வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

அதிக செலவு இல்லாமல் மனைவியை சந்தோஷப்படுத்துவது எப்படி? Print E-mail
Thursday, 20 October 2011 07:12

அதிக செலவு இல்லாமல் மனைவியை சந்தோஷப்படுத்துவது எப்படி?

மனைவியை ஸ்பெஷலாக உணரவைக்க அதிக அளவு பணமும் நேரமும் தேவை என்பது எல்லோருக்கும் தெரிந்த உண்மை. அதெல்லாம் இல்லாமல் உங்கள் மனைவியை ஸ்பெஷலாக உணரவைக்க சில வழிமுறைகள் உண்டு....

1. நாம் செய்யும் சில சின்ன சின்ன செயல்கள் மனைவியின் கவனத்தையும் அன்பையும் பெறுகச் செய்வதோடு, அவர்களை நாம் ஸ்பெஷலாக நடத்துவதையும் நினைப்பதையும் உணர்த்த செய்யும்.

2. ஒவ்வொரு நாள் காலையிலும் ஒரு சிறிய புன்னகையுடன் மென்மையாக கட்டிப்பிடித்து ஒரு முத்தம் தாருங்கள். அது அவர்களுக்கு அந்த நாளை சிறப்பாக தொடங்குவதற்க்கு ஒரு சிறிய டோக்கன் கொடுத்தது போல இருக்கும். அது தன் கணவர் தன்னை உணர்வுபூர்வமாக நேசிப்பதை உணர்த்தும்.

3. அது போல முடிந்தால் வார இறுதியில் அவர்களுக்கு முன்பாக எழுந்திருந்து காலை டிஃபன் பண்ணி அவர்களூக்கு கொடுத்து உதவுங்கள். வாரம் முழுவதும் அவர்கள் அதிகாலையில் எழுந்திருந்து நமக்காக கஷ்டப்படுவர்களுக்கு நாம் செய்யும் இந்த உதவி அவர்களூக்கு நல்ல சந்தோஷத்தை தருவதோடு மட்டுமல்லாமல் அவர்களை நாம் சிறப்பாக நடத்துவதையும் உணர்வார்கள்

Read more...
 
பள்ளிகட்டுவது மட்டுமே ஸதகதுஜ் ஜாரியாவா? Print E-mail
Wednesday, 19 October 2011 07:56

பள்ளிகட்டுவது மட்டுமே ஸதகதுஜ் ஜாரியாவா?

'வெற்றியின் பக்கம் வாருங்கள்' என்று ஒரு நாளைக்கு பத்து தடவை அழைக்கின்ற ஒரு இடம் அது முஸ்லிம்களுடைய வணக்கஸ்தலங்களாகிய பள்ளிவாயல்கள் மட்டுமே.

திருமண வீடுகளுக்குப் போகும் போது ஆடைக்குக் கொடுக்கும் முக்கியத்துவத்தை பள்ளிக்குப் போகும் போது கொடுக்க மறந்தது ஏனோ தெரியவில்லை.

தொழுகைக்கு மட்டும் பள்ளிகளை பயன்படுத்தும் காலம் இது.

முஸ்லிம்களுக்கு மட்டும் அனுமதி வழங்கப்படும் காலம் இது.

ஸதகதுல் ஜாரியா என்ற நிலையான தர்மத்தை பள்ளிகளை கட்டுவதுடன் மட்டும் நிறுத்திக்கொள்ளாமல் அந்த நிதியை சமூகத்திற்கு தேவையான எல்லா துறைகளுக்கும் விரிவுபடுத்த தூண்டும் ஒரு முயற்சியே இந்த கட்டுரையின் நோக்கம்.

Read more...
 
கணவனை சந்தேகப்படலாமா? Print E-mail
Saturday, 03 September 2011 09:26

கணவனை சந்தேகப்படலாமா?

  சுவையான இரு சம்பவங்கள்    

"ஏன் இவ்ளோ லேட்? எங்கே போயிட்டு வர்றீங்க" – புது மனைவி மும்தாஜின் அதிகாரமான குரல் நஜீமை முதன் முறையாக அதிரச் செய்தது.

"வரும் வழியில் பெட்ரோல் இல்லாமல் டூவீலர் நின்றுவிட்டது. அதான் லேட்டாகி விட்டது".

"இந்த உப்பு சப்பு இல்லாத காரணம் எல்லாம் வேண்டாம். உண்மையில் எங்கே போயிட்டு வர்றீங்க".

"ஏன் மும்ஸ் (மும்தாஜை சாதாரணமாக அவன் செல்லமாக கூப்பிடும் முறை) இப்படியெல்லாம் கேட்குற? உன் கிட்ட நான் ஏன் பொய் சொல்லணும்?"

"அதைத்தான் நானும் உங்க கிட்ட கேக்குறேன்?"

"நம்பு மும்ஸ். உன் மேல சத்தியமா ஆபீசில் இருந்து நேரா வீட்டுக்குத்தான் வர்றேன்"

நஜீம் எவ்வளவோ சொல்லியும் மும்தாஜ் அவனை புரிந்து கொண்டபாடில்லை. அவன் கூறியதையும் நம்பவில்லை.

Read more...
 
அலிஃப் லாம் மீம், ஹாமீம், யாஸீன் - இந்த பதங்களின் முக்கியத்துவம் என்ன?. Print E-mail
Wednesday, 06 July 2011 14:13
 
அலிஃப் லாம் மீம், ஹாமீம், யாஸீன்...

'அலிஃப் லாம் மீம். இது (அல்லாஹ்வின்) திரு வேதமாகும். இதில் எத்தகைய சந்தேகமும் இல்லை. பயபக்தியுடையோருக்கு (இது) நேர்வழி காட்டியாகும்.'(அல்குர்ஆன் 2: 1-2).

குர்ஆனின் சில அத்தியாயங்கள் அலிஃப் - லாம் - மீம் - எனவும் - ஹாமீம் எனவும் - யாஸீன் எனவும் துவங்குகிறதே. இந்த பதங்களின் முக்கியத்துவம் என்ன?.

