலைஹி வஸல்லம் அவர்களின் இந்தப் பிரார்த்தனைக்கு எந்தவிதத் தகுதியும் இல்லாமல் அதிகாலை நேரத்தில் தூங்கிக் கொண்டிருக்கும் சமூகமாகவே நம் சமூகம் இருக்கின்றது.

ஃபாத்திமா ரளியல்லாஹு அன்ஹா அறிவிக்கின்றார்: அதிகாலை நேரத்-தில் நான் படுக்கையில் புரண்டு படுத்துக் கொண்டிருந்தேன். அந்நேரம் அண்ணலார் ஸல்லல்லாஹு அலைஹி வஸல்லம் என்னருகே வந்து தங்களது பாதங்களால் என்னை உசுப்பிவிட்டு இவ்வாறு கூறினார்கள்: “அருமை மகளே! எழு! அல்லாஹ்வின் வாழ்வாதாரங்கள் வழங்கப்படும் நேரத்திற்கு சாட்சியாளராக இரு. அலட்சியப் படுத்துபவராக மாறிவிடாதே. அதிகாலை நேரத்திற்கும் சூரிய உதயத்திற்கும் இடையே இறைவன் (ரிஸ்க் எனும்) வாழ்வாதாரத்தை வழங்குகிறான்.” (நூல்: பைஹகீ)

Read more...
 
தொழுகையில் இறையச்சத்தை ஏற்படுத்தும் காரணிகள் Print E-mail
Thursday, 17 September 2015 07:41

தொழுகையில் இறையச்சத்தை ஏற்படுத்தும் காரணிகள்

  முதலாவது அம்சம்  

இறையச்சத்தை ஏற்படுத்தி, அதனை வலுப்படுத்தக் கூடியவைகள்:

1. தொழுகைக்காக தயாராகுதலும், அதற்கான ஆயத்தங்கள் செய்வதும்: இது பல அம்சங்களைக் கொண்டதாகும். அவைகளில்:-

முஅத்தின் கூறும் பாங்கைப் போன்று பதில் பாங்கு கூறுதல், அதானுக்கும், இகாமத்திற்கு இடையில் பிரார்த்தித்தல், பிஸ்மில்லாஹ் கூறி உழூவை ஆரம்பம் செய்தல், அதன் பின்னர் திக்ர், பிரார்த்தனைகள் செய்தல், மிஸ்வாக் செய்வதில் அதிக அக்கறை எடுத்துக் கொள்ளுதல், தூய்மையான அழகிய ஆடைகள் அணிந்து, அடக்கத் தோடும், பணிவோடும் பள்ளிக்குச் சென்று தொழுகையை எதிர் பார்த்திருத்தல், தொழுகையின் (ஸஃப்-ஐ) வரிசையை சரி செய்வதுடன் அதில் நெருக்கமாக நிற்றல் போன்ற காரியங்கள் உள்ளடங்கி இருக்கும்.

2. தொழுகையில் அமைதி பேணுதல்:

நபி ஸல்லல்லாஹு அலைஹி வஸல்லம் அவர்கள் தனது எலும்புகளின் இடுக்குகள் அதனதன் இடத்தில் மீண்டு நிலை பெறுகின்ற வரை தொழுகையில் அமைதி பேணுபவர்களாக இருந்தார்கள்.

3. தொழுகையில் மரணத்தை நினைவு கூறுதல்:

(உனது தொழுகையில் மரணத்தை நினைவு கூறுவீராக! ஏனெனில் ஒரு மனிதன் தொழுகையில் மரணத்தை நினைவு கூறுவதால் அவனது தொழுகையை அழகாக தொழுவதற்கு வாய்ப்புக்கிட்டும். மேலும் இதன் பின்னரும் தொழுகை கிடைத்திடாது என எண்ணித் தொழும் மனிதனின் தொழுகை போன்று தொழுவாயாக! என ஹதீஸ்களில் அறிவிக்கப்பட்டுள்ளது.

Read more...
 
இமாமத் செய்வதற்கான சட்டமும், ஒழுங்குகளும் Print E-mail
Wednesday, 20 January 2016 08:24

இமாமத் செய்வதற்கான சட்டமும், ஒழுங்குகளும்

இருவரோ, அதற்கு அதிகமானவர்களோ இருந்தால் ஜமாஅத்தாக தொழலாம்.

