வானங்களிலும் பூமியிலும் உள்ளவை அல்லாஹ்வின் தூய்மையை எடுத்துரைக்கின்றன. மேலும் அவன் வல்லவனும் நுட்பமான ஞானம் உடையவனும் ஆவான்

- அல்குர்ஆன் 57:1     

   
Home

Links 3

Dr.A.P.முஹம்மது அலி, I.P.S.(rd)

Link - 5



Link -7

bismillah1 (2)

அல்லாஹ்வை பார்க்கும் அந்நாளில்!

ப.ஜ.க.வின் பொம்மையும் ஸிலீப்பர் ஸெல்லும்! Print E-mail
Friday, 23 February 2018 07:37

ப.ஜ.க.வின் பொம்மையும் ஸிலீப்பர் ஸெல்லும்!

[   கமல், ரஜினி யி  ன் அரசியல் பிரவேசம் மக்கள் நலன் சார்ந்ததல்ல,  முழுக்க முழுக்க சுயநல, சந்தர்ப்பவாத அரசியல்!

ரஜினி, கமல் இருவருக்குமே அண்மையில் ஒரு மிகப்பெரிய சான்ஸ் கிடைத்தது. தமிழக அரசு சமீபத்தில் பேருந்துக் கட்டணத்தை உயர்த்தியது. அந்த நேரத்தில் இவர்கள் இருவருமே வாய் திறக்கவில்லை.

அரசியலுக்கு வருவதாக அறிவித்த பின்னரும், மக்கள் நேரடியாகப் பாதிக்கப்பட்ட நிலையிலும் அவர்கள் எந்தக் கருத்தையும் வெளியிடவில்லை. அப்படியென்றால், மக்கள் பிரச்னைகளில் இவர்கள் இருவருமே நேரடியாக நிற்க மாட்டார்கள் என்பதுதான் அர்த்தம். அது தெளிவாகத் தெரிந்து விட்டது.

எம்.ஜி.ஆரைப் பொறுத்தவரை, காங்கிரஸ்காரர் வீட்டில் தீப்பிடித்தாலும்கூட, தன் சொந்தப் பணத்தையோ, கட்சிப் பணத்தையோ உதவியாக வழங்குவார். பொதுமக்களிடம் ரஜினிக்கோ, கமலுக்கோ எந்தவிதத் தொடர்பும் இல்லை. எனவே, மக்கள் மத்தியில் இவர்கள் இருவருமே எடுபடப்போவதில்லை என்பதுதான் உண்மை.]

Read more...
 
சினிமா ஓழுக்கச்சீர்கேட்டின் கையேடு Print E-mail
Friday, 03 February 2017 08:42

சினிமா ஓழுக்கச்சீர்கேட்டின் கையேடு

1) சகோதரிகளாக பார்க்க வேண்டிய இளம்பெண்களை காதலிகளாக பார்க்க வைத்தது இந்த சினிமா.

2) பெற்றோர்களை எதிரிகளாக காட்டியது இந்த சினிமா.

3) திருட்டின் வகைகளை கற்றுகொடுத்தது இந்த சினிமா.

4) நகைச்சுவை என்ற போர்வையில் பொய்யை மனித பண்பாக மாற்றியது இந்த சினிமா.

5) இசையை கேட்போரின் மனங்களில் திணித்து சிந்தனையை பாவங்களின் பக்கம் திருப்பியது இந்த சினிமா

6) வன்முறையை ஹீரோயிசமாக காட்டியது இந்த சினிமா.

7) காதல் என்பதை புனிதமாக காட்டி பிஞ்சு மனங்களில் கூட நஞ்சை ஊட்டியது இந்த சினிமா.

Read more...
 
வெண்திரை வெளிச்சத்தில் வெந்து போகும் வெட்க உணர்வுகள் Print E-mail
Wednesday, 29 March 2017 09:15

வெண்திரை வெளிச்சத்தில் வெந்து போகும் வெட்க உணர்வுகள்

       எம். ஷம்சுல்லுஹா      

வெட்கம் என்பது மனித இனத்துடன் ஒட்டி ஒன்றிணைந்து பிறந்த ஓர் இயற்கை உணர்வாகும். எல்லாம் வல்ல அல்லாஹ் வெட்கத்தை மனிதனின் உணர்வுகளில் ஒன்றாகக் கலந்து படைத்ததன் விளைவாகத் தான் முதல் மனிதர்களான ஆதம், ஹவ்வா ஆகிய இருவரும் பொங்கி எழுந்த நாணத்துடன் தங்கள் மானத்தை சுவனத்தின் இலை தழைகளைக் கொண்டு மறைக்க விளைகின்றனர்.

''அவ்விருவரும் அம் மரத்தைச் சுவைத்த போது அவர்களின் வெட்கத்தலங்கள் அவர்களுக்குத் தெரிந்தன. அவ்விருவரும் சொர்க்கத்தின் இலையினால் தம்மை மூடிக் கொள்ள முயன்றனர்.'' (அல்குர்ஆன் 7:22)

மேலும் மண்ணுலகத்திற்கு மனிதனை இறக்கி வைத்து, அவனுக்கு மரியாதை தரக்கூடிய, அலங்காரமான ஆடையையும் சேர்த்தே இறக்கி வைத்ததாக அல்லாஹ் கூறுகின்றான்.

''ஆதமுடைய மக்களே! உங்கள் வெட்கத் தலங்களை மறைக்கும் ஆடையையும், அலங்காரத்தையும் உங்களுக்கு அருளியுள்ளோம்.'' (அல்குர்ஆன் 7:26)

மனிதனுக்கு ஆடை மானத்தை மட்டும் காக்கவில்லை! மரியாதையைப் பெற்றுத் தரும் அலங்காரமாகவும் அமைந்துள்ளது என்பதை இந்த வசனத்தில் இருந்து தெரிந்து கொள்கின்றோம். மானம் மனிதனுடன் ஒட்டிப் பிறந்ததன் பின்னணியாகத் தான் காட்டுவாசிகளாக இருந்தாலும் ஆண்கள் ஒரு முழ ஒட்டுக் கோவணத்தைக் கொண்டேனும் அதை மறைக்கத் தவறுவதில்லை.

