வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

மாணவர்கள் தரும் விபரீத பாடம் - Dr. ஃபஜிலா ஆசாத் Print E-mail
Friday, 14 February 2020 08:01

மாணவர்கள் தரும் விபரீத பாடம்

    Dr. ஃபஜிலா ஆசாத், சர்வதேச வாழ்வியல் ஆலோசகர்     

[ உலகிலேயே அதிக அளவு மாணவர்கள் தற்கொலை செய்து கொள்ளும் நாடுகளில் இந்தியாவும் ஒன்றாக முன்னிலை வகிக்கிறது. இங்கு 2011-2015க்குள் சுமார் 40,000 மாணவர்கள் தற்கொலை செய்துள்ளார்கள்.]

உங்கள் குழந்தைகள் உங்களிடமிருந்து வந்தவர்கள் அல்ல, உங்கள் மூலமாக வந்தவர்கள். அவர்களுக்கு நீங்கள், எவ்வளவு வேண்டுமானாலும் உங்கள் அன்பை அள்ளிக் கொடுக்கலாம். ஆனால் உங்கள் எண்ணங்களை திணித்து விடாதீர்கள் என்கிறார் கலீல் ஜிப்ரான்.

பாருக்குள்ளே சிறந்த நாடாம் நம் பாரத திருநாட்டில், ஒரு மணித்துளிக்கு ஒரு மாணவன் தன்னை மாய்த்துக் கொள்கிறான் என ‘ஹிந்துஸ்தான் டைம்ஸின்’ அறிக்கையைப் படிக்கும் போது, கலீல் ஜிப்ரான் சொன்னதை நினைவு கொள்ளாமல் இருக்க முடியவில்லை.

உலகிலேயே அதிக அளவு மாணவர்கள் தற்கொலை செய்து கொள்ளும் நாடுகளில் இந்தியாவும் ஒன்றாக முன்னிலை வகிக்கிறது. இங்கு 2011-2015க்குள் சுமார் 40,000 மாணவர்கள் தற்கொலை செய்துள்ளார்கள். இது 2016-2017 இல் இன்னும் அதிகரித்துள்ளது எனபுள்ளி விபரங்களுடன் red alert தந்து National crime records bereau(NCRB) விடும் எச்சரிக்கை நாம் எங்கே சென்று கொண்டிருக்கிறோம் என்ற திகைப்பையே தருகிறது.

Read more...
 
அடுத்தோரின் நலன் மீது அக்கறை கொள்! Print E-mail
Sunday, 10 January 2016 08:51

அடுத்தோரின் நலன் மீது அக்கறை கொள்!

    ஹாபிழ் அ. செய்யது அலி மஸ்லஹி, பாஜில்    

இன்றைய நவநாகரீக உலகில் மனிதவள மேம்பாடு நலிந்து கொண்டே வருகிறது. பரந்துவிரிந்த மனித மனது குறுகிய வட்டத்துக்குள் கூன் விழுந்து ஊனமாகி கிடக்கிறது. பரந்த மனப்பான்மை சிறந்த மனிதனை உலகிற்கு அடையாளம் காட்டியது.

ஒரு காலத்தில் பரந்த மனப்பான்மை குடியிருந்த உள்ளத்திலிருந்து அது குடிபெயர்ந்து மாயமாக பறந்து மறைந்துவிட்டது. எங்கும் எதிலும் மனித மனம் தன்னலம், சுயநலம் எனும் பாதையில் பயணித்துக் கொண்டிருக்கிறது.

பிறர் நலம், பொது நலம் எனும் பார்வை மனித மனதிலிருந்து விரைவாக   கரைந்து கொண்டே இருக்கிறது.

இந்த மாறுதலின் தாக்கம் வெளி உலகத்தில் காணவேண்டிய அவசியம் இல்லை. ஒரு குடும்பத்தில், ஒரு வீட்டில் குடும்ப உறுப்பினர்களுக்கு மத்தியில் காணமுடிகிறது.

தந்தையின் சொத்தை தனதாக்க தனயன் தகாத முறையில் திட்டம் தீட்டுகிறான். பங்காளியின் சொத்தை அபகரிக்க உடன் பிறப்புகளே உடன் பிறந்தவர்களை உண்டு இல்லையென்று செய்துவிடுகிறார்கள்.

Read more...
 
தூய உள்ளம் கொண்டவர்களாக வாழ்வதே மேல்! Print E-mail
Friday, 30 September 2016 07:42

தூய உள்ளம் கொண்டவர்களாக வாழ்வதே மேல்!

       rasminmisc      

"தூய உள்ளம் கொண்டவர் யாரெனில் அவரது உள்ளத்தில் பாவமோ, அநியாயமோ, குரோதமோ, பொறாமையோ இருக்காது."

இறைவன் மனிதனை பலவிதமான குணங்களும் கொண்டவனாக படைத்திருக்கின்றான். நல்ல குணங்களுடன் சிறப்பாக வாழும் சிறந்த மனிதர்கள் இருப்பதைப் போல, பலவிதமான தீய குணங்களுடன் தீமைகளுடன் இணைந்தே வாழும் பல கெட்ட மனிதர்களும் இவ்வுலகில் வாழத்தான் செய்கின்றார்கள்.

அடுத்தவர்களுக்கு உதவி செய்தல், நல்ல முறையில் பேசிப் பழகுதல், பொறுமையாக நடந்து கொள்ளுதல், பெருமையடிக்காதிருத்தல் போன்ற பலவிதமான நல்ல குணங்கள் இருப்பதைப் போல அடுத்தவர்களுக்கு அநியாயம் இழைத்தல், கெட்ட வார்த்தைகள் பேசுதல், குரோதம் கொள்ளுதல், பெருமையடித்தல், பொறாமை கொள்ளுதல் போன்ற பலவிதமான தீய குணங்களும் மனிதர்களுக்கு மத்தியில் காணப்படுகின்றது.

இப்படியான பலவிதமான குணங்களின் கலவையாக இருக்கும் மனிதர்கள் தமது வாழ்நாளில் சிறப்பாக வாழ்ந்து இவ்வுலகிலும் மறுவுலகிலும் வெற்றியடைய வேண்டுமெனில் தமது வாழ்வை இறைவனும், இறைத் தூதரும் காட்டிய வழியில் நற்குணம் கொண்டவர்களாக மாற்றிக் கொள்ள வேண்டும்.

Read more...
 
