Home கட்டுரைகள் அப்துர் ரஹ்மான் உமரி
அப்துர் ரஹ்மான் உமரி
உண்மையான அறிவு என்பது! PDF Print E-mail
Monday, 08 July 2019 07:08

      மவ்லவி அப்துர் ரஹ்மான் உமரி       

குர்ஆனையும் அறிவியலையும் ஒப்பிட்டுப் பழம்பெருமை பேசி வந்த பேச்சுக்கள் இனி தேவையில்லை!

மதிப்பிற்குரிய Mansoor Ali அவர்கள் ஒரு பின்னூட்டத்தில்... பொதுவாக மனிதன் - தன்னிடம் இருக்கின்ற ஐந்து புலன்களின் வழியாகத் தான் அறிவைப் பெறுகின்றான். வளர்த்துக் கொள்கின்றான். புலன்கள் வழியே நாம் பெறுகின்ற அந்த 'அறிவியல் அறிவு' எந்த அளவுக்கு உண்மையானவை? நம்பத் தகுந்தவை?

உண்மையில் நாம் நமது கண்களால் ஒன்றைப் பார்த்து அறிந்து கொள்வது எப்படி தெரியுமா? நம் கண்களின் எதிரே உள்ள ஒரு பொருளின் பிம்பம் நமது விழித் திரையில் (Retina) தலை கீழாக விழுகிறது. அந்த பிம்பம் குறித்து மூளைக்குத் தகவல் அனுப்பப் படுகிறது. மூளை ஒன்றைப் புரிந்து கொள்கிறது. மூளை புரிந்து கொண்டது சரியாகவும் இருக்கலாம், தவறாகவும் இருக்கலாம். கண்களால் நாம் பெறும் அறிவின் நம்பகத் தன்மை இவ்வளவு தான்! மற்ற புலன்கள் வழி நாம் பெறுகின்ற தகவல்களின் நிலையும் அதே தான்!

அதனால் தான் சொன்னார்களோ - 'கண்ணால் பார்ப்பதுவும் பொய் - காதால் கேட்பதுவும் பொய்' - என்று! விஞ்ஞானிகள் ஆய்வு செய்கிறார்களே ஆய்வுக் கூடங்களில். அந்த ஆய்வின் முடிவுகள் எல்லாம் சந்தேகங்களுக்கு அப்பாற்பட்டவை தானா? அவற்றில் சந்தேகங்களுக்கு இடமே இல்லை என்றால் - அதுவும் கேள்விக்குறி தான்! பின் ஏன் நேற்று சொன்ன ஒரு அறிவியல் கறுத்தை இன்று மாற்றிக் கொள்கிறார்கள்?

ஒளி நேர்கோட்டில் பரவுகிறது என்ற கருத்து இன்று எங்கே போயிற்று?

அணுவைப் பிளக்க முடியாது என்று அன்று டால்ட்டன் சொன்ன கோட்பாடு இன்று என்ன ஆனது?

Read more...
 
இந்திய முஸ்லிம்களின் அரசியல் சமூக வீழ்ச்சி PDF Print E-mail
Tuesday, 19 March 2019 07:45

இந்திய முஸ்லிம்களின் அரசியல் சமூக வீழ்ச்சி

இப்திகார் கிலானி (முன்னணி ஊடகவியலாளர், DNA India நிறுவனத்தின் மூத்த செய்தியாளர், Chief of National Bureau — DNA India)

    தமிழில்: சையத் அப்துர் ரஹ்மான் உமரி      

o     ‘தங்கள் வேட்பாளர்களுக்கு முஸ்லிம்கள் வாக்களிக்கப் போவதில்லை. ஆகையால் அவர்களைப் பற்றி கவலைப்பட எதுவுமில்லை’ என பாஜக நினைக்கின்றது. ஆகையால் முடிந்த அளவுக்கு முஸ்லிம் வாக்குகளை பிளவுபடுத்தி, ஹிந்து ஓட்டுகளை எந்த அளவுக்கு ஒன்றுதிரட்ட முடியுமோ அந்த அளவுக்கு ஒன்று திரட்ட வேண்டும் என்பதே பாஜகவின் திட்டம், முயற்சி.