பெண் வர்க்கம் இதைவிட கூடுதலாக மறைத்துக் கொள்கின்றது. நாடோடியிடம், காட்டுமிராண்டியிடம் ஒண்டி நிற்கும் இந்த வெட்க உணர்வுடன் ஈமானிய உணர்வும் சேர்கின்ற போது அது மேலும் மெருகேருகின்றது. ஈமான் இல்லாமல் அறியாமை எனும் உணர்வு வலுக்கின்ற போது இயற்கையிலேயே இருக்கின்ற வெட்கமும் அறுந்து போய் விடுகின்றது.

Read more...
 
தீமைகளுக்கு எண்ணெய் ஊற்றி வளர்க்கும் திரைப்படம் Print E-mail
Wednesday, 06 December 2017 07:37

Image result for banned cinema

தீமைகளுக்கு எண்ணெய் ஊற்றி வளர்க்கும் திரைப்படம்!

திரையுலக தீமைகளில் இருந்து தமிழகத்தைக் காப்போம்!

மற்ற எல்லா மாநிலங்களை விடவும் நம் தமிழகம் ஒரு விடயத்தில் மிகவும் மிஞ்சி நிற்கிறது. ஆனால் அது பெருமைப்படத் தக்கது அல்ல, மாறாக நமக்கு உலக அரங்கிலேயே தமிழினத்திற்கு இழிவைத் தேடித் தரும் விடயம் அது!

ஆம், ஒரு காலத்தில் தீண்டத் தகாதவர்கள் என்று தமிழினமே முத்திரை குத்தி வைத்திருந்த ஒரு கூட்டத்தை இன்று அவர்கள் திரையில் செய்யும் சாகசங்களை உண்மை என்று கருதி அவர்களை அனைத்து மக்களுக்கும் மேலே உயர்த்திவைத்து அழகுப்பார்க்கும் விந்தையே அது! பொறுப்பற்ற இந்த சமூகப் போக்கு கட்டுப்படுத்தப் படாததன் விளைவாக இன்று பல அபாயங்கள் நம்மை அலைகழித்துக் கொண்டிருக்கின்றன.

கலைச் சேவை என்ற பெயரில் திரை வழியாக ஆபாசத்தையும் காமவெறியையும் கொலைவெறியையும் விதைத்து சிறு குழந்தைகள் முதல் வயதானவர்கள் வரை அனைவரையும் வழிகெடுக்கும் பணியில் நடிக நடிகையர்கள், கதாசிரியர்கள், ஒளிப்பதிவாளர்கள், படத்தயாரிப்பாளர்கள், இயக்குனர்கள், விநியோகஸ்தர்கள் என ஒரு பெரும் படையே திரண்டு இயங்கி வருகிறது.

Read more...
 
ஒழுக்கமில்லாதவன் உயரமுடியும், ஆனால் அந்த உயர்வுகளில் நிலைத்திருக்க முடியாது! Print E-mail
Monday, 20 April 2015 07:26

உயிரினும் மேலான ஒழுக்கம்

[ கறைபடிந்த ஆசிரியர்கள் உருவாவதற்கு, ஒழுக்கத்தை உயிரினும் மேலாகக் கருதும் அக்கறை அற்றுப்போனதுதான் காரணம் என்று சொல்லும் அதே வேளையில், வக்கிரமத்தையும் செக்ஸையும் கட்டவிழ்த்து காமவெறியை மக்களிடம் ஊட்டிவளர்க்கும் டி.வி., சினிமாக்களே முக்கிய காரணம் என்பதை எவரும் மறுக்க முடியாது.]

மகன் அல்லது மகள் மதிப்பெண்களை அள்ளிக் குவிக்க வேண்டும். பள்ளி மற்றும் ஆசிரியர், இந்த மாயாஜாலத்தை நிகழ்த்த வேண்டும் என்பதே பெற்றோர் பெரும்பாலானோரின் எதிர்பார்ப்பு.கடந்த காலங்களில், மதிப்பெண்களுக்காக மட்டுமே பாடங்களைக் கற்றுத்தருபவர்களாக ஆசிரியர்கள் இருந்ததில்லை. பாடத்திட்டங்களைக் கூட முழுமையாக முடிக்க சிரமப்பட்டிருக்கின்றனர்.

பாடங்கள் இடையே இவர்கள் தரும் போதனைகள், சுவாரசியமானதாக இருக்கும். அதற்குள் நீதிநெறி ஒளிந்திருக்கும். அது பசுமரத்தாணி போல் மாணவர் மனதில் பதிந்துவிடும்.பாடங்களை விரைவாக முடித்து, மாணவர்களை மதிப்பெண் குவிக்க வைக்கும் இயந்திரங்களாக மாறிப்போனதால், ஆசிரியர்கள் மனரீதியான நெருக்கடியைச் சந்திக்கின்றனர்.

மாணவர்களுக்கு ஒழுக்கம், வாழ்க்கை நெறிகள் குறித்து விளக்கிக்கூற, ஆசிரியர்களுக்கு நேரமும் இல்லை. அதற்கான தகுதியைக் கூட ஆசிரியர்கள் பலர் பெற்றிருக்கவில்லை என்பதை ஒத்துக்கொண்டாக வேண்டும். ஆசிரியர்கள் கற்றுத்தருபவர்களாக மட்டும் இல்லாமல், அனைவருக்கும் முன்னுதாரணமாகத் திகழ்பவர்களாக இருக்க வேண்டும். ஆனால், மாணவர்களின் பெற்றோரே கூட, தற்போது ஆசிரியர்களிடம் இருந்து இதை எதிர்பார்ப்பதில்லை.

Read more...
 
இது தான் இன்று சில முஸ்லிம்களின் நிலை... Print E-mail
Monday, 23 January 2017 08:41

இது தான் இன்று சில முஸ்லிம்களின் நிலை...