அலிஃப் - லாம் - மீம், யாஸீன், ஹாமீம் போன்ற எழுத்துக்களுக்கு அரபியில் 'அல்-முகத்ததத்' (சுருக்கப்பட்ட எழுத்துக்கள்) என்று பெயர். அரபி மொழியில் மொத்தம் இருபத்து ஒன்பது (அலிஃப் - மற்றும் ஹம்ஸ் என்கிற எழுத்துக்களை இரண்டாக கருதினால்) எழுத்துக்கள் இருக்கின்றன.

அதேபோல அருள் மறை குர்ஆனிலும் இருபத்து ஒன்பது அத்தியாயங்கள் மேற்படி சுருக்கப்பட்ட எழுத்துக்களை கொண்டு துவங்குகின்றன. இவ்வாறு சுருக்கப்பட்ட எழுத்துக்கள் சில அத்தியாயங்களில் தனித்தும், சில அத்தியாயங்களில் இரண்டாகவும், சில அத்தியாயங்களில் மூன்று எழுத்துக்களாகவும், சில அத்தியாயங்களில் நான்கு அல்லது ஐந்து எழுத்துக்களாகவும் சேர்ந்து வரும்.

Read more...
 
முஸ்லிம்கள் மேலும் முன்னெடுக்க வேண்டிய சமூக நலப்பணிகள் Print E-mail
Sunday, 22 November 2020 07:55

முஸ்லிம்கள் மேலும் முன்னெடுக்க வேண்டிய

சமூக நலப்பணிகள்

    CMN Saleem     

முஸ்லிம்கள் முன்னெடுக்கும் சமூக நலப்பணிகள் அனைத்தும் நிலையான நீடித்த பலன்களை தரக்கூடியாதாக இருக்குமேயானால் அதன் விளைவாக இஸ்லாமிய மார்க்கம் அனைவராலும் கண்ணியப்படுத்தப்படும்.

தமிழக முஸ்லிம் சமூகம் சிறியதும் பெரியதுமாக பல்வேறு சமுதாயப் பணிகளை சாதி மத வேறுபாடின்றி ஆங்காங்கே முன்னெடுத்து வருகிறது.
இந்த நேரத்தில் சமுதாய அமைப்புகள் ஜமாத்துகள் அறக்கட்டளைகள் ஒருவர் செய்யும் அதே சேவையை போட்டிபோட்டு மற்றவர்களும் செய்யாமல் பணிகளை வேறுபடுத்தி செய்ய வேண்டும் என்ற சமூகத்தின் வேண்டுகோளை தயவு கூர்ந்து செவிமெடுக்க வேண்டும்.

அதென்னவோ தெரியவில்லை இஸ்லாமிய அமைப்புகள் அனைவரும் கட்டாயம் ஒரு ஆம்புலன்ஸ் வாங்கி விட வேண்டும் என்பது தமிழகத்தில் எழுதப்படாத விதியாக பின்பற்றப்படுகிறது.

கடந்த 20 ஆண்டுகளாக த.மு.மு.க சார்பில் ஏறக்குறைய 160 ஆம்புலன்ஸ்கள் சிறப்பாக சேவையாற்றி வருகின்றன.

Read more...
 
கொடுக்கல்-வாங்கலில் சாட்சி தேவை Print E-mail
Monday, 04 July 2011 07:21

கொடுக்கல்-வாங்கலில் சாட்சி தேவை

       பெங்களூர் MS. கமாலுத்தீன்      

வாழ்க்கையின் பாதி பலம் நம்பிக்கை, நாளை நாம் நிச்சயம் இருப்போம் என்ற நம்பிக்கையே நம்மை இயங்க வைத்துக் கொண்டிருக்கிறது. கஷ்ட நிலையை மாற்றி அமைக்கத்தானே மனிதன் கடுமையாக போராடிக் கொண்டிருக்கிறான். நாளை நல்ல நிலைக்கு நிச்சயம் வந்துவிடுவோம் என்ற நம்பிக்கை என்னும் உந்து சக்தி உள்ளே சுழன்று கொண்டிருப்பதால்தானே இந்த ஓட்டம்.

நன்றாக இருப்பவனும், இந்நிலையை தக்க வைத்துக் கொள்ளவே இடைவிடாது போராடுகிறான். போட்டியும் பொறாமையும் மிகுந்த போராட்ட வாழ்க்கையில் ஹலாலாக சம்பாதிப்பதே சவாலான விஷயம். சத்தியங்களும், வாக்குறுதிகளும் சர்வ சாதாரணமாக மீறி, ஏமாற்றி பிழைப்பதை பிழையாக எண்ணாமல் பெருமையாக நினைப்பவர்கள் பெருகிவரும் காலத்தில் நாமும் வாழ்கிறோம்.

வான்மறை தந்த வழி முறையை, தூதர் ஸல்லல்லாஹு அலைஹி வஸல்லம் அவர்களின் துணையோடு செயல்படுத்தினால் சிரமங்கள் இல்லாமல் சிறப்பாகவே வாழ்ந்து போகலாம்.

"கொடுக்கல் வாங்கல் சிறியதோ பெரியதோ தவணையைக் குறிப்பிட்டு எழுதிக் கொள்வதை அலட்சியம் செய்யாதீர்கள்! அ(வ்வாறு எழுதுவ)து அல்லாஹ்விடத்தில் மிக்க நீதியானதும், சாட்சியத்திற்கு மிக்க உறுதியானதும், நீங்கள் சந்தேகிக்காமல் இருப்பதற்கு மிக நெருக்கமானதுமாக இருக்கும்" (அல்குர்ஆன் 2:282)

Read more...
 