عَنْ مَالِكِ بْنِ الحُوَيْرِثِ، قَالَ: أَتَى رَجُلاَنِ النَّبِيَّ صَلَّى اللهُ عَلَيْهِ وَسَلَّمَ يُرِيدَانِ السَّفَرَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: அإِذَا أَنْتُمَا خَرَجْتُمَا، فَأَذِّنَا، ثُمَّ أَقِيمَا، ثُمَّ لِيَؤُمَّكُمَا أَكْبَرُكُمَاஞ صحيح البخاري

மாலிக் இப்னு ஹுவைரிஸ் ரளியல்லாஹு அன்ஹு அவர்கள் கூறினார்கள்: பயணத்தை மேற்கொள்ள விரும்பிய இருவர் நபி ஸல்லல்லாஹு அலைஹி வஸல்லம் அவர்களிடம் வந்தனர். அப்போது அவர்களிடம் ‘நீங்கள் இருவரும் பயணம் புறப்பட்டுச் சென்றால், தொழுகைக்காக பாங்கு சொல்லி, பின்னர் இகாமத்தும் சொல்லுங்கள். பின்னர் உங்களில் பெரியவர் இமாமாக நின்று தொழுகை நடத்தட்டும்’ என்று இறைத்தூதர் ஸல்லல்லாஹு அலைஹி வஸல்லம் அவர்கள் கூறினார்கள். (புகாரி: 630, முஸ்லிம்)

عَنْ أَبِي سَعِيدٍ الْخُدْرِيِّ، قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: அإِذَا كَانُوا ثَلَاثَةً فَلْيَؤُمَّهُمْ أَحَدُهُمْ، وَأَحَقُّهُمْ بِالْإِمَامَةِ أَقْرَؤُهُمْஞ صحيح مسلم

நபி ஸல்லல்லாஹு அலைஹி வஸல்லம் கூறினார்கள்: மூன்று பேர் இருந்தால் அவர்களுக்கு ஒருவர் இமாமத் செய்யட்டும், அவர்களுள் இமாமத் செய்வதற்கு மிகவும் தகுதியானவர் நன்றாக ஒதுபவரே. (முஸ்லிம்)

Read more...
 
தொழுகையில் மறதியின் காரணமாக ரக்அத்கள் விடுபட்டால்... Print E-mail
Saturday, 21 May 2016 07:36

தொழுகையில் மறதியின் காரணமாக ரக்அத்கள் விடுபட்டால்...

    மௌலவி யூனுஸ் தப்ரீஸ்    

மனிதன் மறதியாளனாக படைக்கப்பட்டுள்ளான். மார்க்க விடயமாக இருக்கலாம். அல்லது உலக விவகாரங்களாக இருக்கலாம். தன்னை அறியாமல் மறந்து விட்டு, பிறகு அதை நினைத்து வருத்தமடைவான். இந்த வரிசையில் அல்லாஹ்வுடைய கடமையான தொழுகையின் போதும் மறதி என்ற அடிப்படையில் தொழுகைக்குள் உள்ள ரக்அத்களோ, அல்லது அத்தஹிய்யாத்தில் உட்காராமல் எழுவது போன்ற நிகழ்வுகள் ஏற்படலாம். இப்படி ஏற்பட்டால் என்ன செய்வது என்பதை நாம் தெளிவு பெற வேண்டும்.

தொழகையைப் பொறுத்தவரை அதற்கு முன்னோடியாக நபி ஸல்லல்லாஹு அலைஹி வஸல்லம் அவர்கள் இருக்கிறார்கள்.

‘என்னை எவ்வாறு தொழக் கண்டீர்களோ அவ்வாறு தொழுங்கள்' என்று கூறக்கூடிய ஹதீஸின் மூலம் தொழுகைக்கு வழிகாட்டி நபி ஸல்லல்லாஹு அலைஹி வஸல்லம் அவர்கள்தான் என்பதை நாம் மிகத் தெளிவாக விளங்கிக் கொள்ள வேண்டும்.

இன்று பள்ளிகளில் இமாம்கள் தொழுவிக்கும்போது சில நேரங்களில் இரண்டாவது ரக்அத்திற்கு உட்காராமல் மறந்து மூன்றாவது ரக்அத்திற்கு எழுந்து விடலாம். அல்லது நான்காவது ரக்அத் என்று நினைத்து மறதியால் மூன்றாவது ரக்அத்தில் உட்கார்ந்து ஸலாம் கொடுத்து விடலாம். அல்லது நான்காவது ரக்அத்தில் உட்காருவதற்குப் பகரமாக ஐந்தாவது ரக்அத்திற்கு எழுந்து, பிறகு உட்கார்ந்து ஸலாம் கொடுப்பார்.

Read more...
 
வித்ர் தொழுகையின் சட்டங்கள் Print E-mail
Wednesday, 03 August 2016 06:42

        வித்ர் தொழுகையின் சட்டங்கள்       

வித்ர் தொழுகையின் ரக்அத்துக்கள் 1, 3, 5, 7, 9, 11

வித்ர் தொழுபவர் 1, 3, 5, 7, 9, 11 என எந்த ஒற்றைப்படையான எண்ணிக்கையிலும் தொழுது கொள்ளலாம்.