மறுமையை மறந்து துன்யா மேல் மோகம் கொண்டு விட்டான்.

o அல்லாஹ் ஒரு நாளைக்கு 5 தடவை அழைக்கிறான். அது அவன் காதில் விழாது. யாரோ ஒருவரின் தொலைபேசி அழைப்பு ஒலி மட்டும் எப்படி தூக்கத்திலும் அவன் காதுக்கு கேட்டு விடும்.

o அல்லாஹ்வின் திருமறையை ஒரு நாளைக்கு ஒரு தடவையேனும் திறக்க நேரமில்லை. ஆனால் whatsapp, viber, Facebook, Twitter என அனைத்தையும் 24 மணிநேரமும் திறந்து வைத்திருக்குறான்.

o எவ்வளவோ அல்லாஹ்வுக்கு மாறு செய்திருப்பான். ஒரு தடவை கூட தவ்பா செய்ய மனம் நினைப்பது குறைவு. ஆனால் தவறுதலாக தட்டு பட்ட ஒருவரிடம் 10 தடவை மன்னிப்பு கேட்பான்.

o அல்லாஹ்வின் கட்டளையை நிறைவேற்ற அதிகாலை எழ மாட்டான். ஆனால் வேலை செய்யும் முதலாளியின் கட்டளைக்கு பயந்து அலாரம் வைத்து எழுவான்.

o அற்ப தொழில் நஷ்டத்துக்காக கைசேதப் படுவான். மறுமையில் கைசேதப் படப்போவதை எண்ண மாட்டான்.

Read more...
 
கெட்டவர் என்று எவரையும் ஒதுக்காதீர்கள் Print E-mail
Tuesday, 20 September 2016 07:38

கெட்டவர் என்று எவரையும் ஒதுக்காதீர்கள்

[ நபி ஸல்லல்லாஹு அலைஹி வஸல்லம் அவர்கள் யாரையும் கெட்டவர் என ஒதுக்கவில்லை. அவர்கள் செய்த சேவையே கெட்டவர்களை நல்லவர்களாக்கியதுதான். நபி ஸல்லல்லாஹு அலைஹி வஸல்லம் அவர்களின் அறிவுரையால் குடிப்பவர் குடியை விட்டார். பெண் குழந்தை   பிறந்தால் அதனை அப்பொழுதே கொன்றவர் அந்த கொடிய பழக்கத்திலிருந்து மீண்டார். இவைகளெல்லாம் மருந்து கொடுத்து மாற்றிய நிகழ்வு அல்ல. நபி ஸல்லல்லாஹு அலைஹி வஸல்லம் அவர்களின் போதனைகளின் விளைவுதான்.]

ஏன் சிலர் நல்லவர்களாகவும் மற்றவர்கள் கெட்டவர்களாகவும் இருக்கின்றார்கள். இது விதியா? பிறப்பினால் வந்ததா? அல்லது வியாதியா? சிலர் நல்லவர்களாகவும் மற்றவர்கள் கெட்டவர்களாகவும் காரணங்கள் உள்ளனவா என்ற சிந்தனை நமக்கு விடை கிடைக்க உதவலாம். அதற்கு ஏதாவது சிகிச்சை உள்ளதா என்பதிலும் நமக்குள் ஓர் ஆய்வு தேவையாகலாம்.

நல்லவர்கள் நல்லவர்களாக தொடர்ந்து இருப்பார்களா? இதனையும் நாம் சிந்திக்க வேண்டும்.

நல்லவனாவதும் கெட்டவனாவதும் இறைவன் வசம்தான் உள்ளது என்று அனைத்து பொறுப்பையும் அதன் பாரத்தையும் இறைவன் மீது போட்டு தப்பிக்க முயல்வது இயலாமையைத்தான் காட்டுகின்றது.

Read more...
 
திட்டமிட்டு செய்யும் துரோகம், பண்பாட்டுச் சிதைவு! Print E-mail
Sunday, 26 October 2014 17:39

திட்டமிட்டு செய்யும் துரோகம், பண்பாட்டுச் சிதைவு!

[ திரைப்படங்களில் எண்ணற்ற புரட்சி(!) செய்பவர்கள் நிஜ வாழ்க்கையில் ஏன் அரசுக்கு ‘காக்கா’ பிடிப்பவர்களாகவே இருக்கின்றனர், ‘கற்பு’, தமிழ் பண்பாடு என்று வகுப்பெடுக்கும் இவர்கள் ஏன் சக நடிகையின் உடலை எந்த தார்மீக அறமுமின்றி கையாள்கிறார்கள் என்று மக்கள் இவர்களை நோக்கி கேள்விகள் எழுப்ப வேண்டும்.

மனித மனமானது உணர்ச்சி மிகுந்த புலன்களால் ஆனது என்று சொல்லவும் தேவையில்லை, அது ஒவ்வொரு புலன்களின் வாயிலாக கற்கிறது, உணர்கிறது, செயல்படுகிறது. ஒலி ஒளி என்பது மிகுந்த சக்தி வாய்ந்த ஓர் ஊடகம் அதன் வாயிலாக ஏற்றிவைக்கப்படும் கருத்துக்கள் விளைவுகள் கொண்டவை என்பதற்கு மாற்று கருத்து இருந்துவிட முடியாது. 

ஆண்மை பெண்மை பற்றி இவர்கள் பரப்பும் கருத்துரைகள் சமூக முன்னேற்றத்தில், சிந்தனை வளர்ச்சிப் பாதையில் முடக்காக இருக்கிறது. பெண் விடுதலைப் பாதையில் பெருத்த முட்டுக்கட்டையாக இருப்பது திரைப்படங்களே, பெண்களைப் பாலியல் பண்டமாய் பயன்படுத்தி மேலும் மேலும் பாலியல் வக்கிரங்களை விதைத்துக்கொண்டே இருக்கிறார்கள், அது பெண்களுக்கெதிரான வன்முறையாய் நிமிடத்திற்கு நிமிடம் கூடிக்கொண்டேயிருக்கிறது.

‘தமிழ்’ பண்பாட்டின் படி ஒரு பெண் முழுக்கப் போர்த்தியவளாகவல்லவா இருக்க வேண்டும்? மேலே ஓர் அங்குலமும், கீழே ஓர் அங்குலமும் மட்டுமே உடையாக கொடுத்து பெண்களின் உடலைக் காட்சிப்பொருளாக்கும் முதலாளிகளை எதிர்த்து பொதுநல அமைப்புகள் இதுவரை என்ன செய்திருக்கின்றன?]

