உள்ளமும் உளநோய்களும்

       டீ. எம். ஹிஷாம் ஸலஃபி, மதனி      

[ ஒரு அருமையான கட்டுரை அவசியம் எல்லோரும் படிக்கவேண்டும்.]

மனிதனின் தேகத்தில் உள்ளம் மிகச் சிறப்பு வாய்ந்த ஓர் அங்கமாகும். எவருடைய உள்ளம் உயிரோட்டமுள்ள உள்ளமாக இருக்கின்றதோ அவர் உயிரோட்டமுள்ள மனிதனாகவும் மற்றும், எவருடைய உள்ளம் மரித்த நிலையில் இருக்கின்றதோ அவர் மரித்த மனிதனாகவும் கருதப்படுவார். இவ்வடிப்படையைக் கருத்தில் கொண்டே அல்லாஹ்வும் அவனது தூதரும் தத்தம் பொன்மொழிகளை அமைத்துள்ளார்கள்.எடுத்துக்காட்டாக. .

அல்லாஹ் கூறுகின்றான்: “எவருக்கு உள்ளம் இருக்கிறதோ அவருக்கும், அல்லது மன ஒருமைப்பாடுடன் செவியேற்கின்றாரோ அவருக்கும் நிச்சயமாக இதில் நல்லுபதேசம் இருக்கின்றது.” (அல்குர்ஆன் -காஃப்: 37)

மேலும், அல்லாஹ் கூறுகின்றான்: “நீங்கள் எதில் தவறு செய்தீர்களோ, அதில் உங்கள் மீது குற்றமில்லை எனினும், உங்களது உள்ளங்கள் வேண்டுமென்றே கூறுவது (உங்கள் மீது குற்றமாகும்). (அல்குர்ஆன் - அல் அஹ்ஸாப்: 5)

நபி ஸல்லல்லாஹு அலைஹி வஸல்லம் அவர்கள் கூறினார்கள்: “நிச்சயமாக உடம்பில் ஒரு சதைப்பிண்டம் இருக்கின்றது, அது சீர் பெறுமானால் உடம்பு பூராகவும் சீர் பெற்றுவிடும், அது கெட்டுவிட்டால் உடம்பு பூராகவும் கொட்டுவிடும், அதுவே உள்ளமாகும்.” (புகாரி, முஸ்லிம்)

இமாம் ஷாஃபிஈ ரஹ்மதுல்லாஹி அலைஹி அவர்கள் சொல்வதைக் கேளுங்கள்!

      மவ்லவி யூனுஸ் தப்ரீஸ்       

ஷாஃபிஈ   இமாமின் பெயரால் அல்லது ஷாஃபிஈ   மத்ஹபின் பெயரால் இப்படி தான் செய்ய வேண்டும் என்று சொல்லக் கூடிய நல்லுள்ளம் படைத்தவர்களுக்கு இது ஒரு நற் செய்தியாக அமையட்டுமாக!

குர்ஆன் அல்லது ஹதீஸிலிருந்து ஆதாரம் காட்டினாலும், இல்லை நாங்கள் ஷாஃபி மத்ஹபு, அந்த மத்ஹபின் அடிப்படையில் தான் அமல்களை நடை முறைப்படுத்துவோம். என்று பிடிவாதம் பிடிக்க கூடியவர்கள் பின் வரும் இமாம் ஷாஃபிஈ ரஹ்மதுல்லாஹி அலைஹி அவர்களின் சொற்களை நடைமுறைப்படுத்துவார்களா? அல்லது இமாம் ஷாஃபிஈ ரஹ்மதுல்லாஹி அலைஹி அவர்களையும் ”வஹாபி” பட்டியலில் சேர்த்து விடுவார்களா?

அவர்கள் சொன்ன சில சட்டங்களை பார்ப்பதற்கு முன், இமாம் அவர்களால் முன் வைக்கப்பட்ட சொந்த கருத்துக்களை கவனிப்போம்.

”என்னுடைய கிதாபுகளில் நபிகளாருக்கு மாற்றமான செய்திகளை நீங்கள் பெற்றுக் கொண்டால் நான் சொன்னதை விட்டு விட்டு, நபிகளார் சொன்னதையே சொல்லுங்கள். (கிதாபுல் மஜ்மூஃ பாகம் 1 பக்கம் 63)

”ஹதீஸ் ஸஹீஹானால் அதுவே என் மத்ஹபாகும். (கிதாபுஷ்ஷஅரானி பாகம் 1 பக்கம் 57 )

உம்மத்-தேசம்: உறவும் முரணும்

       ஏ.பி.எம். இத்ரீஸ்      

[  குர்ஆன் இறங்கிய ஆரம்ப காலப்பிரிவின் சொல்லாடல்களில் பிரதான மையக் கருவாக உம்மத், பலத், கவ்ம் என்ற சொற்கள் இடம்பெற்றுள்ளன. இறைவனின் வேதம் மண்ணுக்கான, தேசத்துக்கான முக்கியத்துவத்தை கொடுத்துள்ளது என்பதையே இச்சொற்கள் பறைசாற்றுகின்றன.

