வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

பேரழிவுகளின் நோக்கம் என்ன? Print E-mail
Wednesday, 01 April 2020 07:38

பேரழிவுகளின் நோக்கம் என்ன?

எந்தப் பேரழிவாக இருந்தாலும் நாம் எவ்வளவு பலவீனமாக இருக்கிறோம் என்பதைத்தான் தெளிவுபடுத்துகிறது.

ஆணவம் பிடித்த, அதிகார வெறிபிடித்த “பலமிக்க” அதிபர்கள், இராணுவத் தளபதிகள், இராணுவப் படைகள் என்று அனைத்து பலங்களையும் ஒன்றுகூட்டினாலும் அல்லாஹ்வின் ஆற்றலின் முன்பு அவை ஒன்றுமே இல்லை.

பேரழிவுகள் நல்லவர்களையும் கெட்டவர்களையும் ஒருசேர அழிக்கின்றன. அது ஓர் இறைநம்பிக்கையாளருக்கும் இறைநம்பிக்கையற்றவருக்கும் எந்த வித்தியாசமும் காட்டுவதில்லை. மேலும் அவற்றினால் எந்த அர்த்தமும் இல்லை. ஏனென்றால் அவை அவற்றிலிருந்து எந்தவொரு உணர்வையும் ஏற்படுத்த முடியாது என்று சிலர் கூறுகின்றனர்.

இது உண்மையல்ல. அவற்றின் தாக்கத்தில் வித்தியாசம் இருக்கின்றது.

அது ஓர் இறைநம்பிக்கையாளரின் வாழ்க்கையில் அவரது இறைநம்பிக்கையை இன்னும் அதிகப்படுத்துகிறது. ஏனெனில் ஓர் இலைகூட இறைவனின் அனுமதியின்றி கீழே விழுவதில்லை என்று இறைநம்பிக்கையாளர் நம்புகிறார்.

Read more...
 
முஸ்லிம்கள் சுய பரிசீலனை செய்வது காலத்தின் கட்டாயம்! Print E-mail
Tuesday, 08 October 2013 06:38

அல்லாஹ்வின் உறுதியான வாக்குறுதி

1. "...முஃமின்களைக் காப்பாற்றுவது நம்மீது கடமை!" (10:103)

2. "...முஃமின்களை நிச்சயம் அல்லாஹ் பாதுகாக்கிறான்" (22:38)

3. "...முஃமின்களுக்கு உதவி செய்வது அல்லாஹ்வின் கடமை!" (30:47)

4. "அல்லாஹ் வாக்குறுதி மீறவே மாட்டான்" (3:9,194, 13:31, 39:20)

நான்கு இடங்களில் அல்லாஹ் வாக்குறுதியை மீறவே மாட்டான் என்று உறுதிபட வாக்களித்த நிலையில் அல்லாஹ் முஸ்லிம்களுக்கு உதவி செய்யாதது ஏன்? காப்பாற்றாதது ஏன்? பாதுகாக்காதது ஏன்? மிகக் கடுமையான முறைகளில் முஸ்லிம்கள் உலகம் முழுவதும் துன்புறுத்தப்படக் காரணம் என்ன?

10:103, 22:38, 30:47 மூன்று வசனங்களையும் கவனமாகப் படித்துப் பாருங்கள். இந்த வாக்குறுதிகள் அனைத்தும் ஈமானை உள்ளத்தில் சுமந்து கொண்டிருக்கும் முஃமின்களுக்கே அல்லாமல், 49:14 வசனம் கூறுவது போல் உள்ளத்தில் ஈமான் நுழையாத முஸ்லிம்களுக்கு இல்லை.

Read more...
 
தொடரும் சோதனைகள்: தீர்வு என்ன? Print E-mail
Tuesday, 14 January 2014 08:53

தொடரும் சோதனைகள்: தீர்வு என்ன?

ஆயிரம் நிகழ்வுகள் அன்றாடம் நம் வாழ்வில் வந்தாலும், பிரச்சனை, துயரம், ஏமாற்றம், இயலாமை... போன்ற சோக நினைவுகள் மட்டுமே நம் மனதில் முன்னிலைப்படுத்தப்படுகிறது.

உண்மையாகவே, இன்பங்களை விட துன்பங்களே நம் வாழ்வின் பெரும் பகுதியை ஏன் ஆக்ரமிக்க வேண்டும்? அதிலும், அடுத்தவரை விட நமக்கே அதிக பிரச்சனை ஏற்பட என்ன காரணம்? மார்க்க புரிதலில் உளவியல் ரீதியாய் ஒரு பதிவு தொடருங்கள் சகோஸ்...

"அல்லாஹ்வை வணங்குதல்" என்ற அடிப்படை கோட்பாட்டிற்காகவே நமக்கு இவ்வுலக வாழ்வு வழங்கப்பட்டிருக்கிறது. இன்னும் தொடரும் முன்னர் ஒரு சின்ன ப்ளாஷ்பேக்...

அல்லாஹ் : "நான் உனக்குக் கட்டளையிட்ட போது, நீ ஸஜ்தா செய்யாதிருக்க உன்னைத் தடுத்தது எது? இப்லிஸ் : "நான் அவரை (ஆதமை)விட மேலானவன் - என்னை நீ நெருப்பினால் படைத்தாய், அவரை களிமண்ணால் படைத்தாய்"

இந்த உரையாடலின் முடிவில்...

Read more...
 