Read more...
 
கையில் வெண்ணையை வைத்துக் கொண்டு.... Print E-mail
Tuesday, 04 April 2017 08:29

கையில் வெண்ணையை வைத்துக் கொண்டு....

இந்த இருபத்தொன்றாம் நூற்றாண்டு என்பது பிரச்னைகளின் உலகமாக (world of problems) மாறி விட்டிருக்கின்றது.

எந்த ஒரு பிரச்னையை எடுத்துக் கொண்டாலும் அது தீர்க்கப்படவே முடியாத சிக்கலாக (crisis) மாறி மனித சமூகத்தை அலைக்கழித்துக் கொண்டிருக்கின்றது.

ஆனால் புதிய தலைமுறை ஒன்று முளைத்து வந்து இதோ பிரச்னைகளுக்கு நாங்கள் தீர்வு சொல்கிறோம் என்று புறப்பட்டு வந்து கொண்டிருக்கின்றது.

Critical thinking, creative thinking, lateral thinking, complex thinking, - என்று புதுப்புது வழிமுறைகளை எல்லாம் கையிலெடுத்துக் கொண்டு களத்தில் இறங்கியிருக்கின்றது இந்தப் புதிய தலைமுறை!

Read more...
 
நாம் என்ன செய்ய வேண்டும்? Print E-mail
Friday, 09 December 2016 08:35

நாம் என்ன செய்ய வேண்டும்?

      மக்தூம் தாஜ், சென்னை      

நம்மைச் சுற்றி என்ன நடந்து கொண்டிருக்கிறது?

ஏன் நடந்து கொண்டிருக்கிறது?

இந்த ஆட்சியாளர்களின் திட்டம்தான் என்ன?

முஸ்லிம்களை எதிர்ப்பவர்களே ஆட்சிக்கட்டிலில் அமர்கிறார்களே?

தொடர்ந்து முஸ்லிம்களுக்கு ஏன் இத்துணைப் பிரச்னைகள்?

முஸ்லிம்கள் நிம்மதியாக வாழ முடியாதா?

பயங்கரவாதிகள், பிற்போக்குவாதிகள், மதவெறி பிடித்தவர்கள், மதமாற்றம் செய்பவர்கள், மததுவேசத்தை பரப்புபவர்கள், தேசதுரோகிகள் என்றெல்லாம் முஸ்லிம்களின் மீது அடுக்கடுக்காக பழிகள் சுமத்தப்படுகிறதே!

இஸ்லாமிய நாடுகளிலும் கூட குழந்தைகள், பெண்கள், தாய்மார்கள், இளைஞர்கள், முதியவர்கள் கொல்லப்படுகிறார்களே? பள்ளிவாசல்கள் இடிக்கப்படுகிறதே? வீடுகள் அழிக்கப்படுகிறதே? குண்டு மழைகள் கொத்துக்கொத்தாக இறக்கப்படுகிறதே? முஸ்லிம்கள் தொடர்ந்து சோதனைக்கு உள்ளாக்கப்படுகிறார்களே? இவ்வாறு ஒவ்வொருவரின் உள்ளத்திலும் கேள்விக் கனைகள் பாய்ந்து கொண்டிருக்கிறது. இதற்கெல்லாம் என்ன பதில்? இப்பொழுது சொல்லுங்கள் “நாம் என்ன செய்ய வேண்டும்?”

இந்த பூமியில் அன்பை விதைத்து, அமைதியை வளர்த்து, சகோதரத்துவத்தை சுவைத்து, மனிதநேயத்தை மிளிர்த்து அல்லாஹ்வையும் அவனது தூதரையும் அகிலத்திற்கு அறிமுகம் செய்து அல்லாஹ்வின் ஆட்சியை பூமிக்கு பறைசாற்ற வேண்டிய சமுதாயம் இன்று அரக்கர்களின் கையில் ஆட்சியை பறிகொடுத்திருக்கிறது. உலகத்தை ஆள வேண்டிய முஸ்லிம்கள் இன்று அழ வேண்டிய தருணத்திற்கு தள்ளப்பட்டிருக்கிறார்கள்.

Read more...
 
நீங்கள் தேடும் 'புதையல்' உங்களுக்குள்ளேயே உள்ளது! Print E-mail
Saturday, 26 November 2016 07:29

நீங்கள்தேடும் 'புதையல்' உங்களுக்குள்ளேயே உள்ளது!

அது ஒரு பசுமை நிறைந்த பள்ளத்தாக்கு, ஓங்கி உயர்ந்த மரங்கள், அவற்றின் கீழ் கூட்டங் கூட்டமாக ஆட்டு மந்தைகள், கட்டுப்பாடற்று மேயும் சுகம், அதிலே லயித்து மேய்ந்து கொண்டிருந்த ஆட்டு மந்தையினூடே வழி தவறி வந்த பச்சிளம் சிங்கக்குட்டி ஒன்று சேர்ந்து கொண்டது. தன்னையும் ஒரு ஆடென்று நினைத்து ஆடுகளோடு ஆடாக அதுவும் சேர்ந்து வளர்ந்து கொண்டிருந்தது.

அது ஒரு அந்தி மயங்கும் வேளை தூரத்திலிருந்து சிங்கத்தின் கர்ஜனை காற்றிலே மிதந்து வந்தது. அடுத்து வந்த வலுவான கர்ஜனை பள்ளத்தாக்கில் எதிரொலித்தது. ஆடுகளுக்கு இறைவன் வழங்கிய விழிப்புணர்வு அவற்றை சிலிர்க்க வைத்தது. அச்சத்தோடு அவை தலையை நிமிர்த்தி அங்கும் இங்கும் பயத்தோடு பார்வை சுழற்றிய காட்சி சிங்கக் குட்டியின் மனதில் ஒரு கிலுகிலுப்பை ஏற்படுத்தியது.