கருத்து முரண்பாடுகளும் கடைப்பிடிக்க வேண்டிய வழிமுறைகளும் Print E-mail
Tuesday, 29 March 2011 07:06

Related image

கருத்து முரண்பாடுகளும் கடைப்பிடிக்க வேண்டிய வழிமுறைகளும்

  அஷ்ஷைக் எம். ஜே. எம். ரிஸ்வான் மதனி    

புகழ் அனைத்தும் அல்லாஹ் ஒருவனுக்கே சொந்தனமானது, அவனது அருளும், சாந்தியும் இறுதி நபி முஹம்மத் ஸல்லல்லாஹு அலைஹி வஸல்லம் அவர்கள் மீதும், அவர்களின் வழி நடந்த ஸஹாபாக்கள், தாபீயீன்கள் தபவுத்தாபியீன்கள் அனைவர் மீதும் நிலையான சாந்தியும், சமாதானமும் நிலைக்கட்டுமாக!

   சீரமைப்பின் அவசியம்   

முஸ்லிம் சமூகத்தில் காணப்படும் மார்க்கம் தொடர்பான முரண்பாடுகளை இனம் கண்டு அவற்றை காத்திரமான வழிமுறைகள் மூலம் சீரமைப்பது தகுதியும், அறிவும் உள்ள இஸ்லாமிய அழைப்பாளர்கள் மீதுள்ள கடமையாகும்.

முன்னோர்களான அறிஞர்கள் நம்மை விட அறிவிலும், ஒழுக்கத்திலும், சட்டங்களை அகழ்ந்தெடுப்பதிலும் தமது காலங்களைத் தியாகம் செய்தவர்கள், அவர்கள் தமது பொன்னான நேர காலங்களை ஏன்? எதற்காக தியாகம் செய்தார்கள், எந்த அடிப்படைகளை எட்டுவதற்காக தம்மை அற்பணித்தார்கள் போன்ற கேள்விகளை நமக்கு நாம் எழுப்பிக் கொள்வதால் மார்க்கம் தொடர்பான நமது முரண்பாடுகளுக்கும் அலட்சியமாக நாம் விட்டுவிடும் மார்க்க அமச்ங்களுக்கும் தீர்வு காண வழி பிறக்கும் என்பதில் சந்தேகமில்லை.

சமூக நல்லிணகத்தையும், ஐக்கியத்தையும் காரணம் காட்டிக் கொண்டு செத்துப் போன பித்அத்துக்கள் உயிரோட்;டம் பெறுவதையும், சவக்குளிக்குள் தள்ளப்பட்ட மௌட்டீகங்கள் புத்துயிர் பெறுவதையும் சீரமைப்பு என்ற போர்வையில் அரங்கேறுவதை உண்மையான ஒரு அழைப்பாளன் அங்கீகரிக்கமாட்டான்.

Read more...
 
உயிர் வாங்கும் ஒலி மாசு! Print E-mail
Saturday, 26 March 2011 09:03

Related image

உயிர் வாங்கும் ஒலி மாசு!

நம்மைச் சுற்றி நிகழும் பல்வேறு மாசுகளைப் போன்றே ஒலி மாசும் மனித வாழ்நிலையைப் பெருமளவு பாதிக்கின்ற காரணியாகத் திகழ்கிறது. உலகத்தில் மனிதர்களால் பேசப்படும் மொழிகள் அனைத்தும் ஒலிகளை அடிப்படையாகக் கொண்டே தொடங்கின.

பறவைகள், விலங்குகள், பூச்சிகள், வாகனங்கள், தொழிற்சாலைகள் என ஒலிகளின் பிறப்பினை எத்தனையோ வடிவங்களில் நாம் அன்றாடம் கேட்டுக் கொண்டே இருக்கிறோம். செவிக்கும், புலனுக்கும் இனிமை தருகின்ற இசை, பாடல் ஆகியவையும் ஒலியிலிருந்தே பிறக்கின்றன. ஏதோ ஒரு சூழலில் ஏதுமற்ற அமைதி நிலவினால் கூட, நம்மால் அதனைச் சகித்துக் கொள்ள இயலுவதில்லை.

நம்மைச் சுற்றி ஏதேனும் ஒலித்துக் கொண்டிருப்பதை மனித மனம் எப்போதும் விரும்புகிறது. அந்த அளவிற்கு சத்தங்களோடு பிறந்து, வளர்ந்து, வாழ்ந்து கொண்டிருக்கிறோம். அதே நேரம் அளவுக்கு மீறிய ஒலியையும் நம்மால் தாங்கிக் கொள்ள முடிவதில்லை. இசையின் ஒலியில் மயங்கிப் போகின்ற நமது மனம், அதே இசை பெரும் இரைச்சலோடு வெளிப்படும்போது முகம் சுழித்துக் கொள்கிறது.

Read more...
 
எச்சில்! Print E-mail
Sunday, 02 January 2011 08:32

[ சுமார் பத்துப்பதினைந்து ஆண்டுகளுக்கு முன் முஸ்லீம் இல்லத் திருமணமோ அல்லது வேறு விசேஷ காரியங்களோ நடக்கும்போது விருந்து என்றாலே ஸஹானில் தான் சாப்பாடே! மூன்று அல்லது நான்கு பேருக்கு ஒரு ஸஹான் என்று கூடி சாப்பிடும் பழக்கத்தில் ஏழை பணக்காரன் என்ற வித்தியாசமின்றி எச்சிலைப்பற்றி எவ்விதமான அசூஸையும் இல்லாமல் மக்கள் வாழ்ந்த காலமாக இருந்தது.

சமுதாயமும் குறிப்பாக அந்தந்த மஹல்லாவாசிகளாவது ஒற்றுமையுடன் இருந்தார்கள். சகோதர பாசத்துடன் வாழ்ந்தார்கள். பிரிந்திருந்த எத்தனையோ பேரை இந்த ஸஹான் தட்டு சேர்த்து வைத்திருக்கிறது என்பதை எவரேனும் மறுக்கத்தான் முடியுமா?

எப்போது ஸஹானுக்கு மூட்டை கட்டிவிட்டு ‘தட்டை’ கொண்டு வந்தார்களோ அப்போதே ஏற்றத்தாழ்வற்ற ஒற்றுமையான வாழ்வுக்கு சாவுமணி அடித்துவிட்டார்கள். எச்சிலைப்பற்றிய மாற்றார்களின் தவறான பழக்கம் முஸ்லீம்களுக்குள்ளும்; புகுந்துவிட்டது.]