சூழ்ச்சிகளைப் புரிந்து கொள்ளுங்கள் இல்லையேல் இல்லாமல் ஆக்கப்படுவீர்கள்! Print E-mail
Wednesday, 17 June 2020 07:16

சூழ்ச்சிகளைப் புரிந்து கொள்ளுங்கள் இல்லையேல் இல்லாமல் ஆக்கப்படுவீர்கள்!

மத்திய அமைச்சர் நிதின் கட்கரி, சென்னை - சேலம் இடையே அரூர் வழியில் 8 வழி பசுமைச் சாலை அமையவிருப்பாதாக அறிவித்துள்ளார்.   இதன் மதிப்பீடு ரூபாய்   பத்தாயிரம் கோடி!

தமிழ் நாட்டிற்கு எய்ம்ஸ் மருத்துமனை அமைக்காத மருத்துவ கல்லூரி அமைக்காத மத்திய அரசு ஏன் புதிய சாலையமைக்க பத்தாயிரம் கோடியை செலவிடுகிறது என்று ஆராய்ந்தீர்களா?

அந்த பத்தாயிரம் கோடியும் மக்கள் வரிப்பணம் அமையவிருக்கும் சாலையானது கார்ப்பரேட் நிறுவனமான ஜிண்டாலுக்காக.. ( Jindal steel)

சேலம் To சென்னை விமான சேவை தொடக்கம்.. ஏன் தெரியுமா?

Read more...
 
வாரத்தின் நாட்களும் அவைகளின் சிறப்புகளும் Print E-mail
Tuesday, 15 September 2020 19:05

வாரத்தின் நாட்களும் அவைகளின் சிறப்புகளும்

அல்லாஹுத்தஆலா பூமியை சனிக்கிழமையும், மலைகளை ஞாயிற்றுக்கிழமையிலும், 

மரம் மட்டை போன்ற தாவர ஜாதிகளை திங்கட்கிழமையும்,

பெருத்த கேடான காரியங்களை செவ்வாய்க் கிழமையிலும்,

ஒளியை புதன்கிழமையிலும், ஊர்ந்து திரியும் உயிர்ப் பிராணிகளை வியாழக்கிழமையிலும்,

மனிதனை வெள்ளிக்கிழமை அஸருக்குப் பிறகும் படைத்தான் என்றும் ஹதீஸில் வந்திருக்கிறது!

வியாழக்கிழமையிலும், சனிக் கிழமையிலும் அல்லாஹ் பரக்கத் செய்திருக்கிறான் என்று ஹதீஸில் வந்திருப்பது குறித்து ஹஜரத் ஷேக் ஸத்துருதீன் கூனவி ரஹ்மதுல்லாஹி அலைஹி அவர்கள் வினவிய போது, "அந்த இரு தினங்களும் வெள்ளிக்கிழமைக்கு அடுத்து இருப்பதால்தான்" என்று பதில் கூறினார்கள்.

ஞாயிற்றுக்கிழமை

ஞாயிற்றுக்கிழமையை பற்றி நபிகள் நாயகம் ஸல்லல்லாஹு அலைஹி வஸல்லம் அவர்களிடம் வினவப்பட்டது . அதற்கு அந்த நாள் மரங்கள் வைப்பதற்கும், வீடு கட்டுவதற்கும் உரிய நாள் என்று பதில் கூறப்பட்டது. ஏனெனில் அந்த நாளில்தான் அல்லாஹுத்தஆலா இவ்வுலகை படைக்க ஆரம்பித்தான்.

சுவர்க்கலோகம் அன்று தான் கட்டப்பட்டது.

Read more...
 
நபி ஸல்லல்லாஹு அலைஹி வஸல்லம் அவர்கள் - சுருக்கமான வாழ்க்கைக் குறிப்பு Print E-mail
Tuesday, 28 May 2013 07:04

நபி ஸல்லல்லாஹு அலைஹி வஸல்லம் அவர்கள் - சுருக்கமான வாழ்க்கைக் குறிப்பு

  பிறப்பு முதல் நுபுவ்வத் வரை   

கி.பி. 517: நபி ஸல்லல்லாஹு அலைஹி வஸல்லம் அவர்கள் மக்காவில் பனூஹாஷிம் பள்ளத்தாக்கில் ரபீஉல் அவ்வல் மாதம் திங்கள் காலையிலே பிறக்கிறார்கள்.

வயது 4: ஜிப்ரீல் அலைஹிஸ்ஸலாம் ரஸூலுல்லாஹி ஸல்லல்லாஹு அலைஹி வஸல்லம் அவர்களின் நெஞ்சைப் பிளந்து இதயத்தைப் பரிசுத்தப்படுத்தினார்கள். அத்தோடு செவிலித்தாயான ஹலீமாவிடமிருந்து தாய் ஆமினாவிடம் கையளிக்கப்படுகிறார்கள்.

வயது 6: யத்ரிப்பில் உள்ள அப்துல்லாஹ்வின் மண்ணறையைத் தரிசித்து மக்கா திரும்பும் வழியில் நோய்வாய்ப்பட்டு "அப்வா" எனும் இடத்தில் ஆமினா வபாத்தாகிறார். பின்னர் நபி ஸல்லல்லாஹு அலைஹி வஸல்லம் அவர்கள் பாட்டனார் அப்துல் முத்தலிப் இனால் பராமரிக்கப்படுகின்றார்.

வயது 8: மக்காவில் பாட்டனார் அப்துல் முத்தலிப் மரணித்ததும் சிறிய தந்தை அபூதாலிபிடம் வளர்கிறார்கள்.

வயது 12: அபூதாலிப் ஷாமுக்கு செல்லும் போது "பஹீரா" எனும் துறவி இவர் இறுதி நபி (முஹம்மத் -ஸல்லல்லாஹு அலைஹி வஸல்லம்) என முன்னறிவிப்புச் செய்கிறார்.

Read more...
 
வீரத்தின் விளைநிலம் நபி ஸல்லல்லாஹு அலைஹி வஸல்லம் அவர்கள் Print E-mail
Thursday, 23 January 2020 19:03

வீரத்தின் விளைநிலம்  நபி ஸல்லல்லாஹு அலைஹி வஸல்லம்   அவர்கள்

ஒரு நாள் ஒரு பெரிய நகரில் மிகப்பெரிய ஓர் சப்தம் கேட்டது.

அந்த நகரத்து மக்கள் அனைவரும் திடுக்கிட்டு வீட்டை விட்டு வெளியே ஓடி சென்று சப்தம் வந்த திசை நோக்கி நகர்ந்தனர்.