என்னாலும் இப்படி கர்ஜிக்க முடியுமோ? அதன் உள்ளுணர்வு முடியும் கர்ஜித்துப்பார் எனக்கட்டளையிட, ஐயப்பாட்டோடு அது தணிந்த குரலில் கர்ஜித்துப் பார்த்தது. அதே கர்ஜனை தான் மீண்டும் அது ஓங்கிக் குரல் எழுப்ப சுற்றி நின்ற ஆட்டு மந்தை ஓட்டம் பிடித்தது. சிங்கக்குட்டி கர்ஜனை வந்த திசை நோக்கி ஓடிச் சென்று தன் கூட்டத்தோடு சேர்ந்து கொண்டது.

Read more...
 
இளைஞர்களது ஆளுமை விருத்தியும், எதிர்காலத்திற்கான ஆயத்தமும் Print E-mail
Wednesday, 23 November 2016 07:13

இளைஞர்களது ஆளுமை விருத்தியும், எதிர்காலத்திற்கான ஆயத்தமும்

ஒரு சமூகம் பெற்றுள்ள பௌதீக வளங்கள், ஏனைய செல்வங்களை விட அதன் மனித வளமே ஒரு சமூகத்தின் நிலைபேறு, வளர்ச்சி, முன்னேற்றத்திற்கான அடிப்படை ஆதாரங்களுள் ஒன்றாக விளங்குகின்றது.

ஒரு சமூகத்தின் பௌதீக வளங்கள் முற்றிலும் அழிக்கப்பட்டு, நிர்மூலமாக்கப்பட்ட நிலையில்கூட, எஞ்சியுள்ள அதன் சிறிய மனித வளத்தை உரிய முறையில் பயன்படுத்தி, அந்த இழப்பை ஈடுசெய்து ஒரு சமூகமோ, நாடோ முன்னேற்றமும், வளர்ச்சியும் அடைய முடியும் என்பதற்கு ஜப்பான் நாடு ஒரு சிறந்த உதாரணமாகும்.

இரண்டாம் உலகப் போரில் ஜப்பானின் பௌதிக வளங்கள் முற்றிலும் அழிக்கப்பட்ட நிலையில் அதன் மனித வளத்தை உரிய முறையில் பயன்படுத்தி அந்நாடு மிகக் குறுகிய காலப் பிரிவில் வியத்தகு வளர்ச்சியைக் கண்டது.

ஒரு சமூகத்தின் மனித வளத்தின் மிக முக்கிய அங்கமாக இளைஞர்கள் உள்ளனர். இளமை என்பது மனித ஆளுமையின் வளர்ச்சியில் ஒரு முக்கிய காலகட்டமாகும். மனிதனின் உடலும் உள்ளமும் பலமும் உறுதியும் பெற்றுள்ள, துடிப்பும் உற்சாகமும் உத்வேகமாக செயல்படுகின்ற, எதிர்காலத்தைப் பற்றி இலட்சியக் கனவுகள் காணுகின்ற உணர்வும், துடிப்புமிக்க பருவமாக இளமை உள்ளது.

அல்-குர்ஆன் பல்வேறு சந்தர்ப்பங்களில் இளைஞர்கள் பற்றியும், அவர்களது செயல்பாடுகள் பற்றியும் குறிப்பிடுகின்றது: ‘அவர் இளைஞராக இருக்கும்போதே நாம் அவருக்கு ஞானத்தை வழங்கினோம்’ (அல்-குர்ஆன் 21: 12)

-என யெஹ்யா அலைஹிஸ்ஸலாம் அவர்கள் இளைஞராக இருக்கும்போதே அவருக்கு நபித்துவப் பணியைச் சிறப்பாக மேற்கொள்ள அவசியமான அறிவுஞானத்தை வழங்கியதைக் அல்-குர்ஆன் குறிப்பிடுகின்றது.

Read more...
 
நேரில் வந்து அழைத்தால் தான் மரியாதையாம்! Print E-mail
Monday, 17 October 2016 07:40

நேரில் வந்து அழைத்தால் தான் மரியாதையாம்!

      S.A. மன்சூர் அலி, நீடூர்     

ஒரு திருமணம். உறவினர்களை அழைத்திட வேண்டும். ஆனால் அவர்களின் உறவினர்கள் ஒவ்வொருவரும் ஒவ்வொரு ஊரில்!

என்ன செய்கிறார்கள் நம்மவர்கள்? கார் ஒன்றை எடுத்துக் கொண்டு ஊர் ஊராகச் சென்று வீடு வீடாக ஏறி இறங்கி திருமணத்துக்கு அழைக்கிறார்கள். பல ஆண்டுகளாக இதுவே வழக்கமாக இருந்து வருகிறது.

மயிலாடுதுறையில் திருமணம் என்று வைத்துக் கொள்ளுங்கள்.

காரைக்கால் நாகூர் வரை ஒரு மார்க்கம். சீர்காழி சிதம்பரம் வரை இன்னொரு மார்க்கம். ஆடுதுறை கும்பகோணம் வரை இன்னொரு மார்க்கம். பூந்தோட்டம் திருவாரூர் என்று இன்னுமொரு மார்க்கம்.

இதில் வேடிக்கை என்னவென்றால் இந்த மார்க்கங்களுக்கெல்லாம் கட்டுப்படாத ஊர்களில் உறவினர்கள் இருந்தால் – ஒரு நாளைக்கு ஒரு ஊர் என்று அலைந்து திரிகிறார்கள் பெற்றவர்கள்.

Read more...
 
பகட்டுத் திருமணம் பரக்கத்தை மறுக்கும் பணக்கார வர்க்கம் Print E-mail
Tuesday, 30 September 2014 06:52

பகட்டுத் திருமணம் பரக்கத்தை மறுக்கும் பணக்கார வர்க்கம்

[ குறைந்த செலவில் நடத்தப்படும் திருமணமே அதிகம் பரகத் நிறைந்ததாகும்'' என்று நபிகள் நாயகம் ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: ஆயிஷா ரளியல்லாஹு அன்ஹா, நூல்: அஹ்மத் 23388)

திருமண விஷயத்தில் மார்க்கம் கூறுகின்ற வழிமுறைகளைப் பேணி எளிமையாக நடத்துவதற்குத் தவ்ஹீதுவாதிகள் முன்வர வேண்டும். இந்தத் திருமண விஷயத்தில் தடம் புரண்டவர்கள் தவ்ஹீதை விட்டே தடம்புரண்டு போயிருக்கின்றார்கள்.