இஸ்லாம் என்பதே அரசியல்தான். அது மனித வாழ்வை முழுமையாக நோக்கி வழிகாட்டுகின்றது. அரசியலை விட்டும் இஸ்லாத்தைப் பிரித்தால் அது ஏனைய மதங்களில் ஒன்றாகிவிடும். இஸ்லாத்தையும் அரசியலையும் பிரிக்கக் கூடாது என்பதற்கு இதுவொரு முக்கிய காரணமாகும்.

இஸ்லாத்தின் சட்டங்கள் வானத்தில் மிதப்பவை அல்ல. அது பூமியில் நிலைநாட்டப் படுவதற்காகத் தரப்பட்டவை. எந்தவொரு உலக நாகரிகத்திற்கும் மனிதன், மண், காலம் ஆகிய மூன்றும் அடிப்படையாக அமையாமல் ஒரு நாகரிகம் எழுந்த வரலாறு கிடையாது.

மண்ணும் களியும் மனித உழைப்பால் ஒரு நாகரிகப் பண்பை அடைகின்றது. மனிதனுக்கும் மண்ணுக்குமுள்ள அத்தியந்த உறவை அல்குர்ஆன் பின்வருமாறு கூறுகின்றது.

‘உங்களை மண்ணிலிருந்து படைத்தது அவனது அத்தாட்சிகளில் ஒன்றாகும். பின்னர் நீங்கள் பூமியின் பல பாகங்களிலும் பரந்து வாழும் மனித சமூகங்களாக மாறினீர்கள்.’ (30:20) ‘உங்களை மண்ணிலிருந்து தோற்றுவித்து அதனை நிருவகிக்குமாறு அவன் கேட்டுக் கொண்டான்.’]

வீடு என்பது இறைவனின் அருட்கொடை

وَاذْكُرْنَ مَا يُتْلَىٰ فِي بُيُوتِكُنَّ مِنْ آيَاتِ اللَّهِ وَالْحِكْمَةِ ۚ إِنَّ اللَّهَ كَانَ لَطِيفًا خَبِيرًا

''உங்கள் வீடுகளில் கூறப்படும் அல்லாஹ்வின் வசனங்களையும், ஞானத்தையும் நினையுங்கள்! அல்லாஹ் நுணுக்கமானவனாகவும், நன்கறிந்தவனாகவும், இருக்கிறான்.'' (அல்குர்ஆன் 33:34)) 

ஒரு மனிதன் இவ்வுலகில் பெறுகின்ற மிக முக்கியமான பாக்கியங்களில் ஒன்று வீடாகும். அதிலும் சொந்த வீட்டில் வசிப்பது என்பது மிகப் பெரும் பாக்கியமாகும். ஒரு சொந்த வீட்டைக் கட்டுவதற்காக, கட்டிய மனைவியைப் பிரிந்து பல்லாண்டுகள் பாலைவனத்தில் தன் இளமையைத் தொலைக்கும் மக்கள் கணக்கிலடங்காது. எலி வலையானாலும் தனி வலை வேண்டும், வீட்டை கட்டிப்பார், கல்யாணத்தை நடத்திப் பார் என்பதெல்லாம் வீட்டின் முக்கியத்துவத்தை உணர்த்துவதற்காக மனிதனால் உருவாக்கப்பட்ட பழமொழிகளாகும்.

கொடும் வெப்பத்திலிருந்தும், ஆட்டும் குளிரிலிருந்தும் மனிதனைப் பாதுகாப்பது வீடு தான். அந்நியப் பார்வைகளை விட்டும் சுதந்திரமாக இருப்பதற்கும், மனைவியுடன் இன்பகரமான இல்வாழ்க்கை நடத்துவதற்கும் வசதியான இடம் வீடு தான். பெண்கள் சுதந்திரமாக வலம் வருவதற்குப் பாதுகாப்பான இடம் வீடு தான். ஒருவர் தன்னுடைய செல்வத்தினையும், பொருட்களையும் பாதுகாத்து வைப்பதற்குரிய சிறந்த இடம் தான் வீடு. வெளி வாழ்க்கையில் இன்னலையும், சிரமங்களையும், கஷ்டங்களையும் தாங்கி வருவோர்க்கு நிம்மதி தரும் இடம் அவன் வசிக்கும் வீடு தான்.

மனித நேய மாண்பாளர்களுக்கு இஸ்லாம் வழங்கும் நன்மைகள்

மனித நேயப் பணிகளில் தங்களை ஈடுபடுத்திக் கொண்ட, ஈடுபடுத்திக் கொண்டிருக்கிற மனித நேய மாண்பாளர்களுக்கு இஸ்லாம் வழங்கும் நன்மைகள் கணக்கற்றவை.

1. சேவையும் இறைவழிபாடுதான்..

அல்குர்ஆன் இறைவனுக்கு வழிபடுவதை மனித வாழ்க்கையின் லட்சியம் எனக் குறிப்பிடுகிறது.

وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ()

“நான் ஜின்களையும், மனிதர்களையும் எனக்கு வழிபட வேண்டும் என்பதற்காகவேயன்றி வேறு எதற்காகவும் படைக்கவில்லை”. (அல்குர்ஆன்: 51: 56 )

அல்குர்ஆன் அல்லாஹ்வின் படைப்பினங்களுக்கு, சக மனிதர்களுக்கு சேவை செய்வதை வாழ்க்கையின் குறிக்கோள் என வலியுறுத்துகிறது.

يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ ()

“இறை நம்பிக்கை கொண்டவர்களே! நீங்கள் ருகூவும், ஸுஜூதும் செய்யுங்கள். மேலும், உங்கள் இறைவனுக்கு வழிபடுங்கள். மேலும், சேவையாற்றுங்கள். நீங்கள் வெற்றியடையக் கூடும்!”. (அல்குர்ஆன்: 22: 77)

இறை நம்பிக்கையே இஸ்லாத்தின் வெற்றி!

     உ. காஜா மைதீன்    

ஆதி பிதா ஆதம் அலைஹிஸ்ஸலாம் தொட்டு இறுதி நபி முஹம்மது ஸல்லல்லாஹு அலைஹி வஸல்லம் அவர்கள் வரை மேற்கொண்ட இறைபணி அனைத்திலும் கொண்ட முழு வெற்றிக்குக் காரணம் அவர்களின் அசைக்க முடியாத இறை நம்பிக்கையே.

நெருப்புக் குண்டத்தில் வீழ்த்தாட்டிய போதும், அருமை மகன்  இஸ்மாயீல் அலைஹிஸ்ஸலாம் அவர்களை இறை கட்டளைப்படி குர்பானி கொடுக்க கொடு வாளை எடுத்த போதும் இப்ராஹிம் அலைஹிஸ்ஸலாம் அவர்கள் உள்ளத்தில் இருந்த அசைக்க முடியாத இறை நம்பிக்கையால் இறைவனால் பாதுகாக்கப்பட்டும், உலகம் உள்ளமட்டும் அவர்வழி நமக்குப் பேம் வழி நடைமுறையாக ஆக்கி வைத்தும் கலீல் தோழரே என்று பெருமையுடன் இப்ராஹிம் அலைஹிஸ்ஸலாம் அவர்களைப் பாராட்டினான்.

உயிர் பிழைக்க தன்னுடன் வந்த அடியார்களுடன் கடல் எல்லை வரை சென்று இனி என்ன செய்வது? யா அல்லாஹ் எங்களை எதிரிகளிடமிருந்து காப்பாற்று என இறை நம்பிக்கையுடன் மூசா அலைஹிஸ்ஸலாம் அவர்கள் இறைஞ்சி நின்றபோது, வல்லரஹ்மான் எதிர்நின்ற கடலைப் பிளந்து மூசா அலைஹிஸ்ஸலாம் அவர்களை அடியார்களுடன் உயிர் பிழைக்கவும் வைத்தான்.

இஸ்லாம் வகுத்த அரசியல் இலக்கணம்

    மௌலவி, அ. முஹம்மது கான்  பாகவி    

முதலில் ‘அரசியல்’ என்றால் என்ன என ஆய்வோம். ஆட்சி, அதிகாரம் பற்றிய கோட்பாடுகளும் நடைமுறைகளும்தான் அரசு இயல் (Politics) எனப்படுகிறது.

அரசின் அமைப்பு, குடிமக்களின் உரிமை, அரசின் கடமை, அதிகாரம் முதலியவற்றை வரையறுக்கும் அடிப்படை சட்டமே (Constitution) அரசியல் சாசனம், அல்லது அரசியல் சட்டம் எனப்படுகிறது.

மனிதர்கள் ஒரு பத்துப்பேர் சேர்ந்து வாழ ஆரம்பித்த நாளிலேயே அரசியலுக்கும் வாழ்வு வந்துவிட்டது என்பதுதான் எதார்த்தம்.

பதின்மரில் ஒருவர் மூத்தவர் (தலைவர்); அவரது வழிகாட்டலின் பேரில் செயல்பட இருவர், அல்லது மூவர் (அமைச்சர்கள்). சிறார்கள் அந்த இடத்தில் வாழ்ந்து வளர வேண்டியவர்கள் (குடிமக்கள்). ஆயினும், ‘தத்துவம்’ (Philosopy), அல்லது ‘கோட்பாடு’ (Theory) என்ற தகுதி அடிப்படையில் பார்த்தால், மனிதன் தோன்றி பல்லாயிரக்கணக்கான ஆண்டுகளுக்குப் பிறகே அரசியல் எனும் தத்துவம் உருப்பெற்றது.

அரசு மற்றும் அதோடு தொடர்புடைய கோட்பாடுகளான அரசியல் கடமை, அரசியல் சட்டம், சமூக நீதி, அரசியல் அமைப்பு போன்றவற்றை ஆராயும் துறையாக அரசியல் தத்துவம் பரிணமித்தது, மிகவும் பின்னால்தான்.

ஒன்று கூடும் இடங்களும் ஒழுங்குகளும்!

மனிதர்கள் அனைவரும் தமது தேவைகளுக்காக வீட்டை விட்டு வெளியே சென்றாக வேண்டிய நிலையில் உள்ளனர். அவ்வாறு செல்லக்கூடிய இடங்கள் நாம் வேலை செய்யும் அலுவலகம், கடைவீதிகள், பேருந்து நிறுத்தங்கள், காய்கறிகடைள், ரயில் நிலையங்கள், திருமண மண்டபங்கள், இப்படி பல்வேறு இடங்களுக்கு செல்கிறோம். இங்கே நம்மை போல் பலரும் வருவார்கள். இவ்வாறு கூட்டமாக சேருமிடங்களில் எவ்வாறு நடந்து கொள்ள வேண்டும் என்பதை அனைவரும் தெரிந்து வைத்துக்கொள்வது அவசியமாகும்.