இன்று இஸ்லாமிய சமுதாயம் மாற்றாரின் பல்வேறு பழக்கத்திலிருந்து ஆட்கொள்ளப்பட்டு, சீறிய வாழ்விலிருந்து திசை திருப்பப்பட்டு வியாபித்துக் காணப்படும் பல்வேறு குற்றங்களுக்கு காரணமாயிருப்பது நாம் அறிந்த ஒன்று. அவைகளில் ஒன்று எச்சில் பற்றிய தவறான பழக்கமாகும்.

Read more...
 
தற்பெருமை கொண்ட காரூனின் குற்றச்சாட்டு! Print E-mail
Friday, 31 December 2010 09:23

தற்பெருமை கொண்ட காரூனின் குற்றச்சாட்டு!

  மவ்லவி, ஓ.கே. அஹமது முஹ்யித்தீன்  

‘தற்பெருமை கொண்ட மனிதன் உண்மையை மறைத்து மற்றவர்களிடம் உரையாடுவான். எனவே, தற்பெருமையானது ‘இறை நிராகரிப்பில்’ கொண்டு போய் விடும்.

‘எவனது உள்ளத்தில் கடுகளவு பெருமை உள்ளதோ, அவன் சுவனம் புகமாட்டான்’ என்பது நபிகள் நாயகம் (ஸல்) அவர்களின் வாக்கு.

‘பெருமை’ இறைவனைச் சார்ந்தது. அதில் பங்குபெற எவர் எண்ணினாலும், இறைவன் மன்னிக்கவே மாட்டான். ஒருவன் ‘உஹது மலை’ அளவு தங்கத்தை தர்மம் செய்ததாக எண்ணி பெருமையடிப்பானேயானால், அல்லாஹ் அவனது தர்மத்தை ஏற்றுக்கொள்ள மாட்டான். ‘தனது மனோ இச்சைப்படி நடப்பது, கஞ்சத்தனம் செய்வது, தற்பெருமையடித்துக் கொண்டு வாழ்வது ஆகிய மூன்று குணங்களைக் கொண்டு செயலாற்றுபவனை இறைவன் விரும்புவதில்லை.

Read more...
 
‘ரஹ்மத்தும்’ – ‘ஜஹ்மத்தும்!’ Print E-mail
Saturday, 30 October 2010 09:43

‘ரஹ்மத்தும்’ – ‘ஜஹ்மத்தும்!’

      ரஸூல் சாகிப், திருச்சி      

உலகில் அடிக்கடி எங்கேனும், ஏதேனும் விபத்துகள் நடந்து கொண்டேதான் இருக்கின்றன. விமான விபத்து, கப்பல் விபத்து, ரயில் விபத்து, நடைபாதை விபத்து, தீ விபத்து என்று ஏதேனும் ஒரு விபத்து நடந்து கொண்டேதான் இருக்கிறது.

இவை தவிர, இயற்கையின் சீற்றம் காரணமாக, பேய்க்காற்று, பேய்மழை என்பதோடு சுனாமி போன்ற பலவித விபத்துகள் மூலம் மனிதர்கள் இறக்கின்றனர். உயிர் நஷ்டம், பொருள் நஷ்டம் என பலவித நஷ்டங்கள் ஏற்படுகின்றன.

காற்று இல்லையென்றால், மனிதனால் ஒரு சில நிமிடங்கள்கூட வாழ முடியாது. மழையில்லை என்றால், தொடர்ந்து மனிதனால் வாழ முடியாது. இவையிரண்டையும் அல்லாஹ்வின் ‘ரஹ்மத்’ (பேரருள்) என்கிறோம். அதே காற்றும், மழையும் அளவிற்கு மீறி விட்டால், அந்த ‘ரஹ்மத்’, ‘ஜஹ்மத்’ (பெருந்தொல்லை) ஆக ஆகிவிடுகிறது. 

அரபி அட்சரங்களில், ‘ரே’ என்று ஒரு அட்சரமிருக்கிறது. அதற்கு அடுத்து வரக்கூடிய அட்சரத்திற்கு, ‘ஜே’ என்று கூறுகிறோம். இந்த ‘ரே’ அட்சரத்திற்கும், ‘ஜே’ அட்சரத்திற்கும் ஒரேயொரு புள்ளி தான் வித்தியாசம்.

Read more...
 
மகிழ்ச்சியாக வாழ என்ன தேவை? Print E-mail
Tuesday, 14 September 2010 11:59

சமீபத்தில் நடந்த ஒரு ஆய்வில் தெரியவந்த உண்மைகள்:

97% மக்கள் தங்கள் வாழ்க்கை மாறினால்தான் மகிழ்ச்சி கிடைக்கும் என்று நம்புகின்றனர்.

85% மக்கள் வீட்டுக்கு விருந்தினர் வருவதற்கு முன் தான் வீட்டை சுத்தம் செய்கிறார்கள்.

75% மக்கள் சேமிக்க வழியின்றி திண்டாடுகிறார்கள்.

70% மக்கள் வீட்டில் இருக்கும்போது அழகாக தோன்ற முயற்சி எடுப்பதில்லை.

60% மக்கள் தாங்கள் செய்ய நினைத்த வேலைகளை நேரத்தில் செய்து முடிப்பதில்லை.

நம்மிடம் உள்ள குறைகளை ஒப்புக்கொண்டு அதை மாற்ற முயல்வதே சிறந்தது,அதைவிட்டு நான் குறையற்றவள் என்பதை நிரூபிக்க நினைப்பது வீண் கவலையை மட்டுமே தரும்!

Read more...
 
சீர்திருத்தம் என்பது எதுவரை? Print E-mail
Friday, 08 January 2010 11:53

சீர்திருத்தம் என்பது எதுவரை?

MUST READ

       கோவை, அப்துல் அஜீஸ் பாகவி     

தினமும் சுபுஹ் தொழுகைக்குப்பிறகு ஒரு நபி மொழியை சொல்லி, அது பற்றி மட்டுமே உள்ள கருத்துக்களை ஒரு சொற்பொழிவு போல் இல்லாமல் சாதாரண பாணியல், 5 லிருந்து 7 நிமிடங்களுக்குள்ளாக சொல்லி முடித்து விடுவது எங்களது பள்ளிவாசலில் வழக்கம்.

