வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

பணவேட்டையை முடித்துவைக்கும் புதைகுழி! Print E-mail
Tuesday, 15 October 2019 07:23

Related image

பணவேட்டையை முடித்துவைக்கும் புதைகுழி!

நமது வாழ்க்கை என்பது நீர்க்குமிழி போல மின்னி மறையக்கூடியது என்ற உண்மையை மறந்து கண்ணைமூடிக் கொண்டு ஓடிக்கொண்டிருக்கின்றனர் மக்கள்.

வியபாரமானாலும் சரி தொழிலானாலும் சரி. எப்படியாவது நிறைய சம்பாதிக்க வேண்டும். எப்படியாவது பொருள் சேர்க்க வேண்டும், வங்கிக்கணக்கில் இருப்புத் தொகை அதிகரிக்க வேண்டும், நான்கைந்து தலைமுறைகளுக்கும் தேவையான சொத்துக்கள் தன்வசம் இருக்க வேண்டும் என்னும் குறிக்கோளோடு இயந்திரமாக இயங்கிக் கொண்டிருக்கிறார்கள் மனிதர்களில் பலர்!

பொருளாசை என்ற இந்த வெறி பலரிடமும் பல்வேறு வீரியத்தில் உள்ளதை நாம் கண்டு வருகிறோம். 

Read more...
 
பிரார்த்தனை யாருக்கு? எதற்கு? Print E-mail
Friday, 17 April 2015 07:48

பிரார்த்தனை யாருக்கு? எதற்கு?

அன்றி, “எங்கள் இறைவனே! எங்களுக்கு நீ இம்மையிலும் நன்மையளிப்பாயாக! மறுமையிலும் நன்மையளிப்பாயாக! (நரக)நெருப்பின் வேதனையிலிருந்தும் எங்களை நீ காப்பாயாக!” எனக் கோருவோரும் அவர்களிலுண்டு. தங்கள் (நல்)வினையின் (பயனை இம்மையிலும் மறுமையிலும் அடையும்) பாக்கியம் இவர்களுக்குத்தான் உண்டு, தவிர, அல்லாஹ் கணக்குத் தீர்ப்பதில் மிகத் தீவிரமானவன். (அல்குர்ஆன் 2:201-202)

“பிரார்த்தனை என்பது வணக்கத்தின் சாரம் ஆகும்.” (ஹதீஸ்)

இறைவனோடு பேசுவதுதான் பிரார்த்தனை. கடவுள் நம்பிக்கை உள்ள ஒவ்வொருவரும் பிரார்த்தனை செய்கிறார்கள். ஆனால் எப்படி பிரார்த்தனை செய்வது, எதற்கு பிரார்த்திக்க வெண்டும் என்பதெல்லாம் அவரவர் கொண்டுள்ள கடவுள் கொள்கையைப் பொறுத்தது.

அன்றைய அரேபியாவின் இருண்டகால மக்கள் இறைவனிடம் பிரார்த்தனை செய்வதைத்தான் மேலே உள்ள வசனம் சுட்டிக்காட்டுகிறது.

நியூஸ்வீக் என்ற ஆங்கில வார ஏடு ஒர் ஆய்வை மேற்கொண்டது. பெரும்பான்மையான அமெரிக்கர்கள் இறைவனிடம் பிரார்த்தனை செய்கிறார்கள் என்று அந்த ஆய்வில் கண்டறியப்பட்டது. அதில் நிறைய பேர் தினமும் பிரார்த்திக்கிறார்ளாம். அவர்கள் ஆரோக்கியத்திற்காகவும், பாதுகாப்புக்காகவும், அன்புக்காகவும், மனிதப் பிரச்னைகளிலிருந்து விடுதலை பெறுவதற்காகவும் பிரார்த்திக்கிறார்களாம்.

நேரான பாதைக்கு வழிகாட்டுதல், நரகத்திலிருந்து பாதுகாப்பு, மறுமையில் வெற்றி – இம்மாதிரி விஷயங்கள் அமெரிக்கர்களின் பிரார்த்தனையில் இடம் பெறவில்லை என்பதை அந்த ஆய்வு தெளிவுபடுத்துகின்றது.

நியூஸ்வீக் அத்தோடு ஓர் ஓட்டெடுப்பை நடத்தியது. அவர்கள் செய்யும் பிரார்த்தனையை இறைவன் நிறைவேற்றுகின்றானா என்பதே அந்த வாக்கெடுப்பு.

Read more...
 
இயேசுவின் இரண்டாம் வருகை! Print E-mail
Friday, 20 March 2015 07:14

இயேசுவின் இரண்டாம் வருகை!

  ரஹ்மத் ராஜகுமாரன்  

1905 ஆம் ஆண்டு சூரிச் (Zurich) பல்கலைக்கழகத்தில் விஞ்ஞான அறிஞர் ஆல்பர்ட் ஐன்ஸ்டைன் சிறப்பு சார்பியல் தத்துவத்தை சமர்ப்பித்தார்.

காலம் என்று தனிப்பட்டு ஒன்றும் கிடையாது.

சம்பவங்கள் இல்லையேல் காலமே கிடையாது.

இரண்டு பொருட்கள் இல்லாது தனிப்பட்ட இடைவெளியே கிடையாது.

அது போல தூரத்தையும் அல்லது இடைவெளிகளையும் காலத்திலிருந்து தனியாகப் பிரிக்க முடியாது.

ஒளியின் வேகத்தில் பயணிக்கக்கூடியவர்களுக்கு காலம் என்பது இயங்குவது இல்லை.

மேற்கண்ட தத்துவத்தின் சாரம்சம் "தவ்ராத்" என்னும் பழைய ஏற்பாடு வேதம், இஞ்ஜீல் என்னும் பைபிள்- விவிலியம் புதிய ஏற்பாடு மற்றும் அல்குர்ஆன் ஆகியவற்றில், சில சம்பவங்கள் குறித்து பேசும்போது சம்பவங்கள் இல்லாத நிகழ்வுகளுக்கு காலமே இல்லாது இருப்பது குறித்து நம்மை வற்றாத ஆச்சரியத்தில் திளைக்கச்செய்கிறது.