இஸ்லாத்தில் பன்முக மனிதநேயம் Print E-mail
Sunday, 26 February 2012 19:36

இஸ்லாத்தில் பன்முக மனிதநேயம்

    மெளலவி ஹாபிழ் M.முஹம்மது ரபீக் ரஷாதி – விழுப்புரம்   

    உறவுமுறை    

"அண்டை வீட்டு உறவுக்காரர், உறவினரல்லாத அண்டை வீட்டாருக்கு உதவிச் செய்யுங்கள்." (அல்குர்ஆன் 4:36 )

அண்டை வீட்டாருக்கு நம்மீது மிகப் பெரும் உரிமை உள்ளது. அண்டை வீட்டாருக்கு மிகவும் கடமைப் பட்டவர்களாகவும் உள்ளோம். அண்டை வீட்டார் முஸ்லிமாகவும் இருந்து தம்முடைய உறவினராகவும் இருந்து விட்டால் அண்டை வீட்டார் உரிமை, உறவினர் உரிமை இஸ்லாத்தின் உரிமை ஆகிய மூன்று வித உரிமைகள் உள்ளன.

அண்டை வீட்டாருக்கு செய்ய வேண்டியவை : இயன்ற வரை பொருளாலும், சொல்லாலும் அண்டை வீட்டாருக்கு உதவிகள் புரிய வேண்டும். அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள். அண்டை வீட்டாருக்கு நன்மை செய்வோரே இறைவனிடம் மக்களிலே சிறந்தவர் ஆவார். (நூல்: திர்மிதி)

‘யார் அல்லாஹ்வையும், மறுமை நாளையும் நம்புகிறாரோ அவர் தம் அண்டை வீட்டாருக்கு நன்மை புரியட்டும்.’

‘நீங்கள் குழம்பு சமைத்தால் அதில் தண்ணீரை அதிகமாக்கியாவது அண்டை வீட்டாரைக் கவனித்துக் கொள்ளுங்கள்.’ (நூல்: முஸ்லிம்)

Read more...
 
முஸ்லீம்களாக மாத்திரம் மரணிப்போம் Print E-mail
Thursday, 23 February 2012 08:44

முஸ்லீம்களாக மாத்திரம் மரணிப்போம்

  RASMIN M.I.Sc   

உலகில் வாழும் காலத்தில் தான் தோன்றித் தனமாக வாழும் எத்தனையோ பேர் தனது இறுதிக் காலத்தில் கவலைப்பட்டு, கைசேதப் படுவதைக் காண்கிறோம். மூஸா நபியை எதிர்த்த ஃபிர்அவ்னுடைய நிலையை ஒத்ததாக பலருடைய நிலை மாறிவிடுகிறது.

மனித குலத்திற்குறிய நேரிய வழிகாட்டியான இஸ்லாமிய மார்க்கம் ஒவ்வொரு மனிதனையும் மரணிக்கும் போது முஸ்லீம்களாக மரணித்துவிடும்படி வலியுறுத்துகிறது.

அல்லாஹ் தனது திருமறைக் குா்ஆனிலே ஒவ்வொரு மனிதனுடையவும் இறுதி நேரம் எப்படி இருக்க வேண்டும் என்பதைப் பற்றிக் குறிப்பிடும் போது மிக அழகான வழி முறையொன்றைக் காட்டித்தருகிறான்.

என் மக்களே! அல்லாஹ் உங்களுக்கு இம்மார்க்கத்தை தேர்வு செய்துள்ளான். முஸ்லீம்களாகவே தவிர நீங்கள் மரணிக்கக் கூடாது என்று இப்றாஹீமும், யஃகூபும் தமது பிள்ளைகளுக்கு வலியுறுத்தினா். (குர்ஆன் 2: 132)

உலகம் தோன்றியதிலிருந்து அழியும் வரைக்கும் இந்த உலகில் தோன்றும் ஒவ்வொரு மனிதனும் தனது வழிகாட்டியாக இஸ்லாத்தைத் தான் கடைப்பிடிக்க வேண்டும் என்றும் அதுவல்லாத எந்த ஒரு மார்க்கமும் மனிதனின் வழிகாட்டியாக இருக்க முடியாது என்பதையும் மேற்கண்ட வசனம் எடுத்துரைக்கிறது.

Read more...
 
மரணத்தின் பொருள் அழிந்து போவது என்பதல்ல! Print E-mail
Monday, 26 March 2012 08:16

   மரணத்தின் பொருள் அழிந்து போவது என்பதல்ல!   

மரணத்தின் பொருள் அழிந்து போவது என்பதல்ல! இடம் மாறுவது அல்லது குடிபெயர்வது என்பதுதான் சரியான அர்த்தம். மனிதன் ஒரு உலகத்திலிருந்து மற்றோர் உலகத்திற்கு மாறிக்கொண்டிருக்கின்றான். அழிவு அவனுக்கில்லை என்பதே உண்மை.

   மனிதனின் முதல் உலகம் :  

மனிதனின் முதல் உலகம் "ஆலமுல் அர்வாஹ்" ஆகும். உயிர்கள் நிலைபெற்றிருந்த உலகம் அது. அங்குதான் அல்லாஹு(த்)தஆலா "உங்கள் ரட்சகன் நானல்லவா?" என்று கேட்டான். "ஆம்! நீதான் எங்கள் பாதுகாவலன்" என்று உறுதிமொழி அளித்தோம்.

மனிதன் அந்த உலகிலிருந்து அடுத்தபடியாக எங்கே பயணம் செய்தான், இடம் மாறினான் தெரியுமா? தாயின் கர்ப்ப அறைக்கு. அந்த கர்ப்ப உலகத்திலிருந்து விண்ணால் சூழப்பட்ட இம்மண்ணுலகிற்கு வந்தான். அது அவன் கண்ட மூன்றாவது உலகம். இந்த உலகம் தான் அவன் தலைவிதியை நிர்ணயம் செய்வது. மேலும் அவன் பயணம் தொடர்கிறது...

Read more...
 
தூயவனை நெருங்க தூய்மை அவசியமே! Print E-mail
Sunday, 12 February 2012 07:54

தூயவனை நெருங்க தூய்மை அவசியமே!