      புறப்படும் போது      

முதலில் வீட்டை விட்டு வெளியே போகும் போதே அல்லாஹ்விடம் பிரார்த்தனை செய்து செல்ல வேண்டும். ஏனென்றால் நாம் போகும் இடங்களில் ஏற்படும் அனைத்து பிரச்சனைகளுக்கும் அல்லாஹ்வை பொறுப்பாளனாக்கி செல்வதே சிறந்தாகும்.

நபி ஸல்லல்லாஹு அலைஹி வஸல்லம் அவர்கள் வீட்டை விட்டு வெளியே செல்லும் போது துஆச் செய்து செல்வார்கள்.

 أَخْبَرَنِي مُحَمَّدُ بْنُ قُدَامَةَ قَالَ حَدَّثَنَا جَرِيرٌ عَنْ مَنْصُورٍ عَنْ الشَّعْبِيِّ عَنْ أُمِّ سَلَمَةَ
أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا خَرَجَ مِنْ بَيْتِهِ قَالَ بِسْمِ اللَّهِ رَبِّ أَعُوذُ بِكَ مِنْ أَنْ أَزِلَّ أَوْ أَضِلَّ أَوْ أَظْلِمَ أَوْ أُظْلَمَ أَوْ أَجْهَلَ أَوْ يُجْهَلَ عَلَيَّ

பிஸ்மில்லாஹி ரப்பி அவூது பி(க்)க மின் அன் அஸில்ல அவ் அளில்ல அவ் அள்ளம அவ் உள்லம அவ் அஜ்ஹல அவ் யுஜ்ஹல அலய்ய என்று வீட்டைவிட்டு வெளியேறும் போது கூறுவார்கள். (நூல்: நஸயீ 5391,5444)

(பொருள் : அல்லாஹ்வின் பெயரால் (வெளியேறுகிறேன்).என் இறைவா! நான் சருகி விடாமலும் வழிதவறிவிடாமலும் அநீதி இழைக்காமலும், அநீதி இழைக்கப்படாமலும், மூடனாகாமலும், (பிறரை)மூடனாக்காமலும், இருக்க உன்னிடம் பாதுகாப்புத் தேடுகிறேன்.)

உயிருக்கு உயிரான, உயிரினும் மேலான...

அல்லாஹ் ஒருவனென்றும், அவனையே, அவனை மட்டுமே வணங்கவேண்டுமென்ற ஏகத்துவ நிழலின் கீழ் இளைப்பார வைத்தவர்கள் நபி ஸல்லல்லாஹு அலைஹி வஸல்லம்  அவர்கள் .

நாம் அவர்களை நேசிப்பதற்கு கோடான கோடி காரணங்கள் உண்டு. ஏனென்றால், அவர்கள் ”நம் உயிருக்கு உயிரானவர்கள்! இல்லை, இல்லை நம் உயிரினும் மேலானவர்கள்”!

அவர்களின் உம்மத் எனும் பேறு பெற்ற சமுதாயத்தில் என்னையும், உங்களையும் நாம் கேட்டுப் பெறாமலே, மன்றாடிக் கேட்காமலே ஒரு அங்கமாக அல்லாஹ் ஆக்கியிருக்கின்றானே அந்த ஒன்றிற்காகவே நாம் வாழ்நாள் முழுவதும் வள்ளல் நபி மீது நேசம் கொண்டிட கடமைப் பட்டிருக்கின்றோம்.

பாம்பின் தோற்றத்தில் ஜின்களின் நடமாட்டம்

முதுகில் இரண்டு வெள்ளைக் கோடுகள் உள்ள பாம்பையும் குட்டை வால் பாம்பையும் கொல்லுங்கள். ஏனெனில், அது பார்வையை பறித்துவிடும். கர்ப்பத்தைக் கலைத்து விடும் என நபி ஸல்லல்லாஹு அலைஹி வஸல்லம் அவர்கள் கூறினார்கள். (அறிவிப்பவர்: இப்னு உமர் ரளியல்லாஹு அன்ஹு, நூல்: முஸ்லிம்-4491, புகாரி-3297)

இப்னு உமர் ரளியல்லாஹு அன்ஹு அவர்களது வீட்டில் பள்ளிவாசலுக்குச் சமீபமாகச் செல்லும் வகையில் ஒரு வாசல் அமைப்பது குறித்து இப்னு உமர் ரளியல்லாஹு அன்ஹு அவர்களிடம் பேசினார்கள்.

(வாசலமைக்கும் பணி நடைபெற்ற போது) பணியாளர்கள் பாம்பின் சட்டை யொன்றைக் கண்டனர். அப்போது இப்னு உமர் ரளியல்லாஹு அன்ஹு அவர்கள் பாம்பைத் தேடிப் பிடித்துக் கொல்லுங்கள் என்று கூறினார்கள்.

அதற்கு அபூ லுபாபா ரளியல்லாஹு அன்ஹு அவர்கள், வீட்டிலுள்ள (மெல்லிய வெண்ணிறப்) பாம்புகளைக் கொல்ல வேண்டாமென அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் தடை செய்துள்ளார்கள் என்று சொன்னார்கள். (அறிவிப்பவர்: நாபிஉ ரளியல்லாஹு அன்ஹு, நூல்: முஸ்லிம்-4494)

சொற்களில் விஷமத்தனம்!