o     மறுபக்கம் மதச்சார்பற்ற கட்சிகளை எடுத்துக்கொண்டால் ஆர்எஸ்எஸ் - பாஜக போன்றவற்றை எதிர்த்து முஸ்லிம்கள் எங்குதான் போவார்கள்? நம்மிடம் தான் வரவேண்டும், நமக்குத்தான் வாக்களிக்க வேண்டும்!. ஆகையால் அவர்களும் சமூக - பொருளாதார சிக்கல்களை சரி செய்பவர்களாக இல்லை

o     ‘பெருநகரங்களை பொருத்தவரை ஹிந்து வலதுசாரிக் கட்சியான பாஜகவிற்கும் மதச்சார்பற்ற கட்சியான காங்கிரஸிற்கும் இடையே வேறுபாடுகள் ஒன்றுகூட இல்லை!’ 

o     இன்னும் ஒரு தகவலும் காதும் காதும் வைத்தாற்போல கட்சிக்குள் உலாவருகின்றது. முஸ்லிம் தலைவர்கள் எவரும் சீட்டை கேட்டு விண்ணப்பிக்க வேண்டாம். அதற்குப் பதிலாக தமது தொகுதியில் வெற்றி வாய்ப்புள்ள மதச்சார்பற்ற காங்கிரஸ் பிரதிநிதிகளை தேர்வு செய்து அவர்களது வெற்றிக்காக உழைக்க வேண்டும்

o     இவற்றையெல்லாம் பார்க்கும்போது என்ன தோன்றுகின்றது? அடுத்து அமையப் போகின்ற நாடாளுமன்றத்தில் முஸ்லிம்களின் அரசியல் பிரதிநிதித்துவம் அறவே இருக்காது!

o     இந்த நாட்டின் வாடகைதாரர்களளோ குடியேறிகளோ அல்லர் முஸ்லிம்கள்!. இந்த நாட்டின் பங்குதாரர்கள், இந்த நாட்டின் வரலாற்றை உருவாக்கியவர்கள்.   வரலாறு திரிக்கப்படுகின்றது என்பார்கள் இங்கு வரலாறு அடியோடு துடைத்தழிக்கப்படுகின்றது என்கிறார்கள் மக்கள்.

o     முஸ்லிம் தலைவர்களும் ஒரு சுயபரிசோதனை செய்து கொள்ள வேண்டும்.   சரியான வியூகத்தோடு நுட்பமாக தீட்டப்பட்ட ஒரு மாற்று ஏற்பாடு குறித்து நிதானமாக யோசிக்க வேண்டிய காலம்   ]

Read more...
 
ஈமான் என்றால் என்ன? நம்பிக்கையும் நினைப்பும்! PDF Print E-mail
Wednesday, 12 December 2018 08:05

ஈமான் என்றால் என்ன? நம்பிக்கையும் நினைப்பும்!

       மவ்லவி அப்துர் ரஹ்மான் உமரி       

ஈமான் என்றால் என்ன? என்பதைப் பற்றி நமக்கு ஓரளவு தெரியும்.

இறைவனை நம்பியேற்றுக் கொண்டவர்களும் அவன் காட்டிய வழியில் வாழ்வை அமைத்துக் கொண்டவர்களும் முஃமின்கள் என்பதையும் நாம் அறிவோம்

நாமும் முஃமின்கள், நாமும் நம்பிக்கையாளர்கள் என்னும் எண்ணம் நம்முடைய நெஞ்சத்தில் ஆழமாகப் பதிந்துள்ளது.

நம்மிடம் ஈமான் இருக்கின்றது என நாமெல்லாம் நினைத்துக் கொண்டுள்ளோம்

இந்த ‘நினைப்பு’ தான் இன்று பெரும் ஆபத்தாக உரு வெடுத்துள்ளது.

நம்பிக்கை என்றால் என்ன?

நம்பிக்கை இருப்பதாக நினைத்துக்கொள்வது என்றால் என்ன? என்பதை கொஞ்சமும் உணராத மக்களாகவே நாமிருக்கிறோம்

‘நினைப்பு’ மயக்கத்தைத் தருகின்றது. ‘மயக்கம்’ மனநிம்மதியைத் தருகின்றது. ‘மனநிம்மதி’ தொலைந்துபோன பாதையைப் பற்றி சிந்திக்கவிடாமல் நம்மைத் தடுத்து விடுகின்றது.

Read more...
 