ஒரு ரக்அத்து:

வித்ர் ஒரு ரக்அத்தும் தொழலாம் என்பதுதான் பெரும்பான்மையான அறிஞர்களின் கருத்தாகும். அவர்களின் கருத்துக்களுக்குப் பின்வரும் ஆதாரங்களைச் சான்றாக முன் வைக்கின்றனர்.

‘இப்னு உமர் ரளியல்லாஹு அன்ஹு அறிவித்தார். நபி ஸல்லல்லாஹு அலைஹி வஸல்லம் அவர்கள் மேடை மீது இருக்கும்போது ‘இரவுத் தொழுகை பற்றி நீங்கள் என்ன கூறுகிறீர்கள்?’ என்று ஒருவர் கேட்டார். ‘இரண்டிரண்டாகத் தொழ வேண்டும். ஸுப்ஹை தொழ முடியாது என்று அஞ்சினால் ஒரு ரக்அத் தொழலாம். அவர் தொழுதது அவருக்கு வித்ராக அமையும். உங்களின் கடைசித் தொழுகையாக வித்ரை ஆக்கிக் கொள்ளுங்கள்! என்று நபி ஸல்லல்லாஹு அலைஹி வஸல்லம் கூறினார்கள்.’ (புகாரி: 472)

‘இப்னு அபீ முலைக்கா ரஹ்மதுல்லாஹி அலைஹி அறிவித்தார்: முஆவியா ரளியல்லாஹு அன்ஹு, தம்மிடம் இப்னு அப்பாஸ் ரளியல்லாஹு அன்ஹு அவர்களின் அடிமையொருவர் (குரைப்) இருக்க, இஷா தொழுகைக்குப் பின் ஒரு ரக்அத் வித்ரு தொழுதார்கள். அந்த அடிமை இப்னு அப்பாஸ் ரளியல்லாஹு அன்ஹு அவர்களிடம் சென்றார். (முஆவியா ரளியல்லாஹு அன்ஹு அவர்கள் ஒரு ரக்அத் வித்ரு தொழுத விஷயத்தைக் கூறினார்.) இப்னு அப்பாஸ் ரளியல்லாஹு அன்ஹு, ‘அவரை (அப்படியே தொழ)விட்டு விடு. ஏனெனில், அவர் இறைத்தூதர் ஸல்லல்லாஹு அலைஹி வஸல்லம் அவர்களுடன் தோழமை கொண்டிருந்தார்’ என்று கூறினார்கள்.’ (புகாரி: 3764)

Read more...
 
அஸர் வக்து நேரமும் தவறான வரட்டுப் பிடிவாதமும்! Print E-mail
Thursday, 29 August 2013 07:26

அஸர் வக்து நேரமும்  தவறான வரட்டுப் பிடிவாதமும்!

[ சில ஆண்டுகளுக்கு முன் திருநெல்வேல்யிலிருந்து வெளி வரும் (சுன்னத் வல் ஜமா அத்தைச்சார்ந்த) "ஜமா அத்துல் உலமா" எனும் மாத இதழில் மவ்லவீ, லியாகத் அலீ மன்பஈ அவர்கள் எழுதிய ஒரு கட்டுரையில் ஹனஃபீ மத்ஹபின்படி ''அஸர் வக்த்'' நேர ஆரம்பம் என்பது ''சூரியனின் நிழல் ஒரு பொருளின் உயரத்தை அதே அளவு அடைந்து விடும் நேரமே சரியான அஸருடைய நேரமாகும்'' என்பதே உண்மை. ஹனஃபி மத்ஹபின் மிக பிரசித்திபெற்ற துர்ருல் முக்தார் போன்ற நூல்களில் இவ்வாறு தான் காணப்படுகிறது என்றும், சூரியனின் நிழல் இரு மடங்கு விழுந்தவுடன் தான் ஆரம்பமாகிறது என்பது இமாம் அபூ ஹனீஃபா ரஹ்மதுல்லாஹி அலைஹி அவர்களின் தனிப்பட்ட கருத்து என்றும், அது தவறான கருத்து என்று ஹனஃபி மத்ஹபைச்சார்ந்த இமாம் முஹம்மத் ரஹ்மதுல்லாஹி அலைஹி, இமாம் யூஸூஃப் ரஹ்மதுல்லாஹி அலைஹி போன்ற ஏனைய மற்ற இமாம்கள் கருத்து தெரிவித்துள்ளனர் என்றும் எழுதியிருந்தார்.