ஒட்டுமொத்த மக்களும் அந்த திசை நோக்கி நகர்ந்து செல்லும் வேளையில் அவர்களுக்கு எதிர் திசையிலிருந்து ஒரு மனிதர் சேணம் பூட்டாத அரேபிய குதிரையில் தனது போர்வாளை தோளில் தொங்க விட்டவாறு காற்றை கிழித்து கொண்டு மின்னல் வேகத்தில் வந்து கொண்டிருக்கிறார்.

சப்தத்தின் பீதியில் வீதியில் வந்து நின்ற மக்களை நோக்கி அருகே வந்த அந்த மனிதர் "பயப்படாதீர்கள் பயப்படாதீர்கள் நீங்கள் அஞ்சும் அளவிற்கு ஒப்றுமில்லை" என்று பதட்ட சூழலை சமாதாணப்படுத்துகிறார்.   மக்கள் எல்லாம் அமைதியாய் வீடு திரும்புகின்றனர்.

அந்த குதிரையில் வந்தவர் வேறு யாருமில்லை வீர வரலாற்றில் இதுவரை யாரோடும் ஒப்பிட முடியாத ஒப்பற்ற ஒரே தலைவர் முஹம்மது நபி ஸல்லல்லாஹு அலைஹி வஸல்லம் அவர்கள் தான்.

சப்தம் வந்த அந்த நகரம் நபி  ஸல்லல்லாஹு அலைஹி வஸல்லம் அவர்களின்    வரவால் பூரித்து போன மதினா நகரமே தான்.

இந்த சம்பவம் நடக்கும்போது நபி ஸல்லல்லாஹு அலைஹி வஸல்லம் அவர்களுக்கு 53 வயது இருக்கும்.

Read more...
 
மீன் வயிற்றில் இருந்த நபி! Print E-mail
Saturday, 25 July 2015 09:39

மீன் வயிற்றில் இருந்த நபி!

''மேலும், யூனுஸும் நிச்சயமாக ரஸூல்மார்களில்- அனுப்பப்பட்டவர்களில் நின்றுமுள்ளவர்''. (37:139)

நபி யூனூஸ் பின் மத்தா அலைஹிஸ்ஸலாம் அவர்கள் (யோனா - jonah) கி.மு எட்டாம் நூற்றாண்டில் இராக்கிலுள்ள நைனுவா என்னும் பகுதிக்கு நபியாக அனுப்பட்டார்கள்.

சிலை வழிபாட்டில் ஈடுபட்டிருந்த அவருடைய சமூக மக்களைச் சீர்திருத்துவதற்காக பல்லாண்டுகள் பாடுபட்டார்கள். அனாலும் அவரது சமூகம் அவரை நிராகரித்துவிட்டது.

இதனால் மனம் வெறுத்துப் போன யூனூஸ் அலைஹிஸ்ஸலாம் அவர்கள் அல்லாஹுவின் ஆணையைப் பெறாமலேயே அந்த ஊரைவிட்டும் வெளியேறி விட்டார்கள். அல்லாஹுவின் ஆணையின்றி வெளியேறுவது குற்றம் என்பதை உணராமலேயே அங்கே பயனளிக்க தயாராக இருந்த கப்பலில் ஏறி சென்றுவிட்டார்.

எனவே அல்லாஹ் அவரைத் தண்டிக்க நினைத்தான். அவர் பயணித்த கப்பலை நடுக்கடலில் தடுமாற, தத்தளிக்க வைத்தான்.

இறுதியில் அக்கப்பலிலிருந்து யாரேனும் ஒருவர் இறங்கினால் மாத்திரமே மற்றவர்கள் அனைவரும் தப்பிக்க முடியும் என்ற நிலை ஏற்பட்டது. எனவே அவர்களுக்கிடையில் சீட்டு குலுக்கி போட்டனர். அதில் யூனூஸ் அலைஹிஸ்ஸலாம் அவர்கள் பெயர் வரவே, அவர் வீசி எறியப்பட்டார். அச்சமயம் அல்லாஹ் யூனூஸ் அலைஹிஸ்ஸலாம் அவர்களை விழுங்கும்படி, ஒரு மீனுக்குக் கட்டளையிட்டான். மீன் வயிற்றில் சிறைப்பிடித்தான். இதன் பிறகு தான் யூனூஸ் அலைஹிஸ்ஸலாம் அவர்கள், தான் அல்லாஹுவின் ஆணையின்றி ஊரை விட்டு வெளியேறியது மிகப்பெரிய குற்றம் என்பதை உணர்ந்தார்கள். அல்லாஹுவிடம் பாவமன்னிப்புத் தேடினார்கள்.

உன்னைத் தவிர வணக்கத்திற்குரிய இறைவன் வேறொருவனும் இல்லை. நீ மிகப் பரிசுத்தமானவன். நிச்சயமாக நானோ அணியாக்காரர்களில் ஒருவனாகிவிட்டேன் என்று பிரார்த்தித்த வண்ணம் இருந்தார்கள். பிறகு அல்லாஹ் அவரை மன்னித்து மீன் வயிற்றிலிருந்து வெளியேற்றினான்.

Read more...
 
உம்மி Print E-mail
Sunday, 29 May 2016 06:29

உம்மி

முஸ்லிம்களுக்கும் மக்கத்துக் குரைஷிகளுக்கும் இடையே ஹுதையிய்யாவில சமாதான உடன்படிக்கை கையெழுத்து ஆகும் சமயம்...

உடன்படிக்கை ஆவணத்தில் நபி பெயருடன், "ரசூலல்லாஹ்" என்று சேர்த்து எழுதி இருந்ததை இறை மறுப்பாளர்கள் எதிர்த்தார்கள்.

நபியை தாங்கள் இறைவனின் தூதர் என்று ஒப்புக் கொள்ளவில்லை அவர்களது தந்தையார் பெயர் அப்துல்லாஹ் எனவே அவர்களை ரசூலல்லாஹ் என்று குறிப்பிடாமல் தந்தையின் பெயரைத் தம் பெயருடன் அதாவது முஹம்மது பின் அப்துல்லாஹ் என்று சேர்த்து எழுத வேண்டும் என்று வாதிட்டனர்.

நபி ஸல்லல்லாஹு அலைஹி வஸல்லம் அவர்களது மீது மரியாதையும் மேலான தன் உயிரையும் வைத்திருந்த அலீ ரளியல்லாஹு அன்ஹு அவர்கள் ரசூலல்லாஹ் என்ற வார்த்தையை அடிக்க மறுத்து விட்டார்கள்.