Read more...
 
விருப்பத்திற்கேற்ப விளக்கங்கள்! Print E-mail
Saturday, 30 January 2016 07:23

விருப்பத்திற்கேற்ப விளக்கங்கள்!

    டாக்டர் மஹாதீர் முஹம்மது, மேனாள் பிரதமர், மலேசியா    

[ மத அறிஞர்கள் மட்டும்தான் அல்குர்ஆனுக்கு விளக்கவுரை தரவேண்டும் எனும் காலம் இனி இருக்காது. சமகாலப் பிரச்சினைகளுக்கேற்ப பிற துறை அறிஞர்களும் விளக்க உரை வழங்க வேண்டிவரும்.

மருத்துவம், விஞ்ஞானம், மரபியல், விண்வெளி ஆய்வு, வணிகம், தொழிற்சாலை முதலிய வற்றில் ஆழ்ந்த அறிவு இருந்தால்தான் அல்குர்ஆன் போதனைகளை முறையாக அறிந்து கொள்ள முடியும்.

சில உலமாக்கள் ‘ஒட்டாமன்’ அரசுக்குத் தகுந்தவாறு குர்ஆனுக்கு விளக்க உரை எழுதினார்கள். உண்மையான விளக்க உரை எழுதாமைக்குச் சான்றுகள் உள்ளன. இன்றும் அவர்களின் விளக்க உரைகள் பெரும்பான்மை மக்களால் பின்பற்றப்படுகின்றன. இதற்கு மாற்றுவழி சரியான விளக்கவுரை வழங்குவதேயாகும். சுயநலத்திற்காக, தனிப்பட்ட மனிதருக்காக, குழுவிற்காக, அரசியல் கட்சிகளுக்காக எழுதக்கூடாது.

மாற்றங்கள் நிறைந்த இன்றைய உலகிற்கு குர்ஆனின் விளக்கங்கள் சரியானவையாக இருக்கவேண்டும். பசியைப் போக்குவதற்கு மட்டும் மனிதன் வாழவில்லை. ஆன்மிகப் பசியையும் அவன் தணிக்க வேண்டும்.

அரபு மொழி தெரியாத முஸ்லிம்களுக்கு விளக்கப்படுத்த உலமாகள் தேவைப்படுகின்றனர். குர்ஆன், ஹதீஸ் மொழியாக்கங்களில் அடைப்புக் குறிக்குள் எழுதப்பட்டு விளக்கப்படுத்தப்படுகிறது. ஆனால் அவை மூலவரிகளல்ல. உலமாகள் புரிந்துகொண்ட தன்மையை காட்டுபவை.

அவர்கள் தவறு செய்திருக்கலாம் (பக். 230) துரதிருஷ்டவசமாக உலமாகளுடைய தீர்ப்புகள் தவறு இல்லாதவை எனும் போக்கு முஸ்லிம்களிடம் நிலவுகிறது.

சிலர்  இஸ்லாத்தை பற்றிய தவறான விளக்கங்கள் தருகின்றனர். நம்பிக்கையாளர்களின் முன்னேற்றத்தை தடைப்படுத்தும் சுருக்குக் கயிறாக அந்த வழிபாடுகள் ஆகிவிடுகின்றன.]

Read more...
 
இதயத் தூய்மை Print E-mail
Monday, 31 October 2016 07:06

இதயத் தூய்மை

      எம். ஐ. அப்துல் அஜீஸ்     

[ இதயத்தைப் பாதிக்கின்ற நான்கு பலவீனங்கள்

இதயத்தூய்மைக்கான ஐந்து வழிமுறைகள் ]

பயிற்சிக்கும் தர்பியத்துக்கும் இஸ்லாம் மிகுந்த முக்கியத்துவம் தருகின்றது. தகுதி படைத்த மனிதர்களை வார்த்தெடுப்பதுதான் தர்பியத்தின் முதன்மை நோக்கமாகும்.

நம்மை நாமே சுய மதிப்பீடு செய்யும்போது நாம் இதில் பின்தங்கி இருக்கின்றோம் என்கிற உணர்வு மேலிட வேண்டும். அதுதான் தர்பியத்துக்கான முதல் படி ஆகும். தனி மனிதர்களின் தர்பியத்துடன் ஒட்டுமொத்த ஜமாஅத்தின் தர்பியத்தின் பக்கமும் கவனம் செலுத்த வேண்டும்.

தர்பியத் என்றால் என்ன? இதயத்தைச் செம்மைப்படுத்துவதற்குப் பெயர்தான் பயிற்சி, தஸ்கியா, தர்பியா!

இதயத்தின் பல்வேறு நிலைமைகளைக் குறித்து குர்ஆன் பல்வேறு இடங்களில் சுட்டிக்காட்டியுள்ளது. நல்ல இதயம் எப்படி இருக்கும் என்பதையும் குர்ஆன் விவரித்துள்ளது. கெட்ட இதயம் எத்தகையதாக இருக்கும் என்பதையும் குர்ஆன் சுட்டிக்காட்டியுள்ளது.

Read more...
 
எம்மதமும் சம்மதம்?! Print E-mail
Sunday, 08 November 2015 06:47

எம்மதமும் சம்மதம்?!

எல்லா மதங்களும் நல்லதைத் தான் போதிக்கின்றன. எல்லா நதிகளும் கடலில் தான் போய்ச் சேர்கின்றன. ஒரு ஊருக்குப் பல வழிகள் உள்ளன. எந்த வழியில் வேண்டுமானாலும் போகலாம் என்ற வாதம் சிலரால் எடுத்து வைக்கப்படுகின்றன.