    எஸ்.என்.ஆர். ஷவ்கத்அலி மஸ்லஹி    

விஷம் உயிரைக் கொன்றுவிடும். விஷப்பூச்சிகள் கடிக்கும் போது, அதன் அசல் விஷம் இரத்தத்தில் இரண்டற கலக்கிறபோது, இரத்த ஓட்டம் பாதிப்படைகிறது. மரணம் அவனையும் அறியாமலேயே நிகழ்ந்துவிடுகிறது.

ஆப்பிரிக்க தேசத்திற்கு அடுத்தபடியாக இந்திய தேசத்தில் தான் விஷப்பூச்சிகள், புழுக்கள், வண்டுகள் அதிகம். சதாவும் அங்குமிங்கும் ஊசியும் கையுமாய் உலாவிக் கொண்டிருக்கும் நர்சுகளுக்கு மத்தியில், வீடு தேடி வந்து விஷஊசி போட்டுச் செல்லும், அதுவும் முற்றிலும் இலவசமாய்... அவரவரர் வசிப்பிற்கும், வசதிக்கும் ஏற்ப...! எழுதவும் வேண்டுமோ அவை கொசுக்கள் என்று.

ஒரு மனிதனுக்கு மானம் எப்படி மிக முக்கியமோ அவ்வாறே அவன் வாழும் சமூகத்துக்குச் சொந்தமான மனிதம், முக்கியம். இதையே “ஈவு இரக்கம்“ என்றும் சொல்வர்.

இதுவே அரபியில் “ரஹ்மத், ரஹ்மானிய்யத், ரஹீமிய்யத்” என்றும் அழைக்கப்படுகிறது. நாம் அன்றாடம் தொட்டதற்கெல்லாம் சொல்லிக் கொள்ளும்.

வாழ்வைத் தொலைத்துக் கொண்ட மனித குலமும், மகத்தான தூதை மறந்து விட்ட சிறந்த உம்மத்தும்

      இனாமுல்லாஹ்     

பிரபஞ்சம், அதில் எங்கோ இருக்கும் பால்வெளி மண்டலம், அதிலும் அடையாளம் காண முடியாத நமது சூரிய குடும்பம், நமது சிறிய கோள் புவி, தன்னைத் தானே ஒரு முறை சுற்றி, சூரியனை கோளப்பாதையில் சுற்றிவருதல், அதன்மூலம் இரவு பகல் மாறி வருதல், நாட்கள், வாரங்கள்,மாதங்கள்,வருடங்கள் என காலத்தின்த்தின் கணிப்பீடு, ஓசோன் மண்டலம், வளி மண்டலம், சூரியனின் கதிர்வீச்சு, ஆறு கடல், மழை நீர் , நீர் , நெருப்பு ,காற்று, கடலிலும் தரையிலும் உள்ள அனைத்து படைப்பினங்கள், தாவரங்கள், உயிரினங்கள், நுண்ணுயிர்கள்ஸஒன்றோடு ஒன்று தொடர்புபட்ட வாழ்வுச் சக்கரம்.

இவற்றை எல்லாம் மண்ணில் வாழ்வதற்காக, மண்ணினால் படைக்கப்பட்ட மனிதனுக்காக படைத்து, வயப்படுத்தி அவனுக்கு அவற்றைக் கையாளும் அறிவு ஞானத்தையும் வழங்கிய பின் அத்தனை பிரபஞ்ச நியதிகளையும் திட்டமிட்டு தீர்மானித்து வகுத்து இயங்கச் செய்து கொண்டிருக்கும் எல்லாம் வல்ல அல்லாஹ் காலத்திற்குக் காலம் இறை தூதர்களை அனுப்பி மனித குலத்திற்கான வாழ்வு நெறி எனும் அமானிதத்தை வழங்கி இருக்கின்றான்.

தனது உடல் அறிவு ஆன்மா இந்த மூன்றையும் இறைவன் வகுத்த வழியில் தனி மனிதனாக, குடும்பமாக, சமூகமாக, தேசமாக, உம்மத்தாக, உலகமாக வாழ்வதன் மூலம் இவ்வுலக மற்றும் மறு உலக வாழ்வில் வெற்றி பெற வேண்டிய மனிதன் இன்று அளவின் விளிம்பில் அல்லல் பட்டுக் கொண்டிருக்கின்றான்.

முஸ்லிம் உலகம் இஸ்லாத்தை தொலைத்து விட்டதா?

  மஸிஹுத்தீன் இனாமுல்லாஹ்  

தனிமனிதாக, குடும்பமாக, சமூகமாக, நாடாக, உம்மத்தாக, சர்வதேசமாக மனிதன் வாழ்வதற்கே காலத்திற்குக் காலம் நபிமார்களும், தூதுவர்களும், இறைத் தூதுகளுடன் அருளப்பட்டனர்.

இறுதி இறைத்தூதர் முஹம்மத் ஸல்லல்லாஹு அலைஹி வஸல்லம் அவர்கள், சஹாபாக்கள், தாபிஈன்கள், அவர்கள் பின் வந்த நல்லடியார்கள் மனித வர்க்கத்திற்கு தத்தமது பங்களிப்பை செய்திருக்கின்றார்கள்.