உலக மக்களில் பெரும்பாலானவர்கள் கடவுள் நம்பிக்கை கொண்டவர்களாகவே இருக்கிறார்கள்.கடவுள் நம்பிக்கை கொண்ட பலர் கடவுளை சரியாக புரியாத காரணத்தினால் பல பிரச்சினைகளுக்கும், சிக்கள்களுக்கும் ஆளாவதை நாம் கண்டு வருகிறோம்.

கடவுளின் கடவுள் தன்மையை சரியாக விளங்காமை, கடவுளை நெருங்குவதற்காக சரியான முறையை அறியாமை இதுபோன்ற பல காரணங்களினால் இன்றைக்குப் பலர் கடவுளுக்காகவென்று தங்கள் சொத்துக்களையும், செல்வங்களையும் இழந்து நடுத்தெருவில் நிற்பதைப் பார்க்கிறோம்.

இன்னும் சிலரோ தான் கடவுளை எப்போதும் நினைக்க வேண்டும், கடவுளுக்கு பணிவிடைகள் செய்ய வேண்டும் என்பதற்காக தனது உடல், உள தூய்மையைப் பற்றியோ அல்லது கடவுளை நெருங்கியதாக சொல்லிக் கொள்பவர்களின் தூய்மையைப் பற்றியோ கொஞ்சம் கூட சிந்திக்காமல் அசுத்தங்களின் மொத்த உருவங்களாக, அழுக்குகளின் பிறப்பிடங்களாக மாறியிருக்கிறார்கள்.

Read more...
 
மார்க்கப்பணியை அல்லாஹ்விற்காகவே செய்ய முன்வாருங்கள்! Print E-mail
Sunday, 22 April 2012 14:49

M U S T   R E A D

மார்க்கப்பணியை அல்லாஹ்விற்காகவே செய்ய முன்வாருங்கள்!  

1. காலத்தின் மீது சத்தியமாக. 2. நிச்சயமாக மனிதன் நஷ்டத்தில் இருக்கின்றான். 3. ஆயினும், எவர்கள் ஈமான் கொண்டு ஸாலிஹான (நல்ல) அமல்கள் செய்து, சத்தியத்தைக் கொண்டு ஒருவருக்கொருவர் உபதேசம் செய்து, மேலும் பொறுமையைக் கொண்டும் ஒருவருக்கொருவர் உபதேசிக்கிறார்களோ அவர்களைத் தவிர (அவர்கள் நஷ்டத்திலில்லை). (அல்குர்ஆன் 103:1-3)

நம்பிக்கை கொண்ட ஆண்களும், பெண்க ளும் ஒருவருக்கொருவர் உற்ற நண்பர்களாக இருக்கின்றனர். அவர்கள் நல்லவற்றை ஏவுகிறார்கள், தீயவற்றை விலக்குகிறார்கள், தொழுகையைக் கடைபிடிக்கிறார்கள். ஜகாத்தை கொடுத்து வருகிறார்கள். அல்லாஹ்வுக்கும், அவனது தூதருக்கும் அடிபணிகிறார்கள். அவர் களுக்கே அல்லாஹ் கருணை புரிகிறான்ஸ” (அல்குர்ஆன் 9:71)

மனிதர்களுக்காக தோற்றுவிக்கப்பட்ட (சமு தாயங்களில்) நீங்கள் சிறந்த சமுதாயமாக இருக்கிறீர்கள். நீங்கள் நல்லவற்றை ஏவுகிறீர்கள்; தீயவற்றை விலக்குகிறீர்கள்; அல்லாஹ்வின் மீது நம்பிக்கை கொள்கிறீர்கள்...” (அல்குர்ஆன் 3:110)

இந்த இறைவாக்குகள் அனைத்தும் இறுதி நபிக்கு முன்னர் நபிமார்கள் செய்து வந்த மார்க்கப்பணி இறுதித் தூதரின் உம்மத்தாகிய நம்மீது சுமத்தப்பட்டிருக்கிறது; கடமையாக்கப்பட்டிருக்கிறது என்பதை உணர்த்துகின்றன.

மேலும், நபிமார்கள் அனைவரும் இம்மார்க்கப் பணியை முழுக்க முழுக்க அல்லாஹ்வின் பொருத்தம் நாடி, நாளை மறுமையில் அந்த இறைவனிடம் மட்டுமே கூலி-சம்பளத்தை எதிர்பார்த்துச் செய்ய வேண்டும்; ஒருபோதும் மக்களிடம் கூலி-சம்பளத்தைக் கேட்கவும் கூடாது; எதிர்பார்க்கவும் கூடாது என்பதை அனைத்து நபிமார்களும் பகிரங்கமாகப் பிர கடனப்படுத்தியதை 6:90, 10:72, 11:29,51, 25:57, 26:109,127,145,164,180, 34:47, 38:86, 42:23 ஆகிய 13 குர்ஆன் வசனங்கள் கூறுகின்றன.

Read more...
 
பேரருளாக நினைவுகூறப்படும் தலைவர்... Print E-mail
Thursday, 21 November 2013 07:40

பேரருளாக நினைவுகூறப்படும் தலைவர்...

இந்த ஆக்கம் தலைவர்களல்லாத சாதாரண மக்களுக்கும் பயனளிக்கலாம். அவர்களும் ஒரு வகையில் சின்னத் சின்னத் தலைவர்களாகத் தொழிற்படும் சந்தர்ப்பங்கள் நிறையவே வருவதுண்டு.]

தலைவர்கள் மற்றும் தலைமைத்துவம் பற்றி எண்ணற்ற நூல்கள் வெளிவந்திருக்கின்றன. தலைமைத்துவப் பயிற்சிகளும் இன்று பெருமளவு செறிவாக்கப்பட்டு வளர்ச்சியடைந்திருக்கின்றன.