எல்லா மதங்களும் நல்லதைத் தான் போதிக்கின்றன என்ற வாதம் பலவீனமான வாதமாகும். எல்லா மனிதர்களும் பிறப்பால் சமமானவர்கள். ஒருவரை விட மற்றொருவர் பிறப்பால் உயரவே முடியாது என்று ஒரு மதம் கூறுகிறது. குறிப்பிட்ட குலத்தில் பிறந்தவன் உயர்ந்தவன் என்றும், மற்றொரு குலத்தில் பிறந்தவன் தாழ்ந்தவன் என்றும் இன்னொரு மதம் கூறுகிறது. இரண்டுமே நல்லது என்று எப்படிக் கூற முடியும்?

வேதத்தை அனைவரும் கற்க வேண்டும் என ஒரு மதம் கூறுகிறது! இன்னொரு மதம் ஒரு சாரார் மட்டுமே கற்க வேண்டும்; மற்றவர்கள் கற்றால் அவர்களின் காதில் ஈயத்தைக் காய்ச்சி ஊற்ற வேண்டும் என்கிறது? முரண்பட்ட இந்த இரண்டும் எப்படி நல்லவையாக இருக்க முடியும்?

Read more...
 
இஸ்லாம் இந்தியாவுக்கு அந்நிய மதமா? Print E-mail
Tuesday, 26 January 2016 07:21

இஸ்லாம் இந்தியாவுக்கு அந்நிய மதமா?

[ கேள்வி வரலாற்று ரீதியாக ஒட்டுமொத்த இந்தியாவுக்கு என்று தனியாக ஒரு மதம் இருந்ததா?

அப்படியானால் இந்தியாவுக்கு சொந்தமாக இருந்த மதத்தின் பெயர் என்ன?

அந்த மதத்துக்கு இடையூறாக வந்த அந்நிய மதங்கள் யாவை?

பெரும்பான்மை மக்கள் பின்பற்றுவதாக இன்று கற்பிக்கப்படும் இந்துமதம்தான் இந்தியாவின் மதமா என்ற கேள்விக்கு பதிலைத் தேடினால்தான் இஸ்லாம் ஒரு அந்நிய மதம் என்ற தவறான புரிந்துணர்வை நீக்க முயல முடியும்.

உண்மையான வரலாற்றை ஆதாரங்களோடு ஆராய்ந்து பார்ப்போமானால், இன்று முஸ்லிம்களை அந்நியர் எனச் சொல்லும் பலரும் ஏதோ ஒரு காலத்தில் எங்கிருந்தோ இங்கே வந்து குடியேறியவர்கள்தான் என்பது தெள்ளத்தெளிவாக விளங்கும்.]

Read more...
 
இந்தியா காஃபிர் நாடா? (1) Print E-mail
Tuesday, 21 October 2014 06:36

இந்தியா காஃபிர் நாடா? (1)

[ மக்கா வெற்றிக்குப் பின் உலக முஸ்லிம்களுக்கு ஹிஜ்ரத் ஒன்று இல்லை. எனவே திருமறைக்குர்ஆனில் கூறப்படும் அத்தனை ஹிஜ்ரத் வசனங்களும் முஸ்லிம்களுக்கு இல்லை! அதாவது இன்றைய முஸ்லிம்களுக்கு ஹிஜ்ரத் எனும் நாடு துறந்து செல்வது கடமை இல்லை! இதை நபி ஸல்லல்லாஹு அலைஹி வஸல்லம் அவர்கள் மக்கா வெற்றியின் போது அறிவித்து விட்டார்கள்.

மார்க்கத்திற்காக நாடு துறத்தல் அளப்பெரும் நன்மையை அள்ளித்தரும். ஆனால் ஹிஜ்ரத் பயணம் நபியின் காலத்தோடு முடிந்து விட்டது. மார்க்கக் கடமைகளை நிறைவேற்ற முடியாத காலத்தில்தான் ஹிஜ்ரத் கடமையாக இருந்தது. அதன் பிறகு இஸ்லாம் மேலோங்கி இன்றுவரை வணக்க வழிபாடுகளை நிறைவேற்ற இயலாத நிலைமை எங்குமே இல்லை! அதனால் இந்திய வாழ் முஸ்லிம்கள் நாடு துறந்து செல்ல வேண்டிய அவசியமில்லை. 

இந்திய மண்ணில் குடியுரிமைப் பெற்ற ஒவ்வொரு முஸ்லிமுக்கும் இந்தியாவில் வாழ உரிமை இருக்கிறது. முஸ்லிம்களும் இந்த மண்ணுக்குச் சொந்தக்காரர்கள். அவர்களை வெளியேற்ற எவருக்கும் அதிகாரம் இல்லை. ஒருவேளை முஸ்லிம்களை வெளியேற்ற யாராவது வன்முறையில் இறங்கி இங்கே வாழ்வே முடியாத ஒரு சூழலை ஏற்படுத்துவார்கள் எனில் சொந்த மண், சொந்த உடமையைப் பாதுகாப்பதற்காக அறப்போரில் இறங்கி அதில் இறந்தாலும் அதுவும் முஸ்லிம்களுக்கு நன்மைதான்.]

Read more...
 
தாய் மதம் இந்துவா? இஸ்லாமா? Print E-mail
Saturday, 17 January 2015 07:04

தாய் மதம் இந்துவா? இஸ்லாமா?

  மவ்லானா, முஹம்மத்கு ஃபாரூக் காஷிஃபி, காஞ்சிபுரம் 

டிசம்பர் 8 அன்று ஆக்ராவின் புறநகர் மதுநகர் என்ற பகுதியில் கூலித் தொழில் செய்து வரும் 57 குடும்பங்களைச் சேர்ந்த சுமார் 200 முஸ்லிம்களை 'தரம் ஜாக்ரன் சமிதி' போன்ற இந்து அமைப்புக்கள் சந்தித்து ஆதார் அட்டை, ரேஷன் கார்டு வாங்கித் தருவதாகவும், நிலபுலன்கள் தருவதாகவும் ஆசை காட்டி அழைத்துச் சென்று ஏற்கனவே தயார் செய்யப்பட்டிருந்த யாகத்தில் வலுக்கட்டாயமாக மிரட்டி கலக்க வைத்தனர்.