இறைவன், பிரபஞ்சம், உலகம், வாழ்வு, மரணம், இம்மை, மறுமை குறித்த மிகவும் தெளிவான கோட்பாட்டுச் சிந்தனைகளை கொண்டுள்ள சிறந்த ஒரு உம்மத்தான நாம் நவீன உலகிற்கு இஸ்லாம் குறித்த எத்தகைய நடை முறைகளை, முன் மாதிரிகளை தனி மனிதர்களாக, குடும்பமாக, சமூகமாக, நாடாக, உம்மத்தாகவும் முன்வைத்துக் கொண்டிருக்கின்றோம் என்பதே ஒவ்வொரு விசுவாசியினதும் ஆன்மாவை ஆட்டிப் படைக்கின்ற, உள்ளத்தை உறுத்துகின்ற கேள்வியாகும்.

இஸ்லாத்தின் பெயரால், ஷரீஅத்தின் பெயரால், அகீதாவின் பெயரால், கிலாஃபத்தின் பெயரால், ஆன்மீகநெறிமுறைகளின் பெயரால் மொத்தத்தில் மதத்தின் பெயரால், முரண்பட்ட சிந்தனைகளுக்குள் சிக்கி சின்னாபின்னப்பட்டு இம்மை மறுமை வாழ்வின் அத்துணை இலக்குகளையும் தொலைத்துக் கொண்ட ஒரு உம்மத்தாக, இஸ்லாத்தின் எதிரிகளை உள்வீட்டில் வைத்து பாதுகாக்கும் ஒரு உம்மத்தாக எதிரிகளின் நலன்களுக்கேற்பவே செயல்படுபவர்களாக நாம் மாறி வருகின்றோம்.

மனிதனின் தேவை - மன அமைதி!

    மவ்லவி O.M. அப்துல் காதிர் பாகவி    

“அறிந்து கொள்ளுங்கள்! அல்லாஹ்வை தியானிப்பது கொண்டு மனங்கள் அமைதியடைகின்றன.” (அல்குர்ஆன் 13: 28)

நோய் என்பது, மனித சமுதாயத்தை முழுவதுமாக ஆட்கொண்டு விட்ட தீமையாகும். நோயற்ற மனிதனே இன்றைய நவயுகத்தில் இல்லையென்று கூறும் அளவிற்கு அங்கிங்கெனாதபடி எங்கும் வியாபித்துள்ளது.

மனிதர்கள் ஏழை, பணக்காரன் பாகுபாடின்றி, சக்திக்கேற்ப தங்கள் சரீரத்தைப் பீடித்த நோய்க்கு சிகிச்சையளிக்கின்றனர். ஆனால் அனைவருமே சிகிச்சையளிக்க வேண்டிய முக்கியமான ஒரு உறுப்பைக் கவனிக்க மறந்து விடுகிறார்கள்.

அந்த உறுப்பு செயலற்றுவிட்டால், ஏனைய உறுப்புக்கள் எவ்வளவு திடகாத்திரமாக இருந்தாலும் பயனில்லை. ‘மையித்து’ என்று இனம் காட்டப்பட்டு ஒதுக்கி தள்ளப்படுகிறது. அந்த உறுப்பு இயங்கிக் கொண்டிருந்தால் மற்ற உறுப்புகள் துண்டாடப்பட்டாலும், புழுத்துக் கொட்டினாலும் மனிதன் என்ற மரியாதையளிக்கப்படுகிறது.

அந்த உறுப்பில் நோயின் அறிகுறிகள் தோன்றிவிட்டால் அனைத்து உறுப்புகளிலும் நோய் தொற்றிக் கொள்கிறது. அந்த உறுப்பு ஆரோக்கியமாக இருந்தால் ஏனைய உறுப்புகள் எவ்வளவு நோய் தொற்றினாலும் சமாளித்துக் கொள்ள முடியும்.

ஆபத்துக்கு உதவுவது யார்?

சொற்ப கால வாழ்க்கை !
மாய உலகம் !
மயக்கும் ஷைத்தான்!
ஷைத்தானின் வலையில் விழுந்து விடாதீர்கள்!
அல்லாஹ்வை அஞ்சி வாழ்வோம்!

சொற்பக் கால வாழ்க்கை. அந்த வாழ்க்கையில் நமக்கு ரொம்ப முக்கியம் நல்ல [சாலிஹான ] அமல்கள் செய்வது, அல்லாஹ்வின் திருப் பொருத்தத்தை அடைவது . அண்ணல் நபி [ஸல்] அவர்களின் வழிமுறைகளை பின்பற்றி வாழ்வது. இவைகள் தான் ரொம்ப முக்கியம். இவைகள் தான் மறுமை நாளில் நமக்கு பலன் தரும்.

ஓர் ஊரில் ஒரு வாலிபர் ஒரு பேணுதலான பெரிய மனிதருடன் தொடர்பு வைத்து பல நல்ல விஷயங்களை அப்பெரியார் மூலம் தெரிந்து கொண்டார். மேலும் மார்க்க விஷயங்களில் மிக பேணுதலாகவும் இருந்து வந்தார். அந்த வாலிபர் இவ்வாறு அப்பெரியாருடன் தொடர்பு வைப்பதும் மார்க்க விஷயத்தில் பேணுதலாக இருந்து வருவதும் அவ்வாலிபரின் தந்தைக்கு பிடிக்கவில்லை . எனவே அப்பெரியாரிடம் தொடர்பு வைப்பதை அத்தந்தைத் தடுத்துவிட்டார்.