இதற்கு பதிலளிக்கும் விதமாக அதே திருநெல்வேலியிலிருந்து வெளிவரும் "ரஹ்மத்" எனும் மாத இதழில் அதன் ஆசிரியர் தலையங்கத்தில் "ஹா! உங்களைப்பற்றி எனக்குத்தெரியாதா... எனும் தோரணையில் வாய்ச்சவடாலைத்தான் பதிலாகக் கொட்டியிருந்தாரே தவிர சரியான பதிலை அளிக்கவில்லை. அவரால் முடிந்ததெல்லாம் மவ்லவீ லியக்கத் அலீ மன்பஈ அவர்களை "நஜாத்" காரர் என்று முத்திரை குத்தியதுதான்.

இதற்கு பதில் அளித்த்த மவ்லவீ லியாக்கத் அலீ மன்பஈ அவர்கள், "நான் நஜாத் காரனல்ல, நீங்கள் வேண்டுமானால் மதரஸாக்களில் உள்ள அத்தனை ஹனஃபி மத்ஹபு கிதாபையும் எடுத்து பாருங்கள், நான் சொன்னது போல் இருக்கிறதா இல்லையா என்பதை கண்டுகொள்வீர்கள்" என்று பதிலளித்திருந்தார்.

அதுமட்டுமின்றி "அஸர் வக்து வந்த பிறகும் அதனை உடனே தொழாமல் காலதாமதம் செய்து தொழுவது எவ்வளவு பெரிய கைசேதம்...?!" என்றும் தனது வருத்தத்தை தெரிவித்திருந்தார். ஆக உண்மை எது என்று தெரிந்திருந்தும் அதனை மூடி மறைப்பதில் மார்ர்க்க அறிஞர்களிடம் இருக்கும் பிடிவாதம் வியக்க வைக்கிறது.

Read more...
 
தொழுகையில் தொடரும் நன்மைகள் Print E-mail
Tuesday, 15 November 2016 07:46

தொழுகையில் தொடரும் நன்மைகள்

ஏக இறைவனை நம்பிக்கை கொண்ட பிறகு அடுத்தபடியாக செய்ய கூடிய அமல்களில் சிறந்த அமல் தொழுகையாகும். அல்லாஹ்வை நம்பிக்கை கொண்ட பிறகு ஏன் முதலில் தொழுகையை நிலைநாட்ட வேண்டும் என்று அல்லாஹ் கூறுகின்றான்.

பெற்றோர்களை பேணுதல், ரமலான் மாதத்தில் நோன்பு வைத்தல், ஹஜ் செய்தல், ஜகாத் கொடுத்தல் இதுபோன்ற பல சிறந்த அமல்கள் இருந்தாலும் அல்லாஹ் தொழுகைக்குத்தான் முன்னுரிமை வழங்குகிறான்.

முக்கியத்துவம் வாய்ந்த இந்தத் தொழுகைக்கு மட்டும் பல நன்மைகளை வழங்குகிறான். தொழுகைக்காக உளூ செய்தால், தொழுவதற்கு பள்ளிக்கு நடந்து வந்தால், பாங்கு கூறினால். பாங்குக்கு பதில் கூறினால், பாங்கு முடிந்த உடன் துஆ ஒதினால் என்று எல்லாவற்றுக்கும் நன்மை, நன்மை என்று வாரி வழங்குகின்றான்.

Read more...
 
ஜமாஅத் தலைவர்களும்! ஜமாஅத் தொழுகைகளும்! Print E-mail
Sunday, 21 December 2014 06:51

ஜமாஅத் தலைவர்களும்! ஜமாஅத் தொழுகைகளும்!

அல்லாஹ்வையும், இறுதி நாளையும் நம்பி தொழுகையை நிலைநாட்டி ஸகாத்தும் கொடுத்து அல்லாஹ்வைத் தவிர எவருக்கும் அஞ்சாதிருப்போரே அல்லாஹ்வின் பள்ளிவாசல்களை நிர்வகிக்க வேண்டும். அவர்களே நேர்வழி பெற்றோராக முடியும். (அல்குர்ஆன்: 9:18)

இந்த வசனம் கூறுகின்ற நிபந்தனைகளின்படி செயல்படுவதுதான் ஒரு பள்ளியின் உண்மையான நிர்வாகம் என்று நாம் நன்றாகவே புரிந்து வைத்திருக்கின்றோம். இதன் அடிப்படையில் ஒரு பள்ளியின் நிர்வாகிகள் அந்தப் பள்ளியில் நிறைவேற்றப்படும் ஜமாஅத் தொழுகைகளில் சரியாகக் கலந்து கொள்ள வேண்டும்.

இன்று ஒரு சில கிளைகளின் பொறுப்பாளர்கள் ஜமாஅத் தொழுகைகளைப் புறக்கணித்து விட்டு அல்லது அலட்சியம் செய்து விட்டுத் தங்கள் வீடுகளிலேயே தொழுகின்றார்கள் என்ற குற்றச்சாட்டு வருகின்றது. இத்தகைய பொறுப்பாளர்கள், நபி ஸல்லல்லாஹு அலைஹி வஸல்லம் அவர்கள் ஜமாஅத் தொழுகைக்கு அளித்த முக்கியத்துவத்தைப் புரிந்து கொள்ள வேண்டும்.