அதை போட்டோ, வீடியோ எடுத்து இவர்கள் இஸ்லாத்தை விட்டு தாய் மதமான இந்து மதத்தை ஏற்றுக்கொண்டனர் என்ற செய்தியும் பரப்பினர். ஆனால், அது பொய்யான செய்தி. அந்த முஸ்லிம்கள் யாரும் மதம் மாறவில்லை.

"நாங்கள் ஏமாற்றப்பட்டுள்ளோம், மிரட்டப்பட்டுள்ளோம். எங்களது உயிர் உள்ளவரை நாங்கள் இஸ்லாத்தைவிட்டு செல்ல மாட்டோம்" என்று அவர்கள் பேட்டியும் கொடுத்தனர்.

இதன் மூலம் இந்துத்துவ ஃபாஸிஸ்டுகளின் நோக்கம் மதமாற்றத் தடைச்சட்டம் கொண்டு வருவதுதான் என்பதனை அறிவீர்கள்.

இந்த மதமாற்றத் தடைச்சட்டம் இந்திய ஜனநாயகத்திற்கு பொருந்துமா? பொருந்தாதா? என்பது ஒரு புறம் இருக்கட்டும், ஆனால் இதை ஒரு கருவியாக வைத்து மக்களிடையே திணிக்கப்படும் ''தாய் மதம்'' என்ற கருத்துத் திணிப்பு தான் கவனிக்கத்தக்கது.

Read more...
 
ஒரு தமிழன் இஸ்லாமியனாய் இருந்தால்தான் தமிழனாக இருக்க முடியும் Print E-mail
Thursday, 18 October 2018 07:26

ஒரு தமிழனாய் ஏன் இஸ்லாத்தை ஏற்கலாம்? சித்தாந்த ஒற்றுமை என்ன?

நன்மை தீமையை ஆய்ந்து அறிய வேண்டும்...!

நன்மையும் தீமையும் நாடி நலம்புரிந்த
தன்மையான் ஆளப் படும். (குறள் 511)

- எப்படி தெரியுமா நன்மையையும் தீமையையும் பிரித்து வரையறை செய்ய முடியும்?

சுயஅறிவும் நூலறிவும் சேர்தல் வேண்டும்!

மதிநுட்பம் நூலோடு உடையார்க்கு அதிநுட்பம்
யாவுள முன்நிற் பவை. (குறள் 636)

- தமிழில் வேதம் (முதல் நூல் எனப்படும் கடவுள் மனிதனுக்கு பணித்தது- நன்னூல்& தொல்காப்பியம் பொருள் அதிகாரம் மரபியல்.94) உண்டு அவை என்னவென்று உனக்கு தெரியுமா?

அந்த நூலைத்தான் ஆய்ந்து அறியவேண்டும்! அவைகளின் சிந்தாந்த தொகுப்பு பின்வருமாறு

Read more...
 
தன் வரலாற்றை அறியாதவன் வரலாறு படைப்பதில்லை Print E-mail
Monday, 10 December 2018 21:14

தன் வரலாற்றை அறியாதவன் வரலாறு படைப்பதில்லை

      இப்னு குறைஷ்       

இவ்வுலகம் படைக்கப்பட்டது முதல் முஸ்லிம்களுக்கென்று ஒரு நீண்ட நெடியதொரு பாரம்பரியமும், வரலாறும் அல்லாஹ்வினால் கொடுக்கப்பட்டுள்ளதை நபிமார்களின் சரிதைகள் வாயிலாக திருமறை குர்ஆன் தெளிவாகவே உணர்த்துகிறது.

அல்லாஹ்வால் படைக்கப்பட்ட முதல் மனிதர்களான ஆதம் அலைஹிஸ்ஸலாம் - ஹவ்வா அலைஹிஸ்ஸலாம் அவ்விருவரும் முஸ்லிம்களாகத்தான் வாழ்ந்தார்கள். எனவே முஸ்லிம்களின் வரலாறும் இவ்வுலகின் முதல் மனித ஜோடியிலிருந்தே தோன்றுகிறது.

அதன் வரிசையில் உலகத்தூதர் உத்தம நபி ஸல்லல்லாஹு அலைஹி வஸல்லம்   அவர்களின் கிலாஃபத் முதல் முஸ்லிம்களின் இன்றைய நிலைவரை முஸ்லிம்களின் வரலாறுகள் சரித்திர சுவடுகளில் தெளிவாக பதிவு செய்யப்பட்டுள்ளது.

ஆகையால் முஸ்லிம்கள் எனப்படுவோர் முகவரியல்லாதவர்களோ அல்லது நாடோடிகளோ அல்ல மாறாக வரலாற்று சிறப்புமிக்க பாரம்பரியத்திற்கும் சமுகத்திற்கும் சொந்தக்காரர்கள் என்பது நிரூபிக்கப்பட்ட உண்மையாகும்.

நபி  ஸல்லல்லாஹு அலைஹி வஸல்லம் அவர்களுக்கு இறைவனால் வழங்கப்பட்ட அட்சி அதிகாரம் அவர்களின் மரணத்திற்குப்பின்னரும் நேர்வழிநின்ற கலீபாக்களால் தொடரப்பட்டது.

நபி  ஸல்லல்லாஹு அலைஹி வஸல்லம் அவர்களால் ஒழுக்கத்திலும், வீரத்திலும், நேர்மையிலும் நன்கு பயிற்றுவிக்கப்பட்ட அபூபக்கர், உமர், உதுமான், அலீ (இவர்கள் அனைவர் மீதும் அல்லாஹ்வின் சாந்தி என்றும் நிலவட்டுமாக!) போன்ற நபித்தோழர்களால் சிறந்ததோர் இஸ்லாமிய சாம்ராஜ்யம் இவ்வலகில் நிலைநாட்டப்பட்டது. இவர்களின் ஆட்சி காலத்தில் அன்று கோலோச்சி நின்ற 'ரோமபுரியும்' 'பாரசிகப் பேரரசும்' முஸ்லிம்களின் காலடியில் வந்து வீழ்ந்தன.