ஒரு தலைவருக்கிருக்க வேண்டிய பண்புகள் இவற்றை வளர்ப்பதற்கான பயிற்சிகள் போன்றவற்றை நீங்கள் அவற்றில் கண்டறிந்து கொள்ளலாம். அவற்றை விளக்குவது இந்த ஆக்கத்தின் நோக்கமல்ல. மாறாக, சமூகத்தில் வகை வகையான தலைவர்கள் இருக்கிறார்கள். அவர்களுக்கு அவர்களைப் பற்றி அறிந்து கொள்ள உதவுவதே இவ்வாக்கமாகும்.

இந்தத் தலைவர்கள் தம்மிடம் இருப்பது எது இல்லாதிருப்பது எது என்பது பற்றி அவ்வளவாக அலட்டிக் கொள்வதில்லை. சமூகத்தின் ஏதோவொரு தளத்தில் ஒரு தலைமைத்துவத்தை வழங்கும் வாய்ப்புக் கிடைத்ததால் இவர்கள் தலைவர்களாக செயல்படுகிறார்கள் முடிந்ததை செய்துவிட்டுப் போகிறார்கள். முடியாததை விட்டு விடுகிறார்கள்.

அவர்களால் செய்ய முடிந்தவற்றுக்காக அவர்களைப் பாராட்டலாம். எனினும் இந்தப் பாராட்டோடு நிற்காமல் அவர்கள் தங்களைப் பற்றி ஓரளவேனும் அறிந்து கொள்வதற்கும் தங்களை வளர்த்துக் கொள்வதற்கும் உதவ வேண்டும் என்ற நோக்கிலேயே இது எழுதப்படுகிறது.

இந்த ஆக்கம் தலைவர்களல்லாத சாதாரண மக்களுக்கும் பயனளிக்கலாம். அவர்களும் ஒரு வகையில் சின்னத் சின்னத் தலைவர்களாகத் தொழிற்படும் சந்தர்ப்பங்கள் நிறையவே வருவதுண்டு. அவ்வாறான சந்தர்ப்பங்களில் தாம் எத்தகைய இயல்புகளோடும் பண்புகளோடும் கருமமாற்ற வேண்டும் என்பதை சிறிதளவேனும் கற்றுக் கொள்வதற்கும் இந்த ஆக்கம் உதவலாம்.

Read more...
 
சகோதர முஸ்லிமின் சுகத்தில் பங்கு கொள்ளுங்கள்! Print E-mail
Tuesday, 12 November 2013 15:59

சகோதர முஸ்லிமின் சுகத்தில் பங்கு கொள்ளுங்கள்!

இவ்வையகத்தில் மிக அழகான தோற்றத்தில் மனிதனைப் படைத்த அல்லாஹ் அம்மனிதன் வாழ்வதற்கான சகல விதமான ஏற்பாடுகைளயும் தயார் செய்து வைத்துள்ளான்.

இவ்வாறு எல்லாம் வல்ல அல்லாஹ் தஆலாவால் படைத்து பரிபாலிக்கின்ற மனிதனை அல்லாஹுத் தஆலா இவ்வுலகில் அம்மனிதன் வாழும் காலத்தில் பல முறை பல சோதனைகளின் மூலமாகப் பரீட்சித்துப் பார்க்கின்றான்.

இத்தகைய அல்லாஹ்வின் சோதனைகளில் நின்றும் உள்ளது தான் நோய். இன்று ம்மில் அதிகமான மக்கள் பல நோயினால் பீடிக்கப்பட்டிருப்பதை அன்றாட எம் கண்களால் நாம் பார்த்த வண்ணம் உள்ளோம். அல்லாஹ் தஆலா மனிதர்களின் மீது கொண்ட அன்பினாலேயே இத்தகைய நோய்களையும் மனிதர்களுக்கு வழங்குகின்றான்.

யார் இவ்வாறான நிலைமைகளில் பொறுமையைக் கடைப்பிடிக்கின்றார்களோ நிச்சயமாக அம்மக்களுக்கு அல்லாஹுத் தஆலா மகத்தான நற்கூலியை தயார் செய்து வைத்திருக்கின்றான்.

Read more...
 
இஸ்லாமிய வழியில் கிறித்துவ பாதிரியார்கள் Print E-mail
Tuesday, 26 November 2013 06:50

இஸ்லாமிய வழியில் கிறித்துவ பாதிரியார்கள்

  A. முஹம்மது அலி, M.A., திருச்சி-4  

திருமணம், குடும்ப வாழ்வு, இல்லற இன்பம் போன்றவற்றிற்கு, இஸ்லாம் அளித்திருக்கும் சிறப்பை, வேறு எந்த மதமும் தரவில்லையென்பது யாவரும் அறிந்ததே. “திருமணம் எனது வழிமுறை, திருமணம் புரியாதவன் என்னைச் சார்ந்தவனல்ல.” (அறிவிப்பவர் : அனஸ் பின் மாலிக் ரளியல்லாஹு அன்ஹு ஆதாரம் : முஸ்லிம், புகாரி)

என்பது ரசூல்(ஸல்) அருள்வாக்கு, செயல்முறை வழியாகும்.