ஜமாஅத் பொறுப்பாளர்களாக இருப்பவர்கள் ஜமாஅத் தொழுகையில் கலந்து கொள்வதில் மற்றவர்களுக்கு முன்மாதிரியாகத் திகழ வேண்டும். இரவு ஒரு மணி வரை ஏகத்துவம் பொதுக்கூட்டம் நடத்தினோம் என்று பெருமைப்பட்டுக் கொள்பவர்கள் காலையில் ஃபஜ்ர் தொழுகையைப் பலியாக்கிப் பாழாக்கி விடுகின்றனர். இந்த நிலை ஒரு நிர்வாகியிடம் இருக்கக் கூடாது.

Read more...
 
உளூவின் சட்டங்கள் - விரிவாக! Print E-mail
Friday, 14 April 2017 08:23

உளூவின் சட்டங்கள் - விரிவாக!

      உளூவின் அவசியம்      

தொழுகையை நிறைவேற்றுவதற்கு முன், குறிப்பிட்ட உறுப்புக்களைக் கழுவி, தூய்மைப் படுத்திக் கொள்வது அவசியமாகும். இத்தூய்மை உளூ எனப்படும். உளூ எனும் தூய்மை இல்லாமல் தொழுதால் தொழுகை நிறைவேறாது.

நம்பிக்கை கொண்டோரே! நீங்கள் தொழுகைக்காகத் தயாராகும் போது உங்கள் முகங்களையும், மூட்டுக்கள் வரை உங்கள் கைகளையும், கரண்டை வரை உங்கள் கால்களையும் கழுவிக் கொள்ளுங்கள்! உங்கள் தலைகளை (ஈரக் கையால்) தடவிக் கொள்ளுங்கள்! குளிப்புக் கடமையானோராக நீங்கள் இருந்தால் (குளித்து) தூய்மையாகிக் கொள்ளுங்கள்!

நீங்கள் நோயாளிகளாகவோ, பயணிகளாகவோ இருந்தால், அல்லது உங்களில் ஒருவர் கழிப்பறையிலிருந்து வந்தால், அல்லது (உடலுறவின் மூலம்) பெண்களைத் தீண்டினால் தண்ணீர் கிடைக்காத போது தூய்மையான மண்ணைத் தொட்டு அதில் உங்கள் முகங்களையும், கைகளையும் தடவிக் கொள்ளுங்கள்!

அல்லாஹ் உங்களுக்கு எந்தச் சிரமத்தையும் ஏற்படுத்த விரும்பவில்லை. மாறாக நீங்கள் நன்றி செலுத்துவதற்காக உங்களைத் தூய்மைப்படுத்தவும், தனது அருளை உங்களுக்கு முழுமைப்படுத்தவுமே விரும்புகிறான். (அல்குர்ஆன் 5:6)

'உளூ நீங்கியவர் உளூச் செய்யாத வரை அவரது தொழுகை ஏற்கப்படாது' என்று நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: அபூஹுரைரா ரளியல்லாஹு அன்ஹு, நூல்கள்: புகாரீ 135, முஸ்லிம் 330)

     தண்ணீர்      

உளூச் செய்வதற்குத் தண்ணீர் அவசியம் என்பது அனைவருக்கும் தெரிந்ததே! ஆயினும் உளூ செய்யும் தண்ணீர் குறித்து தவறான நம்பிக்கைகள் சில முஸ்லிம்களிடம் நிலவுகின்றன.

ஆறு, குளம், கண்மாய், ஏரிகள், கிணறுகள் ஆகியவற்றிலும் மழை நீர், நிலத்தடி நீர் போன்றவற்றாலும் உளூச் செய்யலாம்; குளிக்கலாம் என்பதை அனைவரும் சரியாகவே விளங்கி வைத்துள்ளனர். இவற்றுக்கு ஆதாரம் காட்டத் தேவையில்லை.

Read more...
 
அச்சநேரத் தொழுகை! Print E-mail
Wednesday, 31 January 2018 07:36

Related image

அச்சநேரத் தொழுகை (பிக்ஹுல் இஸ்லாம்)

     ஷைய்க் S.H.M. இஸ்மாயில் ஸலஃபி       

உண்மையில் இது ஒரு தனித் தொழுகை அன்று. அன்றாடம் தொழும் ஐவேளைத் தொழுகையைத்தான் இது குறிக்கின்றது. போர்க்களத்தில் எதிரிகளுடன் சண்டை செய்யும் போது அல்லது எதிரிகளிடமிருந்து மக்களைப் பாதுகாப்பதற்கான பணிகளில் ஈடுபடும் போது தொழும் நேரம் வந்தால் எப்படித் தொழுவது என்பது பற்றிய சட்டதிட்டங்களை உள்ளடக்கிய பகுதிதான் இதுவாகும்.