நேற்றைய தினம் ஒரு நபிமொழியை வாசித்தேன். அதன் பொருளை கேட்டவுடன் தொழுகையாளிகளின் முகத்தில் ஒரு ஆச்சரியக் கேள்விக் குறி படர்ந்தது.

அது படர்கிறதா என்பதை நான் கவனித்து காத்திருந்தேன். அப்படியே நடந்தது.

தூக்கக் கலக்கத்திலோ, ஒரு சம்பிரதாயத்திற்காகவோ இவர்கள் இங்கு உட்கார்ந்திருக்கவில்லை என்ற திருப்தி எனக்கு. என்ன இது கொஞ்சம் குழப்பமாக இருக்கிறதே என்ற கேள்வி அவர்களுக்கு.

அந்த நபி மொழி இது தான்.

ஆபூஹுரைiரா ரளியல்லாஹு அன்ஹு அறிவிக்கிறார்கள். நபிகள் நாயகம் ஸல்லல்லாஹு அலைஹி வஸல்லம் அவர்கள் சொன்னார்கள். ''ஓரு மக்கள் கூட்டத்தைப் பார்த்து அல்லாஹ் ஆச்சரியம (மகிழ்ச்சிய) டைகிறான். விலங்குகளோடு அவர்கள் சுவர்கத்துக்குள் நுழைவார்கள்.'' (புகாரி 3010)

முதல் பார்வையில் இந்நபி மொழி நம்முடைய புருவங்களை உயரவைக்கும்.

Read more...
 
மாவீரன் திப்பு சுல்தானும் இஸ்லாத்தை ஏற்ற மாவீரன் நெப்போலியனும்! Print E-mail
Saturday, 17 October 2009 07:48

 

 எம்.கே. ஜமால் முஹம்மது 

[ 7.6.1985-ல் பிரான்சின் தலைநகர் பாரீஸில் நமது முன்னாள் பிரதமர் ராஜீவ்காந்தி அவர்கள் உரையாற்றும் போது  "கி.பி.1792ல் பிரான்சின் தலை நகரம் பாரீஸில் மக்கள் புரட்சி ஆரம்பமாகி சுதந்திரம் மனிதனின் பிறப்புரிமை என்ற சங்கநாதம் எழுந்தது. எழுந்ததும் அதனுடைய எதிரொலி இந்தியத் திருநாட்டிலும் கேட்டது. திப்புசுல்தானின் தலைநகரான ஸ்ரீரங்கப்பட்டணத்தில் அன்றைய தினமே இப்புரட்சிக் குரல் எதிரொலித்திருக்கிறது" என்பதனை பெருமையுடன் தெரிவித்துக் கொள்கிறேன் என்றார்.

இறுதியாக, சிறைச்சாலையில் நெப்போலியன் தங்கியிருந்த அறையில் தொழுகை விரிப்புடன் திருக்குர்ஆன் பிரெஞ்சு மொழிபெயர்ப்பு ஒன்று மட்டுமே இருந்தது என்ற உண்மையை அவரது மறைவிற்குப் பின் அங்கு சென்று குறிப்பெடுத்த சிறை அதிகாரியின் அறிக்கை கூறுகிறது. வரலாற்று ஆசிரியர்களின் கூற்றுப்படி கெய்ரோவில் நெப்போலியன் கலிமாச் சொல்லி இஸ்லாத்தில் இணைந்தது உண்மை என்பதும், முழுமையான முஸ்லிமாகவே அவர் இறுதிவரை வாழ்ந்தார் என்பதும் புலனாகிறது. ]

Read more...
 
இத்ரீஸ் அலைஹிஸ்ஸலாம் அவர்களின் வரலாறு Print E-mail
Thursday, 30 July 2020 07:27

இத்ரீஸ் அலைஹிஸ்ஸலாம் அவர்களின் வரலாறு

       ரஹ்மத் ராஜகுமாரன்     

ஹழ்ரத் இத்ரீஸ் அலைஹிஸ்ஸலாம்

முதன் முதலாக உலகில் ...

1) ஹழ்ரத் இத்ரீஸ் அலைஹிஸ்ஸலாம் இவர்கள்தான் நட்சத்திரக் கணக்கை முதன்முதலில் உலகிற்கு கொண்டு வந்தவர்கள்.

2) அதேபோல் முதன் முதலாக உலகில் மக்களுக்கு எழுதுகோலை கொண்டு எழுதக் கற்றுக் கொடுத்தார்கள்.

3) முதன் முதலாக உலகில் ஆடைகளை தைத்து உடுக்கும் முறையை கற்பித்தார்கள்.

4) முதன் முதலாக உலகில் யுத்தத்தில் உபயோகப்படுத்துவதற்கான ஆயுதங்களை புழக்கத்தில் கொண்டு வந்தார்கள்.

5) முதன் முதலாக உலகில் அல்லாஹ்வின் பாதை போராடியவர்களுள் முதலாமானவர்கள் இவர்கள்தான்.

ஹழ்ரத் ஷீத் அலைஹிஸ்ஸலாம் அவர்களின் நான்காம் தலைமுறையில் எகிப்து நாட்டில் தோன்றிய ஹழ்ரத் இத்ரீஸ் அலைஹிஸ்ஸலாம் அவர்களின் இயற்பெயர் எக்னூஹ் என்றும் குனூஹ் என்றும் சொல்லப்படுகிறது. அரபியில் இவர்கள் பெயர் ஹெர்மிஸ் இத்ரீஸ் அல்முதுல்லுத் பின் பினாத் என்பதாகும். இதன் பொருள் மூன்று பேரருளைப் பெற்றவர் என்பதாகும்.