“வாலிய நேயர்களே! உங்களில் ஒருவர் ஒரு பெண்ணை வைத்து நிர்வகிக்கும் சக்தியுடையோராயிருப்பின், அவர் மணம் செய்து கொள்வாராக! நிச்சயமாக அது கண்ணுக்குத் திரையாகவும், மர்ம உறுப்பிற்கு அரணாகவும் அமைந்திருக்கிறது. அதற்கு இயலாதவர் நோன்பு நோற்றுக் கொள்ளட்டும். அது அவருக்குத் தடுப்பாகும்.” (அறிவிப்பவர் : அப்துல்லாஹ் பின் மஸ்ஊத் ஆதாரம் : புகாரி, முஸ்லீம்)

குர்ஆனில் அல்லாஹ், “(ஆணாயினும், பெண்ணாயினும்) உங்களில் எவருக்கும் வாழ்க்கைத் துணையில்லாவிட்டால், அவர்களுக்குத் திருமணம் செய்து வையுங்கள்.” (24:32) என ஆணையிடுகிறான்.

இஸ்லாமிய நண்பர்களே! சிறிது குர்ஆனை நாம் புரட்டுவோமேயானால் திருமணம், தாம்பத்யம், குடும்பவாழ்வு, இல்லறம் போன்றவற்றை அல்லாஹ் விளக்கிக் கூறுவதை நீங்களே காணலாம்.

Read more...
 
இறைநம்பிக்கையின் பலம் Print E-mail
Sunday, 08 December 2013 06:21

இறைநம்பிக்கையின் பலம்

நம்மை படைத்த அல்லாஹ் நாம் சில விதிமுறைகளை கடைப்பிடிக்க வேண்டும் என்று கட்டளையிட்டுள்ளான். அதில் தலையாயது தான் அவன் மீது நாம் கொள்ள வேண்டிய நம்பிக்கை. அவனை மட்டுமே இறைவனாக ஏற்க வேண்டும் என்ற கட்டளை.
இஸ்லாத்தின் அடிப்படையாக இந்த இறைநம்பிக்கை உள்ளது.

எதற்காக? இந்த இறை நம்பிக்கை ஒருவன் மனதிற்கு சென்றுவிட்டால் அவன் அளப்பறிய சக்தியை பெறுகிறான். அல்லாஹ்வை தவிர வேறு எவருக்கு அஞ்சாததால் அவனது வாழ்க்கையில் எவ்வித சலனமும் இல்லை. அல்லாஹ்வின் மீதான அச்சம் இருப்பதால் அவனை கொண்டு மற்றவர்களுக்கு தொந்தரவுகள் எதுவும் இல்லை. இதனை தான் வரலாறு நமக்கு சொல்லித் தருகிறது.

இன்று நாமும் இறைநம்பிக்கை கொண்டுள்ளோம். நம்மில் பலருக்கு இந்த இறைநம்பிக்கை என்னும் பரிசு மிகவும் எளிதாக கிடைத்தது என்பதை மறுப்பதற்கில்லை. எளிதாக கிடைத்ததால் தான் என்னவோ நாம் இதனை பெரிதாக எடுத்துக் கொள்ளவில்லை போலும்! இதனால்தான் நமக்கு பல படிப்பினைகளை அல்லாஹ் சொல்லித் தருகிறான்.

Read more...
 
‘உன்னைத் திருத்து உலகம் திருந்தும்’ Print E-mail
Friday, 13 December 2013 04:19

உலக முஸ்லிம்களின் ஒருமைத்துவம்

இஸ்லாம் ஒருமைத்துவத்தையும், அமைதியையும் இதர வாழ்க்கை சம்மந்தமான அனைத்து இன்னோரன்ன சமூக ஒருமையையும் விரும்புகின்றது, காலை மலர்ந்து மாலை உதிரும் பூப்போல அல்ல உலக முஸ்லிம்களின் ஒருமைப்படும் வெற்றியும் நாம் ஒவ்வொரு தனி நபரின் மூலம்தான் ஒரு குழுவாக மாறும்.

இஸ்லாம் ஒருமைத்துவத்தையும், அமைதியையும் இதர வாழ்க்கை சம்மந்தமான அனைத்து இன்னோரன்ன சமூக ஒருமையையும் விரும்புகின்றது, காலை மலர்ந்து மாலை உதிரும் பூப் போல அல்ல உலக முஸ்லிம்களின் ஒருமைப்படும் வெற்றியும் நாம் ஒவ்வொரு தனி நபரின் மூலம்தான் ஒரு குழுவாக மாறும்.

மனிதனின் சிந்தனையின் இலக்கு என்னவாக இருக்கின்றதோ அதைப் பொறுத்தே இறைவன் வழங்கும் சன்மானமும் வெகுமதியும் அமைகின்றது, மனிதன் ஏன் குறுகலாகவும் கோணலாகவும் தன்னுடைய சிந்தனையை ஓட்டிட வேண்டும்? இறைவன் விசாலமான நேர்வழியை காட்டித் தந்திருக்கும்போது மனிதன் ஏன் தன்னுடைய சிந்தனையை முடமாக்கி வெறுப்பையும் காழ்ப்புணர்வையும் வளர்த்துக் கொண்டு சண்டையிட்டு மடிய வேண்டும்?

Read more...
 
சுவனத்துத் தடாகம் ஹவ்ளுல் கவ்ஸரின் வர்ணனைகள் Print E-mail
Wednesday, 01 January 2014 07:20

சுவனத்துத்தடாகம் ஹவ்ளுல் கவ்ஸரின் வர்ணனைகள்

ஹவ்ளுல் கவ்ஸரைப் பற்றி விவரங்கள் ஹதீஸ்களில் நமக்குக் கிடைக்கிறது.

தேனை விட இனிப்பானது. பொதுவாக இயற்கையான தண்ணீர் இனிப்பாக இருக்கவே செய்யாது. இனிக்க வேண்டுமெனில் சீனி சேர்க்க வேண்டும். உப்பு குறைவாக இருக்கிற அல்லது உப்பே இல்லாத தண்ணீரை வேண்டுமானால் இனிப்பானது சுவையானது என்று சொல்லிக் கொள்ளலாமே தவிர, மற்றபடி எந்தத் தண்ணீரிலும் இனிப்பு இருக்காது.