Read more...
 
குத்துவிளக்கேற்றுவது தொடர்பில் இந்து, இஸ்லாமிய சமயங்களின் நிலைப்பாடு Print E-mail
Saturday, 11 June 2016 09:15

குத்துவிளக்கேற்றுவது தொடர்பில் இந்து, இஸ்லாமிய சமயங்களின் நிலைப்பாடு

    முஹம்மது நியாஸ்    

 இக்கட்டுரையின் வாயிலாக பிற சமயமொன்றை, சமய அனுஷ்டானமொன்றை விமர்சிப்பதோ அல்லது பேசுபொருளாக்குவதோ இதன் நோக்கமல்ல. மாறாக இன்று இஸ்லாமிய சமூகத்தினுள்ளே சாதாரண பாமர மக்கள் தொடக்கம் படித்தவர்கள், கல்வியாளர்கள், மார்க்க அறிஞர்கள், சமுதாயத்தின் வழிகாட்டிகள் என கணிசமானோரால் சரிகாணப்படுகின்ற ஒரு பிறசமயக்கலாச்சாரம் மற்றும் கடவுட்கோட்பாடு தொடர்பிலான தெளிவான புரிதல் ஒன்றையும் அதற்கான இஸ்லாமிய மார்க்க ரீதியான வழிகாட்டல் என்னவென்பதையும் வெளிப்படுத்துவதே இக்கட்டுரை வரையப்படுவதன் ஒரேயொரு பிரதான நோக்கம் என்பதை முன்னுரையாக இங்கே பதிவிட்டுக்கொள்கிறேன்.

இலங்கை இந்தியா போன்ற நாடுகளில் குறிப்பாக இந்து சமய மக்கள் செறிவாக வாழக்கூடிய நாடுகளில் பொது நிகழ்வுகள் மற்றும் இந்து, பௌத்த, கிறிஸ்த்தவ சமயம் சார்ந்த நிகழ்வுகளின் போது மங்களவிளக்கு அல்லது திருவிளக்கு என்று சிறப்புப் பெயர் கொண்டு அழைக்கப்படுகின்ற குத்துவிளக்கை தீபமேற்றி அந்நிகழ்வுகளை துவக்குகின்ற ஓர் வழமை அல்லது நம்பிக்கை தொன்று தொட்டே இருந்துவருகின்ற ஒன்றாகும்.

இந்த மங்களவிளக்கை ஏற்றி வைபவங்கள், நிகழ்வுகளை துவக்குகின்ற வழமை இஸ்லாமிய மார்க்கத்தில் நடைமுறைப்படுத்தப்படுவதில்லை. மேலும் இஸ்லாமிய சமயம் சார்ந்த எந்தவொரு வழிபாடுகளிலும் அனுஷ்டானங்களிலும் இவ்வாறு குத்துவிளக்குகளை ஏற்றி ஆரம்பிக்கின்ற, வழிபடுகின்ற நடைமுறைகளோ வழிமுறைகளோ இருப்பதில்லை.

ஆனால் இஸ்லாம் அல்லாத பிற சமயத்தவர்கள் குத்துவிளக்கு ஏற்றி ஆரம்பிக்கின்ற நிகழ்வுகளில், வழிபாடுகளில் இஸ்லாமியர்கள் கலந்துகொள்கிறார்கள். மேலும் நமது நாட்டில் வாழ்கின்ற நான்கு மதங்களையும் சேர்ந்த சமய பிரதிநிதிகள் கலந்துகொள்கின்ற நிகழ்வுகளில் அந்த சமயப்பிரதிநிதிகளால் மங்களவிளக்கு தீபமேற்றிவைக்கப்படுகிறது. அதில் மங்களவிளக்கேற்றுவதை தன்னுடைய சமயரீதியான அனுஷ்டானமாகவோ, வழிபாடாகவோ கொண்டிராத ஒரு இஸ்லாமிய மார்க்க அறிஞர் அல்லது ஒரு சாதாரண இஸ்லாமியர் கூட அந்த மங்களவிளக்கை தீபமேற்றிவைக்கிறார்.

Read more...
 
இந்து மதத்துக்கு அனுப்பப் பட்ட இறைத்தூதர் யார்? Print E-mail
Wednesday, 08 April 2015 14:12

இந்து மதத்துக்கு அனுப்பப் பட்ட இறைத்தூதர் யார்?

ஒரே இறைவனையும் அவனால் அனுப்பப் பட்ட முதல் மனிதரும் முதல் நபியுமான ஆதாமிலிருந்து கடைசி தூதரான முஹம்மது நபி ஸல்லல்லாஹு அலைஹி வஸல்லம் அவர்கள் வரையுள்ள அனைத்து தூதர்களையும் முஸ்லிம்கள் ஏற்றுக் கொள்கிறார்கள்.

ஆனால் இந்துக்கள் எந்த இறை தூதர்களையும் ஏற்றுக் கொள்வதில்லை. ஆனால் இறைத் தூதர்கள் மூலமாக அருளப்பட்ட வேதங்களை வைத்திருக்கின்றார்கள்.

மனிதர்களைப் பிரிக்கும் சாதி அமைப்புகளை உண்டாக்கும் வர்ணாசிரமத் தத்துவம் பிற்பாடு மனிதக் கரங்களால் ஏற்றப்பட்டிருக்க வேண்டும்.

வர்ணாசிரமக் கருத்துக்களை நீக்கி விட்டுப் பார்த்தால் குர்ஆன், பைபிள், தோரா, ரிக், யஜீர்,அதர்வண வேதங்கள் அனைத்தின் கருத்துக்களும் பெரும்பாலும் ஒத்துப் போவதைப் பார்க்கிறோம்.

Read more...
 