தங்களது மூதாதையரின் போதனைகளையும், வழிமுறைகளையும், ஆன்மீக மேம்பாடுகளையும் மக்களுக்கு போதித்து வந்ததால் இத்ரீஸ் என்ற பெயர் வந்தது. இவர்களின் மொழி சுர்யானி ஆகும். இவர்கள் ரஸூலாகவும், நபியாகவும் இருந்தார்கள். 

Read more...
 
மாற்றான் மனைவியின்மீது மையல் கொண்ட நபி தாவூது அலைஹிஸ்ஸலாம் Print E-mail
Friday, 14 August 2020 07:20

மாற்றான் மனைவியின்மீது மையல் கொண்ட நபி தாவூது அலைஹிஸ்ஸலாம்

நபி தாவூத் அலைஹிஸ்ஸலாம் அவர்களுக்கு தேனிசை குரலால் சபூர் வேதத்தை ஓதும் தனித்துவத்தை இறைவன் வழங்கி இருந்தான். இது தலைமையத்துவத்திற்கு சிறப்பாக இருந்தது.

وَلَقَدْ اٰتَيْنَا دَاوٗدَ مِنَّا فَضْلًا يٰجِبَالُ اَوِّبِىْ مَعَهٗ وَالطَّيْرَ وَاَلَــنَّا لَـهُ الْحَدِيْدَ ۙ‏

இன்னும், நிச்சயமாக நாம் தாவூதுக்கு நம் (மேன்மையான) அருளை வழங்கினோம்; “மலைகளே! (அவர் தஸ்பீஹு செய்யும் போது) அவருடன் (அத்துதியை) நீங்களும் எதிரொலியுங்கள்; பறவைகளே! (நீங்களும் அவ்வாறே செய்யுங்கள் என்றோம்;) மேலும் நாம் அவருக்கு இரும்பை மிருதுவாக்கித் தந்தோம். (அல்குர்ஆன் : 34:10)

ஒரு நாள் தாவூத் அலைஹிஸ்ஸலாம் அவர்கள் தங்களின் வணக்க மாளிகையின் முன் பக்க கதவுகளை உட்புறமாக தாழிட்டு விட்டு மாளிகையில் அமர்ந்து மனமொன்றி இறைவனை வணங்கிக் கொண்டிருந்தார்கள் அப்பொழுது இருவர் சுவர் ஏறி தொப்பென்று கீழே குதித்து உள்ளே நுழைந்தனர் அவர்களை கண்டதும் தாவூத் அலைஹிஸ்ஸலாம் அவர்கள் திடுக்கிட்டார்கள்.

"ْதாவூதிடம் நுழைந்த போது அவர்; அவர்களைக் கண்டு திடுக்குற்றார்; அப்போது அவர்கள் கூறினார்கள்; “பயப்படாதீர்! நாங்களிருவரும் வழக்காளிகள்; எங்களில் ஒருவர் மற்றவர் மீது அநீதம் செய்திருக்கிறார்; எங்களிருவருக்கிடையில் நீதத்தைக் கொண்டு தீர்ப்பளிப்பீராக! (அதில்) தவறிழைத்து விடாதீர்! எங்களைச் செவ்வையான பாதைக்கு நேர்வழி காட்டுவீராக!”

(அவர்களில் ஒருவர் கூறினார்:) “நிச்சயமாக இவர் என்னுடைய சகோதரர்; இவரிடம் தொண்ணூற்றொன்பது ஆடுகள் இருக்கின்றன; ஆனால் என்னிடம் ஒரே ஓர் ஆடுதான் இருக்கிறது; அவர் அதனையும் தனக்குக் கொடுத்துவிட வேண்டுமெனச் சொல்லி, வாதத்தில் என்னை மிகைத்து விட்டார்.”

Read more...
 
ஐரோப்பாவுக்கு இஸ்லாத்தின் வெளிச்சப் புள்ளிகளை அறிமுகப்படுத்தி வைத்த மாவீரர் தாரிக் இப்னு ஸியாத் Print E-mail
Friday, 06 September 2019 07:36

ஐரோப்பாவுக்கு இஸ்லாத்தின் வெளிச்சப் புள்ளிகளை அறிமுகப்படுத்தி வைத்த   மாவீரர்   தாரிக் இப்னு ஸியாத்

[   வீரர்கள் அனைவரும் கப்பலில் இருந்து இறங்கியவுடன், அவர்களைச் சுமந்து வந்த கப்பல்கள் அனைத்தையும் தீயிட்டுக் கொளுத்தி விடுமாறு தாரிக் பின் ஸியாத் அவர்கள் தனது படையினருக்குக் கட்டளையிட்டார்கள். அதன்படியே அந்தக் கப்பல்கள் யாவும் ஐபீரியன் தீபகற்பத்தில் வைத்துக் கொளுத்தப்பட்டது. அதன்பின் வீரர்களிடையே தாரிக் பின் ஸியாத் அவர்கள் ஒரு உணர்ச்சிப்பூர்வமான உரை ஒன்றை நிகழ்த்தினார்கள்.

 "ஓ என்னருமை மக்களே..! யுத்த பூமிக்கு வந்திருப்பவர்களே..! உங்களுக்குப் பின்னால் கடல்.., உங்களுக்கு முன்னால் நிற்பதோ எதிரிகள்..! யுத்தம் ஒன்றே இப்பொழுது மிச்சம்..! இறைவன் மீது சத்தியமாக..! (இந்த நிலையில் நீங்கள்) பொறுமையோடும் இன்னும் இறைநம்பிக்கையில் உறுதியோடும் இருப்பதை அன்றி வேறெதுவும் உங்களுக்கு உதவப் போவதில்லை. வெற்றி அல்லது வீரமரணம், இவற்றில் ஒன்றைத் தேர்வு செய்து கொள்ளுங்கள்" -தாரிக் இப்னு ஸியாத் ]

மத்தியத் தரைக்கடல் வழியாக அட்லாண்டிக் மகா சமுத்திரத்திற்குள் நுழையும் ஒவ்வொரு கப்பலும் ஜிப்ரால்டர் ஜலசந்தியைக் கடந்தே சென்றாக வேண்டும் அல்லது அங்கு சிறிது தாமதித்து இளைப்பாறிச் செல்ல வேண்டும் என்பது கட்டாயமாகும். இந்த ஜிப்ரால்டர் ஜலசந்தியானது ஐரோப்பாவின் தென்மேற்கு முனையில் மற்றும் மொராக்கோவுக்கு எதிர்புறமாக அமைந்துள்ளது.