உண்மையில் போர்காலத் தொழுகை பற்றிய ஹதீஸ்கள், தொழுகையின் முக்கியத்துவத்தையும் ஜமாஅத்துத் தொழுகையின் அவசியத்தையும் அத்துடன் தனித்தனி ஜமாஅத்தாகப் பிரிந்து தொழாமல் ஒரே இமாமின் கீழ் நின்று ஒரு அணியாகத் தொழுவதன் அவசியத்தையுமே வலியுறுத்துகின்றன. அச்சமோ, பயமோ ஏற்பட்டால் முதலில் விடப்படும் அமலாக தொழுகையும் ஜமாஅத்துத் தொழுகையும் இன்று மாறியுள்ளது. இது எமது பலவீனத்தின் வெளிப்பாடாகும்.

     அச்சவேளைத் தொழுகைக்கான ஆதாரங்கள்:     

அச்சமான வேளையில் தொழுகையின் முறைகளில் சில தக்ஸீர் – சுருக்குதல்களைச் செய்யலாம் என்பதற்கு பின்வரும் வசனத்தை ஆதாரமாகக் கொள்ளலாம்.

"நீங்கள் பூமியில் பயணிக்கும் போது நிராகரித்தோர் உங்களைத் தாக்குவார்கள் என அஞ்சினால் தொழுகையை நீங்கள் சுருக்கிக் கொள்வதில் உங்கள் மீது குற்றம் இல்லை. நிச்சயமாக நிராகரிப்பாளர்கள் உங்களுக்குப் பகிரங்க விரோதிகளாகவே இருக்கின்றனர்." (அல்குர்ஆன் 4:101)

Read more...
 
தொழுகையும் துன்னூன் மிஸ்ரி ரளியல்லாஹு அன்ஹு அவர்களும் Print E-mail
Monday, 29 January 2018 07:45

Related image

தொழுகையும்    துன்னூன் மிஸ்ரி    ரளியல்லாஹு அன்ஹு அவர்களும்

துன்னூன் மிஸ்ரி ரளியல்லாஹு அன்ஹு அவர்களிடம் ஒருவர் தன் குறையை எடுத்துக் கூறினார்.

‘என்ன செய்வது என்றும் எனக்குத் தெரியவில்லை; காரணம் என்ன என்றும் புரியவில்லை’ என்று பீடிகை போட்ட அந்த மனிதர் தனக்கு எதிரில் அமைதியாக உட்கார்ந்திருந்த  துன்னூன் மிஸ்ரி ரளியல்லாஹு அன்ஹு அவர்களை    சில வினாடிகள் பார்த்தார்.

‘செய்தியைச் சொல்லுங்கள்’

சற்றுப் பதற்றத்துடன் நின்று கொண்டிருந்த அந்த மனிதர் தொடர்ந்தார்.

‘நான் வேளை தவறாமல் தொழுது வருகிறேன்.

சமீபக் காலத்தில் ஒரு தொழுகையைக் கூட விட்டதாக எனக்கு நினைவிலில்லை.

ஆனால் சில நாட்களாக என் தொழுகையில் வெறுக்கத்தக்க மாறுதலை நான் பார்க்கிறேன்.

தொழ வேண்டிய நேரம் வந்ததும் என் மனதில் ஒருவிதமான சங்கடம் தோன்றுகிறது.

மனத்தை அடக்கிக்கொண்டு தொழுகையில் ஈடுபட்டால், தொழுகையின் பகுதிகளில் சிலவற்றை எனக்கே தெரியாமல் நான் விட்டுவிடுகிறேன்.

சில நேரங்களில் ஒரு ரக்அத் முடிந்ததும் அது இரண்டாம் ரக்அத் என்று தோன்றுகிறது’

என்று கூறிய அந்த மனிதர் சற்றுத் தயக்கத்துடன் தன் மனத்திலுள்ள எண்ணத்தைக் கூறி முடித்தார்.

‘இறைவனிடம் மன்னிப்புக் கேட்கிறேன். தொழுகை என்றதும் என் மனதில் ஒருவிதமான வெறுப்புத் தோன்றுகிறது.

இந்த நிலைமை எனக்குப் பிடிக்கவில்லை.

ஆனால் இந்த வெறுப்பை என்னால் மாற்றிக்கொள்ள முடியவில்லை. எனக்குக் காரணமும் தெரியவில்லை. பரிகாரமும் புரியவில்லை!’

Read more...
 