"கோபுரத்தில் வாழ்கின்ற பணக்காரர்களின் ஆடம்பரத் திருமணத்தில் வசூல் செய்யப்படும் இந்த வரிப்பணம் குடிசையில் வாழ்கின்ற ஏழையின் திருமணச் செலவுக்குத் திருப்பி விடப்படும்' என்றும் கர்நாடக அரசு தெரிவித்துள்ளது.

"கொழுத்த பணக்கார வட்டம் நகர்ப் பகுதிகளில் திருமணக் கூடங்களில் பணத்தை வாரியிறைத்து, தங்கள் பணத்திமிரை வெளிப்படுத்துகின்றனர். இதைப் பார்க்கின்ற கிராமப்புற ஏழை மக்கள் அந்தப் பணக்காரர்களை அப்படியே பின்பற்றி அதுபோன்று ஆடம்பரத் திருமணங்களை நடத்துகின்றனர். இருவருக்கும் உள்ள வித்தியாசம் பணக்கார வர்க்கம் தங்களிடம் உள்ள மிதமிஞ்சிய காசு பணத்தைச் செலவழித்து திருமணத்தை நடத்துகின்றது. ஏழை வர்க்கத்தினர் தங்களிடம் உள்ள அசையும், அசையாச் சொத்துக்களை விற்று அல்லது கடன் வாங்கி செலவு செய்து திருமணத்தை நடத்துகின்றனர். அதாவது கண்ணை விற்று சித்திரம் வாங்குகின்றனர். ஒரு வேளைச் சோற்றுக்கு உணவில்லாமல் எத்தனையோ பேர் வாடுகின்றனர். ஆனால் இவர்களோ ஒரு கல்யாண அழைப்பிதழில் ஏழாயிரம் ரூபாயைக் காலி செய்கின்றனர்'' என்று கர்நாடக சட்ட அமைச்சர் டி.பி. ஜெயச்சந்திரா தெரிவிக்கின்றார்.]

Read more...
 
முஸ்லிம்களும் மனிதர்கள் தான்! Print E-mail
Saturday, 31 December 2016 09:06

முஸ்லிம்களும் மனிதர்கள் தான்!

வகுப்பறையில் ஆசிரியர் எதுவும் எழுதப்படாத கரும்பலகையில் ஒரு இடத்தில் மட்டும் புள்ளி வைத்து மாணவர்களை நோக்கி இந்த போர்ட்டில் என்ன தெரிகிறது? என கேட்டார்.

உடனே மாணவர்கள் அனைவரும் ஒருமித்த குரலில் ஒரு வெண்புள்ளி தென்படுவதாக கூறினர்.

சில வினாடிகள் மௌனித்த ஆசிரியர், ''பார்த்தீர்களா.. இவ்வளவு பெரிய போர்ட்டில் ஒரு சிறுப்புள்ளியை தவிர மற்ற எல்லா இடங்களும் கருப்பாக காட்சியளிக்கிறது. ஆனால் அவ்வளவு பெரிய பரப்பளவை யாரும் கண்டுக்கொள்ளாமல் சிறிதாய் தென்படும் ஒரு புள்ளியை மட்டும் சொல்கிறீர்களே!'' என மாணவர்களின் மாற்று சிந்தனையை தூண்டினார்.

உண்மைதான்! அந்த மாணவர்களை போல தான் நம்மில் பலர் பல விசயங்களை புரிந்து வைத்திருக்கிறோம். நமக்கு ஆராய அவகாசமில்லாத எந்த செயலையும் அது எதிர்மறையாக இருப்பீனும் கூட இந்த சமூகத்தின் பெரும்பான்மை கூறும் கருத்துகளோடே உடன்படுகிறோம். அப்படியானவைகளில் ஒன்றாய் இன்று இஸ்லாமும்- முஸ்லிம்களும் ஆகி போனது தான் நாம் கவனிக்க தவறிய ஒன்று!

Read more...
 
மவ்லவிகளின் இம்மை மறுமை சீர்பட மாற்றுத் திட்டம் என்ன? Print E-mail
Saturday, 12 August 2017 07:30

Image may contain: one or more people and text

மவ்லவிகளின் இம்மை மறுமை சீர்பட மாற்றுத் திட்டம் என்ன?

[ மார்க்கப்பணி புரிந்த   நபிமார்கள் அனைவரும்   உழைத்தே உண்டார்கள் ]

பெரும்பாலான பள்ளிகளில், பணம் படைத்தவர்கள் என்ற ஒரே காரணத்தால், வேறு எந்த தகுதியும் இல்லாத மார்க்க அறிவற்ற, ஹராம், ஹலால் பேணாதவர்களே,   தொழுகைக்காகப் பள்ளி பக்கம் வராதவர்களே நிர்வாகிகளாக   நியமிக்கப்படுகின்றனர்.

அவர்களின் அதிகார மமதைக்கு அடிபணிந்து செத்த ஆட்டை அறுத்த கதை,  வட்டிக் கடைளுக்கும், சினிமா கொட்டகைகளுக்கும், சூதாட்ட லாட்டரி கடைகளுக்கும் ஃபாத்தியாக்கள் ஓதிய கதைகளும் உண்டு.

மவ்லவிகளும், உலமாக்கள் சபைகளும் ஆத்திரமோ அனுதாபமோ இல்லாமல், நடுநிலையோடு, அல்லாஹ்வை பயந்து உண்மை நிலையை கண்டறிந்து ஏற்றுக் கொள்ள முன்வர வேண்டும்.

மனாருல் ஹுதா ஜூலை 2007 இதழ் பக்கம் 15-ல் ஹலால்-ஹராம்:3 வரிசையில் ஹலாலான உழைப்பின் சிறப்பு என்ற தலைப்பில் சகோ. M.முஹம்மது இப்றாஹீம் பாக்கவி அழகான ஆக்கம் ஒன்றை எழுதியுள்ளார்கள்..