"(மறுமையில் எனக்கு வழங்கப்படவிருக்கும் "அல்கவ்ஸர்' எனும்) எனது நீர்த் தடாக(த்தின் இரு கரைகளுக்கிடையேயான தூர)மானது, (தென் அரபகத்திலுள்ள) "அதன்' நகரத்திலிருந்து (வட அரபகத்திலுள்ள) "அய்லா' நகர(ம் வரையிலான தூர)த்தைவிட அதிகத் தொலைவுடையதாகும். அ(தன் நீரான)து, பனிக்கட்டியைவிட மிகவும் வெண்மையானது; பால் கலந்த தேனைவிட மதுரமானது. அதன் பாத்திரங்கள் விண்மீன்களின் எண்ணிக்கையைவிட அதிகமானவை.

ஒருவர் தமது நீர்த் தொட்டியை விட்டும் (பிற) மக்களின் ஒட்டகங்களைத் தடுப்பதைப் போன்று, நான் அந்தத் தடாகத்தை விட்டும் மக்கள் சிலரைத் தடுப்பேன்'' என்று அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறினார்கள்.

மக்கள், "அல்லாஹ்வின் தூதரே! அன்றைய தினம் (உங்கள் சமூகத்தாராகிய) எங்களை நீங்கள் அடையாளம் கண்டுகொள்வீர்களா?'' என்று கேட்டார்கள். அதற்கு அவர்கள், "ஆம்; வேறெந்தச் சமுதாயத்தாருக்கும் இல்லாத ஓர் அடையாளம் உங்களுக்கு இருக்கும். உளூ செய்ததன் அடையாளமாக(ப் பிரதான) உறுப்புகள் பிரகாசிப்பவர்களாய் என்னிடம் நீங்கள் வருவீர்கள். (அதை வைத்து உங்களை நான் அடையாளம் கண்டுகொள்வேன்)'' என்று கூறினார்கள். அறிவிப்பவர்: அபூஹுரைரா ரளியல்லாஹு அன்ஹு, நூல்: முஸ்லிம் 416,4609 4255)

Read more...
 
முஜாஹிர்களும் மன்னிப்பும் Print E-mail
Saturday, 07 April 2012 11:49

முஜாஹிர்களும் மன்னிப்பும்

[ أَبَى هُرَيْرَةَ يَقُولُ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ كُلُّ أُمَّتِي مُعَافًى إِلَّا الْمُجَاهِرِينَ وَإِنَّ مِنْ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلاً ثُمَّ يُصْبِحَ وَقَدْ سَتَرَهُ اللَّهُ عَلَيْهِ فَيَقُولَ يَا فُلَانُ عَمِلْتُ الْبَارِحَةَ كَذَا وَكَذَا وَقَدْ بَاتَ يَسْتُرُهُ رَبُّهُ وَيُصْبِحُ يَكْشِفُ سِتْرَ اللَّهِ عَنْهُ ]

உயிருக்குயிரான உயிரினும் மேலான சத்தியத்தூதர் ஸல்லல்லாஹு அலைஹிவஸல்லம் அவர்கள் கூறியதாக நபித்தோழர் அபூஹுரைரா அவர்கள் அறிவிக்கிறார்கள் "என் சமூகத்தில் அத்துணை பேருக்கும் மன்னிப்பு உண்டு ஆனால் முஜாஹிர்களைத்தவிர" முஜாஹிர்கள் என்பவர் யார் எனில் அவர் இரவில் ஒரு பாவச்செயலை செய்கிறார் பின் காலையில் எழுந்து மறுநாள் தன் முந்தின நாள் இரவில் செய்த காரியத்தை பகிரங்கப்படுத்துகிறார். இரவில் அவர் செய்ததை அல்லாஹ் மறைத்துவைத்திருந்தான் ஆனால் அவனோ அந்த திறையைக் கிழித்துவிட்டான்.

என் நண்பர் ஒருவரோடு வீதியில் நடந்துகொண்டிருந்தேன். அப்பொழுது அங்கு ஒரு கூட்டத்தினர் அமர்ந்து உரையாடிக்கொண்டிருந்தனர். அவர்களை நெருங்க நெருங்க அவர்களின் சம்பாஷணையில் சில வார்த்தைகள் என் காதில் விழ ஆரம்பித்தது. அதில் ஒருவர் தம் இளமைக்காலத்து சுய புராணத்தை வாசித்துக்கொண்டிருக்கிறார். தன் பாலிய வயதில் " விலைமாது " என்றால் யார்? என்று அறிய நாடி தான் அதில் பெற்ற அனுபவங்களை தன் சக நண்பர்களோடு பகிர்ந்துகொள்கிறார். அதை கேட்டு சுற்றி இருந்தவர்கள் சிரித்துக்கொண்டிருக்கிறார்கள்". திடுக்குற்று விழித்தேன்.

Read more...
 