Read more...
 
எதார்த்தப் பெண்ணியத்தின் முன்னோடி - கதீஜா பின்து குவைலித் رضي الله عنها Print E-mail
Thursday, 02 June 2011 11:46

 தன்னை விட 15 வயது இளைய ஆண்மகனை விரும்பி சுயமாகத் திருமணம் செய்து கொண்ட, உலகைப் புரட்டிப் போட்ட ஒரு புரட்சி வரலாற்றின் சாரதி

AN EXCELLENT ARTICLE, MUST READ

கதீஜா பின்து குவைலித் ரளியல்லாஹு அன்ஹா - எதார்த்தப் பெண்ணியத்தின் முன்னோடி  

  அப்துல் அஜீஸ் பாகவி   

[ கணவர் மீது அன்பு செலுத்துவதிலும் அவருக்கு ஒத்துழைப்பதிலும் அன்னை கதிஜா ரளியல்லாஹு அன்ஹா அவர்களின் வாழ்வு சாதனை மனிதர்களின் வாழ்க்கை துணைவிகளுக்கு சரித்திரம் சொல்லும் ஒரு பாடமாகும்.

''எனக்கு கதீஜா ரளியல்லாஹு அன்ஹா அவர்களின் அன்பு வாழ்வாதாரமாக கொடுக்கப் பட்டிருந்தது'' என நபிகள் நாயகம் ஸல்லல்லாஹு அலைஹி வஸல்லம் அவர்கள் கூறினார்கள். (இன்னீ கத் ருஜிக்து ஹுப்பஹா –ஸஹீஹ் முஸ்லிம் 4464) அந்த அன்பு எனக்கு கிடைத்த வரம் என்பதே இதன் கருத்து என விரிவுரையாளர் நவவீ கூறுகிறார்.

ஒரு வரலாற்று நாயகரை - மாபெரிய வாழ்நாள் சாதனையாளரை தன் அன்பால் இறுதிவரைக் கட்டிப்போட்டிருந்த்து கதீஜா அம்மையாரின் சாதனைகளில் ஒன்றாகவே பார்க்கப்படுகிறது.

தன்னை விட 15 வய்து இளைய ஆண்மகனை விரும்பி சுயமாகத் திருமண்ம் செய்து கொண்ட, உலகைப் புரட்டிப் போட்ட ஒரு புரட்சி வரலாற்றின் சாரதி.

''உலகின் சிறந்த பெண்மணி கதிஜா'' என்ற நபிகள் நாயகம் ஸல்லல்லாஹு அலைஹி வஸல்லம் அவர்களின் வாக்கு இன்றைய தலைமுறை பெண்கள் புதிய கண்ணோட்ட்த்தில் கவனத்தில் எடுத்துக் கொள்ள வேண்டிய செய்தியாகும்.

கதீஜா ரளியல்லாஹு அன்ஹா மத ரீதியாக அதிக கவனப்படுத்தலுக்குரியவர் என்பதை தாண்டி இன்றை பெண்ணிய தத்துவத்திற்கான ஒரு சரியாள அளவீடாக அவர் திகழ்வதை அக்கறையுள்ளவர்கள் கவனிக்க வேண்டும்.

இந்திரா காந்தி அரசியலில் செல்வாக்கும் உறுதியும் மிக்க பெண்மணியாக இருந்தார். ஆனால அவர் நல்ல மனவியாக இருந்தாரா என்பது கேள்விக்குரியது. இது போன்ற பலவீனங்கள் இன்றைய புகழ் பெற்ற ஒவ்வொரு பெண்மணியிடமும் உண்டு. அந்த அம்சங்களையும் கணக்கில் கொண்டு கதீஜா அம்மையாரை ஒப்பீடு செய்து பார்த்தால் கதீஜா அம்மையாரின் பெருமையை முழுமையானதாக உணர்வீர்கள். ஆயிரம் ஆண்டுகளுக்கு முந்தைய பெரு வணிகச் சீமாட்டி யார் என்ற ஒரு தேடல் நடை பெறுமெனில் அம்மையார் கதீஜா ரளியல்லாஹு அன்ஹா அவர்களுடைய ஒரு பெயர் மட்டுமே அதன் விடையாகக் கிடைக்கக்கூடும்.

கதீஜா அம்மையாரின் சுதந்திரமான அணுகுமுறை ஆச்சரியத்திற்குரியது. ஒரு வகையில் அன்றைய சமூகச் சூழல் அந்த சுதந்திரத்தை அவருக்கு வழங்கியிருந்தது என்பதையும் மறுப்பதற்கில்லை இன்றைக்குள்ள சில பெண்கள் தங்களியே அதிகம் சுதந்திரம் பெற்றவர்களாக கருதிக் கொள்வதை கதீஜா அம்மையாரோடு ஒப்பிட்டுப் பார்த்தால் கேலியாகச் சிரிக்கத்தான் தோன்றும்.

ஒரு வெற்றிகரமான பெண்ணியத்தின் குறியீடாக திகழும் கதீஜா பிந்து குவைலித் ரளியல்லாஹு அன்ஹா ஏதோ வரலாற்றில் வாழ்ந்து முடிந்த பழைய பெயர் அல்ல. இன்றைய சூழலில் அவரது ஒவ்வொரு நடவடிக்கையும் ஆய்வுக்கு உட்படுத்தப் பட வேண்டும். ஒப்பீடுகள் செய்யப்பட வேண்டும்.

அவரது வெற்றிப்பணிகளின் கனபரிமாணம் அளக்கப் பட வேண்டும். அப்படிச் செய்யப்பட்டால் இன்றைய நவீனப் பெண்மணிகளுக்கு பல புதிய வழிகாட்டுதல்கள் கிடைக்கும். வாழ்க்கையைப் பற்றிய தெளிவுகள் பிறக்கும்.]

Read more...
 