அதில் ''மார்க்கப்பணி புரிந்த நபிமார்கள் அனைவரும் உழைத்தே உண்டார்கள். அது மட்டுமல்ல; அறிஞர்களும், வணக்கசாலிகளும் தமது வாழ்க்கையின் ஓர் அங்கமாக உழைப்பை ஆக்கிக் கொண்டனர் என்று எழுதுவதோடு, எண்ணற்ற இடங்களில் இக்கருத்து குர்ஆன்-ஹதீஸ்களில் வலியுறுத்தப்படுகிறது'' என்றும் எழுதியுள்ளார்கள்..

ஆனால் கைசேதம்! இவை அனைத்தும் ஊருக்கு உபதேசம் என்ற நிலையில் இருக்கிறதே அல்லாமல், மவ்லவி வர்க்கம் தங்களின் இழி நிலையை எண்ணிப்பார்ப்பதாயில்லை.

Read more...
 
மதரஸாக்களின் வீழ்ச்சி! அவமானங்களை சுமக்கத் தயாராகும் முஸ்லிம்கள்!! Print E-mail
Friday, 19 August 2016 11:13

மதரஸாக்களின் வீழ்ச்சி! அவமானங்களை சுமக்கத் தயாராகும் முஸ்லிம்கள்!!

     CNM Saleem    

[  மார்க்கத்தின் வளர்ச்சியே எங்களின் உயிர் மூச்சு என்று வாழ்ந்த அன்றைய முதிர்ந்த உலமாக்களின் தியாகம் இவை அனைத்தையும் இன்றைய முஸ்லிம் சமூகம் வீணடித்து அவமானப்படுத்தி வருகிறது.

உயிர் வாழும் வரை வளர்த்தெடுக்க வேண்டியதும் உயிரைக் கொடுத்தாவது காப்பாற்றப்பட வேண்டியதுமான இந்த அரபு கலாசாலைகளை முஸ்லிம்கள் தங்களின் அலட்சியத்தாலும், அறியாமையாலும், குறுகிய மனப்பான்மையினாலும் படிப்படியாக மூடு விழா நடத்தும் அநியாயத்தை அரங்கேற்றி வருகின்றனர்.

முஸ்லிம் சமூகம் சொந்த செலவில் சூன்யம் வைத்துக் கொண்டு வருகிறது.

மன்னிக்க முடியாத இந்த வரலாற்றுப் பிழைக்கு பல உலமாக்களும் சமூக ஆர்வலர்களும், மாநில உலமா சபையயும் சாட்சியாக இருக்கின்றனர்.]

Read more...
 
ஒழுக்கம் இல்லாத சமூகமாக மாறி வருகிறோமா...? Print E-mail
Saturday, 20 January 2018 07:53

ஒழுக்கம் இல்லாத சமூகமாக மாறி வருகிறோமா...?

       காதிர் மீரான் மஸ்லஹி       

அல்லாஹ்வையும் ரசூலையும் ஈமான் கொண்டு நமது உயிரினும் மேலான மன்னர் பெருமான் நபி ஸல்லல்லாஹு அலைஹி வஸல்லம் அவர்கள் காட்டிய வழியில் வாழ வேண்டிய நாம் தற்போது எப்படி வாழ்ந்து கொண்டு இருக்கிறோம்.

முன்மாதிரியாக வாழ வேண்டிய நம் இஸ்லாமிய சமுதாயம் தற்போது எப்படிப்பட்ட சமுதாயமாக உருவாகிக் கொண்டிருக்கிறது.

காலையில் ஏழு மணிக்கு மதரஸா சென்ற சமுதாயம் இன்று ஸ்கூல் வாகனத்திற்காக காத்து நிற்கிறது.

அன்பார்ந்தவர்களே..! குர்ஆன் ஓத மதரஸா செல்லாத ஒரு சமூகம் உருவாகிக் கொண்டிருக்கிறது.

மாலையில் வீட்டில் குர்ஆன் ஓதிய எமது சமூகம் - இன்று ட்யூஷன் சென்று கொண்டிருக்கிறது.

பன்பானவர்களே..! குர்ஆன் ஓதத் தெரியாத ஒரு சமூகம் உருவாகிக் கொண்டிருக்கிறது.

பள்ளிக்கூடம் விட்டதும் நம் சமூகம் - இன்று தெரு முனைகளில் பலர்சூழ அரட்டையில் மூழ்குகிறோம்.

கண்ணியமானவர்களே..! இஸ்லாம் தெரியாத ஒரு சமூகம் உருவாகிக் கொண்டிருக்கிறது.

Read more...
 
கருத்து வேற்றுமை வரும் போதெல்லாம்... Print E-mail
Wednesday, 17 January 2018 07:44

Image may contain: text

கருத்து வேற்றுமை வரும் போதெல்லாம்....

وَلَا يَجْرِمَنَّكُمْ شَنَآنُ قَوْمٍ أَن صَدُّوكُمْ عَنِ الْمَسْجِدِ الْحَرَامِ أَن تَعْتَدُوا ۘ وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّـهَ ۖ إِنَّ اللَّـهَ شَدِيدُ الْعِقَابِ ﴿٢﴾

முதல் முறையாக குர்ஆனை பொருள் உணர்ந்து ஓதிய போது, என்னை ஆட்டிப்படைத்த வசனங்களுள் பின்வருவதும் ஒன்று.

"இன்னும் நன்மையிலும், பயபக்தியிலும் நீங்கள் ஒருவருக்கொருவர் உதவி செய்து கொள்ளுங்கள். பாவத்திலும், பகைமையிலும் நீங்கள் ஒருவருக்கொருவர் உதவி செய்து கொள்ள வேண்டாம்" (குர்ஆன் 5:2)

எந்த அளவுக்கு இந்த வசனம் ஆட்கொண்டது என்றால், எப்போது கேட்டாலும் அத்தியாயம் மற்றும் வசன எண்னை சொல்லும் அளவு உடனடியாக மனதில் பதிந்து போனது. இந்த வசனம் அப்படியான பாதிப்பை ஏற்படுத்த இன்னொரு காரணமும் உண்டு. அது இவ்வசனத்திற்கு முன்பாக வரும் மற்றொரு வசனம். அவ்வசனம்,

"மேலும் புனித மஸ்ஜிதை விட்டும் உங்களைத் தடுத்த கூட்டத்தினர் மீதுள்ள வெறுப்பானது, நீங்கள் வரம்பு மீறுமாறு உங்களைத் தூண்டி விட வேண்டாம்" (குர்ஆன் 5:2)

Read more...
 