இஸ்லாமும் தமிழும்: நிறைவான கொடுக்கல் வாங்கல் Print E-mail
Friday, 16 September 2016 07:44

இஸ்லாமும் தமிழும்: நிறைவான கொடுக்கல் வாங்கல்

      நாகூர் ரூமி      

இந்த கட்டுரை தி இந்து தமிழ் இதழின் சித்திரைச் சிறப்பிதழில் (ஜய வருட மலர் 2014) வெளியாகியுள்ளது.  கட்டுரையின் நீளம் கருதி (என்று நினைக்கிறேன்). சில மாற்றங்கள் / நீக்கங்களுடன். இங்கே!

இஸ்லாம் என்பது கிபி ஏழாம் நூற்றாண்டில் நபி  ஸல்லல்லாஹு அலைஹி வஸல்லம் அவர்களால் தோற்றுவிக்கப்பட்ட மதம் அல்ல. அது ஒரு மார்க்கம், வாழ்முறை.

அதை நபி ஸல்லல்லாஹு அலைஹி வஸல்லம்   அறிமுகப்படுத்தவில்லை. உலகில் தோன்றிய முதல் மனிதர் ஆதாம் ஒரு முஸ்லிமாகவே தோற்றுவிக்கப்பட்டார். எனவே உலகில் தோன்றிய முதல் மார்க்கம் இஸ்லாம்.

இறுதித்தூதரான நபி  ஸல்லல்லாஹு அலைஹி வஸல்லம் அவர்களால்    அது பரிபூரணப்படுத்தப்பட்டது. இது இஸ்லாத்தின் பார்வை.

இந்தப் பார்வைக்கு நபி ஸல்லல்லாஹு அலைஹி வஸல்லம் அவர்களின்    வாழ்க்கை வரலாற்றிலேயே ஆதாரக் குறிப்புகளைக் காணமுடியும். உதாரணமாக ’அல்லாஹ்’ என்ற சொல். முஸ்லிம்களுக்கான இறைவன் மட்டுமல்ல அல்லாஹ். அல்லாஹ் என்பது அரபி மொழியில் கடவுளைக் குறிக்கும் சொல். அதனால்தான் முஹம்மது நபியின் தந்தையாருக்கு ’அப்துல்லாஹ்’ (அல்லாஹ்வின் அடிமை) என்று பெயர் வைக்கப்பட்டிருந்தது.

இதற்கும் தமிழுக்கும் என்ன தொடர்பு என்கிறீர்களா?

Read more...
 
இமாம் ஷாஃபிஈ ரஹ்மதுல்லாஹி அலைஹி அவர்கள் சொல்வதைக் கேளுங்கள்! Print E-mail
Friday, 11 November 2016 07:54

இமாம் ஷாஃபிஈ ரஹ்மதுல்லாஹி அலைஹி அவர்கள் சொல்வதைக் கேளுங்கள்!

      மவ்லவி யூனுஸ் தப்ரீஸ்       

ஷாஃபிஈ   இமாமின் பெயரால் அல்லது ஷாஃபிஈ   மத்ஹபின் பெயரால் இப்படி தான் செய்ய வேண்டும் என்று சொல்லக் கூடிய நல்லுள்ளம் படைத்தவர்களுக்கு இது ஒரு நற் செய்தியாக அமையட்டுமாக!

குர்ஆன் அல்லது ஹதீஸிலிருந்து ஆதாரம் காட்டினாலும், இல்லை நாங்கள் ஷாஃபி மத்ஹபு, அந்த மத்ஹபின் அடிப்படையில் தான் அமல்களை நடை முறைப்படுத்துவோம். என்று பிடிவாதம் பிடிக்க கூடியவர்கள் பின் வரும் இமாம் ஷாஃபிஈ ரஹ்மதுல்லாஹி அலைஹி அவர்களின் சொற்களை நடைமுறைப்படுத்துவார்களா? அல்லது இமாம் ஷாஃபிஈ ரஹ்மதுல்லாஹி அலைஹி அவர்களையும் ”வஹாபி” பட்டியலில் சேர்த்து விடுவார்களா?

அவர்கள் சொன்ன சில சட்டங்களை பார்ப்பதற்கு முன், இமாம் அவர்களால் முன் வைக்கப்பட்ட சொந்த கருத்துக்களை கவனிப்போம்.

”என்னுடைய கிதாபுகளில் நபிகளாருக்கு மாற்றமான செய்திகளை நீங்கள் பெற்றுக் கொண்டால் நான் சொன்னதை விட்டு விட்டு, நபிகளார் சொன்னதையே சொல்லுங்கள். (கிதாபுல் மஜ்மூஃ பாகம் 1 பக்கம் 63)

”ஹதீஸ் ஸஹீஹானால் அதுவே என் மத்ஹபாகும். (கிதாபுஷ்ஷஅரானி பாகம் 1 பக்கம் 57 )

Read more...
 
வலீமா புறக்கணிப்பு சரியா? Print E-mail
Saturday, 08 December 2018 07:13

வலீமா புறக்கணிப்பு சரியா?

      முஹம்மத் ஆஷிக்       

இஸ்லாத்தில் அல்லாஹ்வும் அவன் ரசூலும் வலியுறுத்திய வலீமா என்ற ஒரு கடமையை ஒருவர் செய்கிறார் என்றால்... அவருக்கு உறுதுணையாக இருந்தால் நன்மை கிடைக்குமா அல்லது அவரின் இந்த நற்செயலை புறக்கணித்தால் நன்மை கிடைக்குமா?

இதை புறக்கணிக்க இஸ்லாமிய அனுமதி உண்டா? உண்டு என்றால் அதை எப்போது செய்யலாம்?

கண்ட காரணத்தை சொல்லி வலிமாவை புறக்கணிக்க ஆதாரம் உண்டா?

இக்கேள்விகளுக்கெல்லாம் பதில்களை அலசுவோமா?

சிலர், ஒரு திருமணத்தில் பித்அத் இருந்தால் வலீமாவை புறக்கணிக்க வேண்டும் என்ற தவறான நிலைப்பாட்டில் உள்ளனர்!

Read more...
 