நோயாளியைக் காணச் செல்பவன் சுவனப்பூங்காவில் இருப்பவன் போலாவான் Print E-mail
Friday, 10 February 2012 08:35

"நோயாளியைக் காணச் செல்பவன் சுவனப்பூங்காவில் இருப்பவன் போலாவான்"  

ஒருவன் நோயாளியைக் கானச்சென்று நலம் விசாரித்து வரும்வரை அவன் சுவனப் பூங்காவில் இருப்பவன் போலாவான் என்றும்,

அவனுக்கு எழுபதாயிரம் வானவர்களைக் கொண்டு இறைவன் நிழல் வழங்குவான் என்றும்,

அவன் எழுநூறு நாட்கள் நோன்பு நோற்ற பலனைப் பெறுவான் என்றும்,

அவன் காலையில் நோயாளியின் நலன் விசாரிக்கச் சென்றால் மாலைவரை அவனுக்காக வானவர்கள் இறைவனிடம் பாவமன்னிப்புக் கோருவர் என்றும்,

மாலையில் சென்றால் அடுத்த நாள் காலைவரை அவ்விதம் செய்வர் என்றும்,

அவன் நோயாளியின் நலம் விசாரிக்கத் தன் இல்லம் விட்டுப் புறப்பட்டுவிட்டால் அவனையும் நோயாளியையும் அல்லாஹ்வின் அருள் சூழ சூழ்ந்துகொள்ளும் என்றும்,

நோயாளி அர்ஷின் நிழலில் இருக்குங்கால் நலன் விசாரிக்கப் போனவர் ஹளீரத்துல் குதுஸெனும் இடத்திலிருப்பான் என்று நபி ஸல்லல்லாஹு அலைஹி வஸல்லம் அவர்கள் நவின்றார்கள்.

Read more...
 
தீவிர நோய்ப் பரவலின்போது மேற்கொள்ளப்பட வேண்டிய தனிமையிருப்பு Print E-mail
Tuesday, 31 March 2020 07:34

தீவிர நோய்ப் பரவலின்போது மேற்கொள்ளப்பட வேண்டிய தனிமையிருப்பு

[ பள்ளிவாசல்களில் ஜமாஅத் தொழுகைகள், ஜுமுஆ தொழுகை போன்றவை நடைபெறாமல் இருப்பது இப்போது கவலைக்குரிய ஒன்றாகப் பார்க்கப்படுகிறது.

இது, உணர்வு பூர்வமாகப் பார்த்தால் சரிதான். ஆயினும் அறிவு ரீதியாகப் பார்த்தால் இது குறித்துக் கவலை கொள்வதற்குச் சட்ட ரீதியாக எதுவுமில்லை. ]

    வழிகாட்டும் அமவாஸ் கொள்ளைநோய்     

அமவாஸ் என்பது இன்றைய ஃபாலஸ்தீனில் ஜெரூசலேமுக்கும் ரமல்லாவுக்கும் இடையே ஜெரூசலேமிலிருந்து சுமார் 30 கி.மீ. தொலைவிலிருந்த ஒரு சிற்றூர். 1967ஆம் ஆண்டில் நடந்த யூத ஆக்கிரமிப்பு அக்கிரமத்தால் அவ்வூர் மக்கள் துரத்தப்பட்டு வீடுகள் தகர்க்கப்பட்டன.

இன்று இந்தப் பெயரில் அப்படியொரு சிற்றூர் இல்லை.

Read more...
 
கொரோனா பரவியதன் உண்மையான வரலாறு என்ன? Print E-mail
Tuesday, 31 March 2020 08:03
Umar Sheriff Habibullah, பனோரமா சாரோவர் பொட்டிகோ-இல் நிறுவன மேலாளர் ]

கொரோனா வைரஸ் பற்றி இன்று நான் படித்து அதிர்ந்த தகவல்களை உங்களுக்கு தொகுத்து வழங்கி இருக்கிறேன் .

(வாட்டஸ் ஆப்பில் வந்த ஆங்கில கட்டுரையின் தமிழாக்கம் - மிகவும் ஆச்சர்யம் மற்றும் சுவாரசியம் நிறைந்தது)

Read more...
 
சோதனைகள் சக்திக்குட்பட்டே! Print E-mail
Sunday, 30 January 2011 11:09

சோதனைகள் சக்திக்குட்பட்டே!

மனிதர்களின் வாழ்க்கையில் சோதனைகள் என்பது அன்றாடம் நிகழக்கூடியதாகவே உள்ளது. முஸ்லிம்களின் செயல்கள் அனைத்தும் மறுமைக்காகவே உள்ளது. இவ்வுலக சோதனைகளில் மனமுடைந்து விடாமலிருக்க பின்வரும் குர்ஆன் வசனங்கள், ஹதீஸ்கள் உதவும்.

‘அல்லாஹ் எங்களுக்கு விதித்ததைத் தவிர எங்களுக்கு வேறு எதுவும் ஏற்படாது. அவன் எங்கள் அதிபதி. நம்பிக்கை கொண்டோர் அல்லாஹ்வையே சார்ந்திருக்க வேண்டும்’ என்று கூறுவீராக! (திருக்குர்ஆன் 9:51)

உங்களுக்கு முன் சென்றோருக்கு ஏற்பட்டது போல் உங்களுக்கும் ஏற்படாமல் சொர்க்கத்தில் நுழையலாம் என்று எண்ணிக் கொண்டிருக்கிறீர்களா? அவர்களுக்கு வறுமையும், துன்பமும் ஏற்பட்டன. அல்லாஹ்வின் உதவி எப்போது? என்று (இறைத்) தூதரும் அவருடன் உள்ள நம்பிக்கை கொண்டோரும் கூறுமளவுக்கு அலைக்கழிக்கப்பட்டனர் .கவனத்தில் கொள்க! அல்லாஹ்வின் உதவி அருகிலேயே உள்ளது. (திருக்குர்ஆன் 2:214)

நம்பிக்கை கொண்டோம் என்று கூறியதன் காரணமாக சோதிக்கப்படாமல் விடப்படுவார்கள் என மனிதர்கள் நினைத்து விட்டார்களா? அவர்களுக்கு முன் சென்றோரையும் சோதித்தோம். உண்மை பேசுவோரை அல்லாஹ் அறிவான். பொய்யர்களையும் அறிவான். (திருக்குர்ஆன் 29:2,3)

Read more...
 