முஹ்யித்தீன் அப்துல் காதிர் ஜீலானி ரஹ்மதுல்லாஹி அலைஹி அவர்களின் ''ஏகத்துவ முழக்கம்'' Print E-mail
Tuesday, 12 February 2013 07:34

முஹ்யித்தீன் அப்துல் காதிர் ஜீலானி ரஹ்மதுல்லாஹி அலைஹி அவர்களின் ''ஏகத்துவ முழக்கம்''

[ o அல்லாஹ் அல்லாதவரிடம் உதவி தேடுபவனே! நீ அறிவுடையவனல்ல. அல்லாஹ்வின் பொக்கிஷத்தில் இல்லாதது எதுவுமில்லை.

o மற்ற எவரையும் விட உனக்கு மிக அருகில் இருக்கும் அல்லாஹ்விடம் கேட்காமல் மற்றவர்களிடம் கேட்கிறாயே! உனக்கு வெட்கமாக இல்லையா?"

o உனக்கு ஏதும் துன்பம் ஏற்பட்டுவிட்டால் அல்லாஹ்வை தவிர வேறு எவரும் அகற்ற முடியாது. எனவே, உனது துன்பத்தை அல்லாஹ் அல்லாதவர்களிடம் முறையிடாதே.

o "அல்-குர்ஆன், அல்-ஹதீஸ் இவ்விரண்டையும் பின்பற்றாதவரை உனக்கு "இம்மை-மறுமை"யில் வெற்றி கிடையாது.

o "அல்-குர்ஆன், அல்-ஹதீஸ்" இரண்டையும் உன் முன் வைத்துக்கொண்டு அவ்விரண்டிலும் ஆழ்மாக சிந்தனை செய்து அவ்விரண்டின்படி நீ செயல்படு. "அவர் அப்படி சொல்லி இருக்கிறார், இவர் இப்படி சொல்லி இருக்கிறார்", இதில் இப்படி இருக்கிறது, அதில் அப்படி சொல்லியிருக்கிறது போன்ற உளறல்களைக் கொண்டு ஏமாந்து விடாதே.

o நபி ஸல்லல்லாஹு அலைஹி வஸல்லம் அவர்களின் வழி(யை) முறையினைப் பின்பற்றுங்கள்.. "பித்அத்"-ஐ உருவாக்காதீர்கள். அல்லாஹ்வின் கட்டளைக்கு கட்டுப்படுங்கள். மனமுரண்டு பிடிக்காதீர்கள். இறைவனை ஏகப்படுத்துங்கள். அவனுக்கு (யாரையும், எதனையும்) இணை வைக்காதீர்கள்.

o நாடியவுடன் எதனையும் செய்பவன் அல்லாஹ்வைத் தவிர வேறு எவருமில்லை. அனைத்தையும் இயக்குபவனும், இயக்கங்களை முடித்து வைப்பவனும் அல்லாஹ்வைத் தவிர வேறு எவருமில்லை.

o யார் அல்லாஹ்வின் மீது நம்பிக்கை கொண்டு விட்டனோ அவன் தான் பலமான கயிற்றை பிடித்துக்கொண்டான். யார் படைப்பினங்கள் மீது நம்பிக்கை வைக்கின்றானோ அவன் தண்ணீரை இறுகப்பிடிப்பவனைப் போன்றவன். அவன் கையை விரித்தால் எதனையும் காணமாட்டான். (முஹ்யித்தீன் அப்துல் காதிர் ஜீலானி ரஹ்மதுல்லாஹி அலைஹி அவர்கள் எழுதிய ஃபத்ஹுர் ரப்பானி & ஃபுதூஹுல் ஃகைப்")

''ரபீஉல் ஆகிர் மாதத்தில் அப்துல் காதிர் ஜீலானி ரஹ்மதுல்லாஹி அலைஹி அவர்கள் பெயரால் மவ்லூதுகள் ஓதப்பட்டு வருகின்றன. இதில் வரம்பு மீறிய ஏராளமான ஷிர்க்கான வார்த்தைகள் உள்ளன என்பதை அறிந்தும் பிடிவாதமாக மவ்லூதுகள் ஓதிவரும் ஆலிம்களும் மதரஸா மாணவர்களும் திருந்துவதற்கு அல்லாஹ்விடம் துஆச் செய்வோமாக. வழிகாட்ட வேண்டியவர்களே வழிகெட்டுப் போகும்போது அல்லாஹ்விடம் முறையிடுவதைத்தவிர வேறென்ன வழி?! ஏனெனெனில் உள்ளங்களை புரட்டக்கூடியவன் அல்லாஹ் ஒருவனே.'' -adm.]

Read more...
 
ஷாஜஹானின் மகள் ஜஹானாராவும் ஒளரங்கசீப்பின் மகள் ஜெய்புன்நிசாவும் Print E-mail
Thursday, 28 September 2017 07:50

Mughal Courtesan with Hookah | Mughal paintings, Indian paintings ...

ஷாஜஹானின் மகள் ஜஹானாராவும் ஒளரங்கசீப்பின் மகள் ஜெய்புன்நிசாவும்

மொகலாய வரலாற்றில் அதிகம் பேசப்பட்ட பெண் மும்தாஜ். உலகெங்கும் தாஜ்மகாலின் வழியாக நினைவுகொள்ளப்படுகிறார். ஆனால், பேசப்படப்படாமல் போன முக்கியமான இரண்டு பெண்கள் இருக்கின்றனர்.

ஒருவர் ஷாஜகானின் மூத்த மகளும், திருமணம் செய்துகொள்ளாமல் அரசாட்சியில் மன்னருக்குத் துணை நின்றவளும், மிகச் சிறந்த படிப்பாளியான ஜஹானாரா பேகம்.

இன்னொருவர் ஒளரங்கசீப்பின் மகளும் மெய்யியல் கவிஞருமான ஜெய்புன்நிசா. இந்த இரண்டு பெண்களும் சரித்திர வானில் தனித்து ஒளிரும் இரட்டை நட்சத்திரங்கள்.

இன்று, தாஜ்மகாலைப் பார்க்கப் போகிறவர்களில் எத்தனை பேருக்கு மும்தாஜின் இயற்பெயர் அர்சுமந்த் பானு பேகம், அவள் 13 குழந்தைகளின் தாய், தனது 14-வது பிரசவத்தில் இறந்து போனாள் என்பது தெரியும்?

14 பிள்ளைகளைப் பெற்ற மும்தாஜின் நினைவாக, தாஜ்மகால் கட்டப்பட்டு இருக்கிறது என்றால், அதைத் தாய்மையின் சின்னம் என்றோ, சிறந்த மனைவியின் நினைவுச் சின்னம் என்றுதானே நியாயமாக அழைக்க வேண்டும்?

ஜஹானாரா பேகம், குரால்னிசா, தாரா ஷ§கோ, முகமது சுல்தான்ஷா, ரோஷனாரா, ஒளரங்கசீப், உமித்பக்ஷி, சுரையா பானு, சுல்தான் முராத், கௌஹரா எனும் மும்தாஜின் பிள்ளைகள் பெயர்கள்கூட தாஜ்மகாலுக்குள் போகிறவர்களுக்குத் தெரியாது என்பதுதானே நிஜம்.