ஒரு நவீன காரீஜ்ஜியின் வளர்ச்சியும்.. வீழ்ச்சியும்.. ஒரு பார்வை! Print E-mail
Wednesday, 20 June 2018 08:54

ஒரு நவீன காரீஜ்ஜியின் வளர்ச்சியும்.. வீழ்ச்சியும்.. ஒரு பார்வை!

    எஸ். ஹலரத்  அலி     

சுமார் முப்பது வருடங்களுக்கு முன்பு வெடித்துக் கிளம்பிய ஏகத்துவ புரட்சியின் நாயகனாக, இருபதாம் நூற்றாண்டின் இணையற்ற முஜ்தஜிதாக, இஸ்லாத்தின் போர்வாளாக, அனாச்சார, மெளடீக சடங்குகளுக்கு சாவு மணி அடித்த புரட்சி புனலாக, பொங்கு வெள்ளமாக காட்சி தந்த அண்ணனின் நிலைமை இன்று, ஊர் சிரித்து ஒடுங்கிப் போக காரணம் என்ன?

அல்லாஹ் கூறுகிறான்.

(நபியே!) நீங்கள் அவர்களுக்கு (பல்ஆம் இப்னு பாஊரா) என்னும் ஒருவனுடைய சரித்திரத்தை ஓதிக் காண்பியுங்கள். அவனுக்கு நாம் நம்முடைய அத்தாட்சிகளைக் கொடுத்து கண்ணியமாக்கி வைத்திருந்தோம். எனினும் அவன் (பாம்பு தன் சட்டையை விட்டு வெளியேறுவதைப் போல) அதிலிருந்து முற்றிலும் வெளியேறிவிட்டான். ஆகவே, ஷைத்தான் அவனை பின் தொடர்ந்து சென்றான். (அவனுடைய சூழ்ச்சிக்குள் சிக்கி) அவன் வழி தவறி விட்டான்.

நாம் நாடியிருந்தால், நம் அத்தாட்சிகளைக் கொண்டு அவனை உயர்த்தியிருப்போம். எனினும் அவன் இவ்வுலக வாழ்வையே சதமென மதித்து, தன் இச்சைகளையே பின்பற்றினான். அவனுக்கு உதாரணம் நாயைப் போன்று, அதை நீர் விரட்டினாலும் நாக்கை தொங்க விடுகிறது அல்லது அதை விட்டு விட்டாலும் நாக்கை தொங்க விடுகிறது. இதுவே நம் வசனங்களைப் பொய்யெனக் கூறும் கூட்டத்தாருக்கும் உதாரணம் ஆகிறது. ஆகவே அவர்கள் சிந்தித்து நல்லுணர்வு பெரும் பொருட்டு இத்தகைய வரலாறுகளை கூறுவீராக! (அல்குர்ஆன்: 2:175,176)

Read more...
 
யதார்த்தங்களை ஏற்றுக் கொள்ளலும் எதிர்கொள்ளலும் Print E-mail
Saturday, 20 May 2017 07:41

யதார்த்தங்களை ஏற்றுக் கொள்ளலும் எதிர்கொள்ளலும்

       உஸ்தாத் ரஷீத் ஹஜ்ஜுல் அக்பர்      

ஈமானின் ஆறாவது அம்சம் அல்லாஹ்வின் ஏற்பாட்டை (கத்ரை) விசுவாசிப்பதாகும்.

அல்லாஹ்வின் ஏற்பாட்டில் நல்லவைகளும் இருக்கின்றன கெட்டவைகளும் இருக்கின்றன என்பதை நாம் விசுவாசிக்கின்றோம். அந்த விசுவாசத்தினால் விளைகின்ற பயன்கள் ஏராளம். 

அல்லாஹ் தனது ஏற்பாட்டில் நல்லவைகளோடு கெட்டவைகளையும் இணைத்தே வைத்திருக்கின்றான். உதாரணமாக, முதல் மனிதனின் பிறப்போடு ஷைத்தானும் வந்து விட்டான். சுவர்க்கத்தோடு நரகமும் படைக்கப்பட்டு விட்டது. மனிதனின் உள்ளுணர்வில் நன்மையை வைத்தது போல் தீமையையும் அல்லாஹ் வைத்திருக்கிறான்.

ஆரோக்கியத்தோடு நோய்களும் ஏற்பாடு செய்யப்பட்டுள்ளன. சத்தியத்தோடு அசத்தியத்தின் இருப்பும் இடம் பிடித்திருக்கின்றது. இவ்வாறு நன்மை, தீமைகளின் பட்டியல் நீண்டு கொண்டே செல்கிறது.

நன்மை, தீமைகளின் இத்தகைய இருப்பை இஸ்லாமியப் பாஷையில் கழா கத்ர் என்று நாம் கூறுகின்றோம். சாதாரண பாஷையில் யதார்த்தம் என்று கூறுவோம். இந்த யதார்த்தத்தைப் பேசும் போது சிலர்,

இப்படியொரு யதார்த்தம் எதற்கு? அனைத்தையும் நல்லவையாகவே அல்லாஹ் படைத்திருந்தால் பிரச்சினைகளே இருந்திருக்காதல்லவா? என்று கேட்கின்றனர்.

Read more...
 
உலகின் பேசுபொருளாக என்றுமே இருக்கும் இஸ்லாம் Print E-mail
Friday, 14 September 2018 07:47

உலகின் பேசுபொருளாக என்றுமே இருக்கும் இஸ்லாம்

[ இஸ்லாம் இன்றும் பேசுபொருளாக இருப்பதற்கு காரணங்கள் நிறையவே இருக்கின்றன. அந்தக் காரணங்களால் அது உலகம் அழியும் வரை பேசுபொருளாகவே இருக்கும்.

அதனை தன் உயிரோட்டமான இருப்பிலிருந்து கற்றவோ அழித்துவிடவோ எந்த சக்தியாலும் முடியாது. அந்தக் காரணங்களை முஸ்லிம்கள் நன்கு விளங்கி பேசும் களத்தில் பங்கெடுப்பார்களாயின் அவர்கள் இஸ்லாம் பற்றிய விவாதத்தில் ஜெயிக்கலாம்.