உடல் நலம் – இனியாவது விழித்துக் கொள்வோம்! Print E-mail
Wednesday, 09 March 2011 08:29

[ இஸ்லாமானது வணக்க வழிபாடுகளுக்கும் சடங்கு சம்பிரதாயங்களுக்கும் மட்டுமே பொருந்தும். வாழ்க்கையின் தேவைகளை பூர்த்தி செய்யும் வல்லமை இஸ்லாத்திற்கு இல்லை என்ற மடமைத்தனம் முஸ்லிம்களிடம் மண்டிக் கிடக்கிறது. குறிப்பாக முஸ்லிம்களுக்கு வழிகாட்ட வேண்டியவர்களிடம் தான் இந்த எண்ணம் அதிகமாக உள்ளது.

மாறிப்போன உணவு மற்றும் வாழ்க்கை முறையினால் கடுமையாக பாதிக்கப்பட்டுள்ளவர்கள் பெண்கள் தான். இன்றைய தலைமுறை பெண்கள் ஏறக்குறைய 80 விழுக்காட்டினருக்கு இரத்த சோகை நோய் பிடித்துள்ளது.

மதரஸாக்களில் பயிலும் மாணவர்களுக்கு இன்றைய விவசாய முறையினால் ஏற்பட்டுள்ள பாதிப்புகளை சொல்லி விவசாயம், உணவு உற்பத்தி, சுகாதாரம், சுற்றுச்சூழல் தொடர்புடைய விவகாரங்களில் இஸ்லாத்தின் வழிகாட்டுதல்கள் மற்றும் அரசின் செயல்திட்டங்கள் குறித்து மிக நுட்பமாக போதிக்கப்பட்டு மக்களிடம் விழிப்புணர்வு ஏற்படுத்திட பயிற்றுவிக்க வேண்டும்.

இன்றைய நவீன உலகில் மக்களின் வாழ்க்கை முறையை பெருமானார் நபிகள் நாயகம் ஸல்லல்லாஹு அலைஹி வஸல்லம் அவர்களின் வாழ்க்கை முறையோடு ஒப்பீடு செய்து மக்களுக்கு விழிப்புணர்வு ஏற்படுத்திட வேண்டும்.

நோய்களினால் தங்களது சொத்துக்களை இழந்து வரும் மக்களை மீட்டிட தயவு கூர்ந்து ஜமாஅத் நிர்வாகமும் ஆலிம்களும் சேர்ந்து பெருமானார் நபிகள் நாயகம் ஸல்லல்லாஹு அலைஹி வஸல்லம் அவர்களின் உணவு, மருத்துவம் ஆகியவற்றை மக்களிடம் விரிவாக பிரச்சாரம் செய்ய வேண்டும்.

எல்லாவற்றிக்கும் சரியான, முறையான, நேர்த்தியான தீர்வை தந்துள்ள இறைவனையும் இறைத்தூதரையும் பின்பற்றாமல், நடைமுறைப் படுத்தாமல் இருந்தது நமது குற்றம்.

காலம் கடந்து கொண்டிருக்கிறது என்பதை உணர்ந்து நாம் பணியாற்ற வேண்டும்.]

Read more...
 
சோதனைகள் உங்களுக்கு வராமலேயே சுவனத்தை அடையலாம் என எண்ணுகிறீர்களா? Print E-mail
Tuesday, 11 March 2014 07:16

சோதனைகள் உங்களுக்கு வராமலேயே சுவனத்தை அடையலாம் என எண்ணுகிறீர்களா?

[ திருவல்லிக்கேணியில் நடந்த பெண்கள் பயானில் சுரைய்யா ஆலிமா உரையில் இருந்து...]

அல்லாஹ் இந்த உலக வாழ்கையைச் சோதனைக் களமாக ஆக்கியிருக்கின்றான். இந்த உலகத்தில் வாழும் மக்களை நல்லவர்கள், கெட்டவர்கள் எனத் தரம் பிரித்துப் பார்க்க அனைவரையும் தன் சோதனைக்கு உட்படுத்துகின்றான். இச்சோதனைகளில், கடைசிவரை அவன் கட்டளைக்கு மாறு செய்யாமல் யார் பொறுமை கொள்கிறார்களோ அவர்களுக்கு நல்லடியார்கள் என சான்று பகர்ந்து மறுமையில் சொர்க்கத்தில் நுழையச்செய்வான்.

மனிதர்களில் பலர் இறை வணக்கத்தை சரியான முறையில் நிறைவேற்றுபவர்களாகவும், நல் அமல்கள் புரிபவர்களாகவும், தனிமையிலும் அல்லாஹ்வை அஞ்சக் கூடியவர்களாகவும் இருக்கலாம். இது போன்ற சூழலில் தமக்கு ஒரு இடர் வந்தால் அதைத் தாங்கிக் கொள்ளாமல் அல்லாஹ்வின் மீது அதிருப்தி காட்டுவது போல, தான் செய்து கொண்டிருக்கும் நல்ல செயல்களிலிருந்து பின்வாங்கி விடுகிறார்கள். இவர்கள் மனதில் ஷைத்தான் மிக எளிதில் ஊடுருவி மறுமையில் அவரை நரகத்தில் தள்ளிவிட அனைத்து ஏற்பாடுகளையும் செய்கிறான்.

அல்லாஹ் சிலர்களுக்கு மரணத்தை விதித்துச் சோதிக்கின்றான். சிலருக்கு செல்வங்களை பெருக்கியும் சிலருக்குச் செல்வங்களைக் குறைத்தும், சிலருக்கு நோயைக் கொண்டும், சிலருக்கு தாம் எதிர்பார்த்த விளைவுக்கு மாற்றமான முடிவைக் கொண்டும், சிலருக்கு உடலில் குறைபாடுகளுடனும் படைத்தும் பலவாறு சோதிக்கின்றான்.

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 99

99 Names Of Allaah

-         310 300nd

Links

Links 2

Best Article