Read more...
 
அறியப்படாத வரலாறு: முஆவியா - ஹுஸைன் - யஜீது - அப்துல்லாஹ் - உரைனப் Print E-mail
Friday, 27 March 2015 07:11

அறியப்படாத வரலாறு: முஆவியா - ஹுஸைன் - யஜீது - அப்துல்லாஹ் - உரைனப்

[ அவசர கதியில் தலாக் கூறுகின்றவர்களுக்கான வரலாற்றுப் படிப்பினை ]

  அக்ரமுல்லாஹ் சைய்யித் 

டமாஸ்கஸ் அபூதர்தா என்பவரின் உறவுப்பெண் உரைனப். பேரழகு படைத்தவர் என்பதோடு செல்வந்தரும் கூட.

முஆவியா ரளியல்லாஹு அன்ஹு அவர்களின் மகன் யஜீது இவர் மீது ஆசைப்படுகிறார்.

அவர் விருப்பம் தெரிவிப்பதற்கு முன்பாக சலாம் என்பவரது மகன், இராக் கவர்னர் அப்துல்லாஹ்வை உரைனப் திருமணம் செய்துகொள்கிறார்.

மகன் யஜீதின் ஆசையை தனது அடிமை ராஃபிக் மூலம் அறியும் முஆவியா ரளியல்லாஹு அன்ஹு மகனிடம் வினவுகிறார்..

"ஆசைப்பட்டேன், ஆனால் திருமணம் முடிந்து விட்டது, இனி ஒன்றும் செய்ய முடியாது" என்றுரைக்கின்றார் யஜீது.

சிரியாவிலிருந்த முஆவியா, இராக்கிலுள்ள அப்துல்லாஹ்வுக்கு கடிதம் எழுதுகின்றார். "உனக்கு எனது மகளைத் திருமணம் முடித்துத் தருகிறேன், நீ உன் மனைவி 'உரைனப்பை' தலாக் கூறு" என்று!

Read more...
 
நாஇலா என்றொரு நங்கை! Print E-mail
Monday, 01 October 2012 12:25

நாஇலா என்றொரு நங்கை!

  சுமைய்யாஹ்  

[ "உனது ஹிஜாபை அணிந்து கொள். அவர்கள் என்னை கொல்வதைவிட அவர்கள் முன் நீ முடி அவிழ்ந்து நிற்பது எனக்குக் குற்றமாகத் தெரிகிறது" ]

நாஇலா ரளியல்லாஹு அன்ஹா உஸ்மான் ரளியல்லாஹு அன்ஹு அவர்களுடன் கண்ணியமாக வாழ்ந்த நயமிகு நங்கை. அவருடன் தூய்மையாக குடும்பம் நடத்தியவர். எல்லாச் சூழ்நிலைகளிலும் அவருக்கு பக்க பலமாக நின்றவர். அவருக்காக தன் உயிரையே துச்சமென எண்ணி அர்ப்பணிக்க முன் வந்தவர்.

உஸ்மான் ரளியல்லாஹு அன்ஹு அவர்களின் ஆட்சிக்காலத்தில் அவர்களுக்கு சோதனை அதிகரித்து, அவர்கள் தனது சொந்த வீட்டிலேயே சிறை வைக்கப்பட்டபோது அவர்களுடன் உறுதியாக நின்றவர் நாஇலா ரளியல்லாஹு அன்ஹா அவர்கள். வாள்வீச்சுக்கள் தன் கணவர் மீது விழாது தன் கைகள் மீது வாங்கிக்கொண்டவர் இந்த வீர மங்கை.

Read more...
 
மாஷித்தா Print E-mail
Saturday, 13 January 2018 12:27

 

மாஷித்தா

நபி ஸல்லல்லாஹு அலைஹி வஸ்ல்லம் அவர்கள் மிஹ்ராஜ் பயணத்தின் போது ஒரு இடத்தில், கஸ்தூரியை விட மிக்க வாசனையை கொண்ட அதிசயமான மணமொன்றினை நுகர்ந்தார்கள்.

நபி ஸல்லல்லாஹு அலைஹி வஸ்ல்லம் அவர்கள் வானவர் கோமான் ஜிப்ரயீல் அலைஹி வஸ்ல்லம் அவர்களிடம் அந்த அற்புதமான வாசனையைப் பற்றி கேட்டார்கள்.

அதற்கு ஜிப்ரயீல்  அலைஹிஸ்ஸலாம் அவர்கள் ''இந்த அற்புதமான வாசனை 'மாஷித்தா'வும் அவருடைய குடும்பத்தினர்களும் இருக்கக் கூடிய (கப்ர் அல்லது சுவர்க்க மாளிகை) இடத்திலிருந்து வருகின்ற வாசனை'' என்று கூறினார்கள்.

தொடர்ந்து நபி ஸல்லல்லாஹு அலைஹி வஸ்ல்லம் அவர்கள் மாஷித்தாவின் வரலாறை விவரிக்கும் படி கேட்க, ஜிப்ரயீல்  அலைஹிஸ்ஸலாம் அவர்கள் பின்வருமாறு கூறினார்கள்.

"மாஷித்தா"- பிர்அவ்னின் குடும்பத்துப் பெண்களுக்கு தலை வாரி விட்ட பெண்.

ஒரு நாள் அவர் பிர்அவ்னின் மகளுக்கு தலை வாரிக் கொண்டிருந்த போது தற்செயலாக சீப்பு கீழே விழுகிறது.

Read more...
 
இறைத்தூதர் (ஸல்) அவர்களே தன் முன் கையால் தூக்கி சுமந்து சென்று அடக்கம் செய்த பக்கியசாலி! Print E-mail
Wednesday, 29 April 2020 13:05

இறைத்தூதர் (ஸல்) அவர்களே தன் முன் கையால் தூக்கி சுமந்து சென்று அடக்கம் செய்த பக்கியசாலி!

வரலாற்றில் அதிகமாக பதியப்படாத ஒரு சஹாபியின் வரலாறு, இவரை குறித்து குறைவான ஹதீஸ்களே உள்ளது. கவனமாக படியுங்கள்.