முஸ்லிம்கள் இந்தக் கடமைப்பாட்டிலிருந்து   விலகினால் இந்தக் கடமைப்பாட்டைப் புரிந்து கொள்ளும் ஒரு சமூகம் உருவாகும் வரை இன்றைய முஸ்லிம்கள் தோற்றுப் போகலாம். அவ்வாறனதொரு நிலை ஏற்படாதிருப்பதற்கு இஸ்லாத்தைப் பேசுபோருளாக மாற்றிய காரணிகள் விடயத்தில் முஸ்லிம்கள் அதிக கவனம் செலுத்தி தெளிவு பெற்றாக வேண்டும்.

நாம் விரும்பியோ விரும்பாமலோ இஸ்லாத்தை ஒரு பேசுபொருளாக அல்லாஹ் ஆக்கி வைத்திருக்கிறான். அதனை இனி நாங்கள் பேசியே ஆக வேண்டும். எப்படிப் பேசப் போகிறோம் என்பதில்தான் அணிகளின் வெற்றி, தோல்விகள் தங்கியிருக்கின்றன.

இஸ்லாத்தை அலங்கோலமாகக் காட்ட விரும்பும் உலகில் அதன் அழகைக் காட்டும் நோக்கோடு அறிவு பூர்வமாக போராட வேண்டிய ஒரு களத்தில் இன்றைய முஸ்லிம்களை அல்லாஹ் இறக்கியிருக்கின்றான்.

இந்தப் போரட்டத்தில் அவர்கள் உயர்த்திப் பிடிக்க வேண்டிய ஆயுதம் அறிவு ஒன்றே. அந்த ஆயுதம் அவர்கள் வசம் இருக்கிறதா?]

Read more...
 
அரபு மொழியும் இஸ்லாமியப் பண்பாடும் Print E-mail
Monday, 21 November 2016 07:58

அரபு மொழியும் இஸ்லாமியப் பண்பாடும்

      கலாநிதி M.A.M.சுக்ரி      

இஸ்லாமிய விசுவாசக் கோட்பாடே இஸ்லாமியப் பண்பாட்டின் மூலாதார அடிப்படையாகக் காணப்படுகின்றது. இப்பண்பாட்டின் ஏனைய அம்சங்கள் அனைத்தும் இந்த விசுவாக் கோட்பாட்டோடு தொடர்புற்றே அமைந்துள்ளன. எனவே, இஸ்லாமியப் பண்பாட்டின் அடித்தளமான ‘தௌஹீத்’ என்னும் ஏகத்துவக் கோட்பாட்டினைப் பிரதிபலிக்கும் வகையிலேயே இஸ்லாமியப் பண்பாட்டினைப் பொதிந்துள்ள அனைத்து அம்சங்களும் செயல்படுகின்றன.

இந்த விசுவாசக் கோட்பாட்டின் அடிப்படையிலேயே, முஸ்லிம்கள் அரபுமொழியை இப்பண்பாட்டின் ஒரு அம்சமாக இணைத்துக் கொண்டனர். அதுமட்டுமன்றி, இம்மொழி முஸ்லிம் சமூகத்தின் கலாசார ஒருமைப்பாட்டிற்கு துணைபுரியும் ஒரு காரணியாகவும், முஸ்லிமின் ஆளுமையின் தனித்துவத்தினைப் பிரதிபலிக்கும் சாதனமாகவும் விளங்குகின்றது.

மனித சமூகத்திற்கு அல்லாஹ்வின் இறுதி வேதமாக அமைந்த அல்குர்ஆனின் மொழியாகவும், இஸ்லாத்தின் தூதர் முஹம்மத் (ஸல்) அவர்களின் மொழியாகவும் அது விளங்குகின்றது. உண்மையில் இறைவனின் இறுதித் தூதின் வெளிப்பாட்டு மொழியாக அரபு அமைந்ததானது சில வரலாற்று நிகழ்ச்சிகளின் தவிர்க்க முடியாத விளைவன்று என்பதே குர்ஆனுக்கும், அரபு மொழிக்கும் இடையேயுள்ள இறுக்கமான தொடர்பு பற்றிய ஒரு முஸ்லிமின் நோக்காகும். அது மகத்தான இறைசித்தத்தின் வெளிப்பாடாகும்.

Read more...
 
கேட்டதும், கிடைத்ததும் Print E-mail
Monday, 14 October 2019 07:18

கேட்டதும், கிடைத்ததும்

உலகியல் வாழ்க்கையில் நாம் விரும்பியவை எல்லாம் நமக்குக் கிடைத்துவிடுவது இல்லை.

நாம் ஒன்றை அடைய விரும்புகின்றோம்; அதற்கு பதிலாக வேறு ஒன்று கிடைக்கிறது.

ஆனால், பல சூழ்நிலைகளில் நமக்குக் கிடைத்த, நாம் விரும்பாத ஒன்றுதான், நாம் விரும்பியும் அடைய முடியாமல் போன ஒன்றைவிடச் சிறந்ததாக அமைந்து விடுகிறது.

இது, பலரும் அனுபவ ரீதியாக அறிந்திருக்கக் கூடிய ஒரு வாழ்வியல் உண்மை.

இந்த வாழ்வியல் உண்மையை, ஒரு சுவையான உவமை மூலமாக சங்கப் புலவர் ஒருவர் உணர்த்துவதைக் காண்கிறோம்.

ஒரு கணவன், தன் மனைவியைத் தனிமையில் வருந்தும்படி விட்டுவிட்டுப் பிரிந்து செல்கிறான். மீண்டும் அவன் இல்லத்திற்கு வரும்போது, அவனிடம் பொய்யான கோபத்துடன் இருக்கும் அவனது மனைவி அவனிடம் பேச மறுக்கிறாள். என்றாலும், இல்லத்தில் இருக்கும் தனது தோழியிடம் பேசுவது போலப் பேசித் தன் கோபத்தை வெளிப்படுத்துகிறாள்.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 91

99 Names Of Allaah

-         310 300nd

Links

Links 2

Best Article