[பெரும்பாலும் பெற்றோர்கள் தம் பிள்ளைகளை உலக கல்வியை தான் குறிகோளாக வைத்து ஆர்வம் ஊட்டுவார்கள். ''நன்றாக படி அப்படி படித்தான் இன்ன வேலை கிடைக்கும் இப்படி இப்படி ஆகலாம் நல்ல சம்பாதிக்கலாம்'' என்று கூறுவார்கள் .தம் பிள்ளைகள் தப்லிக் ஜமாஅத் ஈடுப்பாடு இருந்தால் பெற்றோர்களுக்கு பயம் .ஏன் இப்படி அவர்கள் நினைக்கிறார்கள் என்று புரியவில்லை..? உலக கல்வி அவசியம்! மார்க்க கல்வி ரொம்ப ரொம்ப அவசியம்! ]

சகோதரனின் மாமிசம் இலவசமா?

குடும்ப வாழ்விலும் சமூக வாழ்விலும் பல குழப்பங்களுக்கு வித்திடும் பாவங்களில் ஒன்று புறம் பேசுதல். இதுபோன்ற மனித மனம்சார்ந்த பாவங்களைத் தடுக்கவோ சமூகத்தில் பரவாமல் தடுக்கவோ என்ன செய்யலாம் என்று கேட்டால் நாத்திகர்களிடம் இதற்கு பதில் கிடைக்காது. காரணம் அவர்களுக்கு இறைநம்பிக்கையும் கிடையாது.

மரணத்திற்குப்பின் நம் வினைகளுக்கு விசாரணை உண்டு என்ற நம்பிக்கையும் கிடையாது. இந்த அப்பட்டமான உண்மைகளை மறுப்பதனால் சமூக சீர்திருத்தம் என்பதை அவர்களால் வாயளவில் பேசத்தான் முடியுமே தவிர நடைமுறை சாத்தியமான எந்த தீர்வுகளையும் அவர்களிடம் இருந்து எதிர்பார்க்கவும் முடியாது. மேலும் இதுபோன்ற பாவங்களை சட்டம்போட்டும் தடுத்துவிட முடியாது.

இதுபோன்ற பாவங்களை மனிதமனங்களை சீர்திருத்துவதன் மூலம் மட்டுமே கட்டுப்படுத்த முடியும். திருக்குர்ஆனும் நபிமொழிகளும் பகுத்தறிவு பூர்வமான இறைநம்பிக்கையையும் மறுமை நம்பிக்கையையும் கற்பிப்பதால் இறையச்சம் என்ற பொறுப்புணர்வை மனித மனங்களில் விதைக்கின்றன. இறைவன் தன்னைக் கண்காணிக்கிறான் என்ற உணர்வு விதைக்கப்படுவதால் யாரும் காணாதபோதும் பாவங்களில் ஈடுபடுவதில் இருந்து அவை மனிதனைத் தடுக்கின்றன.

புறம் பேசுவதனால் ஏற்படும் தீமைகள் குறித்து இறைவனும் அவனது தூதர் ஸல்லல்லாஹு அலைஹி வஸல்லம் அவர்களும் மிகக் கடுமையாக எச்சரித்துள்ளனர். மரணித்த பிறகு சமாதியிலும், மறுமையிலும் மிகக் கொடிய தண்டனைகளைப் பெற்றுத் தரும் மிக மிக தீய செயலான புறம் பேசுவதை விட்டும் நாம் அவசியம் கைவிட வேண்டும்.

கடனாளியாக மரணித்த மாமன்னர்!

தான் ஆதிக்கம் பெற்ற நாட்டின் முழு வளங்களுக்கும் தான்தான் அதிபதி என்ற மனோநிலை ஆட்சிப் பொறுப்பில் வருபவர்களுக்கு வந்து விடுவதை நாம் காண்கிறோம்.

நாட்டு வளங்களுக்கு உண்மை அதிபதி இவ்வுலகைப் படைத்த இறைவனே. அவன் தற்காலிகமாக தந்திருப்பதே இந்த ஆட்சியதிகாரம், இதுபற்றி இறைவன் என்னை விசாரிக்க உள்ளான் என்ற பொறுப்புணர்வு இருந்தால் இவர்கள் நாட்டின் சொத்துக்களை தனதாக்கும் முயற்சியில் ஈடுபடமாட்டார்கள்.