அஹ்ஸாப் (அகழ்ப்) போரின் மெய்சிலிர்க்க வைக்கும் காட்சிகள் PDF Print E-mail
Thursday, 22 March 2018 07:53

அஹ்ஸாப் (அகழ்ப்) போரின் மெய்சிலிர்க்க வைக்கும் காட்சிகள்

    சையத் அப்துர் ரஹ்மான் உமரி     

முக்கியமான திருப்புமுனை என்று இஸ்லாமிய வரலாற்றில் ஏதேனும் ஒன்றைக் குறிப்பிட நினைத்தால் அஹ்ஸாப் போரைக் குறிப்பிடலாம். இறை நம்பிக்கையாளர்களின் ஈமானிற்கு எதிரிகள் கூட உரைகல்லாக மாறிப்போன அற்புதத்தை அகழ் போரில் நாம் காணலாம்.

பகைவர்களைக் கண்டு, அவர்களுடைய பிரம்மாண்டமான படைகளைக் கண்டு பயப்படாமல், பீதி அடையாமல் பொங்கிப் பொங்கி ஈமான் பிரவாகம் எடுப்பது. உண்மையான இறை நம்பிக்கையாளர்களின் உள்ளங்களில் தான் என்கிற பேருண்மையும் அங்கே புலப்பட்டது! 

‘அகழ்’* என்பது அராபியர்களுக்கு முன்பின் அறிமுகமாகாத ஒன்று! அகழைத் தோண்டும் தற்காப்புக் கலையால் குறைந்த எண்ணிக்கையிலான படையைக் கொண்டே மிகப் பெரிய எதிரிப்படையைச் சமாளிக்கும் வாய்ப்பு இருந்தது. உயிரிழப்பும் மிகவும் குறைவாகவே ஏற்படும்.

Read more...
 
இஸ்லாமின் முதல் அழைப்பாளர் அஷ்ஷஹீத் முஸ்அப் (ரளி) PDF Print E-mail
Friday, 16 February 2018 08:00

Image may contain: text

இஸ்லாமின் முதல் அழைப்பாளர்

அஷ்ஷஹீத் முஸ்அப்   ரளியல்லாஹு அன்ஹு

     அப்துர் ரஹ்மான் உமரி     

இறைவனின் தூதரால் மதீனாவிற்கு அனுப்பிவைக்கப்பட்ட முதல் இஸ்லாமிய அழைப்பாளர், முஸ்அப் இப்னு உமைர். இளம்வயது நபித் தோழர். இஸ்லாம் வெற்றிகள் பலபெற்று தன் பெயரை நிலைநாட்டும் முன்பே இறைவனைப் போய்ச்சேர்ந்து விட்டவர். இறைத்தூதரின் கண்களுக்கு முன்பாகவே இறைவன் அவரை ஷஹீதாக உயர்த்திக் கொண்டான்.

அற்புதமான பல நபித்தோழர்கள் இவரது கைகளால் இஸ் லாமை ஏற்றுக் கொண்டார்கள். யாருடைய இறப்பின்போது ரஹ்மானின் அர்ஷ் நடுங்கியதோ அந்த ஸஅதும் யார் குர்ஆனை ஓதினால் மலக்குகள் வரிசையில் நின்று கேட்பார்களோ அந்த உஸைதும் இவர் மூலமாகத்தான் இஸ்லாமில் நுழைந்தார்கள்.

அழகும் இளமையும் புகழும் பெருமையும் நிறைந்த குறைஷி குல இளங்காளை முஸ்அப். குறைஷியரின் அவைகளை அலங் கரிக்கும் பொன் விளக்காய் புது நிலவாய் ஜொலித்தவர். இஸ்லாமை ஏற்றபிறகு, ஈமானின் இலக்கணமாய் நன்றியுணர்வின் நெடுந்தூணாய் உருமாறி நின்றவர். அவரது வாழ்வின் ஒவ் வொரு பக்கங்களிலும் மானுடர் குலத்து இளந் தலைமுறைக்கு அரியபல படிப்பினைகள் நிரம்பியுள்ளன.

Read more...
 
இளமையை இறையடிமைத்தனத்தில் கழி! PDF Print E-mail
Thursday, 15 February 2018 07:24

இளமையை இறையடிமைத்தனத்தில் கழி!

       அப்துர் ரஹ்மான் உமரி       

‘பருவகால இச்சைகளுக்குப் பலியாகாத இளைஞனைக் கண்டு உன்னிறைவன் வியப்படைகிறான்.’ (அபூ யஅலா, அஹ்மத்/ சஹீஹ் என்கிறார் அல்பானி)

இந்நபிமொழியில் உள்ள ‘ஸப்வத்துன்’ எனும் சொல், பருவ கால இச்சைகள், வாலிபத் தேட்டங்கள், பொழுதுபோக்கு கேளிக்கைகளில் ஆர்வம் போன்றவற்றை இது குறிக்கும்.