இஸ்லாமிய சமூக அமைப்புச் சட்டம் எப்படி இருக்கும்? Print E-mail
Friday, 03 June 2011 07:00

இஸ்லாமிய சமூக அமைப்புச் சட்டம் எப்படி இருக்கும்?

சமூக அமைப்புப்பற்றியன இஸ்லாமிய சட்டத்தை, ஒரு சிறந்த முஜிதஹித் அரபியில் எழுதியதை, நம் சகோதரர் ஒருவர் தமிழில் மொழிப்பெயர்த்துள்ளார். இன்ஷா அல்லாஹ் வருகிற கிலாஃபாவுடைய சமூக அமைப்பு சட்டம் பெரும்பாலும் இதுவாகத்தான் இருக்கும்.

சமூக அமைப்பு - Social system – Nidaam ul Ijtimaayee:

விதி 108: சமூக வாழ்வில் பெண்ணின் பிரதான பங்களிப்பு அவள் தாயாகவும் மனைவியாகவும் கடமையாற்றுவதுதான். அவள் சமூகத்தின் கவுரமாக இருக்கிறாள் எனவே அவளை பாதுகாக்கவேண்டியது அவசியமாகும்.

விதி 109: அடிப்படையிலேயே ஆணும் பெண்ணும் ஒருவரிடமிருந்து மற்றொருவர் பிரித்து வைக்கப்பட்டிருப்பார்கள். ஷரியா அனுமதித்த தேவையின் பொருட்டே தவிர அவர்கள் சந்தித்துக் கொள்ளக்கூடாது. வணிகம், ஹஜ்யாத்திரை போன்ற ஷரியா அனுமதித்த தேவையின் அடிப்படையில் மட்டும்தான் சந்திப்பு அனுமதிக்கப்படும்.

விதி 110: ஷரியா தலீலில் (shari’a daleel) குறிப்பிடப்பட்டுள்ள இருபாலருக்கும் உள்ள தனித்தன்மையான விஷயங்களைத் தவிர்த்து ஆணுக்கும் பெண்ணுக்கும் கடமையிலும் உரிமையிலும் சமத்துவம் உண்டு. ஆகவே வணிகம், விவசாயம், தொழிற்சாலை ஆகியவற்றின் பணிகளில் ஈடுபடுவது ஒப்பந்தங்களில் பங்கு கொள்வது கொடுக்கல்வாங்கலில் ஈடுபடுவது அனைத்துவிதமான சொத்துக்களையும் அடைந்துகொள்வது சுயமாக தன்னிடமுள்ள பணத்தை முதலீடுசெய்வது அல்லது மற்றவர்கள் மூலமாக முதலீடுசெய்வது மற்றும் வாழ்வின் அனைத்து வகையான விவகாரங்களையும் கையாண்டுகொள்வது ஆகிய விஷயங்களில் ஆணைப்போலவே பெண்ணுக்கும் சமஉரிமை உண்டு.

Read more...
 
கல்வியின் மேன்மை Print E-mail
Thursday, 31 March 2011 07:26

கல்வியின் மேன்மை

கல்வி என்பது முஸ்லிமின் சிறப்பும் கட்டாயக் கடமையுமாகும். கல்வியின் மூலமே அறிவு மேலோங்கும் என்பதை முஸ்லிம் உறுதி கொள்ளவேண்டும். உலகிலுள்ள அல்லாஹ்வின் அருட்கொடைகளை அறிந்துகொள்ள கல்வியைப் பயன்படுத்திக் கொள்வது கடமையாகும்.

நபி ஸல்லல்லாஹு அலைஹி வஸல்லம் அவர்கள் கூறினார்கள்: "கல்வியைத் தேடுவது ஒவ்வொரு முஸ்லிமுக்கும் கட்டாயக் கடமையாகும்." (நூல்: ஸுனன் இப்னு மாஜா)

கல்வி மற்றும் ஞானத்தின் மூலம்தான் மனிதன் தனது அறிவை சீர்படுத்திக்கொள்ள முடியும் என்பதால் கல்வி கற்றுக்கொள்வது கட்டாயக் கடமையாகும். இறுதி மூச்சுவரை முஸ்லிம் கல்வியைத் தேடவேண்டும். கல்வியைத் தேடுவதில் முஸ்லிம் ஆர்வம்கொள்ள போதுமான காரணம், அல்லாஹ் அறிஞர்களின் அந்தஸ்தை உயர்த்தி, இறை அச்சத்தை அவர்களுக்கே சொந்தமாக்கி உள்ளான், இச்சிறப்புகளை ஏனைய மனிதர்களைவிட அறிஞர்களுக்கே வழங்கியுள்ளான் என்பதாகும்.

''நிச்சயமாக அல்லாஹ்வுடைய அடியார்களில் அவனுக்குப் பயப்படுவதெல்லாம் (அறிவுடைய) கல்விமான்கள்தாம்.'' (அல்குர்அன் 35:28)

Read more...
 