இந்த சஹாபி ஒரு ஏழை, தோற்றத்தில் உடல் அமைப்பில் சற்று அழகு குறைந்தவர் (அருவருப்பான தோற்றத்தை கொண்டவர் என்று வரலாற்று ஆசிரியர்கள் கூறுகின்றார்கள்). இவரின் பெயரும் வேடிக்கையாக இருக்கும் "ஜுலைபீப்" ஆம் ஜுலைபீப் என்ற பெயர் அன்றைய அரேபிய தேசத்தில் சிரிப்பை ஏற்படுத்தும் பெயராக இருந்தது. இவரின் தோற்றத்தின் காரணமாகவே இவருக்கு யாரும் பெண் தரவில்லை.

ஒரு முறை நபி ஸல்லல்லாஹு அலைஹி வஸல்லம் அவர்கள் ஜுலைபீபை பார்த்து "யா ஜுலைபீப் நலமாக இருக்காயா?" என்று கேட்டார்கள், உடனே ஜுலைபீபும் "அல்ஹம்துலில்லாஹ், யா ரஸூலுல்லாஹ் நலமாக உள்ளேன்" என்றார்.

பின்பு ஜுலைபீப் நபியை நோக்கி கேட்டார் "யா ரஸூலுல்லாஹ், மறுமையிலாவது எனக்கு ஹூர்லீன் பெண்கள் மனைவியாக கிடைப்பார்களா?" என்று, உடனே நபி ஸல்லல்லாஹு அலைஹி வஸல்லம் புன்னகையோடு சொன்னார்கள் "ஜுலைபீப் இந்த உலகத்திலும், நாளை மறுமையிலும் உனக்கு மனைவிகள் கிடைப்பார்கள்".

ஜுலைபீப் கேட்டார், "யா ரஸூலுல்லாஹ், எனக்கு யார் பெண் கொடுப்பார்கள்?",

Read more...
 
ரிஜ்க் எவ்வாறு கிடைக்கும்? Print E-mail
Wednesday, 01 August 2018 09:18

Pets Foods and Care - Which type of Foods Lovebirds Eat

ரிஜ்க் எவ்வாறு கிடைக்கும்?

ஆசிரியருக்கும் (இமாம் மாலிக் ரஹ்மதுல்லாஹி அலைஹி) மாணவருக்கும் (இமாம் ஷாஃபிஈ ரஹ்மதுல்லாஹி அலைஹி) இடையே நடைபெற்ற ருசிகர சம்பவம்!

அல்லாஹ் எவ்வித காரணமுமின்றி ஓர் அடியானுக்கு அவனுக்குரிய உணவை அளிப்பான் என்பது இமாம் மாலிக் ரஹ்மதுல்லாஹி அலைஹி அவர்களின் கருத்து.

இல்லை! ஒருவன் சிறிதளவேனும் முயற்சி செய்தாலேயே தவிர அவனுக்கு அவனின் வாழ்வாதாரங்கள் கிடைக்காது என்பது இமாம் மாலிக் ரஹ்மதுல்லாஹி அலைஹி அவர்களின் மாணவர் இமாம் ஷாஃபிஈ ரஹ்மதுல்லாஹி அலைஹி அவர்களின் நிலைப்பாடு.

Read more...
 
நம்மில் எத்தனைப் பேருக்கு இந்த வரலாறு தெ(பு)ரியும்? Print E-mail
Sunday, 08 September 2019 07:53

 

    நம்மில் எத்தனைப் பேருக்கு இந்த வரலாறு தெ(பு)ரியும்?     

அன்னையின் ரோஷம்.....!

      காதிர் மீரான் மஸ்லஹி       

அண்ணல் நபி ஸல்லல்லாஹு அலைஹி வஸல்லம் அவர்கள் ஓரு துணைவியரின் இல்லத்தில் அன்று இருந்து கொண்டிருக்கின்றர்கள். அப்போது மற்றொரு மனைவியின் இல்லத்திலிருந்து ஓரு தட்டைப் பாத்திரம் வருகின்றது. அதிலே சுவை மிக்க உணவும் இருந்தது.

அந்த அன்னை தமது வீட்டில் சமைத்திருந்த உணவை நபி ஸல்லல்லாஹு அலைஹி வஸல்லம் அவர்கள்   இருக்கும் இடத்துக்கு அனுப்பி வைத்தார்கள். ஆனால் யாருடைய வீட்டில் நபி   ஸல்லல்லாஹு அலைஹி வஸல்லம் அவர்கள்   இருக்கிறார்களோ அந்த அன்னைக்கு இது பிடிக்கவில்லை.

நபி ஸல்லல்லாஹு அலைஹி வஸல்லம்   வர்களுக்கு நாம சாப்பாடு கொடுக்கமாட்டோமா, நம் வீட்டு உணவை நாயகம் சப்பிட விடாமல் அந்த உணவு தடுத்து விடுமோ? என்ற உணர்வு மேலிட்டிருக்கலாம் போலும்! அவ்வளவுதான். அந்த உணவை கொண்டு வந்த பணியாளரின் கரத்தை தட்டி விட்டார்கள். தட்டு கீழே விழுந்து உடைந்து நொறுங்கி விட்டது. (அது சில்வரோ பித்தளையோ அல்லவே.)

கொண்டு வந்த பணியாளர் என்ன செய்வதென தெரியாமல் திகைத்து நின்றார். நிலமையை புரிந்து கொண்ட நபி  ஸல்லல்லாஹு அலைஹி வஸல்லம் அவர்கள் சற்றும் அதிர்ச்சியோ, ஆத்திரமோ அடையவில்லை.

அப்படியே குனிந்து அந்தத் தட்டையின் உடைந்த பாகங்களைப் பொறுக்கினார்கள். பின்னர் அதிலிருந்து சிறிய உணவையும் ஓன்று விடாமல் சேகரித்து பத்திரமாக வைத்தார்கள். அப்போது அவர்களின் அமுத வாயிலிருந்து “உங்கள் அன்னை ரோஷம் கொண்டு விட்டார்” என்ற வார்த்தையைத் தவிர வேறெதுவும் வரவில்லை.

Read more...
 
தமிழ்நாட்டில் முஸ்லீம்களின் மதம் ஆழமாக வேர் ஊன்ற காரணம்... Print E-mail
Monday, 30 May 2011 07:52

[ இன்று வரை மற்ற சமயத்தினர்களுக்கு இல்லாத ஒரு தனிச்சிறப்பு தமிழக முஸ்லிம்களுக்கு இருக்கின்றது. தமிழர்களான முஸ்லிம்களை தமிழர்களான தலித்துகள் தாத்தா என்றும், யாதவர்களும் தேவர்களும் மாமா என்றும், பரவர்கள் சாச்சா என்றும் இதுபோன்று பல்வேறு முஸ்லிமல்லாத சமூகத்தினர் உறவு வைத்து அழைக்கும் வழக்கம் இன்று வரை நடைமுறையில் உள்ளது.