கொஞ்சம் யோசித்துப் பாருங்கள். எவ்வளவு அற்புதமான பண்பு இது!

சிறு வயதில் ஞானம் பெற்றவனால்தான் இது சாத்தியம்! அப்புறம் ஏன் இறைவன் வியப்படைய மாட்டான்?

ஒருவன் சிறுவயதிலிருந்தே இறைவனின் பாதுகாப்பைப் பெற்றுள்ளான். பெரும்பாவங்களில் விழாமல் சிறுசிறு குற்றங்களை வழக்கப்படுத்தாமல் பாதுகாக்கப்படுகிறான். அவற்றைப் பற்றிய கேள்விகள் மறுமையில் அவனுக்கு இல்லவே இல்லை! ஸுப்ஹானல்லாஹ்! எவ்வளவு உன்னத பேறு இது!

Read more...
 
அகத்தின் அழகே அழகு PDF Print E-mail
Thursday, 25 January 2018 07:29

Related image

அகத்தின் அழகே அழகு
.
       ஸைய்யித் அப்துர் ரஹ்மான்   உமரி       

(1) பொதுவாக நாம் மற்றவர்களிடம் துஆ செய்யுமாறு கோரும்போதும் மற்றவர்களுக்காக துஆ செய்யும்போதும் உடல்நலத்திற்கு முதலிடம் அளிக்கின்றோம்.

(2) இஸ்லாமியக் கண்ணோட்டத்தின்படி உடல்நலம், உண்மையில் அக நலத்தை சார்ந்துள்ளது, அகநலத்தைப் பின்தொடர்ந்தே வருகின்றது.

(3) அக நலத்தையே இஸ்லாம் பெரிதும் வலியுறுத்துகின்றது.

(4) அஷ்ஷிஃபாஉல் காமில் – Real Shifa – என்பது உண்மையில் அக நலமே ஆகும்.

(5) தூய அகத்தோடு மனிதன் பிறக்கின்றான், அதே நிலையில் தூய அகத்தோடு உலகைப் பிரிந்து தன்னிறைவனை சந்திப்பவன் வெற்றி பெறுகின்றான்.

(6) வாழ்வு முழுக்க அகம் மாசடையாமல் பார்த்துக்கொள்வதே உண்மையில் இஸ்லாமியத் தன்மையாகும்.

(7)  சிந்தனைக் கோளாறுகள், மனஅழுக்குகள் ஆகியவையே அகத்தைப் பாழ்படுத்துகின்றன.

(8) இஸ்லாமிய மருத்துவத்தில் அக நலத்திற்கே முதலிடம் முக்கிய இடம் அளிக்கப்படுகின்றது.

(9) அக நலத்தில் தமானிய்யத் (இறைதீர்மானங்களில் திருப்தி) முதல் நிலை வகிக்கின்றது. ஸலாமத் (சலனமற்ற தன்மை) இதன் உச்ச நிலை ஆகும்.

Read more...
 
நிழலே இல்லாத நாளில் PDF Print E-mail
Tuesday, 21 November 2017 08:28

நிழலே இல்லாத நாளில்

      அல்லாமா இப்னு ஹஜ்ர் அஸ்கலானி       

      தமிழில்: மவ்லவி, சையித் அப்துர் ரஹ்மான் உமரி       
.
அல்லாஹ்வுடைய அர்ஷின் நிழல் தவிர வேறு நிழலே இல் லாத அந்நாளில் நிழல்தரும் மரங்களோ தருக்களோ இதம் தரும் நீர்நிலைகளோ தென்படாது; கூரைவேய்ந்த வீடுகள் எங்கு மிருக்காது. ஒதுங்க ஏதும் வாய்ப்பான இடம் கிடைக்காதா என எல்லா மனிதர்களும் விரண்டோடுவார்கள். தலைக்கு நேர்மே லாக சுட்டெரிக்கும் கதிரவன். திகைப்பும் தவிப்பும் தலைக்கு மேலாக கவிழ்ந்து காணப்படும் அந்நாளில் இறைவன் புறத்தில் இருந்து அழைப்பு விடுக்கப்படும். நற்பேறு பெற்றோர் ஒருசிலர் கூவிக்கூவி அழைக்கப்படுவார்கள்.
.
இந்நற்செய்தியை அண்ணல் நபிகளார் ஸல்லல்லாஹு அலைஹி வஸல்லம் அவர்கள் நமக்கு உரைக்கிறார்கள்.