சரி..! ஜிப்ரால்டர் என்று ஏன் அழைக்கப்படுகின்றது என்று தெரியுமா உங்களுக்கு? ஜிப்ரால்டர் என்பது ஜபல் அல் தாரிக் அல்லது ''தாரிக்(இப்னு ஸியாத்)மலைக்குன்று'' என்பதனை மொழிமாற்றி, சுருங்கச் சொல்லப் பொன்னால் அரபி மொழியை மோசடி செய்து, அதனை ஜிப்ரால்டர் என்று மேற்குலகு அழைத்துக் கொண்டிருக்கின்றது.

Read more...
 
தூது வீரர்கள் Print E-mail
Thursday, 20 August 2020 19:03

தூது வீரர்கள்

     நூருத்தீன்       

“உங்கள் தரப்பிலிருந்து ஒருவரை அனுப்புங்கள். நாம் அவரிடம் பேச வேண்டும்!” பாரசீகத் தளபதியிடமிருந்து தகவல் வந்தது.

உமர் கத்தாப் ரளியல்லாஹு அன்ஹு அவர்கள் கலீஃபாவாக ஆட்சி புரிந்து கொண்டிருந்தபோது,

பாரசீகர்களுடன் கடுமையான போர்கள் பல நிகழ்ந்தன. அவற்றுள் வெகு முக்கியமான ஒன்று காதிஸிய்யாப் போர். பாரசீகர்களின் படைத் தளபதி ருஸ்தம் காதிஸிய்யாவுக்கு வந்திருந்தான். கூடவே முப்பத்து மூன்று யானைகள் கொண்ட பிரம்மாண்ட படை. முஸ்லிம்களின் படை பலத்துடன் ஒப்பிடும்போது அது பன்மடங்கு பெரிது.

இருப்பினும், முதலில் பேச்சுவார்த்தை நடத்திப் பார்க்கலாம் என்று தகவல் அனுப்பியிருந்தான். ஸஅத் இப்னு அபீவக்காஸ் ரளியல்லாஹு அன்ஹு அவர்களை முஸ்லிம்களின் படைக்குத் தளபதியாக நியமித்திருந்தார் உமர் ரளியல்லாஹு அன்ஹு. ருஸ்தமின் தகவல் வந்ததும் ஸஅத் தம் படையிலிருந்து ராபீஇ இப்னு ஆமிர் ரளியல்லாஹு அன்ஹு என்பவரைத் தேர்ந்தெடுத்து, “போய் பேசிவிட்டு வாருங்கள்” என்று அனுப்பி வைத்தார்.

பாரசீகர்களின் படை மட்டும் பிரம்மாண்டமானதன்று. ஆடை, அணிகலன், ஆசனங்கள் என்று அவர்களிடம் அமைந்திருந்த அனைத்துமே ஆடம்பரம், படோடபம். ருஸ்தமின் சிம்மாசனம் தங்கம். கம்பளம், மெத்தை, தலையணை போன்றவை நெய்யப்பட்ட நூலில் இழையோடியதும் தங்கம். விளக்குமாறுக்கும் பட்டுக் குஞ்சம் இருந்திருக்கலாம். வரலாற்றுக் குறிப்புகளில் அத்தகவல் இல்லை.

ருஸ்தமின் பளபளப்பான அந்த அவையில் மிக எளிய உடையில் வறுமையான ஒரு வழிப்போக்கனைப்போல் வந்து நுழைந்தார் ராபீஇ இப்னு ஆமிர். அவரிடம் ஒரு வாள். அந்த வாளாயுதத்திற்கு துணி உறை. அத்துணியுடன் சேர்த்துக் கட்டப்பட்ட ஓர் ஈட்டி. அவரது உடைமை அவ்வளவே.

Read more...
 
இரவில் சீக்கிரம் தூங்கி காலையில் (ஸுபுஹுக்கு) சீக்கிரம் விழிப்போம்! Print E-mail
Saturday, 11 July 2020 07:18

இரவில் சீக்கிரம் தூங்கி காலையில் (ஸுபுஹுக்கு) சீக்கிரம் விழிப்போம்!

ஒருவர் அலீ ரளியல்லாஹு அன்ஹு அவர்களிடம் கேட்டார்....

"நாய் ஒரே நேரத்தில் 6, 7 குட்டிகளை ஈன்றெடுக்கின்றது ஆனால் ஆடுகளோ ஒரு நேரத்தில் 2 அல்லது 3 குட்டிகளையே ஈன்றெடுக்கின்றது.
ஆயினும் எல்லா இடங்களிலும் ஆடுகளின் எண்ணிக்கை நாய்களின் எண்ணிக்கையை விட அதிகமாக இருக்கிறதே..?

நாம் ஆடுகளை நாள்தோறும் பலியிடுகிறோம், அறுக்கின்றோம். அப்படி இருந்தும் அவை எப்போதும் நாய்களை விட அதிகமாகவே இருக்கின்றன. ஏன்..?"
அலீ ரளியல்லாஹு அன்ஹு அவர்கள் பதில் கூறினார்கள்;

"இதுதான் பரக்கத் (அருள்) ஆகும்."

அதற்கு அவர் "பரக்கத் ஆடுகளிடம் மட்டும் ஏன் இருக்கிறது? நாய்களிடம் ஏன் இருப்பதில்லை..?" எனக் கேட்டார்.

Read more...
 
இறைத்தூதர் (ஸல்) அவர்களே தன் முன் கையால் தூக்கி சுமந்து சென்று அடக்கம் செய்த பக்கியசாலி! Print E-mail
Wednesday, 29 April 2020 13:05

இறைத்தூதர் (ஸல்) அவர்களே தன் முன் கையால் தூக்கி சுமந்து சென்று அடக்கம் செய்த பக்கியசாலி!