இஸ்லாமும் தோழமையும் Print E-mail
Tuesday, 05 July 2011 08:44

இஸ்லாமும் தோழமையும் 

      ஹஃபிஸ் ஸலபி மத்திய கிழக்கிலிருந்து.....      

      பூவோடு சேர்ந்த நாரும் மணக்கும்     

o  நல்ல நண்பனை தேர்வு செய்வதற்கு முன்னால்...

o  நல்லவர்களை நண்பர்களாக்குதல்.

o  அல்லாஹ்விற்காக நட்பு வைத்தல்.

o  உயிர் காப்பான் தோழன்.

o  நன்மையை ஏவி தீமையைத் தடுத்தல்.

o  தவறு செய்தால் மன்னிப்பு கோர வேண்டும்.

o  பிரதி உபகாரம் செய்ய வேண்டும்.

o  நட்பை வெளிப்படுத்த வேண்டும்.

o  குறைகளை துருவித் துருவி ஆராயக்கூடாது.

o  ஏமாற்றக்கூடாது

o  கோபம் கொள்ளக்கூடாது.

o  மானத்துடன் விளையடக்கூடாது.

o  பெருமையடிக்கக் கூடாது.

o  நட்பை முறித்துவிடக் கூடாது.

Read more...
 
நேரத்தின் கட்டுப்பாடு இறைவனின் கைகளில்! Print E-mail
Thursday, 31 March 2011 07:57

நேரத்தின் கட்டுப்பாடு இறைவனின் கைகளில்!

நமது வீடுகளில் நடைபெறும் திருமணம் மற்றும் பிற சுப காரியங்களுக்கான தினத்தை முடிவு செய்யும் போது அறிந்தோ அல்லது அறியாமலோ செய்யும் தவறு என்னவெனில் நல்ல நாள் மற்றும் நல்ல நேரம் பார்த்து அந்த தேதிகளை முடிவு செய்வதாகும்.

மார்க்கத்தில் போதிய தெளிவு இல்லாமை, சினிமா மற்றும் கேபிள் டி.வி.க்கள் இவற்றின் முலமாக சிந்திக்கும் ஆற்றல் மழுங்கடிக்கப்பட்டு வரும் இவ்வேளையில் நமது இஸ்லாமிய சகோதர சகோதரிகளும் நல்ல நேரம், கெட்ட நேரம் பார்ப்பது, ஜோதிடம், சகுனம் பார்த்தல் போன்ற இஸ்லாத்திற்கு எதிரான மூடநம்பிக்கைகளுக்கு ஆட்பட்டு அவைகளை நம்பி தமது பொருளாதாரரத்தையும், பொன்னான நேரத்தையும் வீணடித்து வருவது மிகவும் வருத்தத்தற்குரிய விஷயமாகும். இன்று இத்தகைய தீய செயல்கள் பிரபலமான பத்திரிக்கைகள், கேபிள் டி.வி.க்கள் போன்ற மீடியாக்கள் மூலம் கவர்ச்சிகரமான விளம்பரங்களுடன் நம்மை நோக்கி வருகின்றன.

மார்க்கத்தில் போதிய தெளிவில்லாத பாமர முஸ்லிம்கள் ஏன் கல்லூரிகளுக்குச் சென்று படித்துப் பட்டம் பெற்ற முஸ்லிம் சகோதர, சகோதரிகள் கூட கவர்ச்சிகரமான விளம்பரங்களைக் கண்டு அவற்றை உண்மை என நம்பி உயிரினும் மேலான தங்கள் ஈமானை இழந்து விடுகின்றனர். இவ்வகையான ஜோதிடங்கள் நம்மிடையே பல்வேறு வகைகளில் அறிமுகப்படுத்தப்படுகின்றன. அவைகளில் சில:

o கை ரேகை, கிளி ஜோதிடம், பிறந்த தேதி, பிறந்த வருடம் இவைகளைக் கொண்டு எதிர்காலத்தைக் கணித்துக் கூறுவது,

o திருமணம் போன்ற சுப காரியங்களைச் செய்வதற்காக நல்ல நாள் மற்றும் நல்ல நேரம் போன்றவற்றை ஏற்படுத்தி இறைவன் படைத்துள்ள நாட்களில் பாகுபாடு காண்பது.

o பெயரியல் நியுமராலஜி என்ற பெயரால் பெற்றோர்கள் சூட்டிய நல்ல இஸ்லாமிய பெயர்களைக் கூட நிராகரிப்பவர்களின் விருப்பத்திற்கேற்ப மாற்றிக் கொள்வது.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 8 of 108

99 Names Of Allaah

-         310 300nd

Links

Links 2

Best Article