அபூ ஹுரைரா ரழியல்லாஹு அன்ஹா அறிவிப்பதாவது, நிழலே இல்லாத அந்நாளில் அல்லாஹ்வின் அர்ஷின் நிழலின் கீழ் ஏழு பேர் காணப்படுவார்கள்.

(1) நெறிதவறா தலைவன்

(2) இறைவழிபாட்டில் இளமையைக் கழித்த இளைஞன்

(3) இறையில்லத்தோடு இணைந்திருக்கும் உள்ளம் கொண்ட மனிதன்

(4) அல்லாஹ் வுக்காகவே ஒருவரையொருவர் நேசித்த இரு வர் -இறைவனுக்காகவே ஒன்று சேர்ந்து, இறைவனுக்காகவே ஒருவரைவிட்டு ஒருவர் பிரிந்தவர்கள்-

(5) அழகும் உயர்குடிச் சிறப்பும் கொண்ட பெண்ணொருத்தி மையலோடு அழைத்தபோது தான் இறைவனுக்கு அஞ்சுகிறேன் என்றவாறு ஒதுங்கிக் கொண்டவர்.

(6) இடக்கரம் அறியாதவாறு வலக்கரத்தால் தானம் செய்தவர்

(7) விழிகளில் கண்ணீர் கசியும் வண்ணம் தனிமையில் அல்லாஹ்வை நினைவு கூர்ந்தவர் ஆகியோரே அவ்வேழு பேர் என இறைவனின் தூதர் ஸல்லல்லாஹு அலைஹி வஸல்லம் அவர்கள் கூறினார்கள். (புகாரி, முஸ்லிம்)

Read more...
 
போதையில் மூழ்கும் சமூகம் PDF Print E-mail
Thursday, 16 November 2017 07:15

Local police also said the March 15 incident could cause water shortages and drought as the hot season approaches. (Representational image)

போதையில் மூழ்கும் சமூகம்

     சையத் அப்துர் ரஹ்மான் உமரி        

இஸ்லாமிய இளைஞர்கள் பல ஊர்களில் புதுப்புது வகையான போதைப் பொருட்களுக்கு அடிமைகளாகி வருகிறார்கள்.

மனிதனை எத்தனை எத்தனையோ பொருட்கள் போதையில் தள்ளுகின்றன. மதுவும் சாராயமும் கஞ்சா உள்ளிட்ட புகையிலைப் பொருட்கள் மட்டும்தான் போதையை ஊட்டுகின்றனவா?

மனிதனை எத்தனை எத்தனையோ பொருட்கள் போதையில் தள்ளுகின்றன.

போதையின் வழியாக ஷைத்தான் என்ன சாதிக்க நினைக்கிறான் என்பதை வான்மறை குர்ஆன் குறிப்பிடுகின்றது. அதைக் கொஞ்சம் ஆராய்ந்தால் வியப்பு மேலிடுகின்றது.

மதுவிலும் சூதிலும் மூழ்கவைத்து உங்களிடையே பகைமையையும் குரோதத்தையும் கிளறிவிடவும் அல்லாஹ்வை நினைவுகூருவதைவிட்டும் தொழுகையைவிட்டும் தடுக்கவும் ஷைத்தான் ஆசைப்படுகிறான். சொல்லுங்கள், நீங்கள் அவற்றை விட்டுவிடுவீர்கள் அல்லவா? (அல்குர்ஆன் 5:91)

(1) பகைமையை, குரோதத்தை கிளறுதல்

(2) இறைவனை நினைவுகூர விடாது தடுத்தல்

(3) தொழுகையை விட்டு அப்புறப்படுத்தல்

ஷைத்தானுக்கு கிடைக்கவுள்ள ‘இம்மூன்று’ பயன்களை மனதிற்கொண்டு சமூகத்தைப் பார்வையிட்டால் எத்தனை எத்தனை போதை ‘வஸ்த்து’கள் புழங்கி வருகின்றன! அடேங்கப்பா!

ஆகப்பெரிய போதையாக இந்த இஸ்லாமிய உம்மத்தில் உள்ளது பணப்போதைதான்!. அதை மிஞ்சதனாலும் முடியாது என்பதை கண்கூடாகக் காணுகிறோம்.

Read more...
 