வரலாற்றில் அதிகமாக பதியப்படாத ஒரு சஹாபியின் வரலாறு, இவரை குறித்து குறைவான ஹதீஸ்களே உள்ளது. கவனமாக படியுங்கள்.

இந்த சஹாபி ஒரு ஏழை, தோற்றத்தில் உடல் அமைப்பில் சற்று அழகு குறைந்தவர் (அருவருப்பான தோற்றத்தை கொண்டவர் என்று வரலாற்று ஆசிரியர்கள் கூறுகின்றார்கள்). இவரின் பெயரும் வேடிக்கையாக இருக்கும் "ஜுலைபீப்" ஆம் ஜுலைபீப் என்ற பெயர் அன்றைய அரேபிய தேசத்தில் சிரிப்பை ஏற்படுத்தும் பெயராக இருந்தது. இவரின் தோற்றத்தின் காரணமாகவே இவருக்கு யாரும் பெண் தரவில்லை.

ஒரு முறை நபி ஸல்லல்லாஹு அலைஹி வஸல்லம் அவர்கள் ஜுலைபீபை பார்த்து "யா ஜுலைபீப் நலமாக இருக்காயா?" என்று கேட்டார்கள், உடனே ஜுலைபீபும் "அல்ஹம்துலில்லாஹ், யா ரஸூலுல்லாஹ் நலமாக உள்ளேன்" என்றார்.

பின்பு ஜுலைபீப் நபியை நோக்கி கேட்டார் "யா ரஸூலுல்லாஹ், மறுமையிலாவது எனக்கு ஹூர்லீன் பெண்கள் மனைவியாக கிடைப்பார்களா?" என்று, உடனே நபி ஸல்லல்லாஹு அலைஹி வஸல்லம் புன்னகையோடு சொன்னார்கள் "ஜுலைபீப் இந்த உலகத்திலும், நாளை மறுமையிலும் உனக்கு மனைவிகள் கிடைப்பார்கள்".

ஜுலைபீப் கேட்டார், "யா ரஸூலுல்லாஹ், எனக்கு யார் பெண் கொடுப்பார்கள்?",

Read more...
 
இஸ்லாமிய ஹிஜாப் அணிந்து ஆங்கிலேயர்களை எதிர்த்து நின்ற ஓர் வீரப் பெண்மணி Print E-mail
Tuesday, 25 February 2020 21:02

Image result for இந்திய சுதந்திர போராட்டத்தில் முஸ்லிம் பெண்களின் பங்கு

இஸ்லாமிய ஹிஜாப் அணிந்து ஆங்கிலேயர்களை எதிர்த்து நின்ற ஓர் வீரப் பெண்மணி 

அப்பெண்மணி வேறு யாரும் இல்லை, இந்திய சுதந்திர வேங்கை வீர சகோதரான முஹம்மது அலி மற்றும் சௌகத் அலி, இவ்விரு வீரர்களை பெற்ற அன்னை தான் ஆபாதி பானு சாஹிபா என்ற “பீ அம்மா” அல்லது பீ அம்மன்” என்று அழைக்கப்படுகிறார்கள்.

பிறப்பு:

இந்தியாவில் உத்திரபிரதேசம் மாநிலம் ராம்பூர் என்ற ஊரில் 1857-ம் ஆண்டு செல்வாக்கு மிக்க குடும்பத்தில் தர்வேஷ் கான் என்பவருக்கு செல்வ புதல்வியாக பிறந்தார்கள். அன்றைய முஸ்லிம் பெண்களை போன்றே இவர்களால் எவ்வித கல்வி படிப்பையும் படிக்க முடியவில்லை.

திருமணமும் விதவை வாழ்வும்:

முஸ்லிம்களின் இஸ்லாமிய நெறிமுறை படி வாழ்ந்த பீ அம்மா, மற்ற பெண்மணிகளை போல் இவர்களும் அப்துல் அலி என்பவரை மணமுடித்து இல்லற வாழ்வை துவங்கினார்கள்.

இவர்களின் கணவர் ராம்பூர் பகுதியின் ஆங்கில அரசின் உயர் அதிகாரியாக இருந்தார்கள். அப்துல் அலி காலரா நோயினால் 1907-ம் ஆண்டு மரணம் அடைந்தார், அவர் இறக்கும் நேரத்தில் முப்பது ஆயிரம் கடன் வைத்திருந்தார். அப்போது அவருக்கு வயது முப்பது, அன்னை பீ அம்மாவிற்கு இருபத்தியேழு வயது.

பீ அம்மா தனது 27-ம் வயதிலேயே தன் கணவரின் இறப்பால் விதவை ஆகினார்கள். சிறு வயதிலேயே இவர்களுக்கு ஒரு மகள் மற்றும் மூன்று மகன்கள் இருந்தன. கணவன் இழந்த விதவை வாழ்வு ஒரு பக்கம், சின்ன சிறு ஆறு பிள்ளைகள் மறுப்பக்கம்.

பீ அம்மா மனம் தளராமல் தன் கணவனின் கடனை அடைத்ததோடு குடும்ப வாழ்விலும் வெற்றி பெற்று, இந்திய வரலாற்றில் அழியாத தன் பெயரை பதித்து விட்டே சென்றார்கள். இவர்களின் வாழ்க்கை இன்று ஒவ்வொரு இஸ்லாமிய பெண்கள் அறிய வேண்டியது அவசியம்.

இஸ்லாமிய கலாச்சாரத்தை விட்டு கொடுக்காமல் ஹிஜாப் என்ற இஸ்லாமிய பர்தாவை அணிந்தே ஆங்கிலேயர்களுக்கு எதிராக குரல் தந்தார்கள். அன்னை அவர்களுக்கு எவ்வித கல்வியறிவு இல்லை என்றாலும் தன் பிள்ளைகளை ஆங்கிலத்திலும், உருதுவிலும் புலமை பெற்றவர்களாக ஆக்கினார்கள்.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 6 of 78

99 Names Of Allaah

-         310 300nd

Links

Links 2

Best Article