தஞ்சைத் தரணியில். நாகூர் ஆண்டகை நாகூர் வந்து வாழ்ந்த போது அவரது அற்புதங்களாளும், பேச்சினாலும் பெரும் பகுதியான சோழ நாட்டு மக்கள் மதம் மாறினர்.

இதில் ஆச்சர்யம் என்னவென்றால் அவர்கள் அனைவரும் பிராமணர்கள்.

இன்றைக்கும் தஞ்சை மாவட்ட முஸ்லீம்கள் நல்ல நிறமுடையவர்களாகவும், கூர்ந்த நாசி உடையவர்களாகவும் இன்னும் சொல்லப்போனால் அவர்கள் பெயரைத் தவிர்த்து உருவத்தை வைத்துப் பார்த்தால் பிராமணர்கள் போல தோற்றம் கொண்டவர்களாகவும் இருக்கும் காரணம் அதுதான்.

இன்றைக்கும் தஞ்சை மாவட்டத்தில் அக்ரஹாரம், மங்கலம் என முடியும் பேரைக் கொண்ட பல ஊர்களில் பெரும்பாலும் முஸ்லீம்களே இருப்பதற்கு இதுவே காரணம்.உதாரணம் பள்ளி அக்ரஹாரம், அடியக்காமங்கலம் போன்ற ஊர்கள்

இந்து மதம் என்றால் சாவது வரைக்கும் சுடுகாட்டில் புதைப்பது வரைக்கும் பரவியிருந்த கொடூரத்தை தாங்க முடியாத மக்கள் தங்களுக்கான நல்வாழ்க்கையை இந்த இஸலாமிய மார்க்கத்தை தழுவியதன் மூலம் தங்களை மாற்றிக் கொள்ள முற்பட்டனர்.

முஸ்லீம்களின் வருகை ஒடுக்கப்பட்டோர் முதல் ஏழைகள் வரை ஈடேற்றம் தருவதாக அமைந்தது. இதனால்தான் நமது மக்களில் ஐந்தில் ஒரு பங்கினர் முஸ்லிமாக ஆகியுள்ளார்கள். வாளால் இந்த வேலை நடைபெறவில்லை. வாளும், நெருப்பும் இந்த வேலையைச் செய்தது என்று சொல்வது பேதமையின் உச்சமாகத் தான் இருக்கும்.

உயர்சாதி மனிதர் நடமாடும் அதே வீதியில் செல்வதற்குத் தாழ்த்தப்பட்டவருக்கு அனுமதி கொடுக்கப்படாததை நான் பார்த்தேன். ஆனால் அவன் தனது பெயரை முஸ்லீம் பெயராக மாற்றிக் கொண்டால் இந்தச் சிக்கல் இருப்பதில்லை. இவ்வாறு சொல்லியிருப்பது இந்து மதத்தை கடல் தாண்டி கொண்டு சென்று முழங்கிய சுவாமி விவேகானந்தர்.

தமிழ்ச் சமுதாயத்தின் தனிப்பெரும் சிறுபான்மையினராக விளங்கிய தமிழ் முஸ்லிம்கள், தங்களது தாய்மொழியாகக் கொண்ட தமிழுக்கு ஆற்றியுள்ள தொண்டுகளும் அளப்பரியவை..]

Read more...
 
கோழைத்தனம், இஸ்லாம் இரண்டும் ஒரே இடத்தில் குடிபுக முடியாது Print E-mail
Sunday, 26 January 2020 09:30

மௌலானா அபுல்கலாம் ஆஸாத்    1948,   டெல்லி ஜும்ஆ மஸ்ஜித்    உரை

[ o கோழைத்தனம், இஸ்லாம் இரண்டும் ஒரே இடத்தில் குடிபுக முடியாது.

o எத்தகைய துரோகமும் முஸ்லிம்களுக்கு அச்சத்தை தராது.

o தங்களையே காப்பாற்றிக் கொள்ள இயலாத குழுவினரை சட்டம் காப்பாற்றாது.]

Read more...
 
ஓர் அமெரிக்கப் பேராசிரியரின் உணர்ச்சிகரமான முதல் தொழுகை அனுபவம் Print E-mail
Tuesday, 14 February 2012 07:50

ஓர் அமெரிக்கப் பேராசிரியரின் உணர்ச்சிகரமான முதல் தொழுகை அனுபவம்

எழுதுவதற்கு முன்பு கடைசியாக கருணையாளனிடம் மன்றாடினேன்.

"மகத்தான இறைவனே! என் அதிபதியே!

மீண்டும் நாத்திகப் பாதையில் நான் செல்ல முனைந்தால்

என்னை அழித்துவிடு!

மகத்தானவனே!

நிகரில்லா அன்புடையோனே!

நிகரில்லா அன்புடையோனே!

அந்தக் கணமே எனக்கு மரணத்தைத் தந்துவிடு.

குறைபாடுகளுடனும், பலவீனங்களுடனும் கூட வாழ்ந்துவிடலாம்.

ஆனால், உன்னை நிராகரித்த நிலையில்

ஒரு நாளும் என்னால் உயிர்வாழ முடியாது."

-ஜஃப்ரி லேங், அமெரிக்க 'கன்ஸாஸ் யுனிவர்சிட்டி கணிதப் பேராசிரியர்.

இஸ்லாத்தை தழுவும் மேற்கத்தியர்களின் எண்ணிக்கை நாளுக்குநாள் அதிகரித்துவரும் அதே சமயம் அவர்கள் இஸ்லாத்தைத் தழுவ காரணமான திருப்பங்களையும் அவர்களின் அப்போதைய மன ஓட்டத்தையும் அவர்கள் விவரிக்கும்போது அவர்கள் மட்டுமின்றி அதை கேட்கும், பார்க்கும், படிக்கும் நமக்கும் மட்டிலா மகிழ்ச்சி உண்டாகிறது. ஓர் அமெரிக்கர் இஸ்லாத்தைத் தழுவும்போது தனக்குண்டான அனுபவத்தை விவரிப்பதை - அதுவும் சுவைபட விவரிப்பதை காண்போமா!

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 6 of 81

99 Names Of Allaah

-         310 300nd

Links

Links 2

Best Article