தேடுதல் இல்லையென்றால் தெளிவு இல்லை PDF Print E-mail
Monday, 11 September 2017 15:19

தேடுதல் இல்லையென்றால் தெளிவு இல்லை

      அப்துர் ரஹ்மான்     

''தேடுதல் இல்லையென்றால் தெளிவு இல்லை

தெளிவு இல்லையென்றால் (ஈருலக)வாழ்வில் வெற்றி இல்லை''

சிந்தனை மட்டுமே ஒரு மனிதனை அனைத்து விஷயங்களிலும் தெளிவுபடுத்தி அவனை நேரான பாதைக்கு இட்டுச்செல்லும் ஆதலால்தான் அல்லாஹுவும் தன் திருமறையில் ''மனிதர்களே சிந்தியுங்கள்'' என்று பல இடங்களில் குறிப்பிடுகிறான்.

அல்லாஹுவின் வேதத்தையும் நபி ஸல்லல்லாஹு அலைஹி வஸல்லம்அவர்களின் போதனைகளையும் தன் கையில் வைத்திருக்கும் இந்த இஸ்லாமிய சமூகம், உலகை ஆல வேண்டிய இந்த சமூகம், மனிதர்களுக்கு ஒலுக்கத்தை கற்றுக் கொடுக்க வேண்டிய இந்த சமூகம், அநீதிக்கு எதிராக போராட வேண்டிய இந்த சமூகம், மக்களை ஒரு இறைவனின் பக்கம் அழைக்க வேண்டிய இந்த சமூகம், உலகில் இறையாட்சியை நிழைநாட்ட வேண்டிய இந்த சமூகம், இந்த திருமறையை பொருலுனர்ந்து சிந்திக்கத்தவறியதன் விளைவு.....,

இந்த உலகில் திவிரவாதியாகவும், பயங்கரவாதியாகவும், தாகூத்திய சக்திகளுக்கு அடிமையாகவும், மேலும் தாகூத்திய சக்திகளுக்கு கீழ்படிவதை நியாயப்படுத்திக்கொண்டு ஒரு அடிமைகளை போல தன் வாழ்வில் தேவைப்படும் சுய தேவைகளுக்கு கூட ஒரு தாகூத்திய சக்திகளிடத்தில் கையேந்தி எதிர்பார்த்து நிர்க்கும் அவலநிலையை பார்க்கிறோம்.

Read more...
 
'எது இஸ்லாம் இல்லை?' என்பதைத் தெரிந்து கொள்வது அவசியமாகும்! PDF Print E-mail
Thursday, 04 August 2016 02:41

'எது இஸ்லாம் இல்லை?' என்பதைத் தெரிந்து கொள்வது அவசியமாகும்!

     மெளலானா,  சத்ருத்தீன் இஸ்லாஹி     

    தமிழாக்கம்: மெளலவி, அப்துர் ரஹ்மான் உமரி    

முஸ்லிமாக இருப்பதற்கு 'இஸ்லாம் என்றால் என்ன?' என்பதைத் தெரிந்து கொள்வது எவ்வளவு அவசியமோ அதே அளவு 'எது இஸ்லாம் இல்லை?' என்பதைத் தெரிந்து கொள்வதும் அவசியமாகும். இல்லாவிட்டால் இஸ்லாமை அதன் தனிப்பட்ட தூய வடிவில் பாதுகாப்பதோ, பின்பற்றுவதோ இயலாது போய்விடும்.

இன்று நாம் இஸ்லாமைப் பற்றி உண்மையான நல்ல விஷயங்கள் சிலவற்றைத் தெரிந்து கொள்வோம், நாளை இஸ்லாம் அல்லாத வேறு சில விஷயங்களைத் தெரிந்து கொள்வோம். இறுதியில் எது உண்மையான சொத்து என்பதை உணர முடியாமல், இயற்கையான உருவில் - அம்மண வடிவில் - நுழைவதில்லை. இஸ்லாமியப் பசுத்தோலைப் பொற்த்திக்கொண்டும், 'சலுகை'(ருஃக்ஸத்)களின் பெயராலும் தான் நுழைகின்றது. முஸ்லிம்களோ மிகமிக எளிதாக அதற்குப் பலியாகிவிடுகின்றனர். இல்லா மாஷா அல்லாஹ்!

முந்தைய சமூகத்தினர் தங்களுடைய இறைத்தூதர்களிடமிருந்து தூய, கலப்பற்ற தீனைப் பெற்ற பின்னும் - ஒன்றிரண்டு தலைமுறைக்குள்ளாக வழிகெட்டுப் போனதற்கு இதுதான் காரணமாக இருந்துள்ளது.

Read more...
 
<< Start < Prev 1 2 3 4 Next > End >>

Page 1 of 4