இறைவனின் இறுதித்தூதர் முஹம்மது நபி ஸல்லல்லாஹு அலைஹி வஸல்லம் அவர்கள் கூறினார்கள்:

“உங்களில் ஒவ்வொருவரும் பொறுப்பாளரும், பாதுகாவலரும் ஆவார். உங்களில் ஒவ்வொருவரும் அவரது கண்காணிப்பின், பொறுப்பின் கீழ் உள்ளவர்களைப் பற்றிக் கேட்கப்படுவார். ஆட்சியாளரும் பொறுப்பாளரே; அவரிடம் அவரது குடிமக்களைப் பற்றி வினவப்படும்....“ (அறிவிப்பு: அப்துல்லாஹ் இப்னு உமர் ரளியல்லாஹு அன்ஹு, நூல்: புகாரி, முஸ்லிம்)

அநீதிக்கு எதிரான போர்களத்தில் இஸ்லாம்

o காகிதத்தில் சுகம் கண்டு ஏமாறுதல்

o வங்கியாளர்களின் நம்பிக்கை துரோகம்

o பெடரல் ரிசர்வ் வங்கியும் நமது ரிசர்வ் வங்கியும்

o உலகை ஆளும் வஞ்சக வலை

o பலியாடாக இந்திய மக்கள்

o நம்பிக்கையூட்டும் இஸ்லாம்!

o உண்மையில் இஸ்லாம் என்றால் என்ன?

o இஸ்லாம் ஏன் எதிர்ப்புக்குள்ளாகிறது?

o இஸ்லாம் வலியுறுத்தும் பொருளாதாரப் புரட்சி

o இஸ்லாத்தின் அபார வளர்ச்சி!

சமூக எழுச்சிக்கான வழிமுறைகள்

     அஷ்ஷெய்க் ஏ.ஸி. அகார் முஹம்மது    

இஸ்லாமிய உலகத்தின் அண்மைக் கால வரலாற்றில் ஒரு மோசமான காலக்கட்டத்தை இஸ்லாமிய உலகம் கடந்து கொண்டிருக்கிறது என்றால் அது மிகையல்ல.

ஒரே சமயத்தில் பல்வேறு துறைகளிலும் ஒரு பயங்கரமான வீழ்ச்சியை நாம் காண்கிறோம். ஆன்மீகம், கல்வி, பொருளாதாரம், அரசியல், அறிவியல், பண்பாடு என பல்வேறு துறைகளிலும் ஒரு இக்கடான காலக்கட்டத்தை இஸ்லாமிய சமூகம் சந்தித்து வருகிறது.

அரபு வசந்தத்தை தொடர்ந்து ஒரு மாற்றம் வரலாம் என்ற எதிர்பார்ப்பு இருந்தது. ஆனால், அந்த எதிர்பார்ப்பு கைகூடவில்லை என்பது வருத்தத்திற்குரிய விஷயம். இந்த வீழ்ச்சிக்கு இரண்டு விதமான காரணங்களை அடையாளம் காணலாம்.

ஒன்று, வெளியில் இருந்து வீசப்படும் சவால்கள். மத்திய கிழக்கின் நாடுகளை ஒன்றன் பின் ஒன்றாக ஒன்றும் இல்லாமல் ஆக்க வேண்டும் என்பதற்கான திட்டம் பல ஆண்டுகளுக்கு முன்னரே தீட்டப்பட்டுவிட்டது. இஸ்லாத்தின் எழுச்சியை, முஸ்லிம்களின் எழுச்சியை தாங்கிக் கொள்ள முடியாத சக்திகள் இந்த சதிகளை தீட்டுகின்றன.

[ எந்த ஒரு காரியத்தைச் செய்தாலும், ‘தீன் சேவை’ செய்தாலும் அல்லாஹ்வக்காக இக்லாஸாக செய்ய வேண்டும். அப்படிச் செய்யும் காரியங்களுக்குத்தான் வெற்றி கிட்டும், அல்லாஹ்விடம் நற்கூலி கிடைக்கும்.

அன்றி, அணுவளவு பெருமையோ, மனப்பூரிப்போ, ஒருவிதமான திருப்தியோ ஏற்பட்டால், நாம் செய்யும் காரியங்களுக்காக பூரண நன்மையை எதிர்பார்க்க முடியாது. அல்லாஹ்வுக்காக இல்லாமல் வேறொன்றை நாடி எந்தக் காரியத்தை செய்வதைவிடவும் செய்யாமல் இருப்பதே நல்லது.

‘மஆதே! நீர் இக்லாஸுடன் அமல் செய்வீராக! அப்படிச் செய்தால் கொஞ்ச அமலே உமக்குப் போதுமானதாகும்!’ என்று கண்மணி நாயகம் ஸல்லல்லாஹு அலைஹி வஸல்லம் அவர்கள் உபதேசித்துள்ளார்கள். இக்லாஸில்லாமல் ஆயிரமாயிரம் அமல்கள் செய்வதை விடவும், இக்லாஸுடன் செய்யப்படும் சொற்ப அமல்களே போதுமானது.

‘எவன் பிறருக்குக் காண்பிப்பதற்காக தொழுகின்றானோ அவன் முஷ்ரிக் (இணை வைப்பாளன்) ஆவான். இன்னும் பிறருக்குக் காட்டுவதற்காக நோன்பு வைக்கின்றவனும் முஷ்ரிக் ஆவான், பிறருக்கு காட்டுவதற்காக தர்மம் கொடுப்பவனும் முஷ்ரிக் ஆவான்’ என்றும் அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் கூறியுள்ளார்கள்.

பிறர் பாராட்ட வேண்டும் என்னும் எண்ணம் உள்ளத்தில் தோன்றினாலும் உடனே ‘அஸ்தஃபிருல்லாஹ் லாஹவ்ல வலா குவ்வத்த இல்லாபில்லாஹ்’ ஓதி எண்ணத்தை மாற்றிக் கொள்ள வேண்டும்.]