ஐரோப்பிய நாடுகளில் அதிகரித்து வருகின்ற ஆண்களின் தற்கொலை! Print E-mail
Sunday, 14 January 2018 08:26

Image may contain: text

ஐரோப்பிய நாடுகளில் அதிகரித்து வருகின்ற ஆண்களின் தற்கொலை!

       கத்தியின்றி ரத்தமின்றி கொலை       

ஐரோப்பிய நாடுகளில் அதிகரித்து வருகின்ற ஆண்களின் தற்கொலை, இயற்கை இறப்புக்களுக்கு அவர்களின் மனைவி, பிள்ளைகளே காரணம் எனக் குற்றச்சாட்டுக்கள் வலுவாக அதிகரித்து வருகின்றது. கத்தியின்றி, இரத்தமின்றி கொலை நடைபெறுகின்றது என பெண்களில் பழி போடப்படுகின்றது.

இக்கட்டுரை இது பற்றிய ஆய்வுக்குட்படுகிறது. ஐரோப்பிய நாடுகளில் பிறந்து வளருகின்ற ஆண்பிள்ளைகள்; பற்றிய கணிப்பீடு இக்கட்டுரையில் இடம்பெறவில்லை.

ஆண்களின் இறப்பு வீதம் ஐரோப்பிய நாடுகளில் அதிகரித்துக்கொண்டு போவது தற்பொழுது கவலைக்குரிய விடயமாகக் காணப்படுகின்றது. இலங்கையிலிருந்து 90 சதவீத பெண்கள் திருமணம் செய்து, அல்லது திருமணம் செய்வதற்காக ஐரோப்பிய நாடுகளுக்குக் குடி புகுந்த பெண்களாகவே காணப்படுகின்றனர். இவர்களில் அதிகமானவர்கள் கல்வியறிவு குறைந்தவர்களாகவே காணப்படுகின்றனர்.

வீட்டுச் சூழலில் அடங்கி ஒடுங்கி வாழ்ந்தவர்களுக்கு திடீரெனக் கிடைக்கின்ற சுதந்திரம் அவர்களுக்கு கட்டுக்கடங்காத சுதந்திரத்தை அளிக்கின்றது. இதைவிட முற்றுமுழுதாக பெண்களிடமே பழி போட்டுவிட முடியாது. தனிமையில் இந்நாடுகளில் வாழ்ந்த ஆண்கள் பொழுதுபோக்குக்காக நண்பர்களுடன் குடிக்க ஆரம்பித்துப் பின் குடிக்கு அடிமையாகிவிடுகின்றனர். தமது இப்பழக்கத்தை மறைத்து தாயகத்திலிருந்து பெண்களைத் திருமணம் செய்து அழைத்து வருகின்றனர்.

கணவனிடம் காணப்படும்   இப்பழக்கம் பற்றி அறியாமலோ வாழ்க்கையிலேயே குடியை வெறுக்கும் ஒரு பெண்ணாகவோ இருந்து, ஐரோப்பிய நாடுகளுக்கு வந்தபின் இதனை அறியும் போது தனது வெறுப்பை கணவனில் காட்டத் தொடங்குகின்றாள். இது காலப்போக்கில் பெரிய பூதாகரமாகின்றது. போதைக்கு அடிமையாகும் ஆண்கள் அளவுக்கதிகமாகக் காட்டுகின்ற அதிகாரம், ஆண்களிடம் பெண்களுக்கு ஒரு வெறுப்பு நிலையை ஏற்படுத்துகின்றது. மூர்க்கமாகத் தமது கோபத்தைக் காட்டுவதும், கையில் கிடைப்பதைக் கொண்டு அடிப்பதும், என வன்முறையில் ஈடுபடும்போது வாழ்க்கை என்பது ஒருமுறையே அதை ஏன் இப்படி நரகவாழ்க்கையாக வாழ வேண்டும் என்று நினைக்கும் பெண்கள் கணவன்மாரை விட்டு தனியே வாழ முற்படுகின்றார்கள்.

Read more...
 
யூஸூஃப் ஸூராவின் படிப்பினைகள் Print E-mail
Thursday, 22 February 2018 07:13

    யூஸூஃப் ஸூராவின் படிப்பினைகள்     

நபி யூசுஃப் ஸல்லல்லாஹு அலைஹி வஸல்லம் அவர்களின் அழகிய வரலாற்றிலிருந்து சில படிப்பினைகள்

o பொறாமை எண்ணம் கொண்டவர்களிடம் தன்னுடைய நல்ல கனவைக் கூட சொல்லிக் காட்டக் கூடாது என்கிற படிப்பினை
*அல்குர்ஆன் (12: 4, 5)*

o தனிமையிலும் அல்லாஹ்வை நினைத்து அஞ்சி நடந்துக் கொள்ளும் முன்மாதிரி.
*அல்குர்ஆன் (12: 23 & 33-34)*

o எப்படிப்பட்ட சோதனையான நிலையிலும் ஏகத்துவப் பிரச்சாரம் செய்த ஈமான் உறுதி நமக்கோர் படிப்பினை
*அல்குர்ஆன் (12: 37-40)*

o தன்னை கண்ணியமாகவும், நேர்மையாகவும் நடத்தும் தன் முதலாளியிடம் துரோகம் செய்வது அநீதியென்பதை உணர்த்தும் பாடம்.
*அல்குர்ஆன் (12: 23)*

o நமக்கு கவலை ஏற்படுத்தும் சில விஷயங்கள் நடக்கும்போது, நமக்கு தெரியாமலே அல்லாஹ் அதில் பல நன்மைகளை வைத்திருப்பான் என்ற
படிப்பினை.
*அல்குர்ஆன் (12: 15)* *மற்றும் ஸூராவின் கடைசி பகுதி ஆயத்கள்)*

Read more...
 
More Articles...
<< Start < Prev 1 2 3 4 5 6 7 8 9 10 Next > End >>

Page 1 of 93

99 Names Of Allaah

-         310 300nd

Links

Links 2

Best Article